رواية جديدة 

زوج مؤقت

تنشر حصريًا 

على مدونة رواية وحكاية 

قبل أي منصة أخرى

 الفصل السابع والعشرون

2

تم النشر يوم الخميس

 11/1/2024

❈-❈-❈

نظر له زاهر في اهتمام ثم قال:

_مكالمات مع ناس واكيد دي الشلة بتاعته معظمها بنات واتصالات دولية 

صفوت في لهجة تحمل الاهتمام:

_ممكن نطلب من شركات المحمول تقرير كامل وشامل عن المكالمات

زاهر وهو يضع يد على دماغه:

_انا فعلاً محتاج فنجان قهوة قبل ما اشوف شلة الخواجة فريد 

صفوت وهو يضحك:

_هطلب اتنين أنا كمان  دماغي محتاجة تترتب

زاهر وهو ينظر له في حماس:

_تعرف يا صفوت أنت ممكن تشوف شخص هايف ومافيش ف دماغه غير التافهات  و المزاج والكيف زي ما بيقولوا  متتوقعش في لحظة أن يكون مجرم الفئة اللي زي دي هي اللي  بيطلعها منها الجريمة في شكل كل الضياع اللي عاشوه 

كل لحظة ضاعو فيها بتكون جريمة في حق نفسهم لحد ما تيجي اللحظة الأخيرة اللي بيقررو  ينهو حياتهم بضياع أكبر 

صفوت وهو يزفر في حزن:

_فعلاً الفراغ الكبير  في حياة  المرفهمين دول بيكون هو أول طريق الشتات واول طريق للانحراف 

ثم نظر إلى زاهر وقال:

_وبينتهى الحال بيهم زي 

فريد أو زي اللي ق_ تل فريد 

زاهر وهو ينظر في الغرفة التي تضج بالثراء بها:

_فئة الضحايا في الطبقة العليا زي ما بيقولوا زاد أوي 

صفوت وهو يؤكد على كلماته:

_والم_جرمين كمان في الفئة دي زادو اوي اوي 

صفوت بعد أن ركع في الأرض  ينظر إلى إحدى الزوايا:

_دا مش يمنع أن الجريمة هي الجريمة مينفعش نخفف أو  نتقل  بشاعتها علشان الطبقة زي ما بتقول بس هي بتفرق في اختلاف الدوافع والأسباب 

زاهر وهو يؤكد على كلام صديقة:

_اكيد هي هي الجريمة بس الواحد بقا يستغرب أن فئة متعلمة وراقية ومثقفة دخلت في دايرة تنفيذ جرائم و دوافعها مالية رغم أنهم مش محتاجين زي الدكتور اللي ق_تل صديق عمره بعد ما عرف أنه معاه كمية كبيرة  من الدولارات 

صفوت وهو يهز رأسه ويبحث عن شيء بيده:

_تعرف أن الجريمة دي أثرت فيا أنا شخصياً

زاهر في صوت منخفض جداً:

_حمى بهرجة الحياة والزيف اللي احنا فيه دا 

مخيف بجد، تعرف يا صفوت  أنا بقالي عشر سنين في جرايم القتل دي آخر تلات سنين الجرايم كترت اوي وخدت شكل شرس، وفي جرائم تمت مع الاسف تحت بث مباشر ودا بيثبت  أن معدل العنف

مستواه بقا كبير اوي وبقى خطر اوي 

حاجة زي جرس غليان في المجتمع، أنا شايف فرق كبير تطور أكبر  بين سنة وسنة ودي حاجة ترعب بجد  

أول ما استلمت شغلي كان جرايم  القتل مقتصرة على قتل الم-جرم_ين ل بعض، يعني زي تصفية حسابات، وكان ال_ق_تل   قبل منه غدر كبير، يعني الم_قتول بيكون واخد إخطار قبلها  أنه هيتقتل، 

وكان نسب قليلة اوي 

وفي أماكن معينة  في القاهرة، بس دلوقت اي مكان تتخيله ممكن يكون مسرح جريمة واي خناقة ممكن تنتهى ب ج_ريمة

صفوت في صوت منخفض:

_في حاجة هنا 

أقترب زاهر من صفوت ثم قال:

_في مكان خفي عندك؟

 صفوت في لهجة صوت تعبر عن الفوز وال ظفر:

_ايوا ايوا  فعلاً. في هنا درج  مستخبي هنا بين السرير والحيطة 

جذب صفوت الدرج إلى الخارج ثم نظر بداخله وقال 

_دا ألبوم صور 

أمسك صفوت  الألبوم الذهبي الذي كتب عليه حروف كلمة فريد باللغة الإنجليزية وكلمة انجازات في الجهة الأخرى ثم فتح عدد من صفحات الالبوم  التي تحتوي على عدد من الصور ومرفقة بعدد من الأوراق  ثم قال:

_دا شخص بيحب يوثق كل حاجة 

انتبه زاهر إلى كلمات رفيقه مما جعله يتفقد الالبوم و   وألقى نظرة عميقة عليه وقال:

_غريبة!؟ شخص زي فريد دا ليه بيحتفظ الالبوم دا هنا؟ مع أنه تارك الاوضة دي ل صحابه، اكيد في هنا اماكن تانية خفية 

صفوت وهو ينظر له في عمق:

_ممكن يكون ال_ق_ا تل   بيدور على الالبوم دا؟

زاهر وهو ينظر له في هدوء:

_احتمال، ليه لأ؟ 

نظر زاهر إلى ساعة الحائط ثم قال وهو يستمع إلى الصخب القادم من أسفل العقار:

_الدوشة دي بتقول انها شلة الليل اللي البواب اتكلم عنها، كلام البواب مضبوط بيعملوا هليلة وهما طالعين وهما نازلين  

صفوت وهو يجلس في مواجهه الباب:

_خلينا نشوف مين فيهم اللي معاه مفتاح الشقة؟ 

بعد قليل تم فتح باب الشقة بواسطة أمجد الذي كان يصيح بأعلى صوت:

_فريد  هاي مان احنا جينا 

توقفت الكلمات في فم أمجد فور أن شاهد صفوت وزاهر في حين نهض كل منهم  وهم ينظرون إلى الشباب وقال صفوت:

_مين في الشلة لسة مجاش؟ 

نظر الشباب بعضهم إلى بعض في حين قال أمجد:

_فريد فين؟ هو في اي؟ اي اللي حصل؟ 

زاهر وهو ينظر لهم في حدة:

_مين اللي لسه مجاش فيكم؟ 

أمجد وهو ينظر إلى شيري وشادي و ناتالي وشوقي ( شيتوس ) والباقي:

_مافيش كلنا موجودين،

ثم نظر إلى الغرفة المغلقة وقال:

_هو فريد فين؟؟

هتف صفوت في هدوء:

_أنت اللي معاك مفتاح شقته؟؟

نظر أمجد إلى شادي ثم قال:

_أنا وشادي وسمر بس:::

هز شادي رأسه علامة الايجاب وتابع:

_أيوا مضبوط 

شيري وهي تنظر لهم 

_هو في اي؟ 

ناتالي في صوت منخفض لم يستمع له أحد :

_في حاجة غريبة 

أكدت كلامها في خفوت وخوف  ميري 

زاهر وهو ينظر له في عمق:

_بس اي؟؛ 

أمجد وقد ظهر عليه الحيرة: 

_أنا عايز اعرف في اي؟ وفريد فين؟

زاهر وهو ينظر له في عمق:

_امتا آخر مرة شفت فيها فريد؟! 

لم يجب أمجد فقط نظر إلى غرفة فريد المغلقه ثم قال بعد قليل وهو يفكر في أمور عديدة :

_هو فريد رجع أمريكا تاني؟! 

نظر شادي الى امجد في تعجب ثم قال في صوت هادئ:

_طيب احنا صحاب فريد وبنجاوب على اسئلة من ناس مش عارفين هما مين؟ ولا عارفين اي السبب؟ ممكن نعرف في اي؟ 

نظر صفوت إلى زاهر نظرة ثم قال زاهر في هدوء:

_فريد أت_قتل

 الكلمات وقعت مثل الصاعقة على الشباب واعقبها صرخات اختلطت بكلمات استنكار وبكاء شديد  من أمجد الذي تهاوي على الأرض وهو يرتعش ثم  فقد الوعي في حين عقدت الدهشة لسان شادي وانكبت شيري تحاول ايقاظ أمجد في استماتة وهي توجه نظرات عتاب ولوم إلى كل من صفوت وزاهر قائلة:

_اي الخبر الاسود دا؟ دا أمجد كان أقرب واحد ليه، يعني مش بعيد أمجد يروح فيها هو كمان 

  في حين ارتبكت الفتيات الأخريات وتبادلا نظرات عدم تصديق وخوف ورعب حقيقي  من صدمة الخبر الذي لم يخطر لهم على بال شيتوس وهو ينظر لهم في عدم تصديق:

_مش معقول هو كان معانا امبارح انقتل امتا؟ وفين؟ وازاي؟

زاهر وهو ينظر له في هدوء:

_انق_تل هنا في الشقة

ثم اتخذ بضع خطوات إلى الخارج وقام بالنداء على البواب الذي هرول إلى أعلى وهو يقول في صوت جهوري:

_حالاً يا بيه

يتبع