قراءة رواية حكاية بنت الريف كاملة

تنشر حصريًا على مدونة رواية وحكاية قبل أي منصة أخرى

سماح عينيها على نور اللي حضنت هاني قدام الكل التسرف ما عجبهاش ودموعها نزلت لما افتكرت دهب: هي فين دهب؟ 

هاني يفهم نظرات امه يبعد نور عنه باحراج ومايتكلمش

مهند بحزن: دهب في النيابة. 

سماح بصدمه ودموع: انت بتقول ايه؟

 وتكمل بغضب: وازاي تسمح لهم يخدو مراتك. 

نور: انتي بتقولي ايه يا ماما إذا هي كانت السبب في موت عمو محمد فالازم تتحاسب على افعلها. 

هاني: خليكي ساكته انتي يا نور ما تتكلميش احسن. 

نور بزعل: ليه هاني هو انا مش بقيت واحده من العيله ولا ما ليش حق اقول رائي. 

سماح: لا يا بنتي انتي طبعا بقيتي واحده من العيله بس انتي ما تعرفيش حاجه علشان كده ما تحكميش على حد وانتي ما تعرفهوش. 

نور بغيظ: طيب زي ماتحبوا مش هاتكلم تاني.

 

سماح بزعل: انا عايزه اروح اشوف دهب. 

مهند: اهدي يامي هتروحي فين انتي مش شايفة حالتك عامله ازاي؟ 

سماح: انا كويسه بس خدني اشوف دهب قلبي وجعني عليها وبيقول ليا أن دهب برئيه ومالهاش ذنب في حاجه. 

هاني بحزن: هي فعلاً ممكن تكون برئية بس الادله بتقول عكس كدا. 

سماح بستغراب؟! أدله ايه؟ 

شيرين بغل: هو انا يعني هقول أن دهب هي اللي قتلت جوزي من غير دليل انا كمان كنت زايك ياخالتي سماح ماكنتش مصدقه ان دهب ممكن تقتل حد لحد ماكلنا شوفنا الفيديو ودهب بتحط السم في الرز. 

سماح بصدمه: الكلام اللي البت دي بتقوله صحيح يامهند؟ 

مهند وعيون كلها غضب ولو نظرات العيون بتقتل كان قتلت شيرين وهي واقفه: ايوه صحيح

هاني بحزن: بس في حاجه غلط دهب مستحيل تكون هي السبب في موت ابويا. 

نور: بغيره انا شايفه ان كلكم بتثقوا ثقه عمياء في البت اللي اسمها دهب دي انتم نسيتوا انتم جايبنها منين دي واحده جايه من الشارع. 

هاني بصوت عالي: نور احترمي نفسك وماتنسيش هي مين؟ 

مهند يكور ايده من كتر الغضب وسامع كلام نور على دهب غمض عينيه وبيحاول يسيطر على غضبه علشان ما يبوظش الخطه.(انا لازم اثبت قدام الكل ان انا مصدق ان دهب هي السبب في موت ابويا علشان اقدر اساعدها واطلعها من المصيبه دي) ويبص على شيرين (واقدر عاقب المجرم الحقيقي واخد حق ابويا منه) 

نور بزعل: بقى كده يا هاني بتزعق ليا علشان واحده جايه من الشارع. 

سماح بعصبيه: انتي بتقولي ايه يا نور يا بنتي هي مين دي اللي جايه من الشارع؟ 

الحاج ابراهيم يحب يهدي الموضوع: عيب يا نور احنا في بيتهم ودهب مش غريبه دي سلفتك الكبيره عيب تقولي عليها  جايه من الشارع. 

نور بعصبيه: بس انا ماقولتش حاجه غلط!

هاني: لا يا نور انتي غلطتي كتير كمان ودهب اللي انتي بتقولي عليها جايه من الشارع دي مش بس مرات اخويا الكبير دي اختي  وانا مش بسمح لاي احد يغلط في اختي حتى لو كنتي انتي يانور. 

❈-❈-❈

عند دهب

عصام بتوتر: كنت عايز اقولك على حاجة يادهب. 

دهب بخوف ودموع: خير ياعصام؟ 

عصام: هو انا كنت عايز اقولك ان انا السبب!(ويسكت شويه) هو ايه اللي انا بعمله ده انا متأكد ان دهب مش هاتسامحني؟ 

دهب بستغراب؟! انت ايه ياعصام؟ 

عصام: هاا (ويحط ايده على شعره) لا ولا حاجه بس كنت عايز اقولك هو ازاي ده كله حصل وازاي حطيتي السم في الرز؟ 

دهب بدموع: انت بتقول ايه يا عصام انا  والله مظلومه انا مش السبب في موت حد انا ماسمتش حد والله مش انا اللي. 

تحط ايديها علي فمه وما تقدرش تكمل كلامها من كتر العياط. 

عصام بحزن: اهدي يادهب والله مش قصدي ازعلك. 

دهب بدموع: امشي من هنا ياعصام دلوقتي. 

عصام بدموع: دهب انا... 

دهب بصوت كله دموع: امشي ياعصام انا مش عايزه اشوف حد ولا اكلم حد امشي. 

عصام يبص على دهب و بحزن: انا اسف يادهب 

ويخد بعضه ويمشي زي ماهي عايزه عصام لسه هايطلع من المكان.. 

المحقق: لو سمحت يااستاذ ممكن لحظة. 

عصام بستغراب: اسف مين حضرتك؟ 

المحقق يمد ايده علشان يسلم على عصام: انا المحقق هشام اللي ماسك قضية المدام دهب. 

عصام بخوف: وانا عصام ابن عم دهب. 

المحقق بستغراب من خوف عصام اللي مالهوش سبب: اتشرفت بمعرفتك استاذ عصام. 

عصام الشرف: لي بس خير هو في حاجه؟ 

المحقق وعيون على عصام: ها لا أبداً مافيش بس انا شوفتك واقف مع المدام دهب حبيت اعرف مين حضرتك بس. 

عصام بتوتر: تمام اي خدمه؟ 

المحقق بشك: لا شكرا اتفضل. 

عصام: بعد اذنك. 

وخد بعضه ويمشي من غير مايسمع رد المحقق

المحقق وعينيه على عصام: ايه اللي خلاه يخاف بالشكل ده عصام معقوله ليك يد في اللي بيحصل انا لازم اعرف اكتر على عصام علشان لو شكي صح تكون القضية اتحلت والحمد لله. 

❈-❈-❈

في البيت

سماح بدموع: انا عايزه اروح اشوف دهب دلوقتي اهو. 

أم سعيد: اهدي ياست سماح علشان صحتك. 

سماح بعصبيه: اهدي ايه بس انتي مش شايفه المصايب اللي نازله علينا يعني موت وخراب بيوت. 

ام سعيد: اهدى يا حبيبتي وان شاء الله ربك هيعدلها من عنده. 

سماح تبص على مهند: ايه يا مهند  هاتخدني اشوف دهب ولا اروح انا لوحدي. 

منهد: اهدى يا أمي انتي عارفه دهب فين دلوقت؟ 

سماح بعصبيه وغضب: حتى لو كانت في جهنم انا عايزه اروح اشوفها ها تاخدني اشوفها ولا امشي لوحدي. 

هاني: اهدى يا امي لو سمحتي مش كده. 

سماح بدموع: اهدي ايه بس يا ابني انت مش شايف اللي بيحصل يعني ابوك ميت مقتول ومرات اخوك كلنا عارفين ان هي مستحيل انها تعمل حاجه زي كده (وبدموع اكثر) والله غلبانه ما يعلم   بحالها غير ربنا.

 وتبص على مهند: انت نسيت ان مراتك حامل يا استاذ مهند انا مش عارفه والله انت ازاي جي لك قلب تخليهم ياخدوا دهب وانت ازاي مصدقك ان دهب ممكن تعمل حاجه زي كده؟ 

مهند بعصبيه: انت يعني عايزاني اعمل ايه انا شفتها بعيوني دول في الفيديو وهي اللي بتحط السم  بدل السكر وما اصدقتش ليه بقى وانا عارف ان هي ما بتعرف تقرأ  علشان كده هي ما قدرتش تعرف اي اللي في ايديها ده ايه كل اللي انا اعرفه ان بسبب غبائها انا ابويا مات. 

شيرين بفرحه: ايوه كده ده اللي انا عايزاه من زمان مش مهم اذا كان بقيت العيال مصدقين او لا المهم انه مهند  مصدق ان دهب هي اللي حاطه السم بدل السكر. 

سماح بدموع وحزن: انا مش مصدقة أن انت مهند ابني اللي بيقول الكلام ده معقوله انت مصدق ان دهب هي السبب في موت ابوك طيب انا معاك ان دهب غلبانه ومش بتعرف تقرأ بس مش غبيه لدرجه ان هي ماتقدرش تميز بين السكر والسم. 

نور بغل: انا والله مش عارفه دهب عامله لكي ايه يا ماما علشان خاطر بتثقي فيها للدرجه دي انا شايفه ان كلام استاذ مهند كله صح ممكن فعلا ما تكونش عرفت ان اللي في ايديها ده سم مش سكر. 

ام سعيد: لا يا بنتي دهب مش غبيه للدرجاتي. 

نور: انا بعتذر منك بس دي حاجه عائليه ومش مسموح للخدم يدخلوا فيها فلو سمحتي ما تدخليش في الكلام بيننا مره تانيه. 

هاني بصوت عالي: نور انتي ذوتيها اوي. 

أم سعيد بدموع: لا يابني هي معاها حق فعلا الخدم مالهمش حق يداخلوا في حاجه  بتخص أهل البيت اللي هم بيشتغلوا فيه. 

سماح بعصبيه: انتي بتقولي ايه يام سعيد انتي عمرك مكنتي خدامه ولا هتكوني.( وتبص على نور) وانتي فعلاً ذوتيها قوي يابنتي وفي حاجة لازم تعرفيها بما انك هاتجي  وتعيشي في البيت ده اول حاجه ام سعيد مش خدامه ولا عمرها كانت خدامه ولا هتكون ثانيا دهب دي مش بس مرات ابني مهند دي بنتي اللي ما جبتهاش بطني وانا فعلا واثقه فيها ثقه عمياء ومستحيل اصدق الكلام الفارغ ده لو الدنيا كلها واقفت قدامي قالت ليا  أن دهب هي اللي حطت السم بدل السكر. 

مهند بفرحه بينه وبين نفسه: انا فعلاً فخور بيكي يادهب وفرحان جداً بيكي ياحبيبت قلبي انتي مش بس قدرتي تكسبي حبي وثقتي انتي كسبتي حب وثقت اهلي كمان بوعدك اني هطلعك بأقرب وقت ممكن. 

تليفون مهند يرن 

مهند يبص على التليفون يلاقي رقم المحقق مهند خوفت لا يكون حصل حاجة لدهب بعد اذنكم وجريت على بره وفتحت التليفون .

 

مهند: السلام عليكم خير يا حضرة المحقق دهب كويسة؟ 

في الجانب الاخر 

المحقق: اهدي يااستاذ مهند المدام بخير متخافش. 

مهند بارتياح: طيب الحمد لله بس خير في حاجه؟ 

في الجانب الاخر 

المحقق: لأ بس كنت عايز اسألك على حاجة هو حضرتك مش قولت ليا أن المدام  يتيمه وما ملهاش حد؟ 

مهند باستغراب! ايوه فعلا دهب يتيمه ما لهاش حد بس ليه حضرتك بتسال هي فعلا دي يتيمه و  مالهاش حد بس قريب عرفنا أن عندها ابن عم وطلع عصام صاحبي. 

في الجانب الاخر 

المحقق بستغراب! هو عصام بيكون صاحبك؟ 

مهند: ايوه هو ايه اللي حصل وانت تعرف عصام  منين؟ 

في الجانب الاخر 

المحقق: انا هاقولك على كل حاجة. 

ويحكي لمهند من اول ماعصام دخل وكلام دهب لحد ماخرج من النيابة 

المحقق: بس اللي انا مستغرب منه انو خاف من غير اي سبب ولو شكى صح تكون القضية اتحلت كده. 

مهند: انت قصدك أن عصام ليه يد في كل حاجة بتحصل؟ 

في الجانب الاخر 

المحقق: ده مجرد شك مش أكتر؟ 

مهند: طيب خلينا نفرض أن عصام فعلاً زي ماحضرتك بتقول ليه يد في كل حاجة بتحصل بس ازاي وليه وهو يعرف شيرين منين اصلا؟ 

في الجانب الاخر

المحقق: مش عارف بس الظاهر كدا ان القضية دي  هتاخد وقت على ماتتحل. 

مهند: انا كل اللي يهمني دهب تطلع بالسلامه من المشكله دي. 

من الخلف شيرين واقفه  و سامعه المكالمه بين مهند والمحقق:

شرين: يالههههوي يعني ايه مهند بيمثل أن هو مصدق ان دهب هي السبب في موت أبوه وكمان شكك فيا انا وعصام انا لازم اعرف عصام علشان يشوف حل للمصيبه دي. 

❈-❈-❈

داخل المنزل

الحاج إبراهيم: انا في رأي يلا يانور كفاية لحد كدا

 ويبص على سماح: انا بعتذر منك ياست سماح على  قله أدب نور. 

نور بعصبيه: بابا انت بتقول ايه؟ 

الحاج إبراهيم بغضب:  احسنلك يا نور ما تفتحيش حنكك بكلمه تانيه ولينا حساب في البيت. 

نور: و عينيها على هاني بس انا مش هارجع معاك يابابا واسيب ماما سماح وهاني في الظروف دي لوحدهم. 

هاني؛ لا يانور روحي انتي مع ابوكي دلوقتي وماتخفيش انا كويس. 

نور: بس انا مش هفضل علشانك ياهاني انا بقول علشان ماما سماح. 

سماح: كتر خيرك يابنتي وتبص على هاني فين مهند يابني. 

مهند من الخلف: انا هنا ياست الكل

سماح: يلا علشان نروح نشوف دهب وتكمل بغضب وانا من نظره واحدة هاعرف كل حاجه وعد ليك يامحمد اني هاخلي السبب في موتك يندم ومش بعيد اشربه السم بأيدي. 

❈-❈-❈

في غرفه الضيوف

شيرين بخوف: يالههههوي اعمل ايه انا دلوقتي اها لازم اعرف عصام وتطلع التليفون وترن على رقم عصام. 

في الجانب الاخر

عصام بزهق ايوه عايزه ايه تاني؟ 

شيرين: اسمع انا هاقولك ايه 

عصام: مش عايز اسمع منك حاجه كفاية اللي حصل من تحت راسك. 

شيرين: مش وقت الكلام الفاضي ده احنا واقعين في مصيبه 

في الجانب الاخر 

عصام بخوف:  خربيتك في ايه تاني؟ 

شيرين: مهند شكك فينا انا وانت وطلع بيمثل انه مصدق ان دهب ورا موت أبوه ومتفق هو والظابط اللي ماسك القضية 

في الجانب الاخر 

عصام بيشد في شعره من كتر التوتر يعني ايه مهند عارف ان انا ليا يد في تغيير الفيديو. 

شيرين: مش عارفه بس هو انا  سمعته وهو بيكلم الظابط وبيقول له ازاي عصام (وتكذب) علشان تخوف عصام وتخليه يساعدها ليه يد في موت ابويا. 

في الجانب الاخر 

عصام بصوت عالي: بس انا ماليش دعوه  بموت حد انتي اللي قتلتي انا بس ساعدك في تغيير الفيديو. 

شخص من خلف عصام وانا بقا عايز اعرف ازاي غيرت الفيديو؟

عصام بصدمه! انت دخلت ازاي؟ 

تامر: ايه يابني مالك وفيديو ايه اللي انت غيرته؟ 

عصام بتوتر: ها فيديو ايه؟ 

تامر: في ايه ياعصام خايف ليه كدا والله اللي يشوفك يقول قاتل قاتيل. 

عصام بصوت عالي: انا ماقتلتش حد؟ 

تامر بستغراب: في ايه هو انا بقولك انت قتلت. 

عصام يقعد على الكنبه ويحط راسه بين كف ايده وبدموع: ايه اللي انا عملته في نفسي ده انا دمرت نفسي ودمرت بنت عمي. 

تامر بصدمه: انت بتقول ايه وانت عملت ايه في دهب؟ 

عصام: اقعد ياتامر وانا هاحكيلك على كل حاجة حصلت. 

تامر يقعد وعيونه على عصام: اهو قعدت قول بقا مالك. 

عصام بحزن: انت عرفت ان عمي محمد مات الله يرحمه. 

تامر بحزن: ايوه عرفت وكنت جاي لك علشان نروح. نعزي مهند. 

عصام بحزن: لا انا ماقدرش احط عيني في عين مهند بعد اللي انا عملته. 

تامر  باستغراب: ليه انت عملت ايه يا عصام؟ 

عصام بحزن يحكي لتامر على كل حاجه حصلت بينه هو وشيرين من يوم شبكه هاني لحد ما غير الفيديو. 

تامر بصدمه من الكلام اللي هو بيسمعه: يا نهارك اسود يا عصام وانت ساعدتها ودهب الغلبانه اتسجنت ظلم وهي ما لهاش ذنب في حاجه. 

عصام بدموع: اعمل ايه هي هددتني انها هتقول ان انا وهي في بينا علاقه وقتلنا جوزها علشان عرف الحقيقية وان انا اللي قتلت عمي محمد علشان انتقم من مهند علشان اخد دهب منه. 

تامر: كنت سيبها تقول اللي تقوله يا ابني  مش هتقدر تقول حاجه هي بس لعبه بعقلك و خوفتك علشان انت على نياتك وخلتك ساعدتها ودبست دهب الغلبانه. 

عصام بحزن: طيب انا  اعمل ايه دلوقت انا رحت لدهب وكنت عايز اعترف لها على كل حاجه بس ما  ما قدرتش. 

تامر: يا نهارك اسود يا عصام اوعى تكون قلت حاجه لدهب او قولت لاي حد تاني ده انت اللي هتشيل الليله كلها لو حد شك فيك احنا لازم نلاقي حاجه تثبت على شيرين الاول وبعد كده نعرف مهند على كل حاجه. 

عصام وازاي بقى هتثبت على شيرين ان هي اللي حطت السم مش دهب وازاي هطلع نفسي من المصيبه دي وهم شكين ان انا شريك شيرين في كل حاجه؟ 

تامر بصدمه خوف على صديق عمره: هم مين دول اللي شاكين؟ 

عصام: قصدي على مهند والظابط اللي ماسك القضيه بتاعت دهب. 

تامر: انا في رأي انك تقول كل حاجه لمهند وهو هايعرف يتصرف. 

عصام: انت اتجننت لا طبعا مهند مش هيسامحني ده لسه مش عايز يسامحني علشان ماقولتيش له أن دهب بتكون بنت عمي. 

تامر: ماهو لم يعرف منك احسن مايعرف لوحده أو من حد تاني ولو عرف حاجه من حد تاني التهمة هاتثبت عليك فعلاً وانك كنت شريك شيرين في كل حاجة. 

عصام: بس انا والله ماليش ذنب في اي حاجه انا بس غيرت الفيديو بعترف اني غلطان بس انا خوفت أن المجنونه دي تعمل اللي في دمغها  وتنفذ التهديد بجد. 

تامر: مانت كدا وقعت نفسك في الفخ اللي هي نصبته لك. 

عصام: طيب اعمل ايه دلوقتي؟ 

تامر: هو ما فيش حل احسن من اللي انا قلته لك  اعترف لمهند على كل حاجه احسن. 

عصام في رايك مهند هايصدقني او هيسامحني؟ 

تامر: انا ما كذبش عليك ممكن يوديك في مصيبه بس تكون انت عملت اللي عليك وخلي الباقي على ربنا. 

عصام بسخريى: الله يطمن قلبك يا اخويا ونعم بالله العلي العظيم واتوب اليه.