رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل السادس عشر 

تم النشر الجمعة 

25/10/2024

لقته اياد اللي بيخبط ع باب عربيتها 

فاول ما شافته ابتسمت 

ايه دا اياد 

ابتسم اياد وقال ازيك يا عسل اخبارك ايه 

عسل كويسة الحمد لله انت عامل ايه واخبار عمو خالد وطنط فداء وكيان

اياد كلنا بخير الحمد لله المهم قوليلي مالك متضايقة ليه وكنتي مكشرة  معقول متضايقة من فؤاد فوفو

 قالها وضحك 

فضحكت عسل هي كمان 

ايه دا انت عرفت منين هو مشهور اوي كدا ولا ايه 

اياد

 لا انا كنت جاي اتكلم معاكي فسمعت حواركم بالصدفة فوقفت اسمع كلامه السخيف دا وكنت ماسك نفسي من الضحك بالعافية هو فيه كدا 

ضحكت عسل اكتر 

معاك حق انا كنت هتشل وانا واقفة لا وايه عايز يتعرف عليا وهيحكيلي تاريخ حياته 

اياد قال بحب حاول مداراته 

بعيد الشر عنك متقوليش كدا عامة انا هتكلم معاه وهقوله ميزعجكيش تاني .. هو بيعمل معانا الدكتوراه هنا واخد الماسجتير من جامعة لندن 

عسل معقول !!معقول البني ادم دا اللي اسمه فوفو بيعمل دكتوراه!! 

ضحك اياد ااا تصوري بقا ؟؟ 

عسل فعلا اللي يعيش ياما يشوف المهم انت خلصت ولا لسه؟؟ 

اياد اه خلصت ولسه حالا عارف ان دكتورة هناء مش جاية كنت عايز اكلمك علشان متتعطليش وتيجي هنا مخصوص لكن للاسف مش معايا رقم فونك علشان اقولك وعمو عساف في اجتماع واستحالة هيرد ع تلفونات دلوقتي 

عسل اه بابي معروف ف الشغل بيلغي الفون تماما ولا كأن ليه اي علاقة بيه... عامة احنا فيها هات فونك اسجل رقمي واي جديد بلغني 

اياد مكنش مصدق نفسه عسل بنفسها هي اللي بتطلب تسجل رقمها عنده!! هو اكيد بيحلم 

فقال ببلاهة ايه!! هتسجلي رقمك فعلا؟؟ 

عسل اه يا اياد وايه المشكلة مالك مستغرب ليه 

اياد اا اصل يعني عمرك ما كنتي بتسمحي بدا وكنا بنتكلم من فون عمو عساف 

عسل الامور اختلفت دلوقتي يا اياد انا دلوقتي مبقتش البنت الصغيرة وكمان اكيد يعني انت مش هتاخد فوني علشان تتعرف زي فوفو دا مثلا 

ضحك اياد ههه عندك حق تمام ماشي اي جديد هتصل بيكي ابلغك 

عسل اتفقنا وانا كمان اي جديد هكلمك علشان متتعطلش وتسيب شغلك وعمو خالد يعملها ليك مشكلة الا قولي عرفت تسيب الشغل وتيجي دلوقتي ازاي 

اياد بابا مسافر اليومين دول وانا دبست يزن ف الشركة لحد ما اخلص اهو بحاول انجز كل اللي ورايا ف الفترة دي بستغل الفرصة انتي عارفة ان بابا ممانع اصلا اني اكمل وانا اللي اصريت وماما ساعدتني وحاولت تقنع بابا بالعافية فوافق بس بشرط ميأثرش ع شغلي

عسل اها ربنا يعينك يا اياد انت بتتعب جامد حرفيا انت اللي ماسك الشغل كله  ولو سبته الكل يضيع من غيرك بابا وعمو خالد معتمدين عليك... وزمان يزن دلوقتي قاعد بيشد ف شعره دلوقتي 

