رواية جديدة 

زوج مؤقت

تنشر حصريًا 

على مدونة رواية وحكاية 

قبل أي منصة أخرى

 الفصل الثلاثون

2

تم النشر يوم الأربعاء

 17/1/2024

❈-❈-❈

نظر مراد إلى المحامي في اعجاب ثم قال:

_ والله أنت اكتر حد بثق فيه في أي حاجة قانونية انت عبقري 

المحامي في ثقة وقد اسعدته كلمات مراد:

_وانت كمان احسن موكل عندي 

صمت دقيقة ثم تابع:

_بس في حاجة كدا أنا متوقع بكرة تتسأل هو احتمال ضعيف اوي بس علشان الكل يكون عامل حسابه 

مراد في لهجة تأييد:

_اتفضل يا استاذ قول كل حاجة مافيش داعي للاحراج حتى لو كان السؤال احتمال واحد في المليون يتسأل اتفضل اسأل 

المحامي وهو ينظر إلى نهال ومراد:

_لو المحقق سأل سليم عن أي خلاف ذلك حصل بعد كدا في بيته سليم يقول إن حياته متأثرتش بالموقف دا، يعني من الاخر  لازم يقول مافيش انفصال حصل يينه وبين نهال 

هز سليم رأسه علامة الموافقة ثم تابع:

_تمام 

مراد قال في لهجة تأييد:

_مفهوم علشان يبان أنه موقف وقتي ومالهوش اي توابع تبرر اي حاجة تانية 

المحامي وهو ينظر إلى الجميع:

_اشوفكم بكرة بدري 

دلفت ايڤا في تلك اللحظة وضعت القهوة  المحلاه ب الشيكولاتة  ثم قالت:

_اتفضل يا استاذ أنا سمعت كل كلامك وقلت والله ما يمشي غير لما يشرب البن اللي يعدل المزاج زي ما طمنا كلنا 

ابتسم المحامي ثم قال:

_والله يا ست إيڤا كلك ذوق 

تابعت إيڤا في هدوء:

_ياااه والله بكرة اول ما سليم يخرج من التحقيق دا لازم اجيب ليك كيلو شيكولاته وكيلو بن 

رن جرس الهاتف الخاص ب مراد في تلك اللحظة اتجه مراد مباشرة إلى داخل المنزل وغاب لحظات كان المحامي قد أنهى قهوته و أوشك على المغادرة في حين عاد مراد مرة ثانية إلى الحديقة والتوتر والقلق قد تملك منه ونظر إلى سليم وقال في لهجة آمرة:

_سليم  لو وراك ارتباطات في المكتب انهيها بالتليفون أو خلى زميلك يستلمها 

نظر الجميع إلى مراد في حيرة في حين قال المحامي في تساؤل:

_في حاجة جديدة حصلت!؟ 

مراد وهو ينظر إلى سليم ثم إلى المحامي:

_أيوا في، كدا حيات سليم في خطر حقيقي الوضع مش مطمن نهائي 

نظرت نهال الى والدها ثم قالت:

_معنى كدا أن في حد بيهدد حياة سليم اكيد أهل فريد جم من امريكا 

شهقت ايڤا في رعب في حين أعقب مراد:

_استنتاج صح يا نهال، والدته و والده كمان  وصلوا من المطار لشقة فريد  ومدخلوش بسبب الحراسة اللي عليها بس أتكلموا مع البواب، وكان في تهديد علني قدام العمارة أن اللي عمل كدا في ابنهم مش هيفلت منهم هما  وطلعوا بعدها على التحقيقات

سليم وهو يقف في مواجهه مراد:

_البلد مش فوضى وأنا همارس كل أعمالي أنا مش جبان 

مراد وهو يمسك ذراع سليم:

_البلد مش فوضى دا صح ومضبوط، بس انت متعرفش يعني اي ثورة أم ابنها اتق_تل؟ وبردوا مش هتعرف يعني اي انتقام قلب أب مش عارف يطفي  نار غدر ابنه، الحياة مش زي ما انت فاهم، في ناس في ثورة غضبها لتتحول ل وحوش واحنا هنا بنتكلم عن د_م 

نهال وهي تنظر إلى سليم في توسل:

_علشان خاطري يا سليم لازم تقدر اللي أنت فيه، كلام بابا مضبوط مافيش كنترول على ثورة أب وأم سمعو خبر قت_ل ابن شاب ليهم، حاليا مافيش عقل يحكم حالياً في  انعدام شوف لكل حاجة وممكن اي حاجة تحصل اللي جاين دول فاكرين أنهم مالكين الدنيا واللي فيها والدنيا دي كانت ابنهم، وعايزن ياخدوا حقهم من اللي عمل كدا، الهمجية بتسيطر على تصرفاتهم  والبواب اكيد قال نفس الكلام اللي قاله للمحقق أو ع الأقل هيعرفوا سير التحقيق وصل ل فين 

