رواية إعادة تأهيل معقدة بقلم زهرة عصام

تعريف الرواية

أبي...

   بتُ طول عمري أنتظرك و لكن لم تأتي

تركتنا صغار و لم تهتم

لم تنظر خلفك و لو لثانية

   لم يشغل بالك إن كنا جياع

         و ماذا الآن ؟ 

هل أدركت خطاك ؟ تريد العودة ؟! 

    إن استطعت أن تمسح من ذاكرتي ما حدث طوال تلك السنوات فمرحباً بك في حياتنا من جديد

تصنيف الرواية

إجتماعي، رومانسي، و بعض الكوميديا

سرد الرواية

السرد عامي

حوار الرواية

الحوار عامي

❈-❈-❈

الفصل السادس

أيمن فتح الباب و شاف الشاويش بيضحكله و قال:- شوف يا شيخ مقدرتش أبعد عنك إزاي هات المودام و أمها و اتفضلوا معايا انتوا التلاتة مطلوب القبض عليكم

زيزي:- يا وجعة مربرة هنرحع تاني لـ عطيات لا مش عاوزة

الشاويش:- هو أية اللي مش عاوزة إحنا بنقولك تعالي نفسحك في دريم بارك يلا يختي إنتي و بنتك قدامي و هاتوا الراجل دا معاكم

أيمن:- أنا عملت اية يا شويش هو انا لحقت أخرج من عندكم لما تجبوني من قفا.يا كدا 

الشاويش:- يلا يا عم مش ناقصة عطلة و خده من دراعة و مشي و زيزي و دولت العساكر اخدتهم

تمارة كانت واقفة في المكتبة اللي قصاد البيت و لقيتهم ساحبين أبوها و دولت و زيزي ضحكت بصوت عالي و قالت بشماتة:- هو اللهم لا شماتة و كل حاجة بس انا شمتانة و ضحكت جامد أيمن بصلها بغيظ و تمارة كملت و هي بتبص لـ دولت أصل نومت البرش عجبتهم و حلفت لـ تخلي العيلة كلها تجربها و ضحكت بصوت عالي

ورد مقدرتش تمسك نفسها و ضحكت هي كمان و قالت:- يخربيت دماغك مشكلة يا تمارة يا بنتي ارحمي نفسك

تمارة بلا مبالاة:- يلا ادينا بنتسلي دا.هية تاخدهم كلهم و نخلص منهم 

دولت :- شوفت بتلقح علينا بالكلام ازي عشان لما أقولك تربيها من أول و جديد متبقاش تسمع كلام اعمل حسابك لو أنت مربتهاش قدام الحارة كلها أنا اللي هربيهالك يا أيمن

أيمن:- يختي ركزي في المصيبة اللي إحنا داخلين عليها الأول بلا واكسة 

زيزي:- اية يا شيخ اية مش عارف تعلم عيالك إزاي يحترموا الأكبر منهم خلفة اية دي بس يا ربي 

تمارة سمعتهم و قالت بصوت عالي:- كبيرة الر.قصات متنظر.يش عليا عشان محطكيش في دماغي و بعدين لو الكبير احترم سنه الصغير مش هيقل منه يا ريت نفهم الكلمة بقي بدل ما افهمها ليكم 

زيزي حطت اديها في وسطها بردح و قالت:- انتي عيلة انتي دا انتي اكبر من أمي 

تمارة :- شايف يا شاويش هما اللي بيجروا شكل الواحد اهو اشهد عليهم بقي لما اجي أقدم بلاغ

أيمن و دولت بصولها باستهزاء و أيمن قال:- طب روحي استغطي كويس قبل ما تنامي يا تمارة يو خسارة دا انتوا حتي محليتكوش الغطا

تمارة ابتسمت و قربت منه و قالت:- اهدي على نفسك شوية يا بشا كل حاجه إحنا عاوزينها هتجيلنا تمام و كل حاجة بتاعتنا هترجعلنا و كله بالقانون و سلملي على براص التخشيبة و ضحكت باستفزاز و مشيت 

ورد :- معلمة وأقسم بالله معلمة

تمارة:- بشا أنا مش أي حد و لو حطيت حد في دماغي اعرفي إن نهايتة قربت 

ورد :- لا دا انتي بتخاف منك أوي يا تمارة

تمارة:- يتخاف مني على اللي يغدر بينا لكن صحابي دول محدش يقدر يجي ناحيتهم ابدا يا صاحبي

ورد بصتلها و عيونها لمعت بفرحة وقالت:- حقيقي أنا فخورة إنك صاحبتي يا تمارة

❈-❈-❈

نوح صحي من النوم متأخر شوية بص في الساعة و نفخ بضيق لأنه مش متعود يروح متأخر قام جهز بسرعة و نزل تحت لقي ذكية قاعدة مستنياه

ذكية:- صباح الخير يا حبيبي

نوح :- صباح الخير يا حبيبتي لية مصحتنيش يا ذكية عجبك كدا اتاخرت على الشغل ؟ 

ذكية:- أنا يا حبيبي سبتك تنام براحتك أنت جاي امبارح متأخر يا حبيبي كفاية شغل و اهدي شوية و كليتك اللي انت نسيها دي يا نوح 

نوح بهدوء:- متخافيش يا تيتا أنا واخد بالي من نقطة الدراسة دي كلها السنة دي و اتخرج و الحمل يقل من عندي شوية

ذكية:- ربنا يجبر بخاطرك يا حبيبي و يزيدك من كرمة قادر يا كريم

نوح ابتسم و باس على اديها و سابها و مشي من غير ما يتكلم 

❈-❈-❈

أم أشرف راحت لأم تمارة هي و ام أيمن 

أم أشرف:- عاملة ايه يا فتحية و أخبار عيالك اية

فتحية:- في فضل و نعم يا أم أشرف انتي عاملة اية و انتي يا ست أم عبده عاملة اية

أم عبده:- بخير طول ما انتوا بخير يا حبيبتي أنا قولت أنا و أم أشرف نيجي نطل عليكم

فتحية:- فيكم الخير يا حبايبي والله

أم أشرف:- اخباركم ايه يا فتحية و بتصرفي منين ؟ 

فتحية:- و الله يا ست يا أم أشرف كان معايا قرشين محوشاهم و خلاص قربوا يخلصوا فقولت أنزل اجيب شوية خضار على شوية فاكهة و أنزل بيهم السوق

أم أشرف:- و ماله يختي الشغل لا عيب ولا حرام

فتحية:- اللي تعباني تمارة عاوزة تنزل تشتغل جمب دراستها

أم عبده:- و دا يصح برضوا و فين اللي ما يتسمي من دا كله ؟ مبيدفعش حاجة لعيالة

فتحية:- بالله خليني ساكته يا أم عبدة دا منشف ريقنا على الجنية و لا بيدفع حاجة من ساعة ما رمي عليا اليمين

أم أشرف:- أنا كنت عارفة أنه راجل خسيـ ـيس و مش هيدفع حاجة عشان كدا خدي دول يختي حقك و حق عيالك

فتحية:- مستورة و الحمد لله يا أم أشرف خلي فلوسك معاكي

أم أشرف:- الفلوس دي جاية على اسمك يا فتحية و الله ما هيرجع معايا جنيه منهم دول ميت ألف جنيه جيباهم من عين اللي ما يتسمي أشرف

فتحية باستغراب:- و عملتيها ازي دي و بعدين هو حيلته حاجة يدفعها

أم أشرف:- والله يا توحة معرفش جابهم منين لكن اللي حصل يختي هو إن عشان اتنازل عن قضية المحروسة مراته كان لازم يدفع ليا الميت ألف دول 

فتحية باستغراب:: أنا مش فاهمة حاجة والله يا ست أم أشرف

أم عبده:- انا هحكيلك و حكت ليها اللي حصل

فتحية:- ينهار منيل أخد فلوس البنات اللي في البنت عشان خاطر الر.قاصة و أمها 

أم أشرف بزهول:- يلهو.ي أما طلع إبن كلـ ـب بصحيح معندوش ذرة شهامة و كرامة

أم عبده:- أنا مش عارفه هينزل من عنينا اية تاني اكتر من كدا 

فتحية:- يحسر.تي على شقايا و توفيري ليهم زمان دا انا كنت بحرم العيال و بحرم نفسي عشان احوشلهم قرش للزمن و عيطت 

أم عبده طبطبت عليها و قالت:- خلاص يا توحة بقي و اهو الفلوس رجعتلك أهي بدل ما يصرفها على الر.قاصة و أمها رجعت لـ صحابها تاني 

تمارة دخلت بتضحك و لما شافت أمها بتعيط سالتها مالها 

فتحية:- شوفي يا تمارة تعبي و شقايا زمان أبوكي ضيعوهم عشان يخرج الرقا.صة و أمها من الحبس

تمارة:- متزعليش أهم رجعوا للحبس تاني و هو معاهم 

التلاتة بصوا لـ تمارة بصدمة و أم أشرف قالت:- إنتي بتتكلمي جد يا تمارة البوكس جه اخدهم تاني 

تمارة هزت راسها بنعم و قالت:- زي ما بقولك كدا يا خالتي ام أشرف البوكس خدهم قدام عنيا وربنا

أم عبده بفضول:- طب لية معرفيش يا تمارة

تمارة هزت كتفها و قالت:- لا معرفش و مش مهم تلاقي قعدت البورش وحشتهم وإلا حاجة

فتحية بصتلهم و قالت:- و انتي اية اللي وداكي هناك يا تمارة 

تمارة بهدوء :- كنت بجيب حاجة من المكتبة اللي هناك و قبل ما تتكلمي و تهزقيني زي كل مره إحنا مش هنكن نفسنا عشان خاطر حد إحنا مبنعملش حاجة غلط يا توحة هما المفروض لما يشوفونا يحطوا وشهم في الأرض مش إحنا

أم أشرف:- اية يا فتحية اللي إنتي بتقولية دا ما تسبيهم انتي هتحبسي العيال عشان خاطر عالم متسواش

فتحية:- أنا خائفة عليهم يا أم أشرف انتي مش عارفة أكيد مش هيسكتوا على كدا 

أم عبده:- يختي يبقوا يعملوا حاجة كدا و شوفي اية اللى هيجري ليهم دا أنا اجبهم نصين هنا 

تمارة بمزاح :- اسكتي يا خالتي ام عبده لحسن لو خدتي قلم مش هتاخدي التاني 

أم عبده بشهقة:- اخص عليكي يا تمارة أنا يا بت دا انا لسة بصحتي لو مش مصدقة أقوم اوريكي قدام أمك اااه يا ظهري يا أنا ياما

الكل ضحك عليها و تمارة قعدت جمب أمها و قالت:- متخافيش عليا يا توحة عمر الشقي بقي وانا مخصوص محدش هيقدر يكلمني انتي عارفة يا توحة دا انا تمارة و الأجر على الله 

فتحية بسخرية:- بس متجيش تعيطي في الآخر

تمارة بسخرية مماثلة:- مش تمارة يا توحة و إنتي عارفة كدا كويس و قامت وقفت و قالت:- سلام مؤقت يا مزا.مير عشان داخلة اجيب الامتياز في شوال

فتحية:- بلا واكسة واقفة طول الليل قدام الشباك و أنا أقول البت بتذاكر و مموتة نفسها مذاكره اتاريها سرحانة في ملكوت الله

تمارة:- توحة حلي عني إنتي يهمك اية النتيجة يبقي اية ملكيش دعوة بيا سلام يا توحة و باستها بوسة في الهوا

أم أشرف بدعوة:- ربنا ينورلك طريقك يا تمارة يا بنت توحة قادر يا كريم و يوقفلك ولاد الحلال و يبعدك عنك شر أيمن و مراتة الر قاصة قادر يا كريم

❈-❈-❈

سلمي:- شوفوا يا بنات الساعة دي بابا جبهالي من زايد امبارح دا انا لو قولتلكم على سعرها مش هتصدقوا أصل بابا بيحبنا أوي يا بنات و خصوصاً أنا المفضلة عنده و بصت لـ جوري و قالت باستهزاء:- مش زي ناس أبوهم رماهم في الشارع اللهم احفظنا من العين لحسن تيجي فينا وإلا حاجة

ساندي:- ساعة اية اللى من زايد يا سلمي دا انا كنت سالة عليها في المكتبة امبارح عشان احبها لـ جوري هدية كانت بـ عشرين جنيه استرخصتها و قولت لازم اجيب ليها حاجة تليق بيها أصل جوري عندي ليها مكانة خاصة أوي أوي يعني

سلمي بصت لـ جوري اللي ضاغطة على اديها جامد عشان متقومش تعرفها مكانتها و ابتسمت و قالت:- ييي إنتي عاوزة تجيبي حاجة بابا جايبه ليها لـ هدية هتجبيها لـ واحدة من غير أب أبوهم رماهم في الشارع و لا حتي بيسال عنها طب كنتي قوليلي كنت اشتركت معاكي و جبناها سوه هدية ليها جبر خاطر يعني 

الكل بص لـ سلمي و ضحك و واحدة قالت:- طول عمرك طيبة يا سلمي بس داري يا حبيبتي على سمعتك و على حب باباكي العين مش بتكرة غير اللي أحسن منها 

ساندي بصت ليهم با.حتقار و قالت:- عشان كدا حاقدين على جوري أصلها ما شاء الله تبارك الرحمن من الأوائل علطول أصل دماغها مش في بابي و مامي جابولي اية دماغها في مستقبلها

سلمي:- انا هحقد على واحده من غير أب اية يعني دا انا أحسن منها مليون مره على الأقل بابا معانا و مش حارمنا من حاجة

جوري طربت على الترابيزة باديها خلت الكل يبصلها و وقفت و قالت:- و فين مامتك يا سلمي تفتكري لو قولت للكل على الحقيقة حد هيحترمك تاني أنا سكت و حظرتك قبل كدا إنك تتكلمي عليا صح وإلا لا 

ساندي بفضول:- قولي يا جوري مامتها فين قولي و عرفيها قيمتها اللي مشافتش بربع جنيه رباية دي 

الكل بقي منصت ليها و واحدة قالت:- كلنا عارفين إن مامتها متوفية انتي واحدة مش بتقدري ظروف حد كدا تزعليها و تفكريها بـ مامتها

جوري بسخرية:- أيوة أنا واحدة مش بتقدر ظروف حد كان فين لسانك الجميل دا و هي نازل كلام في حقي و أنا ساكتة ليها 

البنت اتخر.ست و متكلمتش و جوري بصت لـ سلمي و قالت:- على العموم هي مامتها مش متوفية زي ما هي معرفاكم و رفعت صابعها في وش سلمي اللي جاب ألوان و قالت:- و قسما بالله يا سلمي لو ما لميتي لسانك دا عني لكون معرفة المدرسة كلها مامتك فين و أظن دي حاجة انتي عارفاها كويس أوي انا حذرتك مره و دي التانية التالتة محدش يلومني على اللي هعمله تمام 

سلمي بصوت مهتز:- انتي بتهدديني يا جوري إزاي تتجراي و تعملي كدا ؟ 

جوري:- زي ما انتي اتجراتي و اتكلمتي عليا و على أهل بيتي أنا ممكن في ثانية اخليكي تنزلي من عيون الكل و اخليهم يقولوا عليكي و قربت منها و همست بنت العا.هرة 

سلمي عنيها وسعت و وشها أصفر و جوري قعدت مكانها ببرود و لا كأنها عملت حاجة

❈-❈-❈

أيمن:- يا سعادة البيه مش كدا دا لسة ماشي من هنا من ساعتين اجي متأ.خد من قفا.يا كدا قدام الناس

ضياء:- يعني أنت كل اللي همك إنك اتاخدت من قفاك قدام الناس و مش همك إنك التهمة اللي انت جاي بيها ؟ 

أيمن:- يا سعادة البيه أنا راجل تهمني سمعتي أوي و اديك شايف تلت أيام في القسم ورا بعض و متاخد في دوكة مره مراتي و مرة أنا معاها هو في اية يا سعادة البيه

ضياء بسخرية:- تهمك سمعتك هه يا جدع قول كلام غير دا حد يصدقة هو أنت متعرفش بيتقال عليك اية ؟ و بص لـ دولت و قال:- و ما شاء الله السمعة سابقة أوي يعني

أيمن بلع ريقة باحراج و قال:- الخلاصة يا سعادة البيه أنا جاي هنا لية دلوقتي أنا و مراتي و حماتي

زيزي ضر.بت أيمن على قفاه بغيظ و قالت:- تو ما افتكرت إن حماتك معاك يا مضروب كل شويه أنا و مراتي أنا و مراتي و أنا ساكتة لجل سعادة البشا تعرف لولا أنه كان قاعد كنت عرفت شغلي معاك 

أيمن بتريقة:- كنتي اتشطرتي على عطيات اللي جيباكم الأرض دا لسة صوابع اديها معلمة على رقابتك 

زيزي:- انت بتعايرني يا أيمن يا أخي ربي عيالك الأول اللي مش لاقين حد يربيهم دول 

أيمن بسخرية:- معلش كنت مشغول مع بنتك و معرفتش اربيهم مش كنتي فلحتي الأول يختي دا انتي رقا.صة

زيزي:- رقا.صة اه بس بشرفي يعني أي حد يدوس ليا على طرف اجيبه نصين يخويا 

ضياء قاعد يتفرج عليهم و قال في نفسه:- اه يا ولاد الكلـ.ـب يعني مش عاجبكم الحما.ر اللي قاعد و جايين تنشروا غسيلكم الو.سخ دا قدامي صبراً إن ما ربيتكم من أول و جديد مبقاش أنا ضياء راشد 

ضرب الجرس و الشاويش دخل 

ضياء بحزم :- شاويش رياض خدهم على الحبس أربعة وعشرين ساعة عشان يتعلموا يقفوا إزاي في مكتب ضياء راشد و لبست جاكت البدلة بتاعتة و نزل

الشاويش رياض مشك أيمن المزهول من اللي بيحصل قدامة و قال:- يلا يا حبيبي دا الزنزانة هتفرح بيك أوي و ضحك و قال:- تعال دا أنت حبيبي صدق يا شيخ هتصدق إن شاء الله حبيتك لله في لله و شادة من دراعة

دولت رفعت راسها و قالت:- لو سمحت يا شاويش رياض هما اللي كانوا بيتخانقوا مش أنا منتزلنيش عن عطيات تاني و كمل بصعبانية بالله عليك يا شيخ مش عاوزه اروح لـ عطيات تاني 

عطية بلمعة عين :- هو فية زي عطيات وإلا حلاوة و جمال عطيات دا عليها جوز عيون يدوبوا الواحد دوب 

دولت و زيزي بصوا لعبض بصدمة و قالوا:- عطيات ؟! 

رياض:- أيوة عطيات .. عطيات القلب و الروح.. عطيات الدم اللي بيجري في شرايني.. عطيات المني و المراد 

زيزي و دولت :- عاطيات و بصوا لبعض و زيزي قالت:- عطيات بتاعتنا اللي إحنا عارفنها وإلا واحدة تانية 

رياض بحب:- لا هي عطيات اللي في الزنزانة هو في في دلال والا طيبه قلب عطيات دي تتحط على الجرح يدوب دي بلسم لو هشحت كدا مبحبش غيرها و تقوليلي مش عاوزه تنزليلها ؟ 

دولت:- بالله عليك يا شيخ حب فيها براحتك بعيد عننا لكن متنزليش عندها و حيات أبوك

رياض برق مره واحده و قالت:- بقي انتي تجيبي سيرة أبويا على لسانك طب تعالي بقي ملكيش علاج غير عطيات و مسك أيمن من ايد و دولت من ايد و عسكري وراه ماسك زيزي اللي عمالة ترجع لورا و يتقول:- بالله عليك مش عاوزه اروح لـ عطيات بالله عليك بص قعدني في أي داهية هنا هترجع تلاقيني مكاني بس متخلنيش أنزل لـ عطيات اقولك احبسني حبس انفرادي و حيات أبوك يا شيخ

العسكري مسالش فيها و سحبها من دراعها

زيزي بندب:- كله منك يا أيمن الكلـ ـب كله منك 

العسكري برق ليها و قال:- عارفه لو مسكتيش و مشيتي عدل هوصي عطيات عليكي و هي تحب تخدمنا أوي

زيزي:- خلاص بالله عليك انا هحط جذمة قديمة في بوقي و مسكت اهو و حطت ايديها على بوقها و هي بتشتـ ـم أيمن في سرها

❈-❈-❈

وهيبة بدلع:- عيلاء يا حبيبي

علاء بحب:- اية يا هوبا عاوزة اية 

وهيبة:- عاوزة فلوس أعمل شوبنج بيها يا قلبي 

علاء :- إنتي مش لسة عاملة شوبنج الأسبوع اللي فات يا وهيبة وإلا هي مصاريف على الفاضي و خلاص 

وهيبة:- اية يا علاء خسارة فيا مهو الخير كتير اهو و الحمد لله و ربنا يزيدك يا حبيبي

علاء بسخرية:- أيوة كوليني بالكلمتين دول كولي يختي و طلع الكارت و ادهولها و قال:- خدي عشان مش ناقص نكد كفاية إني سمعت كلامك و منزلناش مصر

وهيبة بدلع :- هتنزل مصر تعمل اية يعني مهو مش كفاية أنا عليك يا حبيبي طب هتلاقي مين يدلعك كدا في مصر ها قولي

علاء:- ما انتي ممكن تدلعيني في مصر برضوا يا هوبا أنا أمي وحشتيني و انتي عارفة إنها تعبانة

وهيبة:- برضوا هيقولي أمي و كلام فاضي حبيبي بصلي أمك معاها نوح و الخدامين خلينا نعيش لينا يومين حلوين أنا و أنت انت مش عارف أنا بحبك إزاي

علاء بحب:- و أنا كمان بحبك بس لو تليني دماغك النشفة دي و تحبي أمي شوية هحبك اكتر

هوبا :- مين قال إني بكرها ؟ حبيبي أنا مش بكرها لكن علاقتها هي و نوح مضايقاني دا مش بيسأل فينا يا علاء سايبنا كدا شوف بقالنا قد ايه هنا مفكرش حتى يرفع سماعة التليفون و يقول عاملين اية

علاء بعذز :- إنتي مش عارفة الضغط اللي هو فية برضوا يا هوبا دا يا عيني كلية و شركة محافظ على مكانتها و بيكبرها اكتر و غير كدا مذاكرة و ياخد باله من جدته

هوبا:- طب و أنا فين من كل دا 

علاء:- مصدوم مننا كان عشمان إنه يلاقينا جنبه دلوقتي لكنه اتصدم لما رفضتي تبقي في مصر و تسافري تتفسحي و تقعدي هنا 

هوبا:- برضوا مش مبرر

علاء:- إنتي عاوزة نوح في اية انتي و هو علطول خناق أصلا سيبك منه دلوقتي و ركزي معايا أنا

هوبا ضحكت بصوت عالي و علاء قال:- اموت أنا

❈-❈-❈

رياض زق حازم في التخشيبة و قال:- ادخل برجلك اليمين يا حبيبي و ضحك بصوت عالي و قفل الزنزانة و مشي 

أيمن قام وقف و شتم في سره و قال:- بقي أنا أيمن فرج ابات في التخشيبة دي ؟ و اية كمان معرفش تهمني ؟ يادي الليلة السواد يا شماتة فتحية و ولادها فيا قعد في ركن لوحده يفكر إزاي وصل بيه الحال بكدا و قال بإصرار:- كله يهون عشان خاطر باهر مهو مش هيجي بالساهل برضوا لازم اتعب فيه تجيلي أنت بس بالسلامة يا باهر يا حبيبي بس هتيجي إزاي هو انا عارف اتلم على أمك ساعة أنا ليا ربنا اقسم بالله

واحد جه قعد جمب أيمن و قال:- سالخير يا دفعة

أيمن بصله من فوق لتحت و قال بحاجب مرفوع:- مساء النور خير 

- خير يا دفعة جاي في اية كدا مقولتليش

أيمن:- و أنا أقولك لية كنت من بقيت عيلتي

- شكلك مش هتجيب معايا سكة و هتعب معاك قب بقي باللي في جيبك بدل ما اعمل معاك السليمة

أيمن:- جيبي مخرم و شغلك حد غيري تاكل من وراه عيش عشان أنا مش هسكت

- هيئ هتعمل ايه يعني يخويا شكلك كدا مسمعتش عن العو انا العو 

أيمن:- و عاوز من اللي خلفوني اية يا سي هو

العو:- لا أنت كدا غلطت و الغلطة عندي يفور و بص لـ اتنين قدامة و شاور ليهم و قال:- يتعلم الأدب البشا اللي مفكر نفسة جاي فسحة في ملاهي أ.مه 

أيمن وقف و قال:- أي حد هيقربلي هعمل فيه شكوة انتوا متعرفونيش وإلا اية أنا مش قليل في البلد دي علفكرة

العو:- حلو أوي و أنا عاوز اجيب تمامك يلا يا رجالة عاوزة يصوت زي النسوان

الرجالة بقت تفرق اديها في بعض و أيمن بيرجع لورا و هما بيقربوا منه 

أيمن بلع ريقة و قال:- يلا علقة تفوت ولا حد يموت يا شماتت أبلة تمارة فيا لما تشوفي متخرشم كدا و بص للرجالة و قال:- ممكن بعد إذن حضرتك تضرب في أي حته إلا الوش

الرجالة ضحكوا ضحكة كريهه و نز.لوا فيه ضر.ب 

❈-❈-❈

زيزي و دولت دخلوا الحبس و هما ماسكين في بعض و عطيات شافتهم و ضحكت جامد و قالت:- مهو اللي يجرب نومت البورش ميحبش يسيبها و يمشي أبدا لازم يرجعلها جري ليكوا واحشة يا حبايب والله

دولت رفعت صابعها في وش عطيات و قالت بصوت مهتز و صابعها بيتهز :- اسمعي يا ست إنتي اوعي تفكرينا خايفين منك لا إحنا جامدين اوي و مش خايفين منك 

زيزي:- اتكلمي على نفسك انتي يا بنت الصر'مة انا عن نفسي همو.ت من الخوف مفيش في جتتي حته سليمة انضر.ب فيها كانت جوازة منيلة مجاش من وراها إلا قلة القيمة

عطيات بصت لـ دولت و قالت:- شاكلك لسة متربتيش و ماله نربيكي تاني يلا يا بنات فسحوهم و على أقل من مهلكم

زيزي:- و أنا مالي طه معملتش حاجة وربنا بصي يا ست عطيات هي اللي غلطت تبقي هي اللي وتحاسب لكن أنا معملتش حاجة

دولت بصدمة:- نعم انتي هتبيعيني كدا يا زيزي

زيزي:- مش أحسن ما انضر.ب

عطيات:- متزعلوش نفسكم أنا عندي الحسنه بتخص و السيئة بتعم فسحوهم و بعد ما تخلصوا هاتوهم يغسلولي رجلي و يدلعوها

النسوان هجمت على زيزي و دولت و بقوا يصرخوا بصو.ت عالي

أيمن بيضر.خ في الزنزانة اللي جنبهم قال بصوت عالي:- بتصرخوا لية 

زيزي:- اتوكس بقي و خليك في نفسك هيكون بيحصلنا اية غير اللي بيحصلك

دولت:- متخافش عليا يا عمري كله يهون في سبيل حبنا

أيمن بصراخ:- كان يوم منيل يوم ما عرفتكم كنت عايش ملك لله الأمر من قبل و من بعد

دولت :- طب ابقي وريني بقي هتجيب الواد منين

زيزي بصراخ:- يختي بنعـ ـل أبو.كي على ابوة على أبو الواد

بعد وصلت ضر.ب دامت ساعة زيزي و دولت بيغسلوا رجل عطيات و أيمن قاعد تحت رجل العو

العو:- ما كان من الأول لازم تركب المراجيح يعني يلا أهو محدش بياكلها بالساهل

❈-❈-❈

نوح كان قاعد في مكتبه و واحد من الحرس قال له إن نسرين عاوزة تدخل

نوح:- أسمع لو دخلت اعتبر نفسك مرفود البنت دي تمشي فوراً من هنا وإلا تعبر نفسها هتتحاسب على كل حاجة عملتها و قفل الخط و كلم كمال 

نوح:- كمال نزلي إعلان في إني عاوز سكرتيره في لـ مكتبي تمام ؟ 

كمال:- اعتبره حصل يا نوح بشا

الحارس رفض يدخل نسرين و مشيت بغيظ و هي يتقول:- صبراً يا نوح صبراً

❈-❈-❈

تاني يوم الصبح ضياء جاب أيمن و زيزي و دولت اللي شكلهم متبهدل خالص و قال:- من شكلكم واضح إنكم اتربيتوا كويس أوي تهمتكم إزعاج للجيران من الصوت العالي تعال امضي هنا و لو اللي حصل دا اتكرر تاني هتتحرس يا أيمن فاهم ؟ 

أيمن هز رأسه بقوه و قال:- فاهم يا ساعة البشا فاهم و خد دولت و خرجوا جري من القسم

زيزي:- شوف الراجل الو.اطي سابني و غار

أيمن وصل الصبح و كانت تمارة راحة على المدرسة هي و ورد شافتهم و ضحكت و قالت:- شوفي يا ورد موعدنا دي مظبوطة أوي و قالت:- كفارة عبال المرة الجاية و ضحكت بصوت عالي

دولت كانت هتروح عندها أيمن مسكها و قال:- ليها روقة تعالي دلوقتي مش ناقصين وجع دماغ

عدي ساعتين كان أيمن استحمي وغير و أثر الضر.ب على وشه بانت و يدوب لسه هينام الباب خبط جامد

أيمن بفزع:- استرها يا رب

فتح الباب لقي الشاويش رياض في وشه بيضحك و بيقول:- صباح الخير يا ريس صدق بالله هتصدق إن شاء الله وحشتيني الساعتين دول و ضحك بصوت عالي

أيمن:- ههه هنرحع للعو تاني هه

يتبع ....