قراءة رواية حكاية بنت الريف كاملة

تنشر حصريًا على مدونة رواية وحكاية قبل أي منصة أخرى

مهند يدخل الزنزانه اللي فيها دهب يلاقي دهب نايمه وإثار الدموع على وشها ويروح عندها ويوطي ويبوسها

دهب تحس ان في حد قرب منها تقوم وبحزن: مهند

مهند يقعد جنب دهب: ايوه ياقلب مهند الجميل عامل ايه. 

دهب بزعل: الحمد لله عايشه لسه. 

مهند يفهم أن دهب زعلانه منه ويمسك ايد دهب وبحنان: حبيبتي ليه زعلانه مني وانتي عارفه ان انا بعمل كده علشانك. 

دهب بدموع: ماني عارفه انك بتعمل كدا علشآاني بس كلامك بيجرحني يامهند قوي. 

مهند يحضن دهب: انا اسف ياقلبي بس والله من غصب عني انا خلاص ياقلبي مسكت دليل على شيرين وان شاء الله الله بكره هتطلعي من السجن. 

دهب بخوف: دليل ايه ده؟ 

مهند: مالك ياقلبي خوفتي ليه كدا اهدي؟ 

دهب بدموع: بس خلاص بقاا انا تعبت كفاية كده. 

مهند بستغراب: ايه مالك يادهب في ايه؟ 

دهب بغضب: وانت مالك فيا اي. 

مهند:  دهب ايه مالك وايه سبب الغضب ده؟ 

دهب بصوت عالي: انا بكرهك يامهند وبكره كل اهلك وتعرف حاجه ان هى اللى حطت السم في الرز انا اللي قتلت ابوك. 

مهند بغضب: انتي بتخرفي بتقولي ايه يابت انتي. 

دهب بضحكة: ايه مش مصدق ايوه انا اللي قتلت ابوك وتوطي على ودان مهند تعرف ليه قتلته علشان امتلك كل فلوسكم اللي ابوك كتبها ليه قبل مايموت بس هو عمل غلطه واحدة صغيرة انه كتب أن انا ماقدرش اتحكم في حاجه طول ماهو عايش علشان كده انا سميته. 

مهند بصدمه: ايه اللي انتي بتقوليه ده انتي في حاجه خايفه منها صح في حد مهددتك علشان كده بتقولي الكلام ده انا سمعت شيرين بودني وهي بتعترف لعصام أن هي اللي حطت السم في الرز. 

دهب بضحكة: ههههه وحتي شيرين مفكره أن هي اللي قتلت ابوك بس الغبية ماتعرفش أن السم اللي هي حطته بيفسد من اللبن وبعدين هي كانت عايزه تسمني انا مش ابوك وتمد شفايفها بس حبيبي انت طبعا هاتقدم الدليل ده بكره في المحكمة وتطلعني وتسجن شيرين بدلي وماتنساش أن انا حامل بس انا خلاص مابقتيش عايزه الحامل ده علشان كده انا قررت اتخلص منه اي رايك. 

مهند بغضب يجي ضارب دهب بالقلم وبغضب: انتي اتجننتي على الآخر باين عليكي ويهز في دهب مالك ليه بتقولي الكلام ده ليه عايزه تحطي نفسك في مشكلة وتثبيتي التهمة عليكي ليه قولي. 

دهب تذوق مهند: انت اَغبي واحد أنا عرفته معقول وانا بعترف لك ان انا اللي قتلت ابوك مش مصدق للدرجاتي انا كنت شاطره في التمثيل. 

مهند بستغراب: تمثيل ايه؟ 

دهب بابتسامه: تمثيلي أن انا بحبك والكلام الفاضي ده؟ 

مهند بصوت عالي: قصدك ايه؟ 

دهب باستفزاز تحط ايديها على وش مهند: قصدي ياقلبي أن انا ولا بحبك ولا حاجه يعني انت كنت بالنسبه ليا كنز وانت كنت الطريق الوحيد اللي هايطلعني من الفقر اللي انا كنت عايشه فيه ولعبت بمشاعرك انت وأهلك أن انا بت غلبانه وماليش حد علشان بس تاخدوني من الفقر اللي انا كنت عايشه فيها والحمدلله اللعبه نجحت وانتم باغبائكم.كنتم ساهلين تقعوا في الفخ. 

مهند بصدمه: يعني ايه انتي كنتي بتخدعيني انا واهلي طول الوقت ده. 

دهب: بالظبط كدا انا مش بحب حد غير عصام ابن عمي وهو حب عمري وحتى هو اللي خدني اول مره. 

مهند يضرب دهب قلم ويمسكها من شعرها وبصوت مرعب: بس اسكتي بقاا انتي اتكلمتي كتير وجه دوري انا اتكلم وانتي تسمعي كلامك ده كله مش داخل دماغي انا متأكد ان في حاجة حصلت علشان كده بتخرفي وتقولي الهبل اللي انتي بتقوليه ده. 

دهب: انت غبي انا اللي بعترفلك بنفسي مش مصدق

مهند يسيب دهب ده مش غباء ده حب وثقه علشان انا عارف مين هي دهب سلام و هانتقابل بكره في المحكمة أن شاء الله ياقلب مهند.

 ويمسكها من وسطها جامد ويجي بياسها سلامه يااكبر شريره ومخادعه انا عرفتها دهب وعينيها على مهند وهو ماشي ومش مصدقه ان مهند ماصدقش اللي هي قالته وبدموع: معقوله للدرجاتي بتحبني وبتثق فيها. 

واحدة بحقد: ماتفرحيش جامد ياشاطره احنا لسه ماخلصناش اللعبه. 

دهب بدموع: انتي عايزه مني ايه ولا انا عملتلك اي علشآان عايزه جوزي يكرهني. 

الشخص: اعملي اللي انا بقولك عليه من غير حرف لو عايزه الكل يفضل عايش  وبذات مهند حبيب القلب. 

دهب بدموع: لا بالله عليكي ماتئذيش حد انا هاعمل اللي انتي عايزها وهخلي الكل يكرهني زي مانتي عايزه بس ماتعمليش حاجه في حد. 

وتنهار على الأرض: بالله عليكي انا مش قد خسارة حد تاني كفاية اللي راحوا. 

الشخص: طيب شاطره يلا قومي شايفه الاكل اللي حبيب القلب جايبوا ده. 

دهب تبص على الاكل اللي مهند جايبه : ماله. 

الشخص: قومي افتحي وكلي منه. 

دهب بستغراب: وليه عيراني اكل منه. 

الشخص: ماتخفيش ياحب انا مش يهمني إذا اكلتي ولا موتى من الجوع بس لازم نثبت لحبيبك انك صادقة في كلامك والطريقة الوحيدة هي انك تنزلي اللي في بطنك ده وعلشان ينزل لازم تاكلي من الاكل ده. 

دهب بصدمه ودموعي هربت مني: معقوله اللي انا بسمعه ده وتبص على الاكل. 

الشخص: لازم تختاري ياتاكلي من الاكل وتخسري ابنك يامه حبيب القلب هايكل من نفس الطبق اللي اكل منه عمو محمد الله يرحمه. 

دهب تحط ايديها على بطنها وتبص على الاكل وترجع تبص على بطنها وبدموع: انتي بتقولي اي؟؟

 

الشخص: زي ما سمعتي يأينك يا جوزك الاختيار لكي في الاول والأخر. 

دهب بدموع قهر وحطه ايديها على بطنها: يعني ايه انا لازم اختار بين روحي وقلبي طيب ازاي في واحده تقدر تختار بين جوزها وحبيب قلبها وبين ابنها اللي هو حته منها

الشخص: هفضل واقفة كدا كتير. 

دهب بدموع: حرام عليكم انتم عايزين ايه مني سبوني في حالي. 

الشخص: طيب هاسيبك في حالك بس ان شاء الله هانجي  نعزيكي في بقيت العيله ومن دومنهم هيكون حبيب القلب مهند. 

دهب بخوف: لا بالله عليكم ماتعملوش حاجه في حد طيب هاكل مش قادرة معقوله انا ام هقتل ابني بأيدي انا عرفه أن مهند مستحيل يسامحني بعد اللي هايحصل بس انا مش عندي اغلى منه هو مش بس جوزي ده نور عيني وحبيب قلبي انا لسه ماشوفتش ابنى اللي في بطني ولا اخده في حضني بس انا ماقدرش اعيش من غير حضن مهند وقومت وانا مش عارفة ازاي بس قومت وروحت وقعدت وفتحت الاكل وبقهر وحرقت دم كلت من الاكل اللي هم عايزيني اكل منه وانا مش عارفه هايحصل ايه بس كلت. 

الشخص: ايوه كدا برافوا عليكي. 

دهب بدموع: طيب انتي مين وليه مخبيه وشك وعايزه ايه مني وليه عايزه مهند يكرهني وابني ذنبه ايه علشآان تخليني اقتله بأيدي. 

الشخص: ابنك ذنبه الوحيد انك انتي أمه وابنك من مهند ده هو ذنبه الوحيد اما انا مين ده مايخصكيش ام ليه عايزه مهند يكرهك ليه علشان انا مش عيزاه يحب حد غيري. 

دهب بصدمه: قصدك ايه بأنك مش عيزاه يحب حد غيرك. 

الشخص: اسالتك كترت جهزي نفسك علشان بكره هاتطلعي من هنا وهاترجعي على البيت بس مش هتكوني اكتر من خدامه للكل وعايزه سماح والكل يكرهك ولازم تعرفي مهند  انتي اللي نزلتي ابنك علشان مش عايزه حاجه تربطك بيه تمام ياحلوه وخدي بالك ايه غلطه هايكون  حسابها غالي قوي عليكي يلا سلام. 

دهب ماقدرتش ارد على المجنونه دي معقوله انا هاقف قدام مهند وهقوله أن انا اللي قتلت ابنك بأيدي ده ممكن يقتلني وقعدت الارض حسيت ان رجلي مابقتش شيالني من كتر القهر والحزن اللي انا فيه ده. 

❈-❈-❈

عند مهند

مهند سايق العربية على اخر سرعة وبيكلم نفسه: انا مش قادر افهم ايه اللي بيحصل ليه يادهب بتعملي في نفسك كده ليه عيزاني اكرهك.

 وبغضب  ويخبط العربيه من قدام وبصوت عالي: ليه ليه ليه يادهب عايزه تبعدي عني ليه قولتي كل اللي انتي قولتيه ده انا متأكد ان في حاجة اجبرتك تقولي اللي انتي قولتيه انا متأكد بس ايه هي انا لازم اعرف ولفيت العربية ورجعت تاني علشان افهم اللي بيحصل

❈-❈-❈

عند دهب

دهب نايمه على الارض وبدموع: اه بطني وجعاني هاموت من كتر الوجع يارب العالمين انا ماليش غيرك انت ساعدني واحمي ليا أبني وجوزي من كل شر ومن كتر الوجع مش قادرة هبطت وماحستش بحاجة غير وفي حد بيكلم فيها بس مش عارفة هو مين؟ 

مهند بخوف وصوت عالي: دهب؟ 

وبغضب: حد يفتح الزفت ده؟ 

احد العساكر: اسف يا بيه ما اقدرش افتحه من غير ما يكون معايا اذن من الباشا الكبير

مهند بغضب: انا مراتي بتموت وانت بتقول ليا ماتقدرش تفتح من غير أمر افتح لازم اخدها على المستشفى. 

دهب سمعت صوت مهند فتحت عينيا وبصيت عليه : مهند ساعدني أنقذ ابنك يامهند ومن كتر الوجع.

 ماقدرتش اقول حاجة تاني وجسمي كله بيجيب ميه وحسيت اني خلاص هاموت من كتر الوجع وحسيت بحاجة سخنه تحت مني بصيت لاقيت دم عرفت ان ابني مات فضلت ابص على الدم اللي بينزل مني وانا قلبي فيه نار من جوه معقوله انا استاهل اكون ام انا قتلت ابني بأيدي فضلت ابص على الدم واحسس علي بطني وشايفه أن فى طفل صغير قاعد جنبي. 

مهند دموعه نزلت والخوف سيطر علي قلبي لم شوفت الدم اللي نزل من دهب معقوله تكون دهب نفذت كلامها لما قالت إن هي هتنزل الجنين لاء لاء لاء مستحيل دهب اللي انا اعرفها تعمل كدا بس انا لازم اخدك على المستشفى وماحستش على نفسي غير وانا بقول: ماتخفيش ياحبيبتي  و بترجي العسكري انه  يفتح ليا باب الزنزانه بالله عليك افتح الباب انا لازم اخدها المستشفى دي حامل ممكن تموت افتح وركعت على 

رجلي وانا  ضامم  ايدي الاثنين وحاطط راسي عليهم.

 وبدموع: بالله عليك افتح الباب انا مراتي وإبن هايروحوا مني. 

المحقق بصدمه استاذ مهند ويجري ويقوم مهند من علي الأرض

مهند: بالله عليك قوله يفتح الباب الزنزانة مراتي هاتموت جوه وانا واقف مش قادر اعمل لها حاجه. 

المحقق يبص على دهب وبصدمه: هو ايه اللي حصل وبصوت عالي: افتح الباب ياعسكري بسرعة

العسكري: أمرك ياباشا

 ويفتح الباب مهند بدموع ويجري علي دهب

مهند: دهب حبيبتي ايه اللي حصلك ويبص على الدم اللي على الارض وحطيت ايدي على ابني حبيبي ليه مشيت بسرعة كدا انا كان نفسي اشوفك لو مره واحده وبصيت على دهب وانا شاكك أن هي ممكن تكون السبب في موت ابني قبل مايجي على الدينا وشلتها وطلعت علشآان اخدها المستشفى وانا بتوعد لها لو هي اللي قتلت ابني انا هاخليها تشوف الوحش اللي جواي

❈-❈-❈

في المستشفى

مهند بخوف: طمني يادكتور دهب حصل لها ايه؟ 

الدكتور باسف: انا اسف يا استاذ المدام خسرت الجنين. 

مهند بحزن على فقدان الطفل :  طيب ودهب أخبارها ايه دلوقتي؟ 

الدكتور: المدام الحمد لله بخير تقدر تشوفها لو عايز. 

مهند: طيب ايه السبب اللي خلي الجنين ينزل يادكتور ممكن اعرف. 

الدكتور: بصراحه يااستاذ مهند ماكذبش عليك وبعد نتيجة التحليل أن المدام وخده برشام مانع الحمل وده خطر على الحامل جديد. 

مهند يفتكر الحديث بينوا هو ودهب وبصوت باين في الغضب: هي فين دهب. 

الدكتور بستغراب من تغير مهند من حزن لغضب: المدام في الغرفة اللي قدامك دي يافندم. 

مهند وهو ماشي: شكرا يادكتور. 

ودخلت الغرفه لقيت دهب نايمه على السرير كانت مثل الملاك يا قد ايه انا مشتاق لها ونفسي اخدها في حضني حتى فى أعز غضبي منها مش قادر اسيطر على مشاعري اتجاهها قد ايه الحب بيخلي الراجل ضعيف

دهب بتتقلب في نومتها وتفتح عيونها وتشوف مهند واقف قدام منها الخوف يسطر على قلبها وبصوت طفله خائفة: مهند! 

مهند يفوق من مشاعر الاشتياق  اللي مسيطرة عليه على صوت دهب وفي لحظه تتغير النظرات من اشتياق وحنين لغضب قاتل وفي خطوة واحدة كان واقف قدام دهب وبصوت مرعب: في رايك ياهانم انا ممكن اعمل فيكي ايه دلوقتي انا ابني مات ويمسك دهب من وشها.

 وفي لحظه يتغير شكل مهند من وحش وغضب لاب حنون وزوج عاشق وبدموع: بالله عليكي ياحبيبت قلبي قولي ان انتي ماعملتيش كدا زي ماقولتي ليا انتي مالكيش ذنب في اللي حصل صح. 

دهب دموعي نزلت ومش قادرة الخوف سيطر على قلبي وعقلي ومش قادرة احط عيني في عين مهند ولساني مش قادرة احركه من كتر الخوف.

 

مهند بصوت عالي وكله غضب: انطقي ازاي ده حصل ازاي ابني نزل ويمسك دهب من شعرها سكوتك مش هاينفعك انتي اللي نزلتي الجنين ولا حد عملك حاجه؟ 

دهب تفتكر كلام وتهديد الشخص لها بأنه هايقتل مهند وبخوف وكذب وتمثل القوه: مش انا قولتلك على كل حاجه مش ذنبي انك مش مصدق بقاا؟ 

مهند بغضب وصوت عالي: يعني ايه انتي اللي اخدي برشام منع الحمل بمزاجك؟ 

دهب بخوف: ايوه ومين يعني هايغصبني؟ 

مهند بغضب ويجي ضارب دهب بالقلم وبحزن ودموع: ازاي قدرتي تعملي كدا مش انتى دهب البت البريئه والطيبه اللي انا اعرفها. 

دهب بدموع: لا هي دي دهب الحقيقية اما دهب اللي انت بتقول عليها دي ماكنتش موجودة اصلا. 

❈-❈-❈

في البيت عائلة مهند الباب بيخبط

هانم بصوت عالي: حاضر جايه اهو ياللي على الباب.

 وتفتح الباب وبستغراب: مين حضرتك

اللي علي الباب تذوق هانم: ابعدي كدا من وشي مافيش غير الخدم وهناخد منهم الاذن. 

أم سعيد: مين ياهانم اللي على الباب.

 وبصدمه: انتي

الشخص بكبرياء: ايوه انا ايه مالك شوفتي عفريت فين ستك سماح. 

أم سعيد: موجوده اتفضلوا ادخلوا الصالون وانا هعرف الست سماح انكم شرفتونا. 

الشخص: واحنا مش ضيوف علشان ناخد الاذن من اي حد قولي فين سماح واحنا هانروح لها. 

أم سعيد: الست سماح في الأوضه بتاعتها. 

الشخص يبص على ام سعيد بكبرياء ويرفع راسه ويمشي هانم بستغراب: هم مين دول ياخالتي ام سعيد. 

أم سعيد: دول أخت الحاج محمد الله يرحمه وبنتها وربنا يستر من اللي جاي. 

❈-❈-❈

في غرفه سماح الباب بيخبط سماح بتعب: ادخل

الشخص بتمثيل الحزن: حبيبتي عامله ايه وايه اللي حصل وبدموع محمد اخويا سابنا ياسماح. 

سماح بصدمه: سميره؟ 

سميرة أخت الحاج محمد الصغيرة شخصية حقوده وبتحب المال وفي منتهي الغرور والكبرياء وبدموع تمسايح: ايوه ياحبيبتي سميرة انا اول ماعرفت اللي حصل جيت جرى زي المجنونه ولحد دلوقتي مش مصدقه اللي حصل ازاي محمد اخويا مات اهي اهي اهي وسبنا اها قلبي اتحرق عليه. 

سماح بدموع: الله يرحمه ويسامحه ويجعل مثواه الجنه ويغفر له يارب العالمين ياسميرة اقرائ الفاتحة احسن ياحبيبتي. 

سميرة بحقد: احنا لازم نخلي مهند يطلق البت اللي اسمها دهب دي؟ 

سماح بصدمه: انتي بتقولي ايه