رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الأول

تم النشر الإثنين

2/9/2024

التعريف بالشخصيات

طبعا وعد بنت شوق ودكتور رائد

مالك ويزن اولاد مهند زوج ميار

لوجي بنت امير زوج ايات

عسل وفرح  بنات عسااف زوج توبا

اياد  وكيان اولاد خالد زوج فداء 

❈-❈-❈

الفصل الأول

وجدته قادم إلى بيتها ومعه حقيبة ملابسه 

فقالت متسائلة 

_واه  يا نضري انت چاي بشنطة هدومك ليه خير ف ايه اوعا تقول انك اتخانقت مع ابوك تاني 

أجابها بحنق وهو يهوي على الاريكة 

_ورابع وعاشر كمان يا ماما شوق ويكون ف علمك انا مش هرجع لبابا تاني بعد النهاردة خلاص 

جلست جواره واعينها على وسعهمها مما تسمع 

_لاه وربنا وما اعبد الموضوع اكده كبير وكبير اوي كمان فيه ايه يا نضري مالك احكيلي ايه اللي حصل، أني مش قلتلك اسمع كلام ابوك وطيعه مهمن كان، ديه طاعة الوالدين من طاعة ربنا 

اجابها حانقا 

بسمع كلامه في كل حاجة زي ما بتوصيني دايما وانتي عارفة دا ، وكمان انتي عارفة ان أنا وبابا  عاملين ازاي مع بعض وعلاقتنا عاملة ازاي 

مطت شوق شفتيها 

ايوة عارفة عاملين كنكم ناقر ونقير ولا كأنكم ند لبعض ولا مولودين فوق روس بعض

رد بضيق

اعمله ايه ما هو اللي بقا صعب التعامل اوي انا مبقتش فاهم هو عايز مني ايه 

تنهدت شوق بحلة حيلة

 وربنا انتي اللي اصعب منه ف التعامل يا مالك،  صحيح ابوك مهاند عِندي لكن انت اكتر منه بمراحل ، ومع ذلك اني شايفاكم بتقدروا تنسجموا كتير مع بعض واكتر واحد بتفهمه بسهولة، وع كل يا مالك لازمن تعرف ان اللي بتتكلم عنيه ديه ابوك ولازم يكون ليه احترامه ووقاره اكتر من اكده 

رد مالك بانزعاج 

ماما شوق انتي اكتر حد عارف اني عمري ما قليت ادبي مع بابا انا ممكن اكون عصبي ومدب حبتين بس مش على بابا استحالة 

 شوق كدت ايديها وملست ع شعر مالك 

عارفة يا نضري عارفة ربنا يحميك لشبابك ويهديلك ابوك 

 مالك بص بشوق وقال بجدية 

_ انا بسمع كلامه ف كل حاجة لكن لحد هنا وكفاية 

أجابت بعدم فهم 

لحد هنا يعني ايه فهمني يا واد 

مالك بانزعاج عندما تذكر حديثه مع ابيه 

فلااش بااك 

مالك 

بابا بم ان باب التقديم قرب يفتح فأنا أحب اقولك اني ناوي ادخل شرطة بإذن الله او حربية ع حسب الظروف وقتها واللي هجتاز فيه 

مهند رفع حاجبه ياستنكار

 نعم يا خويا شرطة ايه دي كمان، لا الموضوع دا تنساه لا شرطة ولا جيش ولا حتى بحرية، اختارلك كلية تانية هي من قلة الكليات يعني 

مالك 

 بابا دا حلمي وانا عايز كدا ايه المشكلة بقا 

 مهند 

المشكلة اني مش موافق ع دا 

مالك 

ليه هتقف قصاد حلمي يا بابا 

مهند 

وهحاربه كمان لو حصلت يا مالك

مالك 

ليه ها ممكن اعرف ليه .. عايز تهد حلمي من قبل ما ابنيه ليه

مهند 

اظن انا مش محتاج اقولك اي سبب او مبرر لرفضي واللي اقوله يتنفذ بالحرف مفهوم 

رد مالك بإصارار وهو ينظر لعيني والده بقوة معهودة عنه 

اسف يا والدي انا مش موافق ع كلامك دا ومش هسمحلك تقتل حلمي اللي بتمناه من زمان جدا عن اذنك 

مهند بغضب 

سمعني تاني قلت ايه يا ولد؟

مالك بقوة وهو يصعد لغرفته 

اللي حضرتك سمعته يا بابا انا مش هتنازل عن حلمي واظنك تعرف اني مش انا اللي استسلم بسهولة 

مهند بانزعاج ولد تعالى هنا 

لكن لا حياة لمن تنادي صعد مالك غرفته ولم يبالي بنداءات والده 

باااك 

شوفتي يا ماما شوق بابا واقف قصاد حلمي ازاي وانا لا يمكن اتخلى عنه 

شوق 

خلاص يا نضري متزعلش اني هتكلم مع مهاند ف الموضوع ديه والله ما تزعل أبدا... 

مالك

 طب اااانا هفضل عندك هما لكم يوم دا بعد اذنك يا ماما شوق 

شوق وماله يا  حبيبي تآنس وتنور الدار دارك اطلع يا غالي يا ابن الغالي . اوضتك انت واخوك زي ما هي فوق ارتاح فيها 

قبل مالك يد شوق ثم صعد إلى أعلى وهو ع يقين ان مشكلته ستحل ما ان تتدخل بها شوق 

...

على الجانب الآخر 

في مكان ما بصعيد مصر 

في بيت اقل ما يقال عنه انه قصر ..بيت كبير وعريق يرجع لأحد اكبر الرجال الاثرياء ف الصعيد " ثرايا دهشان"

كان عائدا من الخارج وخلفه ولده يؤنبه 

اني منيش فاهم مخلف طور ولا بهيم ولا ايه بالظبط 

زفر همام بانزعاج 

خلاص يا بوي بكفاياك عاد كحلت وشي بعتابك ديه 

دهشان

بكفاياني ايه اني غلبت ف الحديت امعاك وانت كيف البلغة معتفهمش ومهتسمعش كلامي واصل .. كم مرة قلتلك يا واد انت تسمع كلامي وتعمل كيف ما بعمل حوصل ولا محصولش 

همام خلاص يا بوي حوصل وعرفت وهعمل اكده وطي صوتك بقا هتشمت فيا اللي يسوى واللي ميسواشي 

دهشان انت اللي جايبه لنفسك يا غبي وربنا وما أعبد لو اتكرر تاني ما هعديهالك يا همام 

همام ماشي يا بوي حقك ع راسي انتهينا  يا ابوي ابوس  يدك 

رمقه دهشان بانزعاج ثم رحل 

أما همام  فزفر بانزعاج وما ان لمح ادم حتى توجه نحوه ليصب جام غضبه وانزعاجه وقال 

واقف عنديك بتبص علي ايه اياك روح شوف وراك ايه واعمله قبر يلمك

قالها ورفع ليده لتطال وجه ادم ذاك الخادم الذي يعمل مع والده ف حديقة السرايا 

لكن ادم رفع يده بقوة وامسك بيد همام قبل ان تطاله وهو يقول بحدة 

فكر بس تكررها تاني واني كنت اكسرهالك .. لم يدك جبنك يا همام أني معملتش فيك حاچة عفشة علشان تتجرأ عليا أكده 

همام 

لاه اوعاك تكون فاكر نفسك حاجة يا ابن الجنايني ..أني افعصك تحت بلغتي داي 

ادم 

مفيش فايدة منيك هتفضل بوء ومنظر على الفاضي ولا تقدر تهش ولا تنش روح لحال سبيلك يلا

همام 

تقصد ايه باللي عتقوله ديه يا واد المخروب انت 

ادم 

مقصدش يا سيدي روح شوف حال سبيلك وهملني انا مفاضيشي للهيافة بتاعتك داي 

قالها ورحل تاركا اياه يغلي من الغيظ 

ماشي يا واد الجنايني ان ما عرفتك مقامك مبقاش اني واد الدهشان ..وهتشوف.

...

في غرفة وعد 

دخلت اختها نغم وهي تقول 

وعد بتعملي ايه 

لكنها لم تجد ردا من اختها فقالت 

وعد انا بكلمك مش بتردي ليه 

وعد قالت ببرود 

زي ما انتي شايفة يا نغم بلعب بالموبايل 

نغم وانتي مش بتذاكري ليه يا وعد هو دا وقت لعب انتي ف الثانوي يا بنتي 

وعد ايه يا نغم زهقت من المذاكرة  فبرتاح شوية وبغير جو فمسكت الموبايل فيها حاجة دي احنا ف اجازة يا ناس افهموا انا لسه يادوب مخلصة الامتحانات ملحقتش اشم نفسي الرحمة 

نغم وعد انتي عارفا ان بابا هيزعل لو جه ولقاكي مخلصتيش المواد اللي طلب منها تذاكريها 

وعد 

لا متأكدة ان بابا مش هيزعل اطلعي منها انتي 

نغم اطلع منها!! انتي ليه بقيتي تكلميني كدا انا عايزة مصلحتك وكمان انا اكبر منك 

وعد عارفا انك اكبر مني بس شكرا وفري نصايحك لنفسك انا عارفة انا بعمل ايه كويس

اتنهدت نغم بضيق 

ماشي يا وعد اللي يريحك انا ماشية 

وهبطت الدرج نزولا إلى أسفل 

فرأتها شوق والضيق بادي على وجهها فقالت 

مالك يا قلبي وشك كنه فيه حاجة مضايقاكي 

نغم 

سلامتك يا ماما شوق مفيش حاجة يا حبيبتي 

شوق الله يسلمك من كل ضيق ومكروه يا بنتي.. انتي كنتي عندك اختك وعد مش أكده 

نغم اه يا ماما شوق مش عارفة ليه بتكلمني بعداء  كدا مع اني بحبها جدا والله العظيم دي اختي الصغيرة بس مش فاهمة هي ليه اخدة مني موقف كدا 

شوق 

لا يا قلبي مهياش واخدة منك موقف ولا كارهاكي ولا حاجة هيا الا اللي امورها الايام داي مهياش عاجباني من اصله بس اهو اديني صابرة عليها وبقول ربنا يهديها ويصلح حالها وحالكم... هو بس ابوكي مدلعها حبتين تلاتة اربعة وكأنه مخلفش غير وعد وبس 

ضحكت نغم وقال 

هههه مالك بتقولها وانتي غيرانة ليه يا ماماا احنا بناته مش غيرانين كدا 

شوق ضحكت لاه منيش غيرانة ولا حاجة بس بصراحة الدلع زيادة عن الحد بينقلب ضده يا نغم  ربنا يصلح حالها يارب دي حتة مني وقلبي كله وانتم كمان وربنا اللي يعلم 

حضنتها نغم وقالت بحب 

حبيبتي يا ماما شوق احنا عارفين غلاوتنا عندك يا حبيبتي من غير ما تقولي ربنا يديمك في حياتنا نعمة يارب 

هنا نزلت وعد واول ما شافت نغم في حضن شوق 

قالت بانزعاج 

الله الله يعني سايباني انا ملطوعة فوق ولما بنزل بتركبيلي الوش الخشب يا مامي وقاعدة دلوقتي  تحضني في  نغم وتحبيها وانا لا 

هنا شوق ونغم انفجروا في الضحك على غيرة وعد الواضحة 

فقالت وعد بغضب 

ممكن افهم بتضحكوا ع ايه دلوقتي هل انا قلت حاجة تضحك يا ست نغم 

شوق 

لاه يا قلب امك ونن عينها من چوة تعالي يا بت في حضن امك تعالي 

وعد لا انا زعلانة يا مامي 

شوق يا بت انتي بتغيري من نغم اختك.. انتم اخوات ومعزة واحدة يا بنتي وعمري ما اعرف افرق بينكم ابدا وعد لازم تعرفي ان نغم بتحبك ودايما عايزة مصلحتك لازمن يا بنتي تتقبلي كلامها بهدوء و نفس صافية 

وعد 

حاضر يا ماما 

شوق وربنا لو لفيتي الدنيا ما هتلاقي اخت في حنية نغم يا سلام لو كان عندي اخت زيها وربنا ما كنت هفرت فيها ابدا 

وعد حاضر يا مامي هسمع كلام نغم كفاية بقا 

شوق

 انتي يا بت انتي خلقك بقا ضيق ليه كدا.. اه صح اياكي تنزلي بشعرك تاني مالك ابن خالك جه فوق فى اوضته وهيقعد عندينا كم يوم علشان اكده اتأكدي انك خارجة من اوضتك بكامل حجابك 

 ما  ان سمعت باسم مالك  حتى قالت بفرحة قالت 

ايه دا مالك هنا ومش بتقولي يا مامي ليه ساكتة طول الوقت دا ... طب ويزن مجاش معاه ليه 

في ذاك الوقت اتى يزن وقال ببسمته المعهودة وطلعته الفاتنه 

انا جيت اهو يا دودي عاملة ايه وحشتيني اوي يا قمر 

وعد وانت كمان يا ميزو عامل ايه 

يزن كويس يا قمر طول ما انتي كويسة 

شوق لنغم 

بت يا نغم هو احنا هوا يا بت الاتنين قاعدين يغنوا قصاد بعض ولا كأننا واقفين 

تبسم يزن 

ههه اسف يا ماما شوق بس كان لازم الترحيب بالسنيوريتا الاول طبعا وبعدين ارحب بالملكة وبنت الملكة عاملة ايه  يا ماما يا حبيبتي عاملة ايه يا نغم 

نغم انا كويسة يا يزن اخبارك ايه 

يزن الحمد لله عايش لسه ع وش الدنيا 

ضحكت شوق انت يا واد مفيش فايدة فيك أكده بعدين تعالى اهنه مزعلين مالك ليه ها 

يزن وربنا ما انا المرة دي دا بابا هو عندك بقا كلميه وخرجوني انا من حوارتهم دي 

وعد ايه دا هو مالك زعلان انا طالعة ليه 

شوق خدي يا بت اهنه انتي مبقيش صغيرة تعالي اهنه لما يبقى ينزل من اوضته ابقي اتكلمي معاه لكن تدخلي اوضته ديه خلاص مبقاش ينفع 

وعد يووه يا مامي حاضر 

يزن سيبك انتي منه يا وعد وتعالي نحكي شوية مش هتتصلي بلوجي تيجي هي كمان 

شوق واد انت خد بعضك ورح شوف اللي وراك وانتي يا وعد اطلعي خلصي مذاكرتك يلا 

وعد يووه يا مامي مذاكرة ايه اللي ف الاجازة دي كفاية بقا انا تعبت 

شوق لاه اني منيش هتكلم هسيبك لابوكي وهو هيتصرف معاكي وانت يا يزن يلا ورينا عرض كتافك 

يزن الله واشمعنى مالك هنا بشنطة هدومه انا هقعد معاه 

شوق اني عارفة اني خلفتكم ونسيتكم ماشي يا يزن اقعد لما ابقا اشوفلي صرفة ف ابوك اللي دايما تاعب قلبي معاه

