رواية جديدة عقاب ابن البادية لريناد يوسف - الفصل 7 -3 - الأحد 10/12/2023
قراءة رواية عقاب ابن البادية كاملة
تنشر حصريًا على مدونة رواية وحكاية قبل أي منصة أخرى
قراءة رواية عقاب ابن البادية
رواية جديدة قيد النشر
من روايات وقصص
الكاتبة ريناد يوسف
الفصل السابع
3
تم النشر يوم الأحد
10/12/2023
أما في العزبه...
عايده
-هاه يامحمود لسه النتيجه مظهرتش، المعمل مردش عليك؟ مش المفروض النهارده هتظهر النتيجه ويبعتوهالك بالفاكس ليه موصلتش لحد دلوقتي؟
نظر اليها طويلاً ثم ترقرقت عيناه بالدمع وهو يخرج من جيبه مظروفاً مده لها وهي يهمس:
- لا ردوا وللأسف شكوكك طلعت حقيقه ياعايده، العينه اظهرت ان دمي فيه نوع سموم غريب بيشتغل على الاعضاء الداخليه للجسم يضعفها، ويضعف الدوره الدمويه، ويسد الاورده والشرايين،
ويسبب جلطات بسيطه متتاليه، وبعدها جلطات كبيره، وفي النهايه الوفاه، بس دي على المدى البعيد.. معهد البحوث الامريكي قال إن دى وسيلة قـ. ـتل بالبطيئ.
شهقت عايده وهي تضرب على صدرها وسألته بفزع:
-ياخبر اسود ومهبب، بيسمموك يامحمود؟
اجابها محمود بأسف:
-ايوه ياعايده تخيلي اخواتي بيسمموني.. هاه لسه برضو عايزه ترجعى ادم وسطهم ومقتنعه اننا ممكن نحرسه؟ .تفتكري هنقدر نحرسه واحنا مش قادرين نحرس نفسنا؟
عايده:
-لا لا خلاص.. خلى ابني بعيد.. خليه عايش.. بس قولى دلوقتي اللي فجسمك ده له علاج ولا ملهوش؟
محمود:
في المعهد بيحللو المكونات عشان يصنعوله ترياق يبطل مفعوله، بس دا هيتكلف ثروه ياعايده.
عايده:
يتكلف زي مايتكلف، انشالله ندفع فيه كل اللي حيلتنا.. اصلاً ياريت كل الفلوس اللي عندنا دي تغور في داهيه لانها هي سبب كل مشاكلنا، ماتيجي ندي لاخواتك كل حاجه يامحمود ونرتاح..
بص انا هاتنازل لاخوك عن الشركه والقصر والعزبه والفلوس وخليهم يبعدو عننا..
انا عايزه اعيش معاك ومع ابني بسلام، مش عايزه نعيش في خوف ورعب بسبب الفلوس، انا كرهت الفلوس خلاص.
محمود:
-لا محدش هياخد مليم احمر من الفلوس.. دي فلوس ابني.. حقه اللي هييجي يطالب بيه ويسألنا عليه.. محدش هياخد حاجه من حقه، وبعدين هو انتي فاكره انك لو اديتيهم الفلوس هيسيبونا في حالنا؟
دول مش بعيد يقتلونا قـ. تـل جماعي عشان متبقاش فيه حاجه تفكرهم بافعالهم الدنيئه، ويضمنوا ان محدش في يوم من الايام يقولهم انه له عندهم حاجه..
اسكتى ياعايده انتي متعرفيهمش.. انا عارف اخواتي وعارف تفكيرهم.
صمتت عايده وأغمضت عيناها وهي تحاول استيعاب كل مايحدث معها بسبب لعنة الاموال التى عجزت عن إيجاد اي حل لها او التخلص منها، وتمنت الفقر من قلبها، أو ان يهدي الله إخوة محمود ويكفيها وعائلتها شرورهم.
❈-❈-❈
في الباديه..
عوالي:
-مكاسب.. يامكاسب.
اتت اليها مكاسب مسرعه، فدعتها للجلوس بجوارها، وقامت بنزع الرباط عن عينها ونظرت فيها وسألتها:
-فتحي خلني اشوف لوين واصل الضرر بعوينتك.
حاولت مكاسب فتح عينها ولكنها اغلقتها سريعاً وتألمت، فقالت لها عوالي:
-زين، مادام الضو اذاها معناها مازال بيها خير.. ميلي خليني انقطلك فيها بمي زمزم يغسلها وبعدها انقطلك من محلول الشبه الزفره والجنزاره وانشاله بتطيب سريع.
مكاسب بفزع:
-لا ياشيخه بربك لا تحطيلي شبه ماراح اتحملها، اذا انا وعيني مامابيها شي مااتحملها، شلون اذا العين مجروحه؟
عوالي:
-ميلي يامكاسب وكفي عن الهوسه.. ميلي.
انصاعت مكاسب لأمر الشيخه عوالي وتلقت في عينها المجروحة قطرات شعرت بانها قطرات من حميم، فصرخت بكل قوتها متألمة، فالأمر يشبه كي العين بسيخ محمي.
❈-❈-❈
في خيمة الشيخ منصور:
قصير:
-ياشيخ ودي ارد يميني عن مكاسب وارجع بكلمتي وخايف اعلى هيبتي قدام اهل الباديه ويقولون قصير ماله كلمه.
منصور:
- ارجع بكلمتك ورد يمينك وخلي يقولو اللي يقولوه.. كلام الناس اهون من غضب ربك، والهجران يغضب الله ياقصير.
ردها ورد سدينه بعد.
قصير:
-لا سدينه تبقى عند ابوها شوي، لسه دراعها مكسور ومريضه.. خليها لمن تسترد عافيتها زين.. مكاسب زينه وصحتها مليحه.
منصور:
-خلص اخرج قول للكل اني امرتك تعاود لمكاسب. وسدينه تعاودلك بعد ماتطيب وقول ان كلام الشيخ ماينرد.. جيبها فيا وتعلم بعدها ماتتعجل.
قصير بفرحه:
-حاضر ياشيخي.. وعد اول واخر مره، وبعدين عمتي عوالي ادبتهم وماقصرت فيهم.
خرج من خيمة الشيخ متوجهاً لخيمة مكاسب، وفي طريقة اخبر الجميع بحكم الشيخ منصور.. وفور دخوله لخيمة مكاسب نظر اليها وقال:
-ابشري الليله المبيت بخيمتك يامكاسب.. خلي الصبايا يبيتون بخيمتى الثانيه اليوم.
نظرت اليه مكاسب ولم تبدى اية ردة فعل لدقائق، ولكنها ردت عليه بعد برهة:
لا.. البنيات ماينفع يبيتون بخيمتك الثانيه، الحنشان فيها والبنت الصغيره ماانحوت،
واذا قرصها حنش بتموت في الحال.. خليهم هون وانا بروح ابيت معك بالخيمه الثانيه.
يتبع
إلى حين نشر الفصل الجديد للكاتبة ريناد يوسف، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
