رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الرابع

تم النشر الخميس

5/9/2024

❈-❈-❈

هتفت شوق باستياء عندما شاهدت اخيها مهند يدلف لمنزلها 

واخيرا جيت بطلتك البهية داي يا مهاند ولا توك لسه فاكر ان ليك ابن عتسأل عليه اياك 

مهند اوبااا شوق اختي قالبة عليا منك لله يا مالك بقا دي عاملة تعملها فيا 

شوق بانزعاج 

واد انت متدعيش على ابنك بدل ما اديك بالبلغة 

مهند فيه ايه يا شوق الناس  الطبيعية تسلم ع اخواتها بالأحضان انما اللي بتعمليه مش هينفع صراحة 

شوق ايوا اني هبلة ومجنونة يا واد انت عاچبك ولا معاجبكشي 

مهند وربنا عاجبني يا شوق بس انتي ترضي عني 

شوق مش لما تراضي انت ابنك الاول 

مهند اعمله ايه بس يا شوق مالك بيطلب طلبات غريبة وراسه ناشفة وعِندي واللي في دماغه عايز يعمله هزو وبس 

شوق طالع لابوه هيكون طالع لمين يعني... تعالى اجعد اهنه أكده وفهمني انت ليه مرايدشي مالك يدخل شرطة 

جلسا سوا على احدى الكنبات ليقول مهند 

انا طول عمري سايب اولادي براحتهم ليهم حرية الاختيار ف اي حاجة ف اللبس ف الأكل في كل حاجة مش بمانع ولا بعلق ع الكلام دا لكن عند هنا ولا يا شوق 

شوق ليه يا واد يا مهند ما تسيبه يدخل الكلية اللي تلد عليه ويعمل اللي هو عايزه ديه مستقبله وحلمه هو .. بعدين مالها كلية الشرطة يا ولا ديه هيكون ظابط قد الدنيا علشان لما اخبط نافوخك ديه وتروح تعمل فيا بلاغ مالك حبيبي يطلعني 

انخرط مهند في الضحك 

يعني انتي داخلة ع تقيل يا شوق وناوية تخلصي عليا 

شوق اومال يا ولا انت لسه شوفت حاجة 

مهند يا عيني طب وتهون عليكي ميار حبيبتك لما تعملي في حبيبها كدا 

شوق ملكش صالح بميار دلوك واتكلم جد يا مهاند ليه رافض حلم ابنك وانت مش من عادتك تعارض اي حاجة بيعملوها 

هنا تحدث مهند بجدية 

شوق انا اكتر واحد عارف مالك ابني.. مالك عصبي ومتهور اي نعم ساعات كتير يبان هادي ورزين والواد يزن اللي معفرت لكن العكس صحيح بيحصل لما مالك يتعصب بيقلب ومبيعرفش ابوه حتى ولو راح الشرطة اللي كلها بتكون ضغوطات وبيشوف بلاوي اشكال والوان الولد هيتحول مش هنعرف نكلمه بعد كدا ابدا وهيكون افظع بمراحل عرفتي ليه انا مش موافق ع كدا انا عايزله مستقبل هادي يشتغل ف شركتنا او حتى يأسس شركته الخاصة او مشروعه الخاص لكن شرطة لالا 

شوق 

لكنها حلمه يا مهاند ولو حرمناه منه هيفضل طول عمره شايهالك وكل ما يفتكر يتحسر ع اللي راح منه ويقول ابويا مرضاش وكان نفسي.. هيفضل حاسس بالحزن والندم انها ضاعت من ايده 

مهند وهيندم اكتر لو دخل شرطة يا شوق صدقيني 

شوق من واجبنا اننا ندعم اولادنا ونوجهم للصح مش نقف ف طريقهم وطالما الولد اختار مجال مش عيب ولا حرام يبقى ليه لا وندعيله ربنا يصلح حاله وينفع بيه البلد ان شاء الله 

مهند من حقي اخاف ع ابني يا شوق 

شوق ابنك هيكون زي الفل يا مهند وبعدين مالك اكده يا واد انت قلبك بقا رهيف ليه اكده ما تجمد اومال دا انت معاك جوز تيران ميتخافش عليهم دول يتخاف منيهم 

مهند بضحك 

ما انا خايف منهم يا شوق 

شوق بضحك هي الاخرى قول انت انك عامل عاملة وخايف حضرة الظابط مالك يظبطك متلبس بالجريمة يا ولا 

مهند ههه الظاهر كدا 

شوق يبقى ع بركة الله اقوم افرح الواد اللي قلبه مكسور ديه 

مهند يا شوق انا كنت بقولك ايه دلوقتي 

 وضعت شوق يدها ع اذنها ها انت عتقول ايه منيش سامعاك فيه وشوشة اكده قول تاني اكده 

مط مهند شفتيه باستياء 

شوق ما خلاص بقا يا ولا بقولك عايزين نفرح حضرة الظابط وايه قولك كمان اننا هنعمله حفلة بمناسبة التحاقه بالشرطة 

مهند وحفلة كمان انتوا داخلين على طمع اوي 

شوق بفرحة اومال هو اني عندي كام مالك بالظبط 

نهض مهند من مكانه واحتضنها بحب 

ربنا يخليكي لينا يا حبيبة قلبي 

هنا اتت وعد وعندما رأت خالها يعانق اخته 

عاا خياانا فينك يا بابي تيجي تشوف اللي بيحصل.. خالوا حبيبي بيحضن مامي وانا لا

انخرط مهند ف الضحك واقترب منها معانقا اياها 

حبيبة قلب خالوا يا ناس شوفي يا شوق البسكوتات دي مش التيران اللي عندي 

ضحكت وعد فقال مهند 

ياربي ع الضحكة القمر دي اقعدي احكيلي اخبارك ايه

شوق طب اسيبكم اني واروح افرح الواد مالك

...

في السوق بينما كان ادم يشتري ما طلب منه من أجل السرايا الذي يعمل بها هو ووالده 

كان منهمك ف ما يصنعه بالرغم من باله المنشغل في كيفية اقناع والده 

هقدر اقنع ابوي ازاي بكلية الشرطة نفسي بعطيني فرصة يمكن افلح اني متأكد اني هفلح وهيقبلوني وهبقى ظابط قد الدنيا واعوض امي وابوي عن الشقا والغلب والقهر اللي هما عايشين فيه ديه يارب.. يارب يسر الحال بقدرتك يارب 

وبينما هو كذلك اتاه همام ليعكر صفو مزاجه ويستدعي غضبه كالعادة فهو يغار منه لذا يستدعي المشكلات معه دائما 

اممم سامع ناس بتفكر حالها حاچة وهي ولا حاچة اوعى تمون ناسي حالك اياك يا ابن الجنايني 

تجاهله ادم عمدا فهو يدرك اهه يقول هذا الكلام ليثير غضبه 

فابتعد عنه وحاول إنهاء ما جاء لأجله 

لكن همام لم يكف عن اللحاق به وازعاجه 

فيه ايه يا واد انت رافع مناخيرك اكده ليه ها دا انت ولا...

قاطعه ادم لانزعاج 

ايوا عارف اني ولا حاجة ما انت لسه توك قايلها وقولتها ولا مليون مرة قبل سابق وعارف كمان انك مهمن قلت عمرها ما هتحوق فيا انت ايه مهتزهقش ولا انت عيل فاضي موراكش لا شغلة ولا مشغلة فجاي تسلي وقتك عليا.. اسمع ياد انت غور من قدامي اني مفاضيشي للعب العيال دي

هنا استشاط همام غضبا وامسك بآدم من ملابسه 

عتقول ايه يا نطع انت بقا اني تقول عليا عيل وربنا ادفنك موطرحك اهنه علشان تعرف ازاي تكلم اسيادك 

نظر له ادم شزرا وتركه وهم بالرحيل وهو يبعد يد همام عنه 

بعد يدك دي انت منتاش قد الحركة داي 

الا ان همام كان ف قمة غضبه فاقترب من ادم ولكمه ف وجهه بحدة 

مما اثار حنق ادم الذي لا يسمح لأحد بأن يجرؤ عليه 

فالتفت لهمام وهو يقول بشر 

انت اللي جلبته لنفسك يا همام اشرب بقا 

وانخرطا الاثنان ف قتال عنيف كان ادم فيه الغالب بالطبع وذلك لانه قوي البنية واشجع بكثير من همام 

التم الجمع  ليشاهدوا قتالهم وعندما انهزم همام اخذ الجميع يهللون ويهتفون باسم ادم وينعتونه بالقوي الشجاع 

انا همام الذي وقع ع الارض ولم يقو ع النهوض ظل ينظر لادم بتوعد 

مد ادم يده ليجعل همام ينهض من على الارض 

هات يدك قوم معاي

همام بعد يدك يا بو انت تقتل الجتيل وتمشي ف جنازته 

ادم اعملك ايه انت اللي مرايدشي تسيبني ف حالي كل شوية اكظم غيظي منك وانت مصر بردو ع انك تعاديني فمترجعش تزعل بقا من رد فعلي الطبيعي على تصرفاتك امعاي 

همام بتوعد وربنا لاندمك ع اللي عملته ديه غالي اوي يا ادم 

ادم بلا اهتمام اعمل اللي تعمله

..

بتردد وقف اياد عند اوضة المكتب الخاص لأبيه خالد وعندما عزم على امره طرق الباب ودخل عندما سمح له والده بذلك 

طالعه خالد بجدية لينتظره يقول ما يريده فقال اياد دفعة واحدة

بابا انا عايز اتجوز عسل 

 خالد 

عسل مين 

 اياد 

عسل بنت عمو عساف يا بابا 

خالد 

وهتتجوزها ازاي بقا ان شاء الله 

 اياد 

مش فاهم حضرتك تقصد ايه 

خالد اقصد يعني هتسكنها فين وهتعيشوا ازاي 

 اياد  انا هشتريلها شقة يا بابا وانا بشتغل مع حضرتك اهو اعمل ايه اكتر من كدا 

خالد هتشتري شقة من فلوس مين؟؟ انت معاك فلوس 

اياد بتردد اا لا بس اا 

خالد بحدة بس ايه انت منتظر من ابوك انه يجيبلك الشقة ويصرف عليك كمان ولا ايه هي حصلت 

اياد بتوتر بابا انا مقولتش كدا بس انا بشتغل مع حضرتك ف الشركة 

 خالد 

ايوا يعني حوشت كام من الاخر كدا علشان تجيب بيهم شقة 

 اياد 

بابا حضرتك مش بتعطيني مرتبي 

 خالد 

واعطيك مرتب ازاي وانت تحت التدريب ها 

اياد 

بابا انا بقوم بمعظم شغل الشركة ازاي بعد كل التعب دا اكون تحت التدريب 

خالد 

اه تحت التدريب عندك مانع يا اياد 

اياد اا لا العفو يا بابا اللي تشوفه حضرتك 

 خالد يبقى تهمد كدا ولما تحوش مبلغ محترم تقدر من خلاله انك تجهز شقة مناسبة لبنت زي بنت عساف ابقى اتكلم

 اياد بابا طب حضرتك اعطيني مرتبي وانا هحوش منه طالما حضرتك عايز كدا 

خالد بلا مبالاة ماشي هبقى اشوف الموضوع دا 

اياد بابا حضرتك انا بتكلم جد انا بحب عسل بنت عمو عساف وعايز اتجوزها

خالد وانا فكرك اني بهزر معاك انت لسه مش مؤهل انك تفتح بيت من اصله ففوق لنفسك كدا ها فوق 

قالها وهو بيضربه ع صدره ومشي وسابه 

اخد اياد نفس عميق وخرجه بهم 

ولما حس انه مخنوق اخد بعضه وخرج خالص من الفيلا

كان يسير شاردا لا يستطيع ايجاد سبب لمعاملة ابيه الجافة معه الى ان كادت ان تصدمه سيارة 

 اما هي فما ان ما أنها كادت ستصدم احدهم حتى ترجمات من السيارة عة الفور وهي تقول بأسف 

ايه دا ااا انا اسفة اوي والله اعظيم مكانش قصدي بس اصل كان فيه قطة ونايمة كنت هخبطها علشان كدا حودت بسرعة وكنت هخبط حضرتك انت كمان 

اياد اول ما شاف عسل ابتسم وقال ف نفسه ايه الصدف الحلوة دي صدفة تغير المود تماما 

عسل ايه دا اياد .. انا اسفة يا اياد والله 

اياد محصلش حاجة يا بنتي دا انتي ما شاء الله طلعتي سواقة شاطرة اوي ووقفتيها ف الوقت المناسب 

ابتسمت عسل 

يعني مش شاطرة اوي انا لسه مبتدئة وكدا المهم انت كويس 

اياد كان عايز يقولها لا مش كويس لكن بقيت كويس اول ما شوفتك 

لكنه مسك نفسه وقال 

اه الحمد لله كويس طمنيني انتي عنك 

عسل انا كويسة الحمد لله انت كنت رايح فين تعالى اوصلك في طريقي 

اياد بصلها بانزعاج نعم توصليني!! عسل خدي بعضك وعربيتك وامشي من قدامي 

عسل ايه يا اياد انت زعلت انا والله العظيم مش قصدي حاجة أبدا انا اسفة 

هنا ادرك اياد ان عسل كانت بتعرض عليه توصله بحسن نية وانها مش قصدها حاجة وهو اللي زودها واتعصب وهي ملهاش ذنب فقال انا اللي اسف اني اتعصبت معلش اعذريني اصلي متضايق شوية 

عسل اه اخدت بالي انك متضايق لانك كنت ماشي سرحان وباين ع وشك انك مهموم والله انا اسفة اني زودت عليك وضايقتك 

اتنهد اياد بضيق من نفسه وقال ف نفسه ايه اللي انت هببته دل يا اياد البنت رقيقة اوي ومتضايقة علشانك ومفكرة انها السبب فوق كدا وفرق بين ضيقتك وبين تعاملك معاها 

عسل اياد انت لسه متضايق مني 

اياد أبدا والله يا عسل مش متضايق منك خالص وعلشان تعرفي اني مش متضايق هركب معاكي يا ستي ايه رايك 

عسل ابتسمت تمام ماشي اتفضل مفاتيح العربية اهي 

ابتسملها اياد وفرح انها احترمت جزئية انها عطتله هو اللي يسوق رغم انها عربيتها وبصلها بفخر انه احسن الاختيار 

وقالت حيث كدا بقا انا هستغلك وهطلب منك توصلني لبيت ماما شوق اصلها وحشاني اوي ولو انتظرت بابي لما يودينا مش هنروح الا السنة الجاية بقا كل شوية مش فاضي انا كنت هناك وسلمت عليها ع السريع واحنا ناسينا خالص 

ابتسم اياد وعو بيسمع شكواها بصدر رحب وقال 

بس كدا عنيا حاضر اصلا فعلا ماما شوق وحشتني ومن زمان مزورتهاش بسبب لبخة الشغل 

عسل حلو اوي يبقى بينا ع بيت ماما شوق

وفي بيت شوق 

صعدت شوق للغرفة المقيم بها مالك 

قوم اهنه يا واد يا مالك انت نايم اكده وابوك جاعد تحت 

مالك بملل 

اقوم اعمل ايه  بس يا ماما شوق 

شوق شوف الواد وبرودة أعصابه يا بارد بقولك بوك تحت 

مالك ماما شوق انا مش نازل اقابل بابا انا فتحت معاه موضوع النقاش كتير وهو خلاص نهاه اتكلمي انتي معاه انا تعبت من المناهدة ف الموضوع دا ارجوكي حليهولي بقا 

جلست شوق الى جواره 

ايوة ما اني اتكلمت معاه اني راخرة 

نهض مالك من مكانه وقال بجد يا ماما شوق ها واقنعتيه وقالك ايه احكي يا ماما بالله عليكي قالك ايه وافق ولا موافقش 

ادعت شوق الحزن 

الأمر لله وحده يا ابني وكل حاجة ف الدنيا دية نصيب 

رمش مالك عدة مرات غير مستوعب ما يسمعه   

يعني ايه يعني حضرتك مقدرتيش تقنعيه برده 

قالها وظهرت على ملامحه علامات البؤس 

فدفشته شوق بيدها فوق راسه 

هو ايه يا واد اللي مقدرتش اقنعه قال مقدرتش اقنعه قال .. بالك انت عمك ابو ايات حدانا ف البلد الناس كانت بتسميه ايه.. ابو راسين علشان دماغه ناشفة كيف الحجر الصوان ومعيتفاهمش اني قدرت عليه وقدرت اقنعه مهقدرش اقنع الواد مهاند اخوي وديه كلام بردك 

هنا اتسعت ابتسامة مالك وقال بفرح 

الله دا اسعد خبر سمعته ف حياتي الله عليكي يا ماما شوق انا بحبك اوي اوي

قالها وعانق خالته بشدة من شدة فرحته 

هنا دلف يزن 

وعندما شاهد اخوه قال بمرح 

ياعيب الشوم اخويا وماما شوق مرة واحدة طب اوري وشي من الناس فين ها اقولهم ايه انا ماما بتحضن اخويا وانا لا... لا انا كدا هعيط وهقعد على الطريق واشتكي زي الشاعر اللي مش فاكر اسمه ايه اصلي بصراحة كنت فاشل فى الأدب والشعر 

ضحكت شوق وكذلك مالك فقالت شوق بجدية 

واد يا يزن تعالى أهنه عايزاك.. احنا هنعمل حفلة صغيرة اكده بمناسبة دخول مالك الشرطة بإذن الله تعالى وعايزاك تنظمها انت ووعد وتفرحوا مالك ماشي؟؟ 

يزن حفلة يا فرج الله بقولك ايه يا ماما ما تعملوا حفلة خطوبتي انا ولوجي معاه بالمرة بالله عليكم 

شوق كل حاجة بأوانها يا ولا اصبر 

يزن يوووه وبعدين بقااا انا تعبت من الانتظار دا 

شوق واد انت البلغة هتشتغل لو مسمعتش الكلام 

يزن خلاص اديني هسكت لما اشوف هتجوزوني ولا هخلل زي برطمان خيار قرب يعفن 

مالك مش بدري ع الحفلة دي يا ماما شوق ع الاقل ننتظر لما اجتاز اختبارات القبول 

شوق هتجتازها وهتدخل شركة وهتبقى ظابط قد الدنيا يا حبيبي

يتبع

إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص أخرى تضمن حكايات وقصص جديدة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة