قراءة رواية حكاية بنت الريف كاملة

تنشر حصريًا على مدونة رواية وحكاية قبل أي منصة أخرى

في الدور اللي تحت يدخل المحقق

المحقق: السلام عليكم ورحمة الله وبركاته

الكل من سماح ونور وشيرين وسميرةوام سعيد: وعليكم السلام ورحمة الله وبركاته

المحقق: انا اسف ياجماعة بس الأستاذ مهند اتاخر كتير هو فين؟ 

سماح: معلش يابني اتفضل شوية وهاينزل

المحقق يبص على شيرين ويقعد 

أم سعيد: تشرب ايه يابني؟ 

المحقق: معلش ممكن فنجال قهوة

أم سعيد: حاضر خمس دقايق والقهوه هتكون عند حضرتك

المحقق: يسلمو

ا ويبص على شيرين شيرين بخوف: يالههههوي هو بيبص ليا ليه كدا

المحقق قاعد وبيبص في الساعة ومستغرب من غياب مهند: معقوله يكون مهند خد مراته وهرب

شيرين بستغراب: هما بيعملوا ايه ده كل. 

نور: علمي علمك ياختي دول بقا لهم ساعتين فوق. 

سماح: استغفر الله العظيم الغايب حجته معاه يابنات

سميرة: ماهو ياحبيبتي كل غايب وليه حجه بس ده كله بتغير هدومها مش معقولة يعني؟ 

المحقق بشك: ممكن حد يطلع يستعجل الأستاذ مهند علشان القضية مانتاخرش عليها. 

سماح: تكلم هانم اطلعي يابنتي نادي على مهند

هانم: حاضر ياست سماح

❈-❈-❈

في شقة مهند. 

مهند: قومي اجهزي علشان ننزل. 

دهب بتعب ودموع: انا مش قادرة اقوم من مكاني

مهند: بكره لو عايزة تاني انا معنديش مشكلة. 

دهب بخوف: لا بالله عليك يامهند انا مابقتيش قادره استحمل اكتر من كده. 

مهند بحزن بس يتظهار بعدم الاهتمام: طيب قومي ياشاطرها اجهزي علشان مانتاخرش اكتر. 

دهب بتعب تقوم وبدموع: حاضر يامهند شوية وهكون جاهزه. 

مهند يبص على دهب بحزن انا اسف ياحبيبتي بس انتي اللي اجبرتني على كده ويتظاهر بالبرود طيب اجهزي انتي هنا وانا هجهز في الاوضه التانية وفجاه الباب بيخبط مهند غوري شوفي انتي هتعملي ايه 

على ماشوف مين على الباب

دهب دموعي نزلت وانا صعبان عليا نفسي وروحت واخد هدومي من الدولاب ودخلت على الحمام من غير مابص على مهند حتى انا عارفه اني السبب في اللي بيحصل بيني انا ومهند بس  متخيلتش ان مهند هيتصرف و يتعامل معايا بالشكل المتوحش ده انا حاسه ان انا مع واحد غريب معرفهوش. 

مهند يطلع علشان يشوف مين على الباب ويفتح يلاقي هانم الخدامه مهند بستغراب: خير في حاجه يا هانم

هانم الست سماح بتقول لسعادتك انزل علشان حضره الضابط مستنيك تحت من بدري علشان تروحوا المحكمه علشان متتاخروش على القضيه بتاعه الست دهب. 

مهند: يا لهوي انا نسيت الدنيا  كلها وانا معها دهب حتى نسيت حتى نسيت المشاكل والظروف وحتى نسيت ان قضيه دهب النهارده ويحط ايده على جبينه طيب انزلي انتي يا هانم وقولي لست سماح وحضرت الضابط انه الاستاذ مهند هينزل  كمان خمس دقائق بالكثير

هانم حاضر يا استاذ مهند اللي حضرتك تشوفه تؤمر باي حاجه ثانيه يا بيه

مهند لا تسلمي انزلي انتي وقولي لهم زي ما قلت لك

هانم حاضر يا بيه 

مهند يقفل باب الشقه ويبص وراه يلاقي دهب واقفه وبتساؤل: انتي خلصتي

ذهب ايوه خلصت وجهزت لك الحمام بتاعك

مهند ببرود وانت حد طلب منك تجهزي ليا الحمام؟ 

دهب بحزن طيب ما انا اللي  بجهزهولك على طول. 

مهند ده كان زمان لما كنتي انتي دهب حبيبتي اللي انا حبيتها مش دهب الخاينه والمخادعه اللي واقفه قدام مني دلوقت

دهب بصيت على مهند ودموعي نزلت على وشي وما قدرتش ارد اقول حاجه لامهند بس يا ريت يا مهند لو تعرف انا ليه بعمل ده كله وياريت اقدر اقول لك ان انا ما ليش ذنب بموت ابننا انا كنت اتمنى اشوفه اكثر منك وازاي أم تقدر تؤذي ابنها اللي هي لسه ما شفتهوش. 

مهند بصوت عالي: انتي هتفضلي تبصي ليا كده كثير وبعدين دموع التماسيح اللي عندك دي مابقتش تاثر فيا 

ده ايه 

دهب بدموع اكثر: الله يسامحك يا مهند.

 وجت سايباه وماشيه ولسه ماوصلتش للباب وحسيت أن دراعي اتقلع مني. 

مهند بغضب: انتي رايحه فين يابت انتي. 

دهب: اه سيب دراعي يامهند وجعني

❈-❈-❈

مهند: مايوجعك مايهمنيش وبعدين انا عايزك تتوجعي اكتر واكتر علشان تحسي بالوجع اللي انا فيه. 

دهب بدموع: طيب ابعد عني وسيب دراعي حرام عليك مش قادره.

 

مهند يمسك دهب جامد ويحط ايده على وسطها ويقربها منه: طيب لو مابعدش وعيد اللي انا كنت بعمله دلوقتي تعرفي ان انا بقيت بحب عذابك ووجعك اكتر من ضحكتك وبستمتع اوي وانتي بتصرخي من الوجع. 

دهب بدموع: وانت تعرف حاجه مهما تعمل فيا انا مستحيل ازعل منك أو اكرهك. 

مهند يمسكها من شعرها: وانتي تعرفي مهما تعملي أو تقولي انا مستحيل ارجع أثق أو أصدقك تاني. 

وجيت راميها على الارض وسايبها وداخل بس اللي انا مستغرب منه ازاي في واحدة تقدر تغير وشها بالشكل ده وازي قادره تبين أن هي بريئه بالطريقه دي واحده كذابه مهما تعمل انا مستحيل ارجع أضعف قدمها تاني

دهب مسحت دموعي وقومت من علي الارض وانا مش قادرة الوجع في كل حطه في جسمي داخلي وخارجي بس اكتر حاجة وجعت قلبي اللي فيه شعله نار مش عايزه تهدي وقومت ومن كتر الوجع ماقدرتش أفضل واقفه قعدت مكاني تاني وحطيت ايدي على بطني من كتر الوجع مش قادرة وفضلت اعيط على قله بختي وكل مافتكر تصرف مهند المتوحش معايا دموعي تزيد اكتر

مهند في الحمام بصيت لنفسي في المراية بس كرهت نفسي بسبب اللي انا عملته في دهب انا ماقدرتش اسيطر على غضبي وكل مافتكر كلامها ومنظر ابني اللي هي قتله اكرهها اكتر انا اه اللي بعذبها جسدياً بس انا اللي بعذب نفسي ومش قادر انا بكرهك يادهب ودموعي نزلت بس أتمنى لو قلبي الخاين ده يكرهك كمان بس للأسف بتعذب على عذابك وقلبي بيعذبني معاه مش قادر أصدق ان دهب البت اللي هو حبها بجنون والبرئيه والطيبة تطلع انسانه رخيصة للدرجاتي 

❈-❈-❈

في الدور اللي تحت

واحدة بصوت واطي: هانعمل ايه دلوقتي لسه الخطوه التانية ماتنفذتش

سميرة بنفس الصوت: اهدي ياحبيبتي احنا لسه في الأول مش معقولة كل حاجه تحصل في ساعة. 

الشخص: انا خايفة للبت دي تقول لمهند كل حاجه وتخرب كل اللي احنا مخططين ليه. 

سميرة: لا ماتخفيش احنا مخوفنها بموت مهند وبين عليها بتحبوا بجد علشان كده مش هاتقدر تخاطر المخاطره دي. 

الشخص بغضب: مافيش حد يحب مهند غيري مهند ليا انا وبس ومافيش حد هايحبه اكتر مني. 

سميرة: اهدي ياحبيبتي مهند ليكي وهايفضل ليكي ماتخفيش اللي كان لكي هيفضل ليكي.

