رواية روضتني الجزء الثالث من احببت طريدتي
 للكاتبة أسماء المصري

تعريف الرواية

ما لكَ في قلبي إلا مكاناً صغيراً

يُقدر بحجم قبضة يدي..

ولما شَعُرت بتخمة عِشقك.

ذهبت لطبيب العشاق ... وسألته..

ما بالِ أتألم بحضوره وفراقه ومكانه فى قلبي يُضاق؟

فقال لي إچابةٌ ولجت لنفسي كالمحراب..

إچابته كانت، ألا تعلمي أن حجم القلب قبضةٌ من يدك؟

و هو يملؤها متخماً بالعشقِ..

فشعرتِ معه أنكِ 

قد وصلتى أعلى وأعظم عِناق

من خواطري

أسماء عادل المصري

تصنيف الرواية

إجتماعي، رومانسي، اجتماعى، رومانسية، أكشن

حوار الرواية

الحوار بالعامية المصرية

سرد الرواية

السرد فصحى

❈-❈-❈

رواية روضتني الجزء الثالث 

الفصل الثاني عشر

أحترم عقول البشر لكن لا أثق بهم

ويليام جيتس.

❈-❈-❈

لا يستطيع المرء أن يشعر بالراحة واﻷمان طالما وراءه مسئوليات تجاه اﻵخرين، خاصة وإن كان هو الوحيد القادر على تحمل تلك المسئولية، ويشعر هذا اﻻنسان دائما بحاجته لمتنفس عن مسئولياته مع اقرب الناس إليه حتى يفضي ما بداخله أمامه ليستريح من عناء ما يحمله، ولكن بوجود مخاطر تحيط بالجميع وخاصة من يتنفس لأجلهم فهذا يجلعه يشعر بغصة من مجرد التفكير بأذيتهم، ووقتها قد يتشتت ويفقد تركيزه للحظة ربما أو أقل فيحدث ما لا يحمد عقباه.

ربما استخف قليلا بقدرة خصومه بالرغم من جمعه للكثير من المعلومات عنهم وعن أعمالهم وقوتهم، ربما لعب غروره دوراً هنا في تلك المعادلة الصعبة والتي يجد نفسه فيها خاسراً خسارة فادحة بالرغم من اتخاذه لكافة الاجراءات التي اعتقد انها تحميه هو وزوييه، ولكن جاءت ضربة أعداءه بالقوة التي جعلته عاجزاً عن التصرف أو إيجاد حل.

رفع عينه فوجدها تنظر له بلمعة من الذعر والخوف الذي يعلم ملامحه تماما عندما يسيطر عليها؛ فنهر نفسه على اشراكها معه بتلك اﻻمور التي لا ناقة لها بها ولا جمل، وكل ما سيحدث هو حالتها الخائفة التي يراها أمامه بأم عينه.

رمقها بنظرات مطمئنة قدر المستطاع واستمع لها تسأله بتوتر ملحوظ:

-يعني أنت كنت عارف إن في مخطط بس معرفتش هو إيه مش كده؟

نفى برأسه واكد:

-عرفت كانوا ناويين على ايه، بس الواضح انها كانت لعبه منهم على ولاد مروان عشان يشوفوهم هينفذوا ولا لأ.

لم تفهمه فنظرت له بحيرة وسألته من جديد:

-انا مش فاهمه حاجه، ولاد مروان كانوا عارفين أنهم هيولعوا في المصنع؟

حرك رأسه نافيا وأجابها:

-ﻷ يا ياسمين، كانوا مفهمينهم إن التهديدات هتكون ليكم انتم، بلغوني انهم ناويين يخطفوكم زي ما خطفوا مامتهم عشان يساوموني.

ابتلعت ريقها بتباطئ وهمهمت بخفوت:

-ولما هي الحكايه كده، ايه اللي وصلهم للمصنع؟

اطرق رأسه وزفر زفرة قوية وقال بضيق:

-اكيد كانت لعبه منهم عشان يتاكدوا أنهم معاهم.

حاولت أن تجلي حلقها وعادت لأسئلتها التي لم ولن تنتهي:

-برده أنا مش فاهمه حاجه، يا فارس فهمني أنا خايفه ومرعوبه عليك وعلى الولاد.

مسح بيده على و جهها ووجنتها نزولاً لعنـ قها وخلف أذنها برقة شديدة، وتحدث بقوة كعادته:

-اوعي تخافي طول ما أنا موجود، أنا مستحيل اخلي أي حاجه تحصل لكم طول ما أنا عايش على وش الدنيا.

اقترب منها وقبـ ـلها قبـ ـلة رقيقه غير مثيـ ـرة فقط تلامس شفـ ـتيهما بحنان، وابتعد ينظر لها ببسمة مصطنعة وقال مازحا بسخرية:

-عارفه نفسي ايه؟

تصنعت الإبتسام هي اﻻخرى وسألته:

-ايه؟

أجابها وهو يسحب نفساً عميقاً بداخله وطرده للخارج بقوة:

-نفسي في سيجار كوبي من النوع الجولد، كان بيعدل دماغي أحسن من عشر فنجانين قهوه.

احتضنته وقالت برقتها التي تذيبه:

-حبيبي بطل السجاير وبقى إنسان مستقيم وطالع الحج وقريب يبقى الحاج فارس الفهد، تفتكر ينفع ترجع للغلط تاني؟

ضحك ضحكة خفيفة وقال متذمراً:

-يا ستي بقول نفسي، كنتي شوفتيني شربتها!

تركها وتحرك من أمامها فسألته بحيرة:

-رايح فين؟

أجابها وهو يهم بتغيير ملابسه لأخرى رياضية:

-هنزل اتدرب شويه يا سلطانه، محتاج اخرج طاقة الغضب اللي جوايا عشان اهدى واعرف انام.

أومأت له وهي ترسم البسمة على وجهها؛ فغادر فورا متوجها للصالة الرياضية الملحقة بفيلته، وبدأ بتمارين الإحماء وبعدها أمسك أوزانه الحديدية الثقيلة وأخذ يدرب بها ساعده وقدمه وكانه آخر تمرين بحياته؛ فتذكر تلك الزيارة التي قام بها لأبني عمه.

❈-❈-❈

استمعا لأصوات طرقات عنيفة على باب الغرفة الفندقية التي يمكثا بها؛ ففتح يزن الباب بسرعة وهو يهدر بمن بالخارج:

-ايه التهريج ده؟ في حد يخبط...

قطع صيا حه فور فتحه للباب ورؤيته المهيب الطلة، وبالرغم من وقوفه أمامه إﻻ أنه يعلم تماماً شخصية من يقف بصدده، ابتعد خطوة للخلف وابتلع ريقه بتوتر وهو يتمتم بتلعثم:

-فاارس!

دلف اﻷخير وعينه تطلق شرر مريب وجلس واضعاً قدمه فوق اﻷخرى بتعالي وعجرفة ظن انه قد تخلى عنها، ولكنه وجد نفسه رغما عنه يتعامل بتك الحدة والصرامة بعد أن استمع لتسجيلهم المرئي؛ فاعقد حاجبيه ورمقهما بنظرة جامدة وهتف بصوت جاد:

-ازيكم يا ولاد مروان؟

حاول آسر الرد ولكن يزن كان الأسبق بالنظر لأخيه اﻷصغر ليسكته وتحدث هو فوراً:

-عايز إيه يا فارس؟ إيه اللي جايبك هنا؟

قوس فارس فمه وصر على أسنانه وتحدث بغلظة:

-كنت فاكر أن بعدكم عن مروان الفهد ممكن يعمل منكم رجاله، لكن الظاهر الجينات تأثيرها قوي أوي.

احتدت ملامح يزن وصرخ به عنيفاً:

-انت جاي لحد هنا عشان تهين فينا وفاكر هسكتلك؟

وقف فارس منتفضاً وهو يرد بقسوة:

-أنا أهو قدامك يا ابن مروان ومن غير حراسه عشان تعرف تتخانق معايا كويس، ووش لوش بدل ما تروح تضربني في ظهري زي ما أبوك كان بيعمل.

اقترب منه ونظر داخل حدقتيه وقال بصوت أجش غاضب:

-اتعلم لما تضرب تبقى راجل وتضرب اللي قدامك في وشه.

لم يعي آسر مغذى حديثه فسأله بضيق:

-في ايه يا فارس انت داخل تقول يا شر ليه كده؟ هو حد كان داسلك على طرف؟

أجابه يزن دون مقدمات بعد أن فهم اﻷمر برمته:

-واضح إن عاليا محفظتش السر، حبها ليك أكبر من حبها للحياه يا فارس وعندها استعداد تخاطر بنفسها وبكل حاجه عشانك، وبالرغم من ده انت مش حاسس ولا مهتم بيها.

