قراءة رواية الماسة كاملة

تنشر حصريًا على مدونة رواية وحكاية قبل أي منصة أخرى

رواية الماسة

 رواية جديدة قيد النشر

من قصص و روايات 

الكاتبة نهى عادل 

الفصل الأول

يخادعُ ريبَ الدهرِ عن نفسِه الفتى  

سفاهًا وريبُ الدهرِ عنها يخادعُه 

ويطمعُ في سوف ويهلِكُ دونهاوكم مِن حريصٍ أهلكتْه مطامعُه

❈-❈-❈

أشرقت شمس يوم جديد  داعبت  أهداب تلك الجميله النائمه

نهضت من الفراش و انتصبت واقفه تعدل مكان نومها  ثم سارت تجاه الحمام اختفيت بداخله دقائق  خرجت  ادت فرضها و سارت متجه خارج  غرفتها فهي تسكن في منزل متوسط الحال ،مكون من دورين ،كان ملكا لوالدها واصبح ملكا لها هي ووالدتها، بعد وفاه والدها.

_دلفت الي المطبخ لتجهيز الافطار،واعطاء والدتها الدواء قبل نزولها الي عملها، تعمل ماسة في إحدى  المطاعم الفاخرة ،رغم انها حاصلة علي بكالوريوس تجارة لكنها لم تجد فرصه عمل بمؤهلها، لانهم يطلبون الفتيات بمواصفات خاصة مثل  حسنه المظهر ،وهي لم تجيد اي من اعمال الفتيات  كـ ميك اب ،ولبس الثياب  الضيقه وهكذا..

كانت ماسة تمتلك جسد صاروخا تخفيه في الثياب الواسعة الفضفاضة، ولكن أنها لم تهتم بمظهرها ابدا كانت ممتلئة في بعض الاماكن جعلها  مغري جدا  ترتدي الحجاب الذي زادها جمال فوف جملها الروحي 

ترتدي نضارة لضعف نظرها. ولكنها كانت كبيرة علي وجهها ،تخفي ملامحها الجميلة.

شرسة قويه اذا جاء عليها احد تأخذ حقها منه، لا تستسلم بسهوله، كانت صاحبه قلب حنون.

تمتلك ماسه صوت قويا يجعل كل من يسمعه يقع في حبها، محبوبه من جيرانها واهل منطقتها 

❈-❈-❈

بعد أن قامت ماسة بتجهيز الطعام علي الطاولة، ذهبت ،تستدعي  والدتها .

جاءت الأم سعاد ،و أردفت قائلة  :صباح الخير يا ميمي 

أردفت ماسة قائلة :صباح الخير يا ماما،يلا تعالي علشان تفطري ،وتاخدى العلاج.

ابتسمت سعاد قائلة بحب  :ربنا يخليكى ليا يا حبيتى ،دايما شايلة همي رغم ان انا اللي المفروض اهتم بكى يلا حسن الختام يا حبيبتي المرض آكل في جسمي .

حزنت ماسة و أردفت قائلة و هى تقبل يد والدتها : بعد الشر عليكى يا ماما، ربنا يخليكى ليا انا مليش غيرك يا حبيتى بعد بابا الله يرحمه،

نزلت دمعه مسحتها و اكملت: 

هروح انا اخلص المواعين اللي في الحوض ،قبل ما انزل  الشغل ،انا عملت الغداء جوه فى المطبخ   ،افطري يا ماما وخدى العلاج ،وروحي ارتاحي  في أوضتك ،وانا هخلص وانزل ،أروح مع ياسمين الشغل وهشوف لو طنط فتحيه موجودة تيجي تقعد معاكي .

ثم قامت بتقبيل يد والدتها بحب ،ودلفت الى المطبخ 

بعد قليل انتهيت ماسة من تنظيف المطبخ دلفت الى غرفتها وقفت امام خزانه ثيابها و اخرجت  فستان اسود اللون وحجاب فضي وارتدتهم على عجل  و خرجت من الغرفة متجه الى باب منزلها لتخرج الى شقة عمها لكى تستدعي ياسمين  لكي يذهبوا الى المطعم و 

اثناء نزولها الدرج ،وجدت عمها فخرى ،خارج من شقته، في الدور الارضي ،توجهت إليه و

ابتسمت له و أردفت  قائلة: صباح الخير يا عمى ياسمين جاهزة ،علشان نروح المطعم .

أردف  فخري  بوجه عابس قائلا  :اه تلاقيها خارجه دلوقتي ،فكرتي في الموضوع اللي قولت لك  عليه ،ولا لا

تنهدت ماسة و أردفت قائلة  :يا عمى قولت لحضرتك كذا مرة ، لا أنا ولاء ماما  موافقين نبيع البيت والصراحة كمان ،بابا قبل ما يموت قال لنا أنه اشترى نصيبك ،لما حضرتك كنت محتاج فلوس يعني البيت ملكي أنا وماما

نظر فخري  بغضب  و أردف قائلا: انتي انت تكذبيني يا بت ،أنا معايا ورق يثبت كلامي .

اخذت نفسا و أردفت قائلة بهدوء :يا عمى بابا مات قبل التنازل ،وحتي لو حضرتك معاك ورق ،أنا وماما لنا النصف ،ولا يمكن افكر نبيع ،البيت ده من رائحه بابا الله يرحمه.

خرجت ياسمين في هذه اللحظة ،وتعجبت من ملامح والدها أردفت قائله وهى تنظر الى ماسة: صباح الخير يا ميمي،يلا علشان نلحق الشغل ،بعد اذنك يا بابا،

بعد ذهاب ماسة وياسمين الي المطعم ظل يفكر فخري ماذا يفعل للحصول علي البيت ؟رغم أنه في منطقه عشوائية إلا أنه يساوي مبلغ مالي كبير ،شرد ثم فكر 

أبتسم بخبث قائلا :مفيش الا الحل ده ،ثم قام بالاتصال علي شخص ما !!!!!وقال له أن ينفذ في الحال.

بعد خروج ماسة و ياسمين من المنزل و قفت ماسة تنظر الى ياسمين قائلة:  سمسم يا قلب اختك 

رفعت ياسمين حاجبها قائلة:  امممم عارفة الداخله دى و الله احكي 

ابتسمت ماسة قائلة بمكر:  لسه فاضل نصف ساعة على ميعاد المطعم ايه رايك لو نروح نتمشي على  الكورنيش وناكل درة 

نظرت لها ياسمين قائلة بمكر مثلها: بس على حسابك يا ميمى 

لكزتها ماسة فى كتفها قائلة:  كنت عارفة و الله انك هتقول لى كده، مواقفة و امري الى الله. 

بعد قليل 

جلست ماسة و معاها ياسمين على أحدي المقاعد المتواجدة امام النيل تاكل الدره فهى تعشقة تنهدت بحزن  تنظر الى ياسمين قائلة:  تعرفي ان بابا الله يرحمه كان على طول يجبنى هنا ونقعد انا و هو ناكل دره وترمس لحد ما بطني توجعنى من الأكل. 

نزلت دمعه من عيناها و اكملت:  بابا وحشني اوى يا ياسمين، وحشني حضنه 

ضمتها ياسمين قائلة:  ربنا يرحمه يا ماسة عمى مكنش فى طيبة قلبه الصراحه انا مستغربة أزاى هو وبابا اخوات ده فرق بين السماء و الأرض 

بينما جاءت طفلة صغيرة تحمل بيديها الكثير من الورد قائلة وهى تقترب منهم:  تشتري ورد يا هانم الوردة بخمسة جنيه بس 

ابتسمت ماسة قائلة:  انت اسمك ايه 

اجابت الفتاة قائلة: أسمى إسراء

اردفت ماسة قائلة: اسمك حلو اوي، بس انتِ لسه صغيرة ليه بتباعي ورد يا حبيتى 

اجابت الصغيرة:  علشان اصرف على اخواتى بابا طلق ماما بعد ما عجزت وراح اتجوز غيرها ورمانى انا و اخوات وانا اكبرهم ولازم اصرف عليهم 

حزنت ماسة و باسمين التى اردفت قائله:  طيب و مدرستك 

هتفت إسراء قائلة:  انا طلعت من المدرسة من زمان يادوب اخدت سنه أولى بالعافية 

رتبت ماسة على ضهرها بحنان قائلة:  و لا يهمك يا إسراء هاتى كل الورد اللى معاكي انا هاخده منك... 

ثم اخرجت ورقة ودونت فيها رقم هاتفها و أكملت: و ده رقم تلفيونى لو احتجتي اى حاجة على طول تتصلي بي 

ابتسمت إسراء واخذت منها الورقة قائلة:  حاضر بس حضرتك اسمك ايه 

ابتسمت ماسة قائلة:  انا ماسة 

هتفت ياسمين قائلة: و انا ياسمين... 

ابتسمت إسراء قائله:  الله اسمك حلو اوي يا طنط 

زمت ياسمين شفيتها قائله:  طيب و انا 

هتفت إسراء قائلة:  اسمك حلو أنتِ كمان ، انا همشي علشان الحق اجيب ل اخوات الفطار 

قالت هذه و هرولت تبتعد  عنهم بينما تنهدت ماسة قائله: الحمدلله على نعمه الستر شفتى يا ياسمين هو فى اب يرمي اولاده بالشكل ده بس هنقول ايه ربنا رحيم بهم من اى حد... 

نظرت ياسمين الى ساعتها  وشهقت قائله:  الشغل اتاخرنا اجري يا بت نشوف تاكسي 

قهقت ماسة قائلة:  حاضر.. 

❈-❈-❈

بعد قليل ترجلت ماسة من سيارة الأجرة تليها ياسمين 

دلفوا الى المطعم ثم غرفة تغير الثياب  وارتدوا الزى الخاص بالعمل خرجوا الي المطعم لتلبية طلبات الزبائن ، اصحاب السلطة والنفوذ وذو المستوى المادي والاجتماعي المرتفع.

دلف إليهم المشرف ،المسؤول عنهم قائلا :اعملوا حسابكم أن الليلة في سهر ، في حفلة بلبل في المطعم ،والمكان كله محجوز ، وده مش أي زبون ،ده غيث باشا صاحب المطعم،

أردفت ماسة قائلة بضيق :بس يا فندم أحنا مينفعش نسهر لأن احنا ساكنين بعيد عن المطعم .

نظر المشرف إليهم و أردف قائلا بحده :مش مشكلتي يا ماسة ،ولازم تكونوا موجودين .

نظرت له ياسمين قائلة :تمام يا فندم ،اتفضل حضرتك وكل حاجة هتكون جاهزاً.

أخذت ماسة نفسا و اخرجت ببطء قائلة :أمتى نرتاح من الهم ده ،أنا تعبت، نفسي أشتغل في شركة كبيرة بمؤهلي.

رتبت ياسمين على ضهرها بحنان قائلة:  ربنا يحقق احلامك يا ميمي يارب 

قالت هذا وذهبت كلا منهم الى عملها.. 

❈-❈-❈

في المساء ... 

كان المطعم ،علي أكمل استعداد لاستقبال مالكه وضيوفه غيث قاسم الدالي.

_دلف  غيث بكل ووقار وهيبه، كان يرتدي بدله من اللون الرصاصي التي تشبه عيونه، فكان كتلة من الجمال والوسامة. ومعه خطيبته رزان وكانت ترتدي فستان يجسم جسمها وتضع ميك اب  صاروخي.

جلسوا ثم شاور الي محمود المسؤول عن اداره المطعم قائلا: محمود عملت كل اللي امرتك به والمنيو اللي انا طلبتها منك والمشروبات كل حاجه جاهزة.

اجاب محمود بكل احترام :كل حاجة جاهزة زي ما حضرتك امرت يا غيث باشا.

شاور له غيث بالانصراف.....

اقتربت  اليه رزان قائلة  بدلع :

" ايه رأيك يا حبيبي تحب نطلب ايه 

نظر لها غيث بابتسامه قائلا:

" الا تختاريه يا حبيبتي انا موافق عليها .

نظرت رزان له بسعادة ثم حولت نظرها  الي المتر  ونظرت  له وتحدثت بطريقه بها الكثير من التكبر قائلة: 

" بص ياااا اسمك ايه انت؟! 

جاء الشخص قائلا باحترام: 

" أسمي رضوان يا فندم تحت أمرك اتفضلى حضرتك تطلبي ايه؟! 

بكل غرور و تكبر كانت تتحدث مع رضوان 

سجل رضوان طلباتها وذهب من أمامها باحترام وهو يسب ويلعن فيها بداخله من شده غرورها 

دلف رضوان يبلغ الطلبات ،وهو في شده غضبه من هذه ال رزان ،

تعجبت  ياسمين  من تغير ملامح رضوان اقتربت منه قائلة: رضوان مالك في حاجة .

تنهد رضوان بقلة حيلة قائلا: مفيش، خدي الطلبات ،حضريها انتى وماسة بعد اذنك.

جاءت إليها ماسة قائلة: ماله رضوان يا سمسم عامل كدة ليه.

لوت ياسمين شفتيها قائلة  : معرفش ،خدي الطلبات ،ويلا علشان تحضرها قبل ما يجي مستر محمود ويهزقنا.

وبالفعل بعد عدة دقائق ،كانت ياسمين وماسة انتهوا من تجهيز الطلبات .

نظرت ياسمين الي ماسة  قائلة :الله يا بت يا ميمي الحفلة شكلها حلو اوى ،نفسي فى مرة أحضر حفلة كده ،وأكون أنا صحبتها ،قول لى  صح يا ميمي ،انتى عمرك شفتي غيث اللي بيقولوا عليه ده ،انتي شغالة هنا قبلي ،بقلك سنتين شغاله هنا.

اجابت ماسة قائلة  :ولا حتى اعرف شكله ، ثم احنا مالنا خلينا نشوف شغلنا.

نظرت له قائلة : فضولك مش مخليكى عاوزة تشوفيه او تطلعي تشوفي الحفلة ،اللي بره ،ما اقولكيش ستات ايه ولبس ايه واغاني ايه اوعدنا يا رب.

قرصها ماسة من وجنتيها  قائلة  :يلا يا اختي نشوف شغلنا 

❈-❈-❈

في الخارج 

اقتربت رزان  تتمايل بدلع امام غيث قائلة:،بيبي مش هتقوم نرقص سوا ،أنا زهقت يا بيبي ،يلا نرقص .

زفر بغضب قائلا  :رزان ... أنا كذا مرة اقولك ما بحبش الأسلوب ده ،ولا الكلمة دي ،وبعدين ايه الفستان ده ،مش قولت لك البسي حاجة محتشمة شويه عن كده انا ما رضيتش احرجك اول ما شفتك علشان منظرك قدام الناس بعد كده لما تكوني خارجه معايا في مكان ما اشوفكيش لابسه اللبس ده تأني ما تنسيش ان انتى، خطيبتي يعني واجهه لي وانا محبش  ان انتي تعرضي جسمك للناس.

اردفت قائلة  بدلع: بيبي خلي عقلك كبير شويه انت ناسي انك كنت عايش في امريكا يعني خليك كول يا بيبي

تنهد قائلا :بس احنا هنا في مصر وفي أصول ، ودين وأنا بحب كل حاجة تمشي بيرفكت

قال هذا وتركها وذهب .

❈-❈-❈

تحركت ماسة بتعب بعد أن انهت عملها ،وهي تنظر إلى ساعة يدها

تنهدت بضيق وهي تخلع حذائها جاءت إليها ياسمين قائلة  :أنا يا ماسة مش قادرة اقف علي رجلي تاني ،هى الحفلة دى هتخلص أمتي؟!

أنا تعبت جامد علي فكرة ،أنا هطلب من مستر محمود بكرة نيجى متأخر ،بقولك يا ميمي بما أن احنا خلصنا ومحدش هيجي وفى دوشة  بره ومحدش هيسمع  صوتك ما تغني ،أي حاجة ينوبك ثواب.

ابتسمت  ماسة قائلة :رغم اني مش قادرة أخد نفسي ،بس علشان خاطر عيونك يا جميل 

احم احم ....

حاسه انى وحيده وحيده

وفي دنيا بعيده بعيده

ولا حدش جنبي

من كل حبايبي

ولاحيلة قلبي غير التنهيده

تعالالي يابا تعلالي تعلالي يابا

الدنيا لما تضيق حواليا و تغمي عنيا

بحلم بسنين حلوه هنيه وانا لسه صبيه

ايامي وفرحي ولياليا احلام ورديه

ايامي وفرحي ولياليا احلام ورديه

وانت بتدعيلي وترقيني ما يفرح فيا عدويني

كانت تغنى ودموعها تنهمر فوق وجنتيها بغزارة تذكرت والدها،فهو كان الحامي والسند لها.

ضمتها ياسمين ترتب على ضهرها بحنان قائلا :ادعليه بالرحمة يا ميمي عمي كان راجل طيب وبعدين انا قولت حاجه فرفشه  ،مش تخليني اعيط ،ويلا علشان نجهز حالنا ونروح،ده انا بفكر انام لمدة أسبوع 

كانت تغني بإحساس يخطف القلوب ، 

تغني وتبكي ،وهي غافلة عن ما كان يستمع إليها.

❈-❈-❈

بعد انتهاء السهرة 

خرج غيث ومعه رزان الى خارج المطعم 

اقتربت رزان من غيث  وقامت بوضع يديها على كتفه قائله بدلع :  غيث يا حبيبى ايه رايك لو نكمل السهرة مع بعض لوحدنا فى اى حته 

تنهد غيث و قام بتنزيل يد رزان قائلا بهدوء: 

_لا كفاية سهر يا رزان الوقت اتاخر و لازم انام لانى عندى اجتماع بكره الصبح  بدرى. 

نظرت له بغضب قائله:  تمام اتفضل انت روح و انا هروح اكمل سهرتى عند دودى صاحبتى 

قالت هذا وذهبت تستقل سيارتها قادتها بسرعة تنظر له بضيق 

بينما هو زفر بغضب عليه التفكير فى امر هذه  الخطبه، رزان ليست الفتاة المناسبه له 

اقترب منه فهد قائلا: فين رزان اومال يا غيث 

أردف  غيث قائلا بضيق :  راحت تكمل السهر عند صاحبتها

و يلا احنا كمان لانى عندي صداع شديد 

قال هذا و استقل سيارته وجلس بجانبه فهد يفكر ماذا يفعل ل انهاء هذه الخطبه دون غضب والدته منه؟! 

❈-❈-❈

امام احدي المقاهي الشعبية 

جلس فخري يخرج دخان سيجارته بغضب يفكر ماذا يفعل مع ماسة كى ترضي بان تبيع المنزل فهو قد تراكمت عليه الديون جاء إليه احدي اصدقائه و يدعى سلام قائلا وهو بجلس: 

_ازيك يا فخري 

قام فخري  باطفاء السيجاره قائلا:  أهو عايش يا سلام خيرك ايه اللى جابك مش عوايدك تيجى تقعد معايا على القهوة لحد دلوقتي 

اجاب سلام بمكر:  الصراحة يا فخري يا اخويا انا صبرت عليك كتير و بنتى الكبيرة جاي لها  عريس و انت عارف جهاز البنات  ما انت عندك ياسمين ربنا  يخليها فانا محتاج فلوسي اللى عندك فى خلال أسبوع 

زفر فخري قائلا  بغضب:  و انا اجيب لك منين قولت لك لما ابيع البيت هبقي اديك فلوسك غير كده مفيش كلام تانى 

قال هذا و انتصب واقفا يهرب من امامه يسب و يلعن تلك الماسة...