نوفيلا رومانسية جديدة أرملة صديقي

تنشر حصريًا على مدونة رواية وحكاية قبل أي منصة أخرى

نوفيلا أرملة صديقي

 نوفيلا جديدة قيد النشر

من قصص و روايات 

الكاتبة أسماء عبد الهادي

الفصل الثاني

تم النشر الخميس

12/12/2024

شهقة كبيرة شهقتها حسنة وهي قاعدة في وسط السرايا مع بنتها فاطمة 

فقالت فاطمة بخوف على امها 

مالك يا اما فيكي ايه كفا الله الشر 

حسنة وهي بتحاول تظبط نبضات قلبها السريعة وترجع لتنفسها الطبيعي 

معارفاشي يا بنتي قلبي مرة واحدة انقبض وحسيت بإحساس مهواش طبيعي سلم يارب سلم 

فاطمة اسم الله عليكي ياما ما تشوفي شر ابدا تلاقيكي شرقتي ولا حاجة 

حسنة لا مهياش شرقة يا بنتي 

وسكتت شوية وبعدين عنيها برقت 

ولدي ولدي جاسم اني قلقانة عليه هاتولي جاسم ولدي 

فاطمة بقلق

 فيه ايه ياما ماله اخوي جاسم بس ما هو في شغله وان شاء الله يكون بخير عتقلقي قلبنا ليه عاد 

حسنة مدت ايديها ناحية بنتها تهزها 

قومي قومي يا بت اندلي ع بوابة السرايا نادي لعم حسين يندلى للأرض يشيع لابوكي وخليه ياجي ف التو والحال همي بسرعا 

فاطمة واه ياما لهو حصل ايه لكل ديه بس هتقلقي بوي ع الفاضي ليه 

حسنة 

لاه لازمن اطمن ع ولدي الحيلة اللي طلعت بيه من الدنيا اني قلبي مش مطمن وبيقول ان حصله حاجة قلبي عليك يا ولدي چرالك ايه بس 

قالتها وبدأت تبكي وتندب وعايزة ابنها جاسم 

فاطمة اشفقت ع امها 

طيب طيب ياما خلاص هقوم اهو اخلي عم حسين بشيع لابوي او هروح لابوي اني بنفسي علشان تكوني مرتاحة بس هدي نفسك انتي بالله عليكي علشان صحتك 

حسنة استر يارب وخيب ظني ويكون ولدي بخير يارب 

❈-❈-❈

اما ع الجانب التاني 

كانت تاج بتتكلم ف الفون مع صاحبتها سمر 

وحشني اوي يا سمر صحيح لسه مسافر مبقالوش يومين لكني حاسة انه بقاله كم شهر وحشني اوي ومش قادرة على بعده عايزاه يرجع بقا 

سمر 

ان شاء الله يرجعلك بالسلامة نشفي انتي بس قلبك وحاولي تشغلي دماغك بأي حاجة بلاش التفكير الكتير دا والانتظار هتتعبي 

تاج 

مش عارفة يا سمر بحاول وحاولت كتير لكني مش عارفة اعمل ايه بيوحشني وبقلق عليه ومش بنام من قلقي والله 

سمر 

فاكرة يا تاج فاكرة لما قولتلك زمان بلاش تتجوزي ظابط لانك حساسة زيادة عن اللزوم ودا مش اي ظابط دا رائد ف الداخلية يعني شغله اخطر من الظابط المدني وكل يوم مهمات واقتحام للخطر وانتي مش هتتحملي دا .. لكنك مسمعتيش كلامي ووافقتي فاتحملي بقا 

تاج اتنهدت بقلة حيلة 

اعمل ايه يا سمر حبيته من اول نظرة عمري ما كنت اتخيل اني هتجوز ظابط ولا كان ف دماغي اصلا اني ارتبط بظابط لكن اول ما شوفته معرفش جرالي ايه عنيه اخدتني لدنيا غير الدنيا وقولت مش عايزة غيره هو وبس علشان يكون جوزي وحبيبي وكل حاجة ف دنيتي 