نور بخوف: هو مالهم غايبو فوق كده هو مش ممكن يكونوا عرفوا أن احنا السبب في موت ابنهم خططوا يقتلونا انا وانتي ازاي؟ 

شيرين بعصبيه بس صوت هادئ:  يخرب بيتك اهدي وسيبك من الخوف ده شويه هتفضحينا وانت اللي هتودينا لحبل  المشنقه  بايديك وايه بس اللي هيعرفهم ان احنا السبب في موت ابنهم؟ 

نور بنفس الصوت: وانتي مالك متعصبه عليا ليه كده وبعدين انا خايفه قوي من الموضوع وخايفه بالذات لهاني يعرف حاجه ساعتها مش هيسامحني ممكن يقتلني كمان. 

شيرين: يا بنتي وايه اللي هيعرف هاني بس ان احنا اللي حاطينه برشام منع الحمل في الاكل بتاع زياره بتاع دهب اهدي شويه كده علشان ما تفضحناش انت بغباءك ده. 

نور: لو حد عرف حاجه انا ما ليش دخل انتي اللي خططتي وانتي اللي نفذتي انتي فاهمه. 

شيرين تبص لها بغضب: بس يا حبيبتي انتي اللي نفذتي انا اديتك فكره مش اكثر وانت اللي جبتي البرشام وانتي اللي حطيتيه في الاكل وياريت ما تخافيش علي  نفسك بس يا شاطره علشان هوديكي في داهيه وياريت قبل ما تتكلمي وتقولي حاجه تعرفي انتي وقعتي نفسك في ايه وعلى فكره بقى اللي  انتي عملتيه انا مسجلاه كله وبالتفصيل الممل يعني لو حد عرف حاجه انتي السبب مش انا. 

نور بخوف: قصدك ايه بانك مسجله كل اللي انا عملته. 

شيرين ابتسامه خبيثه: قصدي يا حبيبتي ان انا مش غبيه للدرجه دي زي حضرتك انا عملت لك فيديو حلو قوي وانتي بتجهزى الاكل ليها  فهمتيني يا شاطره ولا تحبي تشوفي الفيديو بنفسك ما هو انا مش غبيه علشان اصدقك للدرجه دي كنت عارفه ان انتي هتعوذي تلبسيني انا في المشكله وتشيلني الليله كلها لو حد عرف حاجه علشان كده سجلت لكي وعملت لكي شريط  يا شاطره علشان لو حبيتي تلعبي بديلك  اقطعهولك قبل  مايطول زياده

نور بصدمه: انا وثقت فيكي ومشيت ورا كلامك بس وما تخيلتش انك انسانه رخيصه للدرجاتي. 

شيرين بخبث: لا يا نور عيني  دي ماتسمهاش ثقه دي اسمها غباء يا حبيبتي. 

نور: هي فعلا غباء مني علشان صدقتك واحده زيك انا خربت بيتي من قبل ما عمروه. 

شرين بهدوء افاعي: متخفيش يا حبيبتي طول مانتي قصه لسانك وحطاله حبل انتي في امان وماتخفش انا مش هعمل حاجه بالفيديو  اللي معايا دا مهما كان  احنا مخطاتين مع بعض بردوه وبستفزاز انا جعانه وعايزه اكل بعض اذنك يا روحي. 

نور  واقفه مثل التمثال  وعنيها على شرين وبدموع من كتر الخوف: هو اي اللي انا عملته في نفسي ده معقوله بسبب غيرتي من حب الكل لدهب انا خربت بيتي وكنت السبب في موت طفل بريئ لسه ماجاش على الدنيا

اه ياربي اعمل ايه انا دلوقتي في المصيبه اللي انا وقعت نفسي فيها دي. 

❈-❈-❈

سماح تاخد بالها من دموع نور وبخوف: مالك يانور ياحبيبتي بتعيطي ليه؟ 

نور بتوتر وتمسح دموعها: ها لاء مافيش وابتسامه ده بس علشآان ماما واخواتي البنات وحشوني شويه

سماح تحط ايديها على وش نور وتمسح لها دموعها: بس ياحبيبتي ماتعيطيش وانا لما هاني يرجع بالسلامة هاقوله ياخدك تشوفي اهلك. 

نور بحزن: لا ياماما مش وقته الظروف والتوتر اللي في البيت مايسمحوش اني أزور اهلي. 

سماح بحب: بس ياحبيبتي انتي لسه ماتعملش ليكي فرح ولسه مش متجوزه رسمي تقدري تروحي لأهلك زي مانتي عايزه. 

نور: وايه يعني ماتعملش ليا فرح هي البنت ماينفعش تكون مع أمها في الظروف اللي زي دي. 

سماح بدموع: انا اكيد ربنا بيحبني علشآان بعتلي نسوين عيالي زايك انتي ودهب. 

نور بحزن: ربنا يطلع دهب من اللي هي فيه. 

سماح بدموع: يارب ياحبيبتي

❈-❈-❈

مهند: نازل من على السلم ودهب نازله وراه وباين عليها مش قادره تمشي. 

مهند باسف: انا اسف اوي ياهشام على التأخير ده. 

المحقق هشام وهو بيقوم: عادي ولا يهمك يلا بينا علشان مانتاخرش اكتر من كدا تأجيل القضية مش لصالحنا. 

مهند يبص على دهب اللي مش قادره تدوس على رجليها: ماتخلصي ياست هانم مش واقفين تحت رجلك هنا. 

سماح بستغراب من طريقه مهند مع دهب: ايه يامهند دي طريقة تكلم بيها مراتك قدام الناس. 

مهند: معلش يا أمي اديكي بتقولي مراتي انا حر اكلمها زي مانا عايز

دهب بوجع ودموع: معلش حقك عليا بس والله من غصب عني مش قادره. 

مهند: هو احنا لسة هنتحقق يلا

 ويمسك دهب من ايديها وبيشدها تجي واقعه 

دهب بتعب: اه

سماح بدموع: اسم الله عليكي يابنتي 

وبصوت عالي: في ايه يامهند انت ازاي تشد مراتك بالشكل ده وتوقعها وهي حامل كده وحتى لو مش حامل ازاي تعملها كدا. 

مهند بصوت عالي: انا حر اعملها زي مانا عايز وبعدين هي مابقتيش حامل الست هانم خدت برشام منع الحمل وقتلت ابني اللي لسه ماجاش ولا شوفته. 

سماح تبص على دهب اللي قاعده على الارض بصدمه: انت بتقول ايه وايه اللي حصل.

مهند ودهب يبصوا لبعض ويفضلوا ساكتين سماح وبصوت عالي: انتم سكتين ليه حد يقول حاجه ازاي دهب قتلت ابنك. 

مهند وعنيه على دهب: اسألي الست هانم هي اللي هتعرف تجاوبك. 

دهب تبص على سماح ومهند ولسه هتتكلم بس سميره تقف وار مهند وتخلي دهب تشوف المسدس اللي هي مسكها. دموعها تنزل وتجي بصها على الارض وماتتكلمش. سماح بدموع وتبص على دهب. ازاي الجنين نزل يادهب؟. 

دهب بتتظاهر بالكره وصوت عالي: انا اللي قتلته علشان انا بكرهكم وبكره ابنك اللي واقف قدامك ده ومش عايزه اي حاجة تربطني بيه. 

نور بستغراب: هي ليه دهب بتقول ان هي اللي قتلت الطفل وهي مالهاش ذنب في حاجه؟ 

سماح بصدمه: انتي بتقولي ايه يابنتي؟ 

دهب بتمسح دموعها: ايوه زي ماسمعتي كده بالظبط انا بكرهكم وتعرفي حاجه انا اللي حطيت السم في الرز. 

المحقق بصدمة ويبص على مهند: انتي بتقولي ايه 

دهب ايوه انا اللي قتلت ابو جوزي علشان هو كتب املاكه كلها باسمي بس هو كتب أن انا مستحيل اخد حاجة طول ماهو عايش.

 ولسه ماكملتش كلامي ماحستش على نفسي غير وانا على الارض بسبب القلم اللي نزل على وشي من خالتي سماح. سماح بصوت عالي: انتي بتقولي اي يابت هو انتي تقدري تقتلي حشره علشان تقتلي انسان ومين الحاج محمد علي سنه وربع انا مش هبله علشان أصدق الهبل ده كله. 

دهب بصيت على خالتي سماح ودموعي نزلت من غصب عني من الفرحه: معقوله حتى وانا بقول ان انا السبب لسه وثقه فيها وواقفه جنبي ياريت لو اقدر أقف َواحضنك واقولك اني فعلا مستحيل اعمل كده. 

مهند بصوت عالي: بس بقا يا أمي وماتاثريش بوشها البريئ ده انا كمان بعترف إني اتخدعت بيها ومكنتش مصدق ان هي ممكن تعمل كدا بس لما قالت إن هي هتقتل ابني ماصدقتش أن هي ممكن تنفذ كلامها وبحزن بس هي نفذته. 

نور بصدمه وتبص على دهب: هو ايه اللي بيحصل؟