رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الثامن عشر 

تم النشر السبت

2/11/2024

يزن كان ماشي مع دنيا وف طريقهم للأسانسير انتظروه لحد ما طلع ليهم 

واول ما اتفتح اتفاجىء يزن بوجود لوجي في وشه 

كان في موقف لا يحسد عليه مكانش عارف يفرح ولا يتمنى الارض تنشق وتبلعه ف الوقت دا 

لكنه ع اي حال حاول يخفي توتره وقال وع وشه ابتسامة اقرب للبلهاء 

ااا لوجي ايه المفاجئة الجميلة دي بتعملي ايه هنا اول مرة تيجي الشركة نورتي 

دنيا ف نفسها 

بقا هي دي بقا حبيبتك اللي كاتب اسمها على موبايلك ماشي يا يزن هنشوف مين فينا اللي هتقدر تفوز بقلبك في النهاية انا ولا هي 

لوجي قالت بكل هدوء وهي بتبص ع دنيا ولبسها لثواني ورجعت بصت ليزن 

ابدا قررت النهاردة اني اجي اشوف بابي ف شغله واستأذنت منه اني اجي اسلم عليك بس انت الظاهر مشغول وكنت خارج مش كدا 

يزن ابتسم بسخافة 

ااا لا لا طبعا مشغول دا ايه ولو مشغول افضي نفسي ليكي  اسبقيني انتي ع المكتب وانا جاي وراكي هوصل بس الآنسة دنيا وهحصلك

دنيا بمكر 

ايه دا يا يزن احنا مش اتفقنا اننا هنفطر سوا انت هترجع ف كلامك ولا ايه 

يزن ف نفسه 

منك لله يا بعيدة هتزعلي البونبوناية بتاعتي اروح فين ولا اجي منين دلوقتي 

واننحنح وقال 

ااه اه لقاء العمل هنأجله لوقت تاني يا انسة دنيا او ممكن لو مستعجلة هبعتلك مندوب العلاقات العامة وهو هيتفق معاكي 

دنيا 

لا طبعا انا هنتظرك انت يا يزن انا عارفة انك مشغول دلوقتي وف موقف لا تحسد عليه علشان كدا هأجل فطارنا لوقت تاني المهم انك وعدتني نفطر سوا ومش هتنازل عن وعدك كا ابدا 

اتنحنح يزن ومبقاش عارف يقول ايه 

لكنه ع اي حال 

اا تمام ماشي نورتينا مع السلامة 

ولف وشه للوجي اللي كانت واقفة تتابع الموقف بصمت 

اا يلا بينا يا لوجي ع المكتب 

فمشيت لوجي معاه بكل هدوء 

❈-❈-❈

فاق من اغماءته اللي مكانش يعرف استمرت قد ايه ولا فضل نايم كم ساعة ولا كم يوم ولا داري بأي حاجة خالص 

فتح عينه ببطأ وحاول يسمع اي صوت حواليه،، صوت ذئاب الجبل او كلاب الليل او حتى اصوات الحشرات حواليه لكن مكانش فيه اي صوت خالص  ولا حتى صوت الريح 

وكأنه فقد السمع تماما علشان كدا فتح عينه بسرعة  وفزع وبص حواليه لقا نفسه نايم ف سرير ف اوضة نضيفة وايده متوصلة بمحلول مغذي ودماغه ملفوفة بشاش طبي

فاتنهد براحة واستلقى تاني ع السرير بكل هدوء بعد ما ضربات قلبه رجعت لحالتها الطبيعية من تاني 

وغمض عينه وهو بيكلم نفسه 

بردو يا مالك مفيش فايدة فيك قولتلك كتير ابعد وملكش دعوة بيا وكل واحد فينا ف طريق مصر انك اتكون ف طريقي ليه اني طريقي من دلوك بقا كله اشواك بلاش تدس نفسك فيها علشان خاطر احبابك وقرايبك ربنا يستر ويد المطاريد مطولكش انت كمان... بس انت طلعت صاحب جدع ووفي بصحيح مهمن اقولك ابعد تقرب ولا يهمكش يا خسارة تفريطي فيك بس مهواش بيدي عايز ابعدك ع المشاكل ورايدك احسن ظابط ف الدنيا معايزكش تكون زيي عاطل مفصول من شغله 

بعدها استسلم للنوم بفعل العلاج اللي متوصل ليه ونام تاني 

❈-❈-❈

وصل يزن مع لوجي لمكتبه وقعدت هي قبليه ولما يزن جه يقفل الباب 

قالت لوجي بسرعا لا طبعا سيبه مفتوح مينفعش تقفله واحنا لوحدينا ولا انت كنت قافله وانت قاعد مع اللي اسمها دنيا دي 

يزن بلع ريقه بتوتر لأن لوجي معاها حق هو فعلا كان قافله لكنه قدر وبكل مهارة انه يتهرب من سؤالها ويقلب الدفة لصالحه وقال 

ااه احنا بقا هنغير من اولها على فكرة انا شغلي معظمه مع الستات كدا هتتعبي كتير 

لوجي 

بتغيظني يعني يا يزن ولا ايه 

يزن بسرعة راح قعد ف الكرسي اللي قابلها علطول 

لا طبعا مقدرش اعمل كدا ولا ازعل الحلويات مني انا كل الحكاية عايزك تتقبلي طبيعة شغلي علشان متتعبيش وتزعلي 

لوجي بهدوء 

تمام يا يزن مفيش مشكلة 

يزن بابتسامة حب 

بس قوليلي ايه المفاجئة الجامدة دي طب  كنتي قوليلي وانا افرشلك الارض ورد واعملك استقبال يليق بيكي 

لوجي لا مش حابة اعطلك انا كنت جاية اسلم عليك وامشي واهو سلمت يلا سلام بقا 

يزن اوام كدا تمشي لا طبعا خليكي شوية 

لوجي لا طبعا يا يزن بابي هيزعل

يزن بضيق 

لا كدا كتير يعني تيجي تسلمي ثوانى وتمشي ازاي دا يعني دا انتي خطيبتي ع فكرة دا انا كنت هقولك ننزل نفطر سوا ف اي مكان مع بعض 

لوجي برقت

لا طبعا مش هينفع 

يزن بانزعاج

 جرى ايه يا لوجي هو أنا كل لما اطلب منك حاجة تقوليلي مش هينفع انا زهقت بجد احنا مخطوبين ولا كأننا مخطوبين لا بنتكلم مع بعض ولا بنخرج مع بعض ولا حتى نعرف حاجة عن بعض دا مش اسمه كلام دا، اومال انا خاطب ليه انا عايز استمتع بفترة خطوبتي زي اي اتنين مخطوبين وبيحبوا بعض 

بصتله لوجي بصدمة من كلامه هي مفكرة انه عارف الوضع وانه مينفعش الكلام اللي بيقول عليه دا ف فترة الخطوبة لان الخطوبة ما هي الا مجرد وعد بالجواز وبس يعني مينفعش كل اللي بيقوله 

لاحظ هو الصدمة ع وشها فقال 

لوجي انا مش قصدي ازعلك انتي عارفة اني بح... 

جه يكمل شاورتله  بإيديها انه يسكت 

خلاص يا يزن متقولش حاجة انا همشي 

وقف قدامها ومنعها انها تمشي 

استني يا لوجي هتمشي ليه انتي زعلتي!! زعلتي علشان بحبك !! 

فاض بيها الكيل وقالت بنرفزة 

يا يزن مش هينفع كدا ع فكرة بتحبني ومن زمان اوي انا عارفة لكن مش هينفع كل شوية تقولها لازم تعمل حدود ما بينا احنا لسه ف فترة الخطوبة 

يزن اعمل حدود ليه واحنا مخطوبين مش فاهم انتي ليه بعيدة عني كدا 

لوجي 

لااا انت الظاهر محتاج تقعد شوية مع ماما شوق تكلمك ف الموضوع دا 

قالتها ومشيت 

يزن فضل ينادي عليها 

لوجي استني استني يا لوجي .. لووجي 

وقفت لوجي 

سلام يا يزن قولتلك انا جاية اسلم عليك وامشي 

اتنهد بقلة حيلة 

سلام يا لوجي الظاهر اني هتعب اوي انتي جد اوي زي عمو امير مش عارف فيكي ايه بس

❈-❈-❈

عدى كم يوم وجه اليوم المحدد لزيارة شوق لادم 

لكن مالك مجاش ولا قالها  تستعد فاتصلت بيه وكلمته علشان يجي ليها 

ايوا يا مالك تعالى عايزاك انت مشغول ولا ايه 

مالك بتوتر اه يا ماما شوق مشغول شوية انا اسف انتي محتاجة مني حاجة ضرورية؟؟ 

شوق ربنا يعينك يا نضري بس انت الظاهر نسيت معادنا مع ادم ولا ايه

مالك بتهرب اا لا منستش بس مشوار ادم هيتأجل شوية يا ماما شوق معلش 

شوق 

ليه يا ولا هو رافض يقابلني ولا ايه.. قولي بس على عنوانه وانا هروحله وهقابله غصب عنيه متشلش هم انت 

مالك وهو بيحاول يخفي الحقيقة عن شوق علشان متقلقش عن ادم 

لالا مش كدا خالص بالعكس هو وافق ع مقابلتك يا ماما شوق بس كل الحكاية اني مشغول الفترة دي بس يومين كدا وهاخدك ليه معلش 

شوق 

ماشي يا حبيبي زي ما تحب انت ادرى بمصلحتك يا ابني ربنا يوفقك ويعينك وينفع بيك بلدك يارب 

مالك اللهم امين متحرمش من دعواتك الطيبة 

خلصت شوق المكالمة مع مالك وهي بتقول 

قلبي بيقولي ان الموضوع مش حكاية مشغول وان الحكاية فيها حاجة تانية مالك بيتكلم وهو متوتر هو صحيح بيعرف يخفي الحقيقة كويس اوي بس معايا لأ جيب العواقب سليمة يارب 

 وعد سمعت اخر جملة منها وقالت وهي راجعة من برا 

فيه ايه يا مامي خير فيه حاجة حصلت 

شوث بابتسامة عريضة لاه يا قلبي مفيش حاجة ربنا يرضى عنيكي 

وعد لا بس عنيكي بتقول غير كدا يا ماما وشكلك قلقانة من حاجة انتي هتخبي عني انا وعد 

ابتسمت شوق لبنتها اللي بتحاول تجرجرها في الكلام وقالت 

لاه طبعا مهخبيش ع بنتي حاجة طالما هي كمان بتفتحلي قلبها دايما ربنا يحفظ قلبك يا غالية 

مسكت وعد ايد امها وقعدتها ع الكنبة وقالت بفضول 

ها يا مامي احكيلي كلي اذان صاغية 

ضحكت شوق يا بنت يا فضولية انتي الموضوع مفيهوش حاجة كل الحكاية اني قلقانة ع ادم مالك رتب معاي اننا نزوره ورجع بعد اكده أجل المعاد علشان اكده قلبي اتوغوش علر ادم وخايفة يكون جراله حاجة 

هنا وعد اتوترت واخدت نفس عميق 

فلاحظتها شوق وقالت

 مالك يا وعد وشك اتغير ليه وايه التنهيدة دي 

وعد هتصدقيني لو قولتلك يا ماما ان الموضوع دا غريب اوي ومش عارفة ليه اي تفسير 

شوف بصت لبنتها باهتمام 

موضوع ايه ديه اللي غريب يا وعد قصدك ع مالك وفصله من شغله يا حبة عيني!! 

وعد لا يا مامي مش بتكلم عن فصله عن شغله بتكلم عن ادم نفسه 

بصتلها شوق بريبة فكملت وعد كلامها 

كل لما حد بيذكره قدامي او انا بفتكره قلبي بينقبض يا مامي مش عارفة ليه 

شوق بصتلها بصدمة 

بينقبض!! ليه كفا الله الشر لا هو ادم عملك حاجة يا بنتي ؟؟ 

وعد لا طبعا يا مامي الفكرة اني بحس انه في كرب شديد او فيه حاجة تعباه حاسه انه مش بخير يا مامس 

شوق اتنهدت براحة 

يمكن بسبب المأساه اللي حصلتله اكيد 

وعد 

لا يا مامي الموضوع دا حصل من كم يوم بس الفترة دي وفصل ادم من شغله ليه فترة كبيرة محصليش كدا غير دلوقتي 

ربطت شوق كلام وعد بتوتر مالك وتأجيله لمعاد زيارة ادم فمسكت فونها  وكلمت مالك 

اللي كنسل عليها ورن هو مباشرة 

ايوا يا ماما محتاجة مني حاجة 

شوق بلهجة آمرة مالك تخلص شغلك وتجيلي علطول عايزاك 

مالك تقريبا فهم هي عايزة ايه لكنه على اي حال قال بطاعة 

حاضر جاي 

ولما انهت شوق الكلام مع مالك 

وعد قالت فيه ايه يا مامي؟؟ 

شوق هنعرف كل حاجة من مالك ادم فعلا فيه حاجة حصلتله واعتقد ان احساسك ديه حقيقي ربنا يستر ويسلمه الغلبان ديه 

❈-❈-❈

اما مالك فكان قاعد ف مكتبه متضايق وقلقان ع ادم 

وبعدين بقا يا ادم اختفيت تاني فين كنت موجود ف مكانك وفجأة وف لمح البصر اختفيت ورجالتي مش عارفة توصلك طب اقول ايه لماما شوق بعد ما وعدتها اني هاخدها ليك .. وانت وافقت كان عندي امل انها ترجعلك عقلك وترجعك لرشدك انا عندي فكرة كنت هتقدر ترجع بيها شغلك وتحقق حلمك من تاني يا مالك ليه ليه اختفيت ليه ف الوقت دا ليه 

خرجه من شروده خبط ع باب مكتبه فقال 

ادخل 

فلما دخل العسكري قال بعد ما ادى التحية 

سيادة اللوا عايز حضرتك ف مكتبه يا مالك باشا 

مالك بجدية وصلت الرسالة روح انت

العكسري 

تمام يا باشا عن اذنك

❈-❈-❈

مادونا كانت واقفة بتتكلم مع حد في الممر المؤدي لمكتب اللوا وبتبص من عند السور وبتقول 

اللي طلبته يكون عندي ف مكتبي بكرة الصبح الساعة ٧ بالدقيقة ٧ ودقيقة متلومش الا نفسك مفهوم 

قالتها ورجعت بضهرها  لورا واتعدلت في وقفتها 

وبعدين بتلف علشان ترجع مكتبها 

خبطت ف مالك اللي كان ف طريقه لمكتب اللوا 

فرفع ايده بسرعة علشان ميلمسهاش بدون قصد ورجع لورا خطوة وهو بيقول حاسبي يا باشا خدي بالك

اتكلمت باعتذار لانها شافت رتبة زيها قدامها

اا معلش ماخدتش بالي معتز مجنني وانت اكيد مش تايه عنه بس انا هعرف ازاي اربيه كويس 

بصلها بابتسامة مجاملة 

ولا يهمك يا باشا بس خدي بالك الخبطة  بعد كدا بحساب

انتبهت للي قدامها واول ما عرفت انه مالك كشرت بوشها وظهر ع وشها ملامح الضيق 

وقالت في نفسها 

هو انت 

وفضلت ترمقه بنظرات كلها بغض وكره وبعدين مشيت من قدامه من غير ولا كلمة زيادة وهي بتاكل في نفسها ومش طايقاه 

هز مالك كتافه باستغراب من تصرفها 

مالها دي فجأة قلبت وبقت مش طايفة نفسها البناات دي عليها حاجات والهرمونات بتاعتهم بتقلب في ثانية علشان كدا مش بتعرف ابدا انهم يكونوا معانا هنا ف مجال شغلنا مكانهم مش هنا ابدا

يتبع