رواية جديدة 

زوج مؤقت

تنشر حصريًا 

على مدونة رواية وحكاية 

قبل أي منصة أخرى

 الفصل الثاني والثلاثون

2

تم النشر يوم السبت

 20/1/2024

❈-❈-❈

رن هاتف سمر فنظرت إلى نهال وابتسمت ثم أشارت بيدها حتى تجيب على الاتصال:

_امتا؟ دلوقت!! طيب تمام دقائق وجاية 

بررت سمر  ل نهال:

_النيابة طالباني تاني للتحقيق 

ثم قالت وهي ترفع خصلة شعرها:

_يدوب اخلص مكياج واروح 

لم تجب نهال في حين تابعت سمر:

_الحياة مش عايزة تعقيد 

اتجهت سمر إلى الخارج اتبعتها نهال بعد قليل 

نظر لها سليم في هدوء ثم قال:

_كنت لسه هببعت لك ايڤا 

نهال  وهي ترتشف في بطء كوب ليمون :

_بابا رد عليك؟! 

هز سليم رأسه علامة الموافقة ثم قال:

_ايوا بيقول أنه هيطلع على الشركة وبعد كدا يجي على البيت وقال لازم ننتظره في البيت

ايڤا وهي تنظر عن بعد إلى سمر:

_البنت دي ضيقتك في حاجة؟ 

نهال وهي تنهض من مكانها:

_لا أبداً  يا لا بينا على البيت 

نهضت إيڤا أولاً. ثم نهال و تتبعهم سليم في هدوء  وحين توقفا أمام السيارة  

أشارت لهم سمر بيدها ملوحة لهم قبل أن تصعد السيارة مع أكرم وتنطلق بها في إتجاه النيابة 

نظرت سمر الى اكرم وشادي وشيري وناتالي ثم قالت وهي تخطو إلى داخل النيابة:

_هو استدعاء جماعي ولا اي؟ 

لم يجب أحد في حين قال العسكري وهو يفتح الباب:

_تمام يا افندم 

 نظر زاهر إلى صفوت ثم قال وهو يتأمل الشباب الذي اتخذ صف أمامه وقال:

_القضية دي أد ما هي سهلة أد ما هي صعبة شوية احتاجت تجميع خيوط احتاجت تركيز في أقوالكم  و احتاجت بردوا نظرة للأمور نظرة هدوء وبحث  من غير عصبية ولا تسرع،  الجريمة بتفضل هي الجريمة  بشاعتها قسوتها سؤءها  أثرها المدمر على كل اللي يحيط بيها

في مجرم بيأذي نفسه وبس وفي مجرم بيأذي اللي حواليه والمجتمع، 

انا بستمتع بكوني محقق علشان بدرس الشخصيات اللي قدامي 

بحللها وببص ليها من وجهه النظر الفلسفية والسلوكية 

تقرير الطب الشرعي بيقول أن القا_تل ضرب فريد في لحظة مفاجئة ضربته كانت قوية وحادة ونفاذة وصلت للقلب ومات من الضربة الأولى لانه كان في حالة استرخاء تام بعد بذل مجهود ومكنش متوقع نية القاتل  خصوصاً أنه كان معاه في علاقة، بس القاتل طعنه كام طعنة بعدها علشان يتأكد من موته 

نظرت سمر الى المحقق في دهشة وقالت:

_طيب احنا كلنا هنا ليه؟ مدام عرفتم الق-اتل؟

صفوت وهو ينظر لها في عمق:

_اجراءات أمنيه علشان سلامة القا_تل عايزنه ياخد محاكمة عادلة مش عايزن ندي فرصة لقانون الغاب يتطبق هنا في البلد خصوصاً أن أهل فريد ناويين على أخد التار 

تبادل الجميع نظرات قلق ودهشة وقال زاهر:

_في بعض الجرا يم بيكون القاتل في نص الأحداث يعني يبان أن هو بعيد  مع أنه قريب قوي وبصراحة في ذكاء في شخصية القا_تل بس كلامه لما تركز معاه تلاقي كاشف نفسه 

ناتالي في دهشة وحيرة:

_ قصدك تقول إنه من الشلة طيب هو مين في الشلة؟ 

نظر زاهر إلى سمر وقال:

_سمر متحررة وعايشة الحياة زي ما هي عايزه

وعلشان هي بتحب الحياة استبعدت أنها ترتكب الجريمة دي 

هي واضحة مع نفسها، وقفلت صفحة فريد و نهتها واكبر دليل على كدا أنه حاول يرجع العلاقات  اللي بينهم بس هي رفضت زي ما كل الشلة أقرت بكدا وشهود النادي وأكرم كمان 

ثم نظر إلى أمجد وتابع:

_أمجد مثال الشخص اللي عايز يعمل كل حاجة غلط في شبابه علشان فاكر أن هي دي مرحلة  الحياة اللي مش هترجع ولازم يعيشها قبل ما يكبر علشان يكون داق ملذات الحياة كلها  وحبه ل فريد حب صادق  حب صحوبيه جامدة وكان مخلص ليه وهو اكتر حد اتأثر بموته  رغم أن فريد مش شخص صالح بس هو بيحبه وشايف أنه احسن من ناس تانية 