اتصلي بيه يخلص اللي في يده ويچيلي اهنه طوالي 

يزن حاضر يا ماما شوق هكلمه

توجه زين جانبا ليتصل بوالده

مهند ايه يالا عايز ايه 

يزن باشا مصر كلها مساء الخير يا برنس عامل ايه 

مهند انجز يلا وقول عايز ايه الدخله دي مش عجباني صوتك بيقول ان في حاجه

 يزن اصل بصراحه كده بقى فرحان فيك 

مهند عملت ايه بشرني يا اخويا 

يزن لا ما هو مش انا اللي عملت المره دي انت اللي عملته والحكومه منتظراك وشكلك كده هتدخل مجلس تأديب 

مهند انهي حكومه يلا بالظبط رسيني 

يزن لا لا مش الحكومه الكتكوتة اللي عندك في البيت الحكومه اياها 

مهند اوبا الكبيره

 يزن هي بعينها ومستحلفه لك يا باشا وبتقول لك في التو واللحظه تتشقلب وتتنطط وتكون عندها حالا 

مهند ربنا يستر ده شكلها فعلا متضايقه وهتطلعهم عليا 

يزن هو كده بالظبط يا برنس اطير انا بقى 

مهند استنى يلا انت مش جاي معايا ولا ايه تهدي النفوس 

يزن

ولا اعرفك يا برنس بس انت عملت ايه كده مخليك خايف منها 

مهند بارتباك لا لا ما عملتش حاجه ما عملتش اقفل خليني الحق اروح لها قبل ما تشيط اكثر 

يزن  وربنا شكلك عملته مصيبه غير المصيبه اللي هي كانت عايزاك فيها

مهند اقفل يا يزن اقفل ابقى روح لميار قلبي خليها تبعت لي عيش وحلاوه 

انفجر يزن ضاحكا يزن ربنا يكون في العون سلام

ترك مهند ما في يده وتوجه نحو سيارته ليطير بها مسرعا الى بيت شوق اخته 

استر يارب ومتكونش شافتها ماهي مش هتشيط كدا وتطلبني ف التو والحال الا اذا شافتها 

...

في الشركة 

انهى خالد عمله وحمل جاكيته وقال 

كفاية شغل كدا النهاردة انا رايح علشان اتغدى ف البيت 

نهض اياد ولده هو الاخر من مكانه وقال 

اه كفاية كدا انا هموت من التعب.. يا ترى ماما محضرة لينا اكل ايه ع الغدا النهاردة لاني واقع من الجوع 

رمقه خالد بنظرة حدة 

انت قايم رايح فين 

اياد ايه يا بابا راجع مع حضرتك البيت علشان نتغدى 

خالد بصرامة هل انا قلت كدا ؟؟ انا قولتلك قوم سيب شغلك وتعالى معايا علشان تتغدى ف البيت 

 نظر اياد اوالده بارتباك 

بابا ااا انااا 

خالد 

بابا؟! هل انا متفق معاك قولي ف الشغل بابا!! احنا هنهزر يا اياد ولا ايه 

اياد بوجل 

اا انا اسف يا با.. قصدي يا خالد بيه انا مش قصدي بس انا لقيت انه احنا لوحدنا فقلت بابا عادي 

خالد لا مش عادي هنا ف الشركة متنادينيش غير خالد بيه وبس مفهوم !! اوعى تنسى دا تاني 

اتنهد اياد بقلة حيلة 

مفهوم يا خالد بيه انا اسف 

خالد اتفضل اقعد كمل الملف اللي كنا شغالين عليه واوعى تمشي من غير ما تخلصه 

اياد ايوة بس دا لسه شغل كتير اوي مش هيخلص النهاردة 

خالد قلت متمشيش الا لما تخلصه كلامي واضح ولا تحب اوضحه اكتر 

ابتلع اياد ريقه بخوف من والده 

لالا واضح حضرتك هعمل اللي تقول عليه 

رمقه خالد نظرة اخيرة قبل ان يرحل تاركا ابنه الجائع المتعب وحده ف المكتب 

ما ان رحل خالد حتى ركل اياد الكرسي بقدمه 

وبعديين بقا انا تعبت من الشغل وجعان هو بابا بيعمل معايا ليه كدا 

يتبع