ابتلع فارس ريقه بضيق ورد اتهامه:

-عاليا مبتحبنيش يا يزن، عاليا عندها تعلق مرضي وده مش حب، المرض مش حب .. المرض مرض وبيحتاج علاج.

ضحك ساخراً من رده وتركه متحركا صوب المقعد وجلس وهو يسأله بضيق:

-طالما عرفت اللي فيها، جاي ليه؟

تبعه فارس وجلس أمامه ورد بضيق:

-جاي عشان أساعدك وتساعدني، ده لو عايز والدتك ترجع! إنما لو أنت شايف اني استحق الخطط والمؤامرات اللي أبوك كان بيعملها ضدي ووقعتني مع الناس دي يبقى على اﻻقل العب بشرف ومتستخباش زي الفار في جحر وتخرج تسرق وتجري.

شعر بالضيق فأحكم قبضته بإحكام محاولا ابتلاع الإهانة التي تلقاها للتو من ابن عمه وتنفس بحدة وهو يجيبه:

-أنا راجل يا فارس طول عمري، ولو الظروف مخلتناش اتعاملنا مع بعض قبل كده عشان تعرفني كويس؛ فده ميديكش الحق أبداً انك تيجي لحد عندي عشان تهيني بالشكل ده.

صاح اﻵخر بحدة ووجوم:

-وتفسيرك إيه للي بيحصل؟ جاي بنفسك تساعد اعدائي على تدميري بالشكل ده ومن غير ما تحاول تنبهني أو حتى...

قاطعه يزن بحدة مماثلة:

-اديك عرفت اهو، روح بقى خد احتياطاتك بعيد عني، أنا لو بعمل ده فعشان أنقذ أمي من أيديهم مش عشان بكرهك ولا عايز انتقم منك.

التف حول نفسه بتيه وعاد ينظر له هاتفاً:

-أنا لما جيتلك الشركه كان عشان تديني الفلوس وأروح اسلمهالهم ونخلص من الليله دي، لكن أنت أكدتلي أنك سلمتها للبوليس ودلوقتي هم تارهم معاك مبقاش فلوس وبضاعه وبس.

نظر له فارس باهتمام واﻵخر يستطرد:

-تارهم معاك، تار رجالتهم اللي اتقبض عليهم ومخازنهم اللي اتحرقت وبضاعتهم اللي راحت وخسارتهم لقوتهم هنا بعد ما بابا اتكشف بالشكل ده للبوليس بسببك.

مسح وجهه براحته واقترب منه قائلاً:

-أنا لو عليا لا كنت عايز فلوس ولا عايز أرجع هنا من اﻻساس، بس أمي في أيديهم يا فارس... حط نفسك مكاني يا أخي.

نظر فارس للأرض فور نطقه لجملته اﻷخيرة وتنهد بحزن واستمع له يكمل:

-لو مراتك ولا حد من اللي يخصك تحت أيديهم كنت عملت إيه عشان ترجعهم؟ ومش هقولك والدتك لأني عارف أنها متهمكش عشان كده عمرك ما هتحس أنا حاسس بايه، وهي تحت أيديهم وكل يوم بيعدي عليا ازاي؟

سهم حارق اخترق صدر ذلك القوي الذي لا يتألم إﻻ نادراً، ولكن أصبح باﻵونة اﻷخيرة أي تطرق لأمر والدته يؤلمه حد الموت فصمت وربت على كتفه مواسا وقال بعد تفكير:

-طيب خلينا نفكر سوا، نشتغل مع بعض عشان نرجع والدتك واحمي عيلتي.

ضحك يزن بسخرية من ثقته الكبيرة بنفسه وآثر على إيضاح اﻷمور له حتى يعلم تماماً مع من يتعامل، فابتلع ريقه وقال باطناب:

-طيب يا فارس انت لازم تفهم إنك مش بتتعامل مع شوية مهربين وخلاص هتعمل لهم كمين والبوليس هيقبض عليهم وخلصنا، دي منظمه كبيره ولها فروع في كل بلد وده انا عرفته لما اخدت أمي واخويا وهربنا بعد أول تهديد جالنا وعرفوا يوصلولنا واحنا سافرنا من بلد لبلد تانيه، فأوعى تتغر بقوتك وتفتكر أنك تقدر عليهم.

جلس بعد أن شعر بقدميه لا تقدران على حمله وأكمل توضيحه:

-منظمه مسؤوله عن تجارة المخدرات والسلاح في كذا بلد ولهم أتباع في كل حته ولهم ناس بتساعدهم جوه قلب البوليس، يعني مش بعيد لو حاولت تبلغ فيكونوا هم نفسهم اللي يعرفوا المنظمة دي ببلاغك، زي ما عرفوهم بالكمين اللي كنت عالمه لبابا.

رمقه بنظرة متعجبه وهو يقول:

-كل السبب اللي خلى خطتك مع بابا تنجح والكمين اللي اتعمل له يعدي إنهم كانوا عايزين كده؛ عشان يخلصوا منه بعد ما بقى ورقه محروقه بالنسبه لهم بسبب كشفك له.

سحب نفسا عميقا وطرده قائلا بحزن:

-سامحني يا فارس بس مش هقدر اقف معاك ضدهم، وانصحك أنت كمان بلاش تقف لهم وحاول تتواصل معاهم وتتفق على حل ودي، بلاش عجرفتك وتكبرك يخليك تفتكر أنك تقدر عليهم لان انا اللي اتعاملت معاهم وعارف قوتهم بالظبط واصله لفين.

امسكه من كتفه ونظر له بحزن واضاف:

-أمن نفسك وعيلتك على قد ما تقدر وحاول توصل لهم يا فارس ولو طلبوا تعويض مادي ادفعه، وصدقني ده احسن حل ممكن تعمله.

نهج بانفاسه وترقرقت عيناه بالعبرات المكتومة وقال:

-انت عزمتني على حفلة ولادك، بس نصيحه مني بلاش تعملها لأنها هتكون فرصة إن يدخل معازيم عندك، ممكن متعرفش مين فيهم معاك ومين معاهم! وممكن لا سمح الله يأذوك أو يأذوا عيلتك.

سأله فارس بارتباك بعد ان شعر بالخوف لأول مرة بحياته ليس خوفاً على نفسه بل على نبضات قلبه المتمثلة بعائلته:

-المعلومات اللي عندك بخصوص الحفلة؟ قولي يا يزن ارجوك.

نفى برأسه وأكد:

-لأ، بس برده الحرص واجب.

أعاد فارس رأسه للوراء ساحباً قدرا كبيرا من الهواء داخل رئتيه واعادها ناظراً لابني عمه وسألهما:

-طيب انتوا مأمنين نفسكم ولا بعد ده كله ممكن يغدروا بيكم؟

أجابه يزن مبتسماً بأسى:

-مفيش حاجه مضمونه مع ناس زي دول، بجد الله يسامحه بابا على الورطه اللي ورطهالنا بتعامله مع ناس بالخطوره دي.

استند فارس بذقنه على كفه وصمت مطنبا بالتفكير واغلق عينه لا يجد حل أو مفر من اﻷمر ففتح عينه وسأله بضيق:

-تقدر توصلني بالناس دي؟ 

أومأ له ولكنه عقب:

-بس كده هيعرفوا اننا كشفنا خططهم ليك، وممكن أمي تبقى في خطر.

رد فارس مؤكدا:

-متخافش؛ لأن أنا معرفتش منكم وده هبلغهم بيه.

ضحك يزن وعقب:

-عرفت من عاليا، يعني هتحطها هي في وش المدفع.

تكلم باندفاع وغضب فصاح فارس موضحاً:

-يا بني أنا لا عرفت منك ولا من عاليا ما تهدى بقى، المستشفى بتراقب عاليا بأوامر مني بسبب محاولتها الكتير للأنتحار، ومقابلتكم كانت متصورة وأنا عرفت من التسجيلات.

زفر يزن وهو يصر على أسنانه قائلاً:

-مش هقدر اخاطر يا فارس ابوس ايدك، انت دور وحاول توصل لهم بمعرفتك.

وقف آسر اخيرا بعد صمت طويل محتدا على أخيه اﻵكبر:

-ما توصله بيهم يا يزن، أنت عاجبك العيشه اللي تحت تهديد السلاح اللي عيلة الفهد عايشه فيها دي؟ عاجبك ماما اللي تحت أيديهم؟ والله أعلم بيعاملوها ازاي؟ وصله بيهم وزي ما كنت ناوي تتفق معاهم لو فارس ادالك الفلوس اتفق معاهم دلوقتي.

حرك فارس رأسه باستحسان لحديث ابن عمه الصغير وأكد على حديثه معقباً:

-الله ينور عليك، آسر معاه حق في كل كلمه بيقولها، إحنا لازم نقف كلنا أيد واحده، مينفعش نتفرق لانهم هيدخلولنا من الثغرات دي زي ما دخلوا أول مره من ثغرة مروان الفهد.

قضم يزن داخل فمه واطنب بتفكيره شارداً قليلا حتى نبهه فارس بصوته:

-ها يا بني؟ هتقف معايا ولا أروح أنا اشوف حالي وحال العيله لوحدي.

❈-❈-❈

عاد فارس من شروده وهو يلكم ذلك الكيس الرملي بقوة وعنف متمتماً بداخله:

-بعد كل ده وبرده أذوني اذيه مش هعرف افرد ظهري بعدها.

زفر بغضب فشعر بأناملها على كتفه؛ فالتفت ينظر لها بهدوء مصطنع محاولا أن لا يظهر لها ما بداخله فابتسمت له وهمست برقة:

-حبيبي، أتأخرت أوي ومش جايلي نوم من غيرك.

وضع كفه على طول ذراعها وأخذ يمرره صعوداً وهبوطاً عليه وهو يرد:

-سرحت شويه يا حبيبتي معلش.

اقتربت أكثر حتى باتت ملتـ ـصقة به وارتفعت على أصابع قدميها وطبعت قبـ ـلة على وجهه وخده قائلة بهمس مثير:

-بحبك يا فارس.

قبلـ ـته برقه وشغف فبادلها القـ ـبلة، فابتعدت بعد أن شعرت بحاجتها للهواء ونظرت له مبتسمة وفكت رباط مئزرها الطويل فسقط أرضاً على الفور ليظهر جسـ ـدها أمامه مجر داً من أي قطع ملابس، واقتربت مجدداً مرتفعة على أصابع قدمهيا حتى تصل لطوله ووزعت قبـ ـلاتها على عنقه؛ فانحنى قليلاً ليسهل لها الوصول لوجهه، وبدأ في مبادلتها القبـ ـلات الساخنة والعميقة متنهدا بإثا رة فنز عت عنه ملابسه المتعرقة فشعر بالحرج وهمس من بين نشو ته:

-أنا عرقان أوي من التمرين، تعالي نطلع الجناح عشان آخد شاور و...

قاطعته وهي تكمل إثا رته غير عابئة بما يقوله وهمست بإثا رة:

-ريحتك مسك يا قلبي، المهم بس متنساش تمسح التسجيلات دي من كاميرات المراقبه.

غمزت له بنهاية حديثها؛ فحملها فوراً وجلس على مقعد التمرين جاعلاً اياها تجلس أعلاه تحتضن خصـ ـره بقدميها ورد مبتسماً:

-اكيد مش همسحها وهحتفظ بيها لنفسي اتفرج لما توحشيني ومش قادر اطولك.

ضحكت ضحكة رقيـ ـعة ولكنها تذكرت مكانهما فاغلقت فمها بكفها على الفور فسحب فارس يدها واخبرها:

-خدي راحتك يا سلطانه، مفيش حد معانا غير داده حتى ساهر عند ميار.

قضمت شفتها السفلى وهمست:

-بس اوضة داده قريبه أوي من الچيم.

حاوط خصـ ـرها بذراعيه وقال:

-داده نومها تقيل، بقولك خدي راحتك بقى ودلعيني.

رمقته بنظرة لعوب وقالت بشكل مثير ومدلل:

-يعني إحنا لوحدنا خالص خالص؟

أومأ لها وهو يبتسم وقد تناسى همومه قليلاً من دلالها الذي يقتله رويدا رويدا؛ فأضافت تسأله:

-يعني استفرد بيك واعمل فيك اللي نفسي فيه براحتي خالص؟

ضحك وهو يقبلها من عنقها وأومأ مؤكدا على حديثها:

-استفردي بيا واعملي اللي نفسك فيه يا سلطانه، وأنا انهارده عبدك وملك ايدكي.

فهما ببعضهما البعض بشغف وحب فاق قدرتهما على التحمل اكثر فانصهرها قلباً وجسـ ـداً وكيانا، انتهى يلـ ـهث بأنفاسه ونظر لها بحب وقال:

-أنتي الوحيدة اللي بتعرفي تخرجيني من مود الحزن.

ضحكت بدلال وردت عليه وهي تقف وتتناول مئزرها الملقى على اﻷرض:

-أنا ولا قلة الا دب؟

وقف يرتدي ملابسه هو اﻵخر ورد:

-قلة الا دب معاكي انتي وبس.

قبـ ـلها قبـ ـلة عميقة وسحبها من راحتها وتحرك للخارج وهو يقول:

-تعالى عايز اوريكي حاجه مهمه.

توجه للخارج فتعجبت وسألته بحيرة:

-فارس، هنروح فين بالشكل ده؟

اشارت لملابسهما البيتيه فغمز لها وخلل أصابعه بخاصتها وسحبها معه قائلا:

-تعالي بس.

وجدته يقودها صوب اسطبل الأحصنة فعادت تسأله:

-احنا رايحين فين بس فهمني؟

أجابها مبتسما:

-انتي شايفه رايحين فين؟

ردت بتوتر:

-اﻻسطبل.

أومأ غامزاً وظل يمشي وهو يسحبها خلفه فتعجبت من تصرفه وهمست بتمنع:

-بلاش اﻻسطبل يا فارس، خلينا نروح الجناح بتاعنا احسن، الڤيلا كلها متراقبه صوت وصوره.

وصل فترك راحتها ونظر لها وقد انفطر قلبه من كثرة الضحك وقال مازحاً:

-انتي خلاص دماغك مش رايحه غير في السـ كة الشمال كده على طول! 

عقدت حاجبيها وهي لا تفهم مغذى حديثه ولكنه لم يطل اﻷمر؛ ففتح باب اﻷسطبل لتجد مهرة بيضاء غاية في الجمال والتوهج، فهرعت صوبها تمسح بيدها على ظهرها وهي تقول بانبهار:

-الله يا فارس، ايه الجمال ده؟ تحفه.

اقترب منها من الخلف واحتضـ نها واضعا راحتيه على بطـ نها وقال بغزل:

-أحلى فرسه لأجمل سلطانه في الوجود، كنت ناوي اقدمها لك في الحفله بس ملحقتش.

التفتت وحاوطت رقبته بذراعيها ونظرت له بحب وعشق وهي تتغزل بحبها له:

-أنا محظوظه بيك يا فارس، محظوظه بإنسان جميل بكل معنى للجمال، جميل في الشكل والطباع واﻷخلاف ومهما كانت نظرة الناس ليك فهم مش شايفين حقيقتك اللي انا شيفاها وعرفاها.

شعر باﻷنتشاء من عذب كلماتها فتنهد وهو يفكر بداخله ماذا عليه أن يفعل حتى يضمن استقرار وأمن عائلته؟ وبالطبع شعرت هي بما يثور بداخله فمسحت براحتها على وجهه وسألته بخفوت:

-ناوي على إيه في الموضوع ده؟ وهتعوض الخساره دي ازاي؟

حرك رأسه وحك لحيته بضيق ورد بعد أن تنهد بعمق:

-الحل الوحيد ارضخ لتهديدهم وادفع لهم التعويض اللي طالبينه.

سألته بتوتر:

-كام المبلغ؟

ضحك ساخراً ونظر للأرض ففهمت أنه مبلغ أكبر من تخيلاتها فسألته باهتمام:

-كبير للدرجة دي؟

أومأ لها مؤكداً موضحاً:

-بعد اللي حصل في مصنع العالميه، لو دفعت اللي طلبوه مش هيكون حيلتي حاجه أقدر أقوم بيها المصنع من تاني، وساعتها مش عيلة الفهد بس اللي هتعلن افلاسها، أنا كمان هعلن افلاسي.

رفعت كتفيها تحركهما بعصبية وهي تحاول أن تخفي توترها وقالت:

-وايه يعني؟ عادي.. وتبدأ من جديد وأنا معاك.

اتسعت بسمته وأمسكها من راحتها وتوجه للخارج صوب ڤيلته وتحدث معها بتعجب:

-ازاي يكون ده تفكيرك؟ انتي فاهمه يعني ايه المجموعه العالميه ومجموعة الفهد تفلس؟ مش بس حياتنا هتختلف وهننزل من طبقة الاغنيا للطبقة اﻷقل، ده كمان في اكتر من 7 آلاف عامل وموظف هيتشردوا ويخسروا وظايفهم، انتي فاهمه خطورة ده ايه يا ياسمين؟

ردت بحدة وهي تؤكد:

-اكيد فاهمه، بس ده أحسن ولا إنهم يرجعوا يأذوك تاني في مالك ولا عمال تموت من تاني، ولا المره الجايه تبقى الأذيه لينا ... ليا أنا وولادك؟

وصلا ودلفا داخل الڤيلا فجلس على أقرب أريكة وجلست بجواره وهي تنتظر رده؛ فعمق تفكيره وأجابها أخيرا:

-عشان أدفع لهم وأقدر أحافظ على المجموعه لازم نستغنى عن حاجات كتير أوي من ممتلكاتنا وهنتعب أوي عشان نحقق ده.

رمقها بنظرة جادة وسألها:

-مستعدة نعيش بمستوى أقل؟ مستعده نستغنى عن كل الرفاهيات والكماليات في حياتنا؟

وافقت دون تفكير وعقبت:

-عارف لو هتقولي اننا هنعيش في شقه أقل من بيت جدي اللي في عابدين، أنا موافقه وراضيه وعمري ما هشتكي، بس المهم عندي اننا نكون في أمان.

❈-❈-❈

هل يمكن أن يمر الوقت بهذه السرعة والجميع يعملون كخلية نحل تحاول الانتهاء من بناء عشها لتحمي ملكتها، وبنفس الوقت على الجميع إنتاج العسل ليغذي الخلية؟ كان هذا هو السائد بالمجموعة العالمية ومجموعة الفهد كحد سواء، الجميع يحاولون إيجاد حلول للخروج من اﻷزمة بأقل الخسائر المادية والمعنوية.

كل هذا وفارس لا يدخر جهده بمحاولة التواصل مع تلك المنظمة التي تسعى لإبادته تماماً عن وجه الأرض، وعمل عمر الباشا على مساعدته بالرغم من المخاطر التي قد تقابله هو الآخر لمجرد التدخل بالأمر، ولكنه لم يستطع الوقوف مكتوف اليدين وهو يرى هذا الخطر يهدد عائلة بأكملها تحتوي على نساء وأطفال لا ذنب لهم بما يدور بعالم الرجال.

عاد منزله بعد يوم شاق فاستقبلته زوجته بلهفة؛ فوجدته منهك القوى فزمت شفتيها بضيق وقالت متذمرة:

-انا مش عاجبني حالك يا عمر، أرجوك أعتذر من فارس الفهد وسيب الشغلانه دي، أنا معنديش إستعداد اخسرك.

جلس بإجهاد على المقعد المقابل لباب منزله وشرح لها وجهة نظرة:

-اللي تقفي معاه انهارده هيقف معاكي بكره، وفارس الفهد مش قليل .. ده من أكبر رجال اﻷعمال في البلد ومعارفه وصلاته ممكن توسع دايرة شغلي اكتر واكتر.

زفرت بضيق وقالت:

-مش مهم كل ده، أنا مش هفرح بمعرفته لو أنت جرالك حاجه وأنت عارف إن الناس اللي بيهددوه دول حيتان ومعندهومش رحمه.

رفض حديثها وقال بفضول:

-على كده لو أنا في يوم وقعت في نفس اﻷزمه هيكون ده رأيك؟ 

نفت على الفور وهي ترد:

-ربنا ما يجيب مشاكل أبداً يا حبيبي، بس أنا خايفه عليك.

ابتسم وهو يربت على رأسها هاتفاً:

-لو كل واحد فكر زيك كده محدش هيساعد حد وهنلاقي نفسنا في غابه، ودي طبيعية شغلي، بفارس الفهد ومن غيره الخطوره موجوده، فسلميها على الله وادعيلي انتي بس في كل صلاه.

اقتربت منه وجلست على فخـ ذيه فابتسم لها وسألها:

-دنيا ناميه ولا إيه؟

أومأت له فغمز لها ضاحكاً:

-طيب مش تقولي.

ضحكت على الفور إثر دغدغته وظل يمزح معها بمرح، ولكنه توقف فجأة وكأنه تذكر شيئا هاماً وقال:

-عايزك تقربي من مرات فارس يا ديچا، مراته محترمه أوي وبنت حلال وعلاقتنا بيهم هتنفعنا كتير، انتي عارفه إن شغلي كان نايم الفتره اللي فاتت بسبب السفر وولادتك وكل اللي مر علينا، وجه فارس الفهد في الشهر ده بس وردت له أمن وبودي جارد قد اللي اشتغلت بيه طول السنه.

داعـ بت ذقنه هامسة:

-صحوبية مصالح يعني!

ضحك من مشاكستها له وصحح لها:

-صحوبية هتنفعنا وتنفعهم

❈-❈-❈

جلس بإجتماعه الرابع لهذا اليوم لتحديد النقاط الأساسية لحل اﻷزمة، ولكن هذا اﻷجتماع كان مختلفا بعض الشيئ عن سابقيه، فهو ضم فقط المعنيين باﻷمر ممن يحملون لقب الفهد وبداخل ڤيلته.

