رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الخامس والعشرون

تم النشر الجمعة

6/12/2024

رجع خالد من شغله في الوقت اللي رجعت فيه كيان هي كمان من جامعتها 

خالد بابتسامة اخد بنته في حضنه 

حمدا لله على السلامة يا كوكي حبيبة بابي عاملة ايه الدراسة كويسة!! اي حد مزعلك قوليلي وانا اتصرف علطول كله الا كوكي قلب بابي 

باسته كيان من خده وهي بتقول 

الله يسلمك يا بابي لا كله تمام الحمد لله متحرمش منك يا حبيبي... حضرتك عامل ايه 

خالد 

انا بخير طول ما انتي بخير يا حبيبتي 

كيان 

مامي فين مش باينه كنت اول ما اجب بتستقبلني علطول 

خالد 

تلاقيها في المطبخ بتحضر الأكل 

كيان 

طيب انا هروحلها لاني واقعة اوي من الجوع 

ابتسم خالد 

تمام وانا هطلع اغير هدومي وهحصلكم 

كيان 

اوك يا بابي 

ولما راحت كيان المطبخ ملقتش فداء 

فاستغربت 

ممم ممكن تبقى فوق في اوضتها هطلع انا كمان اغير هدومي  واخد شاور لحد ما تنزل 

وبعد فترة لاحظ خالد وكيان ان فداء مش موجودة وملهاش اثر 

خالد خبط ع اوضة كيان 

كيان 

كيان 

اتفضل ادخل يا بابي 

كيان كانت بتنشف شعرها بالسشوار واول ما خالد دخل قفلته علشان يتقدر تسمعه 

خالد ايه هي فداء فين انا فكرتها عندك ف الاوضة 

كيان 

لا يا بابي مامس مش هنا وانا روحت المطبخ ملقتهاش ومشفتهاش من وقت ما رجعت 

خالد 

غريبة وانا بردو مش لاقيها ومش باينة معقولة خرجت ؟؟ بس مامتك مش بتروح مكان الا لما تقولي اول مرة تعملها يعني 

كيان 

انا كدا قلقت عليها يا بابي انا هكلمها 

قعد خالد على الكرسي وانتظر بنته تكلم امها وكان خايف ان اختفاء فداء له علاقة بإياد 

ولما اتصلت بيها 

كيان 

الوا ايوا يا مامي حضرتك فين قلقتينا عليكي انتي مش في البيت مش كدا 

فداء وهي بتبص ع اياد اللي قاعد ساكت جنبها ومش مهتم بمكالمتها اصلا 

ايوا يا كيان انا مش في البيت ومش هرجع دلوقتي يا حبيبتي عندك الأكل في المطبخ تقدري تسخنيه وتتغدي 

كيان 

ايوا يعني حضرتك فين انا عايزة اطمن عليكي 

فداء محبتش تقول لكيان حاجة 

فقالت 

بعدين بعدين يا كيان يلا سلام دلوقتي 

كيان اوك يا مامي باي 

خالد باستغراب 

 مامي قالتلك  هي فين 

كيان هزت راسها بعدم معرفة 

مش عارفة يا بابي مقالتش قالت هتقولي بعدين وقالت كمان انها مش هترجع دلوقتي وبصراحة انا مش فاهمة حاجة 

خالد بضيق يعني ايه مامتك خارجة من البيت وارجع من شغلي ملقيهاش ومعرفش هي فين ... انا هكلمها 

واتصل خالد بفداء 

فداء انتي فين 

اخدت فداء نفس عميق واتكلمت بهدوء 

 خالد لو انت قدام كيان دلوقتي من فضلك ابعد عنها علشان متسمعش المكالمة 

خالد خرج من اوضة بنته وقال 

اديني خرجت ها ممكن اعرف مراتي فين وخرجت ليه وازاي من غير اذني 

فداء 

خالد انا مش راجعة البيت الا لما اياد يرجع 

هنا خالد فهم كل حاجة وقال بانزعاج وعصبية 

اه هو لحق يقلبك عليا وسيادته عامل مقموص وساب البيت كمان والله عال يبقى يقابلني لو رجع ليه تاني وانتي يا هانم لو مرجعتيش البيت ف خلال ساعة هيكون ليا تصرف تاني معاكي 

ولما قفل خالد مع فداء اتنهدت بانزعاج 

وبعدين بقا انا فكرته هيزعل علشان اياد ساب البيت وهيجي يرجعله ويصالحه جبت القسوة دي كلها على ابنك منين يا خالد 

هنا ساب اياد موبايله وبص لأمه 

ماما من فضلك روحي البيت بابا مش هيسكت وخايف يزعلك وانا مش عايز لحضرتك المشاكل 

فداء 

لا يا اياد باباك محتاج وقفة ورجوعي البيت مش هيحلها خالد لازم يعرف انه غلط حقك ويجي يعتذرلك كمان مش عيب لو غلطنا نعتذر ونصلح الغلط

اياد 

مش بابا يا ماما انتي لسه مفهمتيش بابا ولا ايه بابا عمره ما هيجي هنا علشان يصالحني او يعتذر عن اتهامه ليا ممكن يجي هنا في حالة واحدة بس علشان يجي ياخدك ترجعي البيت او علشان يبهدلني اكتر غير كدا مظنش ابدا

هنا فداء مقدرتش تمسك نفسها من البكا واخدت ابنها في حضنها وعيطت 

اياد اخد نفس عميق وخرج امه من حضنه 

علشان خاطري ارجعي يا ماما تعالي انا هوصلك بنفسي بابا مش هيسكت 

فداء 

لا يا اياد مش هرجع الا لما بابا يصلح من معاملته ليه ان الاوان اني اخد موقف ع تصرفاته دي 

اياد ملوش لازمة ومش هيفيد بحاجة انا مش راجع البيت مهما حصل وخلاص ممكن تقفلي ع الموضوع دا عن اذنك يا ماما 

وسابها ودخل اوضته وفداء فضلت مكانها تعيط ودا اللي قدرت عليه

❈-❈-❈

تاني يوم

كان كل الظباط واقفين بيرحبوا برجوع ادم لشغله من تاني واولهم مالك اللي مكانش مصدق نفسه وهو شايف صاحبه واقف قدامه ببدلته العسكرية وواقف بكل شموخ وهيبة من تاني وكأن روحه اتردت ليه من جديد وكأنه واحد تاني تماما عن اللي كان عليه امبارح وكأن شهور ضعفه وانهزامه مكانش ليها اي وجود تماما او كانت مجرد كابوس وانتهى 

قرب كل واحد منهم يسلم عليه بحفاوة ويرحب بيه 

وكان اخرهم مالك اللي مكتفاش بالسلام لا دا اخده ف حضنه وقال 

مبااارك رجوعك لمكانك يا حضرة الرائد ادم متعرفش فرحت قد ايه بالخبر رغم اني اتفاجئت لانك مجبتليش سيرة بس ملحوقة يا عم 

ادم 

الله يبارك فيك يا صاحبي كل حاجة جت بسرعة انا نفسي معرفش ازاي 

مالك بس احكيلي عملت ايه علشان تقنع اللوا برجوعك 

ادم مرضيش يقول لمالك ع اتفاقه مع دهشان فقال 

دا حوار يطول شرحه هبقى اقولك عليه بعدين 

مالك احترم رغبته دي 

وقال تمام يا باشا وحشني الشغل معاك اوي انت في غيابك حصل حاجات كتير اوي واولهم اني اتدبست تدبيسة سودا

هز ادم راسه باستفسار 

اتدبست!!! 

لسه مالك هيرد عليه جاله اتصال 

فرد عليه 

ايوا يا وعد وصلتي!! طب انا نازلك حالا لا متدخليش خليكي مكانك عند العربية وانا هجيلك الاماكن هنا ممكن تتوهك انا نازلك حالا 

استغرب ادم المكالمة وقال 

وعد!! دي وعد بنت ابلة شوق 

مالك 

ايوا هي هنزل بس اجيبها ونكمل كلامنا هرجعلك تاني انت واحشني جدا 

 ولما جه يتكلم وقفه ادم 

استنى بس اقف هنا وكلمني لو هي وعد فهي جاية هنا تعمل ايه ها

مالك قال بنبرة استعجال

لاا حوار يطول شرحه هبقى اقولك عليه بعدين 

كشر ادم وقال بغيظ 

انت بتردهالي بقا 

ضحك مالك 

ههه لا صدقني كل الحكاية اني مستعجل علشان انزل لوعد لانها واقفة لوحدها ف مكان غريب عليها فأكيد يعني مش هينفع اسيبها تقف لوحدها كتير ... سلام يا صاحبي 

وقف ادم ف الشباك علشان يتابع مالك وفضل يتلفت علشان يشوفهم لكن مقدرش يشوفهم من مكانه ابدا 

فنفخ بضيق 

وبعدين قال بمكر 

لقيتها 

واتحرك بسرعة من مكانه 

❈-❈-❈

وصل مالك لوعد وقال وهو بيرحب بيها 

الدكتورة وعد بذات نفسها عندنا هنا ايه الهنا اللي احنا فيه دا 

ابتسمت وعد 

تعرف اني خايفة من المكان هنا اوي مش عارفة انا عقلي كان فين لما سمعت كلامك ووافقت اجي اشتغل هنا 

مالك بمزاح

 يا شيخة انتي تطولي..  اصلا مش اي حد يقدر يشتغل هنا واحمدي ربنا ان الفرصة دس جتلك 

وعد 

ليه ماله الشغل ف المستشفى العادية ليه يعني اشتغل ف مستشفى عسكري وظباط واوامر ونواهي وتعقيدات 

مالك 

اه ابتدينا التزمر من اولها لا شكلك مش هتنفعي هنا .. هنا القوانين قوانين والتزام مش عايز اقولك ازاي وبتسري ع الكل بدون استثناء 

وعد 

عارفو بأمارة اللي حصل لآدم مش هنسى ابدا ومن وقتها مش حابة الشغل هنا اساسا بس لما لقيت ماما موافقة فوافقت وخلاص 

مالك 

ادم رجع شغله خلاص الحمد لله 

وعد

انت بتهزر صح ادم رجع شغله والله بجد؟ طب محدش بلغني ليه وماما مقالتش يعني 

مالك 

يا بنتي محدش كان يتوقع اصلا انا اتفاجئت زيك بالظبط بس والله كانت احلى مفاجئة 

وعد 

اه الحمد لله هو مظلوم ميستاهلش اللي حصله 

وهنا جه ادم اللي كان عامل انه رايح مشوار مهم 

ايه دا فيه حد بيجيب في سيرتي اتاري جفن عيني عمال يرف وودني عتصفر 

مالك 

ادم انت رايح فين يا ابني انت لحقت 

ادم لاه مشوار أكده 

وعد 

ازيك يا حضرة الرائد حمدا لله على السلامة فرحت اوي اول ما عرفت برجوعك لشغلك 

ادم بابتسامة واسعة 

الحمد لله في نعمة يا دكتورة منورة الحربية كلها بس يا ترى بتعملي ايه اهنه خير.. فيه حد داسلك على طرف 

وعد 

وهو حد يقدر وانتوا موجودين 

ادم 

في دي عنديكي حق بس بردك مش فاهم ايه سبب وجودك اهنه اوعي تقولي فضولك دفعك انك تيجي تزوري المكان 

