رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل العاشر

تم النشر الجمعة

4/10/2024

 يزن كان قاعد ف اوضة بياكل ف نفسه فحسم امره وقال 

لا مبدهاش بقا انا هروحلها لازم اشوف حل للموضوع دا 

وقام من مكانه وراح عند باب اوضة وعد وخبط وهو بيقول وعد حطي حجابك ع شعرك لاني هدخل عايز اتكلم معاكي 

بسرعة وعد قامت ولبست حجابها وراحت فتحت ليزن وقالت وهي بتشيل اثار النوم من عينيها ايه ف ايه يا يزن انا كنت خلاص روحت ف النوم 

يزن لا ياختي قومي كدا وفوقي معايا 

وعد يووه يا يزن عايز ايه بقولك كنت نمت يا ابني هو دا وقته لهزارك دا

يزن زفتة انا مش جاي اهزر انا جاي اتكلم جد 

وعد خير يا يزن ايه الموضوع المهم اللي جابك تصحيني من عز نومي علشان تتكلم فين 

يزن لوجي يا وعد.. مش هينفع كدا بقا... انتي بقالك هنا كم يوم مش عارفة تقنعيها تيجي هنا شوية 

وعد يا ابني ما هي بتيجي هنا علطول 

يزن لا ياختي مش بشوفها ولا بقدر اقعد معاها ما انتي ساحباها كل شوية معاكي هنا ف اوضتك طب راعي الغلبان اللي حب ولا طالشي دا مش هتكوني انتي وعمو امير عليا 

ضحكت وعد وقالت 

هههه اعملك ايه لوجي هي اللي بتقترح عليا اننا نفضل ف الاوضة مننزلش 

يزن اه تلاقيها تعليمات عمو امير انا عارف بس لأ انتي لازم تتصرفي وتخليها تنزل تتغدى تحت مع بابا وماما علشان انا استغل الفرصة واعمل اني مش هكون معاكم فتنزل تاكل براحتها وبعدين اطب عليها واعمل اني معرفش انها موجودة واتفاجىء وكدا واقول ايه الصدف السعيدة دي 

ضحكت وعد بجد مراهق اوي .. انت عندك مراهقة متأخرة يا يزن؟ انت عندك كم سنة ها ٢٠مش كدا دا انا اعقل منك يا ابني .. اعقل كدا وبلاش جنانك دا 

يزن بت انتي ملكيش دعوة واعملي اللي بقولك عليه والا وربنا ااا

لسه مخلصش الكلمة فلقا مهند قدامه وماسكة من قفاه

والا ايه يا زفت ها هتخطف البنت وتتجوزها مثلا ولا هتعمل ايه قولي علشان ابقى عارف بس دماغك المنيلة دي هتوديك على فين 

يزن اوبااا بابا قفشني روحت فطيس ومش بعيد يسلمني تسليم اهالي لماما شوق تعملني فطيرة بالبلغة بتاعتها 

مهند زفت انت هتتعدل امتا قولنالك كم مرة ملكش دعوة بلوجي حصل ولا محصلش 

يزن حصل يا بابا بس انا خلاص سنة واخلص الجامعة عايز على الاقل اخطب وبعد لما اخلص الجامعة اتجوز 

مهند حلو يعني انت كدا كدا مش هتتجوز الا بعد الجامعة صح 

يزن والله لو موافقين اتجوزها حالا انا موافق معنديش مشكلة

مهند ضربه ع دماغه 

انت يالا اتعدل اه لو شوق كانت هنا 

يزن لا بالله عليك اوعا تقولها انا دماغي ورمت من الضرب كفااايا 

مهند لوعد شايفة عامل نفسه بيخاف اوي ها... اسمع يا يزن انا عايز اعرف انت مستعجل ع الخطوبة ليه ها خايف حد ياخدها منك يا سيدي متخافش كلنا عارفين انك انت اللي هتخطب لوجي ها كدا مرضي.. بس بلاش كل شوية لوجي لوجي البنت بتتحرج وكمان ممكن تزهق منك ومن ومن زنك وكمان عمك امير بيتضايق افهم بقا 

اتنهد يزن  وقال بقلة حيلة 

وبعدين بقا يعني متقفلة من كل ناحية ليه كدا وانا اللي كنت متعشم اني هخطبها قريب 

مهند انت يعني لو اتخطبتوا هينفع تكلمها!! 

يزن لا هي ماما شوق  عمرها ما كانت هتسمح بدا ابدا

مهند يبقى تتلهي وتحط خيبتك ف كتبك وتتنيل تذاكر وتركز ف مستقبلك يا فاشل انت ها ولا نسيت المواد اللي شيلتها السنة دي 

يزن اعمل ايه ما الدكتور هو اللي مستقصدني فبلاش بقا كل شوية تفكرني بالمواد دي ما انا امتحنتهم دور تاني وخلصنا 

بصله مهند بانزعاج فقال يزن 

خلاص متبصليش كدا انا رايح انااام سلام

❈-❈-❈

/

اتجمعوا كلهم حوالين السفرة 

فقالت عسل ببسمة واسعة 

للي كان قاعد ع السفرة بحرج رغم انه جه كتير ومتعود على وجوده معاهم  الا ان المرة دي مكانش عارف ليه حاسس بالحرج 

فكان بياكل بصمت شديد وعينه مترفعتش من ع طبقه رغم الكلام الجانبي اللي بينهم 

لاحظته عسل 

فحبت تخليه يشارك معاهم ف الكلام 

فقالت ااا انا مبسوطة اوي يا اياد انك مكسفتنيش وجيت تقضي اليوم معانا  

رفعت اياد وشه مع ع طبقه وبصلها وبعدين بص لعساف وتوبا  

ااا محبتش ازعلك رغم اني مكنتش عايز اجي والله 

توبا قالت ليه يا اياد هو انت في بيت حد غريب يعني 

فرح قالت بمشاغبة 

اياد الظاهر كدا بينكسف يا مامي هههه 

عساف بهدوء بص لفرح بتحذير فقالت بتراجع اسفة مش قصدي اضايقه 

اياد بابتسامة هادية لا يا فروح متضافتش ولا حاجة كل الحكاية اني محبش اكون دخيل عليكم اكيد انتوا محتاجين تاخدوا راحتكم ف بيتكم وانا مش عايز اتقل عليكم 

عساف بردو بتعمل فرق ما بينا يا اياد يا ابني ابوك صاحبي وياما اكلت ونمت عندكم كمان .. انا كنت لازق لابوك ف اي مكان يروحه 

اياد ربنا يديم المحبة يا عمو انا متشكر جدا ليكم 

عساف طب نرفع بقا الرسميات دي ونتعامل عادي.. زي ما بتتعامل في البيت عندكم ممكن 

ابتسم اياد وقال وهو بيبص لعسل المبتسمة حاضر يا عمو 

عساف  ها احكيلي اخبار المندوبين ايه 

اياد بدأ ينسى حرجه واحدة واحدة ويندمج معاهم ويتكلم بتلقائية شديدة 

وعسل طول الوقت الابتسامه مفارقتش وشها لانها شايفة اياد بيتكلم بهدوء وملامح مستكينة 

❈-❈-❈

كانت قسمت قاعدة ع الشازلونج وممدة رجليها وماسكة الفون وفيه صورة لشخص ظاهرة عليه وبتبصله بشوق وحنين وهي بتعيط ومتأثرة 

فجت بنتها دنيا ولما شافت امها بتعيط وشافت الصورة ف ايديها 

قالت ايه يا مامي انتي بتعيطي ليه ومين الشخص اللي ف الصورة دا انا فكرت حضرتك بتعيطي علشان زعلانة ع موت بابي زي مادونا اختي اللي حابسة نفسها في اوضتها وهلكت نفسها من العياط وخايفة يجرالها حاجة بسبب حزنها دا حاولت ادخلها واكون جنبها بس هي مش سامحة بدا ابدا يا ماما

قسمت بحدة مسحت دموعها 

سيبك منها دي بنت عبيطة ومش عارفة حاجة 

دنيا يعني حضرتك مش زعلانة ع بابي يا مامي ومين الشخص اللي ف الصورة دا.. معقول دي صورة بابي وهو صغير !! 

قسمت بصت للصورة بحنين 

فشر وباباكي يجي ايه جنب جمال اللي ف الصورة دا... دا اللي المفروض يكون باباكي مش ممدوح 

دنيا يعني ايه يا مامي مش فاهمة دا المفروض يكون بابي ازاي 

قسمت بصت للصورة بحب وهي بتستجمع صورته ومواقفه ف مخيلتها 

دا الشخص الوحيد اللي انا حبيته ومحبتش غيره ابدا ولا هحب من بعده 

دنيا بصدمة ايه!! طب وبابي كان ايه.. بابي جوزك يا مامي 

قسما بغضب باباكي كان غلطة وندمت عليها بس اعمل ايه كان واقفلي زي اللقمة ف الزور بيحبني ومش عايز يسبني بيلاحقني ف كل مكان وكان بيتمنا ليا الرضا ارضى لكن انا عمري ما حبيته كنت دايما بصده بس هو كان تبيت وعديم الاحساس كمان 

بصتلها دنيا بزهول من كلامها الصادم واللي اول مرة تسمعه 

فلاش بااااك 

لاكتر من عشرين سنة 

قسمت كانت بنت جميلة ومتدلعة ومن عيلة غنية وزي ما بيسموهم صفوة المجتمع او المجتمع الراقي 

وقفت قدام ممدوح وقالت بغضب 

ممكن افهم بقا انت عايز مني ايه وليه لسه لحد دلوقتي بتلاحقني انا كم مرة قولتلك اني مش بحبك مش بحبك انت ايه مش بتفهم 

ممدوح بهدوء 

عارف يا قسمت انك مش بتحبيني وانك بتحبي .... ( مش هقول اسمه دلوقتي خمنوا واكتبوا ف الكومنتات هو مين لما نشوف هتخمنوا صح ولا غلط) ... ورفضتيني كم مرة علشانه رغم انك عارفة اني ليكي عاشق ...بس هو خلاص اتجوز لسه مستنية ايه ليه معشمة نفسك في الفاضي هو مش شايفك وعمره ما شافك ولا هيشوفك بيحب مراته ومش شايف غيرها وطالع بيها السما فبالتالي كل محولاتك معاه باءت بالفشل ولو حاولتي تاني هتفشلي انا اكتر حد عارف ان اللي بيحب مش بيحب غير حبيبه ولا بيشوف غيره... علشان كدا وعلشان حبي ليكي يا قسمت بقولك متتعبيش نفسك وانسيه خالص وركزي مع اللي بيحبك وبيتمنى بس نظرة رضا من عنيكي الحلوين دول 

بصتله قسمت وقالت وهي ف قمة غضبها لانها متضايقة من بردوه وإصراره ف ارتباطه منها 

وانت لو كنت اخر راجل ف الدنيا يا ممدوح مش هتجوزك هو عافية قولتك كم مرة لا فازهق بقا وحل عني 

ممدوح اتضايق من كلامها واسلوبها واعتبرها إهانة ليه علشان كدا قال بعند وإصرار 

وانا متعودتش اكون عايز حاجة ومأخدهاش علشان كدا بقولك انتي ليا يا قسمت وهتكوني مراتي قريب برضاكي غصب عنك هتكوني مراتي وانا بقولهالك وخليكي فاكرة ... مش انا اللي يتقالي لاأ انتي فاهمة .. بس لازم تعرفي انك من وقت ما تكوني مراتي هحاسبك كويس اوي على اسلوبك دا معايا ووقاحتك دي.. سلام يا زوجتي المستقبلية 

باااك 

نزلت دموع قسمت وكملت كلامها 

وبالفعل يا دنيا نفذ تهديده وراح لبابا هو وباباه وقدروا يقنعوا بابا مش عارفه ازاي يمكن علشان كان فيه بينهم مصالح مشتركة ف الشغل مش عارفة لكن بعدها بابا غصب عليا اتجوزه حاولت ارفض بكل الطرق الممكنة لدرجة اني حاولت انت..حر وكل دا منفعش وللأسف اتجوزته بالغصب.. 

كملت وقالت بقهر اتجوزني وهو عارف اني قلبي مع غيره ومش بس قلبي دا روحي وكياني كمان.... انا كنت مستعدة اعمل اي حاجة علشان اللي بحبه كنت موافقة اكون زوجى تانية بس باباكي سد عليا كل الطرق وقفل عليا كل الابواب اللي ممكن اوصل بيها ليه.. لكن دلوقتي اخيرا مات وخلصت منه علشان كدا انا لازم ارجع لحبيبي من تاني اللي عمري ف يوم ما نسيته بشوفه ف كل مكان ف البيت ومش بيروح من مخيلتي أبدا 

دنيا باشفاق ع امها ياااه يا مامي معقول معقول بعد كل السنين دي كلها لسه متعلقة بالشخص دا ومقدرتيش تحبي بابي!!! وتنسيه 

قسمت بحدة باباكي!! انا احبه انا مبكرهش حد ف حياتي غيره اسكتي خليني ساكتة كفاية انه غار وريحني منه منه لله 

دنيا باسى ع والدها لا يا مامي بليز مش تقولي كدا دا مهما كان بابي وكمان مات ربنا يرحمه 

قسمت بانزعاج بنت انتي امشي ع اوضتك وسبيني ف حالي 

دنيا حاضر يا مامي بس انا كنت عايزة اتكلم معاكي ف موضوع كدا 

قسمت بحدة مش عايوة اتكلم ف حاجة ولا اسمع حاحة سيبيني لوحدي يلا

دنيا بقلة حيلة حاضر يا مامي 

❈-❈-❈

تاني يوم 

ادم كان ماشي في السوق بيجيب الطلبات اللي طلبتها امه واللي بتشتغل بيها من البيت بتعمل مفارش كروشيه ودواسات وتبيعهم تساعد جوزها ف مصاريف البيت

وبعد ما خلص كل حاجة وف طريق رجوعه سمع اللي بيوقفه وهو بيقول 

ايه  كن علقة الموت اللي خدتها خلتك چبان عايز تهرب من اهنه... ايوا اكيد خايف من ابوي ومقادرشي تحط عينك ف عينه من تاني علشان اكده فضلت تتحايل ع الابلة شوق علشان تنجدك وتاخدك من أهنه وتنقذك من ابوي وتأديبه ليك وتشوفلك شغلانة اهناك ف البندر تاكل منيها عيش انت وامك وابوك مش اكده 

بصله ادم شوية وحاول يكظم غيظه وجه يتحرك من مكانه علشان يبعد 

قال همام بحدة 

اني لسه مخلصتش كلامي يا واد الجنايني يا قليل الزوق انت علشان تسيبني وتمشي.. لما اسيادك يتكلموا معاك لازمن تسمعهم للاخر ومتمشيش الا لما يأذنوا ليك فهمت ولا أچيب الكرباچ تاني يفاهمك 

ادم كان بيحاول يكظم غيظه قدر الامكان وقال بنبرة جاهد لانها تطلع هادية 

ما هو انا لسه ممشتش دلوقتي حالا انت هتندم ندم عمرك لان مش بعيد ان لسانك اللي انت فرحان بيه دا ومعندكش غيره ..يوحشك فخاف ع نفسك واخفي من قدامي دلوقتي 

كلمات ادم اثارت غضب همام وقال بصراخ 

عتقول ايه يا بو انت وربنا وما اعبد لاعرفك مقامك دلوك 

ولسه هيمد ايده علشان يبطش بأدم 

شاف نظرة في عيون ادم خلته يكش زي الفرخة العيانة ويتراجع بأسرع ما يمكن وهو بيبيص يمين وشمال بعيون مرتجفة ومتوترة وهو بيقول

ااا ايوا يا بوي جايلك حالا 

وبص لادم وادعى القوة وقال 

 حظك ان بوي نقذك مني بس معلهش الجاياات كتير 

ومشي بسرعا اقرب للهرولة ولما بعد عن مرأي ادم اخد همام نفسه براحة 

يخرب بيته كان هيقطعلي الخلف بنظرة الديب اللي ترعب اللي فيه داي .. بس اقسم بالله لاندمه على اللي عمله معاي ديه وصبره عليا...

❈-❈-❈

شوق كانت بتتكلم ف الفون مع وعد بنتها 

ايوا يا وعد يا قلبي وحشتيني يا ضي عيني.. طمنيني عليكي يا نن قلبي من چوة كيفك وكيفها صحتك ومزاجك 

وعد بدلع 

وحشتيني اوي يا مامي انتي وبابي ارجعوا بقا المكان وحش اوي من غيركم 

ضحكت شوق يا بكاشة تلاقيكي فرحانة اننا مش اهنه علشان تقعدي كيف ما بدك عند خالك مهاند اللي عيعملك اللي انتي عايزاه ويمشي ع هواكي مش اكده 

ضحكت وعد 

ههه عيبك انك فاهماني يا مامي 

شوق ماشي يا اختي اتدلعي يومين لحد ما ارجعلك هما يومين كمان وهرجعلك علطول بإذن الله يا حبيبتي 

وعد ترجعي بالسلامة يا مامي سلامي لبابي مكلمنيش النهاردة غير شوية صغيرة وقالي مش فاضي 

شوق معلهش اتحمليه عنده شغل كتير اخد دماغه افتتاح المركز الجديد اهنه مش بالأمر الهين ولازم يشرف ع كل حاجة بنفسه 

وعد الله يعينه يا مامي انا مقدرة بس انتي عارفة انه بيوحشني اوي 

شوق عارفة يا نن عين امك ربنا يخليه لينا يارب ويحفظه ويأويه 

ولما خلصت مكالمة وعد مع شوق 

جتلها رسالة ع ماسنجر 

"وعد عاملة ايه طمنيني عنك يارب تكوني بخير وسعادة.. تعرفي انا كنت النهاردة ماشي بالصدفة عند بيتك متستغربيش اه انا اعرف مكانه ما هو اللي مهتم بحد بيكون مهتم بكل تفاصيله.. ففضلت ابص ع اي شباك يمكن المحك منه لكن مفيش ولا شباك مفتوح ولما مليت من الانتظار سألت البواب قالي انكم مسافرين ومفيش حد هنا فزعلت علشان الفرصة راحت مني بس بتمنالك رحلة سعيدة انتي بتصيفي مش كدا" 

فرحت وعد بالرسالة وقلبها فضل يدق جامد بفرحة وقررت ااا....

يتبع