قراءة رواية الماسة كاملة

تنشر حصريًا على مدونة رواية وحكاية قبل أي منصة أخرى

رواية الماسة

 رواية جديدة قيد النشر

من قصص و روايات 

الكاتبة نهى عادل 

الفصل الثاني

_في صباح يوم جديد استيقظت ماسة ،علي طرق شديد علي الباب. ركضت نحو الباب قامت بفتحه   لتجد عمها فخرى  قائلا بغضب : ساعة علي ما فاتحتي .

أردفت ماسة قائلة بهدوء: ماعلش يا عمى حضرتك عارف ,اني رجعت من الشغل متأخر اناو ياسمين اتفضل ادخل. 

دلف فخرى قائلا :روحي صحي امك علشان عايزها فى موضوع مهم 

أومأت ماسة رأسها قائلة: حاضر يا عمى

وبالفعل ذهبت الي والدتها و أخبرتها بان فخرى عمها بالخارج 

بعد قليل خرجت ماسة مع والدتها من غرفه نومها

أردفت سعاد بتعب: صباح الخير يا ابو ياسمين ،خير يا اخويا في حاجة.

ابتلع لعابه قائلا: كل خير ،في عريس متقدم ل ماسة ،وانا موافق .

تعجبت ماسة قائلا :عريس !!!!!!

انا مش عايزة اتجوز دلوقتي يا عمى .

نظرت لها سعاد قائلة :استني يا ماسة لما نشوف الموضوع .

تنهدت ماسة قائلة :ماما أنا مش موافقه ،كل عريس بيجى يشوفني ،وبعد كده يمشي علي طول .

اردف فخري بسرعه ولهفه قائلا : لا اطمني ده عايزك بالاسم ،وهو عارفك .

ابتسمت سعاد قائلة: علشان خاطري يا ميمي وافقي ،تقعدي مع العريس ،نفسى افرح بكي يا حبيتي قبل ما اموت .

اقتربت ماسة من سعاد وضمتها داخل احضانها قائلة :بعد الشر عليكِ يا ماما ،حاضر 

خرجت سعاد من احضان ماسة ونظرت ل فخرى قائلة: هيجي أمتي العريس يا ابو ياسمين؟!.

اردف قائلا بمكر وخبث : يوم الجمعة ،تكون إجازة البنات.

بعد أن ذهب فخرى ،نظرت ماسة الي والدتها :أشمعنا ليا انا العريس يا ماما ،ما هو عنده ياسمين .

رتبت سعاد على ظهرها بحنان: ما هو قالك يا حبيتى أنه عاوز يتقدم لكي انتى ،يلا يا حبيتى جهزي نفسك عشان تروحي شغلك.

❈-❈-❈

فى منزل فخري

بعد ان هبط من شقة أخيه دلف الى منزله ثم الى غرفته اخرج هاتفه من جيبه وقام بالأتصال على شخص قائلا:  ايوا  يا مرسي انا جاي لك النها ردة اخبار رماح ايه انا حساس انه هيفوز لأنى هحط كل اللي معايا فى الرهان عليه 

قال هذا و قام بغلق الهاتف عندما وجد زوجته فتحيه تدلف الى الغرفة قائلة بحزن:  لحد امتى يا فخري هتفضل كده مش كفاية  ديون، عندنا بنت على وش جواز الرهان عامل زى القمار لما بيدخل البيت يخربوا  

زفر فخري بغضب و رفع يده و امسكها من معصم يديها  بعنف قائلا:  بقول لك ايه يا ولية ريحي دماغك منى انتِ عارف ان  سباق الخيل بنسبه لى خط احمر و بعدين بنتك بتشغل تشور نفسها كاتيك الهم انتي وهى يلا غوري حضري لى الفطار خلينا انزل 

قال هذا و تركها وخرج اما هى ظلت تبكى دموعها تنزل بغزارة على حظها الذي اوقعها فى هذا الراجل.. تنهدت بحزن وخرجت  هى الاخري تجهز له الطعام. 

❈-❈-❈

في قصر غيث قاسم 

في جناح غيث 

استيقظ  غيث على  صدح رنين هاتفه تمتطي  بتكاسل و جذب هاتفه نظر الى الشاشة وجد اسمه صديقه ليقوم بفتح المكالمة

ليسمع صوت صديقه فهد قائلا بمرح : صباحو فل يسطا 

اعتدال غيث من جلسته قائلا بتعجب: يسطا!! غيث باشا بقا يسطا ،اتلم يا فهد وبلاش لغة الحواري دي ،،خير متصل بدرى ليه .

أردف فهد قائلا بجدية :يا غيث في اجتماع مع الوفد الألماني بعد نصف ساعة انت نسيت ،هي سهرة امبارح اثرت عليك.

تنهد غيث قائلا: لوك لوك صحيت خلاص

قال هذا وقام بغلق الهاتف في وجهه.

اما فهد نظر الى الهاتف قائلا بذهول :ده قفل في وشى اه يا ابن .......

بينما غيث بعد انتهاء المكالمة نهض من الفراش وأنتصب واقفا كاد ان يدلف الى الحمام 

سمع طرق علي الباب ليأذن بدلوف الشخص ...

دلفت أسيل قائلة: أجمل صباح علي أحلي غيوثي.

قهقهه غيث قائلا :تبقي عايزة حاجة 

اردفت قائلا بمرح طفولي : انا وشك ذلك 

رفع حاجبه قائلا :انتى ذلك كلة ،خير عايزة ايه من الاخر ورايا اجتماع .

اقتربت أسيل تفرك فى يديها قائلة : في رحلة تبع الكلية عايزة اطلعها. بالله عليك يا أبيه ما ترفضش،مامي قالت لي ،لو غيث موافق انا  ما عنديش اعتراض بالله عليك عشان خاطري عشان خاطري.

تنهد غيث فهو لم يحب أن يرفض لها طلب ،فهي اخته الوحيدة المدللة له ،ولكنه يخاف عليها بشدة .

اردف قائلا بهدوء: فين الرحلة يا اسيل ،وكام يوم

ابتسمت أسيل باتساع قائلة : الغردقة خمسة أيام بس يا أبيه ،بسيطة اهي .

نظر إليها غيث قائلا: وانا موافق بس تخلي بالك من نفسك .

اقتربت اليه اسيل وارتمت في أحضانه قائلة: انت احسن غيوثي في الدنيا.

رتب غيث على ضهرها بحنان قائلا : وانتى احلي بكاشه في الدنيا ،ويلا اطلعي علشان اجهز نفسي ورايا اجتماع مهم في المطعم.

❈-❈-❈

في المطعم 

دلفت ماسة الى غرفة  تغير الثياب 

وارتدوا الزى الخاص بالعمل ،حيث تعمل ماسة داخل مطبخ المطعم ،وتجهيز واجبات الطعام ،فهي ماهرة في اعداد اشهي المأكولات

أما ياسمين لتقديم الخدمات للزبائن.

دلف إليهم المشرف قائلا :ماسة عملتي الاكل اللي في المنيو بالضبط زي ما قولت لك يعني ملح خفيف والبهارات تبقى مظبوطه، لأن غيث باشا بيحب كل حاجه مظبوطه، لأنه بعد ساعه هيكون موجود في اجتماع هنا في المطعم عايز كل حاجه تبقى بيرفكت

ثم نظر الى ياسمين و أكمل: و أنتِ يا  ياسمين هتكوني بتاخدي طلبات الزبائن وتشرفي علي التجهيزات ل غيث باشا والو فد اللي معاه.

اردفت ماسة قائلة بثقه: كلة جاهز يا مستر محمود  .وعملت اللي أمرت به .

خرج المشرف واقتربت ياسمين من ماسة قائلة: هااا اخيرا هشوف غيث باشا وحلاوة غيث باشا خليكِ انتي بومة ،عاي طول في المبطخ بين البصل والتوم

وضعت ماسة يديها حول خصرها قائلة :ومالهم البصل والثوم بقا يا ست ياسمين 

انتى عارفه اني طول عمرى بحب اطبخ واخترع في أكلات ونفسي ادخل مسابقه طبخ واكسب واشتهر ويلا بقا خليكِ فى شغلك 

❈-❈-❈

مر الوقت سريعا حتى ابتدئ توافد المدعوين على الاجتماع

وازدادت وتيرة العمل بسرعه وشده.

مسحت ماسة عرقها بتعب وهي تقوم بتجهيز الطعام في الأطباق.

وياسمين تقف بجانبها تستلم منها الاطباق

وتضعها فوق صينيه كبيره استعدادا لنقلها الى الخارج.

دلف غيث بهيئته التي تخطف القلوب وعطره الذي انتشر في المكان ،،وكان معه فهد، ورزان. جلسوا على الطاولة

جاك ،وهو رئيس الوفد الألماني أردف قائلا وهو ينظر الى غيث: لقد تاخيرت مستر غيث في الرد علينا . 

نظر له غيث بمكر قائلا: مستر جاك أني لا احب الدخول في صفقه دون دراستها بتركيز شديد.

رزان بدلع اردفت قائلا: مسيو جاك :لقد وافق غيث علي إتمام الصفقة ونحن هنا اليوم لتوقعها 

مال فهد علي غيث وهمس له في اذنه قائلا: يسطا أنا جعان فين الاكل والاسم انك صاحب المطعم 

نظر له غيث بشر قائلا: أتلم يلا،مفجوع كده ليه .

بعد قليل تم التوقيع على الصفقة وتم قبولها ثم جاءت ياسمين لتأخذ الطلبات .

ذهبت ياسمين اليهم لمعرفة ماذا يريدون؟! ،

تخفض وجهها وسالتهم بكل احترام ماذا يريدون

تحدثت رزان بدلع وهي تنظر الي جاك الجالس بجانبها قائله: 

" ماذا تريد ان تتناول جاك 

نظر لها فهد، بابتسامه بمكر وهو يحاول الا يفقد اعصابه 

لذا تحدث اليها بابتسامة بارده قائلا: المفروض تستني غيث يا رزان علشان نعرف هو هيطلب ايه. 

نظرت رزان له بغضب ثم حولت نظرها للواقفة امامها ونظرت لها وتحدثت بطريقه بها الكثير من التكبر قائله 

" بصي ياااا اسمك ايه انتي 

نظرت لها ياسمين وهي تحاول كتم غيظها قائلة باحترام: 

" أسمي ياسمين يا فندم تحت أمرك اتفضلي حضرتك تطلبي ايه

ابتسمت رزان بسعادة وهي ترى ان الكل يجب أن يعمل لها حساب و بدأت في طلب الطعام 

دونت ياسمين طلباتها وذهبت من أمامها باحترام.

بعد ذهاب ياسمين ،رفع فهد وجهه من الهاتف ونظر الي رزان قائلا: مش قولت لك نستني غيث يجي ونطلب الاكل ،ثم أزاي تتكلمي مع البنت بالشكل ده هي مش خادمة عندك ،المطعم ملك غيث هو اللي يأمر فيه .نظرت له بغضب قائلة: أولا أنا أعمل اللي يريحني ،ثم غيث راح فين 

اجابها غيث قائلا: عنده مكالمة مهمه ،دخل المكتب يعملها.

في المطبخ ،دلفت ياسمين وكانت في قمه غضبها 

نظرت إليها ماسة وجدتها شديدة الغضب اردفت قائلة بحنان: مالك يا سمسم ،مش كنتي فرحانه انك تتطلعي برة وتشوفي غيث باشا صاحب المطعم ،وتشوفي الوفد الألماني مالك دخله والعفاريت بتنطط في وشك كدة ليه .في حاجه حصلت معاكي.

اردفت ياسمين قائلة: اصل كانت في واحدة برة لسانها عاوز قطعه ومسكت نفسي بالعافية ،لما عرفت انها خطيبه غيث باشا 

بس سيبك ايه مش تسمعني حاجه اروق بها على اعصابي ،ولا اقول لك  لما يمشوا ،الحمدلله أن النهارده نصف يوم 

❈-❈-❈

في الخارج.......

بعد لحظات 

اقترب غيث قائلا: حد طلب  الاكل ولاء لسه 

اجاب فهد قائلا:اه يا غيث ،رزان طلبته ومال علي أذنه وهمس: الله يكون في عونك يا صاحبي

قال هذا و ظل يضحك بشدة 

نظر له غيث نظرة ارعبته.

بعد لحظات جاء اليهم الطعام.......

اردفت رزان بدلع قائلة :انا اللي اخترت لك علي ذوقي يا بيبي

غضب غيث قائلا: رزان انا كذا مرة اقولك بلاش الكلمة ده اتفضلي كلي .

نظرت الي غيث بابتسامه وبدوا  في تناول الطعام.

كتم فهد ضحكته  

بعد انتهاء الطعام ظلت رزان تتحدث عن السهر والموضة والأزياء ،وأشياء كثير لم تذكر فيها عن حياتها معه.

نظر لها غيث بتعجب و ذهول وهو يرى امامه فتاه تافها في كل شئ.

ويسأل نفسه لماذا وافق علي هذه الخطبة فهو يعترف انه وافق والدته بأن يخطب ابنة خالته حتى يتخلص من زن الجميع عليه وهم يتحدثون دائما لماذا يأجل فكرة الزواج وزن والدته الدائم بأنها تريد حفيد لها ، والان ينظر لها غيث وهو لا يصدق بأن هذه التافه يمكنها ان تكون أم لأبنائه .

انتصبت رزان قائله له انها ذاهبه الي الحمام

تحدث جاك:أنا تشرفت بتعامل معك مستر غيث، لك ذوق ،وطبع خاص .وانا يعجبني هذا؟!!!جدا

نظر له غيث برفع حاجبه !!!!

غيث :ماذا تقصد مستر جاك

جاك وهو ينظر إلي رزان القادمة اليهم نطق بسرعة لكى يغير الموضوع: 

لم اقصد شئ مستر غيث بعد اذنك سأذهب الآن.

اقتربت منه رزان بابتسامه خبث قائلة:  اخيرا الاجتماع خلص كويس علشان نلحق السهرة بتاعت شاكي 

نظر لها بضيق ثم أردف قائلا ببرود:  للاسف أنا مش هقدر أروح معاكي لان ورايا اجتماع فى الشركة 

نظرت له و أردفت قائلة بدلال: 

لا يا غيث عشان خاطر خلينا شويه كمان

زفر بغضب قائلا:رزان أنتِ عارفه انا بحب اقول الكلمة مرة واحده وتنفذ ،احنا لازم نمشي لأن عندي شغل كتير ولازم اكون مركز 

تنهدت و أكمل: 

_وانتِ كمان عندك شغل أنتِ نسيتى  الصفقة الأخيرة وعدم تركيزك كنت هخسر فيها ازاى.

نظرت له رزان بأحباط وهي تتحرك  امامه للخروج.

تذكر شئ اردف قائلا : رزان اركبي العربية في ملف في المكتبة هروح اجيبه واجي

ثم نظر الى فهد و أكمل: .وانت يا فهد اسبقني علي الشركة 

ابتسم له فهد قائلا :تمام يا بوص اشوفك في الشركة

بعد خروج فهد ورزان 

ذهب غيث ال مكتبه الذى يتواجد  بجوار المطبخ الرئيسي

بالمطعم ،وهو نادر جدا أن يتواجد فيه أحدا.

❈-❈-❈

في كلية الهندسة

كانت تهرول  اسيل للذهاب الي المحاضرة ،فهذه أول مرة تذهب  متأخرة ،وفجأة اصطدمت بشخص 

رفعت اسيل وجهها ونظرت الي هذا الشخص قائله بغضب وبصوت حاد :مش تفتح يا استاذ انت،ماشى تخبط في خلق الله.

الشخص :انا اللي افتح يا آنسة ،انا اللي كنت بجري ومش منتبه للطريق ،وبدل ما تعتذري بتكلمي بوقاحه.

نظرت له اسيل بشر ، ثم تركته وذهبت

أما عن الشخص نظر إليها وضحك وذهب.

دلفت اسيل إلى المدرج ،جلست بجانب صديقتها وكانت في شده غضبها.

تعجبت ايمى من ملامح اسيل الغاضبة اردفت قائلة  : سلو اتاخرتي ليه كده ،احمدي ربنا أن الدكتور لسه ما دخلش المحاضرة ،سمعت أنه دكتور شديدا ولسه جاي من بره طازة 

ابتسمت بشقاوة و أكملت: و مال  وشك بيطلع دخان كده ليه،

أخذت  اسيل نفسا طولا و أردفت قائلة  :اتاخرت علي ما ا اقنعت أبيه غيث بالرحلة،وبالعافيه وافق .وأناجاية  بجرى علشان خايفه الدكتور يدخل قبل منى  ،خبطت في بني ادم رزل ووقح تلاقيه طالب حب يشوف نفسه علشان احنا اول الترم 

كانت تتحدث  ولم تري من يقف خلفها ويسمعها،لانه دلف  من الباب الخلفي للمدرج.

هبط يقف  أمامهم قائلا بثقة :احب اعرفكم بنفسي انا الدكتور زياد الدمنهوري اللي هدرس لكم ( مادة التصميم المعماري)ثم نظر إلي اسيل التى بمجرد ما رفعت وجهها  

أصبح مثل حبة الطماطم ،من شده احمراره ،نظرت له ثواني ،ثم نظرت الي الأسفل.

"بدء زياد في شرح المحاضرة و اسيل تنظر إلي الاسفل،لم تنظر له 

بعد قليل

،انتهى زياد من شرح المحاضرة، ليرفع وجه وجد اسيل تهرول بسرعة البرق من الباب الخلفي للمدرج غير مهتم بنداء صديقتها 

حك ذقنه يبتسم على تصرفات هذة المجنونة الساحرة 

في الخارج .....

وقفت اسيل بإحدى الأركان تأخذ نفسها ببطء اقترب منها ايمى قائلة بعنف: 

""في ايه يا اسيل بتجري كده ليه ،ايه قلة الذوق دى انا اقعدت انادي عليك و انت ولا همك 

تنهدت اسيل واخذت نفسها وهتفت :

""فاكره لما قولت لك  ان في واحد اتخبط فيا،اللي قولت  عليه أنه وقح ورزل ؟؟

كان يمر بجانبها وسمع سبها ومال على اذنها وقال لها: "الله يسامحك وضحك وذهب من امامها.

"كانت في شده خجلها نظرت إليه وجدته يغمز لها.

نظرت اليها ايمي وهتفت: هو في ايه يا اسيل ؟؟

اسيل اين اسيل كانت تقف في شده خجلها

كانت تهزها ايمي من كتفيها .

آفاقت اسيل ونظرت الي ايمي وقالت لها: :اصلا ده الشخص اللي قولت لك  عليها .

نظرت لها ايمى قائلة بتعجب: 

""يعني دكتور زياد هو الشخص اللي خبطت فيكى،لا وكمان سمعك مرتين  بتشتمي عليه!!!!

ابتسمت اسيل قائلة بشقاوة: 

""اه ينعم 

قهقهت ايمى قائلة: 

""حلوتك يا سلو ,ده اكيد هينفخك يا حلوة في الدرجات

إتسعت عين اسيل قائلة بخوف 

""يلهوى ده كان أبيه غيث علقني ،والحل ايه يا ايمي 

نظرت لها ايمي قائلة  :اقول لك  المحاضرة اللي جايةابقي اعتذري له .

بنبرة حزينة أردفت اسيل قائلة:  أنتِ نسيتى أن احنا طالعين الرحلة هو هنغيب خمسة أيام .

اجابتها ابمي قائلة بتفكير: 

""لما نيجي  تحاولي تعتذري ،،ده ممكن يحطك  في دماغه

نظرت لها اسيل  بخوف قائلة :ربنا يستر يلا تعالي اوصلك علشان تلحقي تجهزى حاجتك قبل السفر .

وذهبوا الفتيات.......

❈-❈-❈

في المطعم...........

بعد ذهاب الكل ،كانت ماسة ،وياسمين 

يقومون بتحضير أشيائهم للذهاب .

هتفت ياسمين : اخيرا يا ميمي .الاجتماع خلص ،وبرده ما شفتش غيث باشا،مكنش موجود،بس شفته خطبته ،كتله من التناكه والرزاله انا مش عارفه هو مستحملها ازاي او هي حتى مستحمله نفسها ازاي وضحكت.

نظرت لها ماسة قائلة: 

""يا بت اتلمى ثم يعني هيطلع ايه غيث باشا ده اكيد ،واحد نافش ريشه زي بقيه الاغنياء كلهم ومتكبر.

نظرت ياسمين إليها بغضب :صح يا ميمي انا عمرى ما سالتك ،ايه مواصفات فارس احلامك .

ابتسمت ماسة و أردفت قائلة بهدوء: 

"بصي يا ستي ،مش مهم الشكل طبعا ،اهم حاجه انى اول ما اشوفه يخطف قلبي ،يحبني بجد ،يحبني علشان ماسة ،يبقي حنون و رومنسي وطبعا قبل كل حاجه يتقي الله فيا وعارف ربنا ،تفتكرى هيجي اليوم ده ،واحب واتحب ،كان نفسي اتجوز جواز عن حب .

أجابتها ياسمين قائلة: 

 ابه رايك  نشوف العريس اللي بابا قال عليه،مش ممكن يكون كويس وابن حلال

تغيرت ملامح وجه ماسة ونظرت الي ياسمين بحزن :انتى بتفكرنى ليه ،ماانتي عارفه كل واحد يجي يكون  عايز عروسة حلاوة ،مليانه الوان وانا مش بتاعت كده انا عايزة اللي يحبني لنفسي وعمرى ما هتغير ولا حتي اخس .

نطقت ياسمين بنفي قائلة: 

""تخسي!!!!!!! اوعي ،ده انتي عليكي جسم يلهوي ،مزة مزة ولا عيونك ،بس انتي اللي مبهدلة نفسك .وكذا مرة اقولك البسي زى وبلاش النضارة ،تردي وتقولي 

جسمي مش معرض ،كل واحد يتفرج شويه ،هو ملك لجوزى، بس اقولك يا بخته ،انا نفسي اكون زيك اصلا ومش عارفه .

تنهدت ماسة قائلة بهدوء: 

""يا سمسم احنا لازم نحافظ علي نفسنا ،ربنا اللي أمرنا بكدة،العفه يا حبيتي ،بصي انا هروح اغير هدومى في المكتب اللي جنب المطبخ،علشان وقع عليه عصير. وطبعا محدش هنا غيرنا ورضوان بيفنش بره،هروح هناك علشان محدش بيدخل لكن هنا ممكن رضوان يدخل.

ياسمين :ماشي وغيرى الطرحة .

كان يقف ويستمع لهم ،شرد وقال في سره .

""هو انا ليه حسيت بنغزه في قلبي كل ما اسمع صوتها ،وقلبي بيدق جامدا وليه مهتم بها .

آفاق وذهب الي مكتبه ،ليدخل إلى الحمام 

دلفت ماسة الي المكتب قامت بتشغيل الإضاءة ، ونظرت الي جمال ،و تصميم ديكور المكتب وقالت: بسم الله ما شاء الله،تحفه التصميم روعه ،تسلم ايد اللي عمله بجد .

كاد يخرج من الحمام وجدها داخل المكتب ،رجع وظل ينظر إليها من خلف باب  الحمام .واستمع إلى كلامها وعن مدحها في الشخص المصمم للمكتب ولم يكن إلا هو .

 ،نظرت الي ملابسها وقالت :كده كده ورايا غسيل في البيت ،اناهغير الطرحه وخلاص

وبالفعل قامت ماسة بخلع نضارتها،ثم طرحتها ،لينزل شلال من الحرير بلونه الذى يخطف القلب قبل العين  ،علي ظهرها

كان يقف خلف الباب مثل البلهاء يفتح فمه ،هو معقول في شعر كده ،عندك حق تلبسى حجاب ،لان مينفعش اصلا حد يشوفه ،بس لو اشوف وشك كمان تبقي كملت .

مسكين يا غيث كل هذا ولم ترى وجهها ،ماذا تفعل لو رأته.

عند تغير طرحتها اخدت تدندن بعض من الأغاني فكانت 

""مشاعر تشاور تودع مسافر

مشاعر تموت وتحي مشاعر

يادي يادي يادي المشاعر يادي يادي يادي

يادي يادي يادي المشاعر يادي المشاعر

اللي غرب نفسه سافر من آلام المشاعر

واللي نفسه يعيشها تانى هى هى المشاعر

واللي يدارى بابتسامه من عينيه مر المشاعر

واللي نفسه قصاد حبيبه يبان عليه حبة مشاعر

اللي بيفكر يفارق بس لولا المشاعر

واللي سامح حد جارح راضى ذل المشاعر

واللي ايده فى ايد حبيبه بس مش حاسس مشاعر

واللي راجع بعد لما انتهى وقت المشاعر

كل حاجة ناقصة حاجة وانت مش جنبي حبيبى

نفسي اعمل أى حاجة بس ترجعلي حبيبى

"اقسم غيث أنه سمع دقات قلبه ،وكاد أن يخرج من مكانه ،لصوتها سحر خاص ،احس بدفء في وجودها

لم يحسن من قبل ،فى وجود أي امراه حتى رزان خطيبته !!!آفاق علي طرق علي الباب....

طرقت ياسمين الباب :ميمي يلا يا حبيتي علشان رضوان خلص وعاوزين نمشي..

""حاضر انا خلصت وطالعه.

وبالفعل خرجت ماسة الي ياسمين ورضوان، وخرجوا من المطعم .

خرج غيث وصدره يعلو ويهبط  من هذا الشعور فقد  شاهد نساء كتير ورزان خطبتيه ،ولم تؤثر فيه واحده  مثل ما اثرت به هذه الماسة  ,نفض هذه الفكرة وخرج استقل سيارته وذهب الي الشركة. وهى شارد الذهن فى تلك الحورية. 

يُتبع..