إيه أكتر رواية قريبة لقلبك ؟
وهل أنتى اقتبستى من حياتك اى قصة ووضعتيها فى رواية قبل كده ؟

كان حلمك تكونى كاتبة ؟ وليه مدرستيش حاجة متعلقة بمجال الكتابة؟

هل وضعك لقصة مالك مع نرمين ليها مغزى معين ؟ وهل دا كان ابتلاء ليها
نفترض انها كملت مع مازن ومكنش خانها هل حياتهم هتكون ناجحة ؟

ليه فى رواية لاجلك نبض قلبي مخلتيش خديجة تسيب عمر رغم ان كانت علاقتهم توكسك وهو دايما يسئ التصرف معاها حتى بعد الجواز شك فيها أكيد اللى حصله مش شوية من تعذيب لكن ليه خديجة تتحمل دا كان ممكن تكمل مع أمير وتحبه ليه دايما البطلة بتختار اللى يعذبها مش اللى يقدرها ويحترمها ويحتويها ؟
وبالنهاية بقولك تسلم ايدك يا مبدعة بالتوفيق ❤

ناوية على ايه مع مازن وجنى

ياتري اختيارك للشخصيات بيكون بناء علي اي؟ هل قابلتي الشخصيات دي في الحقيقه ولا دول من تفكيرك انتي؟

ليه دايما البطلة والبطل لازم يحبهم كل اللى فى الرواية ويكون محط إعجاب من الرجالة والستات يعنى مثلا البطلة لازن نلاقي كل رجالة الرواية بيحبوها ومعجبين بيها زى مثلا ياسمين أعجب بيها ياسين وشادى كان بيحبها وطبعا فارس أعجب بيها من اول نظرة واى راجل يقابلها فى الشغل وكذلك خديجة كان بيحبها عدى وأمير وعمر وصاحب الفندق عجبته ورجل الأعمال إللى شافها فى العيد ميلاد وراح طلبها على طول وبالنسبة الرجالة برضو لازم تحبوا ستات الرواية زى فارس اللى حبوه بيرى وعاليا وكارما وصاحبتها روزان وطبعا ياسمين وغير اللى كان على علاقة بينهم وعمر كانت لوجى مهووسة بيه وبعدين نهى وخديجة أكيد والروسية اللى كان على علاقة بيها واى أجنبية دا حتى مدرسة أبنه اول ما شافته أعجبت بيه خاصة انه شكله مكنش جذاب للدرجادى ( ومش هنتكلم عن سيف ولا سليم لأنهم نفس الحكاية)مش حاسة ان الجزئية دى افور شوية ؟ ومبتذلة وبتقلل من روعة القصة ومبتذلة وأنتى المفروض رواياتك واقعية ؟ وبعدين أيه المغزى من كده أصلا وليه دا بيتكرر فى كل رواية ايه مقصدك من دا ؟ وبصراحة رغم جمال رواياتك لكن دى اكتر حتة بتستفزنى موت
وربنا يوفقك دايما ❤

ماهي أقرب روايتك ل قلبك ؟؟
ما هي اكتر روايه اخدت منك مجهود ؟
اكتر شخصيه تعبتك زهنيا ؟؟
اه روايه جديده بعد طمس الهويه و نابغه؟؟
اذاي بتوفقي بين الكتابه وحياتك الشخصيه وهل بتتأثري ب الشخصيات ؟؟
الكتابه غيرت ايه في اسماء
من هو كاتبك المفضل ؟
ما هي الروايه المفضله عندك غير رواياتط

بصي انا بحبك جدا وبدعيلك دايما بالتوفيق
ومش هسألك ناويه علي ايه في روضتني عشان مش بحب حرق الأحداث
رواية سجينتي الحسناء نفسي تعمليها جزء تاني
هل في أي رواية من روايتك فيها جزء حقيقي أو قصتها كلها حقيقة ولو فيه اي هي للرواية دي

معظم الاسئلة الليكنت هسألها في الكومنتات سألوها بس تمام نقول الباقي اولا بما انك قولتي ممكن اسألة شخصية ف انا الي حببني ف الروايات اصلا هو فضولي تجاه الناس شخصياتهم وحياتهم ف بما انك من الكاتبات اللي بشوفهم بيتكلموا ف حاجات مثيرة للجدل شوية 😂 ف بالتالي عاوزة اعرف شخصيتك انتيبقى عاملة ازاي والافكار دي عن الروايات بتجيلك منين يعني فكرة جواز جنى ومازن الباطل وانها لسة مرات شادي انا بجد تنحت فيها اللي هو دا ممكن يكون بجد ف الفكرة دي بقى جاتلك ازاي ونرجع نكمل ف الاسئلة الشخصية فضولي فظيع اني اعرف بتشتغلي ايه وغير كده ذعني تفاصيل عنك وعن حياتك طبعا للحد المسموح بيه اللي انتي عاوزه تقوليه يعني
رواية سجينتي شوفت كتير علقوا ع انه فيه جزء تاني وانا من الناس اللي شايفة انها فعلا محتاجة تكملة يعني حرام سيف ودارين اتبهدلوا كتير وغير كده الاختلافات اللي بينهم عاوزين نشوف هيتعاملوا معاها ازاي بعد كده ف شكل الحياة الطبيعي
بس عندي تعليق ع سيف واسلوبه مع دارين ع اوقات كتير كنت بتدايق منه يعني ايوة هو حنين ورقيق ومراعيبس لما بيقلب بيبقى وحش اوي وابوها برده كان بيتحامل عليها اوي
سؤالي انتي اصلا لما نهيتي …

ماشاء الله عليكي كل رواياتك رائعة ومختلفة من حيث الفكرة والابداع انتى كاتبة متمكنه واتمنى لك التالق والنجاح. سؤالى هو ليه البطلة دايما ضعيفة قصاد قوة الرجل وجبروته يعنى شخصية ياسمين كانت بتسكت لمراة عمها ومجبورة على الاهانه منها غير رضوخها لفارس لحد ماتسبب فى عقدة نفسية ليها واتنزلت عن كرامتها عشانه. نفس النظام خديجة مع عمر وبهدلته ليها وخيانته وجوازه عليها من نهى.

انا عارفه أن عندك بنوتات ربنا يحفظهم عايزه اعرف بتتعاملي معاهم ازاي بخصوص رواياتك
بتخليهم يقرءو ويقولوا رأيهم ؟ وممكن اعرف مجال شغلك لانك ماشاءالله عندك خلفيه ف مجالات
كتير ودا ملاحظه من خلال اسلوبك في الروايات
روايه سجينتي الحسناء اتمني يكون ليها جزء تاني لسه عايزه اشوف سيف ودارين في تفاصيل كتير

انتي بتشتغلي ايه يا سمسم بيأخرك كده علينا ف تنزيل الحلقات

عندك كام سنة وهل انتي متجوزة وعندك اولاد

ايه رد فعل اهلك واللي حواليكي لما بيقرأوا ويكون فيه مشاهد يعني +18 مش بتكوني مكسوفة شويتين بصراحه

مش حسأل عن الروايات ولا الشخصيات عشان شفت البنات قايمين بالواجب دا اني سؤالي شخصي شوية مممن متجاوبيش عادي يعني 😂 اولاً انا بخبك بحبك بحبك 🤍🫶🏼 السؤال …. انتي عندك كم سنة ؟ ومتزوجه ان لا!؟ وهل انتي موظفه بتشتغلي بمكان او كنتي بتشتغلي بمكان سابقاً ؟ بتمنالك كل التوفيق ياقمر انتي مبدعه واستمري دوماُ في الابداع 🫂🤎

ازيك يا سمسم . بحس من شكل البرفايل انك شغاله في المحال الرياضي زي مدربه في جيم أو زومبا بقة .
حابه اسالك
زي فيلم خلي بالك من زوزو
من انتِ؟
حابه اعرف اية اقرب شخصية نسائيه قريبه لقلبك
انتي كتبتيها و اكتر شخصية نسائيه قرائتي عنها و اتمنيتي انك
انتي اللي تكتبيها
اية الروايه اللي قريتها و هزتك جدااا

اولا انا بحبك وبحب انك مبدعة وعندك دايما افكار جديدة وغير مكررة ومش بتقلدى حد وبدعيلك بالتوفيق وربنا ييسرلك أمورك بس حابة أسأل فى نقطة مهمة ليه شخصية البنت المحجبة بتتذكر بالشكل دا فى الرواية بمعنى خديجة محجبة بس تعاملها مع الرجالة بتحرر ومش بحدود يعنى كانت بتكلم عدى على التليفون وتهزر معاه عادى وشايفة اتهم اصدقاء ولما راحت تعيش معاهم ولما اتعرفت على أمير كمان بتتعامل معاه بأريحية وهزار ومفيش اى حدود نهائى ودلوقتي نرمين لسه متحجبة بس معندهاش مشكلة انها تركب مع راجل غريب العربية ودى تعتبر خلوة بس هنقول انها لسه مش عارفة حجات كتير لكن اللى اقصده ان ليه الفكرة اللى بتوصل ان البنت المحجبة مجرد لابسة لبس بس يسترها إنما متحررة فى تعاملاتها فممكن تسلم على رجالة عادى وتتكلم معاهم وتهزر براحتها وتتاخذهم صحاب ودا المفروض حرام فبجد نفسى الفكرة دى تتغير لازم البنات تعرف انه أنتى كمسلمة محجبة مش مجرد لبس تلبسيه وخلاص لا الحجاب لازن يكون فى أخلاقك وتعاملك ومينفعش تبقى رقيقة مع الرجالة الاغراب أو تركبى معاهم عادى ولا تهزرى أو تتكلمى كلام مش ضرورى
بس دا اللى كنت حابة اقوله ويارب مكونش ضايقتك وربنا ي…

ايه رائ زوجك فى اللى بتكتبيه وهل بتحبى تاخدى رأيه فى رواياتك؟ وبيدعمك فى الكتابة ولا لا؟

ايه أكتر بطلة قريبة من شخصيتك فى الحقيقة وشايفة انها بتمثلك وفيها منك كتير ؟

ايه اكتر شخصية أو مشهد وأنتى بتكتبيه عيطتى كتير واتعاطفتى معاه اوى ؟


ايه اكتر شخصية فى رواياتك متناقضة وتعبتك فى كتابتها؟

وسؤال شخصى وبراحتك انك متجاوبيش عادى هل أنتى اقتبستى اى صفة من جوزك وحطتيها فى بطل من أبطالك؟

وهل نماذج الرجالة اللى فى رواياتك شيفاها موجودة فى الواقع كتير ؟ أو أنتى تعرفيهم أو قابلتيهم فى حياتك ؟

ايه اكتر صفة بتحبيها فى نفسك ؟ واكتر حاجة مش بتحبيها فيكى وعايزة تغيريها؟

بتحبى الصداقة؟ وليكى أصدقاء حساهم نعمة فى حياتك ؟

من البطل اللى شيفاه هو دا حلم كل بنت من حيث الشخصية والاسلوب فى أبطالك؟

سؤال برامج بقى من نفسى 😂😂 اسماء الكاتبة غيرت ايه او ضافت ايه لاسماء الانسانة ؟

ايه اكتر حاجة فى شخصيتك شيفاها ميزة ونعمة ربنا أنعم عليكى بيها دون عن الناس ؟

من وجهة نظرك الزواج قرار جميل وحلو ولا متعب حتى لو الإنسان اللى هتتجوزيه كويس ؟ هل جتلك فكرة ان الإنسان اللى بتحبيه ممكن يتحول بعد الجواز ودا خوفك ؟


رأيك ايه فى الصحوبية أو الصداقة بين الولد والبنت ؟

هل أنتى شايفة ان الجواز لازم يكون قبله قصة حب ٥ أو ٧ سنين كده وهيبقى ناجح بعد كل التجاوزات اللى ممكن تحصل ؟ ولا الزواج الشرعى أفضل والراجل يدخل البيت من بابه ويلتزموا بالضوابط ؟ والحب فى الجو دا ممكن يتبنى واحدة واحدة ؟

ايه وجهة نظرك من النسوية ؟ وتنصحى البنات اللى بتتبع الأفكار دى بإيه؟

ايه أكتر حاجة ساعدتك تكونى متمكنة فى الكتابة و يكون عندك فكر مبدع؟

ايه الهدف اللى انتى بتكتبى علشانه ؟ و ايه هدفك الاول من رواياتك هل المتعة بس ولا التوعية كمان ؟

السلام عليكم ورحمة الله وبركاته
اول حاجة انا مبسوطة بالفكرة المبتكرة دى وشابو لصاحبة الفكرة بجد حاجة جميلة انك تعملوا بودكاست ويكون فى تواصل اكتر بين القارئ والكاتب المفضل ليه وكمان الكاتب يعرف قرائه حابين يعرفوا عنه ايه ونقرب المسافات ❤ ومبسوطة اكتر ان كاتبتنا المفضلة هى اللى طلبت مننا بنفسها اننا نسألها الأسئلة اللى حابينها بدل ما نسأل من غير ما تسمح ويكون تطفل منا فدى فكرة لطيفة اوى ❤ وبتعمل علاقة حلوة بين الكاتب ومتابعينه اللى بقوا عيلته التانية خلاص 🥰



تانى حاجة انا بحب حضرتك وبدأت قراءة ليكى السنة اللى فاتت وكانت بالصدفة وانا بدور على رواية وطلعتلى رواية ترويض الفهد فشدتنى واندمجت فيها ونسيت انا كنت بدور على ايه أصلا وبعدها اتعرفت على باقى رواياتك وتابعتك وبستناكى ❤

وعايزة اقولك انا حبيت اوى رواية نابغة بعصر الاغبياء لأنها مختلفة عن باقى رواياتك وفكرتها حلوة اوى وتشد وكمان لانى قرأة قبل كده قصة دورثى لويز وحبيت سردك للقصة وعمتليلها روح كده بسردك للأحداث والحوار باللغة العربية ❤
وحابة انك تكمليها لانى اتعلقت بيها وعشان انا مهتمة بالقصة اللى زى دى والحجات التاريخية فيارب تكمليها …

ازيك يا سمسم يا قمر يارب تكونى بخير ❤
ونبدأ مع بعض فقرة الأسئلة الثوعبانية ����

بتحبى الطبخ ولا لا وشاطرة فيه ولا زيي كده ����؟

ايه اكتر اكلة بتحبيها ولون بتحبيه وبتحبى تلبسيه فى الهدوم ؟
مين البيست فرند بتاعتك؟

فى رأيك ايه اللى يخلى الصداقة صحية ؟ وازاى تختارى صديقة تحبك وتخاف عليكى ؟
وازاى تختارى زوج صالح وأب صالح لاولادك؟

مصاحبة ولادك؟

٦ نصايح من واقع خبرتشك فى الحياة توجهيهم لكل بنت

ايه نوع الكتب اللى بتقريها يعنى مثلا بتقرى كتب تطوير ذات ولا تاريخ ولا دينى ولا ساخرة ولا ايه
وفى الروايات ايه اكتر نوع بتحبيه ( اجتماعية _ رو
مانسية _ اكشن _ فانتازيا _ مافيا)

ياسو شايفة ان الثقافة الدينية مهمة ولا لا ؟
وبس كده دى أسألتى حلوة ولا ملتوتة ����

بصى انا هسأل أسئلة مختلفة وملهاش علاقة ببعض ويارب مفيش سؤال يضايقك

اول حاجة هو ان الكاتب يشارك حاجة خاصة مع قرائه دى حاجة حلوة وايجابية ولا بتفتح علبه باب الفضول ومن الأفضل ميقولش حاجة ؟

ايه هو مشروبك المفضل يا ياسو ( البارد والسخن )