نظر فارس أمامه لأخية الروحي وسأله:

-انت متأكد من الدراسة والتقارير دي يا مازن؟

أومأ له بضيق وهو يؤكد له:

-للأسف، لازم نسحب كل البضاعه اﻵجله اللي في اﻷسواق ونوقف كمان البيع في مراكز البيع والتوكيلات، ده بند واحد بس عشان نوفي طلبات التصدير اللي عليها شروط جزائيه.

استند بظهره على مقعده ونظر لساجد يسأله:

-وانت عملت إيه في التعويضات؟

أجابه بعملية شديدة:

- الأهالي اللي سحبوا القضية دفعنالهم الشيكات، لكن اللي رفضوا المبلغ بقى فالشئون القانونيه قالت نستنى الجلسه الجايه عشان نحدد الخطوه اللي بعد كده.

رمقه بنظرة متضايقة وقال بحدة:

-انا مش قولتلك بلاش تتفاوض معاهم واللي يطلبوه ادفعه!

رفع ساجد حاجبه بدهشة وقال بتعجب:

-ازاي بس يا فارس عايزني أعمل كده؟ أنت الجلاله بس وخداك عشان العمال اللي ماتوا، لكن لو عملنا كده كل العائلات هتهجم علينا ومش هنلاحق على التعويضات، وأصلاً لا في سيوله ولا كاش نقدر نوفي بيه كل ده.

صاح به بحدة:

-خد من مالي الخاص يا أخي، لكن متساومش اﻷرامل واﻷيتام على دم أهاليهم.

وقف منتفضا بغضب؛ فحاول مازن تهدئته:

-براحه يا فارس الأمور متتاخدش كده، انا فاهمك وحاسس بيك بس إحنا في ظروف لازم....

قاطعه بغضب:

-احنا في ظروف وهم لأ؟ إحنا محتاجين الفلوس وهم لأ؟ دول أرامل وأطفال مات لهم العائل الوحيد.

نفذ صبر ساجد فوقف هو اﻵخر صائحا:

-خلاص أعمل اللي يرحك بس حط في اعتبارك إنك لو وافقت على مساومة المحامين بتوعهم هيطمعوا أكتر وأكتر ومش هنخلص.

وضع مازن يده على كتفه وأجلسه بالقوة وقال بهدوء:

-اقعد واهدى، إحنا كلنا هنا بنحاول نحل.

قوس فارس فمه وتنفس بحده ولكنه صمت ينظر للأوراق التي أمامه وتلك الإحصاءات التي تؤكد له صعوبة القادم؛ فظل يراجع بتركيز حتى دلفت ياسمين حاملة فناجين القهوة ووضعتها أمامهم وهي تسأل بفضول:

-ايه اﻷخبار؟ بتتحل ولااا...

صدح صوته الغاضب والأجش يرد:

-بتتعقد اكتر واكتر، وكل ده كوم واختفاء ولاد مروان كوم تاني وياريت ده بس اللي قالقني.

نظرت له بأهتمام فقال بتوضيح وكانه تخلى عن توخي حذره من إخافتها:

-سكوت المنظمه دي وعدم ظهورهم لشهر كامل لحد دلوقتي، وبعد تأكيد يزن إن دي مجرد البدايه مخليني أحس إن ده السكوت اللي بيسبق العاصفه، وبقيت حاسس بنار جوايا من احساس الرعب اللي لا عقلي ولا جسمي واخد عليه ده وقادر يستوعبه.

جلست معهم وسحبت اﻷوراق من أمامه ونظرت بها بتدقيق وظلت تقلب بها يمينا ويسارا فسخر ساجد منها هاتفا:

-يعني 3 رجاله من أكبر وأكفأ رجال الأعمال قاعدين شهر بحاله بيفكروا في حل ومش لاقيين، وأنتي يا ياسمين بلفك للأوراق في الكام ثانيه دول هتلاقي التايهه!

أدرك فارس أن حديث ابن عمه ما هو إﻻ سخرية وإهانة لزوجته؛ فصر على أسنانه ونظر له بغضب وصاح به موبخاً:

-اياك تاني مره تحاول تهين مراتي بالشكل ده، فاهم ولا لأ؟

نظرته الحادة وغضبه الهادر جعل مازن يحاول تهدئته فقال بمزاح:

-يا عم سيبك منهم الأتنين عيال من سن بعض يلعبوا سوا، وخلينا أنا وأنت الخناشير ماشيين بالمسكنات.

لم يبتسم فارس لمزحته ونظر له بجمود ولكنه انتبه لصرخة زوجته:

- لقيتها، هو ده الحل الوحيد.

يتبع...