قراءة رواية أسود الداخلية كاملة

تنشر حصريًا على مدونة رواية وحكاية قبل أي منصة أخرى

قراءة رواية أسود الداخلية

من روايات وقصص 

الكاتبة أسماء عبد الهادي

الفصل الأخير

إستعد قصي علشان المهمة بتاعته وسلم على أهله وفريق الأسود 

أدهم 

_ قصي ترجعلنا بالسلامة لا إله إلا الله ..

قصي

 _ محمد رسول الله خد بالك من البنات وماما ياأدهم لحد ما أرجع 

أدهم 

_ إطمن عليهم إرجعلنا إنت بس بالسلامة ..

حضنته أمه وهي بتعيط

 _ ارجعلي بالسلامة يابني أنا مليش غيرك .. 

_ مش عايز أشوف دموعك دي تاني ياأمي أنا هرجع علشانكم إن شاءالله أستودعكم الله ..

حنان 

_ في أمان الله يابني ..

قصي حضن أمه وكمان منه وسمر ومشي وصله عدي للمطار 

وأول ماوصل قصي للمطار شافته مرام وضحكت 

_ إيه دا إنت قصي معقول ..

قصي بغرور مصطنع

_ هو بشحمه ولحمه .. 

مرام بإعجاب 

_ لو مكنتش أعرفك كنت هفتكرك فعلاً سائح أجنبي بجد قدرت تتنكر كدا إزاي .. 

قصي

 _ مش إنتي بس اللي بتقدري تحبكي دورك ..

أول ما انتبه قصي للي هي لابساه 

قال بإنزعاج 

_ تعالي هنا إيه اللي إنتي عاملاه في نفسك دا ..

_ إيه عجبك مش كدا عروسة بقى وكدا والمفروض طالعين نقضي شهر العسل .. 

_ لا ياشيخة بمنظرك دا إستحالة أنا أمشي معاكي ..

_ قصي في إيه مالك الفستان شيك جداً إيه مشكلتك .. 

_ مشكلتي إنه عريان أوي ياهانم وكتافه كلها باينه إنتي إزاي تسمحي لنفسك تمشي بالشكل دا .. 

_ إيه ياقصي أنا لبسي دايماً كدا في إيه مالك إنت هتعيش الدور ولا إيه ..

_ اه طبعاً هعيشه إنتي دلوقتي هتكوني مراتي وأنا مسمحش أبداً إن مراتي تمشي كدا ..

_ لااااا إنت مجنون دب تمثيلية مش حقيقي إنت بتقول إيه .. 

قصي بحدة 

_ هي كلمة اتنيلي حطي شال على كتفاك وإلا هلغي المهمة دي من الأساس وهروح لوحدي وتفضلي إنتي هنا بفستانك النيلة دا .. 

_ إنت عجيب فعلاً أنا مشفتش كدا قبل كدا ..

_ هو أنا كدا هتعملي اللي قولتلك عليه إخلصي ..

_ طب بس الجو حر ياقصي مش هتحمل الشال ..

_ قل نار جهنم أشد حراً لينا كلام تاني مع بعض بعد المهمة دي إنجزي يلا ..

_ ماشي وأمري لله .. مرام في نفسها

_ أنا إيه اللي دبسني التدبيسة السودا دي مع قصي مش كنت طلعت مع مازن ولا عدي هيكونوا لذاذ فعلاً ..

فاقت مرام على صوت قصي بيقول

 _ إستنى قبل مانمشي مفيش أي إتنين عرسان جداد بيمشوا جنب بعض كدا وكأنهم أغراب .. 

مرام

_ اه قصدك نأكج بعض يعني .. 

قصي

 _ وعلشان أقدر أعمل دا لازم نكتب كتابنا ..

_ نعمممم إنت بتقول إيه .. 

_ إخلصي الطيارة فاضل عليها نص ساعة وتطلع يلا نشوف أقرب مأذون .. 

_ لا إنت مجنون بجد .. 

قصي بمكر وبهمس

_ إنتي لسه شوفتي حاجة أنا هوريكي الجنان اللي على أصوله ياويلك مني .. 

مرام 

_ بتقول حاجة ياقصي..

قصي

_ ها لا بقولك يلا مفيش وقت  

وفعلاً كتبوا الكتاب واللواء وعسكري كان معاهم كانوا الشهود على العقد 

مرام كانت واقفة مصدومة ومش مستوعبة اللي حصل 

قصي قال بمكر

_ كدا أقدر اقول بضمير مبروك ياعروسة .. 

مرام اتنرفزت من كلامه

_ قصي من فضلك بطلع هزارك التقيل دا ..

قصي

_ بس أنا مش بهزر إيه إحنا مش جايين على إننا عرسان جداد يبقى هزار إيه بقى والله دي خطتك إنتي أنا مجبتش حاجة من عندي ..

قالت بضيق 

_ كانت خطة منيلة بنيلة أنا اللي جبته لنفسي كان مالها لو كنت قلت اتنين اخوات ها ..

ضحك قصي

_ والله أنا مليش دعوه دي خططتك وأنا ماشي عليها بالحرف .. 

مرام

_ يووه طب إتفضل قدامي يلا ..

قصي حط إيده في إيدها 

_ لا طبعاً ودا يصح يامدام قصي دا إحنا حتى عرسان جداد ..

مرام للواء اللي كان بردو جاي بزي مدني عادي

 _ عاجبك كدا ياسيادة اللواء .. 

اللواء بإبتسامة

_ أنا مش شايفه بيعمل حاجة غريبة بالعكس عايش الدور وبيأديه على أكمل وجه ..

اتغاظت مرام أما قصي فابتسم للواء وغمز لمرام 

_ يلا يا عروسة ..

مرام

_ يووه على فكرة إنت إسمك الحركي أمجد ها خليك فاكر ..

قصي

_ إطمني مذاكر كويس ياسالي ها كدا كويس يلا نطلع الطيارة ..

مرام في نفسها 

_ يارب عدي المهمة دي على خير دا شكله هيفقعلي مرارتي من أولها .. 

قصي برخامة

_ لا شكل المدام طالعة شهر العسل غصب عنها ما تبتسمي ياعروسة هتكشفينا مش كدا أومال .. 

مرام 

_ وربنا إنت مستفز ياقصي ..

قصي

_ ها أمجد إنتي اللي نسيتي أهو مش أنا ..

بصتله بغيظ وكملت في طريقها 

❈-❈-❈

في الطيارة كان أيهم قاعد ومتوتر وعينيه كل شوية على شباك الطيارة شوية وعلى ساعته شوية 

_ إطلعي بقى خرجيني من هنا 

مرام وهي رايحة ناحية الكرسي عملت نفسها  إنها كانت هتقع فسندت على كرسي أيهم وقالت بصوت حاولت يكون مختلف 

_ سوري كنت هقع ..

أيهم بلا مبالاة لأن دماغه مشغولة _ حصل خير .. 

قصي سحبها من إيدها وقعدها جنبه وقال بغضب 

_ إيه اللي إنتي عملتيه دا يامدام كان ناقص تقعي في حضنه ..  

مرام بغضب

_ في إيه ياقصي ما تشوف إنت بتقول إيه .. 

_ ممكن أعرف إيه اللي إنتي عملتيه دا ..

مرام بهمس

_ إيه كنت بزرع مايك في هدومه علشان نسجل أي مكالمة تدور أول مايوصل .. 

بصلها قصي ومعلقش لكنه قال بنبرة حازمة

_ حطي حزام الأمان ..

بعد ما الطيارة خلاص اقلعت اتنفس أيهم براحة وشاف المضيفة معدية فقال

_ لو سمحتي ممكن كوباية عصير فريش أروق أعصابي .. 

المضيفة 

_ حاضر يافندم ..

غمض أيهم عينيه براحه 

أما مرام أول ما شافت المضيفة معدية عملت إنها هتقوم وخبطتها وقالت

_ سوري معلش ..

المضيفة 

_ولا يهمك حضرتك خذي بالك علشان متقعيش ..

مرام 

_ ثانكس .. 

المضيفة لأيهم

 _ إتفضل العصير يافندم ..

رجعت مرام لمكانها فهمسلها قصي

_  حطيتي إيه في العصير .. 

مرام 

_ ولا حاجة حبوب هلوسة بس لكن مفعولها مش هيشتغل دلوقتي ..

قصي

_ إنتي ليه مقلتليش باللي هتعمليه دا ..

مرام 

_ دا الجزء الخاص بمهمتي هقولك عليه ليه كويس إنك عارف دورك وبس .. 

قصي بغيظ 

_ يا سلام ..

