قراءة رواية حكاية بنت الريف كاملة

تنشر حصريًا على مدونة رواية وحكاية قبل أي منصة أخرى

شيرين: طيب شكرآ بس مانت بتحب دهب ليه عايز تثبيت التهمه عليها؟ 

المتصل: بتسالي كتير بس هاقولك علشان تكره مهند ومهند كمان يبعد عن دهب ولم التهمه تثبت على دهب انا متأكد ان مهند هايسيب دهب تدخل السجن ومش هايعمل حاجه لأن هايكون عارف ان هي غلطانه ومهند من الناس اللي بيفكرو أن اللي يغلط لازم يتحاسب وهي سيب دهب توجه  مسيرها لوحده ودهب هتفكر أن مهند اتخلى عنها وبشكل ده هايكرهوا بعد وهدخل انا واساعد دهب واكون انا الملاك؟ 

شيرين بفرحه: الله عليك ياريس وفعلاً الخطه ماشيه زاي مانت رسمتها بظبط! 

المتصل: يلا بقاا روحي شوفي انتي هتعملي اي وخدي بالك لحد يشوك فيك؟ 

شيرين طالعه من المطبخ ومعها كوباية ميه وبحزن افعي: انفضل الميه يابية. 

المحقق يخد الميه من شيرين: شكراً يامدام ويبص على دهب انا مطر اخدك معانا مدام دهب اتفضلي 

دهب بخوف: مهند هاتسبهم يخدوني؟ 

َمهند بحزن: انا اسف يادهب بس كل واحد لازم يتحمل نتيجة غلطوا

شيرين بخبث: روحي ياشيخه اللهي ربنا ينتقم منك زاي ماقتلتي لي جوزي يامجرمه.

 

دهب بدموع: انا والله ماقتلتي حد انا مظلومه والله مهند ماتخلهمش يخدوني بالله عليك؟ 

مهند يدي دهب ضهرو: اتفضل ياحضرت المحقق شوف شغلك

دهب بصدمه: مهند انت بتقول ايه وتبص على الشخص اللي بيحط في ايديها الكلبشات الحديد. 

شيرين يالههههوي هاين عليا اظغلط لازم اعرف الريس الأخبار الحلوه دي

بعد 3سعات في مكان أشبه بسجن دهب قعده وعمالها تعيط.. مهند يدخل ويجري عليها وهو بيقول. 

مهند بحزن: دهب حبيبتي انتي  كويسة انا اسف ياقلبي والله عملت كل حاجة علشان اطلعك من المشكلة دي. 

المحقق بضحكة: اهدي باستاذ مهند انا شرحت كل حاجه للمدام؟ 

❈-❈-❈

دهب تحضن وهي بتعيط: مهند حبيبي ماتخفيش انا كويسة  انا مش قدره أصدق أن شيرين يطلع منها كل ده؟ 

المحقق باسف: مدام دهب حضرتك قلبك ابيض علشان كده مفكره أن الكل زاي حضرتك. 

مهند: حبيبتي مش كل الناس اللي تستاهل الثقه. 

ويبص على المحقق: بس ازاي حضرتك منتاكد أن شيرين هي اللي حطت السم وازاي هنقدر نكشفها وهنعرف ازاي مين شيركها؟ 

المحقق: استاذ مهند انا شغال في المجال ده بقا لي 21 سنة دلوقتي وعندي خبره في الحوارات دي وبقدر من نظرة واحدة اعرف مين ظالم ومين مظلوم وديماً ومافيش جريمة قتل بتحصل ومايكونش في دليل وبصراحة شيرين زكية جدا وفعلا ماسبتش اداله تثبيت أن هي السبب  بس عملت كل حاجة والدليل ضد المدام  دهب بس كشفت نفسها لم ماعرفتش تجواب على  على الاسئله. 

دهب: طيب ايه للي  مخلي حضرتك متاكد ان شيرين فعلا هي السبب في موت عمي محمد وخالي اسلام؟ 

مهند: بصراحة انا اول ماشوفت اللي اسمها شيرين دي وانا مش مرتاح لها ولما ماعرفتش تجاوب انا شكيت فيها ورحت لحضرت المحقق وقولت ليه اني شكيت في شيرين واحنا طالعين احنا الاتنين شكين فيها وكون مستنين الفديو علشان نكون معانا دليل أقوى ضدها بس اللي حصل ان انتي اللي ظهرتي في الفديو بعد الشكوك عن شيرين وأثبت انك انتي اللي اللي حطيتي السم فعلاً علشان كده انا والمحقق اتفقنا على الخطه دي علشان نخلي شيرين وشركه يطمنوا أن كل حاجه ماشية زاي ماهم عايزين وماتخفيش انا هعمل كل حاجه اقدر عليها علشان اطلعك من هنا باسرع وقت ممكن انا معاكي يادهب مش هسيبك ابدا. 

دهب تحضن مهند وتفضل تعيط. هي فعلا كانت صدقت ان مهند اتخلي عنها بس طلع بيمثل علشان يساعده فعلاً هو ده الزوج والحبيب اللي يتعمد عليه. 

❈-❈-❈

في بيت عائلة مهند في غرفة شرين. شيرين بتكلم حد في التليفون وبضحكه: يالههههوي وأخيراً خلصت من دهب وإسلام حاسة اني هطير من الفرحه. 

في الجانب الاخر 

شخص قاعد علي كرسي في الظلام: ماتفرحيش جامد يامدام شيرين احنا لسه ماكملناش الخطه. 

شيرين : مانا عارفه بس كل حاجه ماشية زي ماحنا عايزين خلاص. 

في الجانب الاخر

الشخص: ممكن كل حاجه تنقلب في لحظة واحدة يامدام شيرين وفرحتك دى هي اللى هاتكشفنا انا عايزك تهدي كده انتي واحده جوزك ميت وده مش منظر واحده حزينه على جوزها عشان كده لازم تكوني ماسكه نفسك وتحزني شوية فاهماني علشان مافيش حد يشك في حاجه؟ 

شيرين: هو انا شوفت يوم حلو مع اسلام علشان أحزن عليه؟ 

في الجانب الاخر

الشخص: يامدام شيرين افهميني علشان ماتقلبيش الدنيا على دماغني احنا

شيرين: طيب خلاص ماتطلعش زهقك عليا هحاول آتظاهر اني حزين خلاص. 

في الجانب الاخر

الشخص:  تمام سلام بقاا

شيرين بتوتر: استنى في حاجه لازم تعرفها. 

في الجانب الاخر

خير في ايه؟ 

شيرين بخوف: انا حامل؟ 

في الجانب الاخر

الشخص بصوت عالي: نعم ياروح امك ايه اللي انا حامل دي؟ 

شيرين: بقولك ايه اهدي كدا وملهوش لازمه الكلام الفاضي انا فعلاً حامل ياعصام ولازم تلاقي حال للمصيبه دي انا اسلام كان مش بيخلف. 

في الجانب الاخر

عصام الله يخربيتك من يوم ماشوفتك والنصيب بتجري ورايا

شيرين: الله بقا مابقولك الكلام ده مالهوش لازمه

في الجانب الاخر

عصام بزهق: كان في حد يعرف ان جوزك مابيخلفش. 

❈-❈-❈

شيرين: لا مافيش حد هنا يعرف ان اسلام ماكنش بيخلف. 

في الجانب الاخر

عصام امال خايفة من ايه؟ 

شيرين: كل اللي مخوفني أن حد يعرف حاجة؟ 

في الجانب الاخر

عصام لا ماتخفيش مافيش حد هايعرف حاجه ان شاء الله واصبري لحد مانخلص من الموضوع اللي احنا فيه ده وبعدين نشوف حل مع بعض للمصيبه الجديدة دي

شيرين طيب

في الجانب الاخر

عصام: يلا سلام وخدي بالك لحد يشك في حاجه؟ 

ويقفل التليفون قبل ما يسمع رد شرين. 

شيرين ماشي الو الو عصام! 

وتبص على التلفون: ماشي ياعصام بتقفل التليفون في وشي؟

في الجانب الاخر عند عصام

عصام بخوف: ايه المصيبة اللي وقعت نفسي فيها دي هعمل ايه لو حد عرف حاجه ان انا اللي بساعد شيرين و عملت برمجه للفيديو وحطيت صورة دهب بدل شيرين!

 ويفتكر اللي حصل

عصام نايم على السرير والتليفون بيرن. 

عصام يمسك التليفون يلاقي رقم غريب مين ده ويفتح التليفون وبصدمه: انتي تاني عايز ايه منى يابت انتي باين عليكي شمال. 

شيرين بخوف: خلصت مسخره؟ 

❈-❈-❈

عصام بستغراب: مالك بين من صوتك في حاجه اوعي يكون حد عرف حاجه عن اللي حصل بيني وبينك. 

شيرين بخبث: انا واقعة في مصيبه اكبر من دي

عصام: ياساتر يارب طيب لم انتي واقعه في مصيبه جايه ترمي مصايبك عليا ليه وبفضول بس هو ايه اللي حصل؟

 

شيرين: طيب انا هحكيلك على كل حاجة من غير كذب وتحكي كل حاجه حصلت انا عايزاك تساعدني وتطلعني من المشكله دي. 

عصام بصدمه: قت**لتي عمي محمد وجوزك يابنت المجنونه وكنتي عايزه تق**تلي دهب بنت عمي ليه ده انا هاوديكي في مصيبه مش هاطلعك منها. 

شيرين بخوف وخبث: اسمع ياعصام لو ماساعدنيش اطلع من المشكله دي انا هقول للكل أن انا وانت كان في بنا علاقة ولم جوزي عرف احنا اتفقنا وق**تلناه وعمي محمد انت قت*لتوا علشان تنتقم من مهند علشان خد منك البت اللي انت بتحبها. 

عصام بخوف: انتي بتقولي ايه يابت انتي وانا ايه دخلني في ده كله انتي عايزه توديني في مصيبه. 

شيرين: امال هروح لوحدي واسمع بقاا الفيديو زمان في واحد من الشركه جايبه وجاي ولو عرفوا أن انا السبب في كل اللي حصل قول على نفسك يارحمن يارحيم. 

عصام: بت انتي ماتتهبليش عليا انا ماليش ذنب في حاجه. 

شيرين: وانا مالي هتساعدني ونطلع من المشكلة سوا ولا هتعمل فيها ابو الوفاء ونقع سوا. 

عصام يفوق من تفكيره: طيب انا هعمل ايه دلوقتي ودهب الغلبانه اللي راحت في مصيبه وهي مالهاش ذنب انا لازم اطلع دهب من المشكلة دي زي ماوقعتها فيها ومن غير ماحد يشك في حاجه انا خسرت أغلى صاحب عندي ومش عايز اخسر بنت عمي كمان بس اعمل ايه و ازاي اطلع دهب. 

❈-❈-❈

في المستشفى

هاني بحزن: سبتهم يخدو دهب وانت عارف ان هي مظلومه يامهند

مهند بزعل: كنت عايزني اعمل ايه بس ياهاني هي اللي ظهرت في الفيديو

هاني بصدمه: يعني دهب هي اللي حطت السم فعلاً في الرز. 

مهند: انت بتخرف بتقول ايه ياغبي انت لاء طبعاً مش دهب اللي حطت السم. 

هاني بستغراب: امال ايه انا مش فاهم حاجه. 

مهند: ولا هاتفهم حاجه تعالى بس  نخلص اجراءات المستشفى علشان ويكمل بحزن ناخد الحاج معانا على البيت. 

هاني بحزن: طيب وامك. 

مهند: هي عامله ايه؟ 

❈-❈-❈

هاني بدموع: مش مصدقة أن ابوك مات. 

مهند بحزن: لا إله إلا اللّه طيب انا هدخل اطمني عليها وبعدين نشوف هانعمل ايه.

هاني: ماشي بس خد بالك لتظلم دهب تاني. 

مهند بحزن: مستحيل افكر أظلم دهب مره تانيه ياهاني وعد هعمل كل حاجه اقدر عليها علشان اطلعها من المشكله دي. 

هاني: قول يارب. 

وبعد وقت مهند كان طلع جثة الحاج محمد ودفن أبوه  هو وهاني وعملوا مراسم العزاء اخدو امهم على البيت. 

هاني: مهند انا خايف على امك لايحصل لها حاجة الهدوء ده مش مطمني. 

مهند بحزن: ماتخفش هي بس لسه الوضع جديد عليها. 

أم سعيد بحزن: ايه ياست سماح مش هاتكلي من أيدي يلا ياحبيبتي بسم الله الرحمن الرحيم. 

سماح قاعدة زي التمثال ودموعها نزله بهدوء ومش بترد على حد ولا بتتحرك حتى. 

أم سعيد والدموع في عينيها: ست سماح مش بتردى عليا ليه ياحبيبتي طيب افتحي بوقك كلي وماتتكلميش. 

هانم بحزن: وبعدين ياخالتي ام سعيد هنفضل قاعدين كدا. 

شيرين نزله من علي السلم وعامله نفسها حزينه وبدموع تماسيح: هنعمل ايه بس ياحبيبتي ربنا يجازي اللي كان السبب.

 وتبص على سماح بخبث: منها لله دهب هي اللي حرمتني من أغلى انسان هي اللي ق*تلت اسلام وحتى عمي محمد الراجل الطيب هي السبب في مو*تهم. 

سماح تبص على شيرين بصدمه. 

شيرين بخبث ودموع: ايوه ياخالتي سماح دهب هي اللي ق**تلت عمي محمد وحطت السم في الاكل. 

هاني بغيظ: هي البت دي عايزه اي بالظبط. 

سماح بصوت عالي: فين دهب تقوم من مكانها وتروح عند شيرين. 

شيرين بابتسامة خبيثة: ايوه كدا اكيد هتخدني في حضنها وبخبث ايوه والله ياخالتي  ولسه هتكمل كلامها ماتحسش غير وقلم نزل على وشها من سماح شيرين تبص على سماح بصدمه واستغراب!؟ 

❈-❈-❈

سماح بصوت عالي: انتي بتخرفي تقولي ايه يابت انتي وانتي تعرفي مين دهب دهب دي مستحيل تفكر تائذي حشره ازاي هاتق**تل انسان وتحط ايديها على صدرها دهب فعلآ مش بنتي اللي انا ولدها وربتها بس لو كان عندي بنت انا ماكنتش هثق فيها زي مانا بثق في دهب ومستحيل أصدق الكلام الفارغ ده على دهب انتي فاهمه؟ 

هاني بحزن: معاكي حق يامي. 

ويبص على شيرين بقرف: احنا لو الدنيا كلها قالت إن دهب هي السبب في مو**ت ابويا احنا مستحيل نصدق

واحدة من علي الباب بس ممكن اي حد يخون الثقة ياهاني. 

الكل يبص على مصدر الصوت. 

هاني: نور انتي بتعملي ايه هنا؟ 

مهند: الحاج إبراهيم اتفضل. 

الحاج إبراهيم أبو نور مرات هاني: يزيد فضلك يابني.

 ويبص على سماح: البقاء لله ياست سماح. 

سماح بدموع: ونعمة بالله العلي العظيم واتوب اليه ياحاج ابراهيم. 

نور بدموع: ماما سماح عامله ايه ياحبيبتي انا قولت لبابا انا لازم اكون موجودة جنب ماما سماح في الظروف دي. 

سماح بدموع: كتر خيرك ياحبيبتي. 

الحاج ابراهيم: اه والله ياست سماح انا كنت رفضت أن نور تجي معايا أو تدخل بيتكم قبل ماتدخل عروسه بس هي أسرت تجي علشان تكون معاكي في الظروف دي. 

أم سعيد: والله فيكي الخير يا أميرة يابنت الاصول. 

نور بابتسامه: الله يخليكي ياطنط.

 وتبص على هاني وبدموع وتجري وتحضنه قدام الكل هاني: حبيبي انا مش مصدقه ان عمو محمد ما**ت

❈-❈-❈

عند دهب

دهب قاعده وضمه رجليها إلى صدرها ودموعها نزله على وشها: انا مش مصدقة أن ده كله حصل معقوله عمي محمد مابقاش موجود معايا ولا خالي اسلام انا مش قادره أصدق أن شيرين طلعت بالحقد ده كله معقوله علشان بتغير مني وعايزه توقعني في مشكلة تق*تل طيب عمي محمد عمل فيها ايه وازاي قدرت تق**تل جوزها انا مش قدره أصدق أن في ناس للدرجه دي الحقد مالي قلوبهم. 

شخص يدخل وبصوت وضح فيه الحزن: ازيك يادهب عامله ايه. 

دهب فوقت من تفكيري على صوت حد وانا حاسة اني اعرف الصوت ده ورفعت راسي علشان اشوف مين وطلع اخر شخص كنت متوقعه اني ممكن اشوفه: عصام؟ 

عصام بحزن: اخبارك ايه انا لم عرفت اللي حصلك جيت لكي على طول. 

دهب بدموع: عرفت ان عمي محمد ما***ت ياعصام وبيقولوا

 وماقدرتش امسك نفسي من كتر الحزن اللي في قلبي. 

عصام يمد ايده من بين حديد الزنزانه ويمسح لدهب دموعها وبحزن: هششش اهدي انا عارف كل حاجه الله يرحمه وماتخفيش انا هفضل واقف جنبك وان شاء الله هتطلعي من المشكلة دي مش عايزك تفكري كتير علشان ماتتعبيش نفسك انا هحاول اطلعك بكفاله بس يارب يوفقوا عليها. 

دهب بدموع: أنا مش خايفه من الحبس على قد مانا حزينه على مو***ت عمي محمد وخالي اسلام مش قادرة أصدق أن هما خلاص مابقوش موجودين معايا انا خلاص مابقاش ليا حد. 

عصام: بس بطلي هبل وانا روحت فين ومهند جوزك راح فين؟ 

دهب بدموع: مهند مصدق ان انا السبب في م***وت ابوه. 

عصام يبص على دهب ويسكت وفي نفسه: ياربي اعمل ايه انا دلوقتي دهب مالهاش ذنب في حاجه شيرين كانت بتقول الحقيقة انا فكرت ان مهند مستحيل يصدق ان دهب ممكن تعمل حاجه زي كدا بس ازاي مهند صدق بسهوله كدا اه ياربي اعمل ايه دلوقتي انا غلط لما وافقت اساعد شيرين اقول الحقيقة واطلع دهب ولا ايه بس لو قولت الحقيقة انا هخسر نفسي قبل ماخسر حد بس لو فضلت ساكت ممكن التهمه تثبيت على دهب اعمل ايه دلوقتي ياربي. 

دهب بدموع: مالك ياعصام؟ 

عصام بحزن: انا عايز اقولك على حاجة يادهب بس اوعديني انك تسامحيني. 

دهب: خير ياعصام؟