قراءة رواية جديدة حياة الفهد الجزء الثاني كاملة

تنشر حصريًا على مدونة رواية وحكاية قبل أي منصة أخرى

رواية حياة الفهد الجزء االثاني

خادمة الفهد

 رواية جديدة قيد النشر

من قصص و روايات 

الكاتبة صفاء حسني

الفصل الثامن عشر

بصتله حياة وهي محتارة وعقلها واقف مش عارفه تسيطر على مشاعرها اللي فرضها عليها مرة واحده لكن انسحبت من بين إيديه وهي بتسأله

يعني حضرتك عايز تفهمنى إنك بعدت عني عشان حسيت إنك بتحبني لكن خوفت من إنك بتكون تخون مراتك علشان بتحبها وعايزني أصدق كلامك صح 

طيب إزاي حضرتك وصلك الإحساس دا ولعلمك أنا وقتها مطلبتش منك حب وحضرتك كتر خيرك كنت العون ليا وساعدتني كتير وأنا مسامحكم على أي حاجه  حصلت زمان إن كان بقصد أو بدون قصد 

لكن فعلاً لولا الموقف دا كانت حياتي وقفت أو كنت عشت فى خوف وغربة ومنكرش إني كنت ضايعة

 ابتسمت ملك أنا بس حسيت براحة عشان طريقة تعاملك معايا وخوفك عليا 

إتنهدت ملك وخدت نفس طويل وحركت يدها برفض 

خليك بعيد زي ماإنت عشان أنا اعتبرتك أخ وصديق مش أكتر ومطلبتش منك حب وإنت وعدتني بكدا و إنت اخترت البعد 

إنت عارف إني كل ما أكون مخنوقة كنت بدور عليك مش عشان حب أو عشان أخطفك من مراتك اللي بتعشقها ومستعد إنك تعمل أي حاجه عشانها 

أنا كنت عايزة أتكلم معاك مجرد مكالمة ترد عليا أحكيلك عن يومي لكن إنت اخترت تبعد عني كام مره اتصلت بيك لكن إنت مكنتش بترد 

حضرتك بتخدع نفسك لأن صعب إن حد يحب إثنين فى وقت واحد 

يمكن إحساسك دا عشان حضرتك مصدوم من مراتك ومعرفش إيه السبب اللي خلاك تاخد منها موقف او يمكن تكون إنت فرحان إنها ماتت لكن بتمثل على الكل العكس

فهد بصدمه من اتهامها دا رد عليها وقال :

إنتي ليه شايفني عدو ليكي ليه شايفني وحش بالشكل دا كل دا علشان اعترفت ليكي صح شوفتي إزاي كان عندي حق 

إبتسمت ملك وقالت :

 إنت لسه مصدق نفسك ولا بتكمل تمثيل يافهد باشا المشاعر مش بتظهر فجاءة 

الحب إنك تكون قريب من الشخص اللي بتحبه وتعترف بده مش تخبيه بحجة إيه عشان كنت خايف وكنت خايف على مشاعر مين 

و فجاءة بعد موتها  بشهر جى تقولي كلام ميدخلش دماغك عيل صغير 

أما بخصوص مجيي عندك أنا جاية معاك لكن  مجرد ممرضة لإبنك مش أكتر عشان دا هيساعدني في دراستي يعني أنا موظفه عندك مش أكتر 

❈-❈-❈

ملك سابته ومشيت وهو في حالة ذهول من كلامها 

ليه الهجوم دا إيه اللي غيرها بالشكل دا كان بيبصلها وهي رايحة

  ناحية هدير وقال

أنا مستنيكي في العربية 

شاورت له بإيدها بمعنى يصبر 

وقف فهد وهو حاسس بضيق وملامحه اتحولت للحزن هو عارف  إنها مش هتتقبل منه أي كلام  وعارف كويس إن المواجهة مش هتكون سهلة  لمجرد إنه برر موقفه لحياة اللي كانت عايشه قبل ما يفتكرها 

اتهمتني إني تخليت عنها وإني مليش الحق أتكلم طيب لو عرفت إني كنت ناسيها أصلاً وإنها مراتي فعلاً هتعمل إيه 

يمكن عندها حق أنا محبتهاش الحب الكبير اللي يستمر حتى لو فقدت الذاكرة  

❈-❈-❈

قربت حياة من هدير وهي مبتسمه

كنت عارفه إنك بتحافظي عليا  كأمانة عشان تسليمها لصاحبها في يوم من الأيام

 لكن كنت بقول لنفسي لا هي فعلاً بتحبك هي فعلاً بتخاف عليكي مع إني كنت شيفاك مجرد آلة ملكيش مشاعر كنت ممشية المكان زي الساعة وكل واحد عارف هيعمل إيه وكأنك بتقودي فريق 

إنتي كنتي دايما بتسأليني ليه مش مبسوطه وإنتي معانا دلوقتي هقولك السبب 

عشان كنت بحس إني في سجن وإنتي السجان اللي من واجبه يقفل كل الأبواب عشان محدش يفكر يهرب 

 لما طلبت أروح لدكتور نفسي رفضتي ولما اعتبرتك أخت ليا  وحبيت أحكيلك عن مشاعر الدكتور وإني فرحانة بإهتمامه وبتمنى إنه يكون بيحبني فعلاً وشك جاب ألف لون واتكلمتي معايا بعصبية وأمرتيني إني مروحش عندوا تاني

 كنت كل يوم بستنى منك مبرر لكن للأسف إنتي نفذتي المهمة على أكمل وجه لكن خسرتي 

بلعت هدير ريقها وكانت عايز تبرر موقفها لكن معرفتش تقول إيه فتكلمت بنفس أسلوبها 

مش فاهمه أنا خسرت إيه أنا مقصرتش معاكي ياحياة وكنت الحصن اللي بيحميك ياقلبي ويخاف عليكي 

وجت تربت على كتفها لكن حياة بعدت حياة  وقالت 

وأنا مكنتش عاوزه حصن وحماية انا كنت عايزة الحب كنت عايزه ناس تحبني لكن إنتوا عيشتوني في أكشن كبير وإن حد عايز يموتك وأفلام كنت بسمعها 

وسكت لمجرد إني مستنيه إني افتكر إنتوا مين ومين اللي إداكم الحق إنكم تتحكموا في حياتي 

لكن من اللحظة دي لحد ما أفتكر كل حاجة أنا هعتبر إني كنت عندك في تدريب قاسي عشان بعد كدا تسلمني للي هيدفع أكتر

 

هدير اتصدمت من تفكيرها وإنها شبهتها بإعتماد مع إنها عمرها ماكانت كدا يمكن أسلوبها كان قاسي لكن مش لدرجة تبيعها  بصتلها وسألتها 

يعني انتي شيفاني بتجار فى البنات وإني فاتحه المأوى دا علشان كدا وإني بدل ما أحافظ عليهم ببيعهم للي يدفع أكثر مش عارفه بجد أقولك إيه تمام ياستي شكراً 

إتنهدت ملك وقالت 

إنتي ليه قلبك حجر كدا ليه متهزتيش أو زعقتي أو حتى دافعتي عن نفسك ليه دايما حساك زي الروبوت بجد أنا مش عارفه أقولك إيه الحمدلله إن ربنا أنقذني من تحت ايديكي 

ودلوقتي هحس بالحرية وإني عصفورة وصدقيني إنتي هتندمي على عمرك اللي ضاع في إنك تخدمي دا وتساعدي دا وتراعي دا وفي الآخر إنتي فين قولي 

إبتسمت هدير وقالت 

أنا صعبانه عليكي ياملك والله العظيم إنتي طيبة جداً وقلبك أبيض إنتي متعرفيش حكايتي ولا تعرفي أنا كنت فين وبقيت فين 

لكن مش أنا اللي هحكيلك بنت عمك هي اللي هتحكيلك وأنا منكرش إن قلبي كان حجر وكنت روبوت وكنت اوحش من وصفك بكتير 

أنا مش ببيعك ياملك أنا بسلمك لأكتر شخص حبك وخاف عليكي وحماكي من نفسه قبل الدنيا كلها حقق حلمك ووفى بوعده ليكي

