رواية خادمة قلبي- الجزء الثاني- بقلم الكاتبة زهرة عصام- الفصل الاول والثاني

 رواية خادمة قلبي الجزء الثاني بقلم الكاتبة زهرة عصام

تعريف الرواية

المقدمة

أحياناً تجبرنا الحياة على فعل ما لا نريد.. و لكن بالصبر و التوكل تحلو...

و إجعل البسمة على شفتاك دوماً فأنت تستحقها

السرد عامي

الحوار عامي 

التصنيف

كوميديا إجتماعي و قليل من الرومانسية

❈-❈-❈

الفصل الاول والثاني

خبط جامد على الباب و صوت طفلة بيقول:- ما تصحوا بقي انتوا اية نايمين نومة أهل الكهف

ملك فتحت الباب و مسكتها من قفاها دخلتها و رزعت الباب وراها

ملك و هي مسكاها من قفاها و بتهزها و هي بتتكلم:- انتي اية يا بنتي عملي الاسود في الحياة هو كل يوم نفس الخبطة نفس الكلام مفيش مره ننام مرتاحين منك

- حطت ايديها في وسطها و قالت:- سيبي بس البجامة عشان متكرمش و بعدين يختي إن حق عليا بصحيكم من النوم بدي عشان يبقي كلك نشاط و حيوية

ملك :- و حد كان قال لأ'مك إني عاوزة ابقي نشيطة انا يا ستي كسلانة غوري بقي عاوزة أنام زقتها و راحت نامت على السرير تاني 

انتي بتزقيتي كدا طب مبقاش أنا ملوك إن خليتك تنامي لحظة واحدة ماشي يا ملك 

و فجأة رمت نفسها عليها على السرير و هي بتقول:- ماااااميييي اصحي بقي 

ملك زقتها على مالك و قالت:- غوري من وشي يا بنت الصر'مة بدل ما اقوم ارزعك علقة كتك الأرف و قامت دخلت الحمام و هي بتبرطم

مالك لـ ملوك :- إحنا مش هنخلص من مسرحية كل يوم دي وإلا اية و بعدين أنا مش قولتلك متترميش عليها كدا تاني عشان مامي جوها نونو

ملوك بلوية بوز :- خليك أنت كدا مدلعها يخويا انا راحة لـ منال هي اللي نصفاني في البيت دا 

----- اذكروا الله

❈-❈-❈

ملوك خرجت و سابت مالك بيضرب كف على التاني جريت راحت لـ منال و قالت:- كله تمام يا معلمة صحيوا

منال :- جدعة يا بت تربيتي لازم تكون كدا المهم هتروحي تصحي وليد و منه بقي 

ملوك :- يا منال آخر مرة وليد كان هيرميني من الشوباك كله عشان خاطر بنتك ام كرش دي 

منه جت و سمعت آخر جملة و قالت بتوجس:- هي مين دي أم كرش

ملوك خرجت ليها لسانها و قالت و هي بتستخبي ورا منال:- انتي هو حد بكرش غيرك مخلص على نص أكل البيت 

منه بغيظ :- شوفي عشان لما اضربها مترجعيش تقولي بتعملي عقلك بعقلها

مالك خرج و ملوك جريت عليه فشالها و قال بهمس :- خلصتوا مسرحية كل يوم وإلا لسة يا قردة

ملوك:- قردة انا مش هعمل حاجه لجل أنك أبويا بس غير كدا كنت علمت عليك يا كبير 

مالك بدهشة:- انتي يا بت متأكد إنك عندك أربع سنين قولي لو عندك اكتر مش هزعل والله

ملوك بتزمر :- بابي انت كل يوم بتندهش بالسن لية الله بقي سيبني يا راجل أطبق دروس منال 

مالك :- منال امممم كدا وضحت أوي

منال من على بعد:- وضحت يخويا هتعمل اية يعني طب تبقي تفكر تفتح بوقك 

مالك بلوية بوز :- و هو أنا أقدر يا حماتي و كمل بصوت واطي بعد ما نزل ملوك كان يوم أسود يوم ما بقيتي فيه حماتي 

ملك من وراه بغيظ :- اية يا حبيبي يا حليوة انت بتقول حاجة

مالك حضنها و باسها من خدها و قال:- و هو أنا برضوا أقدر أقول حاجة يا بسبوسه بالقشطه

