رواية خادمة قلبي الجزء الثاني 
بقلم الكاتبة زهرة عصام

رواية خادمة قلبي 

الفصل السادس عشر

ملوك بشماتة:- إلبسي بقي عشان تبقي تشتميني تاني 

ملك بصت لـ صفاء و قالت:- 

عيدي تاني اللي إنتي قولتيه كدا 

صفاء:- البنت دي قليلة الأدب و مش محترمه ، بترد علي الميس بتاعتها ، بس الغلط مش عليها الغلط على اللي رباها

ملوك فتحت بوقها و قالت:- 

ينهار إسود و منيل ، مش لقيا غير أمي و تغلطي فيها ، سلميلي على الأموات يا ميس صفاء

المديرة تنحت و وشها إصفر و قالت:- 

يلهوي دا اليوم مش هيعدي على خير ، اللي أعرفة إن مدام ملك مش بتسيب حقها لـ حد و كمان بتجري ورا المشاكل ، الله يخربيتك يا صفاء على اليوم اللي إشتغلتي فيه معانا 

ملك برقت لـ صفاء و رمت النظارة و هي بتقول:- 

حلو غلطت وأنا كُنت مستنياها تغلط ، لا و بتلكك أصلا

قربت من صفاء و قالت:- 

فرصة أخيرة عشان أكون عملت اللي عليا و مالك ميقولش عليا بخترع مشاكل مع طوب الأرض ، إعتذري ليا و لملوك دلوقتي

صفاء:- أعتذر لمين لحتت عيلة لا راحت ولا جت و مش متربية كمان 

ملوك :- حلو غلطت تاني وانا أصلا مش بحبها شوفي شغلك يا ملك 

ملك بص لـ ملوك و قالت:- 

روحي إقعدي هناك و إشربي العصير بتاعك يا قلب أمك ، أصل أمك عندها طالعة و مش هتهدي غير لما تخلصها على أكمل وجه

ملوك قعدت على الكرسي و بقت تشرب العصير و هي متابعاهم

و ملك قربت من صفاء و قالت:- 

يعني بتشدي شعر البت و بتشتميها و لما ردت عليكي زعلتي ، و مسكتيش على كدا لا حاجة تغلطي فيا أنا و مالك 

تؤ تؤ تؤ تؤ أنا ممكن أسامح في أي حاجة إلا إن حد يغلط في مالك ملوكي 

فجأة مسكتها من شعرها و لهجتها إتغيرت و قالت:- 

إية فكراني مش هكلمك ولا هرد عليكي إصحي يا حلوة دا ملك الشاذلي يا بت 

صفاء صوتت و قالت:- 

إبعدي عني يا متو.حشه إية إللي إنتي بتعملية دا ، إلحقيني يا ميس سلوي

ملوك بصت للمديرة و قالت:- 

ميس سلوي مامي دلوقتي مش شايفه قُدمها ، نصيحة مني متتحركيش من مكانك لحسن تاخدي بوكس وإلا قلم

ملك بشـ ـر :- عوزاها تلحقك من إيديا يا بنت سلطح ملطح ، لا يا حلوة طلما وقعتي في إيد ملك يبقي مش هسيبك غير و أنا واخدة حقي و حق بنتي تالت و متلت و بعدها أرفدك من الحضانة مع توصية مني إنك متشتغليش تاني 

صفاء عاندت معاها و قالت:- 

لية مفكرة نفسك مين أنا كدا عرفت البت طالعة مش متربية لمين 

سلوي:- يخربيتك إسكتي ما تنضر.بي و إنتي ساكته ، لازم تعاندي معاها هتضر.بك أكتر يا منيلة

ملك :- برافوا يا ميس سلوى بتتعلمي بسرعة يا حبيبتي ، أما إنتي بقي يا قمر ، فـ ورحمت أمي ما هسيب في وشك دا حته سليمة عشان تبقي تغلطي تاني 

ملك مسكتها من شعرها و وقعتها على الأرض و قعدت فوقها و قالت:- 

إنضر.بي بهدوء و من غير شوشرة بدل ما أتصل بـ منال تجيب رهف و تيجي تكمل عليكي

ضر.بتها قلـ ـم على وشها و صوت القلم سمع في الأوضة و هي بتقول:- 

بقي أنا بنتي متربتش ؟ و بتشديها من شعرها تشوفيه باروكا ؟ اية يا قرعة هي زيك وإلا اية 

سلوي كانت واقفة خايفة و حاطة إديها على رقبتها و هي بتقول:- 

يا رب خلصني منها على خير دا انا غلبانة و معملتش حاجة

ملوك بصت ليها و قالت:- 

متخافيش يا ميس طلما إنتي بتسمعي كلامي مامي مش هتضر.بك ، هي هتضر.ب ميس صفاء بس عشان مزعلاني

سلوي بصت لـ ملوك و قالت:- 

مش عاوزة حاجة يا ملوك يا حبيبتي ؟ أبعت أجيب ليكي فطار

ملك :- إبعتي هاتي لينا فتطار ، أخلص إللي في إيدي و نفطر مع بعض يا حبيبتي ، أصل انا حبيتك لله في لله

صفاء بتصر.خ و بتستنجد بأي حد 

فجأة موبايل ملك رن و ملوك أخدته و ردت 

ملوك :- ألو يا مالك

مالك :- أهلا وش المصايب أمك فين 

ملوك :- بتخلص على ميس صفاء يا ملوكي ، بقولك الميس هتجيب لينا فطار نعمل حسابك ؟ 

مالك:- إقفلي يا بنت ملك يا تربية منال ، مش هتستريحوا غير لما نتحبس كُلنا ، هتجيبوا أجلي منكم لله

ملوك:- طب يا بابي يا حبيبي مستنينك ، خلاص مش هنمشي غير لما تيجي تاخدنا

ملوك قفلت الخط مع مالك و سمعت صوت ملك يتقول ليها :- 

برافوا عليكي يا حبيبت أمك ، خليكي إسمعي كلامي كدا و أنا هخليكي تشيلي مالك الصغير و نلعب بيه مع بعض

بصت لـ صفاء و نزلت فوقها ضر.ب من تاني و هي بتقول:- 

كله إلا بنتي اللي يقرب منها أكله بسناني ، عاوزة تبوظيلي نفسية البت ، إلهي تبوظي ما يلاقوا ليكي ميكانيكي يصلحك 

❈-❈-❈

رهف:- أخد حقي بإيدي و في وقتها يا برنس ، إنت مش فاهم أنا لو معملتش كدا منال هتشمت فيا 

حازم برق و قال:- منال ؟ و إنتي تعرفي منال منين ؟ 

رهف بتوتر:- لهو إنت متعرفش

حازم ضيق عينه و قال:- 

لا يختي معرفش

رهق بمزاج :- 

قول كلام غير دا يعني أنا مقولتش ليك ؟ 

حازم بزهق :- 

لا مقولتيش و لخصي قولي بدل ما أرفدك دلوقتي

رهف قعدت على الكرسي و قالت:- 

طب إقعد إقعد يا سعادة البيه المدير كريم شانتيه بشا فرقع لوز بيه

حازم قعد و قال بنفاذ صبر:- 

يا رب نخاص بقي 

رهف حطط رجل على رجل و قالت:- 

فاكر لما وليد بشا جه يتقدم لـ منه ؟ 

حازم :- إخلصي إنتي هتنقطيني ؟ مالهم وليد و منه 

رهف :- ما أنا جيالك في الكلام أهو إنتي اللي متعصب 

خدت نفس و كملت 

فاكر لما دخل المحل و إشتري منه باكتت شاي ؟ 

حازم هز رأسه و قال:- 

و كسفنا يومها بدل ما يجيب جاتوه جاب شاي العروسة مش عارف إية الحكمة في كدا بس طلما الموضوع عدي خلاص ، إنتي إية علاقتك بالموضوع

رهف بضحك :- انا اللي إديته الشاي

حازم تنح و قال:- 

يعني إنتي من عند ملك من الحارة

رهف هزت رأسها بايجاب و قالت:- 

يعني أنا أعرفك أصلا يا سعادة البيه المدير كريم شانتيه بشا فرقع لوز بيه من زمان جدا

حازم :- يااااه فعلاً ليه كام سنه الحوار دا 

رهف:- تأخد التقيلة بقي 

حازم بلوية بوز:- إشجيني يختي 

رهف:- منال تبقي خالتي و تعتبر هي اللي مربياني

حازم برق و قال:- 

أنا قولت من الأول إستحالة الفصيلة دي تخرج عن العيلة دي 

قام وقف و مسك رهف من قفاها و قال :- 

إنتي هتحكي كُل حاجة وإلا

رهف :- من غير وإلا أنا مش لية هاخد القلم شوف إنت عاوز تعرف اية و أنا هقوله ليك دا إنت حبيبي يا سعادة البيه المدير كريم شانتيه بشا فرقع لوز بيه

بس بعد إذنك لو ينفع يعني سيب البلوزة عليها أقساط

حازم بص في عنيها و رهف بص في عنيه و قلبها دق أما حازم قال في نفسه:- 

بريئه بس شرشوحة و تربية منال ، يعني لسان خمسة سته متر قدامها

رهف اللي سرحت تماماً و قلبها دقاته بتزيد و كل شوية تتمعن اكتر في عينه 

حازم قال بسخرية:- 

مكنتش أعرفك إن عيني حلوة قوى كدا 

رهف فاقت على جملته و قالت:- 

لا دا أنا كنت بحاول أحدد لونها ، و بتخيل إزاي هيبقي لونها في الشمس فكك إنت من الحوار دا ، دي عادة مُنذ الطفوله ، سيب بقي البلوزة يا سعادة البيه المدير كريم شانتيه بشا فرقع لوز بيه

حازم هزها و هو بيقول:- 

أول حاجة تبطلي تقولي الإسم دا إسمي بشمهندس حازم غير كدا لا

رهف :- و لية التكليف و وجع القلب مشيها حازم و خلاص 

حازم برق ليها و هزها و هو بيقول:- 

إنتي هتصاحبيني يا بت ؟ يا شيخه أنا مش عارفه أعمل معاكي اية ؟ 

رهف زعقت بضحك و هي بتقول:- 

و مصاحبكش لية إن شاء الله ؟ هي من خالتشي حبيتشي تبقي حمت إخوانك ؟ 

بصت لية لقيته هيتعصب فقالت بسرعه:- 

طبعاً إنت مش هتاخد بكلام عيلة زي يا أيها البشمهندس المبجل المحترم 

حازم زقها و بعد خطوات عنها و هو بيقول:- 

أعمل فيكي اية ؟ أعمل فيكي اية ؟ 

رهف ردت عليه بسرعة من غير تفكير:- 

حبني 

حازم برق و بصلها و هو بيقول:- 

اية ؟ 

❈-❈-❈

ملك قاعدة على المكتب بتأكل هي و ملوك و سلوي بتبص ليهم بزهول و صفاء واقفة وشها الحيطة و رافعة إديها الاتنين لفوق

ملك :- خدي طعمية يا ملوك إنتي بتحبيها ، وإلا أجبلك فول 

ملوك :- هاتي ليا طعمية يا ملك بقالي كتير مش أكلت منها 

ملك قعدت ملوك على رجلها و بقت تأكلها و تاكي و همست ليها 

إنتي متأكدة إن أبوكي جاي ؟ 

ملوك هزت رأسها بايجاب و قالت:- 

أيوة دا قفل في وشي السكه يعني جاي متعصب يا ملك ، تيجي نجري 

ملك :- أسد يلا في اية ، إجمدي كدا و ميهمكيش حاجة هي علقة و السلام

يدوب ملك خلصت جملتها و مالك فتح الباب و دخل منه ، بص عليهم و شافهم قاعدين بياكلوا و المديرة خايفة تتكلم ، إتزهل من الموقف بس إستعاد ثباته و قال في نفسه:- 

تربية منال أتوقع منها أي حاجة ، يلا ربنا يقويني عليهم و أربيهم الإتنين من أول و جديد ، و لو حكمت هربي منال معاهم

بص ليهم و ملك بلعت الأكل و قالت:- 

هاي ملوكي تعال كُل يا حبيبي إنت خرجت النهارده من غير فطار

مالك برق ليها و بص للمديرة و قال :- 

في إي ، إية إللي بيحصل هنا ؟ 

سلوي بلعت ريقها و بصت على صفاء اللي لسة واقفة مكانها و خايفة تتحرك ، بص لـ ملك اللي ديرت وشها و بصت لـ ملوك و قالت:- 

كُلي طعمية يا حبيبتي ، إنتي هفتانة و منه كانت بتأكل أكلك 

ملوك :- و مش كانت راضية تديني مكرونه بشامل يا ملك 

ملك ضر.بت على صد رها بحركة شعبية و قالت:- 

مش راضية تديكي مكرونه بشامل

بصت لـ مالك و قالت:- 

لا يا حبيبي مينفعش كدا لازم تجيب لـ ملوك مكرونة بالبشاميل هو إحنا حليتنا غيرها

ملك بصلهم و قال:- 

حاضر عنيا هجيب ليكم إنتوا الإتنين أغلي مكرونة بشاميل

و بص للمديرة و قال:- 

قولي الآنسة تيجي و تتحرك من مكانها

سلوي بصت لـ ملك و قالت لـ صفاء تيجي تقعد

مالك قعد في مقابلة ملك و صفاء قعدت على كرسي جنبهم 

مالك أول ما شافها برق و بص لـ ملك و قال:- 

عملتي ايه تاني يا تربية منال

ملك برقت لية و قالت:- 

سمعاك بتقول حاجة يا مالك

مالك:- إنتي لسة سمعتي حاجة ، إصتبري عليا بس لما نروح 

بص لـ صفاء و قال:- 

أنا بعتذر جداً عن اللي حصل دا 

صفاء:- إعتذار اية حضرتك هي كلت أكلي ، دي بهدلتني و فرجت الناس عليا ، أنا هعمل محضر أصلا

ملك بلوية بوز:- 

إعملي أنا معايا كُل الحق واحدة بتشتم بنتي و بتمد إديها اللي تتقطـ ـع عليها ، و هدخل حقوق الطفل في الموضوع يلا 

مالك برق ليها و قال:- 

مسمعش صوتك لحد ما نمشي من هنا

ملوك همست لـ ملك برعب:- 

ملك هو هيضربنا أنا عاوزة حازم

ملك :- والله يا بنتي انا اول مره أشوف أبوكي كدا ، شكلنا هناخد علقة محترمة يا ملوك 

ملوك هزت رأسها و عيطت و قالت:- 

أنا عاوز حازم 

مالك شخط فيها و قال:- 

مش عاوز أسمع صوتك دا ، و إياك تعيطي أو تقولي عاوزة حازم ، لا حازم ولا غيرة هيحوشوا عنكم النهارده

ملك إتعصبت و قالت:- 

إية في اية نازل شخط من وقت ما جيت ؤ قولتلك غلطت فينا أنا و إنت و البت ، أنا محدش يغلط في جوزي و بنتي و لا تربيه بنتي 

مالك زعق و قال:- 

ملك إخرسي مش عاوز اسمعلك صوت 

ملك قامت و مسكت ملوك و هي بتقول :- 

لا تسمعلي ولا أسمعلك ، سيبهالك مخضرة يا مالك بس إبقي إفتكر مين ملك ها ، و من غير سلام

ملك أخدت ملوك و خرجت من المكتب و ماشية براحة و مالك إعتذر من المديرة و من صفاء و عطاها مبلغ مالي عشان مترفعش قضية 

خرج بسرعة ورا ملك و ملوك و هو بيقول بعصبية:- 

ملك إستني عندك ، هو أنا سمحتلك تمشي ؟ 

ملك مشيت ولا كأنها سمعت حاجة و مالك لحقها على باب الحضانه مسك ايديها و لفها لية بعصبية و ضر.بها كف 

ملك إتفاجئت منه و ملوك اللي برقت و بقت تعيط جامد ، ملك حاطة إيد على وشها و الايد التانية ماسكة ملوك 

مالك:- أنا مش بقولك إقفي ؟ 

ملك مبرقة في الفراغ و ضمت ملوك عليها جامد و مالك بيزعق و ملك مش سمعاه أصلا لحد ما رفعت عنيها عليه و إيدها لسة على خدها و قالت بقهر :- 

طلقني يا مالك 

❈-❈-❈

منال قاعدة و حست بوغزة في صدرها طلعت تليفونها و حاولت تتصل بـ ملك بس ملك مش بترد ، جربت تتصل بـ مالك تليفونه مغلق

قامت تتمشي بتوتر و هي بتقول:- 

إسترها يا رب ، سلمها من عندك يا كريم ، أنا عارفة إن بنتي إديها طوية و لسانها مترين قدام لكنها غلبانة و تستاهل كل خير ، هي بس تلقائية زيادة عن اللزوم و مبتحبش حد يدوس ليها أو لحد يخصها على طرف ، و النبي يا رب سلمها من عندك و رجعلي بنتي و حفيدتي و مالك سالمين غانمين ، إستودعتهم عندك يا رب 

منه جت لقت منال بتلف بقلق و بتدعي فقالت بقلق :- 

في اية يا منال مالك ، مش بالعادة قلقانة كدا 

منال بدموع نادره:- 

حاسة إن أختك فيها حاجه يا منه 

يتبع..