كفاية أنه فاتح بيته للكل 

أو  ليهم شلته يغني اكل وشرب ومزاج و نسوان 

دا كفاية اوي

شادي

_شادي  سنه الصغير 

خلاه مش عارف الصح من الغلط، تقريبا هو اصغر فرد في الشلة 

وفاكر أن الرجولة الحقيقة سيجارة وكأس وبنات، و معندوش مشكلة مع فريد بالعكس مصلحته مع فريد لانه بيحقق له رغباته وحاسس أنه خسارة  كبيرة ليه  لما فريد م_ات 

ناتالي

_ واحدة تيك اوي

يعني اصاحب فريد ساعتين ف اليوم واخد 

مزاجي من خمرا وحشيش  واروح بيتنا من غير ضغوط لأن فريد كمان فري مش طابق على نفسي ولا عايزني اربع وعشرين  ساعة  ولو حد غيره وفر لي مافيش مانع أن اركن فريد بس مش هخسره

هفضل حاطه ف القائمة

وارجع له بين الأوقات 

خصوصاً  أنه معجب بيها 

شيري 

نظر صفوت إلى زاهر نظرة ذات معنى ثم قال زاهر وهو ينظر لها في عمق:

_احكي لنا بقا  يا شيري ق_تلت فريد ازاي؟ وليه؟ 

تراجعت شيري خطوة إلى الخلف ثم قالت في صوت مضطرب:

_لأ مش قت_ل_ته مش ق_تلته

زاهر وصفوت في لهجة تصميم:

_الكاميرا سجلت   كذا حاجة صوت وصورة، الكاميرا اللي حاولت تبوظيها كانت خدت كام لقطة كدا قبل ما تبوظ ، و البصمات كمان، صحيح في كذا بصمة في الأوضة بس احدث بصمة هي بصمتك أنت 

شهقت ناتالي في دهشة في حين قالت سمر وهي تنظر إلى شيري في تعجب:

_شيري!؟ طيب ليه؟ قت_ليته ليه؟ 

أمجد لم يتمالك ذاته شعر بقوته تخور اختار الجلوس على اقرب مقعد ثم قال وهو يرفع بصره لها:

_ازاي؟ اي السبب؟ فريد !! 

ثم نظر لها في شك وقال:

_معقول! أنت 

صرخت شيري وهي تجلس إلى جوار أمجد:

_متسبنيش يا أمجد خليك معايا أنا كنت بدافع عن شرفي 

تراجع ناتالي وشادي آلة الخلف وهم يتابعون الموقع في دهشة

(ربط بين الأحداث ) 

أمجد وشيري تم زواجهم عرفي 

شيري  هي الوحيدة التي حضرت فرح نهال برفقة أمجد وهي من دلت فريد على عنوان منزل نهال 

شيري هي من استقبلت فريد مع امجد عند عودته من أمريكا وهي أول من عرف بأمر الهدايا الذهب القادمة من امريكا

أعتراف شيري ل زاهر أنها هي وسمر أول من تعرف ب فريد في أول مجيئة ل للقاهرة=هي موضع ثقة بعد سمر 

، مفتاح شقة فريد في يد أمجد، مما سهل ل شيري الحصول عليه والدخول والخروج من شقة فريد 

وعد شيري ل فريد بتنفيذ كل طلباته 

في يوم عودته وهي من كانت تختار له بنات النادي حتى يرافقهن 

اعتراف أمجد أن فقط النساء التي على علاقة ب فريد هم من مسموح لهم بدخول غرفته وغير هذا لأ 

ادعاء شيري أمام زاهر أن ليس هناك أي  علاقة ربطتها ب فريد لأنها مخطوبة  لامجد رغم وجود بصمات لها داخل غرفة نوم فريد 

 الكاميرا التقطت بعض الصور لها وهي في الغرفة ) 

زاهر وهو يشير إلى الآخرين:

_انفضلوا برا هيتم التحقيق معاها بمفردها 

نظرت سمر الى امجد في شفقة ثم جذبته من ذراعه وهي تقول:

_يا لا يا أمجد علشان نشوف محامي ل شيري 

اكيد قت_لته غصب عنها 

نظر أمجد إلى شيري في حزن ثم الى سمر التي هزت رأسها حتى تشجعه على الخروج فاستجاب لها وهو يلتفت إلى الخلف ينظر إلى شيري التي شرعت في البكاء في صوت مرتفع وهي لا تصدق  ان أمر قد تم كشفه  في حين خرج شادي وناتالي إلى خارج  النيابة في سرعة وكأنهم يفرون من جحيم 

نظر صفوت وزاهر إلى شيري التي جلست على أحد المقاعد ثم قال زاهر:

_اي اللي حصل يا شيري؟  احكي لينا بالتفصيل

يتبع