المحامي وهو ينظر إلى سليم:

_الكلام فعلاً مضبوط لازم الكل ياخد حذر من رد فعل الأم والأب، مش بعيد يكونوا بيتفقوا مع مج_رمين أصلاً  علشان يعرفوا مين اللي ق_تل ابنهم 

إيڤا في لهجة سخط:

_أنا قلت إنه لعنة  فريد  دا لعنة

مراد وضع يده على كتف سليم  ثم نظر له في هدوء: 

_يا بني أنا حاسس اني المسئول عن دا كله، حاسس أن أمنك وسلامتك أمانة في رقبتي أنا، أنا مش هعرف أكون مرتاح لو اتخدشت حتى، مش طالب منك كتير بس تفضل معانا هنا النهاردة المكان هنا أمان اكتر من بيتك اللي في الصحرا أنت لازم تكون معايا أنا ل حد ما التحقيقات تنتهى وأهل فريد دا يعرفوا الق_اتل الحقيقي، ساعتها الخطر هيكون انتهى من حواليك وأنا هرتاح 

تبادل الجميع نظرات تأييد في حين اقتربت إيڤا من سليم وقالت:

_علشان خاطري يا بني دا مجرد ساعات ويوم ويعدي وعلشان كلنا نكون مرتاحين 

نظر سليم إلى نهال التي قالت في توسل:

_كلام العقل بيقول كدا 

نظر سليم إلى مراد ثم قال:

_طيب وأنا موافق على كل كلامك  واللي يريحك وبعد كدا؟؟ 

 تنهد مراد في لهجة ارتياح  وقال:

_بس نخلص من الورطة دي وبعدين نتكلم 

اتجه المحامي إلى الخارج في رفقة مراد وهو يقول:

_بكرة تدخلوا من الباب الوراني بتاع المركز بلاش الباب اللي قدام ومتجوش في عربية واحدة خليكم في كذا عربية العربية تقف على مسافة بعيدة من المكان  ونروح قبل الميعاد بساعة وندخل

 هز مراد رأسه في لهجة تأييد ثم قال:

_نفس تفكيري، بس اول عربية هتكون معانا هتوصل فاضية وتوصل قبل الميعاد بربع ساعة كاملة، وبعدها  وشوية ناس عاديين يدخلو 

زي ناس من الشركة عندي هيدخلوا مع سليم 

قال المحامي في لهجة تأييد:

_تمام كدا أنا عارف وفاهم تفكير أهل ف_ريد  ، ناس فاكرة أن الدنيا لازم تمشي على قانونهم  هما وتفكيرهم بيميل للعنف 

قالت ايڤا وهي تنظر إلى كل من نهال وسليم:

_ادخلو جوا البيت بلاش القعدة هنا 

نظرت نهال الى سليم ثم قالت:

_انا عارفة أن البيت متأمن كويس بس لازم ندخل جوا 

إيڤا في لهجة حسم:

_مش هنستقبل حد الأيام اللي جاية دي حتى لو حد من الشغل بتاع مراد بيه، أنا هدخل اضبط لك الاوضة اللي تحت لو ليك اي طلب انده عليا بس 

جلس سليم ونهال متجاورين أمام شاشة التلفاز قال سليم وهو ينظر لها في عتاب:

_كلام العقل بس اللي بيقول يا نهال اني افضل هنا؟  

 نهال :

_العقل لازم يكون حاضر في اللحظة دي بالذات يا سليم لازم تعرف خطورة  الناس اللي حواليك وكلام بابا مينفعش يتراجع لأن كله علشان حمايتك أنت وعلشان تفضل معانا 

همس في صوت خافت وهو ينظر في عينيها:

_والله الدنيا كلها تتقلب ولا تولع بس المهم عندي انك معايا دي اللحظة اللي أنا عايزاه بس 

نظرت له نهال في عمق ثم قالت:

_أنت كنت بتطلب من بابا اي؟ 

ابتسم سليم ثم قال:

_لاقيت الكل بيحاول يحميني قلت احمي أنا كمان قلبي واطالب بحقه واطلب استردك  واطلب وقف العقاب ل حد كدا وبعد المشكلة دي نرجع بيتنا أنا وأنت

يتبع