قراءة رواية أنا ووشمي وتعويذة 

تنشر حصريًا على مدونة رواية وحكاية قبل أي منصة أخرى

رواية أنا ووشمي وتعويذة عشق

 رواية جديدة قيد النشر

من قصص و روايات 

الكاتبة هدى زايد

الفصل السادس والعشرون

2

تم النشر يوم الإثتين

15/1/2024

تركها وهو يجذب قدح القهوة بعنفٍ شديدة حتى سقطت على ظهر يـ ـده  شعر بسخونتها لكنها لم تؤلمه كما فعلت " رقية " معه.

❈-❈-❈

بعد مرور أسبوع 

كان " فارس" جالسًا على طرف الأريكة الخشبية داخل الرداهة ينفث سحابة دخان كثيفة بشرودٍ تام،  أتت جدته حاملة  قدح القهوة  وضعته على سطح المنضدة الرخامي 

و هي تقول بنبرة حزينة

- يا واد كفاية شرب سجاير  صحتك، مافيش حاجة مستاهلة توجع قلبك عشانها 

 وضع لفافة التبغ في المنفضة و هو يقول بنبرة تملؤها الحزن

- بعد إيه يا ستي بعد ما ضيعت عمري عشانها 

تابع بتساؤل

- طب و عمري اللي راح عشان اجمع تمن شبكتها و اعملها اللي عاوزاه .

ردت جدته قائلة:

- ياواد هايجرا لك حاجة  خلاص راحت واحدة تيجي الف واحدة 

نظر لجدته و قال:

- أنا نفسي افهم بس يا ستي امتى و ازاي و فين كتبوا كتابهم طب ليه محدش عرف دا ابن خالتها اللي هو زي اخوها يتفاجئ زيه زيي !! 

- و أنت بتصدق الكلام دا، دا تلاقيهم عارفين و عاملين عُبط قال يعني احنا كمان منعرفش 

وقف عن مقعده و قال بصوته الجهوري وهو يدفع بالمنضدة 

- ازااااي  كل دا حصل ازاااي 

ردت جدته بنبرة حزينة 

- قلبك يا واد كفاية بقى 

هوى على المقعد و قال بإبتسامة مريرة

- قلبي !! ما كسر ته بنت عمي ياستي !!

❈-❈-❈

داخل قاعة زفاف 

كانت "دعاء" جالسة تشاهد العروسان بأعين تملؤها السعادة تم اعلان زواجهما و الآن هو وقت احتفالهما حضر الحفل القليل من الأصدقاء و الأهل أيضا،  كانت واقفة أمام العروس التي تساقطت دموعها بغزارة حين قالت:

- كدا يا خالتو لا ماما ولا اخويا و لا أي حد من اهلي يحضر الفرح !! 

- يا بت يا عبيطة الميك اب هايبوظ و بعدين احنا مش محتاجينهم في حاجة  كفاية عليكي أنا وجسور و عمك شهاب 

ردت بنبرة متحشرجة قائلة:

-  بس أنا محتاجهم يا خالتو

أتى " يوسف"  بعد ما أنهى مكالمته الهاتفية 

وجدها تكفكف دموعها بظهر يـ ـدها ابتسم لها ثم قال بحنو وحب 

- الچميل بيبكي ليه ؟!   

- قل لها يا يوسف احسن غلبت افهمها مافيش قمر بيعيط يوم فرحه مش مصدقة 

و بعد مرور عدة دقائق ابتسمت من بين دموعها و هي تقول بنبرة متحشرجة إثر البكاء

- انتوا ناس فايقة ورايقة و الله

- حجي معايّ ست الحُسن و الچمال مبجاش فايج ورايج ليه بجى ؟!! 

- وانا خالتها منضحكش ليه بقى ؟! 

أنا بقول كفاية لحد كدا و يابخت من وقف مع العروسة عشر دقايق و خفف و لا إيه يا عريس ؟! 

أردف " فضل" عبارته و هو ينضم لهم ابتسمت " دعاء" بتوتر  حاولت أن تتحدث لكنها وجدته يمازح " يوسف" بكلماته المرحة 

ثم دس يـ ـده داخل جيبه و اخرج منه بطاقات ناولها للعروس و قال:

- هدية بسيطة مني عشان لو الواد دا ضحك عليكي ومسافركيش شهر عسل 

ردت " رقية" قائلة بإمتنان :

- شكرًا يا عمو ربنا يخليك يارب 

- و يخليكي يا روحي و يحنن قلب خالتك عليا

ضحك أربعتهما اخيرًا  غادر " فضل"  برفق عروسه المستقبلية نظر لها و قال:

- مش هتحن بقى يا جميل و نتمم الجوازة ؟! 

ردت " دعاء"  قائلة بتساؤل 

- يعني أنت لسه مصمم يا فضل ؟! 

- متحاوليش مافيش مفر !

- ايوة بس 

- من غير بس أنتِ كنتي عاملة حجة رقية واهو ماشينا الدنيا معاها

- فضل احنا كل اللي عملناه إننا اعلانا جوازهم و قلنا دي شبكة وكتب كتاب انما البنت لسه زي ما هي في نفس المشكلة دا غير إن عبد الكريم قال مافيش أي حاجة هتم بشكل رسمي غير بموافقة خيرية 

سألها " فضل" قائلًا بتساؤل 

- ايوة وإنتوا ليه عملتوا فرح طالما المشكلة لسه زي ما هي !! 

- عشان الفضايح اللي عملها فارس لما كان فاهم إنها مش مراته  

- طب و بعدين يعني ؟!

- و لاقبلين مافيش أي حل غير إن نبيلة توافق وخيرية ودول لو قتلتهم مش هيجتمعوا مع بعض اصلا .

رد " فضل" بجدية و قال:

- من الآخر كدا احنا نكمل جوازتنا و بعدها نفوق للعيال دي 

- بس يا فضل

- بلا بس بلا مبسش  أنا همشي الجوازة يعني همشيها

ردت بإقتراح قائلة:

- إيه رأيك لو خلينا في  فترة خطوبة  في الأول ؟! 

قاطعها بنبرة مغتاظة

- يا نوغة !!   هو أنتِ فاكرة نفسك نونه ولا تكوني فاهم اني لسه شباب دا قربت اقابد وجه رب كريم 

- طب ما تموت بعيد عني أنت جاي تموت عندي !! 

❈-❈-❈

في مساء أحد الأيام

نجح " فضل" بعد مرور عدة أسابيع من المحاولات الفاشلة  أن يقنع " دعاء" بإتمم الزواج. كل هذا لم تتوقعه ابنته " تميمه"  ساعد " بهجت" خطيبها والدها في اتمام هذه الزيجة  و حدث لم يتوقعه حين قالت له بصراخ 

-   أنت مين طلب منك تدخل ؟! 

- يا بنتي هو أنتِ سيكو ؟! مش أنتِ اللي رحتي طلبتيها أنتِ واختك ؟! 

- كنت فاكرة انك بتفهم 

- يعني ؟! 

- يعني كل دا من ضمن خطتي 

- خطة إيه و ولعبة إيه هو احنا في حرب !! و بعدين الموضوع يعني يا تيمو أنتِ اللي مكبرة كل حاجة من فضلك يا تيمو سيبي عمي يشوف حياته و احنا كمان نشوف حياتنا 

نزعت يده بعيدًا عن وجهها ثم قالت بغضبٍ جم

- حياتنا !! انهي حياة اللي بتتكلم عنها دي يا بهجت باشا اللي أنت دمرتها بإيدك ؟! 

سألها بعدم فهم قائلًا:

- قصدك إيه ؟! 

- قصدي إني مش هسمح لك تزعل ماما الله يرحمها في قبرها عشان الجر بوعة دي 

رد بحدة و قال:

- احترمي نفسك يا تميمه و اتكلمي عن خالتي بأدب 

فرغ فاها لترد لكن قاطعها دخول مساعدتها و هي تقول بتساؤل

- أستاذة تميمه بشمهندس أحمد الفيومي بعت لنا باقي الورق تحبي تشوفي دلوقتي ؟! 

نظر لها ثم عاد ببصره لخطيبته و قال:

- مش دا الراجل اللي قلت لك ارفضي قضيته ؟! 

أشارت لمساعدته بالخروج ثم قالت بجدية 

- دا شغلي و أنا مستحيل اتنازل عنه 

- عِند يعني ؟! 

-متحسباهاش كدا بس القضية دي لو جت لك مكنتش هترفضها يا بهجت 

تابعت بجدية و قالت:

- الشغل مافيش في اعذار و زي ما أنت عارف شغلتنا علمتنا إننا ندور على الحق مكان ما يكون 

رد بتساؤل و قال:

- يعني هتقف قصادي في المحكمة تتدافعي عن واحد رافع على أبوه قضية حجر و بيتهم أبوه بالجنون. مش كدا ؟! 

رفعت ذقنها بشموخ وقالت:

- لو واثق إن موكلك إنه مش مجنون كمل و نشوف القاضي هيحكم بإيه 

ختمت حديثها قائلة:

- لو كنت فاهم إن كل مرة هاتنازل عشانك تبقى بتحلم أنا مش هضيع تعب سنين عشان شوية حب وتفاهات يا بهجت .

❈-❈-❈

ليلة زفاف فضل و دعاء 

كانت الليلة الأصعب على الإطلاق للبعض و هادئ للبعض الآخر، كانت "تميمه"  تشعر بالغيظ و الغضب الشديد لاتمام هذه الزيجة 

ما زاد الأمر سوءً أن حبيبها تجاهلها طيلة الفترة الماضية،  لم تكلف حالها عناء مكالمة هاتفية تعتذر منه فيها أبت أن تعترف بأنها مخطئة  بل فعلت ما لايحمد عقباه و كانت آخر افعالها لا تحسب عليها .

أنت ازاي وافقت إنك مامتك تتجوز كدا عادى؟! 

مش دي كانت رغبتك اني افكر بموضوعية  واني مبقاش اناني ؟!  مالك مستغربة ليه ؟! 

عشان كنت فاكرة إنك بتفهم معرفش إنك غبي 

بصي أنا اتحملتك المرة اللي فاتت و دا عكس طبيعتي المرة دي بقلك احترمي نفسك احسن لك

هتعمل إيه  يعني هتضربني ؟! 

في إيه يا جماعة مالكم بس شكلكم زي ما تكونوا بتتخانقوا ؟! 

أنا ماشية 

 تيمو ماينفعش اصبري بابا كدا هيزعل  

خلاص هتسنى برازفي الجنينه

معلش  ياسيادة المقدم دا مش طبع تميمه صدقني هي بس عشان متخانقة مع بهجت والدنيا بينهم مش احسن حاجة جت فيك أنت 

حصل خير يا دعاء أنا بس مرضتش ازعلها و عملت حساب لخطيبها وانه ابن خالتي بردو واحدة غيرها كان زمانها بتتحاسب دلوقت

معلش اعذرها هي الايام دي اعصابها تعبا2نة و مشكلتها مع بهجت كبرت أكتر من اللازم و تقريبا كدا فركشوا

يعني إيه فركشوا ؟! 

يعني سابوا بعض   ادعي لهمريرجعوا لبعض دول روحهم في بعض 

ربنا يوفقهم

امين يارب عن أذنك هروح اشوفها 

اتفضلي 

❈-❈-❈

ايه يا ابني فينك من الصبح 

معلش يا جاسر مكنتش ناوي اجاي بس اصرارك هو اللي جابني

مالك في إيه ؟! 

مافيش  

دا شكل واحد مافيش حاجة ؟! 

صدقني مافي مشكلة بيني وبين تميمه  بس كبرت المرة دي 

بسبب الجوازة صح ؟! 

مش الموضوع دا بس، كله جه مع بعضه و تقريبا كل واحد قال  اللي في نفسه لما جه على التاني 

 طب معلش بكرا ترجعوا لبعض  هي كدا فترة الخطوبة اومال سموها فترة تعارف ليه ؟! 

تعارف مين بس يا جسور تميمه دي أنا فتحت عيني على الدنيا لاقتها نص التاني اللي بيكملني 

 لولا دماغها الناشفة دي كان زمان متجوزين وعندنا بدل العيل عشرة 

كله بمعاده يا بهجت  متستعجلش 

عندك حق   

يلا روح صالحها و عدي اليوم كدا 

لا يا جاسر أنا مش هصالح حد تتنازل هي هتنازل أنا 

تتنازل عن إيه ؟! 

هي عارفة هتتنازل عن إيه أنا دلوقتي بحط حياتنا في كفة و حياتها و شغلها في الكفة التانية و هنشوف كفة مين اللي هتكسب 

يبقى كفة شغلها اللي هتكسب يا بهجت اللي زي خطيبتك مش سهلة ومتمردة مبتحبش اللي يمشي كلمته عليها عاوزة تبقى هي وبس 

أنت كدا وصفت اللي جوايا واللي نص خناقتنا بسببها 

معلش بكرا تتعودا على بعض روح و صالحها  يلا 

 عادت لتصالح حبيبها بعد ما حثتها شقيقتها على ذلك وجدت "جاسر"  يتحدث عنها و عن نظرته لها اغتاظت منه و من حديثه عنها  ردت بنبرة مغتاظة قائلة: 

وهيصالحني ازاي بعد ما عبيت دماغه من ناحيتي  برافو عليك يا سيادة المقدم كنت فاكرة إن الرجالة ملهاش في شغل العقارب دا بس افتكرت إن تربية دعاء ملكة العقارب نفسها 

 معلش عذراك ما أنت تربية واحدة ست 

  لم يمهلها " بهجت" أي فرصة لتكملت ثرثرتها تلك  جذبخا من معصمها بعيدًا عن بن خالته   و قال من بين أسنانه بغيظٍ مكتوم:

-  كفاية قلة أدب و اللي بتتكلمي عنها كدا دي تبقى خالتي قبل ما تكون مرات باباكي و ابنها دا لو فقد اعصابه أكتر من كدا هيخلي شكلك وحش اوي قدامي 

ضحكت بسخرية و هي تقول:

- يا ابني  هو مخلي  شكلك وحش اصلا من زمان مش زمان اوي بصراحة من وقت ما ضحك عليك و قال إن اختك اتخطبت و هي في الاساس 

يُتبع..