قراءة رواية أنا ووشمي وتعويذة 

تنشر حصريًا على مدونة رواية وحكاية قبل أي منصة أخرى

رواية أنا ووشمي وتعويذة عشق

 رواية جديدة قيد النشر

من قصص و روايات 

الكاتبة هدى زايد

الفصل الواحد والاربعون

2

تم النشر السبت

2/3/2024

ما أن غادرت الغرفة. اقترب من بن خالتهو قال بهدوء

- هات تليفونك ثواني يا بهجت 

- في حاجة و لا إيه ؟! 

- هعمل مكالمة  في السريع و ارجعه لك انجز بقى 

مد يـ ـده و ناوله هاتفه التقطه منه سريعًاو خرج من الغرفة تاركًا إياه لحاله الذي تبدل 

كان واقفًا داخل الشرفة  ظل معلقًا الهاتف على أذنه وهو يقول بضيقٍ مكتوم 

- ما تردي بقى و متعمليش فيها زعلانة !  

كرر اتصاله للمرة الخامسة على التوالي حتى شعر بالملل الشديد،   وضع الهاتف نصب عيناه وقال بغيظٍ مكتوم :

- تصدقي أنا الغلطان يكش تو لعي حتى و الله ما هسأل فيكي تاني .

بعد مرور ساعتين 

صدح رنين هاتف "بهجت"  برقم مجهول  عقد  ما بين حاجبيه  نظر لابن خالته وقال بخفوت:

- مش دا الرقم اللي أنت كلمته ؟! 

وضع" جاسر" صحن الكعك على المنضدة الرخامية و قال بهدوء

- وريني كدا 

وقف عن مقعده سحبًا حاله للشرفة  ضغط على الإجابة و قال:

- ازيك يا هدية أنا جاسر،  الو الو الو،  مين حضرتك أنا اللي مين و لا أنتِ اللي مين مش دا رقم هدية عبد الرحمن؟!    ايوة هي كانت لسه بتكلمني دلوقتي  مش هي ازاي أنتِ هتجنيني بقولك لسه ردة عليا دلوقت !  طب خلاص ماشي  هي فين بقى. ؟!  عندها شغل  تمام تمام براحتها عموما عرفيها إني كلمتها من رقمي كتير وهي مردتش ابقي خليهاترد عليا ضروري ، شكرًا مع السلامة .

ضغط على زر القفل و قال:

- عيلة رخمة بجد و أنا اللي غلطان و استاهل أكتر من كدا كمان .

❈-❈-❈

بعد مرور. عدة أشهر 

لم يحدث شيئًا جديد يذكر  سوى ابتعاد " تميمة" عن "جاسر" مما جعله بعد ما راجعت نفسها و تراجعت عن انتقامها من ز و جة أبيها 

قررت أن تغمر حالها في الدراسة والعمل معًا لتمنع التفكير فيه، لكن كل هذا لم يكفي لنسيانها ذاك الجاسر الذي  سيطر على عقلها دون عمد  من الواضح للجميع بداية علاقة عاطفية بينهما لكن الأثنان يرفضان الاعتراف بذلك، و بين هذا و ذاك تم اعلان خبر خطبتهما  بعد صاع طويل بداخل كلًا منهما .

في مساء أحد الأيام .

كان" بهجت" يجلس خلف مكتبه بمنزله  حين دخلت أخته  عليه  و قالت بضيق

- هو أنا كل ما ادخل عليك الاقيك بتذاكر إيه مبتزهقش ! 

دون آخر سطر و رد عليها دون يرفع بصره و قال:

- لا مبزهقش معنديش حاجة غيرها تخليني  اضيع وقتي 

جلست مقابلته و قالت بملل :

- أنا زهقانة اوي و عاوزة اخرج شوية تعال نخرج شوية 

- روحي لـ تميمة و اقعدي معاها شوية 

-مش  هروح عندها تاني و مبقتش اكلمها  اصلا 

رفع بصره عن الدفتر و قال:

- ليه ؟! 

- قال يعني مش عارف ليه ؟! 

- قصدك عشان موضوع جاسر و هي يعني ؟! 

- ايوة طبعًا خلاص ضاقت بيها الدنيا رايحة تتخطب له و هي عارفة علاقته بيك 

تابعت بغيظٍ شديد:

- بس العيب مش عليها العيب عليه هو اللي استغل فراقكم و دخل وسطكم و اخدها منك 

لاحت إبتسم جانبية على فاه و هو يقول:

- بس هو ماخدهاش مني يا رقية أنا و تميمة سبنا بعض من أكتر من سنة و نص و طبيعي  تحب و تتحب من شخص تاني حتى لو كان الشخص دا ابن خالتي عادي جدًا 

ردت " رقية" بضيق 

- بس دي اسمها خيانة 

- بالعكس مش خيانة و مش شايفها ولا معتبرها كدا صدقيني لو كنت مكانه و اتعاملت مع تميمة عن قرب غصب عني كنت هاحبها و هخطبها  فكرة بقى الناس هتقول إيه و لا تعمل إيه مش هتفرق لي وقتها  المهم أنا حبيت الشخص دا و أنا عاوز اكمل معاه 

ردت " رقية" بضيق و قالت:

- دون عن بنات الدنيا كلها يحب تميمة دا يبقى حمار و بكرا يندم  و أنا بكرا افكرك .

ابتسم لها و هو يقول :

- أنا ليه شامم ريحة غيرة ؟! 

- أنا ؟! مستحيل طبعًا القصة و ما فيها إني مش موافقة و لا راضية عن الخطوبة دي و عشان تبقى عارف  دعاء كمان مش موافقة و بكرا افكرك إن الخطوبة دي مش هتستمر شهرين تلاتة تميمة واخدة جاسر  كوبري عشان تغيظ بيه دعاء و تغيظك كمان 

حرك " بهجت" رأسه و قال:

- و الله تميمة دي صعبانه عليا اوي  لو تركز في شغلها و دراستها قد ما بتركز ازاي تغيظ فيا و في دعاء كانت بقت في حتة تانية خالص عموما ربنا يوفقها و بتمنى لها من كل قلبي تكمل مع جاسر، هو ابن حلال و معملش حاجة غلط هو حب و خطب زيه زي أي حد خلقه ربنا .

رفعت " رقية" أكفوفها في محاولة منها لتلتقط رأسه و هي تقول:

- آآآه يا ناري منك و من برودك دا هايموتني أنا هقوم من هنا قبل ما اتجلط منك .

-خُدي يا نبيلة رقم اتنين تعالي متزعليش نفسك هنخرج خلاص .

❈-❈-❈

تميمة سيبي ابني في حاله  ابني مش قدك ياتميمة  ملوش في شغل اللف و الدوران  دا ياريت تبعدي عنه بالذوق بدل ما اكلم فضل ووقتها تصرفه مش هيبقى لذيذ بالنسبة لك 

اردفت " دعاء" عبارتها وهي تقف مقابلتها بتحدٍ.  اعتادت عليه معها،   أما تلك الماكرة الجميلة تتطلع إليها بهدوء و براءة و كأنها لم تفعل شئ 

تدخل " جاسر" أخيرًا و قال بهدوء كي لا يشعر بهم أحد 

- ماما من فضلك دي حياتي الخاصة و محبش حد يدخل فيها 

ردت والدته بزهشة و ذهول شديدان قائلة:

- أنا حد يا جاسر ؟!  للدرجة دي غيرتك ! 

- ماغيرتنيش بس دي  مش  طريقة نتكلم بيها ! 

عقدت أمه ساعديها أمام صدرها و قالت بتساؤل:

- و يا ترى إيه هي الطريقة اللي اكلم بيها الست المحامية  بتاعتك ؟! 

ردت" تميمة بانتصار قائلة:

- حضرتك كلميني زي ما تحبي احنا مش اغراب أنتِ مرات بابا و حماتي المستقبلية 

ردت "دعاء"  بحدة وغضب

- الله في سماه ما هيحصل ولا هاسيب ابني يروح لواحدة زيك دا أنا اقتـ ـله ولا ناخديه مني يا تميمة 

- للدرجة دي مش عاوزاني سعيد يا ماما ؟! 

- أنت اهبل ولا بتستهبل بقى دي اللي هتبقى سعيد معاها ؟! فوق يا حضرة الظابط الهانم واخدك كوبري عشان تغيظ ابن خالتك و أنت زي الأهبل صدقتها 

أصدرت " تميمة" تأتأة  من فاها وهي تنظر لـ جاير و قالت بحزن مصطنع

- مش ممكن يا جاسر للدرجة دي طنط مش عاوزة تشوفنا مع بعض للدرجة دي بتكره سعادة ابنها الوحيد ؟! عموما أنا ربنا يعلم بيا بعشق جسور ازاي مش كدا يا بيبي 

رد " جاسر" و قال بجدية

- فوقي يا تميمة من وهم التوقيع دا عشان مش هايمشي معايا لو أنتِ محامية عقر أنا ظابط لف وشاف الناس بأشكالها والوانها و كلامك وتسخينك دا مش هيدخل عليا أنا وامي محدش هيوقع بينا مهما حصل هي مصدومة ودا حقها انما مستحيل تكره لي الخير اللي عملته دعاء عشاني  مافيش ست في الدنيا هتيجي و هتعمله لي فـ أنا ودعاء مهما حصل مرجوعنا لبعض و الستات في حياتي ملوش قيمة طالما هيجيوا على امي فهمتي ولا افهمك تاني ؟! 

ردت " دعاء" بانتصار قائلة:

- لعبتيها غلط يا تميمة معلش المرة الجاية عيدي حساباتك يا روحي. أنا ابني راجل و مافيش ست تعرف تأثر عليه دا لو اعتبرك ست أصلًا عموما. حصل خير طالما ناوية تلعبي وتتسلي و شايفة نفسك رخيصة اوي كدا مافيش مشكلة كدا كدا أنا واثقة إن ابني يوم ما يفكر يشتري ما بيشتريش غير الغالي لأنه عارف وواثق انه هو دا اللي هايعيش معاه  خُدي بالك من نفسك بقى يا روحي باي باي يا جسور العب معاها بس خلي بالك متبقاش شقي 

يُتبع..