رواية جديدة حكاية بنت الريف لصباح عبد الله فتحي - الفصل 1 - الخميس 7/12/2023
قراءة رواية حكاية بنت الريف كاملة
تنشر حصريًا على مدونة رواية وحكاية قبل أي منصة أخرى
رواية حكاية بنت الريف
رواية جديدة قيد النشر
من قصص و روايات
الكاتبة صباح عبد الله فتحي
الفصل الأول
تم النشر يوم الخميس
7/12/2023
في قرية ريفية صغيرة. في أرض ذراعيه عبارة عن جنينة عنب واحد بصوت عالي..
-انتي يابت انتي وهي قاعدين عندكم بتعملو اي
البنات. يخافوا من صوت الشخص ده. واحدة من البنات.
-الله في أي ياعمي محمد هو احنا مش بشر ولا اي
محمد. غفير جنينة العنب عبارة عن قطعة أرض كبيرة جدا واعتبر نص البلاد شغالين فيها محمد راجل كبير في السن عندو ٥١ سنة بس اللي يشوفوا يقول انو لسه شاب بسبب قوت جسموا هو حد الطباع مع الكل
محمد بصوت عالي: وانتي علشان بشر تسيبي شغلك وتقاعدي تدلعي هنا وهناك
واحدة. تانية: الله يسمحك ياعمي محمد احنا برضو بندلع
محمد. يبص على البت انتي بتعملي اي هنا يادهب
بطلة الرواية دهب. دهب دي بت جمالها يخطف العقل بس هادي زاي طبعيتة بظبط السن 20 سنة. دهب بقاا هي اللي هاتعرفنه على نفسها.
دهب. اقول اي يعنى عن نفسي غير اني بت لا حول له ولا قوة انا اها عندي ام وأب بس انا ماعرفش اي حاجة عنهم وعمري مامي خداتني في حضنها مره حتى ابوي انا مش عارفه شكلوا اي انا عايشه مع سيدي وستي في بيت صغير وهم اللي ربوني من وانا عندي سنه انا ابوي وأمي مطلقين وكل واحد عايش حياته امي كانت الزوجة التانية ولم أبويا طلقة هو رجع لمراته لأولى وامي اتجوزاات انا اها عندي اخوات بس ماعرفش اساميهم اي يعني انا وحيدة وانا عندي 8 خوات ويتيمه وامي وابوي عايشين
دهب: معليش ياعمي محمد نزلت الأرض من غير ماخليك تشوفين بس والله ستي تعبانه ومش قادرة تنزل الشغل سبني الله يخليك
واحدة من البنات اللي واقفين: هي وشي الفقر دي هاتشتغل معانا يبقي أن شاء الله في نصيبه هاتحصل النهارده
دهب. اها نسيت اعرفكم ان مافيش حد بيحبني وبعتبروني وشيي نح*س ومنين مابروح مش بلاقي غير لائهني والشتي*مه من الكل من وانا صغيرة قولت ممكن لم اكبر اناس هاتحبني بس لا الكل بيقر*ف مني ومافيش حد حبني وكل حاجة زاي ماهي
دهب.: الله يسامحك ياشرين انا مش هارد عليكي ها ياعمي محمد هاتسبني في الشغل ولا اي
محمد.: امشي يادهب شوفي شغلك بس رجليك ما تحطيش في لارض دي تاني انا مش ناقص قر*ف والناس كلها بتتشائم منك.
دهب ياقلبي اها لو يعرفوا كلامهم بيعمل في أي بس اعمل ايه ولا اقول اي غير يارب. قولتلو ماشي ياعمي محمد وخد بعضي ودموعي على وشيي من غير حرف تاني
شرين.: ياربي هو انا كنت ناقصة انا متأكده ان طالما شوفت وشي الفقر ده هايحصل حاجه
محمد بصوت عالي: ماتخلاصي بقاا يابت انتي وهي وانزلوا شوفوا شغلكم اصل والله ما هتقبض واحدة فيكم
واحدة. تانيه: خلاص بالله عليك ياعمي محمد ده انا نزل مخصوص علشان القبض ده عندي امتحانات وعايزه الفلوس
محمد. ربنا معاكي يلا بقاا شوفو شغلكم
شرين. يلا نزلين اهو ياعمي محمد
شرين. دي بقاا اكتر واحدة ممكن تكون بتكرهني والله ماعرف انا عمل له أي مش بتشوفني غير لم بتحرق دي بكلامه هي من سني عندة 20 سنة بس مخطوبة لواحد مهندس وكانت هتموت من الفرحه هي وأهلها ومن يومها وهي وأهلها مش بيتفشخ*رو غير بي هي متعلمها مش جاهله زاي انا حتي مش بعرف اكتب ولا إقرأ اسمي َوالله يسامح ابويَا مارضاش يدخلني المدرسة وستي وسيدي حالتهم ماكنتيش تسمح أروح مدرسة ممكن لو كنت اتعلمت كان الناس احترماتني شوية عن كدا بس هاقول اي غير أدى الله ودي حكمتو والحمد لله على كل حال.
الحمدالله اليوم خالص على خير وخلاصة شغل وطبعاً طول ماني بشتغل كلام البنات حرق دمي
محمد.: خدي قبضك اهو يادهب وماشوفكيش هنا تأني انتي فاهمه
دهب. حرام عليك ياعمي محمد ماتخليني اشتغل واكل عيش هاصرف على سيدي وستي منين والله لاتنين تعبانين. في البيت
محمد. يصعب على دهب: خالص يادهب تعالى الشغل بس لو حصل حاجه من تحت راسك مش هقولك هعمل فيكي اي.
دهب.: والله ياعمي محمد هاتسبني في الشغل والله فرحت زاي مايكون لاقيت كنز مدفون تحت الأرض
شرين. انت بتقول ايه ياعمي محمد هي مين دي اللي هاتشتغل معانا لو وشش الفقر دي اشتغلت هنا انا مش نزله لارض دي تاني وهروح اشتغل مع عمي شحتة احسن
يالههههوي يافرحه ماتمت والله انا مش عارفة البت دي عايزه اي مني اكيد عمي محمد مش هايشغلني تاني
محمد بصوت عالي: انتي بتقولي ايه يابت ياشرين بتهداديني يابت محسن
شرين. معليش ياعمي محمد ياني ياوشش الفقر دي في الشغل
محمد. بت انتي اني مش على اخر الزمان بت مكسرت الرقبة تهدادني غوري في دهيا اشتغلي مكان ماتشتغلي هو مافيش غيرك ولا اي
شرين. بقاا كدا ياعمي محمد بتطردتي علشآان دي طب اي رايك بقا اني مش نزلها لارض دي تاني
واحدة. تانيه: اسمع ياعمي محمد لو البت دي هاتشتغل هنا وشرين هاتسيب الشغل اني كمان مش نزلها لارض تاني
واحدة. تالتة: واني كمان وحده ربعه واني كمان والبنات كله رفضوا أني اشتغل معاهم روحت لعمي محمد ودموع في عيني صعب على نفسي.
- خالص ياعمي محمد مش نزلها تاني.
وخد بعضي ومشيت واني حاسة ان في سكاكين بقطع في قلبي وطول الطريق واني دموعي مانشفتش من علي وشيي ووصلت البيت وقبل مادخل ماسحت دموع علشان ستي وسيدي مايزعلوش هم اصلا تعبانين لوحدهم
ست. كبيرة في سن 50: رجعتي يادهب يابنتي
دهب. ايوة ياستي رجعت بس فين سيدي جمال
ست. دهب. أم نوال: سيدك طلع يابنتي من شوية ولسه ماجش
دهب:. طيب هدخل اعمل العشي على مايرجع بسلامه
أم نوال.: مالك يادهب.حد عملك حاجه او قالك حاجه مازعلاكي
مسكت دموعي بالعافيه قدام ستي ولفيت نفسي وعملت اني راحه على البوتاجاز علشان اعمل لاكل لاء ياستي مافيش حاجه.
بصيت لاقيت ستي جايه المطبخ وراه مني
أم نوال.: بقاا اني مش عارفكي يادهب ده اني اللي مرابيكي يابت بنتي هاتخبي عني يادهب وعلى فكرة بقاا باين علي وشك انك ماعيط
اني. خلاص مابقتش قادره امسك دموعي قدام ستي وجيت حضنها هو انا اصلا مش عندي حضن غيرو احس في بالحنان وفضلت اعيط وستي تسألني مالك واني خلاص مش قدرة ارد بكلامه وكل مافتكر كلام البنات وازي مافيش واحدة وفقت اني اشتغل معاهم قلبي يوجعني ودموعي تذيد على وشي وبعد شوية قدرت اسيطر على نفسي وطلعت من حضن أمي اللي ربتني ومسحت دموعي بكف ايدي.
- ينفع كدا ياختي خلتيني اعيط
أم نوال.: اني برضو اللي خليتك تعيطي ولا كلام الناس اللي زاي السم هو اللي خلاكي تعيطي
دهب.: يوووه بقاا ياما هو من امتي و الناس بطبطل كلام ماني طول عمري واني باسمع كلام يسم البدن يلا بقاا خليني اشوف انا هعمل اي زمان سيدي جمال جاي
أم نوال. بحزن على اللي بيحصل في دهب: ماشي يادهب
واحد. من وراهم: ياهل البيت انتو فين
أم نوال.: ايوه يااسلام يابني احنا في المطبخ
اسلام. السلام عليكم
دهب. وأم نوال: وعليكم السلام ورحمة الله وبركاته
اسلام. يلا بقى عاملين اكل ايه علشان انا ميت من الجوع
دهب: حاضر يا خالي خمس دقائق بس على ما اقلي البطاطس واعمل الملوخيه وعلى ماسيدي جمال يجي هاكون خلاص
اسلام طيب خلصي بسرعه علشان انا جاي جعان تعالى يا اما عايزك في حاجه كده وانت يا ذهب اعملي لي كوبايه شاي وهاتيها على ما الاكل يخلص
دهب حاضر يا خال
نتعرف على اسلام.. اسلام بيكون خال دهب. شاب عادي السن 25سنه
عملت الشاي لخالي اسلام وطلعة بيه ولسه هدخل الااوضه سمعت كلام خالي مع ستي اللي قطع في قلبي وقتل روحي
اسلام.: ياما انا زهقت انا عايز اخطب مش عارف كل ماروح لوحدة ابوه ياسم بدني بالكلام
أم نوال... طيب ياقلب امك هنعمل اي هانرميه احنا كمان دي غلبانه مالهاش غيرنا اصبر يابني والله لم ربنا يصلح الحال هتلاقي عروستك جايه لك لحد عندك لوحدها
اسلام بزهق:: اوف ياما هافضل اقول كده لحد امتى اني بقي عندي 25 سنه اللي أصغر مني جابوا عيال اني زهقت الناس بقت بتتشئم مني وبيقول علىنا أن بيتنا منحوس وطول ما دهب فيه حالنا هيفضل واقف وانا فعلا ابتديت أصدق ان دهب فعل هي اللي موقفه حالنا
أم نوال... انت بتقول ايه يااسلام يابني ومنى أمتي وحنا بندور على كلام الناس
اسلام... من النهاردة ياما انا زهقت انتي نسيتي اللي حصل لدهب وهي صغيرة وده اللي مخلي الناس تقرف منها دي بقي عندها عشرين سنة َومافيش عريس دخل له وده كل بسبب ان هي
أم نوال. تقطع كلام اسلام.. اخرص قطع لسانك دهب اشرف من الشرف بذات نفسوا واللي هايقول عليها كلمه اني هقطع ليه لسانو منو الله ابوها ربنا ينتقام منو هو اللي طلع عليها الكلام ده علشان مايصرفش عليها
اسلام.. اسمعي ياما خلي دهب ترجع عند ابوها تاني كفاية كده علينا احنا ربنها وكبرنها ودي بنت وكبرت وسمعتها مش كويسه خليها ترجع لبوها بقاا وهو مش اللي جبها على الدنيا وهَو اللي ملزوم عنها خلي بقاا ياشيل القرف ده عننا بقاا علشان انا خلاص قرفت َوزهقت
دموع نزلها تحرق في قلبي قبل وشي وماقدرتش أقف اسمع اكتر من كدا وخد بعضي ورجعت المطبخ تاني ماقدرتش أدخل كوباية الشاي دخلت المطبخ والشيطان لعب بيها ومسكت السكينة وقرارات اني إخلاص نفسي من العذاب ده
في مكان تانى بعد عن القرية
في بيت اللي يشوفو يقول قصر واحد بصوت عالي
- يلا هاتي العشي انا جاي جعان
شخص. تاني حاضر ياحج جايه اهو
في مطبخ واقف اتنين حريم بيجهزوا الاكل. سماح مرات الحاج محمد اكبر تاجر في الخضار في مصر..
- يلا يام سعيد الحج رجع وزمان الشباب جايه كمان
أم سعيد الخدمة:. حاضر ياستي سماح والله كل حاجه جاهزة بس هحط الصحون علي السفره بس
سماح. طيب يام سعيد وخدي بالك مش عاوزة يحصل زاي امبارح وتقعي وانتي ماشية اشتغلي براحة
أم سعيد.. بخجل حاضر ياستي سماح
واحد. بصوت عالي.. السلام عليكم ورحمة الله وبركاته ياهل البيت انا رجعت
سماح تطلع من المطبخ وهي بتقول..
-وعليكم السلام ورحمة الله وبركاته حمدالله على السلامه ياقلب امك
الشخص يروح عند أمه ويقبل رأسه.
- الله يسلمك ياست الكل
واحد. تاني واني بقاا ماليش في الحنان ده ياسي مهند
البطل بتاعنا مهند. شاب في منتهي الود والجمال شخصية هادي وعرف ربنا وبيصلي السن 25 سنه شغال مع ابوا
ازيكم. احب اعرفكم على نفسي انا مهند محمد خطاب شاب بسيط جدا جمالي هادي مش هقول أن عيوني خضراء والأزرق عيوني سود زاي سود اليل جسمي عادي زاي جسم اي راجل بكون في البيت غير الشغل انا في الشغل بكون شخص غير كدا خالص بحب الناس بس بكره الكذاب والنفاق و مش بقرب من اي حد بسهولة متجرخ من كلية تجاره انجليش وماسك معا ابوي الشغل هو مش شركة كبير ولا حاجه دي وكالة خضار بس ماشية في السوق وليه اسم كويس والحمدلله بيدخل منها رزق كويس والحمدلله هنشتري أرض كبيرة عاوز أكبر شغلي شوية واعمل مشروع صغير كدا على لارض دي
مهند.. ازي ياحاج ده انت الكل في الكل وهات ياعم راسك ابوسه ربنا يباركلي في عمرك يارب
ابو مهند. الحج محمد الخطاب راجل في منته الود والطيبه بيحب زوجته ومخلص لامه وبايعز عيالو وبيحترام الصغير قبل الكبير والكل بيحبو سواء في بيتوا أو في شغلو السن 45سنة..
-ربنا يبارك فيك يابني ويجبر خاطرك بس قولي عاملت اي في الموضوع اللي قولتلك عليه والشغل اللي انت كنت في عملت في اي
سماح. أم مهند سيت. كويسة وطيبة جدا وبتحب عياله وبتخاف عليهم ومخلصه لجوزه وبتراعي الله في أمه وعيالو وفي بتها وبتخاف من ربنا بس عنده امنيه واحدة انها تجوز عياله على مزجها وبتحب تتحكم فيهم السن 40سنه..
- الله ياحج الود لسه دخل ياخويا من الباب خلي يراتح شوية بقاا من الشغل والقرف ده
مهند. يبص على ابو ويغمزل له.. شوف هي دي ست الكل اللي بتشيل هامي وخايفه عليا
ابو مهند. ابنك راجل يام مهند متخفيش عليا
مهند. تسلم ياحج
أم سعيد العشي جاهز ياستي سماح
سماح. ماشي يام سعيد يسلم ايدك
مهند. ازيك ياخالتي ام سعيد أخبار صحتك اي
أم سعيد سألت عليك العافية يابني الحمدلله بخير طول مانت بخير
سماح. لا يام سعيد اسمع ياهمند ام سعيد من امبارح وهي مش ماظبوطه وحاسه أن فيها حاجه
مهند. بخوف. خير ياخالتي ام سعيد حاسة بحاجة تعبانه نجيب الدكتور يشوفك
أم.سعيد. لا يابني انا الحمد لله بخير ياقلبي بس امك هي اللي بتعزني شوية ده بس من الكبر انا دخلها على 50 وده طبعي أن جسمي يضعف شوية
سماح. وليه ماعزكيش ياوليه يابركه الله يعلم انا بعتبرك أخت ليه انا عمري ماشفت منك حاجة وحشة علشان اكرهك
مهند. ربنا يدكي الصحة وطول العمر
ابو مهند. اسمعي يام سعيد انتي اخت كبيرة ليه أنا والحجة لو احتاجتي اي حاجه احنا تحت امرك دي عشرت عمر
سماح. َونعمه العيشره ياحج
أم.سعيد بدموع الله يبارك فيكم ويكرامكم ويذيدكم من نعيمه كمان وكمان
سماح. ويبرك في عمرك يارب
مهند هو هاني لسه مارجعش
سماح. لا لسه يابني هو اتصل وقال انو هايتاخر شوية
ابوا مهند انا والله مش عارف الود ده طلع لمين
سماح. أي ياحج شاب ياخويا وعايز يفرح
مهند. والله دلعك ده اللي مبوظوا يامي هو علشآان شاب لازم يفضل لحد نص اليل بره
ابوا مهند. ربنا يكملك بعقلك يابني يلا بقاا نتعشي علشان انا خلاص جبت أخرى واها قبل مانسي يامهند يابني
مهند نعم ياحج خير
ابوا مهند. كنت عايز اقولك اني هتنزل البلاد انا وانت علشان نشوف الأرض اللي احنا هنشتريه
مهند حاضر ياحج اللي انت تشوفوا انا معاك
ابو مهند الله يارضا عليك يابني خلاص جاهز نفسك بكره ان شاء الله هنانزل البلاد بكرة
مهند. جاضر ياحج
ـــــــــــــــ
في القرية
دهب استغفرالله الله العظيم اي اللي انا كنت هاعملو ده وستغفرات ربنا ورميت السكينة من أيدي ومسحت دموعي ودخلت صليت ودموعي على خدي وحتى مش حافظه قران اقولو في الصلي غير قل الله واحد والفتحه بس واحدة الله يبارك ليها هي علمتهم ليا وعلمتني ازاي اصلي وبعد ماصليت لاقيت خالي اسلام دخل عليا
اسلام فين. الشاي يادهب
خوفت. من شكل خالي اسلام هو مش حناين عليا زاي ما اي خال بيكون حناين مع عيال آخته بس بشوف الفارق اللي بيعمل بيها خواتي من امي لم بيجو عندنا بتمنى لو يكون معايا ربع مايكون معاهم ومسكت نفسي ورديت عليه.
- هو والله ياخالي عملتوا بس افتكرة اني ماكنتش صليت قولت اصلي لأول.
لاقيتوا بصلي وضحك
هو اللي زايك هايتقبل منهم صلى
دهب. والله بقاا ربنا اللي بيقول يقبل من مين ومش يقبل من مين مش الناس ياخالي.
بصيت لاقيت وبص على َوبغضب وماحستش بنفسي غير وانا وقعه على لارض من القلم اللي انا خدو
اسلام. وكمان بتردي عليا وهو الحق عليا اني سيابلك السايب في السيب بس متخفيش انا هاعرف ازي اربيكي من اول وجديد؟؟
يُتبع..
إلى حين نشر الفصل الجديد للكاتبة صباح عبد الله، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
