قراءة رواية جديدة روضتني لأسماء المصري - الفصل 28 - 2
قراءة رواية روضتني كاملة (الجزء الثالث من رواية أحببت طريدتي)تنشر حصريًا على مدونة رواية وحكاية قبل أي منصة أخرى
رواية روضتني رواية جديدة قيد النشر
من قصص وروايات
الكاتبة أسماء المصري
رواية روضتني
الفصل الثامن والعشرون
الجزء الثاني
التهور قد يجعل المرء يخسر المعركة ولكن التأني قد يجعلة يفوز على خصم قد يبدو أقوى واعتى، وفي تلك اللحظة بالتحديد الذكاء والتفكير العميق هو السلاح الوحيد أمام القوة المطلقة والتي قد تهدم كل ما تجده أمامها.
أصر عمر عليه بحديثه وهو يوضح الأمر بنظرة الضابط المحنك الذي كان عليه يوما:
-يا فارس اسمعني، قبل ما نتحرك لأي إتجاه لازم نكون حاسبين كل خطوة وإلا هنلاقي نفسنا وقعنا في فخ منعرفش نخرج منه أبدا.
زفر انفاسه وهو ناظرا له بفروغ صبر وهدر أخيرا:
-لو عندك خطه قولها، أنا أعصابي مش مستحمله.
أخرج عمر زفرة يأس من غضب الذي أمامه، ولكنه تفهمه ورد:
-لازم نروح جهاز الامن العام، الملف بتاع غسان والمنظمه بتاعته تحت اختصاص مكتب مكافحة الإرهاب الدولي وصحابي كلهم هناك والموضوع هيبقى سهل إن شاء الله.
أومأ له بعد أن شعر نفسه على وشك الإنفجار ووقف يهندم بدلته قائلا:
-طيب يلا بينا، أنا مش هقدر استنى أكتر من كده.
ضحك عمر وهو يتحرك معه ناظرا بساعته فقد تاخر الوقت عن مواعيد الدوام وقال مازحا:
-احنا نروح نعمل عليهم كبسه ونجيبهم من بيوتهم.
نظرات فارس جعلته يمسك هاتفه ويتحدث بجدية:
-ايوة يا يحيى، أنا جاي الجهاز ومعايا فارس الفهد.
رد عليه الطرف الآخر:
-كويس انك أقنعته، التعاون بينا هيفيد الطرفين.
أغلق معه وتحركا صوب الباب ومنه لخارج البناية وإلى مكتب المكافحة، وهناك تقابل فارس بأعضاء الفريق كاملا ووقعوا معه إتفاقية تعاون مشترك وبعدها بدأ فارس بتنفيذ الخطة المتفق عليها مع الجهاز فخرج بعد أمن رجال الامن وصولهما لمكان سكن أو بالأحرى مكان احتجاز ابني مروان الفهد.
طرق فارس على الباب مغلقا عين الرؤية من الخارج ففتح يزن دون أن ينتبه، وقبل أن يتحدث أشار له فارس بالصمت وهو جاحظا عينه وأخرج هاتفه طابعا على شاشته:
-(انتو متراقبين).
ابتلع يزن ريقه وهو يستمع لصوت أخيه يسأله:
-مين اللي ع الباب؟
رد متصنعا الهدوء:
-ده بتاع الزبالة.
دلف عمر وفارس وعاد فارس يطبع بعض الحروف على شاشتة هاتفه:
-(فين المفتاح اللي بعتهولك غسان مع عاليا؟)
خرج آسر بتلك اللحظه فأشار له عمر بالصمت والآخر يخرجه من جيبه؛ فبدأ عمر بالكشف عن المفتاح ليجده ينفتح لنصفين ويظهر بداخله كلا من جهاز التتبع ومسجل الصوت، فأظهره لهم؛ فلمعت اعينهم بالدهشة وكتب فارس على الفور ما يريده منهم:
-(قول انك هتحط الهدوم في الغسالة)
أومأ له يزن وردد ما امره به، فأخذ فارس المفتاح واضعا إياه بالماء ليفسده بنفس اللحظة التي بدأ عمر بالبحث عن اي أجهزة تصنت قد تكون مزروعة بالمكان حتى إطمأن فتحدث أخيرا:
-البيت نضيف.
