رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل التاسع والعشرون

تم النشر السبت

21/12/2024

جريت شوق على شنطتها وطلعت شنطة الاسعافات الأولية 

وقعدت البنت على الكرسي 

واه يا  قلبي واقعة بسيطة تعمل ف رجلك اكده ربنا يسترها يا بنتي ابقي خدي بالك ومتجريش أكده تاني 

بصت لها شوق لقتها بتضحك 

فابتسمت لها شوق 

اضحكي يا قلبي ربنا يسعد قلبك محدش واخد منيها حاجة 

البنت ضحكت تاني وقالت 

بتوجعني اوي يا أبلة

فاستغربت شوق ازاي بتوجعها وازاي لسه بتضحك 

فقالت زميلة للبنت كانت واقفة نع مجموعة بنات اتجمعوا حوالين شوق 

هي كدا دايما يا ابلة مش بتحس كل مرة تقع وتنزف وتفضل تضحك وكمان بتكون اصعب من كدا بس عمرها ما عيطت علطول تضحك ولو حد مننا بردو وقع او حصله حاجة بتفضل تضحك 

بنت تانية قالت

احنا مسمينها نورا متبلدة المشاعر علشان بتضحك كل شوية ع الفاضي والمليان

البنت الاولى قالت 

وللسبب دا يا ابلة بنات كتير بقت تتجنبها وتبعد عنها بسبب ضحكها دا

هنا اتغير لون وش شوق وبان على ملامحها القلق فقالت للبنات 

طيب يا بنات روحوا انتوا على فصولكم اتفضلوا

البنات كلهم اتفرقوا ورجعوا على فصولهم ونورا جت تقوم

شوق قالت خليكي انتي يا نورا عايزة اتكلم معاكي شوية 

نورا ابتسمت رغم نبرة صوتها الحزينة 

هو دا اللي كنت عايزة اتكلم معاكي فيه يا ابلة البناات مش بتحبني كلهم بيبعدوا عني محدش عايز يصاحبني رغم اني بحبهم اوي ومش بكون عايزة ازعلهم انا عايزاهم جنبي مش يبعدوا 

شوق 

نورا انتي بتبقى عايزة تكشري او تعيطي فمش بتعرفي؟؟ 

نورا 

ايوا والله يا ابلة انا مش عارفة بضحك ليه بضحك ف مواقف مش بينفع فيها الضحك مثلا زميلتي جابت مجموع وحش اضحك غصب عني حد وقع اتجرح اضحك بردو احيانا في عز خوفي وقلقي بضحك بردو يا ابلة 

شوق 

وبتقعي كتير مش اكده يا نورا 

نورا 

ايوا بقع كتير اوي ودا بيخلي البنات تضحك عليا وانا ابقى عايزة اعيط بش مش بعرف بلاقي نفسي بضحك...احيانا كتير اكون اقع وانا ماشية براحة مش بجري وكمان بمون منتبهه بس مش عارفة فيه ايه ماما اشتكيت لها قالتلي احتمال نقص كالسيوم ووضتني اكل بيض كل يوم واشرب لبن فبقيت اعمل دا بس الحال زي ما هو 

بصلتها شوق شوية وبعدين اخدتها ف حضنها 

حبيبتي انا هجيلك اهو متمشيش هعمل مكالمة بس اكده وراجعة ليكي طوالي 

وطلعت فونها من شنطتها وكلمت وعد 

ايوا يا وعد يا حبيبتي رجعتي البيت ولا لسه 

وعد قالت بنوم وهي قاعدة ع السفرة 

ايوا يا مامي انا بتغدى وبعدين هطلع انام لاني جعانة نوووم بس طبعا مقدرش متغداش والا هاخد وصلة تأتيب معتبرة 

ضحكت شوق 

ايوا اكده خدي بالك من صحتك يا بنتي كلي ونامي ربنا يصلح حالك ويباركلي فيكي 

وعد 

حاضر يا مامي هعمل كدا 

شوق 

خالتك هناء امعاكي اهنه ولا راحت فين 

وعد لا طنط هناء موجودة معايا يا مامي متقلقيش انا عارفة انك موصياها تفضل معايا لحد ما ترجعي انتي وبابي 

شوق 

ايوا يا بنتي اومال هتفضلي لوحدك ف البيت اخاف عليكي يا نن عيني 

وعد 

حبيبتي يا مامي انتي ناوية تتأخري ولا ايه 

شوق 

لاه ان شاء الله هاجي علطول اسيبك دلوك ف أمان اني كنت بطمن عليكي يا قلبي 

وعد اطمني يا مامي انا كويسة يا حبيبتي 

قفلت شوق مع وعد 

واتصلت بجوزها رائد 

السلام عليكم ورحمة الله وبركاته يا دكتور رائد

رائد 

وعليكم السلام ورحمة الله وبركاته يا شوق العمر 

ابتسمت شوق ولسه هتتكلم رائد قال 

ايه خلصتي اجيلك اوصلك؟؟ 

شوق 

اني كنت ناوية اقعد اهنه لأخر دوام الفترة التانية كمان بس الظاهر اكده مش هكمل بقولك يا رائد اسمع الأعراض اللي هقولك عليها دي ، مش دي كلياتها اعراض ال .....

رائد 

ايوا يا شوق فعلا وعلشان نتأكد لازم نعمل فحوصات وتحاليل ف اسرع وقت دي حالة عندك ف المدرسة!! 

شوق 

ايوا للأسف يا رائد بنت زي الورد اكتشفت حالتها بالصدفة 

رائد 

هعدي عليها وجبيها معاكي نتأكد ونطمن على البنت بس الاول كلمي والدتها علشان تيجي معانا وتفهم حالة بنتها كويس اوي 

شوق 

حاضر هعمل اكده يا رائد وربنا يسترها ويسلمها من عنده أني ف انتظارك لحد ما والدة البنت توصل هي كمان

❈-❈-❈

استاذن اياد امه فداء ودخل اوضته 

ورمى نفسه على الكرسي بانزعاج 

وطى راسه وسند دماغه بإيده وهو بيفكرها بغضب 

راسه هينفجر والحزن مسيطر عليه هو عمل ايه علشان يقابل تبلد المشاعر من ابوه كدا 

غمض عينه وبدأ يفتكر ايام زمان وهو صغير 

خالد كان بيحبه وكان مبسوط بيه بيعامله كويس وحنون معاه 

فلاش بااك 

اياد كان بيلعب كورة ف جنينة الفيلا وهو بيشوط الكورة جت ف ازاز شباك الحراچ فانكسر 

اياد بصدمة هييىء الازاز انكسر اعمل ايه انا دلوقتي 

هنا جت فداء على صوت كسر الازاز 

اياد فيه ايه وايه صوت الكسر دا 

واول ما شافت الازاز 

يا نهار ابيض انت كسرت الازاز طب ليه 

اياد 

والله يا ماما كنت بلعب كورة معرفش ايه اللي جاب الكورة عند الازاز فانكسر 

فداء بابا لو عرف هيزعل يا اياد انت مبقتش صغير لازم تصرفاتك تكون مسؤلة اكتر من  كدا... انت الأخ الأكبر ولازم تصرفاتك تكون قدوة لاختك عايزها تقلدك ف كدا.. انت عارف ان كيان متعلقة بيك وبتقلدك ف كل حاجة دي طالبة كورة زي كورتك وهدوم زي هدومك بالظبط علشان تلعب معاك

ضحك اياد 

كل شوية عايزة تلبس زيي يا ماما كل مرة اقولها انتي بنت مينفعش تلبسي لبس الولاد مفيش فايدة دماغها ناشفة 

فداء

 بتحبك علشان كدة بتقلدك وللسبب دا بقولك لازم تصرفاتك تكون مسؤولة لانها بيترتب عليها تصرفات اختك كيان 

اياد 

حاضر يا ماما هاخد بالي في المرة الجاية 

في الوقت دا رجع خالد من شغله ووقف عربيته وقال بابتسامة 

مساء الخير... عاملة ايه يا فداء 

فداء بادلته الابتسامة الصافية 

مساء الخير يا حبيبي حمدا لله ع السلامة جيت بدري النهاردة مش بالعادة يعني

قرب خالد من ابنه اياد ومشى ايده ع شعره 

اه النهاردة قولت اجي اقضي وقتي مع الولاد ... عامل ايه يا بطل 

اياد بص بخوف لأبوه 

اا الحمد لله كويس يا بابا 

خالد لاحظ خوفه 

ايه مالك شكلك متوتر ليه كدا 

فنزل اياد راسه بخزي وفداء قالت 

معلش يا خالد كان بيلعب كورة ومكنش قصده يكسر الازاز

بص خالد قدامه فشاف الازاز المكسور فقال 

وانت زعلان وخايف مني علشان كسرت الازاز يا اياد ؟؟ 

بلع اياد ريقه فربت على كتفه وقال 

انا مش هزعل منك المرة دي علشان عارف انه غصب عنك بس بعد كدا خد  بالك وانتبه كويس وانت بتلعب 

انتهد اياد برتحة وبص لابوه بفرحة 

فقال خالد 

روح نادي ع اختك كيان علشان نلعب كلنا سوا

فداء 

طب نتغدى الاول على الأقل يا خالد 

خالد 

لالا بعدين لما العب مع الاولاد شوية يلا يا اياد نادي لاختك لحد ما اتصل بحد يجي يصلح الازاز دا 

موقف تاني افتكره اياد 

كان راجع البيت متأخر وبيتسحب علشان مامته متشوفوش وماسك كوتش الكورة في ايده وبيبص يمين وشمال 

فقفشه ابوه 

بتعمل ايه كدا وبتتلفت يمين وشمال وبتتسحب زي الحرامية ليه كدا ها انت شكلك عامل عاملة وهدومك متبهدلة ليه كدا 

اياد 

وطي صوتك يا بابا ماما لو عرفت اني خرجت اصلا هتبهدلني

خالد 

كملت كمان خارج من غير اذن ماما ودا ينفع يا اياد دا اللي انا ربيتك عليه انطق كنت فين وازاي تخرج من ورا ماما 

اياد 

اسف والله يا بابا انا كنت بلعب كورة كان ماتش نهائي ومكانش ينفع اسيبه وماما مكانتش موافقة اخرج الا لما اكتب الواجب فضلت اتحايل عليها اني هكتبه لما ارجع بس موافقتش فاضطريت اني اخرج من غير ما تعرف 

ولما اياد بص لابوه ولقا علامات الضيق على ملامحه قال باعتذار 

اسف يا بابا والله مش هكررها تاني بس الماتش دا كان النهائي 

هز خالد راسه وقال 

طيب خلاص هعديها المرة دي بس توعدني انك مش هتكررها تاني 

اياد ابتسم 

اوعدك يا بابا بس ماما هعمل معاها ايه لو شافتني مش هتعدي اليوم على خير

خالد ابتسم بمكر 

دا لو شافتك تعالى انا ههربك على الحمام اللي ف الجنينة ورا تدخل تنضف نفسك وهطلع اجيبلك هدوم نضيفة من اوضتك وتلبسهم وتطلع ولا من شاف ولا من دري يلا بسرعة قبل ما تحس بينا وتبقا حكاية ونتحرم انا وانت من العشا 

ابتسم اياد وجري ع أبوه يحضنه 

خالد رجع لورا وقال وهو بيضحك 

 حاسب يا عم هتعمل ايه هتبهدل هدومي ونتقفش كدا اجري ع الحمام 

ضحك اياد وجري بسرعة ع الحديقة الخلفية ينضف نفسه وياخد شاور ع السريع 

وخالد طلع جابله الهدوم ولبسها وخرج 

ولما دخلوا البيت تاني شافتهم فداء فقالت 

كويس انك جيت يا خالد كيان جعانة ودوشاني من الصبح يلا اتفضلوا ع السفرة وانا هجيب الأكل وجاية حالا 

وهنا كيان جريت على خالد 

بابي حبيبي وحشتني اوي ها جبتلي حاجة حلوة ايه وانا راجع النهاردة 

استقبلها خالد بحضن كبير وشالها وطبع بوسة على خدها بحنان وقال جايبلكم كل اللي طلبتوه انتي واخوكي بس الأول نتغدى وبعدين تشوفوهم 

كيان 

بحب اوي يا بابي

خالد اخد كيان واياد في حضنه وقال وانا كمان يا حبايب قلبي

فاق اياد من زكرياته وهو بيتنهد بحزن 

كنت كويس معايا يا بابا وكويس جدا كمان وانا صغير ليه لما كبرت اتغيرت انا عملت ايه علشان تعاملني كدا قولي سبب واحد لجفاءك دا معايا ليه انا هتجنن

❈-❈-❈

مادونا كانت خلاص هتنام هلكت من المشوار واللي تعبها اكتر هو تمثيل دور الزوجة لمالك 

ولسه يادوب كانت هتغمض عنيها 

حست بحركة غريبة في اوضتها 

فقامت بسرعة وفي لحظة خاطفة كانت واقفة قدام مالك اللي كان داخل الاوضة في العتمة 

مسكت ايده ولوتها ورا ضهره 

انت مين وبتعمل ايه هنا انطق بدل ما ايدك توحشك انا مش بهزر وهعملها خلال ثانيتين وبس 

ضحك مالك وقال 

يخربيتك شرسة اوي في ايه يا بنتي سيبي ايدي هو انتي مفكراني حرامي ولا ايه ابعدي 

مادونا رفعت حاجبها وقالت بضيق 

مالك !! يخربيت كدا انت بتعمل ايه هنا وازاي بتتسحب كدا زي الحرامية خضتني وكنت خلاص هخلص عليك 

مالك بعد ايديها عنه 

يا بنتي ابعدي بقا انتي ما بتصدقي مش بقولك شرسة المعروف عن البنات انهم مسالمين وكيوت كدا ف نفسهم انتي غير يا باي عليكي 

مادونا بعصبية 

سألتك سؤال رد عليه بتعمل ايه في اوضتي يا مالك وليه بتتحسب ف الضلمة كدا ها كنت ناوي على ايه يا مالك قولي علشان الظاهر اني هرتكب فيك جريمة النهاردة ولا هيهمني مهمة ولا غيره 

مالك 

وربنا انتي نيتك وحشة قال جاي بتتسحب في الضلمة بتعمل ايه وكنت ناوي على ايه... يكون في علمك انا لو عايز اعمل حاجة هعملها ف النور ها في النور مش هتسحب زي الحرامية في الضلمة فمتخافيش اوي كدا وبلاش نيتك النيلة دي احنا هنا في مهمة وبس مهمة اعرفي كدا 

بصتله مادونا بغيظ 

داخل اوضتي ليه يا مالك اخلص انا عايزة انام 

مالك 

ما تنامي يا ستي هو انا جيت جنبك ولا حتى صحيتك دا انا حتى دخلت بشويش ونفتحتش النور علشان معملكيش ازعاج واصحيكي واسيبك نايمة براحتك 

مادونا 

ودي اصول بردو تدخل الاوضة كدا من غير استئذان دا اللي اتعلمته في بيتك يا سيادة الرائد 

مالك بانزعاج من كلامها 

اللي اتعملته في بيتي انتي عمري ما تعرفيه وانا عارف الاصول كويس اوي ومش منتظرك تعليمهالي على فكرة وغلط كمان فيا انا مش عايز سامعة وعلى العموم انا كنت داخل اخد الدفاية وماشي تاني وكوني اني مخبطش ولا استأذنت قبل ما ادخل فدا لاني قولتلك اني عارف انك نايمة فمحبتش اعملك ازعاج وهاخدها من سكات 

مادونا 

يا سلام تاخد الدفاية وانا اعمل ايه بقا ان شاء الله انت بتستعبط يا استاذ انت 

مالك 

يا سلام انتي عندك كم لحاف ومتغطية بيهم ومستخسرة فيا الدفاية الكهربا يعني اموت انا من البرد برا علشان سيادتك انانية وعايزة تاخدي كل حاجة 

مادونا 

يا بني ادم ما عندك الدفاية برا ما تشغلها 

مالك 

اشغل ايه اولع الحطب بالليل وانام جنبه علشان اولع انتي بتهزري صح طب اعمليها كدا انتي لو تقدري 

مادونا 

لا بجد بتهزر انت ظابط انت .. انت ليه محسسني اننا متدربناش في الصحرا قبل كدا وقابلنا ظروف اصعب من التلج اللي احنا فيه دا 

مالك 

لاااا وقتها كنا مضطرين لكن انا مش مضطر دلوقتي انا عايز الدفاية دي تلزمني وهاخدها وانتي عندك اللحاف اتغطي بيه وكدا متعادلين 

لسه مادونا هتتكلم 

فقال وهو بيشاور ع دماغه 

ما تتكلميش بقا كفاية انا مش ناقص صداع روحي نامي روحي يا باااي 

مادونا رجعت لسريرها وهي بتنفخ 

اف بجد انسان مستفز انا مش عارفة انا هكمل بقيت المهمة مع البني ادم دا ازاي 

كانت ف قمة غضبها لكنها افتكرت انتقامها منه فابتسمت بمكر وشد اللحاف عليها ونامت وهي بتخطط ازاي هتقضي عليه

يتبع