وليد واقف على باب اوضتة متابع الحوار كله 

وليد بخبث :- راعي إن ساكن معاك ناس يا معلم مش كل يوم نقول قبلة الصباح دي في اوضيتكم

ملك اتكسفت كحال كل يوم و مالك قاله :- و انت مركز معانا لية اللي متغاظ مننا يا حبيبي يعمل زينا 

وليد :- اعمل زيك اية يا منيل و كمل بغمزة أنا بعمل اكتر من كدا 

منه بزعيق:- وليد 

وليد بخوف مصطنع:- بنضف الاوضة و اكنسها و بغسل الهدوم عندك هدوم يا ملك عاوزة تتغسل 

ملك قررت تنتقم منه عشان كسفها فردت و قالت:- اه بالله عليكي يختي ابقي خدي حتتين الغسيل بتوع البت ملوك أصل انا تعبانة شويتين كدا 

وليد بغيظ :- أختك طب بالسلامة انتي بقي 

ملك :- اية يا كنافة بالمنجة زعلت وإلا ايه دا أنا بضحك معاك

وليد بصلها بقرف و مشي و هو بيبرطم

ملك :- شوفت بيبوص ليا ازي عشان مترجعش تشتكي بقي 

مالك هز رأسه على العيلة اللي عمرها ما هتعقل ابدا سألهم وراح ناحية صورة جمعتهم كلهم و وقف قدمها و بقي يبص لـ حازم بشوف

وليد وقف جمبة و هو بيقول:- غيبته طولت أوي يا مالك 

مالك :- أنا مش راضي اضغط عليه من بعد اللي حصل يا وليد انت عارف إن شخصيته اتغيرت ١٨٠ درجة

وليد بأسف:- للأسف عارف يا مالك بس هو وحشنا أوي

سمعوا صوت عياط وراهم لفوا لقوا ملك مالك اتنهد و راح ليها حضنها و قال:- هيرجع يا ملك هيرجع انا عارف إنك كنتي مرتبطة بحازم أوي بس هو دلوقتي عاوز ياخد هدنة

ملك هزت رأسها و حضنته و هي بتقول:- كله من بنت الصر'مة دي والله لو شفتها لهعمل منها كفتة محمرة

مالك بضحك :- يا بنتي إنتي خليتي البت تتحجز شهر في المستشفى

ملك بتزمر:- مش كفاية

مالك لسة هيرد لقي منال بتزعق و تقول:- الفطار يا غفر اية هتقضوها تسيبل أم كرش قربت تخلص الأكل

منه :- هو مفيش غيري في البيت دا و بعدين أنا حامل ولازم اتغذي

وليد باس على رأسها و قال:- بالهنا والشفا يا حبيبتي خلصي الأكل و اجيبلك غيره

منه بصتله بعيون لامعة و قالت:- ماشي 

ملوك قعدت على رجل مالك و بياكلها

ملك :- ملوك اقعدي على كرسيكي كلي لوحدك 

ملوك :- تؤ مالك هيوكلني

مالك :- سبيها يا ملك أنا بحب ااكلها

ملك :- والله العظيم ما حد مبوظها غيرك 

ملوك سألتهم و جريت على اوضة ملك و قالت:- ماشي يا ملك مسكت الميكب بتاعها و بقت تبص على الصورة و تحط زيها بالظبط بعد نص ساعة خرجت ليهم 

مالك أول ما شافها:- ينهار اسود أي دا 

وليد بانشكاح قال :- جميلة صغيرة في بيتنا اللهم صل على النبي 

مالك بصدمة:- اية يا ملوك اللي إنتي عملاه في نفسك دا؟!

ملوك:- شكل اللي في الصورة يا بابي و بصت لـ ملك و قالت:- انتي لو مسمعتيش كلامي بعد كدا انا هخوفك زي العفريته اللي في الصورة يا ملك ماشي 

مالك بص لـ ملك اللي بدأت تتحول و كتم ضحكته بالعافية و بص لـ ملوك و قال:- اهربي يا بت بدل ما تاكلك

ملوك مفهمتش حاجة بتبص على ملك لقتها جاية ناحيتها و علامات الغضب على وشها ملوك بصت ليهم كلهم لقتهم بيكتموا ضحكتها 

ملوك جريت و هي يتقول:- يلهوي بتتحول 

ملك :- تعالي هي هفهمك براحة مش همد ايدي عليكي تعالي بس 

ملوك :- لا انتي هتتحولي زي العفريته اللي في الصورة و هتضر'بيني 

ملك بصت لـ مالك بغيظ و قالت:- عجبك اللي مقصوفة الرقبة دي بتقوله

مالك:- والله يا ملك هي عندها حق 

ملوك بانشكاح:- يا مالك يا جامد خد قلبي يا جدع و الله ما في حد ناصرني في البيت دا غيرك 

ملك بصت لـ مالك بغيظ و قالت:- طب يا حبيبي خليها تنفعك أشوفك مهوب ناحية الاوضة النهارده هتنام جنبها

مالك بصدمة:- انتي بتقولي اية انتي بتكرشيني يا ملك 

ملك و هي بتنفخ في ظوافرها:- إذا كان عاجبك يا إما هغضب عند أمي و أبات عندها شهر

منال:- تباتي عند مين شهر انا مش هستحملك ساعة واحدة انتي يتاخدي السرير كله خليكي في اوضتك يا حبيبي و جوزك عندك أهو إكرشيه زي ما انتي عاوزه

ملك دبدبت في الأرض جامد و مشيت على اوضيتها و قالت:- والله لسبلكم اليبت و أطفش و مش هتعرفولي طريق ماشي يا عيلة هم ما حد فيكم عارف قيمتي و رزعت الباب وراها

ملوك :- هي الولية دي بقت قماصة كدا لية ؟ مالك طلقها و هات لينا واحدة فرفوشة

ملك من الاوضة:- سمعتك سمعتك يا شبر و نص و حسابك معايا بعدين

ملوك:- دي حاطة كاميرات في البيت يا مالك 

مالك كاتم ضحكته عليهم و بص لـ وليد اللي كان سايب كل دا و عمال يحب في منه 

مالك :- قولي يا وليد أخبار موزز الوفد اللي جاي النهارده اية 

منه :- موزز و بصت لـ وليد و قالت:- بقي سايبني هنا بكرشي و مش راضي تخرجني و مقضيها مع الموزز شايف البت دي هتبات عندها يا خاين يا بتاع الموزز و ربنا لفرحك يا وليد و دخلت اوضيتها و رزعت الباب

وليد كان فاتح بوقه من الزهول دا ملحقش حتي يبرر ليها و اتقمصت 

ملوك بترقص كتافها و هي بتقول:- البس يا وليد عشان تبقي تزعقلي تاني طب و ربنا لكون مهدية النفوس 

وليد بص لـ مالك اللي نازل ضحك و مش قادر يبطل من منظرهم و قال :- انتوا اية وباء و منتشر يا عم ما تتلموا عننا بقي بنتك مستقصداني و منه بتقلد أختها و انت بقي اية بتدي الشرارة يا أخي بقي ارحموا أمي

مالك :- مش لما ترحمها انت الأول هو انا قولت حاجة غلط دا انا كنت بسال سؤال برئ

وليد لوي شفاشفة و قالت:- دا انت ملاك يا روحي هو انت بتغلط أصلاً

ملوك مسكت ايد وليد و هو بتقول:- بص لـ تحت في كائنات عايشة معاك 

وليد شالها و باسها من خدها و قال:- عاوزة اية انتي يا حريقة

ملوك :- هتفسحمي امتي ؟ 

وليد :- و أنا افسحك لية خلي أبوكي يفسحك

ملوك :- مالك مش فاضي

وليد :- وراه اية افهم 

ملوك:- هيجاهد عشان يصالح ملك يسطا

وليد:- يسطا سمعتي الكلمة دي فين 

ملوك :- من اليوتيوب يا عم دا انتوا جيل قديم أوي

وليد مسك ملوك من اديها و رماها لـ مالك و هو بيقول خدها اهي ينعل أبو معرفتكوا

مالك مسك ملوك اللي صرخت و قالت:- الحقونااي

ملك خرجت جري عليها و هي بتقول:- في اية حصلها اية اخدتها من مالك و قالت:- اية يا حبيبتي حاجة بتوجعك

ملوك بصت لـ مالك و قالت:- دي طلع عندها مشاعر و أحاسيس يا مالك 

ملك بصت ليها و قالت:- ماشي يا بنت الصر'مة ماشي و رزعتها على الأرض و دخلت الاوضة تاني

مالك مسكها من قفاها و قال:- يا بنتي لمي لسانك دا بقي عننا في اية بس كل شوية تزعليها كدا 

ملوك :- مهو من ساعة ما بقي عندها نونو و هي بقت قماصة يا مالك 

مالك :- والله يا بنتي عندك حق بس هنعمل اية لازم نستحمل هرموناتها بقي و أمرنا لله

ملك هزت ايد مالك لحد ما سابها و قالت بصوت عالي:- مامي مالك بيكلم واحدة وتكة في التليفون الحقي يا منه وليد مشي من غير ما يصالحك و هو بيقول:- أروح أشوف الموزز بدل النكد اللي عايش فية دا 

ملك خرجت بعصبية من الاوضة و بصت لـ مالك اللي رفع ايدة فوق كانة قدام ظابط و قال:- والله العظيم برئ يا ملك بنت الكـ ـ ـلب دي هي اللي بتقول كدا من دماغها

ملوك:- انت بتشتم يا مالك بصت لـ ملك و قالت:- من ساعة ما بقي في بطنك نونو و هو مش بيحبك يا ملك صح ؟ كل شوية يزعلك و مش بيجي يصالك صح 

ملك بتفكر:- صح يا ملوك

ملوك :- يبقي مش بيحبك يا ملك اكيد هيتجوز واحدة جديدة

مالك بص لـ ملوك ببلاهه و قال:- قاعد مع بنزينه يا جدعان 

منه خرجت و هي بتلبس و مستعجلة و بتعيط و بتقول:- الخاين سابني زعلانة و راح يخوني و ربنا ما أنا سيباه يلا يا مالك

مالك بتريث:- يلا فين يا منه 

منه بحزم :- جاية معاك الشركة أشوف الخاين يعني يخوني مع أجانب مش مصريين حتي 

ملوك:- هو دا كل اللي همك أنه بيخونك مع أجانب مش مصريين عوضي عليك يا رب عيلة تشل و دبت في الأرض برجليها

مالك بصلها و قال:- والله ما طفلة يا جماعة هي واحدة عندها سبعين سنه و متنكرة

ملك :- انت بتتكلم معاها كدا لية يا خاين يا بتاع البنات

ملوك بمسكنة:- شوفي يا ملك بيتكلم معايا إزاي كل دا عشان بقولك الحقيقة و اوعيكي يا ملك بدل مهو نازل طالع يخون فيكي و انتي و بصت لـ منه و شاورت عليها متعيطيش يا هبلة روهي طربقي الشركة عليه و على اللي بيخونك معاها و ابقي قولي لـ وليد ملوك بتسلم عليك

منه بعصبية:- يلا يا مالك تعال وديني لية بدل ما اسخنها انا كمان 

مالك بص لـ ملوك و قال:- بقي الشبر و نص دي تعمل كل المشاكل دي و بص لـ ملك و قال في سره و أنا هستغرب لية مهي جينات و بتتنقل كله من الرأس الكبيرة منال هانم 

ملك بعصبية:- يلا اية هو مش هيتحرك من هنا الا لما يقولي هو بيخوني مع مين عشان اعرف اعلمها الأدب و بعد ما أعلمها الأدب هيجي دورك يا حنين يا بتاع البنات

منه :- يعني اية يستني معاكي يكون وليد راح مع واحدة من الخواجات الشقة لا يجي يوصلني و بعدين يجيلك تكملوا خناق

ملك و منه بيتخانقوا على مين كلامها يمشي و ملوك شاورت لمالك اللي واقف يشوف مين اللي هيكسب فيهم 

مالك نزل لمستواها و قال:- قولي يا حريقة عاوزه اية 

ملوك بلوية بوز:- إن حق عليا كنت هقولك اهرب هما بيتخانقوا مش هياخدوا بالهم

مالك بهمس:- اه يا قردة يا صغيرة و اتسحب لحد ما وصل على الباب بس قبل ما يفتحة لقي الاتنين في صوت واحد بيقولوا:- مااللك 

مالك :- اللهم لا اعتراض على دي عيلة ولا واحد فيها عاقل بصلهم و قال بابتسامة مصطنعة: حبايب هارتي

----- اذكروا الله

منه مع مالك في العربية عمالة تهري في نفسها و بتقول بقي انا تخوني يا وليد صبرك عليا لما اجيلك و بالله لـ أخلي يوم زي الهباب 

مالك بيبص ليها من تحت لتحت و بيقول في نفسة:- الله يرحمك يا وليد 

وصلوا الشركة و منه دخلت عليهم الإجتماع فجأة و قالت:- ينهار منيل على دماغكم

يتبع..