قراءة رواية جديدة حياة الفهد الجزء الثاني كاملة

تنشر حصريًا على مدونة رواية وحكاية قبل أي منصة أخرى

رواية حياة الفهد الجزء االثاني

خادمة الفهد

 رواية جديدة قيد النشر

من قصص و روايات 

الكاتبة صفاء حسني

الفصل التاسع عشر

 الجميع  دخل البيت كانت هبه وفارس موجودين و مستنين فهد اللي طلب منهم يرجعوا من غير مايقولهم السبب لكن فارس عرف من وليد  إن ملك عايشة 

دخل فهد وهو شايل بدر 

فارس راح ناحية فهد، وشال منه  بدر وقعده على الكرسي وهو خايف عليه وقال بلهفة 

متصورتش إنه بالحالة دي افتكرت إنها حاجة بسيطة ..

 

حضنه فهد بشوق : 

حمدالله على السلامة ياخويا الغالي وشكراً إنك رجعت مع إني زعلان منك 

فارس شدد من حضنه  وهو حزين 

آسف يافهد عارف إني كنت جبان وضعيف ومكنتش ليك الأخ والسند 

 فهد برفض وندم

بالعكس إنت حاولت معايا كتير لكن الظاهر إن كان لازم استمر في العقاب دا 

علشان عنادي خلاني وصلت لكل اللي وصلت ليه دا أنا كنت أعمى   وكنت ببرر إنه بسب  الحب لكن متصورتش إن من الحب ما قتل

❈-❈-❈

هبه علشان تروق الجو قالت بمرح

على فكرة في مسلسل هندي بنفس الإسم

 

إبتسم فهد وكمان فارس سألها فهد بمرح : 

وقصته بردوا فيها فقدان ذاكرة والنظام دا ..

ضحكت هبه وقالت 

مفيش مسلسل هندى مافيهوش  المواضيع دي لازم البطل أو البطلة يحصل معاهم كدا لكن القصة كانت معقدة شوية 

هبه بتنهيده قريبة من قصتي أنا وأسماء الله يرحمها أختين إتقابلوا بعد سنين لكن الفرق إن الإثنين وقعوا في حب نفس الشاب ولما اختار الشاب واحدة منهم الأخت  التانية واللي كانت بريئة طلع جواها شر شوهت سمعت أختها وفرقتهم عن بعض  

إدخل فارس وهو بيترجها بطريقة مرحه وبيرفع إيديه زي المسلسلات الهندي:

أرجوك أتوسل إليكي كفايه ارحميني إنتي بتحفظ القصص دي  وتقدري تفتكريها إزاي 

إبتسم فهد وقال 

سيبها يافارس هي فعلاً هبه من ربنا وفكرتها  كانت صح وأنا يمكن وقتها كنت أقدر أفتكر لكن أسماء الله لا يسامحها بوظت كل اللي فكرتم فيه 

وفعلاً تشبيهها صح أسماء فعلاً خدعتني ببراءتها ، ومارحمتش حد كانت بتأذي أي حد يقرب مني وحتى أمها و أختها ماسلموش من شرها ..

 

هبه بلعت ريقها وسألته

هي ماما أخبارها إيه هي فعلاً اللي حاولت تقتل أسماء 

أنا كنت عارفه إن في شر جواهم وخصوصاً بعد ماخططوا إنهم يخطفوا ملك أنا سمعتهم بودانى وهم بيدبروا لقتلها وكان لازم في يوم تتحرق زى ماعملت مع ملك 

فضلت هبه تتكلم بوجع 

❈-❈-❈

ملك كانت واقفه قدام الباب مراقبهم وبتسمع كل كلام هبه وكانت مستغربة لكن لما هبه وقفت عند قتل ملك فضولها خلاها عايزه تعرف الحقيقة 

فهد من فرحته بفارس نسي ملك واتكلم براحته أو كان قاصد دا وكان بيتابعها علشان يشوف رد فعلها وهل افتكرت ولا لا 

لأن وقت ماكانت ملك بتتكلم مع  هدير انسحب وطلب من حاتم يوديه عند الدكتور النفسي اللي كانت بتتعامل معاه 

فلاش باك

فهد راح هو وحاتم لعند الدكتور المسؤول عن حالة ملك وطلب منه إنه يقوله عن حالتها

الدكتور كان متوتر جداً من وجودهم ومنطقش خالص

 فهد بعصبية 

هو إنت مش راضي تنطق ليه بقولك عايز أطمن عن حالة مراتي اللي إنت كنت بتابع حالتها

الدكتور بلع ريقه 

حضرتك ما أنا مش فاهم إنت بتتكلم عن أي حالة بالظبط 

ضحك حاتم وقرب منه لحد ماوقف  جنبه

واضح كدا إنك إنت كمان فقدت الذاكره ومسكه من ياقة قميصه وقال

طيب سيبك من الحالة كلمني عن حبيبتك أو اللي إنت رسمت عليها الحب وقولتلها كدا 

فى الوقت دا دخلت ست على العيادة وهي بتنادي حبيبى إنت فين عندي ليك أخبار حلوه 

فهد وحاتم اتصدموا لكن حذوره إنه يقول إنهم موجودين واستخبوا ورى الدولاب وهو كان قدامهم والسلاح متصوب على ظهره 

فتحت الست الباب وراحت ناحية الدكتور اللي شاورلها إنها تقف هي إستغربت تصرفه دا لكن إفتكرت إنه بيتكلم في التليفون إبتسمت 

إنت أكيد بتتكلم مع الباشا ممدوح صح طيب طمنه إن سمعت ملك التسجيل كله وهي صدقت إن فهد أكبر عدوا ليها وإنه بيستغلها 

وقوله إنها بعتتلي رساله إن فهد راح عندها علشان ياخذها البيت عندوا وهي هتحاول تعرف منه مكان الورق اللي هو أخذوا منها لكن كان شرطها إنها تقابل الباشا الأول 

الدكتور كان هيتجنن من غباءها لأنها اعترفت بكل حاجه في لحظه 

طلع حاتم وفهد من ورى الدكتور وراحوا ناحيتها  وزعق فيهم فهد 

يعني طلعتوا ربطية بصلها فهد وافتكر

إنتي ممرضه في المستشفى صح إنتي اللي كنتي بتديني الحقن ياولااااااد ****إنتوا كنتوا بتحقنوني بإيه 

الممرضه اترعبت من نظرته 

حضرتك أنا مليش دعوه 

مسكها فهد من شعرها  

نعم ياختي دا إنتي وقعتي في شر أعمالك وحياة أمي لهرميكي في السجن لحد ماتتعفني 

 الممرضه بخوف

لا بالله عليك أنا مليش ذنب حضرتك الدكتور سامي هو اللي اداني الحقنة وطلب مني أديهالك علشان تعملك هياج عصبي وهلوسه وقتها هتتخيل ملك على إنها أسماء فتتعصب عليها وتذيها ووقتها يجي دوري في إني أشوه صورتك قدامها ودا شريط التسجيل اللي سمعتهولها ..

 حاتم وفهد اتصدموا من الكلام اللي سمعوه 

حاتم بص لفهد بخجل  

أقسم بالله مكنتش أعرف إن ممدوح ممكن يكون بالدهاء دا كله وإنه يبعت دكتور نفسي مزيف علشان يلعبوا على ملك 

 الدكتور سامي بإعتراض

أنا فعلاً دكتور نفسي ومش مزيف وليا سمعتي لكن اللي حصل إن بعد ما ملك جت عندي العيادة بفترة إتقابلت بالصدفة هي والأستاذ ممدوح لانه كان بيتعالج عندي هو كمان ولما شاف ملك اتصدم وبدأ يوقعني في الكلام ولما عرف إنها فاقده الذاكرة ظهر عل حقيقته وسرق مني بعض التسجيلات الخاصة بالمرضى وهددني إنه هيفضحني عندهم بإني بطلع أسرار المرضى

ولما سألته عايز إيه بالمقابل رسم الخطة ديه بإنه اداني حقنة هلوسة لحضرتك وبعد كدا الممرضه تنقذ ملك من تحت إيديك ومع الوقت تكون صديقتها وتسمعها التسجيل 

زعق فهد فيهم 

فيييين التسجيل دا انطقوا 

فتح سامي الدرج وسلمه التسجيل وقال 

بالله عليك أنا ومراتي ملناش دعوة بالموضوع هي وافقت تساعدني لأنها خافت عليا من تهديد ممدوح  علشان نتقي شره ويرجعلنا تسجيلات المرضى

 فهد نظر لحاتم نظرة ليها معنى

حاتم فهم المطلوب حاتم خذ سامي والممرضه مراته لمكان محدش يعرفه لحد مايعملوا خطة  يوقعوا بيها ممدوح ..

باك .....

فاق فهد من تفكيروا وفضل باصصلها

❈-❈-❈

 بدر  نادى عليها وقال 

حياة تعالي إقعدي جنبي إنتي  واقفه بعيد ليه ..

الكل التفت ناحية حياة ودي كانت صدمة بالنسبة لفارس وهبه وهما شيفين ملك قدامهم بشحمها ولحمها

هبه ماستوعبتش حصلها حالة ذهول هي وفارس

 

قطع الصمت حياة الصغيرة وهي بتقرب من بدر 

أنا أهو وقعدت جنبه أنا مش بعيد إنت بدر صح أنا كنت فاكره إنك مش هتعرفني. 

بصلها بدر وسألها 

إنتي مين أنا مقصتكيش إنتي قومي من جنبي أنا قصدي حياة الملاك بتاعتي 

حياة الصغيرة عيطت وقالت بتذمر

 طلع مايعرفنيش إنتي ضحكت عليا يامامي

حياة الكبيرة قربت منهم وهما مش واخذين بالهم من خانقهم و بيتبادلوا  النظرات لبعض ومن الصدمة ماحدش فيهم سامع عياط حياة الصغيرة 

قربت ملك وقعدت جنبها على الأرض  وسألتها  

مين قال كدا بس هو في حد ميعرفش  القمر دا صح يابدر أكيد هي تقربلك 

إبتسم بدر وقال 

هي بنت خالتي هبه ماما ورتني صورها لكن أنا مقبلتهاش قبل كدا

مسكت حياة فى أمها بخوف وقالت 

هي البنت دي اللي في الصورة اللي معاكي يامامي ولا هي واحدة تانية 

إستغربت حياة ووقفت وهى بتسأل صورة إيه 

فاقت هبه من حالة الصدمة اللي هي فيها على صوت بنتها وقربت من ملك تتأكد إنها حقيقة ولامجرد خيال ولا يمكن تكون بتحلم زي ماهي على طول بتحلم قربت وهي بتكلم نفسها

 أنا نايمة وشيفاكي قدامي صح إنتي لسه زعلانة مني ياملك علشان كدا على طول بتجيلي في أحلامي 

قربت ولمست وشها ودموعها نازله على وشها بالله عليكي أوعي تختفي تاني مش كل ما قرب منك لازم أصحى أنا عايزه أخذك في حضني حتى لو إنتي خيال خليني أحس بيكي 

 فارس صحيح اتصدم لما شاف ملك لكن الصدمة الأكبر هي الحالة اللي بقت فيها مراته إنها بتتكلم وبترد على نفسها وبتلمس ملك 

هبه كانت بتعيط ضمتها وهي بتسألها 

مادام قدرت أمسكك يبقى إنتي هتخديني معاكي صح ياملك

 ❈-❈-❈

قرب فارس ومسك هبه وهو بيحاول يفوقها 

هبه حبيبتى أرجوك بلاش الكلام في الموت والأرواح يلعن المسلسلات الهندي اللي جننتك ياقلبي 

بصتله هبه بتيه يعني أنا نمت وأنا واقفة صح وملك مش هنا أنا كنت بحلم 

هنا ملك مقدرتش تسيطر على نفسها وخذت هبه فى حضنها وقالت

لا ياقلبي إنتي مش بتحلمي أنا حقيقه قدامك أهو مش خيال 

إبتسم فارس وقال

أنا بجد مش مصدق نفسي أقسم بالله لولا إن وليد إتصل بيا وحكالي إنك لسه عايشة كنت دلوقتي إتجننت أكثر منها بنت عمك للأسف عقلها طار من بعد موتك 

نزلت دموع ملك وسألته 

وحضرتك مين يعني وتقرب لفهد باشا إيه 

إبتسم فارس وقرب من فهد 

واضح إن إحنا واقعين مع إثنين مجانين  عقلهم مضروب  على الآخر ربنا يكون فى عونا 

 ملك اتكلمت بحدة 

إنت تقصد مين وليه بتجمع  بعد إذنك 

إبتسم فارس وافتكر أول مقابلة بينهم قالت برضو نفس الكلمة فحب يعيد المشهد يمكن تفتكر زي ما عملت هبه زمان مع فهد 

وقرب منها بتحدي 

أقصدك إنتي طبعاً عقلك  مخروب على الآخر 

بصتله ملك بدهشة 

هو حضرتك تعرفني علشان تستظرف كدا إيه الهم دا ياربي

إبتسم فارس 

هو إنتي تطولي أصلاً إني اتكلم معاكي أنا اللي تنازلت أصلاً  وبرستيچي مايسمحش إني أهزر  معاكي أكيد إنتي الخدامة الجديدة صح 

  وفعلاً كأن المشهد بيتكرر من تاني والكلام طلع وكأن اللي مر أيام مهياش سنين 

ملك بغضب 

خدامة مين ياأبو خدامة صحصح كدا أنا فاضلي سنه ونص وأكون دكتورة تقولي خدامة إيه الهم دا بس ياربي وسع من وشي كدا وشالت بدر وقالت 

أنا مليش فى البيت دا غيرك إنت يابدور 

فارس ضحك جامد

سبحان الله دلوقتي ملكيش غير بدور وزمان كنتي تقولي مليش فى البيت دا غير الوسيم دلوقتي بقى بدور

 

بصتله ملك بحيرة 

هو إنت بتتكلم بجد أنا كنت بقول كدا 

إبتسم فارس وقال

طبعاً إنتي أصلاً كنتي دايماً بتتخانق معايا علشان الوسيم  محدش ياكل إلا لما الوسيم ياكل محدش يتكلم إلا لما الوسيم يتكلم 

إتنهدت ملك وهي على نفس حيرتها وقالت

  هبه ممكن تخدي بدر والبنوته العسل دي لفوق علشان أنا عندي كلام عاوزه أقوله

 

هبه هزت رأسها بالموافقة وقالت

 حاضر بس إنتي فعلاً ملك أنا مش مصدقه نفسي 

إبتسمت ملك 

لما أجي هنبقى نتكلم 

 إبراهيم قرب منهم وقال

خليكوا إنتوا أنا هاخد الولاد 

❈-❈-❈

بعد ماطلعوا الولاد مع عم إبراهيم 

ملك وجهة كلامها لفارس وهي عينيها على فهد:  

طيب ممكن تفهمني الوسيم عمل فيا إيه بعد كدا حرقنا صح أو رماني فى وسط النار وسابني

 هو أصلاً كان أهم حاجه عندوا الورق اللي هتنقذوا هو وأبوه من دم أهلي 

واتفق مع حماته اللي هي مامتك ياهبه علشان يرموني فى بيت الدعارة علشان أختار مابين شرفي وبين إني أقولهم مكان الورق مش هو ده اللي عمله الوسيم 

وبعد كدا جه على إنه ملاك منقذ وأنا زي العبيطة اتحاميت فيه وكانت النتيجة إنه رماني بين الحياة والموت ولولا حاتم وهدير أنقذوني كنت دلوقتي في خبر كان 

كان الجميع مصدوم من الكلام اللي بيسمعوه من ملك 

قربت هبه من ملك وسألتها 

إنتي متأكدة إن هو اللي عمل كل ده اتكلمي معنى كدا إن الذاكرة رجعتلك 

ملك هزت رأسها بأسف 

لا مفتكرتش ومش عاوزه افتكر إني كنت تحت رحمة شخص زي دا وأهو عندك  خليه يدافع عن نفسه ويقول إني غلطانة يقول إنه متفقش مع واحد إسمه ممدوح علشان يوصل للورق 

قرب منها فهد وهو عارف خلاص إنهم لعبوا في عقلها لكن عمل نفسه مش عارف حاجه وسألها 

إنتي بتقولي إيه مين اللي قالك الكلام دا 

ضحكت ملك وقالت 

للأسف هي دي الحقيقية علشان كدا كنت رافض إني أتعالج عند الدكتور سامي إنت وهدير علشان معرفش الحقيقة لكن صدقني أنا هدفعك ثمن كل اللي عملته معايا 

أول ما ملك دافعت عن سامي فهد قرب ومسكها جامد وقال بعصبية : 

إنتي ناسيه كل حاجه أنا مليش دعوة بكل دا أنا فعلاً كنت ناسي كل حاجه أنا ما ظلمتكيش ولا جيت عليكي يمكن غلطتي الوحيده إني كنت واثق في نفسي أوي لدرجة إني متصورتش إن أسماء يطلع منها كل دا أو إنها تتجرأ وتعمل حاجه قولت كبيرها تهويش 

إبتسمت ملك بسخرية 

تهويش بجد إنت بتتكلم بجد يعني حاولت تقتلني كذا مرة زي ماهبه بتقول وبتقول تهويش ولا إنت حبك كان أعمى ومكنتش عايز تصدق إنها كدا أو يمكن كنتوا طبخينها سوا

 إنت عارف أنا لما جيت معاك كنت بقول أديه فرصة ثانية أكيد كل الكلام اللي سمعتيه دا غلط أكيد الشخص اللي ساعدني من غير مايعرفني إستحالة يكون بالشر دا أو يكون بيمثل عليا وبعدك كان أكبر دليل إنك مش عايز تأذي مشاعري

 لكن حتى لو إنت مظلوم من قتل أهلي أو مكنتش تعرف حاجه عنه لكن كنت مغفل والقانون لا يحمي المغفلين صح

 وأنا دلوقتي بعفيك من مسؤوليتك مش عاوزه حمايتك علشان إنت للأسف معرفتش تحميني زمان أو حتى تحمي نفسك

 ولو هتقولي ما هدير وحاتم كانوا حماية ليكي هقولك عندك هما بس اخذوا أوامر وبينفذوها من غير مايفهموا  

أقول مع السلامه يا فهد باشا 

❈-❈-❈

فهد اتصدم من كلامها وكان عاجز عن التفكير لكن وقف قدمها وشالها على كتفه وقال 

ملكيش حق تسيبني وتمشي إنتي ملكي أنا وبس فاهمة 

ملك كانت بترفس وبتزعق

 إنت مجنون سيبني

إبتسم فهد وقال

اه أنا مجنون بيكي ومش هضيعك من ايدي ثاني فاهمة 

عضته ملك في كتفه 

صرخ فهد إنتي عملتى إيه يامجنونه والله ماهسيبك 

الكل كان بيبصلهم وبيضحك عليهم 

مشي بيها فهد ودخلها أوضة النوم

وقعدها على السرير ورجع قفل الباب 

ملك كانت رجعت جري وحاولت تفتح الباب وهو بيحاول يقفله بقوة الإثنين مع المقاومة بدأوا ينهجوا من التعب زعق فهد فيها 

ماتهدي بقى هديتي حيلي إنتي مش بتتعبي

ضربته ملك على صدره 

خرجني من هنا ولا أقسم بالله أصور لكم قتيل هنا 

فهد مسك إيديها وقال

اهدي يابنتي واسمعيني أنا عايز اتكلم معاكي وبعد كدا اعملي اللي يريحك 

 ملك برفض

وقت الكلام خلص أنا مش عايزه أسمع منك أي كذبة جديدة 

بصلها فهد

أنا اللي بكذب ولا إنتي اللي بتكذبي على نفسك عايزه تصدقي أي حاجه تكون ضدي علشان تكرهيني

ملك رفعت صوتها 

أنا كدابة شكراً وأنا بقى هريحك من الكدابة دي وهموت نفسي وأريحك إنت والشبح اللي طول الفترة دي خلقتوه جوايا وهم علشان أخاف وأكون تحت رحمتك صح وسع وإلا أقسم بالله هتشوف مني موقف مش هيعجبك 

فهد ماسمعش لتهديدها

إنتي مبقيتش صغيره ياملك ولازم يكون في لغة حوار

ملك بغضب 

 ولغة الحوار بالعنف والحبس هو الحب بالعافيه ياشيخ أنا مش بحبك ومش عايزاك في حياتي وهروح أتجوز سامي 

كلماتها وجعت قلب فهد لكنه مابينلهاش دا واتكلم بهدوء

فهد ضحك بسخرية 

سامي حلو بردوا طيب يعني موافقة تكوني الزوجه التانيه على كدا 

ملك اتصدمت من كلامه ووقفت وقالت 

إنت بتقول إيه زوجة تانيه إيه إنت فاكر كل الناس زيك 

فهد فتح التليفون وحطه قدام عينيها

 مش هو ده الدكتور سامي بردوا ولاااا خياله ومين اللي جنبه دي مش هي دي مراته اللى مثلت عليكي إن قلبها عليكي وسمعتك تسجيل ممدوح اللي مش وهم ولا خيال وفعلاً لما عرف إنك عايشه كان عايز يأذيكي 

ملك اتصدمت لكنها كانت بتكابر 

إنت أكيد مفبرك الصور دي مش إنت ظابط وتعرف تعمل كل حاجه ومهما عملت أنا بكرهك 

إبتسم فهد 

ومين قالك حبيني كفايه إني أنا بحبك يلا بقى تعالي عايزك 

 ملك بصدمه

يلا تعالي إيه إنت مجنون صح يارب أعمل إيه علشان أخلص منه 

❈-❈-❈

ملك خذت بالها إن في بلكونة فسابته وراحت ناحيتها ملك فتحت الباب وخرجت وهو راح وراها مش فاهم هي بتعمل إيه وفجاة طلعت على سور البلكونه وقالت 

أنا هرمي نفسي وهريحكم مني

فهد بصدمه وخوف مسك إيديها وسحبها لحضنه وضمها

فهد وهو في حالة غير طبيعية 

إنتي بتعملي إيه إنتي عايزه تسيبني أنا هموت بعدك أو موت فعلاً من غيرك أنا منكرش إني كنت فاكر نفسي فاهم كل حاجه لكن الدنيا علمتني درس إني مش كل اللي بيلمع ذهب 

يوم ما طلبت من أبويا إنه يجي معايا علشان يشوف أسماء طلب مني إني أروح معاه مشوار في بلد قريبة وقتها أنا كنت مضايق وكنت واقف مستنيه لحد ما إيد بريئة مسكت إيدي وسألتني 

هو إنت ظابط 

بصتله ملك وهي لسه فى حضنه وبتحاول إنها تخرج وسألته 

مين دي

 

بصلها فهد وكمل 

إنتي وقتها اخذتيني معاك على مدرستك علشان تخوفي بيا الولاد اللي كانوا بيضيقوكي وبعد كدا ركبتوا معانا وكان في ناس مدبرين إننا نموت كلنا أبوكي وأبويا وأنا 

 أنا وقتها مكنتش أعرف حاجه وأبويا مكنش قايلي أي حاجة ولا معرفني مين هو عدوه ومين حبيبه أو يمكن زي ما بتقولي كنت أعمى لكن لما شفوتك فتحت أنا وقتها انقذتك خذتك في حضني ووقعنا في الغيطان فوقنا فى المستشفى وكل واحد عرف إن أهله ماتوا 

ولما بدأت أتقبل موت أبويا ورجعت شغلي طلبت من حاتم يدور على الطفلة اللي كانت معايا 

لكن للأسف مكنتش أعرف أي حاجه عنك وعشت مع أمي ومع أسماء حب وخيانة وغدر كنت ضايع منكرش إني اشتغلت مع ممدوح وإنه فعلاً كان عايز يعرف منك مكان الورق   

وطلب مني أوقعك لكن لما شفوتك نسيت كل حاجه نسيت ممدوح وأسماء نسيت العالم كله فرحت إني أخيراً لاقيتك من تاني وبعد كدا عرفت إن أسماء جاسوسة لممدوح والفضل ليكي إنتي وأمي لما لعبتوا عليها لعبة عشان تكشفوها 

أسماء اعترفت بكل مخططها وأمي حكتلي كل اللي تعرفه عن ممدوح ووقتها قررت إني أحميكي لكن وقعنا في إيد أسماء وأمها 

اخدتك للكبينة وقعدت فيها أنا وإنتي لكن أسماء رفعت عليا قضية إنها حامل وإنها بتحبني وعايزة تنسب الطفل ليا ورجعتلي لكن كل ده كان تخطيط ممدوح مع أسماء وأمها وكانت النتيجة إنك اتخطفتي

 كنتي رايحة تنقذي أختي لكن ممدوح عمل كل دا علشان يوصلك لكن غل وحقد أسماء خلاها ولعت فى المكان أنا وصلت وأنقذتك لكن فجاءة المكان انفجر أنا كنت ماسك إيدك وإحنا خارجين وبعد كدا صحيت وأنا ناسي كل حاجه لكن كان دايماً جوايا إحساس إن في حاجه ناقصه

 رجعتلي الذاكرة للحظة اللحظة اللي قابلتك فيها وكمان الحادثة ووقفت عندها وطبعاً أسماء وممدوح استغلوا تعبي لكن زي مافي ناس جواها شر فى ناس جواها الخير زي هدير وحاتم وعم إبراهيم اللي حاولوا يقربونا من بعض علشان نفتكر لوحدنا 

نزلت دموع ملك 

لكن إنت اخترت البعد سبتني مرة تانيه علشان أسماء 

إنت محبتنيش إنت حبك كان لأسماء وبس وانسحبت من بين إيديه علشان تخرج ولكن هو منعها ومسك إيديها قطع كلامهم خبط على الباب 

 ملك كانت رايحة ناحية الباب لكن فهد منعها وفتح باب لأوضة ثانية ملحقة بأوضته لكن من غير بلكونه أو شباك ودخلها جواها وقال 

مش هتخرجي من هنا إلا لما تصدقي إني بحبك 

 ملك اتصدمت وزعقت في وشه

هو أنا مسجونه هنا 

إبتسم فهد وقال 

 إسمعي مادام ممدوح عرف إنك عايشه وكمان عرف إنه يلعب عليكي ويبعتلك بنت تسمعك تسجيل علشان يشوش تفكيرك ونجح فى دا يبقى خروجك فيه خطر عليكي 

 ملك بدهشة 

إنت بتراقبني وكمان عايز تتحكم فى كل كبيره وصغيرة فوق يافهد باشا أنا مش خدامة أو جارية عندك 

إبتسم فهد 

إنتي حياة الفهد والفهد بدونك ليس له حياة

يتبع

إلى حين نشر الفصل الجديد للكاتبة حياة الفهد الجزء الثاني, لا تنسى قراءة روايات و قصص أخرى تضمن حكايات وقصص جديدة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة