قراءة رواية في قبضة فهد كاملة

تنشر حصريًا على مدونة رواية وحكاية قبل أي منصة أخر

رواية في قبضة فهد

 رواية جديدة قيد النشر

من قصص و روايات 

الكاتبة هالة زين

الفصل الثالث عشر

4

تم النشر الإثنين

25/11/2024

أشار له يمان بالصمت 

يمان :  اللي بتقوله ده مش هيغير حاجه  يا دكتور ؟! إزاي تكون بريئة وكل الأدلة ضدها؟ يزيد مش إبني  .. تصرفاتها... الشكوك اللي كانت بتقتلني وخروجها لمقابلة سعد لما ماتت.

تنهد الطبيب وأردف بتروي

الطبيب : يمان بيه  بحكم متابعتي لحالتها الطبية قبل الخلفه . مدام سهر  كانت بتحبك بجنون، أكتر مما كنت تتصور. كان حلمها إنها تخلف منك بأي طريقه ، وإن يكون عندها طفل يجمعها بيك. لما كنت بعملها التحاليل والفحوصات، كنت بشوف في عينيها رغبة صادقة في إنها تكون أم لأولادك...لذلك أنا بستبعد موضوع الخيانه .

يمان بإنفعال 

يمان : بس يزيد؟! كل الأدلة بتقول إن سعد كان..."

قاطعه الطبيب بهدوء

الطبيب : سعد كان مجرد شبح في القصه اللي حكيتهالي دي ، شخص يمكن أثر عليها في وقت ما، لكن مش كل شيء هو زي ما بيبان من بعيد ، اللي أعرفه عن مدام سهر  إنها كانت بتعيش عشانك، وكل حاجة كانت بتعملها كانت علشان تفضل جمبك. ما أظنش إنها كانت ممكن تخونك، خاصة وهي بتحارب عشان تحافظ عليك.

نظر يمان إلى الطبيب بعينين غائرتين، وقد بدأت كلمات الطبيب تتسلل إلى أعماقه، تشوش كل قناعاته. كان يتمنى أن تكون هذه الحقيقة، لكنه يخشى أن يتمسك بأمل كاذب.

بصوت مبحوح سأله  يمان .

يمان :إزاي أثبت برائتها وكل الادله بتدينها.

أراح الطبيب  ظهره علي مقعده، وكان يعلم أن الكلمات التي سيقولها ستغير مجرى القصة برمتها بينما  كان يمان ينظر إليه بعينين مثقلتين بالحيرة والغضب، منتظرًا سماع شيء يقلب ميزان أفكاره المشتعلة.فبحزم جازم اردف الطبيب

الطبيب : يمان بيه التحاليل اللي إحنا عملناها دي أثبتت فعلا أن يزيد أخو ميلا وأثبتت بردو إنهم الاتنين ولاد سعد بس ما أثبتتش إن يزيد هو أبن مدام سهر مرات حضرتك .

في ناس ممكن يكونوا استغلوا خوفها وضعفها، ولفقوا قصص تخليك تشك فيها. مش كل اللي ظاهر قدامك صحيح. وده السبب إني بستأذنك  نفتح القبر. لازم نتأكد من النسب، ونضع حد لكل الظنون دي إحنا لسه في أول الطريق. فتح القبر مش بس هيكشف الحقيقة، لكنه كمان ممكن يبرئها من كل الاتهامات. إذا كنت فعلاً عاوز تعرف الإجابة، لازم تواجه خوفك وتستعد تسمع اللي مش متوقعه."

شعر يمان وكأن الأرض تهتز تحت قدميه. لم يكن الأمر مجرد اختبار نسب، بل كان اختبارًا لكل شيء آمن به طوال هذه السنين. ارتجف قلبه بين ألم الذنب ورغبة في كشف الحقيقة، مهما كانت مرارتها.

عندما رأي الطبيب حيرته اردف بهدوء مطمئن

الطبيب:لسه في فرصة إنك تصلح جزء من اللي فات، وتكتشف الحقيقة كاملة. لكن لازم تكون مستعد للمواجهة... مهما كانت نتيجتها.

خرج يمان من عند الطييب في هذه اللحظة، شعر  أنه  رحلة البحث عن الحقيقة قد بدأت، وأن كشف السر الذي دمر حياته أصبح شئ ضرور، وليس خيارًا.

قاد يمان سيارته بعصبية، وأفكاره تتزاحم حول كل ما كشفه الطبيب. كانت الحقيقة التي بدأت تتضح تقلب كيانه، لكنه لم يكن يعلم أن مكالمة هاتفية واحدة ستغير كل شيء.

كان الاتصال من رؤوف، صديقه المقرب، الذي نادرًا ما يتصل إلا في حالات الضرورة القصوي .

صرخ به رؤوف بنبرة جادة

رؤوف : يمان، أنت فين دلوقتي؟ لازم تعرف حاجة مهمة جدًا حصلت عمك الحاج عزمي بيتصل بيك من الصبح .

أردف يمان  متوترًا

يمان : أنا على الطريق، في إيه؟ اتكلم.

رؤوف بتأنٍ لعلمه بثورة الغضب الاتيه لا محاله.

رؤوف : الأخبار في النجع مش مطمئنة. عمامك لموا بعض كده بربطه المعلم وراحوا للحج يحيي و لغوا خطبتك من بنت سعد العماري علشان في اشاعات مش ولابد طلعت عليها في النجع والدنيا مقلوبه .

ضغط يمان على دواسة الوقود بقوة، وعيناه مليئتان بالغضب. فكرة أنها أصبحت ليست ملكه اشعلت حريق  بصدرة لا يستطيع إخمادها أحد ..شعر رؤوف بما حدث فأكمل عندما سمع توقف السيارة علي جانب الطريق .

رؤوف :خد المصيبه الأكبر بقا ، الحاج يحيي علشان يثبت برائه حفيدته أصدر فرمان بجواز الزفت باسل  اللي إنت حبسه عندك ده يوم الخميس ودخلتهم بلدي علي عينك يا تاجر  ...يتبع .

يتبع

إلى حين نشر الفصل الجديد للكاتبة هالة زين، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة