رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الثاني

تم النشر الثلاثاء

3/9/2024

وصل خالد فيلته وما ان خطى اولى خطواته بداخلها حتى وجد زوجته الحبيبة ف انتظاره 

فداء بابتسامة 

حمدا لله يا خالد اتأخرت ليه 

بادلها خالد الابتسامه ولكل بنظرات هائمة 

الله يسلمك يا روحي وحشتيني اوي 

ضحكت فداء باستحياء

وانت كمان يا خالد وحشتني 

خالد باستغراب بتضحكي ليه 

فداء لا ابدا اصلي افتكرتك زمان لما كنت بتعمل نفس الحركات دي 

خالد قصدك يعني اننا خلاص كبرنا وراحت علينا لاااا انتي بتحلمي حبي ليكي عمره ما يشيخ أبدا بالعكس كل يوم بيزيد اكتر واكتر.. 

بصلته فداء بحرج فسمعوا اللي بتقول من وراهم باعجاب شديد 

يا سيدي يا سيدي اوعدنا يارب بزوج رومانسي وقمر وكاريزما كدا زي بابي ... بابي اسمع بقا لما اقولك لو مجبتليش عربس نسخة منك يبقى مش هتجوز انا بقولك اهو 

انفجر خالد ف الضحك 

طب ودي اعملها ازاي بقا 

كيان بمرح مليش دعوة اتصرف يا بابي 

 اقترب خالد من ابنته واخدها ف احضانه

حبيبة قلب بابي وعمره كله عاملة ايه يا روحي 

كيان انا كويسة يا بابي الحمد لله 

فداء اومال فين اياد مجاش معاك ليه 

خالد بلا مبالاة 

اياد لسه ف الشركة بيخلص شغل مش فاضي 

فداء طب وايه المشكلة يجي يتغدى معانا وبعدين يرجع تاني الشركة علطول ... انا هكلمه اقوله يجي يتغدى معانا واننا كلنا ف انتظاره 

خالد لالا سيبيه  ع راحته اكيد لما يخلص شغل هيجي لوحده 

فداء طب والغدا يا خالد مش هيتغدى ع الاقل طيب

خالد هو الأكل هيطير ما اكيد يعني لما يرجع هياكل 

فداء طب شوف يزن  او حتى السواق يوديله اكله 

خالد نعم لا طبعا.. فداء يا روحي انتي شاغلة بالك بيه ليه هو صغير؟؟.  لو جاع يمشي نفسه بأي حاجة لحد ما يرجع ابنك مبقاش صغير لدلعك دا... 

فداء بس يا خالد ااا 

خالد مبسش يا حبيبتي يلا بقا انا واقع من الجوع والبنت الشبر ونص دي كمان جاعت مش كدا يا كوكي 

كيان فعلا جعت اوي 

اتنهدت فداء بقلة حيلة 

تمام ماشي اتفضل اطلع غير هدومك على ما اجهز السفرة

....

كانت تجلس ع احدى الطاولات ف حديقة منزلها 

في ذلك الوقت وصل مهند الذي دخل سريعا بسيارته محدثا صوتا مزعجا نتيجة احتكاك اطارات السيارة بالارض بحدة 

فقالت شوق وهي تحرك رأسها يمنة ويسرى

الواد امهند ديه مفيش فايدة فيه كبر وبقا اب واولاده ع وش جواز ولسه زي ما هو طايش وتصرفاته كيف العيال

فنهضت من مقهدها واضعة يدها ف خصرها 

وبعدهالك يا مهاند  

ترجل مهند سريعا من سيارته وأقترب من اخته قائلا 

طب والله العظيم يا شوق لو حلفتلك اني مليش دعوة باللي حصل مش هتصدفيني .. كل اللي شوفتيه دا حصل غصب عني احلفلك بإيه انه مش بمزاجي والله.  بالله عليكي متزعليش وعديها 

لم تفهم شوق ما يقصده او يتحدث عنه 

واه شوفت ايه وحصل ايه ما فهماش انت بتتكلم عن ايه يا واد انت  

هنا انتبه مهند ان شوق لم تعرف بالأمر بعد فقال 

ها لالا مفيش حاجة انا فكرت حاجة تانية 

اقتربت منه شوق وامسكت بأذنه 

حاجة تانية ايه يا واد غريب ها عملت مصيبة ايه تاني وجاي جري تطلب الغفران وخايف عليا من اني اعرفه ومتأكد كمان اني لو عرفته هزعل ها عملت ايه ياخوي احنا مش كبرنا بقا على حركاتك دي 

مهند بتألم

ومش كبرنا بقا عل مسكة الودن دي حرام عليكي يا شوق برستيجي وصورتي قدام الاولاد لو شافوني بالمنظر دا يقولوا عليا ايه 

شوق يقولوا اللي يقولوه اخوي وبربيه حد يقدر يتكلم 

مهند لا طبعا هو حد يقدر يتكلم ويعارض الكبيرة بردو بس بالله عليكي سيبي ودني طقطقت ف ايدك 

شوق  انطق قول عملت ايه 

مهند طب سيبي ودني الاول وانا هقولك 

 ابتعدت شوق  عنه 

ها عملت ايه

مهند خلاص يا شوق بم ان الخبر موصلكيش فإن الله حليم ستير استري ع اخوكي بقا 

شوق وقعتك امطينة بهباب اسود 

مهند ليه كدا يا شوق بتسوديها ف وشي ليه 

شوق مهند انجز قول عملت ايه 

في ذلك التوقيت اتى امير الذي استمع لمعظم ما دار بين اخوته 

فقال ضاحكا 

هههه اقسم بالله مسخرة السنين يا ريتني طلعت الفون وصورتك بس احنا فيها شوق عيدي المشهد تاني 

مهند طالع اخيه بحدة 

ولا خف لاحسن وربنا انت عارف انا ممكن اعمل ايه فيك 

امير بخوف من اخيه 

يا باي عليك همجي وطور عارف عارف ياربي انا كان نفسي ربنا يرزقني بولد ياخد حقي منك بس للاسف دا محصلش... بس الحمد لله ربنا عوضني بيزن ابنك بيطلع عليك كل اللي بتعمله فيا 

مهند اه يزن اللي انت بتتحامى فيه دا وربنا لاوريه هو التاني 

شوق 

واد انت سيبك انت من يزن وقولي عملت ايه الحق المصيبة قبل ما تكبر ويكون فات الاوان 

امير اقولك انا يا شوق 

مهند امير والله لو نطقت بحرف واحد لاندمك يا زفت 

شوق قول يا امير الامرا وسيبك من الواد ديه ميقدرش يعمل فيك حاجة واني واقفة 

امير ما هو المشكلة انه بعد كدا هيستفرد بيا يا شوق انتي عارفة اخوكي ايده طارشة 

خلعت شوق ما ف قدمها وقالت 

ايوة واني بلغتي اطرش منيها انطق يا واد انت وهو ايه اللي حصل اني هلاقيها منين ولا منين 

في تلك اللحظة وصل رائد الى منزله 

فقال السلام عليكم ورحمة الله وبركاته 

منورين يا جماعة اخباركم ايه كلكم 

الكل رد السلام وعليكم السلام ورحمة الله وبركاته 

مهند ف نفسه الحمد لله ان دكتور رائد جه انقذني من غضب شوق المحتوم 

امير 

ازيك يا دكتور رائد 

رائد 

الحمد لله يا امير تمام والله 

قالها ونظر لشوق 

شوق عمري اخبارك ايه 

شوق بابتسامة واسعة 

اني كويسة الحمد لله طول ما انت بخير يا تاج راسي 

 غمز مهند لاخيه امير

امير اخد بالك انت شوق بقت رومانسية اوي بس اللي يشوفها يقول ميبانش عليها 

اطاحت شوق بما ف قدمها ف وجه مهند 

واد انت اتلم إبدال ما اجيلك 

مهند بوجع 

ااه خلاص خلاص هسكت خالص اقولكم انا هروح يلا سلام اشوفكم ع خير مع السلامه يا دكتور 

شوق لاه استنى متمشيش اني عايزة اتكلم معاك ف موضوع مهم 

مهند 

لالا بعدين يا شوق انتي مشغولة دلوقتي ف الأكل مع دكتور رائد 

قالها وغمزلها تاني 

فابتسمت شوق 

الواد دا ملوش حل ولا كتالوج مفيش فايدة فيه 

امير وانا هستأذن انا كمان محتاجين مني حاجة

شوق 

واه يا امير الامرا انت جيت ف ايه وماشي ف ايه انت لحقت يا حبيبي 

رائد

اقعد يا امير اتغدى معانا 

امير 

لا بالهنا والشفا على قلبكم انا كنت قريب من هنا فقلت اعدى ع شوق اشوفها.. هجيلكم وقت تاني سلام 

شوق ماشي يا حبيبي زي ما تحب خد بالك من نفسك 

هنا قدم يزن من الداخل وقال بمرحه المشاغب فهو نسخة من ابيه 

يا بختك يا امير الامرا بالدلع دا مهما كبرت بردو بتتدلع اومال احنا مش بنتدلع ليه بقا اخد انت كدا الدلع كله طب سيب لابن اخوك الغلبان حبة 

ضحك امير ورائد 

فقالت شوق 

لاه طبعا هو امير الامرا واحد بس حبيبي واخوي الصغير اللي مهمن كبر هدلعه بردك اطلع انت منيها يا واد انت 

يزن ما انا طالع اهو وواقف بائس وغلبان 

شوق انت غلبان انت يا سهن انت 

ضحك يزن 

شايف يا دكتور رائد علطول مراتك حاطة نقرها من نقري كدا 

شوق بانزعاج

مراتك ايه مراتك داي يا ولا وربنا فردة البلغة التانية موجودة ضربت بالاولى ابوك وعندي استعداد اضرب بالتانية ابنه 

يزن جري بسرعا ناحية أمير

لا لا وع ايه انا ماشي 

شوق خد يا واد اهنه انت مش قلت هتقعد اهنه 

يزن لا انا بحب عمي امير وهقعد عنده عمو خدي غديني عندك دا انا غلبان 

شوق 

اه ياخوا اتمسكن اتمسكن قال يعني احنا مش عارفين رايح ورا امير ليه 

يزن 

طب ما انتوا عارفين كدا ما تجوزوهالي بقا يا ناااس 

شوق امير امسكلي الواد ديه اني هعرف ازاي اعيد تربيته 

يزن قلت ايه غلط بس يا ماما شوق وربنا بحبها بحب لوووجي يا ناااس 

شوق 

ياربي الواد ديه هيجلطني يا ناس 

يزن غمز لها سلامتك من اي شر يا جميل... دكتور رائد جنبك اهو هياخد باله منك صح يا دكتور.. انتي بس شاوري يا شوق يا عسل 

شوق 

واد انت غور من قدامي عصبتني ربنا يهديك 

يزن ما انا اللي كنت ماشي لوحدي اما عالم عجيبة اوي يا جدع 

.لم يكمل يزن كلماته حتى وجد حذاء شوق ف وجهه 

فقال بوجع اااه بقا كدا يا ماما شوق طب اروح للبت بتاعتي ازاي كدا بمنظري دا 

شوق لاه وربنا ما اني راجعة عنك 

انطلق يزن يركض بسرعة يسابق الريح 

خلاص خلاص وربنا اسف انا بهزر معاكي بس هو انا بقدر اكلمها نص كلمة من ابوها اخوكي امير واقفلي زي اللقمة ف الزور مش عارف اقولها ازيك حتى 

شوق ايوا اكده يا امير خد بالك من ابو عيون زايغة ديه 

يزن 

افضلوا قفلوها عليا لكن ما اتخنق منكم ها .. بس عامة الحمد لله ان الكل عارف ان لوجي ليا واننا ف حكم المخطوبين هي بس تشاور بس وانا ف نفس اللحظة اكون جايب الشبكة وملبسهالها 

شوق ربنا يهديك يا يزن يا ابن مهند اهبل مخلف عبيط يا خواتي 

....

كان يتابع عمله بضجر ف المكتب حتى استمع لصوتها فترك ما في يده وعلق عينه على باب المكتب 

استمعها تقول 

انكل خالد ممكن ادخل من فضلك

نهض من مكانه وقام بفتح الباب لها 

اتفضلي يا عسل منورة الشركة 

عسل 

ايه دا اياد ازيك طيب انكل خالد فين 

اياد عمو عساف وبابا مش موجودين في الشركة كلهم مشيوا 

عسل مشيوا طب وانت لسه هنا بتعمل ايه 

اياد بارتباك ها لا لا عندي شوية شغل بخلصهم وبعدين همشي 

عسل اه تمام اوك استأذن انا بقى 

اياد استنى انتي كنتي فين وجاية لعمو عساف ومش عارفة انه ف البيت!! 

عسل اها كنت ف زيارة لصديقة ليا مريضة وف المستشفى وكدا فقلت اعدي على بابي هنا فلما ملقيتوش في مكتبه قررت اجي اسأل انكل خالد فملقتوش هو كمان 

اياد ايوا تمام فهمت... طيب انتي هترجعي ع البيت مش كدا تحبي اجي اوصلك 

عسل لا لا خليك كمل شغلك انا مش عايزة اعطلك انا معايا عربيتي سلام 

تذكر اياد انه الى تلك اللحظة لا يمتلك سيارة خاصة به بعد فوالده لا يوافق ع اعطاءه سيارة خاصة به وانما يسمح له بقيادة سيارته ف بعض الاحيان في حين ان عساف يسمح لابنه عسل بقيادة سيارة خاصة لها وحدها تذهب بها الى. حيث تشاء

فتنهد اياد بانزعاج حاول موارتته وقال 

تمام ماشي خدي بالك من نفسك وانتي سايقة وممكن من فضلك  لما توصلي البيت ترني عليا تكلميني تطمنيني عنك 

إجابته باسمة حاضر يا اياد هعمل دا سلام 

اياد في امان الله

وبالفعل ما ان وصلت عسل اتصلت مسرعة بإياد 

الذي رد ع هاتفه 

السلام عليكم ورحمة الله وبركاته ايوة يا عمو عساف 

عسل دا انا عسل يا اياد 

استغرب اياد انه استمع صوت عسل من هاتف عمه عساف 

عسل!! بتلكميني من رقم عمو عساف؟؟ 

عسل يا اياد انت قلتلي اكلمك  اول ما اوصل وانا اهو وصلت وبكلمك من فون بابي

 اعجب اياد بأخلاق عسل التي طالما اعجبته كثيرا 

تمام حمدا لله على سلامتك

عسل الله يسلمك يا اياد اسيبك بقا علشان معطلكش باي

....

وصل امير لبيته والذي جعله منفصلا عن بيت اخيه وذلك لتأخد ابنه وزوجته حريتهم وباستقلالية تامة 

طرق الباب 

ففتحت له لوجي 

بابي حمدا لله على السلامه 

امير 

الله يسلمك يا روح بابي

يزن الله هو فيه كدا هو القمر بيطلع بالنهار يا ناس لا انا مش هتحمل كدا 

لكزه امير في جانبه اتلم يا زفت بدل ما ازعلك 

يزن اااه ايه يا عمو مش بعبر عن اعجابي بالجمال دا بعدين دي خطيبتي يا نااااس خطيبتي 

في  ذاك التوقيت اتت ايات 

اهلا يا يزن عامل ايه تعالى اتفضل 

يزن الله بقا وانا اقول الجمال دا جاي منين اتاري من مامتها طبعا... طنط يويو القمر بزيادة

امير 

عندك يا زفت ايات خط احمر 

يزن يا عمي متأفورش بقا ما انا عارف ان ايات بتاعتك وانت كمان عارف ان قلبي مش بيميل غير للوجي القمر وبس ..

امير 

لا حول ولا قوة إلا بالله انت حالتك بقت صعبة اوي... 

يزن اوي اوي يا امير الامرا ما تكلم الحاج ابويا بقا خليه يوافق ع الخطوبة انا خللت يا ناااس 

امير لوجي اتفضلي ادخلي اوضتك 

لوجي حاضر يا بابي 

يزن ليه كدا بس اومال انا جاي اقعد مع مين 

امير عاجبك ولا تروح تروح ع بيتكم

يزن عاجبني ونص يا عمو هو انا قلت حاجة بس هنتغدى سوا كلنا ومش هقبل بغير كدا ..

....

تجمع عائلة سلمان الصغير المكونة من ولده الوحيد ادم وزوجته هناء 

حول طبيلة صغيرة من الخشب 

هناء كلوا بالهنا والشفا عاملالكم فرحة بلدي  تربية ايديا انما ايه هتاكلوا صوابعكم وراها 

ادم تسلم ايدك يا امي ربنا يباركلنا فيكي يارب 

هناء الله يسلمك يا ضنايا ويباركلي فيك يا غالي

سلمان 

لافيني حزمة الفجل داي يا هناء 

هناء خد ياخويا اهو الفجل وكمان المخلل اللي بتحبه كماني 

سلمان هاتي 

لاحظت هناء ان زوجها ليس ع ما يرام 

هناء فيه ايه يا سلمان مالك مكلضم أكده ليه هو فيه حاجة حصلت؟؟؟ 

 نظر سلمان لولده بانزعاج 

البركة ف ولدك الحيلة اسأليه باينه انطس ف عقله ومهيعرفش بيقول ايه ....

يتبع