رواية جديدة قلب عاشق لسحر خالد - الفصل 2
قراءة رواية جديدة قلب عاشق
تنشر حصريًا على مدونة رواية وحكاية
قبل أي منصة أخرى
رواية قلب عاشق
رواية جديدة قيد النشر
من قصص و روايات
الكاتبة سحر خالد
الفصل الثاني
" عـايـزك "
كلمه دخلت الرعب في قلبها مش عارفه تعمل ايه..!!؟ بصت لابنها بسرعه، هي دي وسيله الانقاذ الوحيده وهي بتقول بتوتر...
اصل زين ممكن يقوم بالليل ويكون عايزني ومش هبقى موجوده خليني معاه هنا النهارده احسن..
بصلها هو، وهو عارف انها بتقول اي كلام عشان تبعد عني زي كل مره..
قرب منها خلاها ترتعب مش عارفه تقول ايه او تبعد تروح فين هي اصلا راقده على السرير بصلها وهو بيقول...
قومي معايا احسن لك بدل ما اصحي ابنك واوريها اعمل فيك ايه..
فتحت عيونها بصدمه برعب وخوف وقلبها بينبض كان خلاص هيوقع وصمت في الاوضه لحد ما هو اتكلم تاني...
هروح دقيقه واحده تكون ورايا..
قال كده وطلع من الاوضه وسابها في دوامه من الخوف والرعب مسيطره عليها...
بعد دقائق كانت بتدخل اوضه نومها هي وعمر وقلبها بيدق بخوف، كل مره بتدخل الاوضه دي تبقى حاسه انها بتتخنق اكثر واكثر وبتموت بالبطيء..
قام عمر اول ما شافها من على السرير وقرب منها وحضنها، ارتعش جسمها من لمسته بصلها هو بضيق بعد ما بعد وهو بيقول...
انا مش عارف انتي ليه كل مره بتحسسيني اني هاذيك او دي اول مره بينا انا بحبك يا همس عايزك تحبني انتي كمان لو مش عشاني يبقى عشان زين زين ده نتيجه حبي ليكي..
بصت هي بقهري ليه وكره الدنيا وهي بتقول او بتصحح كلامه...
قصدك زين اللي جه نتيجه اغتـ ـصابك ليا مش حبك ابدا...
قالت كده بصلها هو بغضب ليه هي مصره دايما تبعد عنه ليه مسك ايديها بغضب وهو بيقول...
يظهر ان الكلام الحلو مابيجيبش نتيجه معاكي مافيش الا المعامله الوحشه والضرب هي اللي بتنفع هو انتي فاكره ان لما بقول بحبك كده انا ممكن اكون ضعيف او اخليك تبعدي ده مستحيل..
همس بوجع...
ابعد عني انت ليه مش عايز تفهم انا مش بحبك خمس سنين عيشني معاك غصب عني افهم بقى انا مش بحبك وعايزه ابعد..
رماها على السرير بغضب وهو بيقلع الحزام بتاعه وبيقول...
حاضر هنفذ لكي اللي انتي عايزاه بس على موتي اقتليني الاول وبعد كده ابعدي حتى الموت مش هيفرقنا عنك...
قال كده ونازل عليها بالضـ ـرب وسط صرختها وهو مش فارق معاه كل اللي شايفه قدامه ان هي عايزه تبعد ان هي مش بتحبه بيضربها بجنون مش شايف قدامه غير لو بعدت عنه هيعمل ايه..!!؟؟
❈-❈-❈
بعد شويه كان قاعد هو ببرود تام على السرير بيشرب سجاير بعد ما اخذ حقه منها بكل قـ ـسوه وغتصـ ـبها ..
اما هي كانت على الطرف التاني من السرير بتبص قدامها بشرود..
رن تليفونه وكان البنت اللي متجوزها في السر قام خرج البلكونه يتكلم..
اما هي فقامت دخلت الحمام وهي بتجر نفسها مش قادره تمشي من تعب روحها وجسـ ـمها لامتى هيستمر كل اللي بيحصل بتتمنى ان كل ده يكون كابوس كابوس مزعج وتقوم منه...
دخلت الحمام وقفلت الباب، وانفجرت بعدها في نوبه من العياط مش قادره تسيطر على دموعها خلاص تعبت بتتمنى تخلص منه..
