في غرفه سوزان. 

سوزان بصدمة انتي لسه عايشه ازاي؟ 

سميرة بخوف: يالطيف يالطيف ده عفريت. 

شيرين بزهق: لا ياختي مش عفريت. 

سوزان: انتي ازاي لسه عايشه انا.. 

وتبص على أمها وتسكت.. شيرين بغيظ: ايوه انا لسه عايشه بعد مانتي قتلتيني صح؟ 

سوزان بخوف: ايوه ازاي لسه عايشه بقاا؟ 

شيرين: هاحكي لك بس عايزكي تساعديني الاول. 

سوزان: اساعدك في ايه انا مش بساعد حد. 

شيرين بستفزاز: يبقا انا هروح عند مهند وهقول له على كل حاجه انتي كنتي بتعمليها انتي وأمك. وحتى هقول أن انتي اللي قتلتني وكمان حبستي خالتي أم سعيد في الدولاب وماتنسيش موت أبن دهب. 

سميره بخوف: اهدى بس يا بنتي بس وقولي عايزنا نساعدك في ايه واحنا هنساعدك بس ما تقوليش حاجه لحد بس انتي ازاي لسه عايشة مش كنتي موتى. 

شيرين بحقد: ما هو انا كنت موت فعلا بعد ما المجنونة بنتك ضربتني بسكينه بس ربنا ماردش اني اموت واهو الحمدالله لسه عايشه بس كنت في غيبوبة ولما صحيت منها اتفقت مع الدكتور انه يقول للكل أني موت علشآان القضية تتقفل واهو الحمدالله القضية اتقفلت وانا لسه عايشه بس مش بخلي حد يشوفني ولسه لحد دلوقتي مافيش حد يعرف ان انا لسه عايشه غيرك انتي وبنتك وعايزكم تساعدوني اني اعيش في البيت بس من غير ماحد يعرف انا مين. 

❈-❈-❈

سوزان  بغيظ: وده ازاي بقاا ان شاء الله اكيد الكل هايعرفك ولا انتي عايزنا نركبلك وشي تاني مثلا ولا نعملك اي علشان مافيش حد يعرفك. 

شيرين بتفكير: طيب والله فكرة انا كنت بسمع علي عمليات بتغير شكل الوحدة كانت اسمها ايه مش فكرة. 

سميرة: قصدك عملية تجميل.

شيرين: ايوه هي دي انا عايزه اعمل العمليه دي واغير وشي كله. 

سوزان بغضب: انتي اكيد اتهبلتي او حصل لعقلك حاجه عمليه تجميل ايه اللي انتي عايزه تعمليها انتي عارفه العمليه دي بتاخد فلوس قد ايه؟ 

شيرين: وانا ماليش فيه انا قولت اللي عندي ولا عايزاني اعيش في الشارع ولا اسبهم يمسكوني وادخل السجن

سميره: اهدو يا بنات هنروح كلنا في مصيبه لو حد سمع حاجه. 

شيرين بغيظ: متخافيش الوليه القرشانه صاحية وسامعه كل حاجه. 

سوزان وسميرة يبصوا على أم سعيد يلاقوها قاعده والخوف باين علي وشها

ام سعيد بخوف: سبوني في حالي وانا والله مش هقول حاجه لحد خالص بس سبوني في حالي الله يرضي عليكم. 

سوزان بخبث: اهدي ياحبيبتي مافيش حد هايعملك حاجه طول مانتي ماسكه لسانك الجميل ده. 

شيرين بغل: انا في راي نقطع له لسانها مانا عارفة مش هاتسكت وهتقول كل حاجه. 

سميرة بشر وغيظ: بس اسكتي يابت ياشيرين أم سعيد شاطره ومش هتقول حاجه علشان هي بتحب ابنها سعيد وهاتخاف لعربيه تخبطه ولا حاجه لا سمح الله

أم سعيد بصدمه ودموع: سعيد إبني لا.

 وتقوم وتركع تحت رجل سميره: كله اللي سعيد ابني الله يخليكي ده هو اللي طلعت بيه من الدنيا إنا ماليش غيره

سوزان تمسك أم سعيد من شعرها من غير اي رحمه ولا احترام لفرق السن اللي بينهم: طيب ياحلوه اللي انتي كنتي عايزه تقوليه لمهند تنسيه واللي انتي سمعتيه دلوقتى ده تعملي نفسك طرشه انتي فاهمه؟ 

❈-❈-❈

شيرين: وياريت كمان تنسي اللي انتي شوفتني. 

أم سعيد بوجع وخوف على حياة أبنها الوحيد: حاضر والله ما هقول حاجه ولا هعرف حد أن شيرين عايشه بس ماتعملوش حاجه في سعيد ابني الله يخليكم ده غلبان ومكسور الجناح والله. 

سميرة: انتي هاتشحتي قومي اطلعي بره ورني الجرس وادخلي ولو حد سالك كنتي فين تقولي ان سعيد ابنك كان تعبان شوية وروحتي علشان تشوفيه ونسيتي تعرفي حد أنك رايحه له

أم سعيد بدموع: حاضر. 

وتقوم من علي الارض بتعب ولسه هاتطلع. سوزان بقرف: استنى انتي رايحه فين؟ 

ام سعيد بطيبه ودموع: هطلع زي ماسميرة هانم قالت ليا. 

سوزان: اصبري ام اشوف في حد بره الاول ولا ايه. 

ام سعيد واقفه ومش قادرة: حاضر يابنتي. 

سوزان تفتح باب الغرفة وتبص يمين وشمال وتشاور لام سعيد علشآان تطلع لما تلاقي ان مافيش حد. ام سعيد تطلع على بره جري. دهب نزله من علي السلم وتسمع ان الجرس بيرن. هانم تطلع من المطبخ: حاضر جايه اهو ياللي على الباب. 

دهب بستغراب: غريبه مين هيجي دلوقتي؟ 

هانم بصوت عالي: خالتي ام سعيد. 

دهب وهي نزله: من علي الباب ياهانم. 

هانم بفرحه: دي خالتي ام سعيد يادهب. 

دهب بستغراب: خالتي ام سعيد 

وتجري على الباب علشآان تتأكد بنفسها ان ام سعيد فعلا علي الباب دهب بفرحه: خالتي ام سعيد تعالي ادخلي كنتي فين بقالك يومين مختفيه خوفتيني عليكي والله. 

مهند نزل: ايه يادهب بتعملي ايه عندك؟ 

دهب بفرحه: دي خالتك ام سعيد رجعت البيت يامهند 

وتدخل وهي سنده ام سعيد علي ايديها. 

مهند: حمد الله علي سلامتك ياخالتي ام سعيد بس كنتي فين خوفتينا كلنا عليكي وبالاخص امي دي كانت قلقانه اوي عليكي. 

❈-❈-❈

ام سعيد بتعب: معلش يابني كان من غصب عني بس  سعيد ابني اتصل عليا وقال ليا انه تعبان شوية وروحت علشان اشوفه. 

مهند بستغراب: سعيد تعبان طيب وهو عامل ايه دلوقتي وازاي ماتعرفيش حد انك رايحه تشوفي سعيد

دهب: مهند اهدي. 

ام سعيد بدموع: معلش يابني بس لما عرفت ان سعيد تعبان مافكرتش في حاجه غير أني اروح واشوفه. 

مهند يركع علي رجله جنب ام سعيد ويمسك ايديها: طيب اهدي انا مش قصدي ازعلك بس انتي ماتعرفيش لما انتي غبتي عن البيت وانتي اول مره تعمليها وتروحي عند سعيد من غير ماتقولي لحد خوفنا لايكون حصلك حاجه لاقدر الله. 

سوزان تنزل من على السلم وتقرب من مهند وهي بتقول بدلع: صباح الخير يا حبيبي. 

وتوطي وتبوس مهند من خده قدام دهب

دهب بغيره: أصتبحنا واصتبح الملك لله علي الصبح. 

سوزان بنفس الدلع: اي يا بيبي مش هترد عليا الصباح 

مهند من غير ماينظر لها صباح الخير ويكلم دهب اعملي الفطار يلا ياحبيبتي علشان هتأخر علي الشغل. 

دهب تبص على سوزان وبابتسامه استفزاز: حاضر ياقلبي من جوه خمس دقايق والاكل هايكون عندك يلا تعالي ياهانم علشآان نجهز الفطار. 

هانم بستغراب علي كلام وحركات دهب: حاضر يلا

مهند واقف ونفسه يضحك بس محروج يضحك يحط ايده على بوقها: بعد اذنكم. 

سوزان بحقد: ماشي يادهب لو ما قلبت حياتك جحيم مابقاش انا سوزان بس اصبري وبوعدك مهند هايقول كلمه حبيبتي دي ليا انا وبس. 

شيرين فتحه باب غرفة سوزان وواقفه وراه: باين كدا هنتسله يلا خليهم يقتلوا بعض هم الاتنين واخد انا مهند واعيش في القصر ده كله لوحدي بس لازم اعمل العمليه دي الاول واركب وش تاني غير الوش ده وهغير اسمي وهابتدي انفذ الخطه الجديده اللي انا بخطط لها من يوم ما صحيت بس اهم حاجه اخلص من ام الوش ده واركب الوش الجديد واخلص من القضيه وكل المشاكل دي بقا. 

❈-❈-❈

دهب في المطبخ 

بتكلم هانم وهي هتموت من الغيظ: شوفتي ياهانم مكسوفت الرقبه بتبوس مهند قدام مني وكمان بتدلع عليه وبتقول صباح الخير يا حبيبي ده انا بتكسف اقوله لم نكون لوحدنا. 

هانم بضحكه: مانتي رديتي الطاق طاقين يادهب عايزه اي تاني وبضحكه اكتر ولا لما قولتي تعالي ياهانم علشآان نعمل الفطار انا حسيت ان سوزان كانت بتغلي من جوه. 

دهب بغيظ اكتر: ايوه اضحكي ماهو اللي ايده في الميه مش زي اللي ايده في النار ده انا اللي بغلي من جوه كل مافتكر ان مهند اتجوز مكسوفت الرقبه دي عليا. 

هانم: وانتي يعني شايفاه مديها وش ولا ماشوفتيش رد ازاي عليها من غير مايعبرها ويبص لها حتي ماتخفيش جوزك مش بيحب غيرك يادهب وماتفضليش خايفه كده علشان مهند مايفكرش انك مش بتثقي فيه ويزعل منك وساعتها انتي اللي هتزعلي

دهب: اعمل ايه بس انتي مش شايفه البت حلوه ازاي وكمان متعلمه مش زي مش بعرف اكتب اسمي حتي وانا خايفه لا مهند يبص لها وينساني مانا في النهاية مكسورة الجناح وماليش حد غير ربنا ماتعرفيش قد ايه انا خايفة. 

هانم بحزن على حالت هذه المسكينه: ماتخفيش ياحبيبتي احنا كلنا عارفين ان الاستاذ مهند بيحبك انتي ومش هايحب غيرك. 

دهب تمسح دموعها: ربنا يسمع منك ياهانم يارب يلا انا هاخد الفطار علشان مهند ماينزلش من غير مايفطر 

وبالفعل دهب تاخد الاكل  ولسه هطلع من المطبخ تتصدم من اللي هي تشوفه ومن الصدمه توقع الاكل كله علي الارض وبدموع وبصوت عالي: مهند انت بتعمل ايه ؟

❈-❈-❈

 

مهند يفوق علي صوت دهب ويتصدم هو الاخر لم ياخد باله هو بيعمل ايه هو واخد سوزان في حضنه وباين انه كان بيحصل حاجه بينهم مهند يبعد عن سوزان وهو مش فاهم حاجة وبستغراب: دهب والله انا مش عارف ايه اللي حصل متزعليش. 

سوزان بغل: وهو ايه اللي حصل مانا مراتك برضو زي ماهي مراتك يامهند ولا نسيت

دهب بغضب ودموع: بس اسكتي ياخطافت الرجاله مهند جوزي انا وبس مهند بيحبني انا ومش هايحبك مهما تعملي انتي فاهمه مهند ليا انا وبس. 

مهند دهب: اهدي ماحصلش حاجه؟

 ويبص على سوزان نظرات مش مفهومة والتعب باين عليه: تعالي معايا يادهب عايزك. 

سوزان تبص على مهند بغيره باين كدا مفعول البرشام اشتغل بس لازم انا االلي اكون مع مهند مش الغبيه دهب. 

دهب بدموع: عايز ايه يامهند هو ده حبك ووعدك ليا انت وعدني انك مش هتقرب منها هو ده وعدك ليا. 

سوزان بغضب: ايه البرود اللي عندك ده هو يعنى عيل صغير مش عارف هو بيعمل ايه وبعدين انا مراته زي زايك بالظبط ومن حقي اني اقرب من جوزي زي مانا عايزه وهو مش صغير علشان مايقدرش يفرق بين الصح والغلط. 

دهب بغضب: والله صح يعنى انتي تسرقي جوزي مني وتقولي جوزك ومن حقك تقربي منه زي مانتي عايزه

سوزان ببرود: ايوه صح. 

دهب بغضب: صح طيب انا هاوريكي ازاي تحطي عينك على راجل متجوز ياخطافت الرجاله.

 وتجي مسكه سوزان وجيبها من شعرها وتفضل تضرب فيها بكل غضب وغيره. سوزان تمثل الضعف والعياط قدام مهند وبصوت عالي: اعع ابعدي عني يامفتريه انتي الحقوني الحقني يامهند. 

مهند بصوت عالي: بس بقا انتم الاتنين.

 ويبعد دهب عن سوزان: بس بقا. 

دهب بصوت عالي: ايه خايف علي عروستك الجديدة وبسخريه يابيبي ومش عارفة ابصر ايه تاني عاجبك قوي ياخويا مش صابر لما تخدها وتتنيل تطلع الشقه فوق علي الاقل مافيش حد يزعجكم. 

مهند بارهاق: دهب ذوديها وكلمه تاني  ما تلوميش غير نفسك. 