مرام

_ اشش بس علشان محدش يسمعنا .. 

❈-❈-❈

لما وصلوا لندن وقفت مرام مع قصي 

فقال قصي 

_هنشوف النيلة دا هينزل في أنهي أوتيل وهنروح وراه إفتحي جهاز التتبع يلا .. 

مرام

 _ أوك .. 

 عرفوا وجهتوا وراحوا على نفس الفندق اللي هينزل فيه وحجزوا الإوضة اللي جنبه بالظبط 

في الاوضة سمعت أيهم من خلال المايك اللي زرعوه في شنطنته فقالت

_ أيهم هينزل يقابل شركاؤه وإحنا لازم نكون هناك استعد ..

قصي

 _ ونكون هناك ليه ..

مرام

_ أفهم لازم أزرع مايكات عند كل واحد فيهم لازم أعرف بيخططوا لإيه .. 

قصي

_ لا لوكان بطريقة التلزيق بتاعتك دي فأنا مش هسمحلك سيبيلي أنا المهمة دي أنا هقوم بيها ..

_ طب يلا استعد علشان ننزل وأعمل اللي تعمله المهم تزرع المايك ..

نزل قصي واتنكر في هيئة نادل وزرع المايك في كل واحد منهم وهو بيقدملهم المشروب الخاص بيهم ..

إبتسمت مرام اللي كانت قاعدة على ترابيزة بعيد وقالت

_ أديهم اتخانقوا يبقى حبوب الهلوسة اشتغلت مع أيهم .. 

قصي بدل هدومه وانضملها وقال بمكر هو كمان

_ دلوقتي أيهم بقى بح بالنسبة لهم عايزين نعرف بقى هيستعين بمين علشان يرجع شغله وأعماله من تاني ..

مرام 

_ بالظبط كدا وكمان عايزين نعرف هل فيه خونة تانين من مصر للمجرمين دول وبيدخلوا عن طريقهم لمصر ..

قصي

_ إن شاءالله هنعرف كل حاجة

خلصوا مشروبهم ورجعوا اوضتهم يسمعوا كل التسجيلات ويدونوا كل الملاحظات

❈-❈-❈

بعد يومين 

قصي  

_ تمام أوي كدا عرفنا مين اللي هيشتغل معاهم من مصر ..

مرام 

_ قصي إحنا محتاجين نعرف طريقة التسليم هتم إزاي سامع قالوا إيه .. 

_ الحفلة دي لازم نحضرها والهدية اللي في الواقع هتكون الورقة اللي فيها طريقة التسليم لازم تكون في ايدينا قبل ما توصلهم لازم نعرف هيدخلوا الشحنات دي البلد إزاي 

_ تمام معاك ياقصي إيه خطتك ..

_ إسمعي .. 

❈-❈-❈

في الحفلة استعان قصي ومرام بالجواسيس اللي معاهم وبيشتغلوا لصالحهم وقدروا إنهم يتخطوا الحراسة اللي بتحرس الأوضة اللي فيها الهدية المطلوبة عن طريق تعطيل كاميرات المراقبة اللي في المكان ومرام عطت للحراس عصير فيه منوم بحيث محدش يعرف مين دخل ومين خرج وأول ما يفوقوا ويعرفوا إنهم ناموا مش هيقدروا يقولوا للزعماء بتوعهم إنهم كانوا نايمين خوفا منهم ..

دخل قصي بسرعة البرق وفتح العلبة وعرف الطريقة وقفلها تاني بحرافية عالية خرج جري وهو بيقول لمرام

 _ يلا بسرعة 

 مرام

_ قصي لازم نصحى البهوات اللي ناموا دول وإلا هيعرفوا إن حد كشفهم وممكن يغيروا الخطة .. 

قصي

 _ معاكي حق ..

طلعت مرام برفيوم من شنطتها وفوقتهم وأول ما بدأوا يفوقوا اتحرك قصي ومرام من مكانهم بسرعة 

الحراس أول ماحسوا إنهم كانوا نايمين قاموا بسرعة وقفوا مكانهم قبل ماحد يلاحظ تقاسعهم عن الحراسة ..

❈-❈-❈

 وفعلاً مسكوا البضاعة وهي بتتسلم في المينا المصرية وقبضوا على كل اللي ليه دخل في التهريب وتمت مهمة قصي ومرام بنجاح ورجعوا أرض الوطن من تاني 

هناك حياهم اللواء 

_ برافوا ياأسود برافو إنتوا فخر بلدنا حقيقي ..

أدهم

 _ لحظة واحدة هنسيب أيهم بكل جرايمه وكل اللي عمله يسافر ويفلت كدا باللي عمله ..

اللواء إبتسم وقال

 _ قصي إنت لسه مقلتلوش!! 

قصي قال

_ إطمن الشركاء اللي كان أيهم متعاون معاهم هناك لما حسوا إنه بقى كرت محروق بالنسبة لهم وخلاص انكشف من البوليس سواء المصري أو الأجنبي قتلوه علشان سرهم يموت معاه ..

مازن بفرحة

_ قول والله ياااه كان نفسي أنول أنا شرف القضاء عليه .. 

قصي 

_الحمد لله اتخلصنا منه وهياخد جزاءه العادل في الآخرة أكيد 

مسك الأسود إيديهم في إيدين بعض وقالوا 

_ وكدا الحمد لله نقدر نقول طهرنا البلد وخلصت المهمة بنجاح .. 

عدي 

_ يعني مش طهرناها بشكل دائم لأن طول ما الخليقة موجودة هنشوف شياطين الإنس كتير ..

قصي بعين زي الصقر

 _ وإحنا ليهم بالمرصاد ..

إبتسموا كلهم بفرحة وهنا قال مازن 

_ بالمناسبة دي بقى أنا هعمل فرحي في الإجازة الأسبوع اللي حيلتي ومحدش يعترض ماشي ياأخينا ..

كان قصده على قصي 

فأدهم قال

 _ وأنا كمان هكتب كتابي على سمر ولو وافقت يبقى جواز بالمرة 

قصي 

_واحدة واحدة على سمر ياأدهم خليها تفهمك الأول وتعرفوا بعض كويس وبعد كدا اتجوزوا الدنيا مش هتطير ..

عدي

_ يا سلام إشمعنا كلكم هتتجوزوا أنا كمان عايز أكتب كتابي .. 

أدهم 

_ يا شيخ إتلهي أنا أساساً لسه متكلمتش مع لينا في الموضوع ..

عدي بثقة

_ لا رتب إنت إجراءات كتب كتابنا وأنا هقنعها سيبلي أنا الموضوع ده .. 

مازن لمرام اللي كانت بتابعهم والإبتسامة على وشها 

_ وإنتي طبعاً معزومة على فرحي خلاص بقيتي أسد من أسود الداخلية ..

إبتسمت مرام

_ عيوني يامازن حاضر هحضر أكيد دي منة حبيبتي .. 

مازن

_ اه صح أنا ناسي إنكم كنتوا أصحاب ..

مرام 

_مازن ممكن أجيب ضيوف معايا الحفلة..

مازن

 _ أكيد طبعاً إنتي وكل حبايبك معزومين مفيش كلام ..

مرام

_ كلك زوق يامازن والله ..

بصت مرام قدامها شافت قصي لوحدوا قررت تروحله علشان يلغي كتب الكتاب اللي بينهم وبمجرد ما خلاص وصلتله لقته اتحرك من مكانه واختفي من قدامها

❈-❈-❈

في البيت عدي شاف لينا راجعة من الجامعة فنادى عليها

_ لينا 

لفت لينا وشها وقالت بإبتسامة هادية 

_ نعم 

عدي بارتباك

_ اا إزيك يالينا إنتي كويسة ..

إستغربت سؤاله

_ اه كويسة الحمد لله هو فيه حاجة ..

عدي بصراحة

_ فيه وأنا مش عارف أبدأ منين ..

_ إتفضل اتكلم أنا سمعاك إنت نفسك في أكلة معينة أو حاجة؟؟ 

_ اه ياريت ..

_ بس كدا عيوني ..

_ لا أنا ممكن أطلب إيدك الأول وعيونك بعدين ..

_ إيه مش فاهمة .. 

_ لينا بصراحة بقى أنا قررت اتجوز وأودع حياة العزوبية وبصراحة مش هلاقي بنت أحسن منك أستأمنها على بيتي وعيالي وتكون شريكة حياتي وكل دنيتي ..

لينا اتوترت ووشها جاب الوان 

_ااا أنا .. إنت اا أنا ..

عدي

_  ها قلتي إيه .. 

بلعت لينا ريقها وقالت

 اانت إنت فاجئتني أنا.. 

_ لينا أنا عارف إنك مكنتيش تحلمي تتجوزي ظابط مش كدا ..

شهقت لينا

_ إنت عر..عرفت إزاي .. 

_ سمعتك بالصدفة وإنتي بتتكلمي لكن صدقيني يمكن الظابط اللي بتتهربي منه يكون هو سبب في سعادة قلبك ويقدر يدخل الفرحة لقلبك وحياتك أوعدك إني هتقي ربنا فيكي وهعاملك بما يرضي الله وخدي بالك أنا لا زي قصي إبن عمك ولا النيلة أدهم أخوكي فمتخافيش أوي من الظباط والله مش بنعض .. 

ضحكت لينا 

فقال عدي

_ أعتبر دي موافقة ..

انكسفت وقالت 

_ااا تقدر تكلم إخواتي عن إذنك .. 

إبتسم لأنه خلاص وصله ردها فقال

 _الحمد لله 

❈-❈-❈

في حفلة جواز مازن ومنة وكتب كتاب أدهم وسمر وعدي ولينا

كانت الحفلة على يخت كبير في البحر 

جت مرام مع سليم وأبوه وسلمت على الكل وجه الدور إنها تسلم على قصي اللي كان قاعد مع والدته

قصي اتضايق من وجود سليم 

فقام وشد إيديها جامد وقال بحدة 

_ وكمان جاية مأنكجة إيده طب حتى إعملي إحترام ليا دا إحنا لسه منفصلناش اتلخمت في ترتيبات الفرح ونسيت تماماً بس إحنا فيها مرام  إنتي ...

هنا ادخل سليم بسرعة وقال

_ ااا قصي باشا مرام تبقى أختي في الرضاعة 

قصي اتفاجىء 

_بتقول إيه .. 

سليم 

_ دي الحقيقة ياباشا وكمان كان السبب في إنها تتنكر على هيئة الأفعى إنها أول ماعرفت إني اتورطت معاهم أنا وأبويا غصب عننا ادخلت بسرعة علشان تنقذنا من إيدين أيهم .. 

بص قصي لمرام فلقاها اتحركت من مكانها وراحت تسلم على نور اللي جت مع الحج والحجة لأن طبعاً مينفعش ميحضروش فرح إبنهم ..

سليم أول ماشاف نور جري عليها لأنها كانت وحشاه وقرر يكلمها هو كمان في إنه عايز يتقدملها 

أما حنان أم قصي فقالت 

_ قصي عايز تطلقها ليه يابني البنت عاشت معانا وعاشرناها ومعدنها كويس وكمان بطلة زيكم فليه لأ وكمان أنا حاسة إنك ابتديت تميل ليها ..

قال قصي بهم 

_ حتى لو كنت بحبها فعلاً ياأمي إحنا منلقش لبعض أبداً اديكي شايفة حياتها وطريقة لبسها مش هي دي اللي أوافق تكون أم عيالي ياأمي ..

حنان

_ مش يمكن البيئة اللي عاشت واتربت فيها محدش علمها دا أو عرفها الصح من الغلط أو علمها أمور دينها الصحيحة ؟؟  

قصي

_ هي مش صغيرة علشان متعرفش الصح من الغلط ياأمي ..

حنان

 _الشهادة لله إحنا مشفناش عليها أي خلق مشين أو تصرف يدل على إنها بنت مش كويسة حتى إنت بنفسك معتقدش إنك شوفتها من النوع اللي بيصاحب أو الحاجات دي..

 كل الحكاية ياقصي إنها نشأت في بيئة متحررة وإنها تكون بشعرها دا شىء عادي ودي مهمتك إنت بقى تعلمها أمور دينها كويس وتخليها تلتزم ..

_ ياأمي هتجوز إزاي واحدة الكل شاف شعرها وجزء من جسمها لا مش هتقبل دا ..

_ إذا كنت شايف كدا يابني فمحدش يقدر يغصبك إعمل اللي يريحك ..

قصي بعد عن أمه علشان يقول لمرام إنه خلاص هيطلقها 

لقى اللواء بيتكلم معاها وبالصدفة سمع الحوار 

_ مرام إنتي عارفه إني بعتبرك زي بنتي بالظبط علشان كدا يشرفني إني اطلبك لإبني هو مهندس بترول وشغله كويس قلتي إيه .. أنا قلت أفاتحك الأول قبل ما أفاتح أبو سليم في الموضوع عارف إن كل أهلك ماتوا في حادث سير وإنك كنتي عايشة لوحدك بقالك فترة كبيرة لكن ربنا كبير وخلاكي تلاقي سليم  أخوكي ووالده اللي ربنا عوضك بيهم عن أهلك .. 

هنا قصي بدأ يفهم كتير عن ملامح حياة مرام السابقة وعرف إنها لما طلبوا منها تغير شكلها معترضتش ودا لأن كل عزيز في حياتها مات فمبقاش يفرق معاها حاجة فقرر إنه هو اللي يكونلها الأب والأهل والمعلم والحبيب كمان وبسرعة لقى نفسه بيحط إيده على كتفها وبيقول للواء 

_ ينفع تطلبها وهي متجوزة أصلاً ياسيادة اللواء .. 

اللواء 

_ إيه مرام قالتلي إنكم خلاص هتنفصلوا ..

قصي

_ لا لا سيبك من اللي هي بتقوله المهم أنا أقول إيه ..

مرام رفعت حاجبها 

_نعم 

قصي بحزم

_ ولا كلمة لازم تسمعي كلام جوزك ياهانم ..

مرام بصت للواء

 _ بيقول إيه المعتوه دا ..

قصي مدعي الحدة 

_ بتقولي على جوزك معتوه وقدام الناس كمان طب صبرك عليا يازوجتي المصون ..

مرام بإستغراب 

_ سيادة اللواء أنا مش فاهمة حاجة .. 

هنا ادخلت ام قصي وقال بإبتسامة 

_ يعني ماوحشتكيش القعدة معانا.. طب أنا موحشتكيش دا أنا كنت بعتبرك زي بنتي ومازلت وقصي إبني شاريكي قلتي إيه يامرام ..

مرام بحرج

_ والله ياطنط حضرتك احرجتيني بكلامك الجميل بس أنا يعني.. أكيد محتاجة وقت أفكر .. 

قصي

_ فكري براحتك لكن طلاق مش هطلق ..

حنان

_ تمام ياحبيبتي خدوا فترة كتب الكتاب واتعرفوا على بعض أكتر وأنا متأكدة إنكم هترتاحوا لبعض .. 

مرام مكانتش تنكر إنها من أول مرة شافته وهي معجبة بيه لكنها كانت مفكرة إنه اتجوزها علشان المهمة وبس علشان كدا كانت بتطلب منه الإنفصال 

فاقت من شرودها فلقت قصي مقرب عليها وبيعطيها حاجة لونها بني مرام

_ إيه دا 

_ زي ما إنتي شايفة نقاب ..

_ نعم نقاب ..

_ اه طبعا وهتدخلي التويلت وتلبسيه حالاً أنا من اللحظة دي مش هسمح لحد إنه يلمحك بس بطرف عينه لأني في الوقت دا مش هكون ضامن رد فعلي هيكون إيه خايف أمسك في زمارة رقبته أقضي فيه على مستقبلي المهنى وأروح فيه في أبو حديد  ..

ضحكت مرام وقال 

_ نقاب ياقصي مع شغلي صعب طب خليها حجاب بس .. 

_ يعني موافقة تلبسي الحجاب ..

_ أكيد طبعاً إيه اللي هيخليني أرفض طالما إنه شرع ربنا .. وربنا يارب يغفرلي تقصيري في اللي فات ..

إبتسملها قصي وكان فرحان بيها

فشدها من إيدها ودخل معاها التويلت 

فقالت وهي مبرقة

 _ يخربيت شيطانك دا حمام السيدات ..

قال وهو تايه في عيونها

_ مش مهم المهم إن محدش هيظبطلك حجابك ويكون شاهد على  ولادة مرام جديدة غيري .. 

لما لبسها حجابها إبتسم وقال بحب وهو بيبوسها مابين عينيها

 _ مبارك عليكي الحجاب ياحبيبتي .. 

أحاسيس كتير مختلفة ومتلخبطة اجتاحتها في اللحظة دي فتاهت في عينيه هو كمان 

دخلت سمر اللي أول ماشافت قصي انصعقت 

_ أبيه قصي حضرتك بتعمل ايها في حمام السيدات ..

قال قصي بغيظ 

_ وهو دا وقتك ياسمر وشد مرام وخرج ..

تمت