بتفكر ساعات لو تقتل نفسها وترتاح بس بتتراجع بسرعه وهي عارفه انه حرام ومش عايزه تسيب ابنها معاه يطلع نفس الشخصيه في المستقبل شخصيه مريضه قعدت تعيط كتير بتتمنى حد يساعدها..
بس مين..!!؟
❈-❈-❈
كان عمران واقف في مكان قديم شبه المخزن وقدامه واحد مرمي على الارض مش قادر يقوم من كتر الضرب اللي خده وحواليه شويه حراس..
بص عمران للتليفون اللي بين ايديه وهو بيقول ببرود...
دي كل الصور اللي معاك ولا في حاجه تانيه...
ضرب الحارس الشاب اللي كان مرمي على الارض وهو بيقول....
ما ترد على البيه ياض...
صرخ الشاب برعب وقال....
والله ما في حاجه تانيه والله هي دي كل الصور وهو ده التليفون الوحيد اللي معايا...
هز عمران راسه ومسح كل الصور من على الفون وكسره 100 حته وبص لحرس وهو بيقول...
روقوا عليه مش عايزه يخرج من هنا في حته سليمه وبعد كده رموه قدام اي مستشفى حكومي وعرفوه ان لو شفت خلقته في اي مكان تاني او سمعت بس مجرد اسمه مش هيبقى في تكسير عظام ولا حاجه لانه مش هيلحق يسمع ولا عضمه منه بتتكسر هيموت على طول....
قال كده وخرج من المخزن ببرود تليفونه رن، رد وكان بيجاد اللي قال بلهفه...
عمران عملت ايه في الموضوع اللي قلت لك عليه..
هز عمران راسه وهو بيقول....
يا ابني، كل يوم تتصل تسال نفس السؤال لسه والله بجد بدور الموضوع صعب خصوصا اني بدور باسمها بس انا مش عارف ازاي كانت معاك في الجامعه وازاي ما تعرفش غير اسمها...
قعد بيجاد على المكتب تاني بخيبه امل وهو بيقول بياس.......
يعني مالقيتهاش ولا عرفت اي حاجه خالص...
عمران.....
ماتقلقش يا سيدي انا رحت الجامعه من يومين وحاولت ادور على اسمها بين الدفعه اللي كانت من خمس سنين..
بس المشكله اني مش لاقي اسمها خالص كانها مادخلتش الجامعه اصلا في الوقت اللي انت بتقول عليه ده..
بس ماتياسش يا صاحبي معاك وهدور عليها وان شاء الله هلاقيها في اقرب وقت.....
هز بيجاد راسه وهو بيقول.....
نفسي نفسي الاقيها بجد...
رد عمران عليه هو مش عارف يعمل ايه عشان ابن عمه وصاحبه بيحاول يساعده بكل الطرق بس للاسف مش عارف ساله بحيره....
بس انا عايز اسالك سؤال انت ليه مادورتش عليها من خمس سنين ليه فجاه اتصلت بيا من شهر وعايز تدور عليها كانك كنت ناسيها وافتكرتها دلوقتي.......
اتنفس بيجاد بياس وهو بيقول.....
عمري عمري مانسيتها و لو لحظه واحده كل يوم وكل لحظه وكل ساعه فاكرها بس كنت غبي صدقت كلام حد زمان...
صدقت انها ممكن تخوني وسبتها ومشيت من غير مااقول لها ولا كلمه حتى...
وفجاه بعد الخمس سنين عشتهم في كدب وخداع اكتشف العكس وان همس عمرها ماخانتني يا ترى هي فين دلوقتي مش عارف..!!؟
❈-❈-❈
في مكان تاني وبعد ما مر يومين كانت قاعده همس في اوضتها فجاه رن تليفونها مسكته كانت صاحبتها هدير ردت همس بصوت حزين....
الو هدير عامله ايه...
هدير....
الحمد لله يا ست اخيرا لقيت اللي انتي بتدوري عليه....
ابتسمت همس ووشها رد لونه والامل تاني وهي بتقول......
بجد بجد لقيتي اللي قلتلك عليه انا مش مصدقه
هدير بفرح عشان صاحبتها ردت وقالت.....
ايوه يا ستي لقيت كل حاجه ماتقلقيش انا راجعه من السفر خلال يومين وهاجي ومعايا كل التفاصيل اللي انتي عايزاها....
دموع همس نزلت وهي بتغمض عينيها اخيرا اخيرا هتخلص من الحياه دي اخيرا...
وقالت......
بجد يا هدير انا مش مصدقه خمس سنين بدور خمس سنين مافقتش الامل ولا لحظه خمس سنين عايشه على امل ان في لحظه هلاقيه وهيجي وينقذني من العيشه دي اخيرا اخيرا مش مصدقه نفسي.....
هدير بابتسامه حزن عشان صاحبتها ردت وقالت.....
انتي تعبتي كتير واتحملت كتير خلاص انا الاواني انك ترتاحي كل حاجه هتبقى كويسه ماتقلقيش...
❈-❈-❈
مره يومين وفي الصباح كانت تجلس همس لا تعلم تشعر بالقلق والخوف والفرحه والامل في نفس الوقت تتمنى ان يتم الموضوع هذه المره وتعود هدير ومعها الاخبار الصحيحه وتتحرر هي من سجن عمر لها....
كانت قاعده جنب التليفون بقلب، بنبض فجاه حست بالخوف اما عمر نادى عليها قامت تشوفه، عايز ايه بس قبل ما تدخل الاوضه فجاه كان بيتكلم في التليفون وهو بيتفق مع واحده تقريبا وبيقول...
خلاص خلاص يا دينا هشوفك النهارده مش محتاجه احلف انا قلت هشوفك يبقى هشوفك خلاص سلام بقى على الساعه 8 كده...
رجعت همس لورا خطوتين وهي مش قادره تصدق يعني بعد كل الوجع ده والعيشه اللي هي عايشاها معايا كمان بيخونها....!!؟
مر الوقت ببطء فجاه خرج عمر وهو بيقول....
انا خارج مش هاخر مش محتاجه اقول ان باب الشقه مايتفتحش لاي حد...
قال كده وخرج من غير مايقول حاجه تانيه بس همس خرجت بعديه بسرعه وركبت عربيتها ومعاها ابنها زين ومشيت ورا عمر دقائق ووصل عمر قدام بيت نزل من العربيه...
باب البيت انفتح وخرجت البنت ورمت نفسها بين احضانه بسعاده وهي بتضحك شافت كده همس ودموعها نزلت....
دخلت البنت البيت ومعاها عمر بعد لحظات نزلت همس من العربيه رنت الجرس فجاه فتحت الشغاله بصيتلها باستغراب وهي بتقول....
انتي مين....
زقيتها همس ودخلت لجوه عايزه تعرف عمر انها عرفت
و انها خلاص هتتحرر من السجن بتاعه...
دخلت وياريتها ما دخلت لقيته في وضع مش كويس بص عمر اللي فتح الباب وكانت صدمه كبيره ليه وهو بيهمس باسمها...
هـمــس.!؟
بصيت همس بقرف وهي بتقول....
انا ماجيتش عشان زعلانه عليك ولا عشان عايزه اعرف هي مين...!!!
انا جيت بس عشان اعرفك ان خلاص هتحرر من قرفك خلاص مش عايزاك في حياتي عايزاك بس تنسى واحده اسمها همس تنسى انك كنت تعرفها في يوم...
بصيت تاني بقرف وخرجت من البيت كله ركبت عربيتها مع ابنها زين ودموعها نزلت ومشيت من قدام البيت بسرعه.....
قربت دينا بسعاده من عمر لانها اخيرا هتخلص من همس وهي بتقول...
ولا يهمك يا حبيبي في داهيه...
زقها عمر بسرعه ونازل لبس هدومه وركب عربيته بجنون ورا همس راح بسرعه بيتهم بس مالقيهاش..
هنا نزل بسرعه وراح بيت مامتها واخوها وهو عارف انها اكيد هناك بس للاسف مش هناك برده وشكلها فعلا هتنفذ تهديدها المره دي وهتهرب من سجنه حط ايده في شعره بجنون وهو بيردد....
هلاقيها هلاقيها...
❈-❈-❈
وصلت همس بعد مده بيت صاحبتها هدير اللي كلمتها وقالت لها انها خارجه من المطار وقالت على مكان المفتاح..
دخلت همس البيت، بعد مده قصيره من دخول همس لبيت هدير وصلت هدير سلمت عليها بحب واشتياق وبعد سلامات قعدت وهي بتقول....
بصي يا ستي اهي كل العناوين بتاعته بره ودي كل اسماء وسائل التواصل اتكلمي معاه ابعتي اللي انتي عايزاه وهو اكيد هيساعدك مش هيرفض....
مسكت همس الورقه بقلب بيدق....
في نفس التوقيت كان قاعد بيجاد في مكتبه فجاه دخل البوليس عليه قام بيجاد وهو بيقول.....
ايه اللي بيحصل هنا وازاي تدخلوا من غير اذن....
الظابط....
في اخباريه جات لينا ان المستشفى هنا بتعمل عمليات مش كويسه وبتاخد اعضاء من الناس وفي ناس فعلا اشتكت على المستشفى وعليك انت شخصيا...
بص بيجاد بغضب وهو بيقول...
الكلام ده اكيد غلط مافيش اي حاجه من الكلام ده بيحصل هنا مسك تليفونه واتصل بالمحامي وبعمران اللي اطمنه وقال....
ماتقلقش يا بيجاد انا هركب اول طياره واجيلك فورا اكيد في حد بيلعب وعايز يوقعك ماتقلقش....
الظابط لابيجاد.....
ممكن تيجي معانا بهدوء...
هز بيجاد راسه وقبل ماالظابط يمد ايده رفع هو ايده في وشي وهو بيقول.....
مش بيجاد الدمنهوري اللي تمسكه وتاخده معاك القسم بالطريقه دي زي المجرمين انا هروح بالعربيه بتاعتي...
لسه الظابط هيعترض بس نظرات بيجاد.. خليته يتراجع وهو بيقول....
خلاص هخلي حد معك في العربيه...
قال كده وطلعوا من المستشفى...
❈-❈-❈
في قسم الشرطه قاعد بيجاد على كرسي وهو بيبص للظابط قدامه وبيقول بنفي....
كل حاجه قلتها دلوقتي ملهاش عندي اي لازمه مافيش حاجه تثبت ان ده بيحصل عندي معنى كده ان انا بريء وان وجوده هنا ملهوش اي لازمه...
هز الظابط راسه بنفي وهو بيقول.....
ازاي بقى، والشهود اللي بره..!؟
بيجاد بقوه.....
الشهوده اللي بره دي مالهاش اي لازمه اثبت ان هم كانوا عندي في المستشفى اصلا..
ولو كانوا عندي اثبت ان انا عملت لهم اي عمليه انا مش دكتور صغير عشان تتهمني اتهام زي ده قبل ماتتهم اي حد المفروض يبقى معاك اثباتات قويه على كلامك...
الظابط.......
ازاي مش معايا طيب والدكتوره اللي شغاله عندك في المستشفى وليها اسهم في المستشفى وشهدت ان انت اللي عملت العمليات دي كلها للناس دي..!؟
استغرب بيجاد مين ممكن يكون عنده يشهد ضده بشهاده مش صحيحه وهو بيسال....
مين الدكتوره دي..!!؟
الباب اتفتح في الوقت ده ودخلت جيهان بقوه وهي بتقول بثبات رغم خوفها من بيجاد.....
انا يا بيجاد انا اللي شهدت انك عملت العمليات دي كلها وانك متورط في عمليات مشبوهه وعملت كده واذيت ناس كتير....
هنا تقابلت عيونهم في نظره طويله...
نظره توتر وعدم تصديق نظرات من جيهان اللي بتبين قويه من بره بس هي هتموت من الرعب عايزه تنتقم بس خايفه.
لا بيجاد يعمل فيها حاجه بعد اللي عملته ده واللي عارفه ومتاكده ان هو مش هيمر بسلام ابدا...
و بيجاد اللي عيونه، بتطلع شرار نفسه يقوم يخنقها عايزة تنتقم منه عشان هيسيبها بس غلطتها المره دي مش مغفوره ابدا...
غلطه كبيره عايزه تاذيه في شغله واللي عارفه ومتاكده ان شغله ده اهم حاجه في حياته...
يتبع
إلى حين نشر الفصل الجديد للكاتبة سحر خالد لا تنسى قراءة روايات و قصص أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
