قراءة رواية جديدة حياة الفهد الجزء الثاني كاملة

تنشر حصريًا على مدونة رواية وحكاية قبل أي منصة أخرى

رواية حياة الفهد الجزء االثاني

خادمة الفهد

 رواية جديدة قيد النشر

من قصص و روايات 

الكاتبة صفاء حسني

الفصل الثاني عشر

في المستشفى  دخل فهد عند ليلى وسألها 

فهد : في سؤال محيرني وبنتك كانت دائماً بتهرب منه إنتم إمتا اتصالحتوا وامتا رجعتي لحياتها وإزاي قبلتك في حياتها بالسهولة دي مش فاهم وليه الكل خبى عني إني نسيت فترة من حياتى 

بصتله ليلى بكسرة الألم والمرض وقالت

هقولك على كل اللي أعرفه وامتا ظهرت في حياتكم 

الحكاية بدأت من يوم ما ضحكت على بنت سلفي وبعثتها على بيت واحدة إسمها إعتماد عشان نخوفها وتمضي على تنازل عن بيت أبوها والورشة

وممكن أرجع أحكيلك قصتي من زمان من يوم ماسبت أسماء وأبوها . 

أنا وقعت بحب محامي كنت شغالة عندوا أو بعنى أدق حبيت فلوسه ومستواه الإجتماعي ، وتصورت إني ممكن أقدر أوقعه، كنت وقتها على ذمة جوزي أبو أسماء ،وعشان أقدر أوقعه بحبي كان لازم أطلق من أبو بنتي وبالفعل زهقته بعيشته وأهنته كثير فطلقني  بدون أي مشاكل لكن طلب مني أتنازله عن بنتي 

روحت واشتغلت عند المحامي وبدأت أمثل عليه دور الضحية اللي جوزها طلقها وأخذ منها بنتها  

ولأن المحامي دا كبير وذكي وبيفهم في الناس لعبتي مدخلتش عليه  حاولت بكل الطرق أوقعه بعد ماعرفت إن مراته موجودة في البلد وهو بيقعد ٣ أيام في القاهرة و٣ أيام في البلد ،وإن عندوا مكتبين محاماه وناس كثير بتشتغل معاه قولت الدنيا هتضحك لي وأتجوز جوازة نظيفة من واحد محترم ومقتدر حتى لو بقيت زوجة ثانية لكن الراجل طلع بيحب مراته جداً وعندوا منها  بنت ومقدرتش عليه ، لكن عرفت إنها عندها مشكلة و متقدرش تخلف ثاني لعبت على موضوع الولد زعق لي وقالي 

مين سمحلك تدخلي في حياتى وإنتي مالك أصلاً وبنتي عندي بمليون ولد وطردني من الشغل في اليوم دا .

أخوه الكبير جه المكتب أخوه كان غلبان وعرفت إنه فتحله ورشة نجارة وكان عندهم بيت كبير قولت مش مشكلة ينوبني من الحب جانب ، وفعلا عرفت ألعب على محمد واتجوزته ووقتها أخوه اتعصب لكن مقدرش يعمل حاجه عشان عارف إن أخوه طيب وكمان أنا هددته إني هقول لمراته إنه كان عينه عليا وألف مين يشهد فسكت ورضي بالأمر الواقع وعشت في خيرهم وربنا رزقني ببنتي الثانية لكن كانت طالعه زي أبوها طيبة وهبلة إسمها هبه مرات فارس إبن عمك ، مش عارفه حبها إزاي أصلاً واتجوزها 

بصلها فهد وهو مصدوم 

فهد : حبها عشان بريئة سبحان الله هو طول عمره نفسه يتجوز واحدة طيبة لكن مش دا حديثنا دلوقتي كملي 

ليلى هزت راسها وقالت

المهم عرفت إزاي أخليه يحبني ومايقدرش يستغنى عني لكن مع مرور الأيام ....

قطع حديثها فهد وسألها :

أنا كان سؤالي واضح إنتي ليه بتحكي لي قصة حياتك 

اتنهدت ليلي وهي بتتألم من الوجع ومستنيةط الدواء إفتكرت إنها لو قالت أي حاجه وسهير شافتها هتعطيها ولو جزء من الدوا لكن سهير كانت عارفة لعبة  ليلى

وكانت حاطه سماعة بلوتوث داخل وذن ليلى عشان  تعرف هي بتقول إيه وتقدر تتكلم معاها وهمستلها 

سهير : متلفيش وتدوري مع إبني احكي المفيد أنا عارفة إن الألم بيقطع في جسمك الحقي نفسك 

بصت ليلى لفهد وقالت 

أنا جيالك في الكلام أهوه، عشان تعرف وصلت لأسماء ولحضرتك إزاي من خلال ملك بنت سلفي

 في يوم ضغطت على جوزي عشان يجبر أخوه يكتب ورشة النجارة بإسمه، وتكون ملكه 

 ماهو عنده مكاتب ومش محتاج، ووقتها جوزي أول مره يخرج عن شعوره لم غلطت فيه وفي أخوه ضربني وطلقني بالثلاثة، ووقتها أنا اتغاظت وحبيت أحرقه فجبت شاب من اللي بياخدوا درس مع ملك إسمه فهمي وجربته قدام عيون محمد، وعملت معاه علاقة قدام عينيه، ودبست الواد وقولتله لازم نتجوز وتكون محلل ليا عشان جوزي طلقني، و كنت دائماً بكسر محمد بالواد دا وغير كدا شاب صغير كنت بستمتع معاه لحد ما  أبو ملك عرف وحلف إنه يربيني ولأن علاقاته كبيرة طلب من ظابط كبير يسجني، واتجرجرت من شعري قدام أهل البلد بتهمة الإرهاب بالرغم إني ماليش أي علاقة اتحبست ٣ أيام، ووقتها جه أخو جوزي للسجن وضحك ضحكت نصر وقالي 

إنتي عارفه حريتك في إيدي لكن هذلك زى ما ذليتي أخويا وكسرتي نفسه، مش عارف عملت إيه مع الغلبان دا عشان يحبك الحب دا كله وينقهر عليك أنا دلوقتي المحامي بتاعك في ثانية ممكن أخرجك أو ...

اترجيته وطلبت منه يخرجني وفعلاً خرجني وطلب ألم نفسي وأمشي لكن الغل كبر جوايا وكنت مقهورة منه، فلعبت في فرامل العربية بتاعته ولما ركب عربيته هو ومراته عملوا حادثة وماتوا وقتها حسيت بالإنتصار  لكن بعد كدا  اكتشفت إنهم ماتوا بسبب إنفجار  عربية تانية وإن في عدوا ثالث ليه 

جه الراجل ده وسألني على  أوراق كانت مع بنته ملك وطلب مني أساعدوا علشان يلاقيهم وفعلا ذليت ملك وكسرتها علىشان الثلاث أيام اللي قضتهم في السجن، لحد ماعرفت البت المفعوصة بعلاقتي بفهمي ومعجبهاش وقررت تعرف البلد كلهاعشان يطردوني

 لكن أنا سبقتها وبعتها على بيت مشبوه اتحبست  لمدة سنه كنت عايزاها  تنذل ويضيع شرفها وكمان عرفت بعد كده إن الراجل حاول معاها علشان يعرف مكان الورق .

❈-❈-❈

 فهد أضايق جداً علشان  ملك وهو مش فاكر حاجة وقرب منها وضربها بالقلم 

فهد : يا سافلة إنتي المفروض مكانك السجن 

كملي عشان واضح إني كنت معيش حية في بيتي وأنا مش عارف

ليلى هزت راسها بوجع  وهي ماسكه بطنها اللي بتقطع فيها 

حضرتك أنا مش لوحدي إنت كمان صدقت إن أمك إنسانة مش كويسة وبعدت عنها وخليت عدوا والدك حبيبك واشتغلت في شغلانه مع واحدة إسمها إعتماد وكنت سامح لبيت الدعارة يشتغل ومبلغتش عنهم 

استغرب فهد من كل اللي قالته وسألها : وأنا إيه اللي خلاني ابقى كدا 

 ليلى بتنهيدة :

اللي عرفته بعد كدا  من بنتي أسماء إنكم كنتوا بتحبوا بعض جداً ولم حست والدتك بالحب دا طلبت من أبوها إنه يسفرها   عند أهله، وفعلاً حصل لكن طلعت واخذه عرقي وما إتنازلتش عنك، كانت دائماً بتتكلم معاك لحد ما إنت اتعلقت بيها أكثر، لكن إنت كنت كل  ما تحاول تقول لوالدتك ترفض فقررت تقول لوالدك الأول وكنتوا راجعين إنت وهو من مشوار فحصلت حادثة واللي عرفته بعد  كدا إنها نفس الحادثه بتاعت أهل ملك ومش  عارفه إيه الرابط ما بينكم 

لكن والدك مات في نفس الوقت 

وحست أسماء إن خلاص فرتعا إنها تكون معاك ضاعت 

فمثلت عليك إن في عريس جي يتقدملها  فإنت قررت تتجوزها من ورى والدتك واتجوزتها في البلد عند المأذون ووعدتها بعد التخرج هترجعها .

وفعلاً رجعتها لكن والدتك مكنتش قابله وجودها وعاملتها أسوأ معاملة، وإنت روحت تراضيها وشافتكم مع بعض فقررت تفرقكم عن بعض، ولعبت لعبة إنكم إخوات 

ووقتها أسماء حست إنها مع أخوها مش حبيبها، ومن غير ما تفكر طلبت منك الطلاق وجرحتك، وفعلاً طلقتها وقررت تذلها  وتخليها تحت عينيك، وبعد كدا أسماء إتعاونت مع الشخص دا ولعبة لعبتها 

اتفقت مع واحد كان ظابط كبير واعتقد إن هو نفس الشخص اللي كان بيدور علي الورق،واللي هو السبب في موت والدك، عشان كشف شغله مع إعتماد وقرر يفضحهم هو وواحد إسمه منصور فقرر يرمي عصفورين بحجر واحد يخليك تكون إنت تحت إيده ويذل منصور ويفضحه، ولعب لعبة هو وأسماء وخلوك شكيت في والدتك، وفعلاً إنت شفوتهم في حضن بعض، وخرجت والدتك من حياتك 

وأجبرت والدتك إنها تتجوز من منصور عشان سمعتهم اللي ضاعت بعد ما اتصوروا مع بعض، وبكدا والدتك خرجت من الصورة وإنت كنت منهار فاشتغلت مع نفس الشخص وبقيت ذراعه اليمين في شغل إعتماد لكن إنت كان ليك طريقه مختلفه، كنت بتنقذ البنات وكنت بدا قاصد إنك تكسر بنتي بإنك كل يوم تدخل ببنت شكل عشان تثبت رجولتك ليها لكن واضح إن سحرها وحبك ليها كان أقوى من كرامتك، سبتها قدام عينيك سنه لحد ما شوفت ملك عند إعتماد معرفش أي هي الأحداث اللي حصلت ما بينكم لكن كل دا عرفته من كلام بنتي  

حاولت تقرب منك وفعلاً عملت معاك علاقة لكن إنت وقتها مكنتش فى وعيك ورفضتها وحلفت إنك  هتتجوز 

حست أسماء إنك بقيت بتنساها،  ولما عرفت إن سهير كانت بتلعب عليها وإن هي فعلاً عندها بنت في إيطاليا وقتها ندمت إنها خسرتك وحاولت معاك حتى لعبة إنها انخطبت كانت عشان تخليك تغير عليها، لكن حركتها دي خلتك أنقذت ملك من تحت إيد إعتماد وممدوح اللي كان مخليها رهينه عندهم عشان هي اللي معاها كل حاجه تخصه وكان خايف على مستقبله حتى لما انقذتها طلب ممدوح من أسماء تقتلها أو تتفشها المهم إنك متعرفش حاجه عنها وفعلا عملت كدا

واتنقلت ملك المستشفي لكن إنت صدمت  الجميع بإنك اتجوزتها 

 فهد بصدمة وغضب من اللي بيسمعه 

فهد : إنتي بتقولي ايه  يعني  أنا اتجوزت ملك اللي إنتي بتقولي  عليها؟ 

❈-❈-❈

إدخل وليد وهو ماسك إيده : 

وليد : فعلاً يا فهد إنت وقعت في حب ملك وكنت دائماً تقولي ملك إنها عايشة  في وسط وحوش، وقررت تساعدها، وتخليها، تكمل تعليمها مقابل إنها تكون مراتك عشان تقدر تاخذ حصتك في كل الشغل عشان والدك كان كاتب في الوصية مواصفات البنت اللي هتتجوزها إنها تكون بنت ناس ومتعلمة لكن مع الوقت إنت وقعت في حبها 

كملت ليلي  وقالت 

بنتي معجبهاش الوضع خصوصاً لما عرفت إنها حامل منك وقلتلها إنك رافض تعترف بإبنها وكمان قولت هتستنى لما تولد وتعمل تحليل DNA وبعد كدة هتاخذ  الطفل لما تتأكد إنه ابنك 

وقتها الحقد ظهر جواها وحاولت تخرج ملك من حياتك أول مرة حرقت البيت وقتها والدتك استغلت الفرصة وحطت دواء لملك يخليها  تنسى وقت بسيط كانت بتاخذ الدوا في وسط الأدوية ولعبت عليها وقالتلها دواك عندي لكن بشرط تساعدها وتعترف بكل حاجه زي ما عملت معايا استغلت إن بنتي أسماء حطت لي دواء يموتني وقالت إنها عندها المضاد لكن بشرط احكيلك كل حاجه

 فهد إتصدم بكل اللي بيسمعه وسألها 

مين اللي خلاني أنسى الفترة دي ؟ وإزاي مع الدواء متحسنتش ؟وإزاي حصلت الحادثه؟ وفين  ملك؟ 

ليلى بلعت ريقها وقالت

بعد محاولة الحرق أنا وصلت لملك لكن انصدمت إن أسماء بنتي بتشتغل عندك وسمعت حكايتها وكمان كنت انكشفت عند محمد وملك وتأثيري عليهم  انتهى وإنت كنت بتحقق في قضية موت أهل ملك 

الصراحة قررت أدعم بنتي وعقلي مع عقلها قررنا نجبرك  تتجوزها واتفقت مع ممدوح إنه يساعدها زي ما كان دائما بيرسم الخطط عشان إنت قررت تسيب الشغل اللي بالطريقة دي واستغليت موت إعتماد وساعدت الشباب يتوبوا وده معجبش ممدوح فساعد بنتي وخطفنا  أختك وقتها ملك عرفت  سمعتنا واتفقت معايا ننقذ أختك وناخذها هي عشان هي عارفه إن روحك في أختك وفعلاً اقنعتك ولما روحت تصلي الجمعة الرجاله أخذتها لكن أسماء بنتي النار ولعت فيها لما شافتك ملهوف على ملك ومش مهتم بحد غيرها وبتدور عليها قررت تخلص من ملك واتفقت مع شباب يرموا مولوتوف في المكان ويظهر  تأثير الشغب لكن إنت قدرت توصل للمكان وبعد ما دخلت حصل إنفجار وبعد وقت خرجتكم المطافي من الحريق وماتت ملك وإنت فقدت الذاكرة 

وقتها كانت أسماء خايفة من رد فعلك وخصوصاً بعد موت ملك لكن لما الكل اكتشف إنك نسيت كل اللي حصل خلال سنه ونص ومش مفتكر غير حادثة والدك وقتها جت على الطبطاب لبنتي واستغلت حبها اللي رجع ينبض في قلبك من جديد واتجوزتها بعد ما هددت أمك إنها توافق مقابل إنها تاخد بنتها وتسافر وفعلاً إنت اتجوزت وهي سافرت بحجة إنها بتابع حالة والدك حاول فارس يتكلم معاك لكن بإتفاق مع ممدوح اتهموا فارس إنه بيستغل شغله لأغراض شخصية وكان هيخسر وظيفته و بكدا مثلوا عليك لعبة هو وبنتي 

❈-❈-❈

إفتكر فهد لما زعق واتكلموا عن أحداث المسلسل

فهد :

لما كانوا بيحكوا لي عن أحداث المسلسل وأنا وقتها تعبت 

ليلى هزت راسها وقالت

بنتي حطتلك منوم في العصير لما اكتشفت إنه بيحاول يفكرك بأي طريقه 

ولما إنت أغمى عليك خاف عليك وقتها فقرر يسافر  هو وبنتي هبه 

وبعد  كده أسماء  بقت الكل في الكل وبدأت تذل فيا أنا و إبراهيم لما حاول يتكلم معاك طردته فهو طلب منك يسيب الشغل ولما إنت سألته هي قالتلك مش هينفع تكون هي زوجتك وأبوها يشتغل عندك 

فهد هز رأسه بوجع وهو افتكر الموقف دا ونظرات إبراهيم وهو بيترجاه يتكلم معاه لكن أسماء منعته لكن اللي مكنتش تعرفه أسماء إنه طلب منه يقعد ويراعي الكبينه ويهتم بيها عشان ماينذلش في كبره وهو مكنش فاهم يقصد مين 

فهد كان مصدوم وزعق :

وأمي سابتكم تعلبوا بيا عشان متخسرش شغلها صح 

دخلت سهير في الوقت دا 

سهير :

لا يا إبني أقسم بالله أنا حاولت أبلغك لكن هي كانت لعبة بعقلك في الأول هي كانت خاطفة نورسان ومكنتش عارفه هي فين وحلفت إني مش هشوفها إلا لما تتجوزها وأجبرتني أوافق ومع كدا دخلتلك وقولتلك بلاش إيه اللي يضمنك إن كلامها صح إنت متأكد إنك بتحبها فاكر وقتها قولت لي إيه 

إنتي ليه بتكرهيها ليه عاوزة تشككيني في حبيبتي وفي إبني أنا واثق في أسماء 

وبعد ما سافرت بعثتلك جواب وشرحت فيه كل اللي حصل 

فهد بصدمه :

جواب إيه موصلنيش حاجه 

ليلى بلعت ريقها ومدت إيديها بالرسالة لفهد وقالت 

هي دي الرسالة وقتها عرفت أسماء وأخدت الرسالة قبل ما تقع في إيدك وطبعاً عشان إنت عشان متفتكرش أي حاجه حبت تخليك تكره أمك وطلبت منك تسافروا علشان تزور قبر والدك ولما إنت روحت هناك 

 سهير كملت

إنت جيت وشوفت عمك منصور معايا وطبعاً كنت ناسي كل حاجه وناسي إنك إنت اللي مجوزنى ليه بعد الفضيحة اللي هي كانت السبب فيها 

ووقتها إنت افتكرت إني بخون  أبوك وإني كذبت عليك وإني ماصدقت أبوك يموت واتجوزت . ومع كدا بعد ما اطمنت على بنتي حاولت أنا وعمك منصور إننا نتكلم معاك وإنت كنت بتصدني ومابتسمعش غير ليها وبس بعثتلك جوابات عشان كانت غيرت رقمك عملت المستحيل هي وممدوح 

عشان يعزولك عن أي حد يفكرك بالسنه والنص دول لحد ما قررت أنزل مصر بعد ما أختك اتجوزت من ابن منصور 

نشأت ما بينهم قصة حب هو دعمها بعد الحالة النفسية اللي عاشتها  بعد خطفها وخصوصاً لما عرفت إن ملك ماتت مع إنها مكنتش قعدت معاها إلا ساعات بسيطة وقت الخطف لكنها حبتها وانهارت لما عرفت إنها ماتت 

❈-❈-❈

كان فهد منهار ونفسيته تعبانة كل السنين دي عايش في كذبة 

في نفس اللحظة دي جت الشرطة عشان تقبض على ليلى بتهمة قتل بنتها .

حضرتك مقبوض عليكي بتهمة قتل بنتك 

صرخت ليلى 

دا مكنش وعدك ليا يا سهير إنتي اتفقتي معايا تعالجيني مش تحبسينى 

ردت عليها سهير لكن إنتي 

 معندكيش حاجة مجرد أعراض شديدة لدواء غلط سببلك وجع

 أنا عرفت إن أسماء طلبت دواء يموتك وأنا طلبت إنه يتم تغييره واستغليت جاهلها في عالم الأدوية وكنت مخططة إنك هتدخلي المستشفى وهجيب إبني و تعترفي له بالحقيقة لكن متصورتش إنك  كمان كنتي مخططة تقتلي بنتك عشان تكوني إنتي المسيطرة حتى حفيدك مصعبش عليك 

 ليلي بزعيق

مكنتش أعرف إنها هتاخذه معاها كنت متصوره إنها هتموت واكون أنا الوصية على تربية حفيدي مع أبوه لكن أنا فعلاً حاسه إني مريضة وكل جسمى وجعني 

ابتسمت سهير 

السن يا ليلى ووهمك إنك مريضة كان ليه تأثير نفسي إنك تحسي بالمرض دا غير التحاليل اللي طلعت وطلعتي مريضة سكر وللأسف كنتي فعلاً هتموتي لولا إن الدواء اللي إنتي اخدتيه  ملوش تأثير على مريض السكر مجرد إنه بتظهر أعراض جانبيه على المريض دوار ووجع في البطن و صداع شديد 

لكنه كان السبب إننا نكتشف إنك مريضة سكر وأكيد في السجن هيعطوكي دواء ليه

❈-❈-❈

خرج فهد من عند ليلى وهو تايه كاره نفسه وكل حاجه في حياته حس قد إيه هو غبي وفجأة وهو ماشي حس بتعب وكان هيقع لكن للمرة الثانية مسكته ملك 

ملك : خذ بالك يا فهد باشا إنت تاعب نفسك جداً وناسي إن عندك ولد محتاجك 

طلبت ملك من الممرضة تساعدها ودخلوه الغرفة وقاست له الضغط وكان ضغطه مرتفع 

طلبت ملك دكتور باطنه يجى 

وقربت منه ووضعت إيدها على رأسها

لكن فجأة

يتبع 

إلى حين نشر الفصل الجديد للكاتبة حياة الفهد الجزء الثاني, لا تنسى قراءة روايات و قصص أخرى تضمن حكايات وقصص جديدة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة