رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل السادس

تم النشر الخميس

12/9/2024

وعد كانت قاعدة ف اوضتها 

فلقت رسالة جاتلها ع الماسنجر 

ولما فتحتها لقتها من الشاب وليد زميلها مكتوب فيها 

عاملة ايه يا وعد 

لكن وعلشان كلام مامتها وعد بالرغم من ان جواها رغبة ملحة لانها ترد عليه وتتكلم معاه قالت 

لا انا مش هرد عليه زي ما مامي قالت انا لازم اتجاهل الرسالة دي تماما ومردش 

وبالفعل قدرت تتغلب ع رغبتها دي ومردتش وقفلت النت تماما ولسه هتنام سمعت صوت دوشة فنزلت تشوف فيه ايه 

ولما نزلت سمعت يزن بيتكلم مع مامتها 

فقالت ايه دا يزن عندنا هنا كان لازم اتوقع انك انت اللي عامل الدوشة دي ما هو مفيش حد غيرك هنا ممكن يعمل كدا 

يزن قلد كلامها وقال وهو بيقلس عليها 

مفيش حد بيعمل دوشة هنا غيرك بلاب بلا بلا... خفة يا بنت انتي عايزة ايه انتي ها .. وبعدين ايه اللي مخرجك من اوضتك اصلا اطلعي يلا نامي شربتي اللبن قبل النوم وغسلتي اسنانك! يلا يا نوغا يلا نامي 

وعد بصتله بانزعاج يوووه يزن بلاش تكلمني ع اني صغيرة ممكن 

يزن بس دي الحقيقة اللي انتي بتتهربي منها انتي لسه صغيرة ليه عايزة تنكري الحقيقة دي يا نوغا 

وعد بغيظ 

يووه بطل بقا مامي قولي حاجة 

يزن هتقول ايه انتي نزلتي ليه اصلا وبتدخلي بيني وبين امي ليه ناس حشرية 

وعد لا استوب دي مامي انا  وبس على فكرة 

يزن كدابة وربنا  ماما شوق امي واللي يقول غير كدا اعوره 

هنا لقا يزن فردة الشبشب ابو وردة ف وشه وهي بتقول 

اتكلم زي الناس يا ولا ايه شغل البلطجية بتاعك ديه 

يزن بوجع اااه ايه يا ماما شوق هو انتي اتعلمتي النشان فين بس كل مرة تيجي في وشي وربنا حرام كدا وشي بقا خريطة بسببك 

وعد خرجتله لسانها احسن تستاهل علشان تبقى تعمل فزلوك اوي 

يزن بنت انتي اطلعي انتي منها ها علشان مزعلكيش 

وعد ولا تقدر تعمل حاجة انت بوء ع الفاضي 

يزن شايفا يا ماما بنتك بتجر شكلي ولو ضربتها بتزعلوا 

شوق فكر بس تمد يدك ع حبة عين امها يا ولا وانا كنت كدرتك 

يزن خلاص خلاص مش هاجي جنبها بس بلاش زعلك يا جميل وارضي عني بقا وربنا بابا ما راضي يدخلني البيت بسببك 

شوق الله وانا مالي بيك انت وابوك يا ولا 

يزن يا شيخة قولي كلام غير دا 

وعد انت يا زفت كلم ماما باسلوب احسن من دا 

يزن زفتة اطلعي انتي منها ممكن ..انا بكلم ماما شوق متدخليش 

شوق يزن روح ارجع لبيتكم اني مفاضياشي ورايا سفر بعد بكرة ومحتاجة اجهز شنطي  وشنط عمك رائد وشنطة وعد 

وعد ايه دا احنا مسافرين فين واو اخيرا وافقتوا اننا نسافر نشم هوا ونتفسح يا مامي ها هنروح فين شرم ولا الغردقة ها ها قوليلي يا مامي انا متشوقة وليه محدش قالي قبلها 

هنا ضحك يزن بسخرية ههه مين اللي يتفسح ماما شوق ودكتور رائد؟؟ انتي  بتحلمي صح 

وعد ليه يعني وميتفسحوش ليه 

يزن يا بنتي دكتور رائد شغله واخد كل وقته وماما شوق مش بتهتم بالحاجات دي 

شوق بس اني فعلا خارجة اتفسح يا ولا 

وعد خرجت لسانها تاني ليزن 

اهو شوفت اطلع انت منها ها يا مامي هنروح فين شوقتيني

شوق رايحين الصعيد ان شاء الله 

وعد بصدمة ايه!! 

ضحك يزن ههه صدمة كبيرة ههه ما انا قولتلك مصدقتنيش 

وعد  هو الصعيد كدا فسحة يا مامي انا عايزة اروح شرم 

شوق والدك عنديه شغل هناك وقولت نسافر اني وانتي وياه نغير جو هناك وكمان معرفش ابوكي يسافر واني افوته لحاله لازمن اروح معاه 

وعد يعنى بابي رايح الصعيد لشغل وحضرتك عايزة تروحي معاه علشان متسبيهوش لوحده مش كدا 

شوق ايوا طبعا وبالمرة اشوف اهلي وحبايبي اللي هناك 

وعد طب حلو انا لازمتي ايه معاكم هنا ها 

شوق طبعا هتيجي معانا اومال نسيبك هنا لوحدك يا وعد  

وعد لا يا مامي انا مش حابة اقضي الاجازة في الصعيد معلش وبعدين حضرتك ناسية اني عندي مذاكرة وسمر كورس 

شوق ايوا تصدقي صح اني ناسية دروسك داي.. بس ملحوقة خدي دروس اون لاين 

وعد لا يا مامي انا مش عايزة اروح الصعيد حابة  افضل هنا بصراحة مش بحب الصعيد ومش مستعدة اضيع اجازتي فيها 

شوق شوف البنت مهتحبش بلد امها.. دي الصعيد داي اجمل بلد وافتخر اني منيها ومحبش بلد زييها مهمن كان 

وعد لا انا زي بابي بحب هنا اكتر 

شوق مين قال اكده ديه ابوكي بيحب الصعيد وهو اللي نقل شغله على هناك الفترة داي وكمان الواد يزن جاي معانا 

يزن كان بيشرب عصير ولما سمع كدا تف العصير من بوءه 

ايه مين فين ليه يزن مين اللي جاي معاكم الصعيد 

شوق فيه ايه يا ولا ما تظبط اكده 

يزن لا يا ماما شوق انا مش جاي معاكي المرة دي طالما لوجي مش جاية قال عايزاني اروح معاكي واسيب قلبي هنا لالا طبعا 

شوق رفعت حاجبها بانزعاج ومد ايديها كالعادة وشوحته بالشبشب 

بقا اكده يا قليل الرباية وربنا اني معرفتش اربي لا انت ولا ابوك بس استنى عليا بس 

يزن جري من قدامها بسرعة 

اا انا افتكرت حاجة ولازم اعملها ع السريع اوعوا تفتكروا اني بجري خوفا من ماما شوق ابسنوتلي انا بهرب بس سلام يا ماما شوق هتوحشيني 

اتنهدت شوق بقلة حيلة 

ربنا يهديه الواد المعفرت ديه هيعقل امتا بس 

وعد شوفتي يا مامي حتى يزن مش جاي انا هفضل هنا مع عمو مهند 

شوق لاه طالما مصرة تفضلي اهنه يبقى تقعدي عند ايات مرة عمك امير الامرا 

هنا جت ميار ومهند ومالك ولما سمعت ميار كلام شوق قالت 

واشمعنا بقا ايات يا شوق وميار لا ها.. بقا معقولة مش عايزة تسيبي وعد عندي مش هتكوني متطمنة عليها معايا وهتطمني عليها مع ايات؟؟ 

شوق بابتسامة اهلا اهلا بالحبابة نورتي الدار والله .. 

ميار لا انا زعلانة منك يا شوق 

شوق لاه يا قلبي متزعليش وربنا اني عارفة انك هتاخدي بالك من وعد كويس جدا وهتكون عنديكي ومطمنة عليها لكن انتي عنديكي جوز تيران وهي بنت ميصحش تقعد معاهم مش هتاخد راحتها واني مش هكون مرتاحة انما عند ايات هتقعد مع لوجي فهمتيني يا ميار 

ميار اممم طب ايه رايك وعد تفضل معايا طول اليوم ووقت النوم تروح مع لوجي اظن كدا الحل المناسب والمرضي للطرفين 

وعد عجبها الاقتراح دا وقالت 

حلوة اوي الفكرة دي يا مامي بليز وافقي انا بحب انطي ميار وكمان انطي ايات وعايزة افضل معاهم هما الاتنين 

شوق يا بنتي اني وابوكي رايحين ما تاجي معانا وخلاص وتريحيني 

وعد مامي علشان خاطري وافقي بقا بليز 

مهند خلاص يا شوق بقا متخافيش ع وعد سافري وانتي متطمنة خالص 

شوق خلاص هاخد راي رائد اكده ولو وافق ماشي 

وعد طبعا بابي هيوافق انا هقدر اقنعه 

شوق ماشي ياختي يا دلوعة باباكي انتي 

وعد يس هو دا الكلام هفضل هنا مش هروح الصعيد 

مالك ماما شوق انا عايز اجي معاكي الصعيد ايه رايك 

شوق وماله يا ولدي بس خد راي امك  وابوك الاول 

مهند انا معنديش مانع مالك طول عمره بيحب يروح معاكي مكان ما تروحي 

ميار وانا هكون مطمنة عليه معاكي يا شوق 

شوق ع خيرة الله يا مالك جهز نفسك علشان مسافرين بعد بكرة ولا الحوجة للواد النيلة يزن ديه 

ضحك مهند ههه لا يزن دا انسيه خالص الواد دا ف التراوة مش بيتحرك غير بمزاجه هو انتي تايهة عنه 

شوق انت هتقولي الواد ديه محتاج قرص ع الودان بس لما ارجع بإذن الله من الصعيد هفوقله 

...

وبالفعل حضرت شوق حاجتها واستعدت علشان تسافر مع مالك وجوزها دكتور رائد وعند العربية ودعت وعد مامتها وباباها 

مع السلامة يا بابي مع السلامه يا مامي تروحوا وترجعوا بالسلامة 

رائد وعد خدي بالك من نفسك  ومتغلبيش اعمامك ماشي يا حبيبتي 

وعد حاضر يا بابي 

شوق وعد حبة القلب كلي كويس واهتمي لصحتك يا ضي عيني 

مهند متخافوش عليها يا جماعة هو يعني مش هعرف اخد بالي من بنتي في ايه يا دكتور رائد ما تاخد مراتك وتتوكلوا ع الله يلا 

ابتسم رائد مش هوصيك على وعد يا مهند انت وامير 

امير متقلقش والله يا دكتور وعد في عنينا 

عساف تروحي وترجعي بالسلامة يا شوق 

شوق الله يسلمك يا غالي يا عاقل انت

هنا قال مالك وربنا انا مسافر معاهم الا ما فيه حد عبرني ..كيس هوا انا قدامكم ولا ايه مش فاهم عيني عليك يا مالك محدش هيفتقدك

الكل ضحك فقالت وعد مع السلامة يا مالك ها كدا كويس 

مالك قال بنفس طريقة شوق  الله يجبر بخاطرك يا اميرة يا بنت الأمرا 

الكل ضحك على مالك وتقليده لطريقة شوق

شوق لاحظت أن فداء مجتش تسلم عليها زي ما كانت قايله ليها انها هتيجي تسلم عليها قبل السفر 

توبا اومال فداء مجتش ليه اتأخرت واحنا لازمن نتحرك حالا

توبا 

فداء زي ما انتي عارفة كانت عايزة تيجي بس خالد فاجئهم بسفرية مكانتش ع البال فبستعد هي كمان  

شوق 

طيب ماشي ربنا ييسر لهم امرهم ويسعدهم ويرجعوا بالسلامة ان شاء الله 

قالتها وبصت ليزن واد يا يزن مش هوصيك ع وعد اختك لو ضايقتها هتلاقي البلغة لابسة ف وشك من حيث لا تدري انت فاهم يا واد 

يزن يا ماما وربنا خافي عليا منها دي بنتك دي بتلعب كراتيه وفن الدفاع عن النفس وايديها طارشة فاكرة وهي صغيرة لما كانت هتطير عيني وهي بتدرب 

ابتسمت شوق المهم اني حذرتك وانت حر 

يزن وربنا ما هعمل فيها حاجة وابقي اتصلي اسأليها مش انا نسمة يا وعد 

وعد انا هكون ف حماية عمو مهند يا مامي متخافيش المونتسر دا مش هيعرف يضايقني 

شوق ربنا ييسر الحال يلا نشوفكم ع خير ان شاء الله السلام عليكم..

...

اما اياد فكان ف الشركة وف مكتب خالد 

قال اياد 

با.. قصدي خالد بيه بعد اذن حضرتك استأذن بس نص ساعا اسلم على ماما شوق قبل ما تسافر علشان متزعلش مني كل العيلة هتروح تودعها الا انا 

فقاله لالا مش شوق اللي هتزعل من الحكاية دي انت وراك شغل ابقا كلمها بعدين ف الفون هي هتقدر ومش هتقول حاجة .. اتفضل انت ع مكتبك كمل  شغلك

وبالليل لما خلص اياد شغله رجع ع البيت فلقا الجو مضلم جدا 

ايه دا هما نامو ولا ايه مقفلين الانوار كلها مش من العادة يعني 

مامااا .. كياااان انتوا فين معقول فعلا نامو.. لا كيان بتسهر عادي وماما مش بتنام قبل ما انا ارجع اومال فيه ايه.. ربنا يستر ويكون الكل بخير 

وجري بسرعا يدور ف البيت كله عليهم لكن مفيش اثر

هما راحوا فين البيت كله مرتب وكل حاجة ف مكانها اومال راحوا فين لا انا هكلم بابا انا كدا جه ف بالي سيناريوهات كتير 

ولما كلم خالد 

رد خالد ببرود 

ايوا يا اياد خير 

اياد بابا حضرتك فين وماما وكيان انا رجعت البيت ومش لاقي حد منكم 

خالد خلصت كل الملفات اللي عطيتهالك؟؟ 

اياد بملل ايوة يا بابا خلصتهم بقول لحضرتك انتوا فين انا ف البيت ومفيش حد موجود انتوا بخير ؟؟ ارجوك طمني ماما وكيان كويسين ؟؟ 

خالد ايوا احنا كويسين اطمن انت قلقان ليه 

اياد  دا شىء طبيعي يا بابا اني اكون قلقان اكيد راجع البيت الاقيه كله مطفي النور ومفيش حد جوة يبقى طبيعي  اقلق.. انتوا روحتوا فين 

خالد مفيش لقيت مامتك واختك كيان زهقنانين قلت اخدهم يفكوا نفسهم شوية ويغيروا جو وكدا بس دي كل الحكاية 

اياد تاخدهم؟؟ طب وانا سافرتوا كدا وسبتوني؟؟ 

خالد ايه سيبناك دي هو انت صغير ما تنشف كدا يا اياد وخليك راجل 

اياد بزهق يا بابا مش قصدي قصدي اني المفروض فرد ف العيلة يعني المفروض اكون عارف ان اهلي مسافرين مش اتفاجىء كدا وانا راجع بالليل انكم جهزتم نفسكم وسافرتكم وانا اخر من يعلم بل يعلم بالصدفة كمان ولولا اني اتصلت مكنش حد هيعبرني ويتصل يقولي انتوا فين من اصله 

خالد ببرود 

انت مكبر الموضوع ليه يا اياد سافرنا وخلاص واللي حصل حصل وانت مش صغير وكمان انا عارف انك مشغول ف الشغل وهترجع تعبان هتاكل وتنام وقولت هنكلمك الصبح ونقولك مكانا وتيجي تحصلنا ايه هتعملها حكاية بقا وتندب زي الأطفال  اقفل يلا اما مش فاضيلك 

قالها وقفل السكة 

واياد اتضايق اوي من اللي والده عمله علشان كدا خرج بكل غضب من البيت وراح ع بيت عشاف علشان يشكيله 

نزل من المواصلات العامة ودا لانه معندوش عربية 

ولما وصل كان بلغ منه التعب 

وخبط ع الباب وهو ع اخره لانه محطش حاجة ف بوءه من الصبح 

ولما فتحت توبا..

اياد اهلا تعالى اتفضل عمك عساف قاعد جوة ادخله 

اياد شكرا يا طنط اسف لو كنت عملت ازعاج ليكم 

توبا يا خبر يا اياد ازاي تقول كدا دا البيت بيتك ف اي وقت اتفضل 

ولما دخل اياد وشاف عساف قال بكل انفعال

ينفع يا عمو عساف اللي حصل .. بابا وماما يسافروا وانا.. 

عساف

.. مش عارف انت مروحتش معاهم ليه خالد قالي انه فضل يتحايل عليك تروح معاهم لكن انت مرضتش وقولت هتكمل شغلك وتبقى تسافر مع اصحابك مبتحيش جو العائلات غلطان يا اياد السفر مع العيلة له طعم تاني 

اياد رمش كم مرة بصدمة انا قولت كدا ؟؟ اه اه صح بس ياريتني فعلا روحت معاهم عن اذنك يا عمي.. 

عساف رايح فين تعالى اتعشى معانا  بدل ما تتعشى اوحدك عسل بتحضر العشا وقربت تخلص

اياد وهو هينفجر من تصرفات والده معاه وبالبرغم من انها فرصة ليه لا تعوض انه يتعشى معاهم وكمان من ايد عسل 

الا انه قال 

لالا مليش نفس بالهنا على قلبكم عن اذنك يا عمي انا لازم امشي لاني تعبان ومحتاج ارتاح 

عساف يا اياد انت جيت ف ايه وهتمشي ف ايه اقعد يا ابني 

اياد لا لا  معلش يا عمي وقت تاني ان شاء الله الوقت اتاخر ومش هينفع وكدا همشي انا 

عساف اياد اسمع الكلام واقعد هتمشي ازاي والأكل خلاص جهز اقعد 

اياد علشان خاطري يا عمي اعفيني انا المرة دي

يتبع