الشخص المفضل عندك وبتحبى تفضفضى معاه ؟

ايه أفضل روايات قرأتيها واتباد واستمتعتى بيها جدا وفادتك ؟

ايه مقومات الكاتب الناجح ؟

ايه العناصر اللى بتخلى الرواية تنجح وتبقى معروفة والناس تحبها ؟
بوجهة نظرك ليه الجانب الدينى مبيبقاش موجود فى الروايات والكاتبات بتغفل عنه الا قليل منهن؟ هل هم شايفين لما الرواية تكون زى الأفلام الاجنبى ومفيهاش حاجة تدل على أن الابطال دول مسلمين هتكون ناجحة أكتر؟

بتضايقى من النقد والنقاش فى رواياتك ؟

وبس كده يارب اكون سألت أسئلة خفيفة وسلسلة وربنا يوفقك ويكرمك فى حياتك يا جميلة ❤❤❤

مسا مسا على الناس الكويسة 😂❤

السؤال الأول: لو حد حابب ينشر روايته ورقى تنصحيه بايه عشان يعرف يعمل دا ؟

السؤال الثانى : كلام او عبارات معينة والدك قالها ليكى وفادتك جدا فى حياتك سواء الشخصية أو العملية ؟


السؤال الثالث : سؤال حساس شوية بس عايزة اعرف إجابته عشان حصل معايا وهو هل حصل معاكى قبا كده انك فقدتى شخص عزيز عليكى واتصرفتى ساعتها إزاى؟ والواحد يعمل ايه عشان يقدر يعيش طبيعى تانى؟


السؤال الرابع: أكتر نصيحة مامتك قالتها ليكى وأثرث فى شخصيتك جدا ؟

السؤال الخامس : استايلك المفضل فى اللبس عموما وفى الحجاب خصوصا ؟


السؤال الخامس : حيوانك المفضل ؟ وبتحبى تربى حيوانات فى البيت ولا لا ؟

كفاية كده دول خمس أسئلة لطاف خالص اهم
بحبك جدا يا سوسو 😘❤❤❤

قول مأثور او عبارة فى كتاب أو رواية بتحبيه اوى وماشية بيه فى حياتك ؟

كلمة دايما بتكرريها فى كلامك مع اى حد ؟

مبدأ ماشيه بيه فى حياتك ومتغيرش لحد دلوقتي؟

هل بتضايقى من الشخصية الثرثارة أو الزنانة؟

ايه اكتر صفة بتحسيها بشعة لو موجودة فى ست ؟

لخصى حياتك فى جملة ؟

هل تقدرى تلخصى كل عمل كتبتيه فى عبارة ؟

كتابتك لشخصية هدى هل لأنها منتشرة فى المجتمع ولا لأنها موجودة فى حياتك أنتى بالأخص؟

شخصيات زى مالك وأنس دول حقيقين؟

وفى النهاية حابة اقولك استمرى ودمتى مبدعة يا سوما يا قمر ❤❤❤

ايه اكتر بطل بتكرهيه من أبطالك ؟

ليه نهيتى قصة لوجى وعز الدين النهاية دى ؟ شايفة ان هى دى النهاية العادلة واللى تستحقها ؟

بحس ان شخصية لوجى وعاليا وبنت خال سيف فيهم حجات مشتركة من بعض زى الهوس بشخصية البطل هى الشخصيات دى بجد أو أنتى قابلتى شخصيات زى دى ؟

حجات إيجابية اتعلمتيها من زوجك وممتنة انك اتعلمتيها منه ؟


ايه القيم اللى بتحبى تغرسيها فى أولادك؟ وليه؟


ليه بحسك من خلال السرد والأحداث بتخلى البطل منتصر بشكل أو بأخر على البطلة حتى لو غلطان ولازم يرجعوا فى الاخر أو هى تصالحه يعنى ليه الابطال بالجبروت دا ؟

بحبك اوى يا سمسمة وبحب رواياتك ويارب تبقى أحسن كاتبة فى العالم ��❤❤❤❤