قراءة نوفيلا خارج جدران القلب كاملة

تنشر حصريًا على مدونة رواية وحكاية قبل أي منصة أخرى

نوفيلا خارج جدران القلب

نوفيلا جديدة قيد النشر

من قصص و روايات 

الكاتبة فاطمة الزهراء

الفصل السادس 

2

تم النشر يوم الثلاثاء

تنهد نزار بحزن و أجابه :

ـ مفيش حاجة يا أسر أطمن مش زعلان منك بعدين أنا عارف إن المسؤولية كانت كلها عليك السنة اللي فاتت 

أردف بجدية شديدة :

ـ إحنا أخوات يا نزار مش أصحاب بس كفاية مساعدتك ليا من أول يوم اتقابلنا فيه بجد إنت الوحيد اللي قربت مني لما عرفت حقيقتي

ابتسم له نزار بحزن ليكمل أسر :

ـ هي الحادثة إيه سببها و مين يفكر يإذي بالطريقة الخطـ.ـيرة دي

قبل أن يجيبه نزار طرقت فريدة  الباب دلفت و هي تحمل القهوة على الصينية وضعتها أمامهما لتهتف قبل أن ترحل :

ـ محتاج حاجة تاني يا بابا 

نزار بهدوء و هو يبتسم لها :

ـ لا يا حبيبتي خلاص روحي مع ماما و أخواتك 

غادرت ليهتف أسر بجدية :

ـ مين دي يا نزار و إيه كلمة بابا دي 

ـ إنت عارف إني اتجوزت علياء و هي كانت متجوزه قبل كده دي تبقى بنتها المهم قولي ناوى تقعد قد إيه مش كفاية بقى غربة 

ارتشف أسر من فنجان القهوة ليجيبه : 

ـ بفكر أستقر هنا خلاص رغم كل القلق اللي هعيش فيه بس كفاية كده العمر بيضيع بس مش عارف هنجح في الاختبارات الجاية و لا لأ

تنهد نزار و أردف بجدية :

ـ خليك واثق في حبك و متسمحش لحد يقف في طريقك إنت قادر على الجاي و أنا هساعدك أكيد 

ظلا يتحدثان معاً و أخبره أسر على ما ينوى فعله ليخبره أنه معه في أي قرار و عرض عليه أسر أن يقيم في أحد الشقق الخاصة بالمجموعة و أخبره أن تكون خاصة ب لمياء كي يستطيع التحرك بهدوء  و أيضاً طلب منه أن يجد عمل لها في الشركة وصل سليم من الخارج و علم بوجود أسر اتجه لغرفة المكتب ليرحب به ليخبره أنه بحاجة لوجوده معه في الشركة ليساعده فمنذ تلك الحادثة و هو يحاول إنقاذ الشركة من بعض الأزمات وافق بعد تفكيره أنه بهذه الطريقة سيرى شاهي وقتاً أطول ليعود للفندق بعد ذلك فهو بحاجة للراحة و التفكير في القادم 

❈-❈-❈

انتهت حفلة الخطبة ليعود أنور برفقة زوجته للمنزل و هو غاضب بسبب عودة أسر من جديد رغم القلق الذي شعرت به ملك إلا أنها اطمأنت على ابنتها لأنها تعلم أنه لا يوجد شخصاً يستطيع أن يجعل ابنتها تشعر بالسعادة و الإطمئنان سوى آسر وصل رائد ليجد والده في انتظاره جلس و هو يتابع نظرات والده 

هتف أنور بغضب :

ـ أسر عرف منين عن خطوبتك و مين طلب منه يحضر الحفله 

حاولت ملك أن تنهى الأمر الآن و يتحدثان لاحقاً :

ـ أنور الوقت متأخر نتكلم بكره و كلنا محتاجين نرتاح 

ليهتف بتحدي فهو لن يقبل بالهزيمة :

ـ جاوب على أسألتي ساكت ليه 

رائد بتنهيدة و هو يتابع قلق والدته :

ـ أظن الكلام لازم يكون في وجود شاهي لأن الموضوع مرتبط بيها 

ملك بتنهيدة عميقة :

ـ أنور أرجوك كفاية و فكر في بنتك و سعادتها مرة واحده إنت أكتر واحد عارف إنهم بيحبوا بعض كفاية وجع ليهم بقى و لا تحب تضيع مننا تاني و المرة دي مش هنقدر نرجعها 

هتف بسخرية و استنكار :

ـ ياترى مين المسؤول عن ضياعها أول مرة و لا نسيتي إحنا وصلنا للحالة دي بسببك إنتي لولا إهمالك كنا هنعيش حياة هادية لو حد فينا مسؤول عن تدمير البيت ده و العيلة يبقي إنتي و متفكريش إني هقبل يكون فيه علاقة بين أسر و شاهي أبداً

تحدث رائد بتوتر شديد لأنه يعلم أن والده لن يغير رأيه في أسر بسهولة :

ـ بابا أسر ابن عمي و متنساش إنه ساعدني و إلا كنت هبقى مدمن دلوقتي هو 

قاطعه أنور و أردف بغضب :

ـ أسر مفيش أي رابط يجمع بينا و بينه سمعت أنا معنديش أخوات و تبلغه الرسالة دي لو حاول يقرب من أختك هيندم 

تحدثت ملك بتحدي شديد :

ـ متوقع لو أذيته بنتك هتسامحك دي لغاية النهارده رافضة تسامحك إنك فرقت بينهم إنت داخل رهان خسران المرة دى أنا مش هسكت لأ هشوف سعادة بنتي فين و أقدمها ليها مهما كان التمن 

غادر و تركهما فهو لا يريد أن يحدث صراعات أخرى بينهم في هذا الوقت ظل يفكر في أسر و سبب عودته لكنه لن يسمح له باقتـ.ـحام حياتهم من جديد حاول معرفة عنوانه و فشل لكنه يعلم أنه سيتواصل معه عاجلاً أم أجلاً .. طلبت ملك من رائد أن يقوم بتوصيلها لمنزل شقيقته فهي تريد أن تطمئن عليها وافق فهو أيضاً يريد الإطمئنان عليها .. عادت شاهي للمنزل و هي تفكر في سبب وجود أسر في تلك الفيلا كان الفضول يزداد داخلها لكنها ستعلم لاحقاّ استمعت لصوت سيارة في الخارج في البداية ظنت أنه أتى إليها لكنها شاهدت من النافذه أخاها و والدتها فتحت لهما الباب ليدخلا أعدت لهما القهوة و عادت إليهما انتبهت والدتها لحزنها 

ـ شاهي اتكلمى قولي اللي جواكي

تحدثت بدموع و هي تنظر لوالدتها :

ـ مش عارفه يا ماما أنا محتاجة وجودك معايا أوي حاولت كتير أعيش من غيره كتير حاولوا يقربوا مني بس مقدرتش أنا مكتوبة ل أسر من أول يوم بس موجوعة علشان بعد عني لو كان استنى كنا حا.ربنا سوا لكن هو هرب 

قررت ملك إخبار ابنتها بالحقيقة لإنهاء هذا الأمر :

ـ أسر هرب علشانك إنتي مش عارفه حاجة اللي بيحب بجد بيضحى علشان اللي بيحبه إنتي عارفه الناس و كلامهم وقتها كان صعب تكملوا سوا مفيش حد كان هيرحمكم كمان وصل لوالدك فيديوهات ضد أسر لو كانت وصلت للنيابة صدقيني مفيش أي حد كان هيقدر ينقذه من السجن أسر قرر يرجع علشانك و هو عارف إن رجوعه فيه خطر عليه 

كانت تستمع لحديث والدتها بصدمة لم تتوقع أن يصل الأمر مع والدها لهذه الدرجة لتهتف بعتاب و هي تنظر لشقيقها :

ـ إنت كنت عارف برجوع أسر صح و بيت صاحبك هو بيته ياترى مخبى عني إيه تاني 

نظر لها بشفقة و قرر إخبارها بكل شيء :

ـ أنا و أسر أصحاب من زمان و هو اللي ساعدني أدير الشركة شاهي في الأول طلب أقوله أخبارك و لما رفضت قال هيشوف شخص يعرفه عنك كل حاجة و لأني اتاكدت من حبكم لبعض كنت بقوله الأخبار المهمة بس 

لم تجبه لتتجه لغرفتها فهي لا تريد معرفة شيء آخر يكفي 

كانت جيهان تجلس و تفكر في الخطة التالية لتجد ريان قادماً و يبدو عليه التوتر 

هتفت بقلق شديد :

ـ إيه الحكاية و ليه قلقان كده 

أجابها بتوتر و قلق :

ـ كل اللي خططنا علشانه هيضيع 

تحدثت بعدم فهم :

ـ أنا مش فاهمه بعدين الخطة ماشية تمام ليه القلق 

أردف بسخرية و استنكار :

ـ أسر رجع مصر 

يتبع