رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الخامس

تم النشر الأحد

8/9/2024

في سرايا دهشان 

هتف دهشان غاضبا 

اتأخرت ليه فين الطلبية اللي قلتلك عليها 

 المساعد 

جاهزة جاهزة يا بيه انا اسف اني اتأخرت بس ولدك يا بيه همام بيه اللي اخرني 

دهشان 

ولدي ماله همام جراله ايه انطوق بسرعة ولدي فيه ايه

المساعد بخوف ااا

اتعارك مع ابن الجنايني  وابن الجنايني اتغلب عليه ووقعه ع الارض وكومه زي كومة القش 

فكنت بساعده وبشوف لو جراله حاجة بس الحمد لله هو بخير فسندته وچبته على اهنه طوالي علشان يرتاح

 هتف دهشان بغضب

عتقول ايه!!  واد الجنايني يعلم على ولدي كيف ديه يا ويله مني وهمام البو ديه كيف يسمح لعيب زي ديه يعمل فيه اكده وانت كنت فين يا زفت انت

المساعد 

متخافش والله البيه الصغير بخير مفيهوش حاجة اني اتطمنت عليه بنفسي

 دهشان

طب اكتم اكتم دلوك  وبعد عن وشي لما اشوف واد الجنايني ديه حسابه معايا عسير

وتحرك من مكانه بغضب بتحثا عن ادم

وما ان رآه يقف ف حديقة السرايا حتى توجه نحوه ووجه يحمل الغضب في طياته 

فعلم عندها ادم ان همام شكاه لوالده لذا تنهد بقلة حيلة يعلم انه سينال وابلا من التوبيخات

اقترب دهشان من ادم وهتف بقوة

انت عارف انت اهمه شغال  ايه 

 ادم  بهدوء عارف يا بيه

دهشان ولما انت عارف انك زييك زي البلغة اللي ف رجلي داي .. داي حتى البلغة ليها قيمة عنيك بتعمل نفسك ند بالند قصاد ولدي ليه 

سكت ادم ولم ينطق بكلمه لانه  يحاول امتصاص تلك الاهانة دون ان يغضب 

 دهشان بحدة 

رد انطق ولا الحية كلت لسانك دلوك وعرفت غلطك ومقامك ومعارفش تنطوق خلاص 

 ادم كاظما غيظه

اسف يا دهشان بيه 

رفع دهشان  يده بقوة ليطال وجه ادم وبعدها قال 

 للحارس

 خده اجلده قدام أبوه علشان يعرف ازاي يعامل اسياده 

في تلك اللحظة  اتى ولده همام وقال شامتا 

 ايوا متتهوانش معاه يا بوي عاقبه اشد عقاب السو ديه لازمن يعرف مقامه وازاي يتجرأ ع أسياده 

دهشان رفع يده تجاه وجه ولده ليضربه هو الأخر 

سايب واد الجنايني يعلم عليك يا متخلف انت لو حوصل واتكررت تاني انا اللي هجلدك بنفسي

وعندما بكى همام 

حقك عليا يا بوي اني اسف مهتتكررش تاني

 صاح به دهشان

اوعا تبكي كيف العيال فاهم اوعاك اشوفك بتعيط .. سامع واد الجنايني بيتجلد بقسوة  ازاي ومن غير دمعة واحدة ولا حتى كلمة اه اياني اشوف دمعتك تاني والا هدفنك مطروحك

أما عن آدم فكاد أن يرفض ما سيُفعل به لكنه بقي صامتا وتحمل ما يحدث له من ألم نفسي اشد قسوة على قلبه من الألم الجسدي عندما رأى والده يقف مكتوف الأيدي مطأطأ الراس يرى ولده يجلد دون اي اعتراض او حتى دفاع عنه 

وعندما انتهى الحارس من جلده لملم آدم شتات نفسه وتوجه بصمت وروح ميتة نحو داره 

بينما توجه دهشان نحو سلمان 

عاچبك اللي ولدك عمله ديه يا سلمان 

 ابتلع سلمان ريقه بتوتر 

اا لاه لاه طبعا يا بيه ميعجبنيش واصل كيف يعني يناطح راسه براس همام بيه واديه اهو اخد جزاءه

ابتسم دهشان بانتشاء وقال فهم ولدك ونوره انه ميتعداش ع اسياده لان وقتها مش هيكون مصيره غير وراسه ف التراب اني اكتفيت المرة دي بجلده المرة الجاية هرميه حي لوحوش الجبل ينهشوا لحمه وانت واقف تتفرج 

 هتف سلمان بخوف على ابنه 

لالا يا بيه ديه اول واخر نوبة ولدي مهيكررهاش تاني اقسملك بإيه يا بيه سامحه النوبادي 

دهشان علشان خاطرك بس هعديها النوبادي يا سلمان 

❈-❈-❈

بناء على طلب حسناء هخلي السرد عامي وامري لله

..

وتاني يوم 

تم تجهيز حفلة مالك والعيلة كلها حضرت والكل كان مبسوط وفرحان 

مالك 

مش عارف اقول لحضرتك ايه يا ماما شوق او اشكرك ازاي ربنا يخليكي لينا يارب 

شوق متشكرنيش اني يا ولا روح اشكر ابوك وبوس راسه انت غايب عن البيت بقالك كم يوم  يلا اتحرك 

مالك حاضر يا ماما شوق هعمل دا بس الاول هبوس راسك انتي الاول .. انا فخور انك امي بجد 

شوق ضحكت وقالت وهي بتضحك 

لاه يا خويا كني خلفتك ونسيتك امك هناك اهي عنيها من وقت الحفلة مطلعتش من عليك الظاهر اكده انك واحشها اوي والموضوع ديه مضايق ناس تانية ومخليها تطلع نار من ودانها اخدلي بالك انت 

فهم مالك أن شوق بتتكلم عن ابوه مهند وغيرته الواضحة على امه حتى من حبها لاولادها 

فقال مالك اخد بالي طبعا بصراحة بابا عنده حق ماما كل حاجة فيها تتحب اصلها رقيقة اوي 

شوق عنديك حق يا ولا ومش عارفة ازاي واحد طور هايج كيف مهاند اخوي اتجوز بنبوناية رقيقة اكده كيف ميار.. فعلا القلب وما يريد ربنا يهدي سرهم ويصلح حالهم 

مالك يارب يا ماما يارب 

شوق ويصلح حالك يا مالك انت كمان عقبال لما اشوفك عريس يا نضري 

مالك لاااا عريس ايه قولي اتخرج لله من الشرطة الاول وبعد كدا افكر ف الموضوع دا 

هنا جت فرح ومعاها كيان وهما بيقولوا بتبرم 

استاذ مالك ممكن بقا تبعد عن ماما شوق وتسيبهالنا بقا انت هنا قاعد معاها طول الوقت انما احنا مش بنكون موجودين باستمرار زيك انت ويزن 

مالك مط شفته 

استاذ!! يعني الحفلة دي كلها وبعد دا كله تقولولي استاذ 

فرح بمشاكسة يا عم انت هتكدب من اولها هو انت لسه دخلت شرطة اصلا 

ضحك مالك 

ماشي يا لمضة ف دي عندك حق بس اعتبريها احتمال ما سيكون يعني ياباي عليكي.. عامة انا همشي اهو بعيد عن ماما شوق خدوا راحتكم 

كيان ايوا كدا يس يس دي ماما شوق وحشتنا اوي 

حضنتهم شوق بحب 

حبيبات قلبي ونن عيني من جوة والله 

...

قرب مالك من المكان اللي قاعدين فيه مامته وباباه واول ما شافته ميار جريت عليه وحضنته 

مالك حبيبي وحشتني اوي 

مالك وانتي اكتر يا روح قلبي وحشتيني اوي 

ميار كدا اهون عليك تسيب ماما الكم يوم دول 

مالك حقك عليا يا حبيبتي والله متزعليش مني وادي ايدك ابوسها 

هنا لقا عيون بتبصله بحدة فبعد بسرعة وهو بيضحك 

اا احم ماما انا بقول اطير انا لان فيه عيون هتاكلني بنظراتها وانا مش قده بصراحة انا ما صدقت رضي عني ووافق .

ضحكت ميار وقالت مهند مفيش فايدة فيك هتفضل مخوف الاولاد من انهم يقربوا مني ع فكرة انا امهم 

قرب منها مهند وضمها ليه بحب وتملك وقال 

حتى ولو امهم يقربوا من حبيبتي انا ع اي اساس ها.. انت يالا انا مش وضحتلك الكلام دا انت واخوك قبل كدا 

هنا جه يزن 

محصلش ولا مرة قلت مش كدا يا مالك 

مالك كدا فعلا انت قلت قبل كدا لالا انت اكيد كنت بتتوهم يا بابا

رفع مهند حاجبه بانزعاج 

بتحفل عليا يا زفت منك ليه طب ايه رايكم بقا مفيش ااا 

هنا مالك مسك ايده بسرعة وفال لااا ارجوك متقلبش انا ما صدقت ان حضرتك وافقت ع دخولي كلية الشرطة 

قالها وهو بيوس ايده ربنا يخليك لينا يا بابا 

ضمه مهند وحاوط رقبته

ربنا يباركلي فيكم يا مالك اوعا تفكر اني ممكن اقف قصاد مستقبلك ف يوم من الأيام انا ميهمنيش غير مصلحتك ومستقبلك انت واخوك 

يزن حيث كدا بقا وبالمناسبة الحلوة دي جوزلولي البنت بتاعت...

ولسه مكملش الكلمة لقا شبشب زنوبة ف وشه من شوق 

فصرخ يزن خلاص خلاص رجعت ف كلامي ياربي هو فيه كدا دا مفيش تفاهم خالص

❈-❈-❈

بعد كم يوم 

دخلت شوق اوضة بنتها وعد تطمن عليها زي عادتها 

ها يا وعد يا حبيبتي عاملة ايه 

وعد كويسة الحمد لله يا مامي اخبار حضرتك أيه 

شوق اني كويسة يا بنتي طول ما انتي كويسة يا ضي عيني ها قوليلي انتي بتعملي ايه دلوك شايفاكي بتقلبي في موبايلك كدا وشكلك مشغولة ممكن اشوفه

وعد اه يا مامي طبعا اتفضلي .. انا كنت بتصفح الفيس بوك 

اخدت شوق موبايل بنتها زي ما هي معوداها انا تدخل ع كل التطبيقات عندها وتشوفها كنوع من مراقبة الاباء للابناء ووعد عارفا دا ومتفهماه من مامتها لانها معوداها ع دا من صغرها 

شوق ايه الجروب اللي ع التلجرام دا يادودي  

وعد اي جروب تقصدي يا مامي 

شوق ديه تعالي بصي كدا 

وعد امم دا جروب غريب اول مرة اشوفه تلاقي حد من البنات ضافوني فيه من غير ما اعرف 

شوق هو ينفع!

وعد اه يا مامي عادي 

شوق طب معلش يا وعد اخرجي منه لان منزليش عليه اغاني ومهرجانات وحاجات كدا ملهاش لازمة يا بنتي 

وعد اوك يا مامي هخرج حالا انا لسه والله شايفاه دلوقتي 

شوق عارفة يا بنتي عادي بتحصل بس نبهي ع صاحباتك ميضيفوكيش ف اي جروب غير بعد ما ياخدوا رأيك 

وعد حاضر يا مامي 

شوق يحضرلك الخير يا قلب مامي وربنا مامي طالعة من بوءك زي العسل يا بت يا وعد 

ابتسمت وعد لامها فكملت شوق جولتها في موبايل  بنتها 

فلقت محادثة بين وعد وبين شاب 

فقالت مين وليد كمال دا يا وعد شايفاكي فيه شات بينكم بس  باينه بنت كاتبة الاكونت باسم ابوها او اخوها مثلا 

وعد اه يا مامي دا زميل معايا ف المدرسة 

شوق زميلك في المدرسة بتحكي معاه ليه يا بنتي 

وعد لا يا مامي دا كان محتاج يعرف حاجة كدا خاصة بحصة العربي ودخل كلمني وانا علشان عارفاه ف الكلاس وكدا فرديت وقولتها ليه بس دا 

شوق امم طيب ماشي يا بنتي اقفلي الكلام ع كدا ولو كلمك وطلب منك حاجة تاني قوليله يسأل حد من اصحابه يسأل بنات ليه هي الولاد اللي ف الفصل عنديكم خلصلوا ولا باقا النت عندهم شطبت

ضحكت وعد 

هههه يا مامي عادي دلوقتي 

شوق لا يا بنتي مهواش عادي..مش عادي ابدا ان الولد يكلم البنت لازم يكون فيه حدود مينفعش نتخطاها 

وعد مامي انا بتكلم معاه ف حدود الأدب والله 

شوق عارفا يا بنتي بس مهمن كان انتوا لسه صغيرين والشيطان ممكن يدخل ما بينكم ويهىء ليكم حاجات وابواب احنا ف غنى عنها يا بنتي وكمان ربنا قال ولا متخذات آخذان يعني مينفعش نكلم شباب مباشرة ولا ع دردشة ع النت ولا غيره فهمتيني يا وعد وان كان هو كلمك علشان مصلحة وانتي رديتي فخلاص كدا خلصنا وخلص الموضوع ع كدا 

قعدت وعد ع طرف سريرها وكانت مترددة ف اللي هتقوله  

فلاحظتها شوق فقعدت جنبها 

فيه حاجة عايزة تقوليهالي يا وعد حاسة اكده ان فيه كلام ع طرف لسانك بس مترددة انك تقوليه 

بصت وعد لامها وقالت 

طب افرض انا كنت معجبة بزميلي دا يا ماما 

قالتها وعد وكانت متخوفة من رد فعل امها

ردت شوق بهدوء رغم الخوف اللي جواها ع بنتها بسبب اللي ممكن يحصل من ورا الاعجاب دا 

وارد يا وعد اننا نعجب بأي حد نقابله بسبب موقف صدر منه او كلمة معينة او حتى من مجرد شكله... وممكن نعجب بناس كتير مش حد واحد كمان.. فانتي ممكن زميلك دا شاطر ف المدرسة او مؤدب او واد جنتل اكده فانتي اعجبتي بيه فكل ديه وارد 

لكن اللي لازمن ف الموقف ديه انه يتعمل اولا انك بعد اكده تغضي بصرك عنيه هو واي شاب تاني.. غض البصر مش للشباب بس عن البنات لاه غض البصر للكل شباب وبنات لما فيه من مفاسد كتير يا بنتي واولهم الاعجاب اللي بتقولي عليه ديه... 

تاني حاجة اياكي تنجرفي ورا شعورك ديه ابدا حاولي تتجاهليه وتتعاملي ع انه زميل عادي جدا زيه زيه اي طالب تاني ف المدرسة .. ولو الموضوع ديه صادف وجيه في بالك حاولي تشغلي نفسك بحاجات تانية وتصرفي دماغك عن التفكير في الحاجات دي بالمذاكرة او بأي حاجة تانية انتي بتحبيها  .. 

قالتها وامسكت بيد ابنتها بحب 

وعد بنتي حبيبتي كبرت يا ناس وبدأ قلبها يميل.. تعرفي يا وعد انا منى عيني يا نن عيني اشوفك عروسة جميلة واسلمك بيدي للراجل اللي يصونك  ويحطك جوة عنيه بس لسه شوية يا حبيبتي لسه محتاجة تكبري اكتر وتنضجي كمان .. المستقبل لسه قدامك يا وعد ويوم عن يوم هتلاقي تفكيرك اتغير وميولك كمان اتغيرت متستعجليش لسه بدري وكله بآوانه يا حبة قلبي عيشي كل فترة بفترها واستمعتي بالمرحلة اللي بتمري بيها وافرحي واتهني في بيت اهلك انما حب وارتباط وكلام من ديه لسه بدري عليه فاهماني يا وعد 

وعد بهدوء اه يا مامي فهمتك 

شوق ربنا يباركلي فيكي يا ضي عيني 

...

قربت منه امه هناء وف ايديها طبق الأكل وهي بتقول خد مني الوكل ديه يا ولدي علشان خاطر امك 

لكنها لم تسمع منه ردا او حتى اي استجابة 

فقالت بحزن 

ادم يا ولدي هتفضل اكده مرايدشي لا تاكل ولا تشرب ولا تخرج من فرشتك ؟؟ بقالك كم يوم ع الحال ديه اخاف تروح مني يا ولدي او بعيد الشر يچرالك حاجة .. بالله عليك كل ومتقطعش جلبي عليك 

هنا اتكلم ادم بمرارة وقهر الرجال 

هيفيد بإيه الوكل ولا الشرب ياما.. ها هيفيد بأيه اني عايش ليه من اساسه ... واني عامل كيف البهيم هيعيش علشان ياكل ويشرب والناس تفضل تعلف فيه وبس ولو ممشاش ع هواهم يجلدوه وهو ياخد ع دماغه ويتلسوع كل ضربه والتانية من غير ما يستجرى يفتح خشمه حتى ورغم كل ديه لازم يطاطي وينفذ المطلوب منيه بالحرف وهو مطاطي راسه في الطين ميقدرش يرفعها للسما ياخد نفسه شوية حتى مش اكده ياما 

قالت هناء باشفاق ع ابنها هي عارفة انه مقهور من اللي حصله ومش ادم ابنها اللي بيسكت عن حقه أبدا 

هون عليك يا ولدي حاول تسنى اللي حصل وخلاص هنعمل ايه 

هنا قال ادم بحنق وبصوت عالي كله غضب 

انساه !! انساه يا ما انساه ازاي ديه... اللي حصل ديه لا يمكن يخرج من ذاكرتي لحد ما اموت.. فكرك اللي حصلي ديه هين او ممكن يمر علي اكده مرور الكرام لاه ورب الكعبة اني الموت كان ارحملي من اني يجرالي اكده لاه واللي زاد وغطا وكان ممكن اقدر اوقف اللي بيعملوه ديه وادش راسهم كلياتهم نصين ولا يهمني 

لكن ابوي ابوي وتغاضيه للي بيعملوه فيا ومطاطية راسه كانت كبيرة اوي ع قلبي متحملتهاش وقتها فقدت الزمان والمكان واتمنيت اموت ف اللحظة داي ومشوفش نظرة الانكسار والذل داي في عيون ابوي.. كنت هرفع يدي وادفع الظلم عني واني قادر ع ديه لوحدي لكن مع خذلان ابوي وكأن اللي بتيعمل فيا ديه لكبيرة من الكبائر عملتها خلاني اسكت.. وقتها بس عرفت مقامي واني مهمن روحت ولا جيت هفضل مجرد حقير نكرة ملوش اي لازمة ف الحياة عرفتي ياما ليه معايزشي لا اكل ولا اشرب

يتبع