رواية من روايات وقصص الكاتبة ندا عمرو وشهد أحمد
رواية رحلة لدخول الإسلام

(مسيرة ياباني)

رواية جديدة 

تنشر حصريًا 

على مدونة رواية وحكاية 

قبل أي منصة أخرى

من قصص و روايات 

الكاتبة ندا عمرو وشهد أحمد

الفصل السادس

جلست "ملك" تنهي بعض الأوراق الخاصة بالحلقة القادمة حتى قاطعها صوت رنين هاتفها و ظهور إسم "إسلام" لتجيب هي قائلة

_السلام عليكم

إسلام من الطرف الٱخر: و عليكم السلام يا "ملك" عاملة أيه؟ 

_الحمد لله و انت

_بخير الحمد لله، بقولك فاضية أنهاردة؟ 

_ليه، في حاجة ولا ايه

_لا كنت بفكر نتقابل عشان نكمل البحث اللي اتفقنا عليه

ضربت'ملك' رأسها بغباء فكيف تناست هي ذلك؟ لقد اتفقت على مساعدته بخصوص احدى أبحاثه لكن حماقتها جعلتها تنسى وعدها

استفاقت'ملك' على صوت'إسلام' الذي ردد

_ألو، ملك أنتِ معايا؟ 

ملك بإرتباك: ايوة معاك، تمام تحب نتقابل في الكافية اللي جنب بيتي؟ 

إسلام: مفيش مشكلة ساعة كدا و نتقابل

ثم أغلق الخط لتسارع 'ملك' بالإتصال 'بمريم' قائلة لها بمجرد ان أجابت

_ألحقيني 

مريم بفزع: الناس بتقول السلام عليكم يا مصيبة 

_يا "مريم" "إسلام" عايزني أقابله نخلص البحث

_طب و ايه المشكلة؟ 

_المشكلة اني لسه مخلصتش اللي طلبه مني

_أنتِ عمرك ما هتتعلمي يا "ملك" بجد لازم زنقة الكلاب دي

_المهم دلوقتي تعالي معايا عشان تساعديني

_ماشي يا مصيبة أنتِ هجهز و أجيلك بس الأول اتصل أستأذن بابا

_تمام و انا هتصل اقول لبابا بردو 

ثم أغلق كل منهما الخط و بدأ كل منهما في تجهيز نفسها بعد ان إستئذنا أهلهم

و على الجانب الاخر في مكتب "زين" 

كان "زين" يجلس بشرود و هو ينظر لصورة "مريم" من خلال الهاتف متذكرًا كم مرة كم مرة كان يحميها من كل شئ حتى نفسه و كم مرة كان يفعل المستحيل لإبهارها و كيف انها أكملت معه جميع مراحل عمره من الطفولة للمراهقة و حتى الشباب

و في النهاية تم وضعه في خانة "أخ" خانة سخيفة لا تليق بمن بذل جهدًا لكي يرضيها بأي شكل من الأشكال حتى انه ضحى بحلمه في أن يصبح "طبيب" لأجلها هي لأنها قالت له ذات يوم انها تتمنى ان تتزوج من ظابط شرطة

بالطبع كان كلام مراهقة مُؤثر عليها من خلال الأفلام و المسلسلات و لكنه إتخذ الأمر بجدية، لقد فعل لها كل شئ حتى ترضى و في النهاية تأتي هي و تقول انه "أخ" 

و لكن هل الأخ ينظر لها مثلما ينظر هو؟

هل الأخ يرى ضحكتها مثلما يراها هو؟ 

هل هناك أخ يشرد بملامح أخته مثلما يفعل هو؟ 

بالتأكيد لا و ألف لا، و الأدهى من ذلك أنها تطلب منه أن يحب صديقتها، و ان كانت صديقتها لا تملك ذنب بكل هذا فما ذنبه هو؟ 

أستفاق من شروده على صوت رنين هاتفه ليجيب هو

_ألو ايه يا خالتي عامله ايه؟ 

_الحمد لله يا حبيبي و أنت؟ 

_بخير طول ما أنتِ بخير

_بقولك يا حبيبي فاضلك كثير و تخلص؟ 

نظر في ساعته ثم قال

_يعني ساعة و نص ساعتين كدا

_طب كويس خلص و أطلع على الكافية اللي جنب البيت هنا أصل أخواتك هيقابلوا "إسلام" يخلصوا معاه بحث و كنت عايزاك تروح معاهم عشان هخاف يبقوا لوحدهم

إبتسم بسخرية على كلمة "أخواتك" و التي أصبح يبغضها لكنه قال

_ماشي يا خالتي هو الولا ده أصلًا غتت و انا مش مرتاحله 

_بس يا ولا أتلم ده حتى الولا محترم بس الإحتياط واجب بردو

ثم أغلقت الخط و هي تقول "يخرب عقلك الأكل أتحرق" 

ليبتسم هو ثم يجلس لمتابعة عمله

❈-❈-❈

جلس كل من والد طلال و عمه أمام التلفاز يتابعون نشرة الأخبار بينما كان كل من والدة طلال و زوجة عمه يتسامرون في أحاديث شتى عن المنزل و الأولاد 

أما عن "ريما" إبنة عم "طلال" جلست مع أختها "ميساء" و إبنة عمها "سلسبيل" و التي في الأصل كانت تبيت عندهم منذ البارحة يتحدثون عن دراستهم و عن أمور الفتيات الخاصة بالملابس و مساحيق التجميل و اي لون من ألوان طلاء الأظافر افضل

و بينما "طلال" و أبناء عمومته الثلاثة يجلسون في غرفة "طلال" و يلعبون "بلايستيشن" و بالطبع معاهم "لويد" الذي سأم من صوتهم العالي و الذي أشبه بالشجار ليصرخ بينما يحاول تغطية رأسه بأحدى الوسائد

_كفى أيها الغجر لقد تعبت منكم

تلفت "طلال" حوله و هو يحاول ان يستوعب ذلك الصوت الذي أستمع له منذ وهلة بلغة غريبة، تشبه لغات شرق ٱسيا ليقول بينما يحك أذنه

_حدا فيكم جال شئ؟ 

ليجيب الجميع في صوت واحد "لا" 

مما جعل "طلال" يتجاهل الأمر لكن "لويد" لم يفعل فهو كان قد نسى انه يستطيع مشاكسته 

ليقترب من أذنه و يقول بالعربية محاولًا تقليد لهجته

_ شو  رأيك  تچيب ولاد عمك عصير او اي واچب ضيافة

ظل "طلال" يفكر قليلًا ثم نهض قائلًا

_ تمام

أومأ الجميع له ليذهب هو حتى ينادي أخته بينما "لويد" يكاد يطير فرحًا انه تخلص من هذا الصداع و بينما "طلال" ينادي أخته حتى تصنع لهم بعض المشاريب كان "لويد" يرمق الغرفة الهادئة التي يجلس بها الفتيات ولا يخرج منها غير صوت بعض الضحكات الخافتة التي أستمع إليها بينما يتجهة للغرفة و للحق هي تشبه نغمات الموسيقى 

ليقول بينما "طلال" يحادث أخته

_لماذا انا مربوط "بطلال" هذا و ليس أخته على الأقل هي أجمل و أهدئ 

تلفت "طلال" حوله بفزع و هو يقول

_بسم الله الحفيظ لك هاي المرة الثانية

سلسبيل: لك أسم الله عليك يا أخوي ايش بيك؟ 

طلال و هو يتنهد: بعتقد اني اتخيل شيي بسبب ضغط الدراسة

_لا تضغط حالك يا حبيبي صحتك أهم

أومأ لها ثم قال

_يلا هاتي الطلبات

_لك الشغالة تغيب و انا بشيل الليلة 

ضحك بصخب و قال و هو ينحني مقبلًا يدها

_أنتِ بركتنا

و بينما يرفع رأسه وقعت عيناه على "ريما" التي كانت تبستم له ليغض بصره سريعًا و يقول بهمس بينما يرحل

_اللهم أجمعني بها بالحلال

ليهمس حينها "لويد" مرة أخرى

_و لماذا لا تخبرها بحبك؟ 

طلال و هو يلتفت: منو؟ 

تنهد لويد و قال

_أنا عقلك اللاواعي و الان لتسير بهدوء حتى لا يقال انك قد جننت

ظل "طلال" يقرأ أيات الله بعد ان قال

:-بالتأكيد أوهام

فضل "لويد" الصمت و هو مدرك انه لن يستطيع محادثه "طلال" إلا في الليل، و لكنه كان يأمل لو كان فقط يستطيع التحرك بعيدًا عنه فهو لا يتحمل الصخب