سمر 

ربنا يباركلك فيه ويرجعلك بالسلامة 

تاج 

مش عارفة ليه المرة دي قلقانة عليه اوي يا سمر وقلبي مقبوض غير كل مرة 

سمر 

بردو يا تاج نفضي عن دماغك الافكار دي بالله عليكي اوعديني يا تاج 

تاج 

حاضر يا سمر هحاول يلا اقفلي بقا زمان جوزك متضايق اني اخداكي منه بس غصب عني معنديش غيرك اكلمه انتي عارفة اني مليش حد وعمي ما صدق اني اتجوز ومبقاش يسأل فيا ولا حتى يحاول يعرف اخباري 

سمر 

يا حبيبتي متقوليش كدا امجد عارف معزتك عندي وكمان بيحب علي واصحاب يعني احنا عيلة واحدة يا تاج 

تاج

 ربنا يخليكوا لينا يارب .. يلا سلام يا حبيبتي وسلامي لكوكو الصغننة لحد ما اجيلها بوسيهالي

سمر عنيا يا قلبي مع السلامه اشوفك ع خير 

❈-❈-❈

اما عند علي وجاسم 

الرصاصة استقرت ف قلب علي 

فجري جاسم عليه بسرعة  وجري بيه لمكان امن بعيد عن طلقات الرصاص وحطه ع الارض بشويش 

وفضل يحاول يسعفه بكل الطرق الممكنة وهو بيبصله بخوف وبينادي علي علي اتماسك ارجوك انا استدعيت الإسعاف علي رد عليا انت سامعني علي!! 

علي اتكلم بضعف وهو بيحاول بيفتح عينه 

متحاولش يا جاسم ملوش داعي خلاص انا بموت  

جاسم 

ماقولش كدا يا علي انت هتعيش ان شاء الله وهنلحقك بعون الله اوعى تستسلم علشان مراتك يا علي فكر فيها وقاوم علشانها 

علي غمض عيونه بألم وقال بمرارة 

تاج .. تاج يا جاسم ملهاش حد غيري ف الحياة.. لو مت هتكون وحيدة 

جاسم

مش هتموت يا صاحبي صدقني مش هتموت قاوم بالله عليك اوعى تفقد ثقتك بالله 

علي 

جاسم اوعدني لو مت تاخد بالك من تاج مراتي.. دي حبيبتي وبنتي وكل حاجة في حياتي هتتعب من بعدي اوعدني انك تكون جنبها بدالي وتحميها وتحافظ عليها 

قالها علي وهو بيلتقط انفاسه الأخيرة بصعوبة 

فغمض جاسم عينه بقلة حيلة وخوف وهو بيشوف صاحبه بيموت قدام عنيه 

وف الوقت دا جه الاسعاف وشالوه وركب معاه جاسم جوة العربية وفضل ماسك ايده جامد وبيدعيله 

يارب يارب نجيه 

علي كان بيحاول ياخد نفسه بصعوبة فشاور لجاسم يشيل جهاز التنفس من ع وشه علشان يكلمه 

فجاسم عمل دا 

وهو بيقول بلاش تتكلم وتجهد نفسك دلوقتي لما تقوم بالسلامه قول اللي ف نفسك 

علي 

قولتلك ملوش لوزم بوصيك بتاج يا جاسم.. اتجوزها هي مش هتسمح ليك تقرب منها وتحميها الا اذا اتجوزتها .. هي مش هتوافق ومستعدة تعيش عمرها وحيدة من بعدي بس قولها ان دي وصيتي اوعى ف يوم تزعلها بالله عليك وقولها اني كنت بحبها.. بحبها اوي 

قالها وعينه دمعت 

قولها متنسانيش يا جاسم وحافظ عليها بدالي

وسكت شوية وبعدين قال 

اشهد ان لا إله الا الله وأشهد أن محمد رسول الله

كل دا كام جاسم بيسمعه وعينه بتدمع مش عارف يوقفها

صاحبه بيروح منه قدام عنيه وهو عاجز مش عارف يعمل حاجة هيعمل ايه خلاص امر الله جه ومات علي خلاص 

انصدم جاسم لما لقا دماغ علي أتلفت الناحية التانية وخلاص مفيش اي نفس خالص ففضل يصيح باسمه

علي علي لا يا علي ارجوك قاوم ... اعملوا حاجة بالله عليكم اسعفوه 

هنا اتكلم الدكتور 

للاسف منقدرش نعمل حاجة خلاص البقاء لله 

هنا صيحة مكتومة خرجت من جاسم عبرت عن اسفه لفقدانه اعز اصدقاءه 

ودا لانه عارف ان الصراخ ع الميت حرام و ان دا بيعذبه ففضل يدب بإيده جامد ف السرير اللي نايم عليه علي 

لحد ما ايده جابت دم وهو مش حاسس ولا واعي لدا 

بعدها حضن علي جامد وهو بيعيط 

مع السلامة يا صاحبي مع السلامة يا اعز وانقى الناس كنت طول عمرك راجل بجد عشت ومت راجل وفخر لوطنك ياللي سيرتك شرف لاي حد مع السلامة يا حبيبي ربنا يرحمك ويغفر لك ويسكنك فسيح جناته

❈-❈-❈

اما ف السرايا وبعد ما جه احمد بسرعة والخوف ع وشه 

فيه ايه بت يا حسنة مشيعالي بتك وچايبني ع ملا وشي ليه فيه ايه عاد انتي مش عارفة اني مشغول وورايا مصالح واشغال ياما!!! 

اتكلمت حسنة بقلق 

ولدي يا حج اني عايزة ولدي دلوك 

احمد 

واه ونچيبلك ولدك منين دلوك عاد كنه عيل صغير اياك علشان تعملي عمايلك داي فيه ايه يا حسنة ما انتي عارفة ان ولدك راچل ومش أي راچب ديه ظابط كد الدنيا ربنا يحميه ويباركلنا فيه 

حسنة

 مليش دعوة يا حج بالله عليك اتصل عليه حتى طمن قلبي المتوغوش عليه اني هموت من القلق عليه 

ولسه احمد هيطلع موابيله علشان يحاول يتصل بابنه لانه عارف مراته مش هتقعد ولا هيهدى ليها بال الا اذا اتصل وطمنها عليه 

لكن بدال ما احمد يتصل بابنه ... لقا هو اتصال من جاسم 

فابتسم وقال 

شوفتي اهو كن ولدك حس بيكي وحب يطمنك بنفسيه 

ولما فتح الخط 

قال ايوا يا جاسم يا ولدي بركة انك اتصلت دلوك امك عاملة مناحة خد يا ولدي كلمها 

لكنه سمع من ابنه كلام خلى وشه يتغير ويقلب بسرعة وقال 

عتقول ايه يا ولدي طيب اني جايلك حالا مسافة السكة يا ولدي 

هنا الدم هرب من عروق حسنة 

ولدي ولدي فيه ايه جراله ايه اني كان قلبي حاسس طمني ع ولدي يا حج 

احمد بلهجة متعجلة 

مهواش دلوك يا حسنة حضريلي خلجاتي بسرعة همي

صرخة عالية اطلقتها حسنة خوف ع ابنها ومن بعديها بنتها فاطمة 

فزعق فيهم احمد 

جاسم ابخير انسدوا دلوك صديقه اتصاب ف المهمة واني رايحلهم المستشفى علشان اكون جارهم 

اما تاج فكانت نايمة فشافت كابوس فقامت بخفة 

اعوذ بالله من الشيطان الرجيم اعوذ بالله من الشيطان الرجيم

يتبع