نفخت ملك بضيق وقالت 

مين إدى الحق ليه أو ليكي علشان تتحكموا في حياتي و تغيروا إسمي وملامحي وكل حاجه 

 هدير بصدمه

مين قالك إن إحنا غيرنا ملامحك إنتي إيه اللي حصلك ياملك أنا بجد مش قادره أفهمك بقالك فترة متغيرة لو كنتي افتكرتي كل حاجه كنتي عرفتي إن إحنا حميناكي 

هزت ملك رأسها برفض 

حميتوني ولا سجنتوني لحد ما اللي مشغلك يفتكرني أو يحس بيا أو يعرفني إنتوا كلكم لعبتوا عليا لعبة 

ولعلمك أنا رايحه عندوا مش عشان الفيلم اللي بتحكي فيه من سنين وإن هو الوصي وإني مديونه لحضرته لا طبعاً أنا رايحه بس علشان أنا من يوم ما قررت أدخل طب وأنا عاهدت نفسي إني مش هسيب مريض محتاجني وابنه طفل ويتيم وكمان أنا ناويه أتخصص في تخصص العظام 

ضحكت هدير واتكلمت ببرود 

قولتي بقى أضرب عصفورين بحجر واحد حالة عملي قدامي عشان تعملي دراستك عليها وكمان علشان تحسي إنك بتسدي ديونك كلها عشان لما تحبي تهربي من السجن اللي بتقولي عليه متكونيش مديونة لحد 

بس فى حاجه صغيره عوزاكي تعرفيها إنك أصلاً مش مديون بحاجه لحد وكل قرش اتصرف عليك كان من ورثك إنتي إن كان تعليم أو أكل الشيء الوحيد اللي كان من غير تمن هو ده المكان  اللي إنتي كنت بتعتبريه سجن ليكي

 هو كان فعلاً مأوى ليكي وكان ده طلبك وحلمك هتيجي فى يوم وهتفتكري دا أما بخصوص إني معنديش مشاعر و روبوت والنظام دا

❈-❈-❈

قطع حديثهم صوت وليد اللي كان واقف بعيد وقت ما جت ملك وسامع كل حاجة لكن بعد ما سمع كلام ملك واهانتها لهدير مقدرش يستحمل و قرب منهم  وبدون وعي اتكلم بعصبية 

مين حضرتك عشان تقولي إن هدير روبوت وملهاش قلب أو مشاعر تطلعي مين إنتي عشان تقوليلها كدا أو عشتي إيه من اللي هي عاشته ممكن تردي عليا 

هدير مسكت إيده وطلبت منه يهدى وقالت

وليد باشا اهدى أرجوك هي ماتقصدش ملك طول عمرها طيبة 

انتبه وليد الاسم ولكن بدون تركيز  ومجاش في باله إن هدير قالت إسمها  عشان ينتبه لكلامه وميغلطش وكمل كلامه وقال 

اه قولي كدا ملك اللي لسانها طويل وفاكرة نفسها إنها ب ١٠٠ رجل رغم كدا وقعت في إيد اللي مرحمهاش وباعها لعتماد 

كانت ملك في حالة ذهول وسألته 

مش فاهمه حضرتك إنت بتغلط في ولا بتتكلم عن إيه ومين باع مين ومين إعتماد 

وليد كمل كلامه بدون توقف 

إعتماد ده قواده بتشتري البنات والشباب و بتستغل حاجتهم للمال وبتجيبهم من خلال مواقع  التواصل الاجتماعي وبتعملهم أرشيف وبعد كدا بتهددهم ويكونوا تحت رحمتها 

وإنتي باعتك مرات عمك ليها أما هدير ووردة ومعظم الشباب كانوا تحت إيديها من خلال المواقع دي وهدير اللي مش عجباكي دي كانت هي العميلة السرية للظابط فهد واللي كانت بتخلص البنات من تحت إيد إعتماد قبل ما أي حد يقرب منها 

 هدير اللي قلبها حجر حميتك وإنتي في بيت إعتماد من إن أي حد يهتك شرفك وكانت واقفة للكل لحد ماوصل فهد واشتراكي من إعتماد وطلعك من بيتها 

وبعد ما اطمنت إنك بقيتي في أمان نفذت وعدها ليكي لما طلبتي منها تخلص كل اللي موجودبن من إيديم إعتماد وبالفعل خلصتهم  واشتغلت مع فهد وفتحت المأوى دا تحت رعاية فهد ووزارة الداخلية 

أخذ تصريح ليه علشان يكون مأوى لكل بنت أو ولد ملهوش بيت في القاهرة أو كل بنت خرجت من السجن أو هربت من أهلها قبل ماتقع ضحية لحد 

هدير اللي بتقولي عليها من غير مشاعر لما عرضت عليها الحب مستغلتش الحب دت وقالت واحد عايش حياته كلها في الأردن مش بيعرف حد في مصر اتجوزوا يستر عليا لا دي أول ماسمعتني بعترف بحبي لفهد هربت مني جريت جرى عشان تكون الحارس الخاص لحضرتك بعد ما المجرم اللي كان وراء كل حاجه حصلتلك هيتجنن ويقتلك بعد ما خطفك لأن تحت إيدك أورق توديه في ستين داهيه 

لكن فهد عرف يوصلك و ينقذك والنتيجة إنكم شميتوا دخان كتير من وسط حريق وانفجار مستودع  وفضلتوا شهور تحت الرعاية لكن للأسف بعد ما فوقتوا كان كل واحد فيكم نسي التاني

 فهد جاله نسيان جزء لكن إنتي عشان كنتي موجودة في المكان قبله واتخبطي براسك فحصلك نسيان كلي وقتها بقى هدير الملاك الحراس هى اللي كانت بتراعيكي وبتهتم بيكي وكانت أختك وأمك وكل حاجه

 دا غير إنها كانت بترد الجميل لفهد اللي كان السبب إنه يغير حياتها وحياة كل الشباب والبنات وكان كاتبلها توكيل بالتصرف بكل حاجه يملكها ، حافظت على كل حاجه على أكمل وجه 

وفالاخر تيجي إنتي وتتهميها إنها بدون قلب أو مشاعر 

بجد كنت عايز أتعرف على ملك اللي فهد حكالي عنها كثير وقال دي اللي خطفت قلبي وكياني

لكن متصورتش أبداً إنك تكوني بدون إحساس وتتهمي النااس بعدم الإحساس 

في وسط كلامه كانت هدير تطلب منه يسكت لكن هو إستمر في الكلام وما وقفش هدير زعقت فيه ووقفت قدامه 

❈-❈-❈

مين ادك الحق إنك تقول لملك كل حاجه فاكر نفسك  إيه بكل اللي إنت بتقوله دا 

وليد حاول يبرر موقفه وقال 

مستحملتش تجرحك وتهينك وإنتي سكت وليد 

بعد ماسمعت ملك كلامه جالها حالة ذهول وماتكلمتش اتحركت للعربية وهي مش في وعيها و حالة صمت سيطرة عليها 

هدير جت تجري عليها وسابت وليد لكن وليد ماسمحلهاش ووقفها 

خلاص ياهدير ملك مبقيتش صغيره وكان لازم تعرف إنك إنتي وفهد بتحبوها وإنكوا مش أعداء ليها ابداً 

نزلت دموع هدير وقالت برفض

مش مهم تفتكرنا أعداء ليها لكن على الأقل كانت بتتكلم عبرت عن كل اللي كانت كتماه من سنين إنت مش عارف أنا كنت فرحانه إزاي وهى بتتكلم وبتهاجمني حسيت إنها رجعت ملك اللي بهدلت إعتماد اللي كانت بتشتم كبير وصغير إنت متعرفش أنا مديونه لملك بقد إيه  ملك هي اللي فتحت عينيا ملك هي اللي زرعت جوايا الأمل إني أعيش وأبدأ من جديد وإن الحياة موقفتش 

ليه قولتلها الحقيقة أنا خايفه الصدمة تأثر عليها شفوتها إزاي مشيت من غير ما تتكلم 

 وليد 

أنا آسف ياهدير لكن أنا فعلاً بحبك أكتر من نفسي بعشقك بجنون أقسم بالله مستحملتش إنها تجرحك وتهينك وأقف ساكت 

مكنتش أعرف إنها ملك ولما إنتي قولتيلي وشوفتها قدامي افتكرت كل كلمه حكاها فهد وكأن شريط كاست فتح لوحدوا محستش أنا بقول إيه وبعد كده وقف في حالة ذهول وسألها 

هو أنا جبت سيرة أسماء وإن فهد اتجوزها 

في اللحظة دي ضحكت هدير وقالت 

هو ده اللي ناقص كان فهد دفنك مكانك 

❈-❈-❈

ركبت ملك ورى جب بدر من غير ماتتكلم  

وقعدت سهير قدام جنب فهد وبدأ فهد يسوق 

سألته سهير 

هي ملك مالها أوعى تكون جبتها بالغصب يافهد 

بص فهد لملك اللي في دنيا تانى ومش فاهم إيه اللي مزعلها قطع شرودها فهد 

الجميل زعلان ليه 

بصتله  ملك له بدون ما تتكلم وافتكرت اللي حصلها بعد هجوم فهد عليها في المستشفى 

❈-❈-❈

فلاش باك 

بعد مازعقها فهد ساعدتها فتاة فى المستشفى مسكتها وخرجتها 

سلامتك ألف سلامة يادكتوره إنتي كويسه 

هزت ملك رأسها 

اه كويسه شكراً جدا جت تمشي 

الفتاة 

ممكن اطلب من حضرتك طلب لو أمكن 

بصتلها ملك وقالت 

اتفضلي خير 

ابتسمت الفتاة 

أنا عارفه إنك قريبة الدكتور شريف وكنت عاوزه أشتغل ممرضه هنا وللأسف لسه متمتش تعيني أنا لسه تحت الإختبار فلو أمكن إنك تتوسط لي ينوبك ثواب 

دا رقمي بالله عليكي لو عرفت بلغيني 

هزت ملك رأسها  بإبتسامة خاطفة لجبر الخواطر حاضر عينيا 

بعد يومين اتصلت الفتاة وطلبت منها تقابلها 

إستغربت ملك ووافقت تقابلها 

جلست الفتاة مستنية ملك ولما جت ملك 

بدأت الفتاة تتلكم 

أنا آسفه جداً إني ازعجتك لكن في حاجه عرفتها وكنت عاوزه أقولك عليها 

إستغربت ملك وسألتها 

حاجة إيه أنا لسه مكلمتش الدكتور شريف لكن 

قطعت الفتاة كلامها وقالت 

الموضوع يخصك إنتي أنا مش عارفه صح ولا غلط لكن اللي عرفته إن في واحد إسمه فهد أظن إنه هو نفسه اللي زقك في المستشفى 

بصتلها ملك بلهفة 

ماله هو بخير 

 الفتاة قالت. 

هو زي الحصان اللي عرفته إنه يعرفك من زمان أصلاً  

وإنك كنت عايشه عنده خدامة أنا أصلاً فضوليه بطريقة فظيعة  وحبيت أطقس على كل حاجة 

المهم اللي عرفته إن اسمك ملك محمد السيد أبوكي كان محامي كبير وكان معاه ورق ضد والد فهد يوديه في داهيه فحب يتخلص من أبوكي عشان الورق ميوصلش للنائب 

أهلك ماتوا وبعد كدا فهد عرف إن الورق معاكي إنتي وإن في حد عايز يوصلك

 وأحب أعرفك إن فهد مش شخص كويس زي ما إنتي متخيلة 

 ملك اتصدمت ومن جواها حست بالخوف لكنها افتكرت كلام هدير عن حد مجهول وهي بتثق في هدير أكثر من أي حد فقامت من على الكرسي بغضب 

تمام إنتي بتقولي عندك فضول وأنا مش بحب النااس الفضوليين ومش هقابل حد 

إبتسمت الفتاة لأنها كانت متوقعة تصرفها دا أو بلغها ممدوح بهذا  

فتحت تسجيل بصوت ممدوح وهو يتكلم بكل طيبه 

الحمدلله إنك بخير يابنتي زعلت كثير لما عرفت إنك موتي ولكن اليوم قلبي إطمن أنا عارف إنك مش هتقابلي حد غريب وخصوصاً الراجاله لأنهم زرعوا جواك إن في حد مجهول بيطاردك بس أنا مش بطاردك أنا بس عايز إن أجيب حقك إنتي ووالدك من الشخص دا واللي هو فهد اللي استغل شغله ونفوذه في مباحث الآداب وكان بيشتغل قواد كان عارف ببيت إعتماد لكن مقبضش عليها  

أنا عارف إنهم  هيقولك إن فهد هو الذى انقذك من البيت د لكن اللي حصل العكس تماماً هو اللي اشترى الشاب اللي إسمه فهمي وخلاها يبيعك لعتماد وسابك هناك سنه وكان بيحاول إنه يوصل للورق لكن إنتي كنت قوية وشجاعة وماستسلمتيش فظهر قدامك بشخصية الحماي او المنقذ واخذك لبيته وكان بيحاول يرسم دور المنقذ علشان تثقي فيه مع إنه بيعشق حبيبته وخدامته أسماء اللي هي أم إبنه 

وقالك إنها دمرت حياته و ياريت يتخلص منها ولكن مقدرش وإنها حاولت كثير إنها تقتلك  وهيقولك   إنها حاولت تقتلك مرتين ٣ مرة  خطفوكي علشان يعرفوا مكان الورق وهددوك بانهم هيقتلوك وإنتي برضو ماستسلمتيش  وحصل إنفجار في المكان ما كنش متوقع والكل كان فاكر إنك موتي لكن في دكتور إسمه حاتم  كان حد محترم أيوة حاتم الدكتور النفسي 

هو اللي انقذك من الموت واهتم بيكي ورعاكي 

 العملية السرية لفهد إسمها هدير لما عرفت إنك لسه عايشه اخذتك وغيرت إسمك الحقيقي وكل حاجة تخصك حرمتك من بنت عمك هبه وفهمت الكل إنك موتي وسجنتك هي وتابع فهد في المأوى وهو عبارة عن بيت دعارة آخر لكن تحت مسمى مختلف أنا بشكر ربنا إنك بخير وعايز أقولك عدوك هو فهد سابك كل السنين دي علشان ترجعلك الذاكرة وبعدها يعرف مكان الورق وبعدها يتخلص منك 

هو مافيش في قلبه رحمة هو اللي قتل مراته أسماء وحرم إبنه منها خلي بالك منه هو عدوك وعامل نفسه منقذ

قفلت التسجيل وملك في حالة ذهول ولما راحت لحاتم وسألته 

قال إنه بيحبها ويتمنى ليها الخير وإن العدو الحقيقي ليها هو فهد 

❈-❈-❈

باك 

فاقت ملك من شرودها وهي في حيرة هل فهد عدوها ولا منقذها؟ هل حاتم والبنت والشخص المجهول صادقين ولا هدير ووليد وفهد؟  مين اللي عندوا الحقيقه أنا وافقت أجي هنا علشان أعرف الحقيقه 

 بدر اتكلم ببراءة وسألها 

مالك يا ملك حياتي سرحانة في إيه 

إبتسمت له ملك وقالت

مش سرحانة ولاحاجة بس تعبانه شويه هو إحنا قربنا نوصل 

رد فهد وهو ملاحظ طول الطريق ملامح وشها اللي بتتغير وهي سرحانة بين الغضب و الحزن و الخوف ورد 

قربنا نوصل وممكن تبدأ من بكرة وفي ملحق خاص بيكي جنب البيت علشان تكوني على راحتك 

كانت بتبصله وهي مش عارفه هتعمل إيه الأيام الجايه والحقيقة فين بالظبط 

هزت رأسها بدون ماتتكلم  ولما  وصلوا للبيت نزلت معاهم وشال فهد إبنه لأوضته اللي في الدور الأرضي كانت ماشيه وراهم وهي حاسه إن المكان هنا مش غريب عليها الحديقة والممر ولما دخلت البيت  فجاءة 

يتبع

إلى حين نشر الفصل الجديد للكاتبة حياة الفهد الجزء الثاني, لا تنسى قراءة روايات و قصص أخرى تضمن حكايات وقصص جديدة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة