قراءة رواية حكاية بنت الريف كاملة

تنشر حصريًا على مدونة رواية وحكاية قبل أي منصة أخرى

دهب. لا والله دا انتو كتر خيركم كفاية أن انتو خدوني في بيتكم وخلتوني واحدة منكم بس انا بقالي تلات اسابيع قاعده ولا شغله ولا مشغله 

مهند كنت نزل وسمعت كلامها مع الحاج واتضايقت واتعصبت لما فكرت ان في واحد غيري هيشوفها بعصبية انتي بتقولي اي يابت انتي احنا ماعندنش بنات تشتغل والموضوع ده لو اتفتح تاني ما تلوميش غير نفسك

دهب اترعبت من صوته العالي ومش عارفه ليه كل ما اجيب سيره اما اخرج بره او اشتغل يزعق بالشكل ده 

سماح اهدي يا مهند يا ابني دهب مش قصدها حاجه وبعدين انتي يا دهب يا بنتي بقيتي واحده مننا واحنا اعتبرناكي بنتنا وانتي كمان اعتبريني اهلك وبلاش الكلام بتاعك ده وبعدين مين قال ان انتي مش بتشتغلي ده انا يا بنتي من يوم ما دخلت البيت وانا ما دخلتش المطبخ ثلاث اربع مرات على بعض وانت ماسكه شغل البيت كله عيب عليكي يا دهب الكلام ده

❈-❈-❈

الحاج محمد الحجه معاها حق يادهب

ذهب فضلت واقفه وعيني على مهند ومن خوفي منه ما قدرتش ارد اقول كلمه مش عارفه ليه بيتضايق بيزعقلي بالشكل ده بيخوفني منه

مهند بصيت لها بغضب ورحت وقاعد على الكرسي علشان افطر

سماح. اسمع يا مهند انا وابوك شوفنا لك عروسه بنت ناس محترمه بسم الله ما شاء الله عليها زي القمر وان شاء الله لو وافقت هنروح نقرا الفاتحه يوم الجمعه ايه رايك

مهند. بيصت على دهب ازاي افكر في واحدة غيرها وهي سكنه في قلبي وعقلي لاء مش مواقف ياحجه انا مش بفكر اتجوز دلوقتي

الحاج. محمد وبعدين معاك بقاا يامهند مش كل عروسه تقول مش موافق ولو ماوفقتش دلوقتي هاتوفق امته

سماح. اتكلم انت بقا ياحاج علشان انا تعبت مع منهد يابني لو في واحدة في دماغك قول عليها واحنا نجوزها ليك من الصبح

❈-❈-❈

هاني. بصوت وطي الفرصه جات لحد عندك قول انك بتحب دهب وعيزها وبصراحه البت قمر وماشفتش في احترامها تكون غبي لو ضيعتها من ايديك

مهند بنفس الصوت اسكت يا غبي بتقول ايه دهب مين دي اللي انا افكر فيها انت نسيت هي مين دي حتي مانعرفش مين إهلها 

ان سمعتها ماكنتش 

كويسه في القريه اللي هي كانت عايشه فيها.

مهند خلاص يا امي اللي انتي تشوفيه انت والحاج انا موافق عليه طالما البنت محترمه وبنت ناس وانتم راضيين انا ما عنديش مانع وقومت من علي الكرسي لقتها واقفه والدموع في عيونها بصيت لها وخوفت تكون سمعت كلامي انا وهاني

دهب. كنت جايبه الشاي من المطبخ و سمعت كلامه بالصدفه مش عارفه ليه أنا اتجرحت وزعلت من كلامه ما انه معاه حق هو واحد متعلم ومال وجمال هيبص لوحده زيي وانا حتي ما اعرفش شكل ابويا ايه 

هاني. يلا يامهند وبصيت بصدفه لقيت دهب واقفه ودموعها على وشها وعرفت أن هي سمعت كلام مهند والله زعلت علشانها 

دهب. مسحت دموعي وحتيط الشاي ولسه هامشي 

سماح. استنى يادهب يابنتي عايزه اقولك حاجه طلم الكل موجود

❈-❈-❈

دهب. خير ياخالتي

سماح اقعدي جمبي هنا تعالى

دهب. بصيت على مهند وقعدت

سماح بس يا دهب يا بنتي بما إنك قاعده في بيتنا فانتي ملزومه مننا في واحد ابن حلال اتقدم لعمك الحاج وطلبك منه

الحاج. محمد والله يابنتي الجدع أدب وأخلاق بس اللي انتي عايزها

دهب استغربت من ان في عريس متقدم لي وما قدرتش ارد اقول حاجه

مهند كنت ماشي بس لما سمعت كلام امي والحاج رجعت تاني وعفريت الدنيا قدامي انتو بتقول اي عريس مين ده اللي أتقدم و بص لدهب ً.؟؟

❈-❈-❈

الحاج محمد.   الله في ايه يامهند ماتحترم نفسك شوية وبعدين فيها ايه دهب علشآان ماحدش يبص لها بت زي القمر الله أكبر عليهآ

سماح اهدي يا حاج اكيد مهند مش قصده حاجه

مهند بعصبيه انا مش موافق على جواز دهب

الحاج محمد بعصبيه اكثر وانت مالك ان شاء الله القرار الاول والأخير بيكون لدهب والله انا ما عارف ايه اللي مزعلك في الموضوع اصلا

مهند يروح عندي دهب وبغضب انت عايزه تتجوزي

هاني يا لهوي هو الولد اتجنن ولا ايه

عيب عليك يا مهند كده

دهب انا مش فاهمه هو ايه اللي حصل هو انا قولت حاجه

مهند بغضب ردي عايزه تتجوزي

دهب اترعبت منه وبصيت على الكل ومن الخوف مش قادرة ارد اقول ايه وأخيرا لساني نطق انا ماقولتش حاجه ولو انت مش موافق انا خلاص مش عايزه

سماح.  اهدي يادهب وانت يامهند ابعد عن البت والله انا مش فاهمه ايه اللي حصل لا ده كله 

مهند بصيت عليها انا عايز اتجوزك توفقي تتجوزيني

دهب.  الصدمه ومش عارفه اقول ايه ولا اعمل ايه مش مصدقه اللي ودني سمعته وفضلت ابص ليه زي الهبله وخلاص

سماح بصدمه انت بتقول ايه يامهند

❈-❈-❈

هاني. الله يخرب بيتك يامهند مافيش حد يقدر يتَوقعك

مهند زي ما سمعتوا انا عايز اتجوز دهب ما هو انا مش هاسيبها لواحد غيري  عايزين تتجوز جوزها ليا انا مش لغيري

الحاج محمد. بصوت واطي وبيكلم هاني هو في حاجة بين اخوك ودهب واحنا اخر من يعلم ولا ايه

هاني بنفس الصوت انا عارف من زمان انه بيحبها بس ابنك كان متكبر على البنت الغلبانه وشوف في الاخر عمل ايه لما حس ان حد ياخدها منه

الحاج محمد والله كويس بس اصبر ان لازم اربيه شوية الاول علشآان يقوم يحترم نفسه شوية عن كدا

هاني قصدك اي ياحاج

الحاج محمد.  بس انا مش موافق  يامهند مش علشآان دهب فيها حاجه لا علشان انت ماتستاهلهاش 

مهند   مسكت ايد دهب جامد ليه الطفل الصغير اللي خايف امه تسيبه ولو ماكنتش ليل مش هتكون لغيري يا حاج

دهب  بدموع ايدي وجعتني

مهند بغضب بس اسكتي عايزه تتجوزي واحد غيري والله ده انا اقتلك واقتله هو كمان عشان فكر يبص لكي انتي لو ماكنتيش ليه مش هتكوني لغيري انتي فاهمه

الحاج محمد يحط ايده على بقوا ويضحك على منظر مهند ويكمل بجديه سيب البت يامهند احنا مش موفقين عليك 

❈-❈-❈

مهند.  يبص على ابوه خلاص هاخدها وهمشي من البيت وهاتجوزها وهعيش في الشقة اللي في اسكندرية انا وهي اما اسببها لواحد غيرى فاده مستحيل

سماح.  انت اتجننت ولا ايه تاخد مين يامهند هي البت لعبة ولا ايه سيب البت وابعد عنها احسن لك انا بقولك اهو

مهند انا مش عارف ايه اللي حصل ليه لما اتخيلت انها ممكن تكون لواحد غيري مهند لا مش سايبها غير لم توفقوا انكم تجوزوها ليا

هاني. هههههه ياحاج جوزهم  وخلصوني علشان عايز اتجوز وافرح انا كمان

الحاج محمد. يضرب هاني علي دماغه بخفه اسكت ياض انت

هاني.  هو انا قولت حاجه غلط مش شايف الواد عامل ازاي

الحاج. محمد ده اخر كلام عندك يامهند

مهند. يبص على دهب ايوا اخر كلام عندي ياحاج

الحاج محمد. بفرحه وانا والله مش هلاقي

احسن من دهب ليك يامهند بس حافظ عليها وحطها في عنينك دي جوهره غالية اوي يابني

❈-❈-❈

سماح. انت بتقول ايه ياحاج دهب مين اللي هتكون مرات ابني

دهب. دموعها تنزل من كلام سماح

سماح. معلش يابنتي مش قصدي ازعلك والله بس دي الحقيقة انتي واحده دخلتي على حياتنا من 6 شهور وربنا واحد يعلم حبناكي ازاي بس جوازك من مهند ده على جثتي معلش يابنتي احنا ناس ولينا سمعتنا برضو

الحاج محمد. ايه الكلام الفارغ ده ياحجه ومن أمته واحنا بندور على كلام الناس وانا خلاص قررت دهب ومهند كتب  الكتاب والشبكه الاسبوع الجاي اي رايك يادهب يابنتي توفقي على مهند ابني

دهب. بس انا. وتسكت

مهند يتكه على ايد دهب قبل ماتكمل كلامها انا حسيت انها هترفض دهب موافقة ياحاج انا وهي متفقين على كل حاجه

دهب. بيصت عليه بصدمه انا ماعرفش اي حاجه ليه بيقول ان احنا متفقين على كل حاجه بس من خوفي منه ماتكلمتش سبته يقول اللي هو عايزه وانا مين علشآان اقول انا عايزه ايه وانا كنت اطول واحد زايه اصلا ده انا ماكنتش احلم بيه

سماح بقاا كدا ياحاج وانتي يادهب كنت مافكراكي غلبانه وعلى نيتك بس طلعتي بترسمي وانا اللي هبله وعلى نياتي

دهب. بصيت عليها ودموعي نزلت ومش قادرة ارد عليها

❈-❈-❈

وعددت الأيام وجه اليوم اللي انا خايفه منه النهارده الجمعة كتب كتابي انا ومهند ومافيش حاجه وهنعمل شبكه وكتب كتاب ومهند ذود الدخله علشآان انا هكون عايشه معاه في البيت فقال مالهاش لازمه القاعدة وراح لجدي جمال وعرفه هو وخالي اسلام اني هتجوز بس رفضَوا انهم يجوا يحضرو فرحي وجابولي فستان وواحدة تجهزني 

  الماذون يلا يا جماعه كفايه تاخير كده انا لسه عندي كذا مشوار كمان

الحاج محمد حاضر يا مولانا وانت يابني اطلع هات عروستك كفايه كده تاخير

مهند حاضر ياحاج و لسه طالع علشان اجيبها بس لقيت خالتي ام سعيد منزلاها فضلت واقف مكاني وعيني عليها يالله علي الجمال كانت اجمل من الجمال في فستانها الابيض والمكياج الهادي اللي هي كانت عملاه كانت اكتر من روعه وخدها من خالتي ام سعيد وانا مش قادر ارفع عيني عنها

الماذون بسم الله ما شاء الله يا ابني عروستك قمر الله اكبر

حاج محمد الله اكبر عليكي يا بنتي ايه الجمال ده 

مهند وعيني عليها عارف ان عروستي اجمل من القمر

دهب بصيت عليه واتكسفت ونزلت عين الارض وماتكلمتش كلمه واحده

الماذون بارك الله لكم وبارك عليكم وجمع بينكم في الخير ان شاء الله الف مبروك يا ابني مبروك يا بنتي مبروك يا جماعه

الكل في صوت واحد الله يبارك فيك يا مولانا

الحاج محمد مبروك يا مهند يا ابني مبروك يا دهب يا بنتي

❈-❈-❈

دهب ومهند في صوت واحد ربنا يبارك في عمرك يا حاج

ام سعيد مبروك يا مهند يا ابني مبروك يا قمر يا بنتي والله فرحت لكم انتم الاتنين ولاد حلال وتستاهلوا كل خير

هاني مبروك يا اخويا وأخيرا انت اتجوزت وخلصت منك يلا بقاا جوزني انا كمان يا حاج

دهب. بصيت مالقتش خالتي سماح هي فين خالتي سماح مش باينه ليه

مهند. امي فوق مانزلتيش تعالى نطلع نسلم عليها قبل مانمشي

دهب بستغراب هنمشي هانروح فين

مهند. هاخدك وهنعيش في الشقة بتاعتي

دهب  ليه هو احنا مش هنعيش هنا مع عمي الحاج وخالتي سماح

الحاج. محمد لا يابنتي انتي ومهند هاتعيشوا معانا بس في شقت مهند الدور التالت في شقتين واحده لكي انتي ومهند. التانية لهاني

دهب. استغربت ماني عايشه في البيت بقلي 6 شهور بس اول مره اعرف ان البيت في دور تالت مهند مسك ايدي وطلعنا علشآان نسلم على خالتي سماح

مهند  بيخبط على باب الغرفه

سماح من غير ماتفتح الباب مين

مهند. انا يامي مش عايزه تبركي ليا

سماح من غير ماتفتح  وبدموع لا ولا عايزه اشوفك يامهند مش انت عملت اللي انت عايزه وانا كمان هاعمل اللي انا عيزاه روح يامهند ربنا يباركلك بس انا مش مبركه على الجوازه  دي 

❈-❈-❈

الحاج. محمد انتي بتقولي اي ياسماح افتحي الباب حرام عليكي تزعلي العيال في يوم زي ده

سماح مش كل واحد بيعمل اللي هو عايزه وانا هعمل اللي انا عيزاه

الحاج. محمد معلش يادهب يابنتي شوية وهاتروق خد مراتك يابني واطلع شقتك وماتخفش علي امك

مهند. حاضر ياجاج. يلا يادهب

دهب بس خالتي سماح زعلانه ازاي هانسبها زعلانه 

الحاج محمد.  اطلعي انتي يابنتي مع جوزك وماتخفيش على سماح انا موجود

مهند. يلا يادهب ماتخفيش الحاج معها

دهب. مسكت ايده وطلعنا مع بعض الشقه

مهند بفرحه. نورتي شقتك ياقمر

دهب  من كتر الخوف والتوتر ماقدرتش ارد

مهند. مسكتها ايه ياقمر مش هترد عليا

دهب. حسيت ان وشي مولع نار من كتر الكسوف وفضلت ساكته

مهند. ضحكت على كسوفهت اللذيد ده وشلتها علشآان افرجها على الشقه

دهب. نزلني انا همشي

مهند. بس انا عايز اشيلك وافرجك على الشقه وانا شايلك كدا

دهب.  وايه الحلو في كدا

❈-❈-❈

مهند. هوو انتي ماتعرفيش انك على بعضك حلوه وبعدين انتي مالك هو انا اللي شايلك ولا انتي اللي شايلاني وفرجتها على الشقه  اتوضينا علشان نصلي العشاء سوا وبعد ما صلينا حطيت يدي على راسها وقولت اللهم اجعلها خيرا ليا وخير ما جبتها اللهم ماكفيني شرها وشر ما جبتها

دهب. ياه على الفرحه اللي انا حسيت بيها وهو واقف بيصلي بي فعلا اول مره ادوق طعم الفرحه واول مره دموعي تنزل بس مش علشآان زعلانه ده من كتر الفرحه اللي انا حسه بيها دلوقتي

مهند اي ده ياجوهرتي  زعلانه ليه هششش دموعك دي انا مش عايز اشوفها تاني انتي ماتعرفيش دموعك دي بتعمل في ايه 

دهب مسحت دموعي وانا بضحك لا والله دي دموع الفرحة اللي انا اول مره احس بيها

مهند خدها في حضني ربنا يفرح قلبك كمان وكمان ياقلبي انا بحبك يادهب تقبلي تكوني زوجتي بما يرضي الله ورسوله

دهب.  مش فاهمه مش انا بقيت مراتك بصيت لقيته بيضحك يالههههوي على ضحكته اللي خطفت قلبي

مهند. ايوا مانا عارف انك بقتي مراتي بس انا ممكن اغصبك على اي حاجة االلي الحاجة دي لو انتي مش مرتاحه وعايزه. وقت انا هاصبر عليكي بس اهم حاجه اني اطمنت انك ليا ومش لحد غيري