رواية جديدة ماضي لا يموت لزهرة الريحان - الفصل 16
قراءة رواية ماضي لا يموت كاملة
تنشر حصريًا على مدونة رواية وحكاية قبل أي منصة أخرى
قراءة رواية ماضي لا يموت
من روايات وقصص
الكاتبة زهرة الريحان
الفصل السادس عشر
❈-❈-❈
إياد راح عند مهرة ومن غير اى مقدمات مسك أيدها وهمس بحزن : يلاااا
مهرة :على فين؟
إياد اتنهد : هنرقص
مهرة بإستغراب : نعممم
قرب منها اوى ووطي همس جنب ودنها : الكل إبتدأ ياخد باله من منظرنا ويلاحظ تصرفاتنا وبيسأل فى إيه .. مالكم؟
معلش تعالى على نفسك وإرقصي معايا الرقصه دي مش علشاني ولا علشانك علشان أهلك واهلي
هما ملهمش ذنب أبدا فى ال بيحصل ده!
مهرة طول مهو بيتكلم وعيونها عليه كانت شايفه ملامحه قدام منها واضحه
لما الدموع ملت عيونها مبقتش شايفاه بيتلاشي من قدم منها شوية بشويه اختفي خالص
نزلوا هنا دموعها وغمضت عيونها بأسي وحزن
بتاخد نفس عميق جايز تقدر تطرد بيه همومها من جواها لكن وهم وسراب الهم ساكن روحها وقلبها
محتاج معجزة مش نفس عميق!
إياد بسرعة شال دموعها ب إبهام أيده : مهرة ليه الدموع دي؟
متخافيش مش بتخنيه دي مش خيانه لحبيب القلب
دا مجرد رقصه .. تمثلية سخيفه قدم الناس مش أكتر وانا جوزك برضه
ويدوب همسك إيدك
مهره بإنفعال قطعت كلامه : اياااد كفاية لو سمحت أنت كده بتجرحني
إياد بص حوليه وحمد ربنا إن الكل مشغول مع يونس ومراته بصلها وبغيظ مكتوم : وطي صوتك
أنا لسه قايلك الكل ابتدأ ياخد باله منا
خلاااص يعني مش قادره تيجي على نفسك وتمثلي قدمهم إنك بتحبيني مثلي يا مهرة مثلي.....
قطعت كلامه لما حطت أيدها فى أيده وبهدوء: تعالى يا إياد ...يلااا
الأغنية ال رقصو عليها كانت ل اليسا إسمها (فى عيونك)
كلمات الأغنية معبره جدا
وكان من المفترض العروسه هي ال تغنيها ل عريسها ،مصمم الحفل قرب من مهرة وداها الميك بحيث تغنيها بصوتها لعريسها
إياد رفض تماما قال لا مش هتغني ولما الكل استغرب تصرفه دا غمز لهم بشقوتة بعنية وهمس بخفه دمه : بغييير هغني انااا
خد الميك مسكه بأيد والايد التانيه لفها على وسطها وقربها منه
وهي كان دورها لفت ايدها الإتنين على وسطه وسندت رأسها على كتفه
وعاشت أجمل الحظات مع الأغنية وكلماتها
الجميلة وحلوة صوته والصدق ال جوه
عاشت أجمل واحلا لحظات مرت عليها فى عمرها كله
وهي فى حضنه جنب قلبه سمعه دقاته دقه دقه
وكل دقه منهم وليها حكاية وحكاية
ايوه دقات قلبه قالت لها حكايات وحكايات
تصدقهم كلهم ولا تصدق أفعاله! وكلامه القاسي؟
محتاره جدا وتايها جدا جدا وهي جوه حضنه جنب قلبه!
عجبتها الأغنية جدا من غير متفكر ولا تشعر لقت نفسها بتخرج من حضنه وبتاخد المايك من أيده
وبترفع عيونها عليه وبتهمس بمقطع معين من الأغنية عجبها وحسة إنها عايز تقوله
في عيونك
وطني وبلادي
في عيونك
أرضي و ميلادي
و حياتك دفيني وفي ذاتك خبيني
من العالم و إحميني في عيونك
و على ورقة ياسمين أكتب أسامينا حروفها بلونك
بصلها بحيره وتوه وهي الدموع اتجمعوا فى عيونها وادتله المايك ورمت رأسها على صدره دارت من الناس كلها دموعها لكن عنه هتداريها إزاي وهي نااار بتحرق جلده
أتصرف طبيعي جدا خد المايك منها وكمل باقي الأغنية بصوته
تعالى أتصالح على نفسي وأنا ويّاك
و أعيش جوّا سلام إيدك وأموت و أنا بهواك
فى عيونك
حضنته أوووي وكأنها بتقوله موافقه على طلبه لما قالها من مقطع اغنيتة
تعالى اتصالح على نفسي وأنا وياك
وأعيش جوا سلام إيدك وأموت وانا بهواك
حضنته أوووي وهو لقي نفسه بيحضنها هو كمان أوووي تاااهو هما الإتنين ونسيو الناس من حواليهم
ولما فاق لنفسه وأدرك إنه وسط ناس والعيون كلها عليهم بعد وبعدها عنه بسرعة
بصلها وهمس بشىء من السخرية فيها حزن الدنيا بحالها : شاااطره .. عرفتي تمثلي دورك كويس
شاطرة فى كل حاجة حتى فى التمثيل !
قرب منها أوي ووطى همس جنب ودنها : بس أنا مكنتش بمثل
دي حقيقة مشاعري اتجاهك
مشاعري! ال رفضتها ورفستيها برجليكي علشان خاطر راجل تاني يا حرمنا المصون
مبروك يا عروسه ....ألف مبروووك
بعد الرتم الهادي الرمانسي على طول اشتعلت الأجواء بالرتم العالي السريع
مع أغنية رتمها عالى وشقي
والكل اتجمع حواليهم وشارك معا الأولاد فرحتهم
علشان يونس هو كمان وعروسته قربوا من مهرة واياد وشاركوا معاهم
فى الوقت دا دخل زياد وفى أيده خديجة
فضل واقف قدام الكل مسك فى إيدها لغايه مخدو بالهم منه
إياد كان أول الناس فرح جدا بأخوه رغم دهشته من ايده ال ماسكه فى إيد خديجة وقال بفرحه : يااا خبر زياااد باشاا نورت يا زياااد أخيرا كنت فين من الصبح؟
هيما وفاء ورشا ومصطفى بس ال أخدو بالهم وقربوا منهم
الباقي مخدش باله كانوا مشغولين جدا مع يونس وحمزة ورقصهم مع بعض
زياد رد وعيونه على باباه بقوة جوها تحدي : كنت فين من الصبح يا إياد
كنت بحضر لمفجاتي
إياد إبتسم وبلخبطه : مفاجاة !! مفاجأة إيه دي؟
أفتكر هنا إنه مرحبش بخديجة دهشته نسته يرحب بيها هز راسه ك تحيه : أهلا يا خديجة
زياد رد وعيونه على باباه بتحدي قوي : إيه مش هتباركلنا ولا ايييه يا إياد؟
هيما هنا نطق وأتكلم بإنفعال وغضب : يباركلك على إيه إن شاء الله؟
أنت بتقول إيه أصلا يا ولد
زياد غضب هيما بسطه حس بنشوة الإنتصار هنا
رد ببساطه : إيه يا بابااا مهي واضحه قدامك! أنا مش بعتلك رساله مع مصطفى برضه
هو مصطفى مبلغكش رسالتي ولا ايه؟
هو أنا مش قولت لحضرتك
إني عملك مفاجأه
اتقدم خطوتين لقدام بخديجة وقال : ودي مفأجئتى أنا وخديجة اتجوزنا
وفاء ورشا فى نفس الحظة شهقو بصدمه
هيما بعدم استيعاب وبزهول تام : إنت بتقول إيه؟
زياد بكل بساطه : بقول ال سمعته
هيما بتوها : أنت أكيد اتجننت!
زياد عوج بقه ببرود : ليه؟
علشان اتجوزت الانسانه الوحيدة ال حبتهااا
هيما انفعل جامد هنا : لااااااا علشان خرجت عن طوعي وعملت حاجة أنا مش راضي عنها
خديجة رفعت عيونها على زياد وهمست ل هيما بصوت مخنوق بدموع ورغم كسرتها وحزنها ووجعها همسها دا كان فى كبرياء وشموخ : بس أنا ا يا عمي زياد قالي إن حضرتك موافق على جوازنااا
هيما اتنهد بضيق وغضب وسكت مرديش يحرجها برفضه أكتر من كده
مرديش يهينها ويجرحها وهى ذنبها ايه؟ سكت مردش
بص حواليه وقبل محد يلاحظ عليهم مسك إبنه من أيده وخدو ودخل جوة
وهو ماشي فى طريقه لقاهم كلهم ماشين وراه وقف وألتفت عليهم وبحزم : مش عايز حد يجي ورايا
دخل جوه القصر واقف فارد طوله وحاطت أيده فى نصه
وابنه واقف قصاد منه وكل واحد منهم نظراته تختلف عن التاني
الأب عيونه على إبنه بحيرة شديده ليه عمل كده وليه فى اليوم دا بالذات؟
ليه كسر فرحته بإخواته بشكل دا
ليه يا زياااد ليه ...محتار والحيرة هتجننه!
معقول الكسره والوجع تيجي من أولادي ومن مين؟ من زياااد
من أكتر حد قريب مني ... ازززززاى وليييييه؟
ملقاش رد منه لقي نظرات تحدي شرس قوي مع نشوة إنتصار أعمي بتلمع جوة عيونه
جن جنونه وبقي بيتحرك فى المكان بعصبية مفرطه بيلف حولين نفسه وهو محتار جدا
ليه التحدي دا وبيتحدى مين؟
وليه نشوة الانتصار دي ال شايفها فى عيونه إنتصر على مين بس على مييببين وليه؟
زياد أخيرا نطق بكل القهر ال جواه : جربت تكون فرحااان وطااااير من الفرحة لسابع سماء
وتيجي مره واحده حاجة تحدفك من سماك لارضك تكسرك على ميت حته ؟
جربت تثق فى حد وتحبه وتديله روحك ويكون أقرب الناس ليك
والضربه متجيش غير منه هو
والكسره متجيش غير على أيده هو
والوجع كله متدقوش غير منه هو؟
هيما كان بيلف حولين نفسه بحيرة جامدة وجنون مش فاهم ايه ال بيحصل مع ابنه بالظبط
سمع كلامه دا كان عطيله ظهره لف مره واحده عليه بصله مستغرب جدا كلامه!
زياد بدموع ملت عيونه وخنقت صوته استكمل كلامه بيوضح عدم استيعاب باباه : فى يوم شبة اليوم دا
وفى مناسبه متقلش أبدا أهمية عن مناسبه النهاردة
وفرحه لا تذيد ولا تنقص عن فرحة النهاردة
فرحة وسعاده كانت ماليه المكان متقلش أبدا عن الفرحة ال شوفتها على وجوه الكل فى الجنينة بره
وجيت حضرتك بكل جبروت الدنيا هدتها وكسرتهااااا
هيما بحيرة جامدة : ايه هي دي
ايه هي دي ال هدتها وكسرتها؟!
أميييييي
أمي قلهاااا بكل وجع الدنيا بحالها وقهرها وغيظها
استكمل كلامه بمراره : أمي ال اتكسرت على إيدك يا باباااا ..أمي
طول عمري بسأل نفسي ليه يا زياااد ليه
مش بيتحتفلوا بعيد جوازهم ؟
فى إيه اليوم دا
وليه اليوم دا بالذات مريب وغريب وبيعدي علينا كلنا بتقل الجباااال ورتفاعهااا مش بيبقي عايز يخلص؟
أرواحنا كلنا بتخلص منا عل بال ما هو يخلص!
النهاردة بس إنتهت حيرتي !
النهاردة بس عرفت السبب
النهاردة بس كان عندي علم .. كل العلم ببشاعة وفظاعة وقسوة وصعوبة ال عملته زمااان فى أمي !
هنا صرخ بغضب قوى بصوته كله : زي مكسرت فرحتها فى يوم زي دا كسرتك
وفى يوم ميقلش عنه أبدا!
أنا شوفت بعيني قد إيه أنت فرحان بأولادك بره
زي ما شوهت لها مناسبة حلوة فى حياتها
شوهتلك مناسة شبهها
صوته هدى وبيكمل كلامه بهدوء حزين وجعه هو قبل والده : وملقتش غير جوازي من خديجة
يوجعك ويقهرك ويكسر فرحتك
أنت متجوز البنت تتنقم من أبوك يا زياااد ؟
قالها هيمابكل وجع الدنيا بحالها وحزنهااا
إبتسم إبتسامة حزينه مكسوره وهمس : للأسف ملقتش غيرها أكسرك بيها!
يحزن هنا عليه ولا يحزن على نفسه؟
يزعل منه ولا يزعل من نفسه؟
يلومه ويعاتبه ولا يلوم نفسه ويعاتبها؟
سكت الكلام وخلص يلومه ليه ويعاتبه وهو شايف نفسه فيه .. نفس الأنانية! نفس القوة! .. نفس الجبروت!
لللأسف كل واحد منهم كسر حبيبته وجرحها بطريقه مختلفه
عيونه على خديجه المنهارة قدام منه ودموعها مغرقه وشها وحزين جدا عليها أكتر من حزنه على إبنه وأكتر من حزنه على نفسه!
للأسف خديجة سمعت كل كلمه دارت بينهم
زياد حود رقبته بيبص على مكان ما بيبص أبوه شاف خديجة واقفه منهارة قدامه
ثواني كانت متحركه من مكانها لجوه عندهم
وقفت قدام زياد وبكل انكسار وضعف سألته : ليه يا زياد عملت فيا كده؟
هيما بص على إبنه وأبتسم بسخرية حزينه وجعت قلبه هو قبل متوجع أي حد وسابلهم المكان
خرج بره قصره ماشي بإنكسار وضعف حاطط ايده فى جيوبه وعيونه على الأرض
ماشي وشايل هم مالى قلبه ماشي وجواه حزن ماليه قهره!
ماشي وجواه خناقه كاتمه على روحه!
ماشي مهموم بيتألم وعن أي ألم
ووجع حسه وبيصرخ بيه؟
ألم الماضي وعذابه وجراحه وال إفتكره كله فى اللحظه دي ؟
ولا ألم الحاضر وعذاب المستقبل المجهول ؟
عن أي ألم؟
ألم صدره ولا ألم روحه ولا وجع قلبه ولا وجع أحبابه؟
شاف إبنه قد إيه بيتعذب قدام منه والسبب هو؟
والماضي الأسود تبعه
ال هيفضل ملازمه
ال هيفضل محاصره ال هيفضل حي قدم منه دايما
ماضي لا يموت
حقا الماضي لا يموت بيظل حي جوانا وجوة الآخرين
ماشى تايه فى متاهته جوه دوامته ال داخلها مجبر مش بإرادته
ماضية السىء فرضها عليه!
ورصاصه تانيه خدها جوة صدره أقوى من الأولى
أبداااااا
وجعها أصعب من الأولى أبداااااا ابدااااا
أسهل بكتيييير جدا من الرصاصة ال خدها بأيد إبنه
بيقول الاااااه براااحه تخيلوا
رصاصه بتقطع فى جلده وبتخترق جسدة وتستقر فى قلبه
ويقول ال اااااه براحه ويقع على الأرض برضااا وحمد إنها جات فى هو مش فى حد غالى وعزيز عليه
صرخااات عاليه ومتتاليه وكتير جدا سمعها وهو مرمي على الأرض بيتألم
لا سامع ولا حاسس غير بصرخة واحده بس !
صرخة واحده بس عارفها كويس جدا صرخة مش شايل غير همها هي وبس
هتعيش إزاي من بعده؟
هتكمل إزاي من غير وجوده؟
و الحياة عندها هو وبس !؟
جريت عليه وصرخت بإنهيار تاام بأسمه وبزعر وخوف ورعب بتشيل رأسه من على الأرض حطتها على رجليها بعد م إنهارت هي الأرض ووقعت على ركبها قدام منه
وبهسترياا وزعر وخوف ورعب بتستنكر إنهياره قدامها بشكل دا : قوم يا ابراهيم قوووم لاااااااا
قدام منها بيغمض فى عيونه بيغيب عن الدنيا خلاص
بتصرخ بصوتها كله : لااااااااااااااااا لاااااااااااااا
النهاية
إلي اللقاء فى الجزء التاني من ماضى لا يموت
يتبع
إلى حين نشر الفصل الجديد للكاتبة زهرة الريحان، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
