رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل التاسع عشر 

تم النشر الخميس

7/11/2024

وصل مالك لمكتب القائد بتاعه اللوا حسين 

ادى مالك التحية 

تمام يا فندم حضرتك طلبتني 

اللوا 

ايوا يا مالك اقعد عايزك بس لحظة لما زميلك يوصل هو كمان 

قعد مالك قصاد اللوا ف الكرسي وهو بيقول 

اه زميلي يبقى فيه مهمة جديدة والمهمة دي تقتضي اني مش اكون مع فريقي بس بل هينضم ليا فريق تاني مش كدا 

اللوا برافو عليك لماح وعندك سرعة بديهة بالظبط كدا 

مالك ويا ترى بقا مين الزميل دا قصدك ع .....

ولوهلة كان هيقول ادم لانه انسب زميل وشريك ليه لكنه افتكر اللي حصله فسكت وهو بيتنهد بانزعاج 

ولكن فجأة برق بعينه لما لقا مادونا داخلة المكتب 

وهي بتقول

تمام يا فندم انا تحت امرك 

مالك بعدن تصديق 

لا مش ممكن انتي هتكوني زميلتي؟؟ 

بصتله مادونا وقالت بانزعاج 

نعم ومالك بتقولها باستهزاء ليه كدا مش قد المقام ولا ملقش للمهمة دي مثلا ولا ايه 

مالك اتوتر لانه فعلا مش عايزها معاه في المهمة 

وقال ف نفسه تبقى واقعة مهببة لو القائد قصده عليها تكون معايا ف المهمة الجديدة استحالة انا كدا مش هعرف اشتغل دا كفاية لبسها الضيق وريحة البرفيوم الطاغية مش فاهم جاية المركز ولا داخلة النايت كلاب لا لا انا مش هعرف اتعامل انا كدا مش هعرف امسك لساني وهتسحب منه وهزعلها 

خرجه من شروده كلام القائد حسين 

اقعدي يا مادونا علشان اقولكم ع مهمتكم الجديدة 

مادونا حضرتك عايز تفهمني اني هشتغل مع دا؟؟ 

مالك باستنكار دا؟؟ اه وماله بترديهالي مثلا ماشي هعديها 

حسين فين ايه يا حضرات من امتا وفيه حد بيعترض على قراراتي مالكم كدا انا مش متعود منكم على كدا ابدا 

مالك لا ابدا يا فندم مفيش اعتراض ولا حاجة دا بس استغراب مش اكتر انا متعود دايما اشتغل مع فريقي بيكون افضل 

حسين لا المهمة دي مش محتاج فيها فريقك بس 

مادونا بصت لمالك بانزعاج وقالت 

الظاهر يا فندم اننا مش هنكون ع توافق مع بعض لا انا ولا هو حابين نكون في تيم واحد فممكن حضرتك تستبدله بحد تاني هيكون اريح لينا كلنا 

مالك نعم يا ختي وميستبدلوكيش ليه انا اساسي في الفريق شوفي انتي بقا 

مادونا قصدك ايه قصدك اني مليش لازمة؟؟ لا عندك اسحب كلامك فورا 

مالك والله انا مقولتش كدا انتي هتقوليني كلام مقولتوش!! عامة سيادة اللوا شاهد ع كلامي 

حسين والله عااال فيه أفضل رجالة عندي واللي المفروض يكونوا قدوة لغيرهم ناقص تكة ويشدوا ف شعور بعض وانا واقف هي حصلت فعلا 

وقف مالك ومادونا احترام للقائد وقالوا ف نفس واحد 

اللي تؤمر بيه يا باشا علم وسينفذ 

فقال حسين بجدية 

المهمة الجديدة تقتضي تكونوا شركا مع بعض ودا كلام مفيش فيه مجال للنقاش ... من الافضل انتوا الاتنين تقعدوا مع بعض وتتفاهموا علشان اقولكم ع تفاصيل المهمة الجديدة اتفضلوا 

مالك ومادونا بصوا لبعض بقلة حيلة 

فقال حسين بيعيد كلامه 

قولت اتفضلوا ع مكاتبكم 

قام كل منهم وخرج ع مكتبه ومشيوا ف الطريق ومحدش فيهم كلم التاني خالص وكأنهم مش طايقين بعض

دخل مالك مكتبه وفضل ينفخ 

وبعدين بقا ف التدبيسة السودا دي هو انا ناقص انا مش طايق اكمل شغلي تنا افضل حاجة اروح لماما شوق هي اللي هتقدر تعدل مودي اي نعم هسمع كلمتين بسبب اختفاء ادم اللي متأكد انها اكتشفته بس ع الاقل ارحم من التفكير ف انه يكون شريكي بنت 

❈-❈-❈

اما مادونا اول ما رجعت مكتبها فضلت تضحك وهي مبسوطة وعيونها الخبيثة بتلمع بابتسامة النصر 

فدخل ناصر وقال 

تمام يا فندم 

قالت مادونا اللي كانت بتضحك ولاول مرة في وش صابر 

برافو عليك يا يا صابر قدرت انك تقنع اللوا اني انسب حد لمشاركة مالك ف المهمة الجديدة لا برافو فعلا 

ناصر فرح اوي بثناء مادونا عليه وظهر صف اسنانه الصفرا من اثر التدخين اللي هيجيب اجله قريب 

وبعدها قال بس مكانش ظاهر عليكي يا فندم انك فرحانة لما اللوا بلغك بالخبر انا قولت اني عملت حاجة غلط رغم ان دا كان طلبك من الاول 

مادونا اشش اوهى تقول لحد ان دا طلبي انت عارف لو الكلام دا خرج برا هعمل فيك ايه ؟؟؟ 

ناصر  اتراجع بخوف 

لا لا يا فندم السر في بير دي تعليمات والتعليمات مش بتخرج برا 

شاورتله مادونا انه يخرج وبمجرد ما خرج كلمت نفسها 

طبعا كان لازم أظهر اني متضايقة من الخبر دا واني مش موافقة عليه زيه بالظبط ومضطرة اوافق كمان وبالطبع هو فهم كدا كويس وياويلك مني ولسه هتشوف نهايتك ع ايدي يا ابن غريب

❈-❈-❈

وصل مالك لبيت شوق اللي استقبلته بالترحاب 

يا اهلا يا اهلا بحبيبي الغالي تعالى اقعد يا ضي غيني ولو اني زعلانة منك وعندي عتب عليك يا ولا 

مالك ابتسم لها وبالرغم من انه عارف هي زعلانة ليه 

ليه بس يا ماما شوق انا عملت ايه بس ما انا غلبان اهو وجيت من شغلي ع هنا علطول 

شوق طب اصدقني القول كدا يا ولا وعيني ف عينك كدا 

مالك والله هقولك الحقيقة يا ماما شوق مش هكدب عليكي انتي بالذات 

شوق طب قولي فين ادم يا مالك 

مالك حاول يتهرب فقال 

طب اكل الأول طيب انا واقع من الجوع مأكلتش حاجة من الصبح قولت علشان اجي اكل مع حبيبتي ماما شوق 

شوق بجدية لاه مفيش وكل دلوك يا مالك غير لما تقولي تعرف ايه عن ادم ومخبيه اتكلم 

مالك بص لوعد وقال وهو محتفظ بابتسامته 

شايفة مامتك يا وعد بتعمل معايا ايه مع ابنها حبيبها عايزى تموته من الجوع ينفع كدا 

لقا وعد هي كمان بتتكلم بجدية 

انت بتتهرب ليه من سؤال مامي يا مالك انت قولت هتقول الحقيقة ومش هتخبي ولا هتكدب انا حاساك تعرف حاجة وخايف تقولنا عليها 

هنا اتكلمت شوق بخوف ع ادم 

مالك طمني  على الواد ادم بالله عليك دا غلبان وامه وابوه اغلب من الغلب ذات نفسيه مهيتحملوشي اكتر من اللي حاصله 

هنا ظهر شبح القلق والخوف ع وش مالك واللي كان بيحاول يخفيه بجدارة عن شوق وقال 

للاسف معرفش حاجة عنه يا ماما شوق ادم معرفش ليه طريق خالص بقاله فترة فاكرة اخر مرة اتكلمنا وقولت هحدد معاد مع ادم علشان تقابليه وبالرغم من انه وافق يقابلك الا انه اختفى من وقتها ورجالتي مش عارفة توصله 

صدمة شديدة اصابت قلب شوق وقالت بوجل 

ايه يعني ايه ليكون جراله حاجة يا مالك او مطاريد الجبل اترصدوا ليه واستفردوا بيه يا ولداه وهو في اضعف حالاته 

مالك مش عارف مان رجالتي شافوه وبلغوني 

وعد هل انت اتأكدت بنفسك عل روحت للمكان اللي كان فيه وفحصته اعتقد انك لو كنت روحت بنفسك ممكن تلاقي اي دليل ع اختفاءه هل مشي من نفسه ولا بدون ارادته واظن ان الموضوع دا سهل عليك انت مش اي خد بردو 

مالك 

معاكي حق يا وعد انا كان لازم اروح بنفسي اعمل دورية للمكان وافحصه واحلله بنفسي يمكن الاقي اي دليل ع اختفاءه انتي صح انا هروح اعمل دا حالا انا ازاي معملتش دا من وقتها ازاي اعتمدت ع رجالتي وبس كان لازم أتدخل من وقتها

قالها وقال وقف وهو بيقول 

عن اذنك يا ماما شوق انا ماشي 

شوق 

طب والوكل يا مالك تعالى هجيبلك تاكل وبعدين روح دور عليه واعرف طريقه 

مالك بأسى

 ومين يجيله نفس ونصه التاني مبتور يا ماما شوق 

تنهدت شوق بقلة حيلة 

ان شاء الله ربنا يرده بالسلامة ومسير كل عسير يتيسر بعون الله مفيش حاجة بعيدة عن ربنا دوام الحال من المحال يا ولدي 

مالك ان شاء الله يا ماما ان شاء الله السلام عليكم 

وعد وشوق 

وعليكم السلام ورحمة الله وبركاته 

❈-❈-❈

فاق ادم للمرة التانية من نومه وهو حاسس انه اصبح افضل من الاول الوجع اللي كان بيحس بيه بدأ يخف واحدة واحدة 

احساسه وادراكه بالمكان حواليه بقا احسن من الاول

ففضل يبص قدامه شوية وهو بيتنهد بأسى وبيقول ف سره 

وحشتني يا مالك وحشتني ايامنا مع بعض مكناش بنفترق ابدا ولا حتى وقت النوم اتعلمت منك كتير واولهم يعني ايه معنى الصداقة هتفضل طول عمرك عزير ع قلبي 

واول ما لف وشه الناحية التانية اتصدم باللي قدامه 

فبرق بعينه 

فلقا اللي بيبصله وبيبتسم وهو بيقول 

واخيرا فوقت الظاهر ان العلقة كانت واعرة جوي علشان ترقدك ف الفرشة طول الوقت ديه لاه واني اللي بقول عليك بقيت مفيش منيك اتنين شوية مقاطيع ملهمش عازة يعملوا فيك اكده تؤتؤ مكنتش اتوقع منيك ديه ابدا، بس ارجع واقول يمكن اخدوك ع خوانه مش اكده بردك كلامي صوح!!! نطقها بسخرية 

نطق ادم باسمه ولسه ملامح الصدمة ع وشه 

دهشاااان!

رد عليه دهشان بملامح كلها قسوة وحدة 

بيه ... دهشان بيه يا ياد يا ادم ولا اوعاك حتة الكلية اللي دخلتها هتخليك تتنطط عليا اياك... لاه ولا تكونش نسيت كمان انك اترفدت من شغلك وبقيت عاطل بلا شغلة ولا مشغلة وكحيان... بس ولا يهمك احنا فيها ومكان ابوك العجوز الهرمان ديه موجود اني مهقدرش افوته لحد غيرك لان ديه اصلك هتعيش وهتموت جنايني يا ابن الجنايني 

بالرغم من ان ادم ف اضعف حالاته وموجود في عرين الاسد كمان الا انه مأظهرش اي ضعف وقال بكل قوة 

وماله الجانيني يا دهشان.. 

سكت شوية كمل 

بيه... ماله الجنايني على الاقل شغلة شريفة مهياش زي شغلانتك ولا تكونش مفكر اني نايم ع وداني معارفش تجارة الممنوعات اللي انت شغال فيها انت وولدك همام وفلوسك الحرام طول السنين داي كلها منيها 

دهشان مهتزش منه شعره وقال وبكل تجبر ولا كأنه هامه البوليس يعرف ولا ميعرفش

حلو اوي يبقى اكده خلينا نتكلم ع المكشوف طالما انك عارف البير وغطاه يبقى نتكلم في الجد ومن غير لف ولا دوران كتير 

ادم 

اممم اوعاك تكون عايزني انت كماني اشتغل معاك تبقى حوصلت هي راخرة

هنا مقدرش دهشان انه يمسك نفسه من الضحك 

هاهاها هي المطاريد كماني عايزاك تشتغل معاهم هاههاها والله وبقيت جربوع بصحيح بس تعرف هتبقى لاقية عليك اوي انك اتكون صعلوك زييهم 

تجاهل ادم اهانة دهشان المتعمدة ليه وقال 

زي ما توقعت عايزني اشتغل معاك 

دهشان اني هتكرم عليك وهلمك من مرمطة الشوارع والخرابة اللي انت عايش فيها وهعطيك فلوس كمان يلا مش هحرمك من حاجة 

رد عليه ادم المرة دي بسخرية 

هه لا فيك الخير فعلا طول عمرك صاحب كرم وايدك طويلة 

قالها ادم وهو بيحاول يقوم من ع السرير علشان يمشي رغم الكسور اللي ف جسمه 

متشكرين لكرمك لحد اكده يا دهشان بيه اللي عملته امعاي ديه ومعالجتك ليا واا 

ولسه ادم هيكمل كلامه 

لقى دهشان بيقول 

لاه الشكر ديه مش بالكلام بس اني ليا فضل كبير عليك وع ابوك من زمان اوي ودلوك اني انقذتك من الموت لولاي كنت مرمي غرقان ف دمك ولا حدش حس بيك الا ذئاب الجبل ينهشوا ف لحمك 

ادم انت غلطان اني حبايبي كتير ولو مكنتش انت ادخلت كان فيه غيرك كان هيعمل اكده يعني انت اتصرفت من نفسك وحشرت نفسيك ف حاجة محدش طلبها منيك ولا ليك دخل فيها 

استشاط دهشان من الغيظ 

اوعاك تنسى نفسيك يا واد الجنايني انت معارفش غضبي بيكون عامل كيف واظنه لسه معلم في جسمك لحد دلوك ولا نسيت 

ادم بصله بحدة وقال بكل قوة وصمود ولا عمري نسيت ولا هنساها ليك اسريتها في نفسي طول عمري ومناسيهاش وهياجي الوقت اللي اخد حقي منيك بس كله بأوانه 

دهشان

 والله عال بتهددني اياك هي حوصلت؟؟ 

ادم مستعد انساها مقابل معالجتك ليا يا دهشان 

دهشان 

لا هتشتغل لصالحي يا ادم 

ادم اعترض 

يلقى اقتلي دلوك وريحني يا دهشان بيه 

دهشان بمكر 

بكلمة مني هترجع شغلك من تاني ومن بكرة كمان ايه قولك يا ادم 

لمعت عين ادم 

وقال بأسى شغلي؟؟؟ 

عرف دهشان انه ضغط ع نقطة ضعف ادم فقال 

ايوا شغلك لو انت عايز ترچعله اعتبر نفسيك رجعتله 

❈-❈-❈

مالك ركب عربيته وقرر يروح بنفسه ولأول مرة لمكان ادم واللي كان متخوف يروح هناك بنفسه لان ادم لو عرف بيغير مكانه فورا لانه مش عايز يقابله 

ولما وصل كان قلبه مقبوض ع صاحبه وفضل يبص ف المكان بحزن شديد ع الحالة اللي وصل ليها ادم من فقر وبؤس وتشرد 

بقى انت سامح لنفسك تقعدوف مكان زي دا يا ادم اللي خلق الشغل دا مخلقش غيره يعني علشان تعمل ف نفسك كدا عارف انه حلم حياتك من زمان بس جايز ملكش نصيب فيه 

قالها مالك وفضل يتفحص المكان بدقة لحد ما لمح بقع دم ع تراب الخيمة فنزل بمستواه للارض وفضل يفرك فيه بإيده ده دم فعلا .. دم انسان 

وهنا الدم جف من عروقه لانه عرف ان ادم ف خطر 

وقال بصوت كله خوف 

اددددم!! 

فاتفاجأ باللب واقف قدامه وبقوله بكل هدوء 

جاي هنا ليه يا مالك انا مش قلتلك متلاحقنيش 

بدون اي مقدمات مالك جري عليه وعطاله بالبوكس 

قلقتني عليك يا غبي 

اتألم ادم وخاصة انه لسه تعبان وجروح وكدمات جسمه لسه مخفتش لكنه كان بيمثل القوة قدام مالك ومتكلمش ولا عمل اي رد فعل

حس بيه مالك وقال 

انت كويس !! 

قد ادم ع الارض وركن ضهره للحيط وراه بتعب 

لسه عايش زي ما انت شايف 

مالك 

ادم هتفضل لحد كدا كتير!! 

ادم 

لحد ما ربنا يأذن وينتهي عمري وأموت 

مالك بغيظ

يبقى موتك هيكون ع ايدي يا ادم 

ادم

ياريت تعملها و تريحني دلوقتي 

نفخ مالك بغيظ 

ماما شوق عايزة تقابلك هروح اجيبها وارجع ولو رجعت وملقتكش في مكانك هنا صدقني مش هيحصل كويس 

اتنهد ادم بتعب ومدد مكانه وانتظر مقابلة شوق يمكن تقدر تخرجه من اللي هو فيه 

وبعدها راح ادم في النوم ولما فاق لقا شوق قدامه ومبتسمة ليه 

فقام بسرعا واتعدل ف قعدته 

اهلا يا ابلة شوق 

شوق 

اهلا بالناس اللي عليها فلوس وهربانة منيها ولا ناوي ناكل عليا فلوسي اياك 

رد بأسى وهو بيبص ليها بشوق 

للاسف مقدرتش اردلك دينك ديه يا ابلة شوق ملحقتش كان بودي وع عيني وانتي عارفة اكده 

شوق واني مشترطش تردلي الدين من خلال شغلك كظابط 

ادم قصدك ايه يا ابلة شوق 

شوق بجدية قصدي انك تقوم تتشملل اكده زي الشاطر وتشوفلك شغالة تاكل منها عيش وتسد منيها دينك اللي عليك ليا ولا هتفضل جاعد اكده محلك سر لاه مهواش ديه اللي اتفقنا عليه اتفقنا تخلص علامك وتشتغل وتردلي فلوسي صح ولا لاه 

بلع ادم ريقه بمرارة مبقاش ينفع خلاص هوري وشي لاهلي وللناس ازاي واني مطرود من شغلي ...

يتبع