رواية إعادة تأهيل معقدة بقلم زهرة عصام

اقتباس

إعادة تأهيل معقدة

ضياء بضيق:- شاويش رياض خد البهوات اللي عامليني فيها فتوا.ت دول على الحجز للصبح خلينا نخلص 

و بص لـ فتحية و البنات و قال:- ها يا بنات تحبوا نعمل فيهم حاجة تانية 

تمارة ببراءة مصطنعة:- اه يا عمو متخلهومش يجوا ناخيتنا تاني و خصوصاً لينا عشان هي بتزعل جامد يعني

ضياء بحب :- حاضر يا حبيبتي

فتحية:- أقدر أخد بناتي و أمشي يا بشا

ضياء:- أيوة يا ست اتفضلي

فتحية:- بس قبل ما امشي بعد إذنك يا بشا عاوزة محضر عدم تعرض من التلاتة

ضياء بص لـ رياض و زعق و قال:- 

انت لسة واقف لية اتفضل خدهم و غوروا من هنا 

❈-❈-❈

هدي قاعدة في اوضيتها بتعيط و بتفتكر اللي حصل و هي يتقول:- 

طب هو لية مصر أنه يقابلني بره و كمان بيزعل لما اقوله لا دا حتي ممسكش فيا و مشاني زعلانة كدا يا نضال أهون عليك اللي عملته فيا دا 

دا أنا حبيتك و اتخليت عن مبادئي عشانك و في الآخر تعمل فيا كدا تسيبني زعلانة كدا و تمشيني زعلانة اخص عليك مش مسمحاك و بقت تعيط جامد 

كانت قاعدة تعيط و حابسة نفسها في الاوضة و مش راضية تفتح لحد 

❈-❈-❈

رياض:- و أنا قولت متتعرضش ليها و خليك في حالك حصل وإلا لا 

أيمن:- حصل بس دي مراتي و أنا من حقي أعمل فيها اللي انا عاوزة 

رياض:- لية هي بضاعة تعمل فيها اللي انت عاوزة دي بني آدمة من لحم و دم و كفاية أوي اللي انت عملته فيها هي و بناتك لحد دلوقتي يا أخي أنت كل شوية تقل من نظري غيرك مش عارف يتجوز أصلا و اللي ربنا مش رايد ليه الخلفة دا انت هتتشوي في نا.ر جهنم 

❈-❈-❈

- فيكي اية يا حبيبتي اية اللى جرالك ما كنتي كويسة

هدي حضنت مامتها و عيطت جامد و بقت تشهق من كتر العياط و هي يتقول:- 

تعبانة أوي يا ماما و مخنوقة من الدنيا بحالها

بصت ليها و كملت كلام :- 

هو أنا وحشة؟! طب لية محدش بيحبني و الكل بيجي عليا ؟ انا مش مسامحة أي حد خدعني أو داس ليا على طرف 

❈-❈-❈

مراتك الست فتحية دي أشرف من الشرف يا روح امك و أنت متستاهلش ضافر منها يا إبن ** انت رميت واحدة محترمة عشان واحدة بنت *** رقاصة و كاشفة جسمها للكل دا أنا لو رحت قولتلها هخرجك مقابل ليلية مش هتتردد يا إبن الكـ ـلب و في الآخر جاي ترمي المحصنات و راح ضا.ربة بالبـ ـكس و قال:-

بصلهم بغيظ و قال:- 

و عشان انتوا حبايبي و أنا بحبكم لله في لله كدا خدوا مني الواجب دا 

و نادي بصوت عالي و قال:- 

عطياااااات 

عطيات بسرعة:- نعم يا ضي القلب تؤمر بحاجة

رياض بصلها جامد و قال:- 

الاتنين دول يتعلموا الأدب عشان غلطوا كتير و اتوصي يا عطيات أنا هقف هنا و شاور على مكان و كمل و قال:- 

عاوز اسمع صوتهم لحد ما نفسهم بتقطع

عطيات بصتلهم بغضب و قالت:- بقي انتوا اللي قلبتوا وش ضي قلبي كدا تعالي يا مرا منك ليها أنا هعرفكم إزاي تتعاموا معاه كويس و شديتهم من هدومهم

دولت بلعت ريقها بصعوبة و قالت:- 

دي شكلها هتبقي ليلة لطيفة خالص 

❈-❈-❈

تمارة :- لا نسيبها تضر.بنا و نقف نتفرج عليها بقولك ايه يا توحة طيبة القلب بتاعتك دي يختي اركنيها على جمب أنا مش هسيب حقي و هاخده أول بأول أنا مش ضعيفة يا توحة و كملت بشرود و فدية بنت الصر'مة دي والله في سماه لكون فضحاها عشان تبقي تعرف تطول لسانها في أخلاقنا تاني 

توحة بصتلها بتوجس و قالت:- 

هتعملي اية يا تمارة اعقلي يا بنتي مش كدا ربنا أمرنا بالستر

تمارة بصت ليها بغيظ و قالت:- 

و هي معملتش كدا لية ؟ افهم معملتش كدا لية ؟ وقفت قدام الكل و طلعت فينا العبر و قالت علينا ولاد شوارع ماشيين على حل شعرنا 

شاورت على لينا و قالت:- 

كان عاجبك منظرها لما جت تعيط ها قوليلي

فتحية اتنهدت و قالت:- يا بنتي انا مرفش هتعملي اية لكن كله إلا الفضيحة يا تمارة عاقبيها بأي حاجة تانية إلا الفضيحة

تمارة بصتلها ببرود و قالت:- 

❈-❈-❈

أيمن:- معملتش حاجة يا أستاذ عو بشا هو بس اللي بيدخل نفسة في حاجات ملوش فيها فـقـولت ليه متدخلش هو دا كل اللي حصل

العو بسخرية:- أيوة طبعاً مفهوم مفهوم

و ضربه على قفاه كف خلاه وقع على الأرض و مسكه من لياقة هدومة وقفه و قال:- 

انت شايفني غبي وإلا مختوم على فقايا عشان أصدق كلامك دا 

و لوي بوزه و هو بيقول:- 

دا انت شكلك عامل عملة منيلة مع الشاويش رياض عشان كدا وصي عليك دي عمرها ما حصلت يا جدع هتقول بالذوق وإلا هتقول برضوا بالعافية ؟ 

❈-❈-❈

ضياء:- و انتي إيش عرفك إن بنتك مظلومه و طلما شيفاها بعينك ليه مدخلتيش تدافعي عنها ؟! 

زيزي بتوتر:- خفت على نفسي يا سعادة البيه أنا ست كبيرة و مش حمل دا كله 

ضياء بسخرية:- ست كبيرة و مش حمل دا كله عليا أنا برضوا يا زيزي هانم دا صوابع عطيات لسة معلمة على خدك أهي

زيزي حطت ايديها على خدها و قالت في نفسها:- 

يعني لازم تفكر الواحد ما تسيبني ناسية يخويا دي أول مره تحصل في التاريخ إن واحدة تمد ايديها علي زيزي

فاقت على صوت دولت و هي بتقول:- 

يتبع..