ضحك اياد يزن مش بتاع شغل اصلا دا طول الوقت اما سرحان ف لوجي او بيحكيلي عن أحلامه الوردية ف انه هيتجوز وهيستقر مجنون الواد دا وهيجنني معاه 

ضحكت عسل 

هههه عادته ولا هيشتريها هو كدا بقا اهدى كتير 

اياد انتي عارفة كتير عن طباع يزن بقا 

عسل اكيد .. يزن كل يوم تقريبا عندنا علشان يقنع بابا انه يعجل من جوزاه من لوجي 

قال اياد بغيرة وانتي بتقعدي معاه ع كدا؟؟ 

عسل استشعرت غيرته فقالت بابتسامة رضا

لا باخرج اسلم عليه وادخل اوضتي تاني انا اصلا مش فاضية ليه ما انت عارف اني ورايا شغلي الخاص غير رسالة الماجستير 

اتنهد اياد برضا وقال 

تمام يلا اطلعي علشان متتأخريش وتضيعي الوقت ع الفاضي 

عسل بهدوء حاضر اشوفك ع خير مع السلامة 

اياد مع السلامة 

ولما انطلقت عسل بعربيتها 

فضل اياد بيبص ع طيف عربيتها وهو سرحان وبيقول مع السلامه يا عسلي ربنا يقرب البعيد بقا 

❈-❈-❈

قالت وعنيها متسلطة عليه وحركاتها مدروسة جدا وقاصدة كل خطوة بتعملها 

قربت من الكرسي اللي قدام مكتبه وقالت 

ايه يا يزن انت لحقت تنساني ولا ايه 

يزن ولحد دلوقتي مش فايق من ريحة البرفيوم اللي دوخته ومش عارف ليه 

اا احم ااا لا طبعا انساكي ازاي اكيد طبعا فاكرك انتي نورتيني يا قمر 

ضحكت بمياعة وهي بتقول 

ان كان كدا بقا اقعد ولا ايه؟؟ مقولتش اتفضلي يعني ولا انا جاية كدا من غير ميعاد زف وقت مش مناسب؟؟

يزن 

ييي على قلة زوقي لا طبعا اتفضلي معلش انا اسف بس انتي فاجئتيني مش اكتر 

دنيا متخيلتش وجودي هنا مش كدا 

يزن بصراحة لأ ومستغرب كمان وجودك هنا 

دنيا لا مش تستغرب لانك هتشوفني هنا علطول انا جايالك ف شغل ... عايزة افتح مشروعي الخاص وملقتش حد انسب من شركتكم علشان اشاركه طالما يزن موجود فيها 

يزن 

دي شهادة اعتز بيها اكيد .. عايزة تفتحي مشروع ايه واكيد محتاجة ترويج من شركتنا!! 

دنيا 

لا دي تفاصيل كتير مش وقتها دلوقتي انا قولت اجي اشوفك واسلم عليك ونتفق ع معاد نتقابل ونتكلم ف تفاصيل الشغل ايه رايك لان هنحتاج وقت طويل ..دانا مليش ف الكلام دا ومفهمش فيه ومحتاجاك تفهمني كتير فيه ولا انت عندك مانع؟ 

يزن 

لا مفيش اي مانع خلاص اوك زي ما تحبي 

دنيا بمكر 

ميرسي اوي لزوقك يا يزن انت جنتل مان اوي.. ممكن فونك علشان اسيف رقمي معاك وانا اسيف رقمك لان اكيد هنحتاج نتواصل مع بعض علشان نتفق ع معاد مناسب لينا احنا الاتنين 

يزن قال وهو بيعطيها فونه 

اه طبعا اتفضلي 

اخدت فونه وسيفت رقمها عنده 

وسجلته "دودي"

وبعدها بصت ع خلفية فونه فلقتها مكتوب "لوجي" 

فاتضايقت لان مهمتها كدا هتكون اصعب  لأنه من الواضح بيحب البنت اللي اسمها خليفة لوفنه لكنها مبينتش 

ورجعت ليه الفون تاني 

تمام كدا ميرسي يا يزن بجد .. ممكن بقا ترن عليا علشان اسجل رقمك انا كمان 

يزن اه اوي اوي ولما مسك الفون وفضل يدور ع اسمها مش لاقيه 

هو فين انتي سجلتيه بإيه مش لاقيه 

دنيا 

 سجلته باسمي عادي دودي 

يزن باستغراب

دودي!! 