دهب والغضب سيطر عليها: هتعمل ايه يعنى اكتر من اللي انت عملته يعني مفكرني غبيه مش فاهمه حاجة ولا عايز تاكل بعقلي حلاوه وتفضل تضحك عليا بكلمتين ومن ورايا تعمل اللي انت عايزه مع ست الحسن والجمال. 

مهند يغضب جامد بس يمسك نفسه علشان مايجراحش دهب وهو عارف ان هي مش عارفه بتقول: ايه قصدك اي يادهب ان انا بضحك عليكي بكلمتين ومن وراكي بعمل اللي انا عايزه. 

❈-❈-❈

دهب: قصدي اللي انت فهمته يابن الحاج محمد 

مهند بغضب وصوت عالي: بقاا كده يادهب يعني انا بكذب عليكي وبخدعك بالكلام الحلو ومن وراكي بخونك. 

دهب بغباء: ايوه هو ده اللي بيحصل وتعمل نفسك انك مش طيقها قدامي ومن ورايه تحب فيها وتدلعها انا مش غبية يامهند ولا انا عيله قدامك. 

مهند بغضب: انتي شايفه ان انا كدا طيب يادهب انتي اللي عايزة كدا اما انا بقا خاين وواحد بتاع كلام معسول وبضحك عليكي بالكلام الحلو استحملي بقاا اللي هايحصل.

 ويمسك سوزان من ايديها تعالي عايزك. دهب و عينيها علي ايد مهند: انت مسكها ورايح علي فين؟ 

مهند بصوت عالي: وده يهمك في ايه ماهي مراتي برضو ومن حقي أقرب منها وادلعها هي كمان مش ده كلامك برضو بس انا اهو وخدها قدامك مش من وراكي علشان بس ماتفكريش اني بكذب عليكي او بخدعك بحاجة. 

دهب تجري علي مهند وبدموع: مهند بالله عليك كله اللي كده انت بتحبني انا مش هي؟ 

مهند: واي الفرق اذا كنتي انتي او هي مانا واحد خاين وبتاع كلام في نظرك اتوقعي مني اي حاجه بقا مابقاش يهمني وبعدين انا مش هاعمل حاجه غلط ماهي مراتي ومن حقي اربعه ولا ايه؟ 

دهب بدموع: مهند لو ده حصل كل حاجه بنها هتنتهي انا ماقدرش اشوفك في حضن واحده تانية غيري انا عارفة ان هي احسن مني في حاجات كتيره بس انت بتحبني انا مش بتحبها هي. 

سوزان بغرور وغيظ في دهب: طيب كويسة انك انتي عارفة ان انا احسن منك في حاجات كتير ياريت بقا تفهمي ان مهند عايزني انا مش انتي. 

دهب بدموع: لا مستحيل مهند يعوزك انتي هو بيحبني انا.

 وتحط ايديها علي صدر مهند: مش كده يامهند. 

مهند خلاص جاب اخره من غباء دهب: ليه مانا طلعت في نظرك مش راجل ومش بعمل بكلامي معاكي وكمان بخونك وبكذب عليكي يهمك في ايه بقاا لو كنت معاكي او مع غيرك. 

دهب تمسح دموعها: مهند انت بتقول ايه؟ 

مهند بزعيق: بقول كلامك ياست هانم مش ده كلامك برضو؟ 

❈-❈-❈

دهب تحط ايديها علي وشها وتغمض عينها خوف من غضب مهند وحتي سوزان كمان خافت من غضبه وصوته الرجولي

 

سماح تطلع من الغرفة بتاعتها على زعيق مهند وصوته العالي: خير في اي يامهند. 

وتبص على دهب: وانتي بتعيطي ليه يادهب يابنتي علي الصبح. 

مهند وعنيه كلها غضب يبص علي دهب وهي واقفه: مفيش يا أمي ويسيب ايد سوزان انا طالع اغير

علشان انزل الشغل. 

وبصوت عالي: هانم! 

هانم بخوف: نعم ياستاذ مهند؟ 

مهند: اطلعي استعجلي هاني قوليله مهند بيقولك يلا علشآان أتأخرنا. 

هانم: حاضر 

وتطلع تجري من قدام مهند. مهند يبص على دهب بغضب ويسبها ويطلع. 

سوزان بشماته: ايوه كدا واخيرا حبيب قلبي مهند هايكون ليا انا وبس لازم اروح اجهز نفسي علشان اكيد مفعول البرشام اشتغل وحبيبي هايكون عايزني في الوقت ده. 

سماح: ايه مافيش حد هيقول ايه اللي حصل. 

سوزان: بعد اذنكم عندي شغل مهم

 وتبص على دهب بغيظ. دهب بتبص على سوزان بغضب وندم علي اللي  عملته: انا كده بغبائي بقدم لها جوزي علي طبق من دهب. 

سماح هو في ايه كل ما اكلم واحد يسبني ويمشي.