قراءة رواية حكاية بنت الريف كاملة

تنشر حصريًا على مدونة رواية وحكاية قبل أي منصة أخرى

في حديق بيت عائلة مهند واقف مهند  هشام ودهب نايمه في العربيه. مهند بصدمه: انت بتقول ايه مش لاقيها ازاي؟ 

المحقق: والله زي ما بقولك كده يا مهند انا ما لقيتش شيرين في البيت. 

مهند: أتلاقيها راحت مشوار ولا حاجه و زمانها جايه.. 

المحقق: سالت الخدم قالوا مفيش حد شافها من ساعه ما كنا هنا الصبح

مهند باستغراب: يعني ايه هربت طيب عرفت ازاي ولا مين قالها احنا عرفنا الحقيقه وانها اتحكم عليها. 

المحقق: لا اكيد ما عرفتش حاجه احنا خلينا نصبر شويه كده ممكن تكون في مشوار فعلا وماحدش يعرف. 

مهند: طيب تعال ادخل جوه عشان الجو باين عليه هيشتي. 

المحقق: طيب والمدام دهب مش هتدخل. 

مهند يبص على دهب اللي نايمه في العربيه من كتر التعب:٠ لا سيبها انا هابعت حد ياخدها. 

❈-❈-❈

المحقق بحزن: مهند انا عارف ان انا ماليش  الحق ادخل في حاجه بينك وبين مراتك بس حابب اقولك على حاجه خد بالك لا تكون انت فعلا ظالمها وانت بالشكل ده  بتئذيها كتير يا مهند حرام دي مهما كان انسانه ومافيش حد يستحمل اللي هي فيه ده والله هي صعبانه على قوي ومش باين عليها ان هي فعلا واحده شمال باين عليها الطيبه وغلبانه اوي ومش معقوله تكون واحده بالبراءه دي كلها تقدر تعمل اللي هي بتقول عليه ده وحسب خبرتي في الحياه انا متاكد ان هي في حد جبرها و مهددها وفي حاجه مخليها تتصرف معكم بالشكل ده هو مش معقوله دموعها هتنزل وهي كذابه مستحيل يا مهند حد يقدر ينزل دموعه وهو عارف ان هو كذاب الدموع ما بتنزلش غير في حاله واحده بس  لما تكون مظلوم او صعبان عليك نفسك والمدام بتاعتك دموعها بتثبت ان هي مظلومه فعلا او ممكن تكون  مجبوره على كده. 

مهند وعينيه على دهب وبحزن: وايه هيجبرها تقتل ابنها اللي لسه ما جاش على الدنيا يا حضرت الظابط وايه هيجبرها تعترف بلسانها ان هي اللي قتلت ابويا علشان تورث الفلوس اللي هو كتبها لها ها ايه هيجبرها يا حضرت الضابط انها تدمر بيتها وتخرب حياتها بايديها و بحزني ده هي دمرت كل حاجه كانت حلوه بيني وبينها انا بعترف ان انا قاسي معها وبعذبهاو بجرحها بس انا اللي بتعذب انا بحاول اطفئ النار اللي جوايا بس بالعكس هي بتزيد مع كل دمعه بتنزل من عينها بسببي. 

المحقق بحزن: باين عليك بتحب مراتك اوي يا مهند بس نصيحه مني انك تديها وتدي نفسك فرصه ممكن تكون فعلا مجبوره على كده. 

مهند بدموع: انا فعلا مش بس بحبها انا بعشقها بموت في هواها( يمسح دموعه) بس هي دمرت كل حاجه كانت حلوه بيني وبينها يا حضرت الظابط واللي بيتكسر مستحيل يتصلح مش دي البنت البريئه والطيبه اللي انا حبيتها واتجوزتها دي واحده تانيه انا لسه بتعرف عليها جديد انا متاكد ان دي مستحيل تكون حبيبه قلبي دهب. 

المحقق بحزن: انا والله مش عارف اقول لك ايه يا مهند بس اديها فرصه وحاول انك تسالها عن السبب الحقيقي اللي خلاها تتصرف بالشكل ده واديها فرصه وحاول انك تسمعها. 

مهند: طيب تعال ادخل عشان الجو ابتدى يشتي.

 و بصيت على دهب و اخدت بعضي  ودخلت على جوه من غير ما حتى ما اسمع رد  هشام

❈-❈-❈

جوا البيت

سماح: مهند حمدالله على السلامه يا بني خير طمني ايه 

اللي حصل؟ 

مهند  :  الله يسلمك يا أمي طمنيني انتي عنك عامله ايه ياست الكل معلش ياامي  سامحيني انا عارف اني مقصر قوي في حقك  بس ظروفي جايه عليا شويه. 

سماح: ربنا معاك  يا ضنايا عارفه ظروفك اللي انت فيها و حاسه بيك يأبني علي عيني والله بس فين دهب وعملته ايه في القضيه طمني. 

مهند: اهدي يامي ماتخفيش الحمدلله احنا كسبنها  ودهب نايمه في العربية. 

سماح: نايمه في العربية وسبتها بره في البرد والجوه ده. 

مهند: طيب اعمل ايه يعني مش هي اللي نامت حد قالها تنام. 

سماح باستغراب: انت ايه اللي بتقوله ده يامهند هو ايه اللي اعمل ايه. 

مهند: انسي يا امي الموضوع ده قولي لي فين شيرين. 

سماح بحزن: انت ايه يا ابني اطلع هات مراتك من بره هتتعب حرام وبعدين انت بتسال على شيرين ليه؟ 

❈-❈-❈

مهند بعصبيه: ماتتعب ولا تتحرق انا مالي. 

هاني ونور نازلين من على السلم يسمعوا كلام مهند هاني بزعل: هات مفتاح العربية وانا هاجبها من بره الجو بيشتي هاتتعب. 

مهند: يوووه بقاا سبكم منها وقولولي فين شيرين؟ 

نور: شيرين من الصبح مافيش حد يعرف عنها حاجة. 

المحقق: طيب هي آخر مره كانت فين أو مع مين؟ 

نور: آخر مره كانت واقفه معايا وقالت إن هي جعانه هتروح تاكل. 

المحقق: وبعدين. 

سماح: أنا كنت شايفها دخله الأوضه بتاعتها ومن ساعته ماشوفتهاش تاني. 

مهند باستغراب: وماحدش شافها طلعت منها. 

نور: لا ماحدش شافها. 

مهند بصوت عالي: هانم ياهانم. 

هانم جايه جرى من المطبخ: نعم باستاذ مهند. 

مهند: روحي شوفي شيرين في الاوضه بتاعتها ناديها. 

هانم: حاضر يااستاذ مهند. 

المحقق باستغراب: معقوله تكون عرفت حاجه وهربت. 

هاني باستغراب: هو في ايه وليه عايزين شيرين. 

المحقق: شيرين هي  السبب في موت الحاج محمد واسلام جوزها. 

الكل من سماح وهاني ونور في حالة من الصدمه وذهول من الكلام اللي هما بيسمعوا. 

سماح بصدمه ودموع: يعني ايه البت دي هي اللي قتلت جوزي طيب ليه وعلشان ايه انا مابقتيش فاهمه حاجه. 

المحقق: اهدي يامدام وانا هافهمك على كل حاجة شيرين كانت عايزة تقتل المدام دهب مش الحاج محمد

سماح وهاني بصدمه وصوت واحد: تقتل دهب ليه؟ 

المحقق: ايوه هي كانت قصد دهب بس مش بيحصل غير اللي ربنا عايزه وربنا سبحان وتعالى ارد أن الحاج محمد هو اللي ياكل من الرز المسموم مش دهب وهي خلت جوزها اسلام ياكل من الرز قصد علشان ماكنتش بتحبه فاقتلته. 

هاني: طيب ليه عايزه تقتل دهب. 

نور باستغراب: طيب لو شيرين هي السبب في كل اللي حصل ليه دهب قالت إن هي السبب في كل حاجة مش ملاحظين أن في حاجه غريبه؟ 

مهند  يبتدي يستوعب اللي بيحصل: قصدك ايه؟ 

نور: قصدي انا في حد اجبر دهب أن هي تقول وتعمل اللي عملته. 

مهند: انا عارف ان دهب مالهاش ذنب في موت ابويا علشان كده انا طلعتها من السجن ولو كان عندي شك أن هي السبب في موت ابويا كنت قتلتها بايدي دول بس اللي ايه اللي يجبر أم تقتل أبنها اللي لسه ماجاش على الدنيا. 

❈-❈-❈

سماح: اهدي يامهند يابني مالكش نصيب فيه ياضنايا. 

نور بخوف وتوتر: دهب مالهاش ذنب في ده كمان. 

مهند بصوت عالي: انتي بتقولي ايه ازاي مالهاش ذنب في موت ابني وهي خدت برشام منع الحمل علشان تنزله انتم كلكم لسه مش قادرين تشوف وشها الحقيقي. 

نور بخوف: لا بس انت اللي ماتعرفش الحقيقه. 

مهند: قصدك ايه؟ 

هاني يبص على نور: انتي عارفة حاجة ومخبيها عليا. 

نور بدموع ياربي ساعدني انا متأكده ان هاني ممكن يطلقني لو قولت ان انا وشيرين السبب في موت الجنين بس اعمل ايه ضميري بيعذبني اوي وتكمل بدموع: انا اسفه اوي ياهاني اتمنى انك تسامحني على اللي انا عملته عارفه ان انا غلطانه والله بس شيرين هي اللي وزتني على كده. 

❈-❈-❈

هاني باستغراب: انتي عايزه توصلي لايه انا مش فاهمك واسامحك على ايه ولا ايه اللي انتي عملتيه وضحي اكتر معلش. 

نور بدموع: انا وشيرين السبب في موت الجنين. 

مهند بصدمه: انتي بتقولي ايه يابت انتي. 

هاني بصوت عالي: انتي بتخرفي. تقولي ايه يانور ازاي انتي السبب في موت ابن مهند؟ 

نور بخوف ودموع: انا بسبب غبائي اتفقنا انا وشيرين ان احنا لازم ننزل جنين اللي في بطن دهب علشان خاطر مهند يكرهها ويطلقها ويطلعها من البيت ودي كانت فكره شيرين وانا بغبائي وبسبب غيرتي من حبكم لدهب وفقت وعملت اللي هي قالت عليه  وحطينا برشام منع الحمل في الاكل بتاع دهب اللي كان مهند واخده لها زيارة. 

مهند اتصدمت ودموعي نزلت من غير ماحس: يعني ايه دهب مش هي السبب في موت ابني. 

نور بدموع: انا اسفه اوي يامهند بس والله كان تصرف غبي مني. 

هاني بغضب يجي ضارب نور بالقلم: انتي اتجننتي ازاي تعملي حاجه زي كدا معقوله قدرتي تقتلي طفل لسه في بطن أمه انا مش هاقدر اسمحك ولا أثق فيكي تاني يانور. 

نور بدموع: لا يا هاني بالله عليك عارفة اني غلطانه بس انا اعترفت وندمانه من قلبي والله وبطلب السماح منكم كلكم. 

سماح بدموع: هي دهب الغلبانه عملت فيكم ايه علشآان تعملوا فيها كدا واحنا كلنا  غلطنا في حقها. 

مهند بدموع: هو ايه اللي انا عملته ده للمره التانية أظلم دهب واجي عليها هي ممكن تسامحني بعد كل اللي انا عملته فيها؟ 

هشام: اهدي يامهند كويس ان الحقيقة ظهرت قبل ماتئذيها اكتر من كده. 

مهند: فين دهب انا لازم اطلب منها السماح على كل حاجه بس ازاي انا مكسوف اوي من نفسي ومن اللي انا عملته فيها. 

ولسه المحقق هايرد بس الكل يسمع صوت صويت جاي من جوه. 

سماح بخوف: خير اللهم ما اجعله خير. 

المحقق ومهند يبصوا على بعض ويجرو يشوفوا في ايه وهاني وراهم ويوصلو للغرفة اللي فيها شيرين يلاقوا هانم عماله تصوت وبصوت عالي: الحقني يااستاذ مهند. 

مهند بخوف: ايه مالك ياهانم ايه اللي حصل. 

هانم بخوف ودموع: بص كده وتشاَور على الحمام. 

المحقق باستغراب: هو في ايه في الحمام. 

ويروح ويفتح الباب الحمام هو ومهند ويصدموا من المنظر اللي يشوفه هما شافوا شيرين مقتوله ومرميه على الارض ودمها في كل مكان. 

مهند بصدمه: شيرين؟ 

هاني باستغراب: هو ايه اللي بيحصل في البيت ده. 

المحقق باستغراب: انا مابقتيش فاهم حاجة بس مين اللي قتل شيرين وقتلها ليه؟ 

مهند بخوف: دهب ويطلع جرى على بره وهاني والمحقق َوراه. 

❈-❈-❈

مهند اول مايوصل يقف مكانه تحت المطر وبصوت عالي: دهب

 ويجري على العربية يلاقي الباب مفتوح ودهب مش موجودة في العربية. 

المحقق باستغراب: هي راحت فين؟ 

هاني: هي دهب فين يامهند؟ 

مهند يجري تحت المطر زي المجنون ويدور على دهب وهاني والمحقق بيدورو معاه مهند بصوت عالي: دهب! 

في مكان تاني

دهب ماشية في الشارع تحت الشتا ودموعها نزله على وشها وبتكلم نفسها: هو انا ليه ديما ماليش بخت ليه كل ماقول اني خلاص هاعيش زي بقيت الناس الاقي نفسي في  مصيبة اكبر من اللي قبلها هو انا مش انسانة ياربي مش من حقي اعيش زي باقي الخلق.

 وتنهار على الارض ومية الشتا نزله عليها وتحط  ايديها على بطنها وبصوت عالي: اه بطني وجعاني جامد قوي يا ربي( وبدموع من كتر الوجع) يارب ابعد عني بقى الوجع ده انا مابقتش قادره استحمل اكثر من كده يارب انا ماليش غيرك انتي يارب.

 ومن كتر الوجع مابقتيش حاسة بأي حاجه وغمضت عيني وروحت في عالم هادي وجميل ومريح قوي مافهوش ولا وجع ولا قهر َولا حرقت دم بس سمعت حد بينادي عليا بس حبيت الهدوء اللي انا فيه ما حبتش اقوم منه. 

مهند بيدور علي دهب وهو بيقول بصوت عالي: دهب انتي فين انا اسف اوي.

 ويشوف حد نايم على الارض مهند بصوت عالي: دهب

 ويجري وبدموع على حالة: دهب حبيبتي انا اسف على كل حاجة والله اسف دهب حبيبتي انتي مش بتردي ليه ردى عليا ليه دهب افتحي عينيك. 

المحقق وهاني يوصل عند مهند ودهب

هاني: دهب هي مالها يامهند؟ 

مهند واخد دهب في حضنه ودموعه نزله: مش عارف هي ليه مش بترد عليا اكيد علشآان زعلانه مني. 

المحقق: ابعد كدا يامهند احنا لازم ناخد المدام على المستشفى بسرعه وانا بلغت أن في جريمه قتل وهما زمانهم جاين

❈-❈-❈

فى البيت

نور بدموع: هو ايه اللي حصل ازاي شيرين اتقتلت ومين اللى قتلها؟ 

سماح: يالههههوي هو ايه اللي بيحصل في بيتي ده ياربي. 

أم سعيد: اكيد عيني وصابت البيت ياست سماح. 

سميرة باستغراب: هي مين اللي قتلها وليه اتقتلت دي؟

 وتبص على مجهول بخوف: معقوله هي اللي قتلتها طيب ليه؟ 

شخص: ايه بتبصي لي كده ليه؟ 

سميرة بصوت واطي: اطلعي عيزاكي فوق  يا سوزان! 

سوزان بنت سميره بنت حقوده زي أمها السن 23 سنه بتحب مهند بجنون من وهما لسه أطفال مستعدة تعمل اي حاجة علشان يكون لها. 

سوزان: عايزه ايه؟ 

سميرة: اطلعي زي مابقولك  ياسوزان احسنلك. 

سوزان تبص على سميرة وتغمض عينيها بغرور وتاخد بعضها وتطلع زي ما أمها بتقول 

❈-❈-❈

فوق  في غرفه سميره

سميره بغضب: انتي لكي يد في اللي حصل دلوقت . 

سوزان متوتر  و بتفرك في ايديها: وانا هاقتلها ليه يعني.

 و تبص يمين وشمال. سميره: توترك ده يا سوزان بيقول ان انا شكي صح بس انا هاعمل نفسي هبله و هاصدق ان انتي مالكيش علاقه في اللي حصل. بس احب اعرفك لو انتي اللي قتلتي البنت اللي اسمها شيرين فانتي اللي هتتحملي العواقب كلها لوحدك انتي فاهمه؟ 

سوزان: يوووه بقاا ياماما وانا هاقتلها ليه يعنى ولا هي عملت ليا ايه علشان اقتلها؟ 

سميرة بشك: مش عارفه بس حاسه ان انتي لكي علاقه في موت البنت دي ليه مش عارفه ويارب شكى يطلع غلط يابنت بطني لأن لو طلع صح هانروح في داهيه احنا الاتنين. 

سوزان: يووووه بقاا ياماما مابقولك ماليش علاقه في اللي حصل بس قوليلي هتعملي ايه مهند عرف الحقيقة وان دهب مالهاش ذنب في حاجه ومش هي اللي نزلت الجنين. 

❈-❈-❈

سميرة بغضب: كله بسبب الغبيه اللي اسمها نور بوظط كل حاجه كون بنخطط لها. 

سوزان: احنا على كدا لازم نعمل خطه جديده. 

سميرة: لا اصبري على ما الامور تهدي شوية في البيت علشان مافيش حد يشك في حاجه. 

سوزان بحقد: اي رايك نقتل دهب ونخلص منه على لآخر َ؟؟

يتبع

السلام عليكم ورحمة الله وبركاته الفصل 29 من حكاية بنت الريف. بقلم صباح عبدالله فتحي.

 بسم الله الرحمن الرحيم

سميرة بصوت عالي: انتي بتخرفي تقولي ايه يابت انتي هتقتلي دهب انتي عندك القتل ده بالساهل كده والله مصيرك مودينا في مصيبه بسبب الجنان اللي عندك ده. 

سوزان: طيب اعمل ايه انا بحب مهند بجنون ومش قادرة أقرب منه انا عاوزه افهَمي بقاا ومستعدة اقتل اي حد يقرب منه غيري واي.واحدة تحط عينيها عليه انا هقتلها. 

وتفتكر حاجه. 

مهند في الغرفه بيغيبر هدومه. شيرين واقفه على الباب وبتبص على مهند بجراءة وبتكلم نفسها: يالههههوي عليك قمر انا مستحيل اسيبك يامهند انت ليا انا نفسي اخدك في حضني لو مره واحده انا بعمل كل حاجه علشان خاطر اخدك في حضني انا بعشقك وبموت فيك من اول مره شوفتك وانا مش قادره  انساك انا قتلت جوزي علشان خاطر أفضل ليك لوحدك بس انت مش شايف حد غير الست دهب بس معلش هي هاتتسجن وهتبعد عنك وهانفضل انا وانت بس ووعد من شيرين اني هوقعك يوم وهاخدك في حضني لحد ماشبع منك. 

سوزان واقفه خلف شيرين وعيونها بقت احمر من الدم وبصوت الافعي: بقا كدا عاوزة تخدي حبيبي في حضنك ده انا هقتلك وقلعلك عينكي اللي بتبصي بيهم على حبيبي مهند ليا انا وبس ومستحيل يكون لغيري وانا هقتل اي واحدة تحط عينيها عليه. 

وتدخل المطبخ وتلبس جوندي وتاخد سكينه وتبص على السكينه بغضب: بقاا انتي ياحلوه نفسك تخدي مهند في حضنك وكمان بتقولي بعشقك ده انا هاريحك من العشق وعذابه. 

شيرين ماشيه رايحه الغرفة بتاعها وسوزان ماشيه وراها شيرين تدخل الغرفه ولسه هاتقفل الباب.           الباب يخبط شيرين باستغراب: مين وتفتح الباب انتي. 

سوزان بمكر: ممكن استعمل الحمام بتاعك اصل بتاعي مش عارفة في ايه الميه مش شغاله فيه. 

شيرين: طبعا ياحبيبتي اتفضلي البيت بيتك.

 

سوزان بحقد: اومال بيت ابوكي. 

وببتسامه خبيثة: شكراً ياحبيبتي ممكن توريني فين الحمام؟ 

شيرين: طبعا تعالى ادخلي. 

وتدخل هي وسوزان الحمام.

 شيرين: اهو ياحبيبتي هو ده الحمام بس معلش هطلع هدومي منه وتدخل ولسه هاتوطي علشان تاخد الهدوم ماتحسش غير وسوزان حطه ايديها على بوقها والسكينة في بطنها. 

سوزان بحقد: بقاا انتي يامعفنه عاوزة تاخدي مهند مني مهند ليا انا وبس انتي فاهمه وانا بقتل اي واحدة بتحط عينيها عليه انتي فاهمه.

 وتفضل تطلع السكينه وتدخلها تاني بكل حقد وغل ومن غير رحمه أو خوف قتلت شيرين وشغلت اغنية وغسلت السكينه وحتيطها مكانها ولا كأنها عملت حاجة. 

سميرة بصوت عالي: بت يا سوزان انتي روحتي فين؟

 وتضربها على كتفها. سوزان بوجع تحط ايديها مكان الخبطه: اه ايه. 

سميرة: ايه يابت بقاا ليا ساعه بكلم فيكي ولا انتي هنا

❈-❈-❈

عند مهند ودهب

مهند بصوت عالي: طيب حد يجيب العربية بسرعه. 

هاني: حاضر يا مهند العربيه في الكراش انا  هاروح اجيبها واجي. 

وبعد وقت كان هاني جاب العربيه ومهند شال دهب من على الارض وركبوا العربيه مهند قاعد في الكرسي اللي وراء وواخد دهب في حضنه وهاني قاعد في الكرسي اللي قدام. 

المحقق: استاذ مهند انا هفضل هنا علشان الجريمه اللي حصلت والتحقيقات و كده وانت خد المدام على المستشفى  وياريت تطمني على اللي هيحصل. 

مهند بتوتر: طيب ماشي وانت كمان خذ بالك من العيله على ما اجي بالله عليك يا هشام وابقى عرفني  هيحصل اي

المحقق: ما تخافش يا مهند دول اهلي وانا  هحطهم في عيني. 

مهند: يسلموا يا هشام

 وبصوت ضعيف وعينيه على دهب: يلا يا هاني خدنا بسرعة على المستشفى. 

هاني بيسوق العربيه ويطلع على المستشفى وبعد وقت كان مهند وهاني ودهب وصلوا المستشفى. مهند يدخل شايل دهب وهو بيقول بصوت عالي: انا عايز دكتوره فوراً. 

يجي دكتور علي صوت مهند العالي: خير يا فندم اقدر أساعد حضرتك في حاجه. 

مهند: مراتي تعبانه وكان حصل لها اجهاض  وكانت كويسه بس تعبت فجاه وزي ما انت شايف. 

الدكتور: طيب بعد اذنك يا فندم ممكن اشوف المدام. 

مهند بغيره من الدكتور: لا طبعا انا بقول دكتوره مش دكتور. 

الدكتور: طيب زي ما تحب يا فندم دخل المدام  غرفه اللي على اليمين وانا هابعت لك دكتوره كويسه تكشف عليها. 

مهند يشاور على الغرفه: هي دي يا دكتور. 

الدكتور: ايوه يا فندم هي دي تقدر تدخل تحط المدام على السرير علي ما الدكتوره تجي لحضرتك. 

هاني: طيب يا مهند دخل دهب زي ما الدكتور بيقول لك وانا هاروح ادفع مصاريف المستشفى وهاجي. 

مهند هو شايل دهب: طيب يا هاني ما تتاخرش وانت راجع هات معاك اكل علشان دهب ماكلتش حاجه من امبارح. 

هاني: حاضر يا مهند هاجيب اللي انت عاوزه. 

❈-❈-❈

مهند يدخل دهب في الغرفه اللي الدكتور قال له عليها وبعد وقت تدخل دكتوره. 

الدكتوره: السلام عليكم اقدر اساعد حضرتك في ايه يافندم. 

مهند: المدام بتاعتي كان حصل لها اجهاض امبارح. 

الدكتوره وهي بتكشف على دهب: طيب ممكن اعرف ايه هو سبب الاجهاض. 

مهند بحزن: في حد حط لها برشام منع الحمل في الاكل٠

الدكتوره: تمام يا فندم انا هاعمل لها تحاليل واشاعات بس هي محتاجه يتعمل لها غسيل رحم فوراً. 

مهند بخوف وتوتر: طيب اعملي اللي انت شايفاه مناسب لها بس ليه هاتعملي تحاليل  واشاعات هي في حاجه خطره يعني. 

الدكتوره: لا ما تخافش يا فندم المدام كويسه بس نعمل تحاليل واشاعات علشان نطمئن اكثر لان ممكن يكون في تاثير قوي على الرحم بسبب برشام منع الحمل وفي حاله الحمل ده خطر  ما اكذبش عليك وكمان باين على المدام انه اتعذبت كتير بسبب الالم اللي هي كانت حاسة بيه واتمني ما نكنش متأخرين في العلاج. 

مهند بحزن: طيب اعملي اللي انتي شايفها صح اهم حاجة تقوم بالسلامة. 

الدكتوره: تمام انا هاطلب من الممرضه تجهز ليا غرفة العمليات على ماحضرتك تخلص اجراءات العمليه. 

مهند بتوتر: عمليه ايه اللي انت هتعمليها معلش مش فاهم. 

الدكتوره: ما انا قولت لحضرتك ان المدام محتاجه يتعمل لها غسيل رحم ودي تعتبر عمليه. 

مهند يخاف على دهب: طيب ودي فيها خطر ولا حاجه علي دهب. 

الدكتوره: ما تخافش يا فندم مش هكذب عليك هي العمليه مش ساهله  بس مش خطيره برضو. 

مهند بحزن: طيب انتي جهزي غرفه العمليات في اسرع وقت وانا هادفع تكاليف العمليه واخلص الاجراءات بتاعتها. 

الدكتوره: طيب تمام يا فندم بعد اذن حضرتك. 

مهند وعينيه على دهب: اتفضلي

❈-❈-❈

الدكتوره طلعها وهاني داخل. 

هاني: خير يا مهند طمني الدكتوره قالت ايه. 

مهند يقعد على الكرسي اللي جنب السرير وماسك ايد دهب: الدكتوره قالت انها لازم يتعمل لها عمليه فورا. 

هاني بخوف: عمليه ليه؟ 

مهند: عمليه غسيل رحم. 

هاني: طيب والعمليه دي خطيره وفي خطر على حياه دهب. 

مهند: الدكتوره قالت هي العمليه مش سهله بس برضو مش خطيره. 

هاني بحزن على حاله اخوه الوحيد: طيب ما تخافش يا مهند ان شاء الله هتقوم بالسلامه وتكون كويسه (وبغضب ويكور ايده) انا مستحيل اسامحك يا نور على اللي انتي عملتيه ده. 

مهند: معلش يا هاني روح اعمل اجراءات العمليه و ادفع المصاريف بتاعتها وانا هافضل هنا جنب دهب علشان ما ينفعش اسيبها لوحدها. 

هاني: حاضر يا مهند بس خد كلي اي حاجه علشان خاطر تقدر تقف على رجلك انت من امبارح ماكلتش انت كمان. 

مهند بحزن: انا ماليش نفس يا هاني لحاجه دلوقتي

هاني: معلش يا مهند كل اي حاجه معلش علشان خاطري (ويفتح الساندوتشات ويحطها على بوق مهند) معلش يا مهند علشان خاطري خد من ايدي ماتكسفنيش. 

مهند علشان مايكسفش هاني ويزعله ياخد لقمه صغيره من السندويتش اللي هاني ماسكه وياكلها

هاني بدموع: انا اسف قوي يا مهند كل اللي بيحصلك انت و دهب بسبب الغبيه مراتي انا قررت اسيب نور. 

مهند يحط ايده على وش هاني: انت ما غلطتش في حاجه يا حبيب قلب اخوك علشان تعتذر وبعدين هتسيبها ليه انا عارف ان هي غلطت كتير قوي باللي هي عملته بس ايه ما تغلطش نفس غلطي يا هاني هي بتحبك وانت بتحبها ماتسبهاش عقبها بس من غير ما تسيبها علشان انت كمان بتحبها وهاتتعذب على فارقها صح. 

هاني بحزن: انا فعلا بحبها قوي يا مهند بس بعد اللي عملته ده هي كسرت الثقه والحب اللي كان بيني وبينها انا ما كنتش اتخيل ان هي ممكن يكون قلبها اسود للدرجه دي انها تؤذي طفل لسه ما جاش على الدنيا انا مستحيل اسامحها على اللي هي عملته ده. 

❈-❈-❈

مهند: معلش يا هاني احنا في النهايه بشر وكلنا اخطاء هي غلطت واعترفت  بغلطها  ولولا هي بصراحه  ما كانتش اعترفت بغلطها انا كنت هفضل مفكر ان دهب هي اللي قتلت ابني وكنت هفضل اعذب فيها (وبدموع) انا اذيت دهب قوي يعني في الفتره الاخيره دي انا اذيت دهب اوي انا زعلان من نفسي وخجلان اني طلب منها السماح انا عارف لو طلبت السماح من دهب هي هتسامحني بس انا مستحيل اقدر اسامح نفسي على اللي انا عملته فيها. 

الدكتوره تدخل: بعد اذنك يا فندم احنا لازم نأخد المدام علشان العمليه وياريت حضرتك تدفع مصاريف العمليه باسرع وقت. 

هاني يمسح دموعه ويقوم من على الارض: طيب انا هاروح ادفع مصاريف العمليه واجي. 

الدكتوره: طيب تمام يا افندم ممكن اخدها. 

مهند يوطي ويبوس دهب من راسها: انا اسف اوي  يا حبيبت قلبي على كل حاجه انا عملتها انا عارف اني اذيتك قوي وجرحتك وزعلتك وعارف اني كنت انسان حقير معاكي في الفتره الاخيره دي حتى انا مكسوف من نفسي اني اطلب منك السماح يادهب بوعدك يادهب اني مش هطلب منك السماح غير لما اقدر اسامح نفسي لاول. 

الدكتورة: بعد اذنك يافندام لازم  ناخد المدام لان التاخير مش  كويس لها. 

مهند بحزن: اتفضلي شوفي شغلك انا اسف.. 

الدكتورة: عادي يافندم ولا يهمك. 

سماح تدخل هي ونور وام سعيد سماح بدموع: دهب حبيبتي ايه اللي حصلك ياقلبي (وبدموع) انا اسفه يادهب سامحيني يابنتي لو كنت قولتلك كلمه زعلتك مني. 

مهند باستغراب: انتم بتعملوا ايه هنا؟ 

نور: حضرت الظابط قال ان دهب تعبت وانك جبتها على المستشفى وماما سماح اصرت انها تجي علشان كدا انا جبتها. 

سماح بدموع: هي مالها يامهند بنتي مالها ليه مش بترد عليا؟ 

الدكتورة: ياجماعه التاخير غلط عليها. 

مهند يمسك امه ويبعدها عن دهب: معلش يا أمي خليهم يشوفوا شغلهم وانا هافهمك  كل حاجه. 

الدكتوره: خدوها على غرفة العمليات بسرعه. 

سماح وام سعيد في صوت واحد: غرفة العمليات ليه يابنتي هي دهب مالها. 

مهند: روحي انتي يادكتورة شوفي شغلك وانا هافهمهم. 

الدكتورة: طيب تمام بعد اذنكم. 

سماح: في ايه يابني طمني دهب مالها وعمليه ايه اللي هتعملها. 

❈-❈-❈

مهند: اهدى يا أمي وانا هافهمك على كل حاجه دهب تعبت شويه مكان الاجهاض والعمليه اللي هتعملها عمليه غسيل رحم علشان الرحم ميتاثرش بسبب الاجهاض وبرشام منع الحمل اللي هي اخدته وهي حامل يعني  تنظيف الرحم مش أكتر. 

أم سعيد: معلش يابني والله الله يكون في عونك مش عارفه والله هتلاحق منين ولا منين ما تخافش وان شاء الله دهب هتقوم بالسلامه و ان شاء الله كل حاجه هتكون كويسه و منهم لله اللي كانوا السبب. 

الكل يبص على نور. نور بدموع: انا عارفه والله يا جماعه اني غلطت بس انا اعترفت بغلطي واعتذرت والله  انضحك عليا بسبب كلام شيرين علي دهب وكرهتني فيها وفكرتها وحشه بجد. 

مهند: طيب اهدي و مش لوحدك اللي غلطتي كلنا غلطنا في حق دهب واهم حاجه انك  عرفتي غلطك اعترفتي بي. 

نور بدموع اكتر: انا والله ندمانه قوي يا مهند على اللي انا عملته و كنت غبيه جدا لما سمعت كلام شيرين ومشيت وراها وبسبب غبائي انت و دهب خسرتم ابنكم اللي كنتم بتحلموا بيه. 

مهند بحزن: اهم حاجه دلوقت ان دهب تقوم بالسلامه وان شاء الله ربنا هايعوضنا باللي احسن منه واللي راح احنا ملناش نصيب فيه. 

سماح و ام سعيد في صوت واحد: ربنا يعوضك باللي احسن منه ان شاء الله يابني. 

سماح: ما تخافش يا ضنايا ان شاء الله دهب  هتقوم لك بالسلامه. 

مهند: يا رب يا أمي ربنا يسمع منك. 

سماح: ان شاء الله ياضنايا. 

وبعد وقت الكل من مهند وسماح وام سعيد ونور وهاني واقفين قدام غرفه العمليات منتظرين دهب تخرج منها

مهند بخوف بقلق: هما مالهم اتاخروا جوه كده ليه؟ 

سماح: ربنا يجيب العواقب سليمه يا ابني الغايب حجته معاه. 

واخيراً باب غرفه العمليات اتفتح و تطلع منه الدكتوره والممرضه. مهند والكل يجري على الدكتوره مهند بخوف: دهب عامله ايه يا دكتوره طمنيني عليها. 

سماح بتوتر: طمنيني يا بنتي الهي ربنا يطمن قلبك. 

الدكتوره: اهدوا يا جماعه  الحكايه مش مستاهله الخوف والتوتر ده كله المدام دهب الحمد لله هي بخير وانا نقلتها الغرفه اللي جنبكم دي تقدروا تدخلوا تشوفه لو حبين بس هي لسه تحت تاثير البنج. 

سماح: الحمد لله يارب على كل حال طيب انا هاروح اشوفها علشان قلبي يطمئن اكثر. 

مهند بتوتر: طمنيني يا دكتوره دهب عامله ايه والعمليه اخبارها ايه مافيش اي تاثير على الرحم بسبب اللي حصل ده. 

الدكتوره باسف: ما كذبش عليك يا استاذ  مهند الرحم بتاع المدام اتاثر كتير باللي حصل واللي اذاها اكثر تاخرها في العلاج كان من المفروض يتعمل لها غسيل رحم من بدري شويه من بعد الاجهاض يعني بيكون في دم فاسد وده اثر على الرحم بشكل كامل وبالاخص ان المدام كانت حامل ووصل للرحم  منع الحمل وده اثر  على الرحم بس ان شاء الله مع العلاج هتكون تمام بس اهم حاجه تتعالج بشكل صحيح. 

مهند بحزن: يعني ايه دهب ممكن ما تحملش تاني او تخلف. 

الدكتوره: للاسف في احتمال كبير ان ده هيحصل بجد بس قول يارب وان شاء الله هتتعالج  كل حاجه بأذن الله هتكون كويسه؟؟