رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل التاسع 

تم النشر السبت

29/9/2024

اتهز ادم من مكانه وقال بابتسامة واسعا وعيون كلها حماس وكأن الحلم بيتجدد في عنيه من تاني 

عنجد انت كمان نفسك تدخل شرطة زيي؟!! لاه واهلك مهماش اموافقين ع كماني ع دخولك كلية الشرطة!! 

مالك اه ياما اتحايلت ع بابا بس ملن رافض الفكرة تماما ومانع النقاش فيها لكن الحمد لله بفضل ماما شوق قدرت تقنعه واخيرا وافق وهدخل الشرطة بإذن الله 

فرحله ادم اوي 

والله فرحتلك اوي يا مالك الشرطة داي حلمي البعيد بس كيف اوصله واني واد الجنايني الغلبان لا عندي واسطة ولا يحزنون... ربنا يوفقك يا رب اشوفك اجدع ظابط ف الدنيا بس اوعاك مش الظلم وبطش الناس لو وصلت لمنصبك ديه 

مالك ابتسم وانت معايا يا ادم اظن انك هتكون شريك عظيم ومممن نكون تيم ملوش حل 

ادم حلم بعيد اوي يا مالك بالله ما تفتح عليا المواجع اني بحاول اغطي الجرح يمكن يستكين وانساه وانسى المه متحاولش تكشفه تاني لان وجعه واعر اوي 

مالك ليه اليأس دا لو ع الواسطة يا ادم محلولة ان شاء الله انكا المشكلة الاكبر ف والدك هو اللي محتاج إقناع زي بابا كدا ودا بقا محدش هيقدر يقوم  بيه الا الكبيرة الابلة شوق تقعد معاه وتقعنه بطريقتها 

اتجدد الامل ف قلب ادم واتسعت ابتسامته اكتر 

هتوافق تكلم ابوي؟؟؟ 

مالك وليه لا ماما شوق عمرها ما ردت حد طالب مساعدتها أبدا وكمان انت بتقول هي عرفام وانت عارفها يبقى اكيد هتوافق لو دا فيه مصلحتك وانت عايز دا.. متقلقش انا هقولها وهخليها تكلم والدك علشان تلحق التقديم ونجتاز تدريبات القبول سوا ان شاء الله 

ادم فرح وقام وقف وفرد دراعاتخ ديه احسن خبر سمعته ف حياتي 

وفجأة اتوأه بألم اااه

 مالك مالك ف ايه 

ادم بحزن حاول يداريه لاه لاه متاخدش ف بالك . تعالى يلا معاي ع دارنا اعمل معاك الواجب ونشرب كوبايتين شاي ع قد ما قُسم  داري قريبة من اهنه .. تعالى اتفضل 

مالك اكيد هاجي انا يزيدني الشرف وعارف انك صاحب اصول وكلك واجب بس مش هينفع وانا هدومي مبلولة كدا ارجع البيت اغير هدومي بس ونتقابل تاني 

ادم فرح لان مالك قبل عرضه ف أنه يجي عنده البيت وقال 

تمام اني كمان هندلى اغير خلجاتي واستناك اهنه علشان تأنسني ف داري 

مالك قشطة اوي سلام مؤقت يا صاحبي 

ولما اتفرقوا الاتنين ورجع مالك لبيت شوق 

اول ما شافته 

قالت مالك ايه اللي بل هدومك اكده انت  نزلت الماية بهدومك ولا ايه 

مالك لا دا حوار كدا هبقى احكهولك بعدين يا ماما شوق لاني اصلا محتاج مساعدتك فيه 

 شوق خير كفا الله الشر يا ابني 

مالك لا خير ان شاء الله اطلع بس اغير هدومي وانزلك 

شوق طيب لاني عايزاك معايا ف مشوار اكده 

مالك مشوار ايه يا ماما شوق  مينفعش يتأجل انا كنت هقابل واحد صاحبي منتظرني 

شوق معلهش مسافة السكة منيش هأخرك معايا هتعاود بسرعة علشان ترجع لصاحبك 

مالك حاضر هغير هدومي وهنزل علطول 

شوق يحضرلك الخير يا غالي 

..

اما في بيت ادم 

دخل البيت بسرعة وقال بلهفة وهو بينادي ع امه 

امااا يا ام ادم يا امااا 

جت هناء من المطبخ وع ملامحها التوتر والقلق 

فيه ايه يا ولدي مالك انت بخير يا حبيبي 

ادم بحماس اني بخير ياما عايزك بس تجهزي البيت وتجهزي وكل حلو اكده ع قد الحال علشان واحد صاحبي جايلي اهنه واول مرة ياجي وانتي عارفة اكرام الضيف يا ما مش هوصيكي 

هناء فرحت لما شافت وش ابنها نور والحياة رجعتله من تاني بعد ما كان شاحب وحزين وكأنه فاقد الرغية ف الحياة 

يا اهلا وسهلا بصاحب الغالي يانس ويشرف يا ابني والله ديه اني اعمله الحلو كله.. اني اساسا كنت بروق البيت  وبجهز وكل علشان ابلة شوق جايلانا بعد هبابة تقعد معانا شوية وانت عارف معزة ابلة شوق عندي قد ايه ودخولها عليا الدار بمثابة دخول الفرح كلياته يا بركاتك يا ابلة شوق لسه مجتيش وولدي روحه اتردت ليه يا هناي ياولاد يا ما انت كريم يارب

ادم ابتسم شوفتي الصدف ياما اهو صاحبي اللي بتكلم عنيه ديه يبقى ابن اخو الابلة شوق لسه متعرف عليه وعزمته ياجي عندي اهنه ف الدار اني هروح اغير خلجاتي واروح اجيبه واعاود

هناء طب حلو اوي واخيرا لقيت لك صاحب يا ادم يا ولدي طول عمرك ملكش صحاب وكنت بتمنى ان يكون ليك حد تحب وتروح وتاجي وتهزر وياه وتقضفضله همك بس انت دايما كنت تقولي مهماش شبهي ياما ومنيش عارف اتقألم معاهم اني عايز حد احس انه يشبهني وفاهمني 

ادم واخيرا لقيته ياما لقيت اللي يشبهني ودماغه زي دماغي أمنيتك اتحققت يا غالية...

هناء يا ما انت كريم يا رب ما ضاقت الا لما فرجت بصحيح

ادم طيب ياما يلا جهزي حالك واني هغير خلجاتي واجيلك اشوفك محتاچة ايه واعملهولك قبل ما اروح اجيب مالك اهنه 

هناء لاه يا ولدي عايزة سلامتك ما تتعبش حالك اني هعمل كل حاجة البس انت وروح جيب صاحبك وهتلاقي كل حاجة جاهزة واحسن ضيافة علشان صاحبك كماني 

ادم مد ايده ومسك ايد امه وباسها 

ربنا يخليكي ليا ياما 

هناء ويخليك ليا يا ولدي ويبعد عنيك كل شر 

...

لبس ادم وراح ع المكان اللي هينتظر فيه مالك وميل جنب الشجرة لحد ما يجي

في الوقت دا مالك وشوق كانوا وصلوا لبيت هناء واستقبلت هم بالترحاب الشديد 

يا اهلا وسهلا بأبلة شوق وحبايبك ابلة شوق نورتوا الدار والله اتفضلوا اتفضلوا 

شوف الدار منورة باصحابها يا هناء.. ديه مالك ابن اخوي حبته معاي علشان يتعرف ع ادم 

هناء والله بصحيح انت مالك صاحب ادم ديه راح ينتظرك علشان يجيبك ع اهنه مكانش يعرف انك هتاجي مع ابلة شوق 

شوق قالت بفرحة يعني ادم هو دا صاحبك اللي رايح تقابله يا مالك؟؟ 

مالك وهو حاسس انه مش فاهم اوي فقال تقريبا هيبقى هو طالما والدته عرفتني وحضرتك بتقولي ادم يبقى هو... انا رايحله لانه اكيد منتظرني 

هناء ايوا يا ولدي هو منتظرك وقالي انه رايح يجيبك ع أهنه 

مالك تمام يا طنط انا رايحله حالا عن اذنكم وفرصة سعيدة اني اتعرفت ع حضرتك 

هناء الله يعزك يا ولدي ...اللهم بارك يا ابلة شوق ولدك متربي زين الله يخفظهولك يارب

شوق اللهم امين ويخليلك ادم يا حبيبتي 

وصل مالك للمكان اللي ادم قاعد فيه وقال 

السلام عليكم اتأخرت عليك ولا ايه 

ادم ايوا يا عم اني منتظرك من بدري اني خللت واني قاعد 

ضحك مالك اسف ع التأخير بس لو تعرف كنت فين هتعذرني 

ادم باسلوب كوميدي ملكش عذر غير بيت الراحة غير أكده مش مسموح واصل

ضحك مالك بعلو صوته وقال مينفعش  اقول اني كنت ف بيتكم مثلا 

ادم واه هتروح بيتي تعمل ايه من غيري يا حزين 

مالك كنت مع ماما شوق بوصلها لهناك وصادف انه طلع بيتكم يا عم 

ادم  ايوا صح امي قايلالي ان ابلة شوق جايالها واني جيت علشان اخدك ع هناك اتاريك انت سبقتني ع هناك... طب يلا نرجع عايز اسلم ع ابلة شةق اتوحشتها جوي 

مالك تمام يلا 

❈-❈-❈

عند شوق فين سلمان يا هناء ملوش حس يعني 

هناء نايم جوا هتلاقيه يصحى كمان هبابة ديه وقت صحيانه علشان يعاود ع سرايا الدهشان 

هنا خرج سلمان من اوضته وقال اني صحيت اهوه يا ابلة شوق امنورة الدار 

شوق عامل ايه يا سلمان وازي صحتك 

سلمان زي ما انتي شايفة يا ابلة شوق صحتي معادتش زي الاول لولا الواد ادم لا كنا عرفنا ناكل ولا نشرب 

شوق الحمدلله يا سلمان دوام الحال من المحال أحمد ربك انه رزقك بعيل تاخد بحسه ويكون سندك وقت عوزة

سلمان الحمد لله بس راسه وراعرة اوي يا ابلة شوق 

شوق سيب الواد ف حاله يا سلمان يعمل اللي يلد عليه وأبعده عن سرايا دهشان داي خالص 

سلمان واه ومين اللي عيهتم بالجناين اني مبقتش حمل شيل وحط 

شوق لاه ادم المستقبل والتعليم مستنيه مش هسيبك تدفنه ف سرايا دهشان لحد ما تجيب اجله 

سلمان قصدك ايه يا ابلة شوق انا محلتيش اعلم الواد اكتر من اكده منيش قد مصاريف الجامعا والكلام ديه 

شوق ملكش صالح بالمصاريف ادم هيندلى مع مالك صاحبه ع القاهرة واني هتكفل بكل مصاريفه لحد نا يخلص جامعة ويشتغل ان شاء الله 

هنا كان ادم ومالك وصلوا فقال 

ازيك يا ابلة شوق اتوحشتك والله طمنيني عنيكي 

شوق اني بخير يا حبيبي ان شالله تسلم وتعيش 

ادم متأخذنيش يا ابلة شوق غرضك الف من يتمناه بس اني مهقدرش اقبل عرضك اني معرفش اكون عالة ع حد 

شوق ومين قالك اكده انت ولدي الاي مخلفتهوش يا ادم فيه ابن بيكون عتلة ع اهله

ادم عارف يا ابلة شوق بس اني اسف مهقدرش ع اكده اني هفضل اهنه افلح ف الارض واروح مع ابوي او اشتغل ف اي شغلانة اكل منها اني واهلي عيش بالحلال ومش مهم الجامعة طالما اني مش حمل مصاريفها 

قالت هناء باندفاع 

لاه يا ولدي اوعاك تتخلى عن حلمك لما خلاص الطريق انفتح ليك ربنا بعتلك ابلة شوق تاخد بيدك اوعى تكسف يدها وترد الايد اللي اتمدت علشان تساعدك ربنا سبب الاسباب فاسعى واتوكل عليه 

شوق صح اكده يا ادم  اسمع كلام امك وكمان لما ان شاء الله تخلص جامعة وتشتغل وقتها هنبقى نتحاسب ايه قولك 

بصلها ادم بحيرة فحط مالك ايده ع كتف مالك وقال 

مش هسيبك الا لما نكمل مشوارنا سوا يا ادم وافق بقا 

اتنهد ادم بقلة حيلة 

ماشي يا ابلة شوق بس اوعدك اني هردلك معروفك ديه ف يوم من الأيام 

.....

كانت بتحس باحسيس غريبة اول مرة تحس بيها .. احاسيس خليتها مبسوطة ومتوترة ومرتبكة كله ف وقت واحد بس الاهم من كل دا انها كانت فرحانة 

علشان كدا وبدون تفكير فتحت رسالته وردت عليه وهي بتقول 

انا الحمد لله كويسة شكرا لسؤالك عليا بس من فضلك انا مش هرد تاني لاني مش هينفع اتكلم مع شباب تمام؟ 

ردت كدا وقفلت الفون ولسه بتفكر تنام 

سمعت صوت رسالة ففتحتها بسرعة وكلها حماس ولهفة انها تقرأها 

لما قراتها كان مكتوب فيها انا اسف انا عارف ان ما ينفعش ابعث لك رسائل وانك ما ينفعش تردي عليا بس اعذريني انا لازم اطمن عليك وخاصه ان انا في اجازه ومش بقدر اشوفك تسمحي لي ان كل يوم ابعث لك رساله اطمن عليكي فيها وانك شوفتيها بس من غير ما تردي لو لقيتك شوفتيها كده انت بخير وهكون مطمن مش منتظر منك رد خالص او اكثر من كده تقبلي خالص اسفي واحترامي 

رساله وليد فرحت وعد جدا وخليتها تبتسم

وقالت يااه دا طلع انسان محترم بجد انا حقيقي مشوفتش كدا قبل كدا يعني معقول بيحبني وعايز يطمن عليا وبس.. ومعنى كلامه انه مش داخل يكلمني علشان يتسلى دا كل غرضه انه يطمن عليا وبس ومش مهم ارد ولا لا 

فضل قلبها يرقص بفرحة لحد ما كانت خلاص هتروح ف النوم 

سمعت باب اوضتها بيخبط وقال مهند 

وعد نمتي؟ 

وعد وع ع سريرها 

 اتفضل يا خالو انا لسه كنت هنام اهو 

فتح مهند الباب وقرب من وعد وباس راسها 

يا روحي انا عملت ليكي ازعاج ولا ايه انا فكرتك لسه صاحية فجيت اطمن عليكي و اقعد معاكي بس خلاص بم انك هتنامي انا همشي يلا تصبحي ع خير 

وعد لا يا خالو خليك معايا شوية 

قعد مهند ع طرف السرير 

حبيبة قلب خالو وبنته اللي مخلفهاش يا ناس 

وعد تعرف يا خالوا انا بحبك اوي اوي اوي 

مهند وانا بموت فيكي يا عيون خالو 

وعد لا انا النهاردة بحبك اكتر واكتر كمان 

ابتسم لها مهند فقالت خالو هو الحب عيب؟ 

مهند لا يا حبيبتي الحب لا هو عيب ولا حرام .. الحب دا اجمل حاجة في الدنيا بيعطي للحياة طعم تاني كدا واحاسيس ومشاعر مختلفة وانا فاهم قصدك ع اي حب ... علشان كدا هقولك ان الحب اللي بيكون علني هو الحب اللي مش عيب او حرام انما اللي ف الدرا وبعيد عن الناس هو اللي حرام وعيب يا وعد 

وعد اها تمام فهمت حضرتك يا خالو 

 مهند قلبه ارتاب من اسألتها ومن حماستها ووشها اللي بيسأل وهو منور ومبسوط لكنه مبينش دا 

وقال يا روح خالوا انتي 

وعد احكيلي يا خالوا عن قصة الحب بينك وبين طنط ميار انا عارفة ان حضرتك كنت بتحبها من زمان 

مهند وهو بيسترجع ايام زمان واول مرة شافها فيها وفكرها الخدامة بتاعة خالد فتلقائيا البسمة الواسعة اترسمت ع وشه وقال بسعادة يااااه فكرتيني بأول لقاء ما بينا حبيتها من اول نظرة.. وقعت في غرامها من قبل ما تتكلم حتى 

وعد هو فيه فعلا حب من اول نظرة يا خالو

مهند فيه اكيد وانا عندك خير مثال بس ف الاول مش بنعرف انه حب او بالاحرى لازم نتأكد اذا كان دا حب بجد ولا مجرد اعجاب.. ثانيا حتى لو كان حب مينفعش ننساق ورا الحب دا الا لما نشوف ظروفنا الاول 

وعد يعني ايه مش فاهمة 

مهند يعني انا وقتها كنت هموت واتجوز ميار ومهتمتش بقا اذا كنت مؤهل ف الوقت دا ولا لا.. كنت عايز اتجوزها وتكون ليا وبتاعتي وبس لا فكرت ف شقة ولا شغل ولا ازاي هصرف عليها بعد ما نتجوز .. كنت لسه شاب طايش وامك اللي عقلتني بالبلغة بتاعتها 

ضحكت وعد ههه اه مامي علطول بتضربك 

كشر منهد ومالك يا بنت انتي بتقوليها وانتي بتضحكي ليه كدا كأنك فرحانة فيا مثلا 

ضحكت وعد اكتر هههه بصراحة بشوف حضرتك بتخاف من مامي رغم ان حضرتك كاريزما و يزن ومالك بيعملوا لحضرتك الف حساب وكلنا كمان 

مهند فيه فرق بين الخوف من البطش والخوف احترام للشخص اللي قدامي وشوق والدتك يا وعد ليها فضل كبير اوي عليا وف حياتي كلها وانا مهما قولت او وصفت مش هقدر اوفيها حقها انا بحب شوق اختي حب مكنتش اتصور في يوم من الايام اني ممكن احبه لحد كدا.. حبي ليها بكنوز الدنيا كلها 

وعد بمكر  بتحب مامي اكتر من حبك لطنط ميار 

مهند ابتسم حبي لشوق مختلف عن حبي لميار ومختلف عن حبي ليكي و لأولادي يا وعد الحب انواع كتير و منقدرش نستغنى عن اي نوع منهم لان لولا الحب لكانت الحياة جحيم ملهاش طعم 

وعد فهمتك يا خالو انا نفسي احب زي حضرتك كدا 

مهند بمكر اي نوع حب تقصد يا صغنن انت 

اتلونت خدود وعد بلون الطماطم احم بتحرجني ليه يا خالو 

مهند هيجي اليوم وتحبي وتتحبي يا روح خالو وهتبقي احلى عروسة ف الدنيا كلها بس مش دلوقتي انتي لسه صغيرة والمستقبل قدامك طويل يا وعد تمام يا روحي 

وعد تمام يا خالو 

هنا مهند قام وقف وقال اسيبك بقا يا حبيبتي علشان تنامي واروح انام انا كمان تصبحي ع خير 

وعد وحضرتك من اهله 

يتبع