رواية جديدة 

زوج مؤقت

تنشر حصريًا 

على مدونة رواية وحكاية 

قبل أي منصة أخرى

 الفصل الواحد والثلاثون

2

تم النشر يوم الخميس

 18/1/2024

❈-❈-❈

داخل النيابة  زاهر والمحامي 

زاهر وهو ينظر إلى سليم:

_انت شفت فريد كام مرة؟ 

سليم: 

_هي مرة واحدة بس 

زاهر وهو يتظاهر بالنظر إلى الأوراق:

_انطباعك عنه اي؟ 

سليم في هدوء:

_مافيش عنه اي انطباعات لأن الوقت أقصر من أن أتامل حتى وشه دا مجرد خناقة وهو بصراحة كان انسان متحضر وافق على طلبي 

نظر زاهر إلى سليم في إبتسامة ساخرة ثم قال وهو يرفع صوته عالياً:

_البواب يدخل بسرعة 

دلف البواب من الخارج في خطوات ثقيلة في حين قال زاهر في هدوء:

_أنت قلت أن فريد حد اتخانق معاه و هدده بالقتل 

البواب وهو يهز رأسه علامة الموافقة:

-ايوا تمام حصل يا بيه

صفوت في إحدى الزوايا وهو يراقب في إهتمام 

ثم يقترب من البواب قائلاً:

_انت شايفه هنا دلوقت؟؟

نظر البواب الى سليم ثم إلى المحامي وقال وهو يشير إلى سليم:

_ايوا هو دا 

هز سليم رأسه بلا مبالاة في حين قال زاهر:

_اي رايك؟ 

سليم في هدوء حسده عليه المحامي نفسه:

_وأنا منكرتش فعلاً حصل بينا خلاف وتهديد وقدام البواب ولو البواب يفتكر فريد رفع ايده ليا وهو موافق على شروطي صح ولا لأ؟ 

البواب يفكر قليل ثم قال:

_ايوا صح فريد بيه الله يرحمه رفع ايده كدا وقال كله اوكيه والافندي دا بص له ومشي على طول 

تدخل المحامي في هذا الوقت ليلتقط الخيط بسرعة قائلاً:

_طيب شفته بعدها؟ 

هز البواب يده علامة النفي وتابع:

_لا أمانة وكلمة حق مشفتش وشه بعدها خالص 

ابتسم المحامي في مكر وأكد على حروفه:

_مشفتش وشه طالع ولا نازل من هناك تمام كدا لحد يوم الجر_يمة 

البواب وهو يهز رأسه علامة الموافقة:

_ايوا الراجل دا مش تبع الشلة علشان يطلع ولا ينزل من عنده 

تبادل الجميع نظرات صمت في حين قال المحامي وهو يقطع حبل الصمت الثقيل في الغرفة:

_الباشمهندس سليم شغال في موقع حيوي شركته مخصص ليها هي وحدها بأنها تبنيها وضروري يتواجد هناك لو في اي سبب لوجوده هنا 

عايز اطلع عليه لو تكرمتم

زاهر هز رأسه في هدوء مماثل وقال:

_لأ خلاص كدا وزي ما قلت قبل كدة يا ريت مافيش سفر ممكن يكون في استدعاء تاني 

خرج المحامي أولاً من الغرفة ثم جذب  سليم في هدوء إلى إحدى الزوايا وأخرج من حقيبته إحدى السترات وقال:

_حط دي عل  هدومك 

سليم في نفاذ صبر:

_لأ مش معقول كدا كتير أنا مش ف فيلم امريكي 

المحامي وهو يضع السترة فوقه:

_اسمع الكلام خلينا نخلص اي مش عايز تشوف شغلك ولا اي؟ 

حاول سليم أن يزيح السترة جانباً ولكن المحامي أصر قائلاً:

_عمك مراد اللي أكد عليا وقال لي ابلغك انك تروح البيت عنده علشان يكلمك قبل ما تمشي مع نهال بيتكم  هو كان عارف انك هترفض كدا ارتحت يا سيدي؟ 

وافق سليم على مضض ثم قال:

_طيب هو فين؟ 

المحامي وهو يجذبه للخروج من الباب الخلفي 

مستني برا؟ 

صعد سليم إلى سيارة المحامي التي سارت في سرعة يتقدم عنها سيارة تقل ايڤا ونهال في حين قال سليم:

_عمي مراد فين؟ 

المحامي وهو يسير إلى شارع جانبي:

_يا لا انزل اركب مع نهال وإيفا مع السلامة الحمد لله  كدا تمام 

نفذ سليم الأمر وصعد إلى سيارة نهال وإيڤا التي قالت في فرحة:

_الحمد لله على سلامتك يا سليم 

نهال وهي تنظر له في ود:

_الحمد لله 

نظر سليم لها في عمق  وحيرة  ثم قال:

_عمي مراد فين؟ 

نهال في هدوء:

_هناك يا سليم قدام النيابة لسه هناك 

ولكن إجابة نهال لم تكن شافيه  زادت من قلق سليم بل وأثارت داخله شك وحيرة 

أمام النيابة توقف عشر  من الشباب مفتولين العضلات  في أماكن مختلفة في حين توقفت سيارة سوداء على مسافة قريبة من النيابة وتم فتح بابها وجلست في تحفز دالنواز بملابس سوداء ونظارة سوداء 

ولم تبال كثير بظهور مسدسها المرخص في تابلوة  السيارة في حين جلس زوجها شوكت والد  فريد   إلى جوارها في صمت  يترقبون النيابة في تركيز شديد 

أقترب مراد من كل منهم ثم قال في صوت به لهجة أسف:

_البقاء لله 

نظرت دالنواز له في سخط ثم قالت: 

_ابني مات لما رجع لكم هنا

نظر مراد لها في عمق ثم قال وهو يحاول أن يهدأ من ثورتها:

_مقدر ومكتوب أنا عارف ومقدر اللي انتم فيه بس يا ريت بلاش قرارت هيكون بعدها ندم 

قال شوكت وهو ينظر له في حزن:

_محدش هيعرف اللي جوايا ولا حد هيحس باللي احنا فيه علشان كدة لازم يكون القرار بتاعنا احنا 

قال مراد وهو ينظر إلى الشباب المتناثرين في كل مكان:

_لا القرار لازم يكون مع أصحاب القانون لأن لسه معرفوش مين الق_اتل؟ بلاش تسرع ممكن ناس تموت ف النص من غير ذنب  

هتفت دالنواز في حدة :

_مافيش حد حياته أهم من ابني، ليه رجع؟ علشان يموت هنا؟ كان راجع علشان بنتك 

هتف مراد وهو ينظر لها في حسم:

_أنا بريء من دمه وكل اسرتي كمان 

شوكت في هدوء:

_أنا عارف ومتأكد من كدا 

دالنواز في اعتراض:

_مراد غير نهال غير ايڤا غير الشخص الاخير اللي ارتبط بيها 

مراد في هدوء:

_بنتي اتجوزت وعايشة سعيدة مع جوزها فريد من يوم ما مشي من هنا مافيش اتصال 

دالنواز في غضب:

_مش صحيح فريد كلمني وقال إنه بيحاول يرجع ل نهال 

أكد مراد على كلماته:

_لا ابنك كان بيحاول يتواصل معاها والطرق كلها اتفقلت معاه،  فريد كان حياته مختلفة عن حياة بنتي مكنش ينفع يكون في بينهم ارتباط حياة ابنك وتفاصيلها مش معاك انت كمان، حاولي تفهمي كدا، حياة ابنك وأسراره كانت مع شباب و شلة النادي حاولي تبصي على حياته هنا او هناك وأنت تفهمي 

وتفهمي كمان الوضع كان اي

شوكت وهو ينظر له في عمق وحزن كبير:

_ابني سيء عارف وعارف كمان أن في اسوأ من ابني ولسه عايشين،  اللي أدى نفسه حق يسلب ابني حق الحياة أنا كمان همارس عليه نفس السلطة وه_ق_تله هو دا العدل 

مراد في لهجة أسف عميقة:

_ عارف أن الكلام مش هيخفف عنك اللي انت فيه، بس يا ريت تهدى وتعرف أن لسه في ناس بردوا بتدور على حق ابنك،  وبيقيموا العدل هنا، وتفكيرهم وتركيزهم دلوقت في أنه يتحاكم وبيدورا بأدلة وبراهين مش عشوائي  أنت مش لوحدك بتدور  على حق ابنك   

هز شوكت رأسه علامة الموافقة في حين قالت دالنواز:

_انت بتحاول تحمي حد؟ الق_اتل معروف ليك؟  

مراد وهو يهز رأسه علامة النفي:

_لا أنا مش  بحاول احمي حد أنا بحاول اعرفكم أن غضبكم ممكن يضيع ناس بريئة ودي جريمة بردوا، ومش هيجيب حق فريد أن حد بريء يت_قتل ومش  عارف مين الق-اتل؟ بس اللي اعرفه أن اللي قت_ل  فريد  يعرفه أبنك كويس  ويثق فيه، يعني مش شخص عابر في حياته،  وعايز يكون عندك صبر ولو أيام واللي سلب ابنك حياته وخده منك هو كمان هيتحرم من الحياة بالقانون بلاش قانون الغاب هنا بلاش همجية هتأذي مش هتنفع 

( داخل مكتب زاهر وصفوت) 

ابتسم زاهر وهو ينظر إلى صفوت قائلاً:

_بص كدا أهو قرار رفع  البصمات وصل وكمان تفريغ الكاميرا  خد اقري يا صفوت  وأنا واثق وعارف مين اللي ق_تل فريد؟ من قبل ما تقرا انت اعرفك بيه علشان تشوف وجهه نظري الأمور كلها صح أد اي؟