حاول "لويد" بالفعل التجول في المكان و لكنه لم يستطع الإبتعاد عن "طلال" لذلك أستسلم للأمر الواقع

❈-❈-❈

وصل كل من "مريم" و "ملك" للكافية و بينما يبحثون عن "إسلام" بأعينهم جاء "إسلام" من الخلف قائلًا

:-أسمع ان البنات بتتأخر بس مش للدرجادي

إبتسم الفتاتين بخجل ليقول هو

_طب مش هنقعد ولا ايه؟ 

أومأ الفتاتين ثم جلستا لتقول "ملك" و هي تعطيه الأوراق

_اتفضل 

إسلام و هو يراجعها: جميل اللهم بارك بس…

حينها قاطعه "زين" الذي سحب كرسي و جلس قائلًا:-السلام عليكم، يا محمد النسكافية بتاعي لو سمحت

إسلام: مين ده؟ 

زين و هو يضع قدم على الاخرى: انا حضرة الظابط زين

إسلام: و ايه صفتك عشان تقعد معانا؟ 

ملك بإحراج: إسلام انت نسيت؟ ده زين اللي انت قابلته يوم ما جبتلي الورق

إسلام بقرف و هو يجز على أسنانه:اه افتكرت أهلًا، هو جاه ليه؟ اقصد يعني جاه لوحده و مجاش معاكم ليه

زين: الحقيقة ان كان عندي شغل بس لما خلصته و عارفت انكم هنا قولت لازم القعدة الحلوة دي متفوتنيش، تصدق انا بفكر تطلع تسحر معانا يأبو سلم

مريم و هي تضرب رأسها: زين خفة دمك دي ياريت تحتفظ بيها لنفسك و خاليهم يخلصوا بحثهم 

زين: كان على عيني بس ميعاد تصوير الحلقة يا ريمو

ملك: خلاص يا مريم روحي أنتِ و انا…

زين بمقاطعة: لا طبعًا…أنتِ ناسية انك كمان هتلقي شعر

إسلام بإبتسامة: حقيقي انا بحب البرنامج بتاعكم جدًا، و ممكن تصوروا هنا و لما يخلص التصوير نكمل البحث

ملك: بس كدا الوقت ممكن يتأخر 

إسلام: احنا في رمضان يا ملك و الناس ليلها نهار و نهارها ليل ده غير ان أخوكي معاكي و انا بردة هوصلك بنفسي

زين بوقاحة: أخوها مين يا نجم؟ 

ملك بإبتسامة: ده زين صديق طفولتي و إبن خالة مريم و احنا الثلاثة صحاب من زمان اوي و زي الأخوات يعني الرجل مغلطش يا زين في ايه

إسلام و هو يعدل من نظارته: اخ زين انت متأكد انك ظابط مش عربجي؟ 

زين: لا يا ضنايا انا الأثنين و خاف على نفسك عشان شكلك هتبات في الحبس

إسلام بإبتسامة: و مالوا اهو نجرب حاجة جديدة

جز "زين" على أسنانه بينما قالت "مريم" مغيرة الموضوع

_طب يا "زين" روح هات الحاجة عشان نصور 

زين: يا سلام و أسيبكم لوحدكم معاه هو انا مركبهم يا بت

مريم بعصبية: ولا مش ناقصة عبط هي العمارة في الوش أصلًا ده غير اننا في مكان عام و بنعمل حاجة في دراستنا فبلاش جو الأفلام العربي ده

ضحكت "ملك" و هي تقول 

_تعالي يا بنتي أراجع معاكي الأسكريبت انا جيبته معايا

إسلام: و انا هستأذن من إدارة المكان 

أومأ الفتاتين لينهض كل من "زين" و "إسلام" و تبقى "مريم" تراجع الحلقة مع "ملك" 

مريم: طب و أنتِ هتقولي قصيدة أيه؟ 

ملك: مش مجهزة حاجة عن سوريا بصراحة بس في قصيدة بحبها اوي ممكن اقولها هي عن فلسطين

مريم: ما فلسطين و سوريا ما هو ايه؟ واحد

❈-❈-❈

تمدد"طلال" على الفراش بعد يوم متعب و أخيرًا سيغفو و لكن ذلك الصوت الذي ينغص يومه منذ الصباح قال

_هاي طلال استيقظ

طلال: أعوذ بكلمات الله التامات

لويد: انت تستعيذ بالله منذ الصباح و مازالت موجد إذن أنا لست بجن او شيطان

طلال: منو أنت! 

_اعتبرني وحي او صديق اي شيئ

_إني أعوذ بالرحمن منك إن كنت تقيًا 

إبتسم "لويد" بسخرية و قال

_تعلم "ريما" تبدو جميلة و انت معجب بها و هذا واضح لماذا لا تصارحها

طلال: مش راح أجاوبك الا لو تجول منو أنت؟ 

لويد: انا عقلك اللاواعي قلت لك

_بدك أصدج هالخرافة

_هل سوف تخسر شئ ان تحدث معي؟بالعكس سوف ترتاح 

زفر "طلال" بضيق و هو ينظر للسقيفه ثم قال:-مشان لساتي طالب و ما أجدر أطلبها و انا بأخذ مصروفي من والدي

:-انا لا اقول أطلبها بل صارحها

_لك شو عم تجول!؟ و اغضب ربي فيها لا انا بدي حياتنا تكون حلال

:-لماذا لم يساعدك ربك و انت تهواها هكذا يا رجل أنظر لنفسك

طلال:بالله انت نفسي الأمارة بالسوء و ماراح أسمعلك انت بتريد الهوى اللي يحطنا بچهنم لكن لا ما بطيعك

ثم سحب الغطاء و هو يسد أذنه ليجد "لويد" يهمس

_عليك ان تعتاد وجودي يا صديقي لأني لن أرحل إلا بعد أيام

❈-❈-❈

_السلام عليكم أهلًا بيكم في برنامجكم "معًا للتغير"

هكذا بدأت "مريم" البرنامج بجملتها المعتادة ثم تابعت

_الحقيقة احنا لو عملنا سيرش بسيط عن "البراميل المتفجرة" هنلاقي أن اول حاجة طلعت براميل متفجرة في سوريا، براميل متفجرة على حلب

و هنا لازم نقف و نعرف ايه البراميل اللي بتتحدف على أشقائنا في سوريا دي

تنفست "مريم" بهدوء و هي تتابع قائلة:-البراميل المتفجرة هي عبارة عن قنابل بدائية شديدة الفتك و رخيصة التكلفة و ده مخلي ليها أهمية لقوتها الفتاكة و رخص ثمنها

ده غير أنها مش بتطلب أي توجيهات تقنية لأنه ببساطة هي مصنوعة عادةً من حاوية معدنية كبيرة على شكل برميل مليات بالمتفجرات او شظايا أو نفط أو مواد كيميائية كمان يعني حاجة من اللي قلبك يحبها

و بتترمي من طائرة هليكوبتر  و نظرًا لضخامة كمية المتفجرات اللي بتوصل لـ 1,000 كيلوغرام "2,200 رطل" و لأنها غير دقيقة واستخدامها عشوائي في المناطق المدنية المأهولة بالسكان و بما في ذلك مخيمات اللاجئين اللي هو مذ كفاية اللي هما فيه

و التفجيرات اللي بتعملها البراميل دي مدمرة لدرجة انه تم وصفها على انها أسلحة إرهابية وغير قانونية و ده بموجب الاتفاقيات الدولية.

مثلت"مريم" الفزع و هي تقول

_يا ستير يا رب طب و مين اللي أخترع السلاح الأخبر ده، الحقيقة عزيزي المشاهد انت تقدر تخمن بكل سهولة و هما ولاد العم اللي ميتسموش ايوة هما الكيان الكيوت "إسرائيل" طب ايه حكاية الموضوع ده

إسرائيل يا سيدي استخدمت البراميل المُتفجرة من قبل القوات الجوية الإسرائيلية خلال حرب 1948 ساعتها ألقت القوات الجوية الإسرائيلية براميل متفجرة على بلدة "الصفورية" و ده أثناء عملية ديكل

و المؤرخ "نافذ نزال" أقتبس من أحد الفلاحيين وهو بيوصف الهجون الهجوم:

ثم نظرت للورق تقرأ منه

«حلقت ثلاث طائرات يهودية فوق القرية و ألقت براميل مليئة بالمُتفجرات والشظايا المعدنية والمسامير والزجاج، كان صوتها عالي جدًا و مُزعجة ... هزوا القرية بأكملها، وحطموا النوافذ والأبواب وقتلوا أو جرحوا بعض القرويين والعديد من الماشية في القرية كنا نتوقع حربًا ولكن ليس حرب جوية ودبابات»

صمتت "مريم" لبرهة ثم قالت و هي تتنهد في محاولة منها لأن لا تخرج عن نص الأسكريبت

_و كان يا ثاني من أستخدمها هما "الولايات المتحدة" و ده خلال حرب فيتنام ساعتها الولايات المتحدة رمت عشرات البراميل المليئة بالوقود الحارق وما يعادلها من الغاز المسيل للدموع

و ده عشان الغابات تولع و يطردوا مقاتلين "الفيت كونغ" في غابة "يو منهه" و لكن أمريكا كيوت و محبتش تخلي البراميل موجهة للمناطق المليانة السكان

عادت "مريم" بظهرها للخلف و هي تقول

_انا عارفة انك زمانك بتقول انا مالي بكل ده انا داخل عشان سوريا، هقولك يا سيدي انا هكون جدعه و مش هحكي عن كرواتيا و سيرلانكا بس هحكي عن السودان عشان مننا و علينا و بعد كدا ندخل في الثقيل سوريا

في الحقيقة السودان استخدمت البراميل المتفجرة من التسعينات على الاقل وكانوا بيتم إستخدامها على السكان المسلحين في جنوب السودان ودارفور

وتم أستخدامها بردو في أوائل عام 2003، بعد تمرد حركة تحرير السودان على الخرطوم و استُخدمت مرة أخرى في عام 2011، لما بدأ تمرد جديد بعد انفصال الجنوب عن الشمال و ده هبقى احكي عنه في حلقة لوحده

المهم ندخل على سوريا عشان دي حكايتها حكاية

قبل بداية الحرب الأهلية كان الجيش العربي السوري تطور نوعًا ما من ناحية الترسانته العسكرية و ده لمواجهة الجيش الإسرائيلي اللي كان – ولا زال – يتمتع بتفوق جوي 

و الجيش السوري اشتغل اشتغل الأول انه يحصل على بعض القنابل اللي بتترمي من الجو على الأرض ده غير الصواريخ الثانية بما في ذلك صواريخ أرض- جو و صواريخ جو و ده بغرض مضايقة سلاح الجو الإسرائيلي تأخيره في حالة المواجهة

واجهة الجيش السوري صعوبة في انه يحصل على صواريخ دقيقة فلجأ للرخيصة واللي ممكن تترمي من الجو للأرض على و هي طبعًا البراميل المتفجرة اللي تعتبر رخيصة جدًا من حيث التكلفة – مقارنة بباقي الصواريخ المتطورة – لكنّ قوتها التدميرية شديدة

لحد هنا و تمام أوي و بعدين

هقولك الجاي مش حلو خالص لأن البراميل المتفجرة استُخدمت  في الحرب الأهلية السورية لأول مرة من قِبل النظام السوري في "2012" و اللي وثّق ده هو الصحفي "إليوت هيغينز" و لكن طلع عمنا "ريتشارد لويد" و اللي كان خبير عسكري روسي نفى وجود البراميل المتفجرة في البداية لحد ما ظهر فيديو في "2012" بيصور  أفراد من سلاح الجو السوري وهما بيرموا قنبلة برميلية مضاءة من جوا طائرة هليكوبتر متحركة على بيوت المدنيين في المناطق التي كانت بتسيطر عليها المعارضة

مع انه حسب القانون الدولي الاستخدام المتعمد و العشوائي للأسلحة الخطيرة و المحظورة دوليًا زي البراميل المتفجرة يخلي الرئيس السوري بشار الأسد مسئول عن جرائم الحرب دي

و لكن بشار نفى الأسد كثير جدًا انهم بيستخدموا الأسحلة دي و قال في إحدى تصريحاته:-لدينا قنابل وصواريخ ورصاص لا توجد براميل متفجرة؛ ليس لدينا براميل

بالرغم من انه ظهرت على مر السنين عشرات الدلائل اللي تناقض كلام الأسد زي انه التُقطت الكثير من الصور و تم تصوير كثير من الفيديوهات اللي بتظهر سلاح الجو السوري وهو بيلقي البراميل فوق مناطق مليئة بالمدنيين يا أخي ده أميركا استحت تعملها

و تم العثور على عدد من الفيديوهات اللي توثق استخدام القوات النظامية للبراميل المتفجرة وذلك في موبايل عُثر عليه في حطام طائرة تابعة للقوات الحكومية كانت تحطمت 

و بعد انتشار الفيديوهات و الوسائط قال وزير الخارجية البريطاني "فيليب هاموند":-إن شريط الفيديو هذا يكشفُ أكاذيب الأسد عن البراميل المتفجرة ... سنُقدّم المتورطين في هذه الأعمال الإجرامية إلى العدالة

و النزاع ده أدى لحياة 20,000 إنسان تروح، تخيل انه كان في اليوم الواحد بيترمي 6 براميل المتفجرة و مش بس كدا ده مع مرور الوقت النظام السوري طور من أساليبِ استخدامه للبراميل المتفجرة و زاد من شدتها التدميرية عشان نعمل أكبر قدر من الضرر و عشان نتأكد ان كله مات و مفيش حد هيقدر يسعفهم في المنطقة دي كنا بنستخدم تكنيك «البراميل المزدوجة» و ده بينص اني أرمي برميل و بعد 10 30 دقيقة أرمي الثاني

في الحقيقة مش قادرة اتصور ان فيه رئيس ممكن يعمل كدا في شعبه و سايب عدوه الأساسي

المهم في فبراير 2014 تبنى مجلس الأمن التابع للأمم المتحدة القرار رقم 2139 و اللي طالب بإنهاء القصف الجوي العشوائي بما في ذلك رمي البراميل المتفجرة 

و فجأة لقينا ان كل من الصين وروسيا –اللي كانوا دائمًا معترضين على القرارات الأمميّة التي تدين النظام السوري و عطلوا معظم مشاريع القوانين بخصوص الموضوع ده– دعموا القرار وصادقوا عليه كمان

ابتسمت"مريم" بسخرية و قالت

_ ومع ذلك وبعد 5 شهور بس النظام قد كثّف من هجماته عبر البراميل المتفجرة في تحدي منه للقرارِ الأمميّ 

و صرحت سامانثا باور الممثلة الدائمة للولايات المتحدة لدى الأمم المتحدة في أوائل سبتمبر 2014 

«بأن الحكومة السورية زادت من اعتمادها على البراميل المتفجرة في شن حملة جوية وحشية» و في نوفمبر من نفس السنة أفيد من جديد أن الحكومة السورية زودت من استخدامها للبراميل المتفجرة 

و وصف خالد خوجة زعيم الائتلاف الوطني السوري المدعوم من بعض الدول الغربية

«الدور الذي تلعبه البراميل المتفجرة في الحربِ لصالح الأسد» و قال إن البراميل دي تلعب دور رئيسي في دفع اللاجئين السوريين للفرار من بلدهم نحو البلدان المجاورة وأوروبا 

و أما رائد الصالح رئيس الدفاع المدني السوري قال تعليقًا على قضيّة البراميل المتفجرة هذه «إن التأثير المحلي للبرميل المتفجر هو نفسه تأثير الزلزال الذي تبلغ قوته ثماني درجات على مقياس ريختر» 

أنهت "مريم" حلقتها قائلة

_تخيل يا عزيزي المستمع ان صاحب النظام ده شخص لسه موجود في الحكم عادي ولا كأنه عمل مذبحة في شعبه و خلاهم يهربوا من بلادهم، لنا الله

و السلام عليكم و رحمة الله و بركاتة

نهضت "مريم" بعد ان أوقف "زين" التصوير و هي تقول "لملك" 

_يلا عشان تقولي القصيدة

ملك بإرهاق: لا انا تعبانة شوية خالينا نخلص البحث الأول

أومأ الجميع لها و ما كادوا يجلسون حتى كانت "ملك" مسطحة أرضًا مغشي عليها مما جعل "مريم" تصرخ بفزع بينما حاول كل من "إسلام" و زين الإطمئنان عليها