رواية رومانسية جديدة زوج مؤقت

من روايات وقصص الكاتبة

 هالة محمد الجمسي

 صباح اليوم التالي في مطار القاهرة 

امجد وسيري يقفان جنباً إلى جنب في انتظار وصول الطائرة القادمة من امريكا 

أمجد  وهو  ينظر في ملل إلى بعض القادمين من رحلات سفر آخرى

( أنا  مش مصدق نفسي، معقول فريد راجع تاني مصر 

شيري: 

_وليه لأ!؟ هو مش مأكد عليك أنه راجع النهاردة كلها عشر دقائق والطايرة تيجي ونشوف 

امجد: 

_أيوا هو مأكد عليا أنه جاي  النهاردة، بس أنا مش مصدق بردوا، حد يسيب جوازة في امريكا ورجل مهم زي دا ويرجع هنا في حاجة مش طبيعية 

شيري: 

-ما هو بردوا مش ميال لل الامريكيه مش تفهم أنت؟!  

أمجد: 

_أفهم  اي؟! أنت مش واخدة بالك من اللي حصل ولا اي؟ فريد هرب من هنا  قبل كام ساعة من فرحه من جوازة مصالح بردوا  وراح ل جوازة امريكينه بتاعت مصالح أتقل و أتقل  

شيري: 

_بس هو كان بيحب نهال ودا كان واضح

أمجد: 

_حب اي!؟  أنت خايل عليك اللي كان بيعمله 

شيري:

_يغني اي!؟ مكنش بيخبها 

أمجد: 

_هو اللي بيحب حد يهرب منه!؟ 

شيري: 

_ما هو يمكن غلطة وهو فاق لما عرف إن نهال خلاص طارت من ايده 

أمجد: 

_بصي من الاخر فريد دا امريكاني  و ماشي بالقوانين  الأمريكاني في كل حاجة، بتعامل مع دا ليه و هستفاد اي بس كدا فهمتي 

شيري: 

_آه فهمت 

أمجد: 

_طيب بس علشان هو شكله اللي جاي دا

لوح أمجد بذراعه في إتجاه فريد وهو يقول:

_ويل كم فريد( مرحبا) 

اتجه فريد في اتجاهم بعد أن قام بالتفتيش على الحقائب وقال: 

_ميس ايڤري وان( بافتقد كل واحد فيكم)

شيري: 

_كدا بقا نقول الشلة كملت وهنرجع زي الأول وسهرات زمان

فريد: 

_ياس ياس اكيد فين سمر؟! 

شيري وهي تنظر له في تعجب: 

_سمر!؟ بعد الخناقات اللي بينكم دي متوقع تلاقي سمر في استقبالك

فريد: 

_هواي نوت ( ليه لأ) 

دا اختلاف و الأمر عدى  خلاص

أمجد: 

_ومتوقع كمان يكون موجود؟! 

فريد وهو ينظر له  نظرة تحذير: 

_مش متوقع أنا متأكد انها لو عرفت اني جاي النهاردة كانت هتيجي تستقبلني 

ارتفعت ضحكة أمجد وشيري معاً ثم قال أمجد: 

_لا النظام بتاع امريكا في الجوازات والطلاق والعلاقات مش يمشي هنا يا خواجة وخصوصاً 

واحدة زي نهال يا راجل دا أنتم الاتنين كنتم زي الميه والزيت استحالة تتخلطوا ببعض الحاجة الصح اللي اتعملت انكم افترقتم نهال مش زيك ولا طبعك 

فريد: 

_ هو لازم نكون نفس الشكل   علشان الحب

شيري: 

_ع الأقل تكون الأرواح متألفة،  بس فعلا زي ما أمجد قال انتم الاتنين عكس بعض ف كل حاجة ونهال خلاص اتجوزت الموضوع خلص مافيش داعي نفتحه تاني انتهى

فريد:

_ وأنا متأكد أن الموضوع مش انتهى عند نهال 

أمجد: 

_انت بتأكد لمين؟ وازاي نهال اتجوزت فاهم يعني اي اتجوزت ومش اي جوازة والسلام دا رجل اعمال وناجح 

 فريد: 

_اتجوزت علشان أنا سافرت بس حاليا انا رجعت 

أمجد: 

_هو انت فاكر أنها متجوزة جواز فري!؟  ورقة بقلم رصاص وهيقطعو الورق

شيري وهي تنظر له في تحذير : 

_أمجد 

أمجد: 

_مش قصدي  بس انا وانت الوضع مختلف طبعاً  عن أي جوازة احنا  متجوزين عرفي ل حين الأمور تتصلح وينقلب رسمي 

فريد وهو ينظر لكل منهم في هدوء : 

_وات ايفر( واي يعني) 

أمجد: 

_لا أنت الكلام معاك الصبح صعب بجد، احنا نتكلم بليل تكون فوقت وأنت تاخد نوم عميق كدا، العربية بتاعتي برا هتوصلك لحد البيت و ب لليل نتكلم يعني احنا هنر وح من بعض فين،  يا لا حمد الله على السلامة

فريد وهو يصعد إلى السيارة: 

_انا عايز سمر ضروري، حد يبلغها اني عايز اتكلم معاها 

شيري في لهجة لؤم ومكر: 

_طيب ما تتصل بيها، ما هو الرقم زي ما هو

فريد وهو ينظر لها في تحدي: 

_انا النهاردة بليل هعمل لكم حفلة في بيتي ولكم كلكم هدايا من امريكا الكل ليه وسمر بالذات ليه حاجة مميزة علشان عايز اصالحها 

شيري: 

_يا بخت سمر بالعموم بردوا لو أنت بلغتها هيكون احسن واحسن 

فريد: 

_طيب بلغيها أنت وليك عندي هدية مميزة 

أمجد: 

_خلاص أنا هبلغها وهاخد منك انت هديتين 

فريد: 

_اوكي، اللي يجيب لي سمر الليلة دي الهدايا مش هتخطر على بالكم 

 شيري: 

_هي دي الهدايا اللي كانت هتروح للعروسة  الأمريكية 

فريد في ثقة وغرور: 

_أيوا 

شيري وهي تضحك: 

_يا عيني الحزينة ملحقتش تفرح

أمجد: 

،_قولي بقا يا فريد انت ليه خلعت من الجوازة اللي  هناك و ليه خلعت من الجوازة اللي  هنا يا هراب يا طفشان من بنات مصر وبنات امريكا؟ 

فريد: 

_الجوازة اللي هناك كانت صفقة بمعنى صفقة بس الكسبان بزيادة هما، وأنا اللي صممت انها مش تتم ، المشكلة مش ف الجواز المشكلة في الطلاق عندهم، هتاخد نص املاكي هناك والعقارات والشركة والفلوس كمان كاملة لما نتطلق وهو دا اللي كان بيخطط له ابوها، موافق على الجواز لأن بعد كام شهر ولا سنة هي هتطلب الطلاق واي حجة هتقولها  هتاخد بيها المحكمة لو كلمة قلتها في لحظة غضب هتاخد حكم  طلاق بسبب الإهانة أو نزلت مصر يبقى هجر وطبعاً دا مش جواز دا فخ وأنا قلت لا 

مش هكمل غير أنها كيرڤي ومش ال تيم بتاعي يعني مش عجباني، بس وصلنا لاتفاق أخير أن التسهيلات للشركات بتاعتنا في امريكا هتفضل زي ما هي مقابل عموله ليه علشان مش نخسر رجل مهم زيه 

نظر أمجد إلى شيري نظرة ذات مغزي وقال: 

_طيب وجوازة هنا!؟ 

قال فريد في بساطة:

_الجوازة بتاعت هنا دي مكنش ف الحسبان أنها تبوظ كانت هتم بس إصرار مامي اني اروح علشان نرضي السيناتور الأمريكي هو اللي خلى الخطط كلها تبوظ 

شيري في ذهول:

_يعني انت ضحيت بيها علشان مصالح برا؟! مكنش في حب!؟ 

أمجد وهو يضحك: 

_دا زي اللي كان ماسك عصفور بص  ع شجرة قال أنا هاخد اللي على الشجرة دول أتقل وطير اللي في ايده طلع الشجرة لاقاهم عصافير خشب وضاع منه الاصلي

فريد وهو ينظر له في تحدي: 

_أنا اللي سبت العصفور الخشب وانا بردوا اللي سبت العصفور الحقيقي وانا لو لي مزاج أرجعه:::: 

أمجد وهو يقاطع كلماته: 

_قلت لك يا خواجة أنسى قوانين امريكا مش هتمشي هنا  

شيري:

_خلاص يا فريد في هنا عصافير تانية كتير هتلاقي طلبك وأحلى وانا عندي شوية عصافير كناريا للجواز  وغزلان و يمام و جواري السلطان 

الجراب مليان  هتنسى تجربة المرار بتاعت امريكا أوعدك ب كدا 

ثم نظرت إلى أمجد وقالت: 

_اطلع بقا يا امجد عايزة أنام علشان بليل عندنا حفلة مع فريد وهدايا من امريكا

يتبع