دنيا 

اه انت مش غريب واحنا بقينا اصحاب فعادي تقولي دودي عادي 

لقاه يزن فعلا واستغرب هي ليه كاتباه بالطريقة دي 

لكنه ع أي حال رن عليها 

فقالت خلاص سيفته عندي..انا همشي بقا وخلينا ع تواصل اوك 

يزن

هتمشي من غير ما تشربي حاجة؟

دنيا بمكر مش عايزة اعطلك انا عارفة ان وراك شغل كتير اوي مش حابة اكون سبب ف اني ابوظ عليك اليوم انا جيت من غير معاد ودي قلة زوق مني بس اعمل ايه مكانش عندي اي طريقة اتواصل بيها معاك من بعد الجامعة وانت اختفيت وانا كمان انشغلت بس اول ما سمعت اخبارك مكدبتش خبر وجيت علطول علشان نكون شركا سوا 

يزن 

مفيش عطلة ولا حاجة طالما كله شغل ولا ايه 

دنيا بمكر صح كدا

قالتها وقعدت 

ها عندكم ايه اشربه..

يزن كل اللي تطلبيه هتلاقيه تحت امرك 

دنيا 

بس انا مفطرتش لسه 

يزن ياااه احلى فطار يكون عندك دلوقتي لحظة واحدة 

دنيا 

لالا محبش افطر هنا ايه رايك ننزل نفطر سوا انت اكيد مفطرتش كويس واهو بالمرة نسترجع زكريات الجامعة معداش كتير عليها بس بردو كانت ايام حلوة اوي انا مبسوطة اوي اني شوفتك من تاني 

يزن  بمجاملة اا انا اسعد 

قامت دنيا وقفت 

طب ايه يلا  ننزل علشان منضيعش وقت 

يزن ننزل فين 

دنيا 

نفطر سوا انا مبحبش افطر لوحدي ولا انت عايز تكسفني!! بصراحة معنديش اصحاب من وقت موت بابي وانا بعدت عن الكل واخدت فترة كبيرة علشان اتخطى اللي حصل انا عانيت كتير اوي علشان اتخطى بعده 

قالتها وعيطت 

فقال يزن ااا انا اسف اني فكرتك الله يرحمه 

لكن دنيا كانت لسه مستمرة ف البكا 

فما كان من يزن الا انه قال 

ااا طب  خلينا ننزل نفطر تحبي نروح فين!! 

هنا دنيا ابتسمت بمكر في الخفاء من غير ما يشوفها لانها بتقرب من تحديد هدفها 

واظن انتوا دلوقتي مين الشخص اللي تقصده قسمت اكتبوا ف الكومنتات

❈-❈-❈ 

كان مرمي ع الارض ف الخيمة اللي كان قاعد فيها قبل ما يتخطف.. بينزف دم من كل مكان من جسمه وشه منفوخ وممحي ملامحه من شدة الضرب اللي اتعرض ليه .. مش دريان بحاجة وغايب عن الدنيا وكأنه ف عالم تاني 

فلاش باااك لادم اول ما وصل مع شوق لبيتها 

كان حاسس بالحرج رغم وجود مالك معاه 

قالت شوق 

اهلا وسهلا يا ادم يا ولدي نورتك بيتك التاني .. عايزاك تتعامل كأنه بيتك بالظبط تعمل كيف ما يلد عليك ومتشلش هم شىء واصل مش اكده يا دكتور رائد 

رائد بابتسامة صافية 

اكيد طبعا يا ادم دا بيتك من النهاردة مش عايزك تتحرج من طلب اي حاجة محتاجها وانا وشوق بدال مامتك وباباك لحد ما تخلص دراستك وترجعلهم البلد اتفقنا 

ادم بكل امتنان 

اني منيش عارف اقول ليكم ايه حقيقي والله مهمن قولت مهعرفش اعبر عن امتناني لافضالكم علي 

شوق 

متقولش اكده يا ولدي افضال ايه بس ربي يقدرنا ونعملك كل اللي تحتاجه اسمع فيه اوضة اهنه اني كنت مخصصاها للضيوف هي ف الدور الارضي اهنه جنب المطبخ هتكون ليك من اليوم وجاي علشان بس الدور اللي فوق وعد بنتي تاخد راحتها هناك 

ادم بحرج 

ااا لالا كدا انتم مش هتعرفوا تاخدوا راحتكم ف داركم... الجنينة اهنة واسعة اني ممكن اعملي عشة اكده فيها دي بعد اذنكم طبعا علشان بنتك تعرف تروح وتاجي ف بيتها كيف ما يلد عليها اني مهينفعش اكون معاها ف البيت اني مهمن كان راجل غريب واللي مهرضاهوش لخيتي مرضاهوش لبنات الناس يا ابلة شوق 

بصله رائد باعجاب لاخلاقه ورجولته 

وكذلك شوق لانها كانت خايفة ع بنتها ممكن تنزل لتحت وتنسى حجابها 

فقالت خلاص تمام بم انك رايد اكده .. ففيه اهنه مخزن فيه كراكيب اكده هنبعت لحد يشيلها ونظبطها ليك وتكون اوضتك بس النهاردة مش هنلحق نعمل اكده فانت هتفضل بس ف اوضة الضيوف الليلة بس لحد ما اوضتك تجهز ها ايه قولك يا ادم 

ادم 

ماشي يا ابلة شوق ربنا يجازيكم الجنان يارب 

شوق ويباركلي فيكم يا حبايبي يارب... يلا يا مالك خد ادم وريه الاوضة وارتاح معاه من السفر ولا هترجع لداركم!! 

مالك اه يا ماما شوق هرجع لماما اطمنها عليا انتي عارفة ميار لو عرفت اني جيت من البلد ومروحتش اشوفها هتزعل اوي وممكن تضرب عن الاكل والنوم كمان وتقلبها نكد وبابا يكدرني علشان زعلت حبيبته ويقلب عليا وانتي عارفة لو بابا قلب عليا بتبقى ليلة 

ضحكت شوق هههه 

معاك حق ابوك بيخاف ع زعل ميار وخاصة لو حد فيكم انت ولا اخوك اللي زعلها.. ادخل بس ودي ادم اوضته وطير ع ميار حب ع يدها 

مالك حاضر يا ماما شوق 

واول ما اتحرك مالك وادم لجوا 

سمعوا صوت وعد وهي بتجري ناحية شوق وبتقول بصوت كله شوق ولهفة 

مامي .. مامي 

التفتت شوق وكذلك مالك وادم لوعد 

واول ما شافتها شوق اتسعت ابتسامتها واتقدمت ناحية وعد وهي فاتحة ايديها ع وسعها علشان تستقر بنتها ف احضانها 

بنتي حبيبتي ونور عيني وحشتنيني يا ضي عيني 

وعد استقرت بين ايدين امها وحضنتها جامد وهي بتعيط 

مامي وحشتيني اوي 

شوق طبطبت ع ضهر وعد ومسدت ع راسها 

حبيبتي بتعيطي ليه هو اني اتأخرت النوبادي ولا ايه حقك عليا يا ضي عيني 

ادم بص لوعد وكان مبسوط انه شاف بنت ابلة شوق بنت قدوته ف الحياة وبعدها مشي مع مالك لجوة وسابهم براحتهم 

باااك 

ضوء من نور ظهر لادم وسط الظلام الدامس اللي محاوطه فاستعاد وعيه تدريجياً وبدأ يفتح عينه وحدة واحدة لكن الآلام اللي بيحس بيها خلته يقفلها تاني وفضل ع حاله ومحدش داري بيه لتاني يوم 

❈-❈-❈

نرجع للفلاش باك تاني ونكمل وعد عملت ايه لما شوق رجعت لها 

شوق باستغراب من بكا وعد المتواصل 

واه يا وعد يا نور عيني لساتك بتبكي ليه .. انتي بخير يا بنتي!!!! مهند وعد مالها حد زعلها ... انتي تعبانة يا بنتي رائد تعالى اكده افحصها 

قرب رائد من وعد واخدها في حضنه 

حبيبة بابي زعلانة ليه معقول كل دا علشان اتأخرنا عليكي ... انا اسف اننا انشغلنا عنك اوعدك مش هننشغل عنك تاني 

هديت وعد بين ايدين باباها وبدأت تستكين وتبطل بكا 

فقربت شوق من اخوها مهند وضربته ع مؤخرة راسه 

واد انت عملت ف البت ايه 

مهند  رفع حاحبه وقال بضيق 

بقا هو دا ترحيبك بأخوكي يا شوق دا انتي وحشتيني واول ما عرفت انك رجعتي جيت جري انا ووعد وسيبت كل اللي ف ايدي 

شوق بصت لبنتها باهتمام وقالت بقلق 

واد انت سيبك من كل اللي بتقوله ديه وقولي وعد بنتي فيها ايه اني متأكدة انها مش طبيعية ابدا وان فيه حاجة حصلت زعلتها 

مهند قال بهدوء وحاول يداري الحقيقة 

مالها ماهي كويسة اهي انتوا بس وحشتوها مش اكتر 

شوق 

قول الحقيقة يا مهند مش عليا اني.. اني اكتر حد عارف بنتي... وعد فيه حاجة مضايقاها انطق اتكلم قول بدل ما افتح نافوخك دلوك اني سايبة بنتي امانة عنديك 

مهند 

الله يا شوق ما هي بنتك قدامك كويسة اهي مش ناقصة ايد او رجل يعني فيه ايه 

هنا شوق فقدت اعصابها وقالت بزعيق 

مهند رد ع سؤالي وبطل ملاوعة يا واد انت 

فوعد بصت ليها تاني وعيطت وهي بتقول 

مامي متسيبنيش 

سابت شوق مهند وراحت لوعد واخدتها ف حضنها تاني 

اني معاكي يا قلبي ومش هسيبك تاني بس بالله بلاش تبكي مهتحملش بكاكي 

هنا وعد زادت ف البكا 

فقالت شوق 

لاه الكلام ديه ميتسكتش عليه 

فقال رائد 

شوق خدي وعد لاوضتها وهديها هناك وهي لما تهدى هتحكيلك يلا اطلعوا 

شوق حاضر هعمل اكده.. واد يا مهند شيل الشنط وطلعها مع دكتور رائد يلا 

مهند بضجر ماشي كنت الشيال بتاعكم هنا 

شوق عيد كلامك تاني اكده بايني مسمعتش عتقول ايه 

مهند خلاص يا شوق هطلع الشنط فوق... الواد مالك فين 

شوق هزت دماغها ومشيت مع بنتها لفوق 

وهنا جه مالك وقال لابوه 

ايوا يا بابا انا هنا 

ضربه مهند ع قفاه ولما انت هنا يا غبي سايب ابوك يشيل الشنط... اتفضل اطلع ودي الشنط دي فوق يلا 

مالك طب وليه الضرب بس يا بابا ما انا كنت هشيلها مقولتش لا 

مهند ولا مش عاجبك ولا ايه 

مالك عاجبني يا بابا هو انا اقدر اتكلم يعني 

مهند لا اتكلم وانا كنت وريتك شغلك دلوقتي 

مالك اه انا دلوقتي عرفت فيه ايه ميار قالبة عليك علشان كدا عايز تطلعهم علينا صح ولا انا غلطان 

مهند ضربه تاني ع قفاه 

اسمها ماما يا متخلف ايه ميار دي كانت بتلعب معاك مثلا ولا ايه 

مالك خلاص يا بابا ما انا عارف انها حبيبتك مش هخطفها منك مثلا ما هي امي بردو 

مهند ولا غور من وشي غور من وشي 

مالك طب هطلع الشنط وهروح لماما علطول 

مهند لا سيبهم هطلعهم انا طير ع ميار حالا 

مالك الله ما انا كنت هروح وانت اللي عطلتني 

مهند خد هنا يالا تعالى 

مالك لا وربنا خلاص اسف انا ماشي اهو 

اما فوق عند شوق 

فضلت تطبطب ع بنتها بقلق 

مالك يا وعد يا بنتي فيكي ايه احكيلي يا قلبي هتخبي عني اني ... هتخبي عن امك يا وعد!! خايفة من ايه خالك مهاند عمل فيكي حاجة قوليلي واني املصلك اودانه علطول 

وقف مهند ع باب اوضة وعد وقال 

برىء يا بيه معملتش حاجة يا شوق انتي مستقصداني ليه بس 

شوق البنت خايفة من ايه يا مهاند انطق انت مزعلها؟؟ 

مهند اتنهد بقلة حيلة وعرف ان شوق مش هتسكت الا لما يحكي ليها كل اللي حصل فقال وعد خايفة منك انتي يا شوق 

اتسعت دهشة شوق وقالت 

واه مني اني!! خايفة مني اني يا وعد ليه يا بنتي حصل ايه علشان تخافي مني

هنا زاد بكا وعد وقامت بسرعة جريت ع خالها مهند واستخبت وراه 

هنا شوق ضربت كف بكف وقالت بقلق اكبر 

لاه اكده الموضوع مهيتسكتش عليه اني لازمن افهم فيه ايه بنتي جرالها ايه وانا غايبة انطق يا مهاند ريح قلبي اللي اتوغوش ديه بنتي مالها وايه اللي جرالها هتجنني ليه اني كنت سايبة البنت ف حمايتك وحاطة ف بطني بطيخة صيفي اوعاك تكون خنت الامانة داي يا مهاند بالله عليك اوعاك تقول اكده 

مهاند 

انتي بتخرفي تقولي ايه يا شوق وعد بنتي وانتي عارفة معزتها كويس اوي يعني اكيد كنت محاوطها برموش عنيا

شوق طب اتكلم ساكت ليه قلبي واكني ع بنتي يا مهاند 

وعد مامي انا اسفا اوي والله العظيم مش هتتكرر تاني انا وعدت خالو اني مش هعمل كدا تاني 

مهند خلاص يا وعد انا هكلم شوق متشغليش بالك انتي بالموضوع دا اتفقنا 

وعد ايوا يا خالو بس مامي ااا 

مهند خلاص يا وعد انا هتكلم مع شوق متقلقيش.. تعالي يا شوق عايزك 

وزعت شوق نظراتها ما بين وعد اللي خايفة من رد فعل امها وما بين خالها مهند اللي بيبصلها بهدوء وبيحاول يهديها وكأنه بيقولها اطمني مفيش حاجة تقلق

فاتنهدت بقلة حيلة وقالت الله المستعان يارب... وعد اني هروح مع خالك افهم فيه ايه وايا كان اللي هيقوله خالك مش عايزاكي تخافي اكده مني ماشي!! 

هزت وعد راسها 

فقربت منها شوق وباستها وبعدين مشيت مع مهند

يتبع