صاح فارس فورا وهو ممسك بتلابيب يزن بقوة:
-غدارين زي ابوكم بالظبط، العيلة كلها وقعت في الفخ اللي عملتوه يا شوية***
أخرج سبة نابية وكل منهما صامت، فقط عمر يحول بينه وبينهما يهدأه:
-يا فارس اهدى عشان نعرف نلاقي حل.
نطق يزن أخيراً:
-امي تحت ايده يا فارس.
أخشوشن صوته بشراسة وغضب وهو يعقب:
-في 100 عامل ماتوا ومنهم جوز اختي، تفتكر حياة والدتك تساوي كل دول؟
لمعت عين آسر بالحزن ولكن جاءه رد الآخر:
-لو انت مكاني وأغلى حد في حياتك تحت ايديهم مش هتضحي بكل حاجه عشانهم!
صمت قليلاً ونظر له بغل ناطقا:
-قولي وعرفني وانا اعمل المستحيل وارجعهالك إنما بالغدر؟
تكلم عمر أخيراً:
-خلاص يا جماعه اللي حصل حصل وخلينا حاليا نشوف حل للمصايب دي كلها.
جلس أربعتهم يخططون لما هو قادم فتحدث عمر موضحا:
-دلوقتي كل هدفنا نعرف والدتكم فين؟ وعشان كده انتو لازم حد فيكم يطلب يشوفها كبرهان حياة؛ فلازم تعرضوا عليه أي صفقه عشان يوافق ومن هنا بجهاز تتبع زي اللي كان زارعه فيكم هنعرف مكانها.
أومأ يزن مستمعا باهتمام وتسائل:
-ايه اللي ممكن نعرضه عليه؟
رد فارس على الفور:
-عاليا.
نظرات الدهشة التي اعتلت ملامحهما جعلته يطنب بحديثه:
-هو بيحاول يوصل لها وعايز يخرجها من المستشفى بس مستني منها تديله أي معلومه عني، وانتو بقى هتساوموه على عاليا لأنها رافضه تعرفه أي حاجه تخصني، ولو بقت تحت ايده هيعرف ياخد منها المعلومات اللي محتاجها عني.
سأله آسر بحيرة:
-ولما نسلمه عاليا ويبهدلها عشان يعرف نقط ضعفك؟ فين الإنجاز في ده؟
ضحك عمر وهو يجيبه:
-أكيد كل حاجه متخطط لها يا أستاذ يزن متقلقش انت وحاول تنفذ المطلوب منك بكل دقه عشان نرجع والدتك بسلام.
باءت تلك المحاولة بالفشل بعد أن قام يزن بمساومة غسان الصباغ كما هو مخطط له؛ فقام الأخير بخطفهما بعد أن كشف خطة فارس دون معرفته بتعاونه مع جهاز مكافحة الإرهاب الدولي، ولكنه علم بشكل ما زيارة فارس لهما وهنا فعل ما عليه وحبسهما برفقة أمهما؛ ففقد فارس الأمل لإيجادهما بعد أن أخبره عمر بمكان الڤيلا التي يملكها بالولايات المتحدة ومدى الحراسة المشددة عليها.
-تفتكر يكون مخبي يزن وأخوه فيها؟
تسائل مازن أثناء الإجتماع السري بينه وبين فارس برفقة عمر الذي أجاب:
-مظنش، ولو ولاد مروان الفهد لهم عنده منفعه ممكن يحافظ على حياتهم، المشكلة اننا مش عارفين اذا لسه عايشين ولا ممكن يكون اتخلص منهم.
ضيق فارس ما بين حاجبيه ممتعضا وصارا على أسنانه وهو يستمع لذلك الحوار؛ فوقف على الفور متحدثا بحدة:
-أنا مش هفضل أخمن كده كتير، انت تجهزلي اللي طلبتو منك وننفذ الخطة بتاعتنا.
رفض عمر منتفضا هو الآخر:
-أنت بتعرض حياة عاليا هي كمان للخطر و...
قاطعه بشراسة:
-هي اللي وقعتنا معاهم، ولو حياتها هتكون قصاد أمان وحياة عيلة الفهد فأنا مضحي بيها.
رمقه مازن بنظرة مذهولة مما تفوه به وعقب عليه:
-أنا متأكد إن الكلام ده بتقوله دلوقتي لكن ساعة الجد صدقني مش هتقدر تنفذ، لإن أنت كده يا فارس .. إنسان ربنا خلقك عشان تحمي اللي حواليك مش عشان تكون سبب أذيتهم.
التف حول نفسه بتيه وهو يتحدث بصوت متألم:
-خلصت كل الحلول اللي في ايدي وهو طول الوقت سابقنا بخطوة
رد عمر يؤكد:
-مصيره هيقع وساعتها سكاكين كل أعداءه هتتحط على رقبته.
صرخ به مزمجرا:
-المصيبة انه مش شخص هنخلص منه وخلاص، دي منظمة كبيرة ولو خلصنا من غسان انهارده بكره يطلع لنا غيره ومش هنخلص من الهم ده.
سأله مازن وهو على شفا حفرة من الإنهيار:
-طيب نعمل ايه بس؟
جلس ناظرا أمامه ومفكرا حتى تكلم موضحا:
-مفيش غير الخطة اللي قولتلكم عليها، ويا صابت يا خابت.
❈-❈-❈
لم يأخذ وقتا طويلا حتى يتحرك صوب المشفى بعد أن قرر السفر للبنان بعد أن علم من جهاز مكافحة الإرهاب بتحركاته وسفرته القريبة لبلده الأم؛ فذهب لزيارة عاليا حتى يتحدث معها بالأمر:
-اسمعي يا عاليا، أنا مش عارف اتصرف في موضوع غسان ده والحل الوحيد اللي عندي هو دفع الفلوس ويديني الأمان للعيلة كلها.
أومأت له فأضاف:
-عليكي تبلغيه بده، وعرفيه اني هدفع بس يديني مهله عشان أقدر أجمع المبلغ كله.
ابتسمت له ووافقته وفورا تحدثت بالهاتف فرد الأخير:
-عاليا يا عمري، كيفيك والله اشتقتلك.
ردت بجفاء:
-اسمع يا غسان، فارس جالي المستشفى وطلب مني اوصلك انه هيدفع فياريت تبطل تأذيه
ابتسم غسان وهو يرد:
-لساتك عم تدافعي عنه؟ كتير مزعوچ أنا لأنك عم تفضليه علي، ايش المميز بفارس وما فيني؟
ردت وهي تنظر أمامها لذلك المستمع بتركيز لهما:
-قلبي من يوم ما عرف الحب وهو دق عشانه وبس.
أخرج الآخر ضحكة ساخرة وقال بتوعد:
-بس خلص مشاغلي وراح فرجيكي كيف بيدق القلب عن جد عاليا، انطري لنشوف.
لم يمر أيام كثيرة حتى جاء موعد السفرة المقررة وهنا قام رجال عمر بأخذها من المشفى وتركوها بالطائرة الخاصة التي حجزها فارس خصيصا لهم؛ فجلست بالمقعد المجاور له تنظر له بحب وهي تتسائل:
-احنا رايحين فين يا فارس؟
التفت لها رامقا إياها بنظرة جامدة إستطاعت قراءتها وقال بإيجاز:
-لبنان.
سألته من جديد:
-ايوه يعني هنعمل ايه هناك؟
رد بعد أن سحب نفسا عميقا وزفره بتمهل ليكسب بعض الوقت لثبط نوبة غضبة منها ومما أوقعته به بسبب تصرفاتها الهوجاء:
-هقابل غسان الصباغ.
لمح الذعر بعينيها فرسم الهدوء على وجهه وأخرج هاتف محمول بحجم إصبعين معد خصيصا للإتصال بالأقمار الصناعية وبدأ بالتحدث بإطناب:
-بصي يا عاليا، انا رايح أقابله وحقيقي مش عارف المقابله دي ممكن تنتهي على ايه! بس كل اللي عاوزه منك لو فعلا بتحبيني .. انك تثقي فيا وتعرفي مين هو فارس الفهد.
ناولها الهاتف مضيفا:
-التليفون دي تخبيه كويس، مش في هدومك ولا شنطتك ... خبيه في جـ ـسمك في مكان محدش يقدر يوصله.
رمقته بنظرة متعجبة مما يطلبه منها؛ فأخرج شنطة بلاستيكية ولفه بداخلها وناوله لها وهو يومئ لها موضحا أن ما فهمته منه صحيحا وقال:
-أظن هتقدري؟
لم تجب بل ظلت تنظر له صامتة فأكمل توضيحه:
-أنا مش عارف ممكن يحصل ايه، بس هو ده الحاجه الوحيده اللي ممكن تنقذك لو حصل في الأمور حاجه كده ولا كده، عشان أمانك وحمايتك ومتخافيش التليفون شحنه بيقعد اسبوع وأصلا متولعيهوش إلا في حالة الخطر، وكمان بيشتغل بالستالايت يعني لو في أي بلد أو مكان متأمن من شبكات المحمول هتعرفي تتكلمي منه.
صمتها جعله يكمل أكثر:
-عليه رقم واحد بس هيوصلك بالشخص اللي هيأمنك، فهمتيني يا عاليا؟
رمقته بنظرات مطولة حتى ردد كلماته:
-فهمتيني يا عاليا؟
أومأت له دون تقيب ولكنها بالنهاية هتفت بخوف:
-أنا خايفه.
مسد ذراعها وهو يطمأنها:
-متخافيش أبدا طول ما أنا عايش على وش الأرض، بس أعملي اللي قولت عليه من غير ما تجودي من عندك الله يخليكي.
ابتسمت له فبادلها الإبتسام وتركها بعد أن وصلا للفندق وذهب برفقة عمر ومازن لمكان المقابر حسب الخطة الموضوعة، ولكن هناك تفاجئوا بتصرف غسان وقتله لابنته الوهمية وإصابة مازن مما جعلهم يظنون ان الخطة تلك المرة باءت بالفشل من جديد خصوصا بعد أن مر عدة أيام ولم يصلهم أي أخبار من عاليا تلك التي صدقت افتراء غسان بترك فارس لها مقابل الأمان لعائلته؛ فشعرت أنه تخلى عنها من جديد وارتضت بغسان حبيبا وزو جا، حتى حدث ما حدث بالزفاف فعادت لذعرها وخوفها وأخرجت الهاتف الذي دسته بغرفتها فور أن صعدت وهي لا تزال بفستان زفافها المزعوم.
قام الوسيط بتوصيل تلك المكالمة لفارس بعد ان أصرت عليه عاليا:
-أنا مش هتكلم غير مع فارس، هو فين؟
رد عليها بلهفة وقلق:
-عاليا، انتي فين؟
بكت منتحبة وهي تمزق وجهها بأظافرها على غباءها ووثوقها بغسان، وقصت عليه ما حدث منذ أن أخذها من الفندق وحتى تلك اللحظة وهي بمفردها بليلة زفافها فسألها فارس باستنباط:
-هو فين دلوقتي؟
ردت باكية:
-تقريبا عندها.
عاد يسأل:
-يعني البنت اللي عنده دي مش بنته ولا اللي قتلها قدامنا؟
أومأت له مؤكدة:
-البنت بتترعب منه وبتقولي أنه على طول جايب واحدة شبهها تعيش معاه عشيقه ولما يزهق منها يقتلها، حتى استغربت اني مش شبهها وانه هيتجوزني وده اللي خلاني صدقته وصدقت اني مختلفه عن الباقيين.
لعن غباءها وصر على أسنانه وهو يوبخها:
-انا لو شوفتك هقتلك يا عاليا، لا بتفكري في ربنا ولا حافظتي على نفسك ورايحه تتجوزي واحد زعيم مافيا لمجرد أنك صدقتي اني سبتك له، بجد يعني مفيش أغبى من كده ... افرضي اني فعلا سبتك تروحي ترمي نفسك في النار؟
ردت تؤكد:
-واموت نفسي كمان، الحياه من غيرك ملهاش قيمة عندي.
أخرج زفرة فروغ صبره وهو يخبرها:
-طيب خلينا نخلص كلام بدل ما يدخل عليكي وساعتها مش هعرف اعمل حاجه، المطلوب منك دلوقتي تعرفي كل تحركاته وناوي على ايه وانا هتصرف.
سألته بقلق:
-أنت هتسيبني معاه؟ حاول تعرف احنا فين يا فارس وتعالى خدني من هنا.
رد يخبرها بضيق:
-جهاز التتبع شغال وتقريبا خلاص قدروا يحددوا مكانك بالظبط، بس المهم دلوقتي تعرفي إذا ولاد مروان موجودين في نفس العنوان!
أكدت عليه:
-ايوه، في اوض في البدروم حابسهم فيها.
رد متنهدا:
-طيب الحمد لله انهم بخير
ابتلعت ريقها وهى تتحدث بتلعثم:
-في حاجه لازم تعرفها.
انتظر سماعها وعندما طال صمتها هدر بها:
-اخلصي يا عاليا قبل ما حد يسمعك.
قالت فورا:
-غسان مضاني على تنازل للأسهم بتاعتي وأخد اسهم ولاد خالي مروان كمان.
أنفاسه المضطربة جعلتها ترتعد خوفا وهي تخبره:
-غصب عني، أنا خوفت منه وهو أصلا...
قاطعها بفروغ صبر:
-اي حاجه تحصل تبلغيني بيها فورا وأنا هبلغ إن الإتصال يوصلني على طول من غير وسيط، بس خدي بالك المره الجاية وحاولي تكلميني وهو مش موجود.
لحظات من غلقها للهاتف وتخبأتها له ودخل عليها غسان يخبرها بسفرهما لمصر باليوم التالي؛ فاستيقظت باكرا ولم تجده بجوارها فتحركت نحو غرفة لاميتا حتى تبحث عنه، ولكنها وجدتها متكومة على الأرض تبكي بحرقة فدخلت فورا تسألها بإهتمام:
-مالك ايه اللي حصل؟
رفعت عينيها تنظر لها وأجابتها ببكاء قطع من اوصالها:
-بدو يتزو چني، ما بعرف كيف راح أقبل هالزو اچ وانا ما قبلته أب أبدا، فرق السن بيناتنا غير انه مچرم.
ربتت عليها وهي تدعو:
-ربنا يخلصنا إحنا الاتنين منه.
رمقتها بنظرة متحيرة وهي تسألها:
-كِنت بظن إنك عم تحبيه؟
ضحكت وهي تؤكد لها:
-أنا محبتش حد في حياتي غير فارس ابن خالي، بس الظروف وقعتني مع غسان لكن قريب جداً إن شاء الله هخلص منه.
سألتها بلهفة:
-كيف؟ خبرني وحياة الله
لم ترد إفشاء السر فقالت بتصنع:
-ربنا كبير.
تركتها وعادت لغرفتها بعد أن تأكدت بذهابه من المنزل وقامت بالإتصال بفارس وأخبرته بسفرتهما الوشيكة لمصر فابتسم لها وهو يشعر باقتراب وقوع غسان بفخه هو تلك المرة.
❈-❈-❈
خرج غسان بعد انتهاء اجتماعة بفارس وهو غاضب؛ فخللت عاليا أناملها بخاصته تسأله باهتمام زائف:
-ايه اللي حصل؟
رد وهو يسحبها بقوة صوب السيارة:
-تعي معي أنا كتير معصب هلأ.
وصلا لجناحهما بذلك الفندق الضخم ودلف ملقيا سترته على الفراش؛ فاقتربت منه تتلمـ ـس و جهه وهي تتد لل عليه وتسأله:
-مش هتحكيلي اللي حصل؟ كان نفسي احضر الإجتماع واشوف فارس وهو بيغلى لما عرف إنك بقيت شريك، وشريك مهم كمان بالشركه.
ابتسم بزواية فمه وربت عليها قائلا:
-كتير اتضايق وكأن بده يحرق الدني كِلها، لكنه قدر يفوز بچولة هالمرة.
نظرت له بحيرة مصطنعة فوضح لها:
-أخذ مني مصاري للتعويضات، بس مش مهم لأنه الچاي لساته كتير.
مـ سحت بيـ دها مجددا على وجهه وهي تحدثه بد لال زائد:
-أنا كتير جوعانه يا عمري
ضحك عاليا وهو يقرص وجنـ ـتها لتقليدها لهجته وقال فورا:
-ولك تؤبريني يا عمري انتي هلأ بطلب الروم سيرفس
وبالفعل جاءت خدمة الغرف بالطعام؛ فتناولا سويا ولكنها تعجبت فلم يحدث ما اتفقت عليه مع فارس بتخديره، ففكرت كيف عليها أخذ هاتفه كالخطة المتفق عليها، شردت لحظات حتى سألها:
-ما شبعتي؟
أومأت له وبدأت بتقـ ـبيله قبـ ـلات حا رة انغمس بها؛ فلم يشعر بنفسه إلا وهو يعتـ ـليها وكلاهما عار يان ليما رسا الحمـ ـيمية بشكل همجي نال أعجابه كثيرا فارتمى على الفر اش مجهدا وهو يقول:
-أخ عاليا، ما في اي واحدة دخلت بحياتي وقدرت توصلني للمـ تعة بالهشكل، متـ ـعة مطلقة بس معك انتي.
ابتسمت له وقبـ ـلته من وجنته فغفى قليلا فتحركت على الفور تحركه للتأكد انه قد فقد الوعي بفعل المخدر، وعندما لم تجد منه أي استجابة أمسكت الهاتف الصغير وأرسلت لفارس بتمام المهمة؛ فبدأ بتحويل أمواله لحسابه الخاص وانتظرها أن ترسل رسالة التأكيد فأمسكت بإبهامة ووضعته على قفل الهاتف ففتح على الفور، وأرسلت فورا رمز التحقق لفارس وبعدها استلمت منه رسالة مفداها:
-ابعتي بقى الرساله للحرس اللي في الڤيلا زي ما فهمتك.
قامت على الفور بكتابة الرسالة بالأنجليزية لمسؤول الحرس بڤيلا أمريكا تخبره:
-(هناك بعض الرجال سيأخذون الرهائن معهم، سهل لهم الأمر)
بعد أن أرسلت تلك الرسالة تذكرت تلك الفتاة التي مكثت عمرها كله تحت الأسر فأرسلت من جديد:
-(وارسل معهم ابنتي أيضا)
وصلها جوابه بالتأكيد فراسلت فارس:
-كله تمام وخليتهم كمان ياخدوا لاميتا يا فارس، البنت حرام غلبانه.
رد بالموافقة فأرسلت له:
-(انا المفروض اعمل ايه دلوقتي؟)
طبع إجابته:
-(في قوة من جهاز مكافحة الإرهاب الدولي جايه دلوقتي، هيقبضوا على الرجاله بتاعته وعليه وبعدها هو مسؤول منهم)
عادت تراسله وهي تبكي:
-(طيب وانا؟)
رد فورا:
-(أكيد هترجعي لعيلتك يا عاليا، بس انتي شاهد في القضية ولازم الجهاز يأمنك، بس متقلقيش طول ما انا موجود)
❈-❈-❈
بعد أن قص على الجميع خطته المحكمة نظروا له بأفواه مفتوحة؛ فضحكت عاليا بصوت عالٍ وهي تعقب عليهم:
-مالكم مبرقين ليه كده؟ مستغربين قدرت اعمل كل ده ازاي لوحدي مش كده؟
لم يعقب عليها أحد فأستطردت:
-بس كله بتوجيهات فارس ولولاه خلاني وثقت بنفسي انا مكنتش عرفت اعمل أي حاجه من دي.
ظلت تثرثر حتى وقفت ياسمين تتكلم بصوت خافت:
-عن اذنكم.
سألتها دينا بحيرة:
-رايحه فين يا ياسمين؟
التفتت لها بعيون ضبابية من كثرة العبرات المتكومة بداخلها:
-هطمن ع الولاد
تركتهم وتحركت للداخل؛ فالتفت فارس لعاليا وتحدث بهدوء مصطنع فقد استطاعت أن تثير حنقه بضحكاتها وثرثرتها التي يعلم تمام العلم انها من أجل تعكير صفو زو جته الحبيبة فتحدث بصرامة قائلا:
-مش هتبطلي اسلوبك ده؟
ردت متصنعة عدم الفهم:
-انا عملت ايه؟
لم يعقب عليها ونظر لساجد وأمره:
-بعد الغدا هتاخدها وتطلع على الجهاز بتاع المكافحه وتسلمهالهم هناك.
أومأ له الأخير باحترام، ولكنها لم تصمت بل رفضت باكية:
-لأ يا فارس، أنت وعدتني انك مش هتسيبني وانك...
قاطعها محاولا تمالك أعصابه وهو يؤكد لها:
-مش هسيبك، بس هم مجهزين ليكي ولولاد مروان مكان آمن، متنسيش أنك وهم شهود في قضية دوليه والانتربول بنفسه هيحقق فيها فلازم تختفوا خالص وإلا حياتكم هتتعرض للخطر، انا بحاول احميكي.
ابتسمت وهي تنحني برأ سها تضعها على كتفه وتخلل ذرا عها بذراعه فظل جـ ـسده متشنجا للحظة وبعدها أبعدها واقفا ونظر لشيرين التي تنظر له بحنق وأمرها بغلظة:
-روحي نادي على الخدم خليهم يجهزوا الأكل.
تحركت تنفذ أمره بامتعاض فخلـ ـع سترته وألقاها بإهمال على الأريكة وخطى صوب غرفة مربيته وهو يتمتم:
-ياسمين اتأخرت جوه.
دلف الغرفة فوجدها تحمل رضيعتها بحضـ ـنها وتضع جاسر بجوارها يلعب بأطراف ثوبها وبكاءها يقطع أوصالها وحنان تربت عليها بصمت لعدم فهمها ما يجري؛ فهرع ناحيتها وشدها من ذرا عها لتقف أمامه وحمل عنها الصغيرة ناظرا لها بحزن وتمتم بخفوت:
-مفيش أي حاجه من اللي في دماغك هتحصل.
ظلت شاردة تبكي بغزارة؛ فترك الرضيعة بحضن مربيته وسحب زو جته داخل حضنه هامسا بأذنها:
-اطمني يا سلطانه، مفيش حاجه من اللي في دماغك وحياتك عندي.
دفعته بقوة وهي تتكلم بصوت مبحوح:
-ابعد، ريحتها لازقه فيك.
ابتلع ريقه وهم بالتحدث، ولكن صراخها جعله يصمت للحظة انهيارها أمامه وهي تقول:
-عاليا تاني يا فارس، كل الفترة اللي فاتت وانت بتضحك عليا وبينكم تواصل بالشكل ده!
حاول الرد ولكن لم تمهله الفرصة وعادت تصرخ عالياً غير عابئة لا بوجودها بالخارج ولا بوجود عائلته:
-كذبت عليا وقولت لي إن مسؤليتها بقت من اختصاص الدكتور مراد، وبعدها جاي بتعاقبني عشان خبيت عليك الحمل، بجد مفيش انانيه اكتر من كده.
أكملت صراخها الباكي:
-كل حاجه كدب، كل حياتي معك كدب وأنت مجرد ما اخبي عنك حاجه خوف عليك من كتر المشاكل اللي انت فيها تقولي عقاب، وتفضل بالايام والشهور كمان بعيد عني.
اقترب منها يحاول تهدأتها وهو يرد:
-كان لازم اعمل كده، ده كان الحل الوحيد قدامي عشان أخلص من الكارثه اللي كلنا واقعين فيها، ومحبتش تفضلي طول الوقت في قلق بسببها سبب سيرتها لان أنا عارف سيرتها بنغص علينا حياتنا ازاي.
عادت لصراخا الصام للآذان:
-تقوم تجيبها هنا تاني! تدخلها بيتك تاني! وسط ولادك اللي كانت هتتسبب بموتهم وفي الآخر جاي تقول عاليا كفرت عن ذنوبها، انت شايف باللي عملته كفرت عن خطفي ومحاولة اغتصا بي، انت شايف باللي عملته إنها كفرت عن محاولة قتلي ودفني حيه، أنت شايف إنها كفرت عن رميها لجاسر في النيل؟
اقتربت من مربيته وحملت الرضيعة من بين راحتيها ورفعتها أمام أنظار والدها وهدرت به:
-بنتك لسه بتتعالج بسببها، بنتك معرضه انها تعيش طول عمرها تاخد نقل دم بسببها.
تركتها بعنف عفوي وأشارت لبطنها وهي تبكي بغزارة:
-ابني اللي مات وهو عمر شهرين بسببها، وجايبها وسطنها تقدمها على أنها البطلة اللي انقذت العيلة وكفرت عن ذنوبها!
هاجت وماجت ولم تتوقف حتى شعر بانهيارها؛ فاقترب منها يحتـ ـضنها وهو يحاول تهدأتها بأي شكل:
-مسامحتش في كل ده، وعمري ما هسامح بس لازم اجاريها عشان لسه الطريق قدامنا طويل ومخلصناش من التهديد، لازم اعمل كده عشانك وعشان ولادي، أرجوكي إفهمي إن لسه في قضية وشهود وممكن كل حاجه تضيع بكلمة واحدة منها لو جنانها ركبها وشهدت لصالحه في المحكمة الدولية.
ابعدته عنها بعنف وهي تصرخ بقهر:
-ابعد عني بقولك ريحتها لازقه فيك، روح أمنها وعيش معاها بس إنساني يا فارس لأني عمري ما هسامحك على دخولها حياتنا من تاني.
ارتمت على الأرض وهي تبكي وتبكي وتصرخ، بل وبدأت بالانتحاب حتى شاطرها ابناءها بالبكاء فتحدث معها بهدوء علها تفهم:
-الولاد بتعيط يا ياسمينا ارجوكي اهدي.
صرخت وهي تضرب بيدها على جـ ـسد ها بقوة ضارية:
-خليهم يعيطوا، خليهم يشوفوا ظلمك وأنانيتك وتفضيلك لمكانتك وشكلك قدام العيلة على ولادك.
حاول الإقتراب ولكنه استمع لصوت مازن من خلفه:
-فارس.
التفت يحرك رأسه بقلة حيلة؛ فخـ لع عنه قميصه وسـ ـحبها داخل حضـ ـنه وهو يربت عليها:
-ملهاش مكان لا في حياتي ولا في بيتي صدقيني، الرجاله جابوها على هنا وانا مكنتش عامل حسابي ... سامحيني يا ياسمين.
حاولت دفعه ولكنه صلب جـ ـسده أمامها ونظر لمازن يخبره:
-خلى ساجد ياخدها ويمشي حالا.
حاول مازن التعقيب عليه، ولكنه صرخ به:
-حالا يا مازن.
تحرك مازن ببطئ مستندا على الحائط بسبب إصابته وخرج للبهو يخبر أخاه:
-خدها يا ساجد وروح.
رفضت الأخرى بحدة:
-ياخدني فين؟ هي كل ما يقرب مني تعملها الشويتين دول عشان يبعدني عنه تاني؟
صر مازن على أسنانه وهو يقترب منها هادرا بها:
-يا عاليا روحي دلوقتي بلاش تعاندي، انتي عارفه فارس ممكن يعمل ايه لو خالفتي أوامره.
ضربت الأرض بقدميها بتذمر وتحركت مع ساجد، ولكنها التفتت تنظر لمازن رافعة سبابتها بتحذير:
-قوله إني مش رايحه في مكان ولا هشهد بحاجه إلا لما يجيلي، مش يسيبني زي المستشفى.
أومأ لها مازن على مضض:
-ماشي يا عاليا.
❈-❈-❈
شهقاتها الباكية وهي تحاول التخلص من حصار حضـ ـنه الذي ولأول مره تشعر به يحرقها لا يهدأها، ولكنه أصر على موقفه وتحمل ضربات قبضتيها بصـ ًدره وهمس بأذنها باستمرار:
-سامحيني، انا آسف والله آسف.
خبت تدريجيا عصبيتها وصرخاتها حتى شعر بثقل جـ ـسد ها بين يـ ـديه فأبعد وجـ ـهها عنه قليلا ليتفاجئ بها وقد فقدت وعيها؛ فخانته قوته لحظة وكادت أن تسقط منه فصاح مستنجدا:
-مازن
تذكر بسرعة إصابته فصاح:
-عمي، يا عمي حد يلحقني.
انحنى بجـ ـسده قليلا ليحملها وقد شعر بثقلها يقسم ظـ ـهره بالرغم من خفة وزنها بالحقيقة، فلم يعلم بالتحديد ما حدث لقوته بتلك اللحظة؛ فهرع مراد على الفور يحملها عنه عندما وجده غير قادر على الوقوف باستقامة وتحركت حنان تبتعد عن فراشها وهي تقول بهلع:
-هاتها هنا يا بني.
وضعها مراد على فرا ش حنان ونظر لزو جته التي وقفت تبكي رغما عنها وهدر بها:
-هاتي شنطتي من العربية بسرعه يا دينا.
اسرعت شيرين ببطنها المنتفخ نحو الخارج لتجلب الحقيبة الطبية وعادت ودينا تحذرها:
-براحه يا شيري عشان اللي في بطنك.
لم تهتم لها ودخلت تناوله إياها وبدأ بالكشف عليها، ولكنه تفاجئ بجـ ـسدها الذي ينتفض وحرارته العالية فلمعت عينه وهو ينظر لزو جته يخبرها:
-خليهم يجهزوا العربية وبلغي المستشفى.
بتلعثم وخوف سأله فارس:
-حصلها ايه؟
رد الأخر:
-شكلنا دخلنا في حمى.
مغلقا عينيه بقوة شاعرا وكأن العالم انفض من حوله ولم يبق سواهما ارتمى على الأرض بجوار الفر اش يمسك راحـ ـتها يبكي وهو يتوسلها:
-لأ يا ياسمين ارجوكي، مش هقدر على تعبك بسببي تاني ارجوكي بلاش تعملي فيا كده، انا آسف بجد والله غصب عني.
شعر مراد بانهياره وتذكر يوم حادثها الذى بدا حدوثه قريب جداً على ذاكرته؛ فحاول طمأنته وهو يربت عليه:
-خير إن شاء الله يا فارس، يلا عشان نطلع ع المستشفى.
يتبع...
إلى حين نشر الفصل الجديد للكاتبة أسماء المصري من رواية روضتني، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