وعد 

لااا المكان دا اخر مكان ممكن يجي ف بالي اني ازوره من الاساس 

مالك 

على فكرة انتي ظالمة المكان هنا ولو تجولتي فيه هتعرفي بنفسك هتنبهري 

وعد 

اممم مش متأكدة صراحة ومش متحمسة 

مالك 

وعد روحي انتي متنفعيش هنا 

ضحكت وعد 

انا قولت كدا من الاول 

ادم بغيظ 

ممكن تفهموني فيه ايه بدل ما اني اكده عامل زي الاطرش في الزفة 

مالك كان عارف ان الفضول اخد مالك ودفعه انه ينزل يشوفهم علشان كدا قال بمكر 

ادم انت مش كنت رايح مشوار هتتأخر عليه يلا 

ادم 

عارف يا مالك لو منطقتش دلوك هعمل فيك ايه

مالك ضحك 

لا يا عم الطيب احسن خلاص هنقولك وعد يا سيتي جاية تشتغل هنا ف صيدلية المستشفى وكمان علشان اختبارات المعلمين تبع مسابقات التربية والتعليم القرارات الجديدة اللي انت عارفها دي 

توقعت وعد ان ادم يباركلها ع شغلها هنا 

لكن ادم قال بسرعا ومن غير تفكير 

ايه تشتغل هنا لا طبعا هي من قلة الاماكن جايبها الحربية يا مالك انت هتهزر 

اتفاجئت وعد برد فعل ادم

اما مالك قال 

ايه يا ابني دا اكتر مكان امان وكمان هتشتغل هنا يومين بس ف الاسبوع علشان مذاكرتها ورسالتها اللي بتحضرها 

اتضايقت وعد فقالت 

اا مالك ممكن توريني مكان شغلي من فضلك 

عرف ادم انها زعلت فقال 

اني اسف مش قصدي ازعلك اني كل الحكاية ان المكان اهنه محتاج خشونة وانتي رقيقة مهتتحمليش الوضع والمفترض ان مالك عارف اكده يعني اول واحد المفترض يعارض غ وجودك بس منيش عارف عقله ديه كان فين وهو بيعرض عليكي الشغل 

مالك 

على فكرة اللوا بنفسه اللي رشحها مش انا اللي طلبت شغلها هنا 

ادم 

وانتي رايك ايه يا وعد موافقة ولا جاية مجبرة 

وعد 

عادي مش هتفرق كله شغل اي نعم عمري ما فكرت اني اجي اشتغل هنا ف يوم من الايام بس الله اعلم لعله خير 

ادم 

يبقى على بركة الله طالما معندكيش مانع ربنا ينفع بيكي ويوفقك ... بو احتاجتي اي حاجة اني ومالك في الخدمة 

وعد 

شكرا ليك يا حضرة الرائد 

قالتها ومشيت مع مالك اللي شاور بعينه لادم انهم ماشين فهزله دماغه وقال بصوت عالي 

موفقة يا دكتورة وعد 

ولما مشيت فضلت الابتسامة ع وش ادم مش عارف مصدرها ولا سببها لكن المهم انه مبسوط ومزاجه رايق

❈-❈-❈

اما ادم فركب عربيته فعلا وانطلق في طريقه للوجهه اللي هو مخطط لها علشان يفاجئها 

❈-❈-❈

وليد راح لوالده ف الشركة 

فقال ابوه 

اخيرا دكتور وليد حن علينا وجه الشركة وشوفنا وشه مرة قبل ما نموت لا غريبة دي اكيد فيه ان ف الموضوع اصلك عمرك ما عملتها 

وليد 

ازيك يا بابا عامل ايه 

شبيب 

انت جايلي الشركة هنا علشان تسألني عامل ايه.. كنت تقدر تسألني في البيت   لما ارجع 

وليد 

بصراحة يا بابا انا جايلك في مساعدة 

شبيب 

عايز فلوس ولا ايه الكريديت بتاعتك فين لحقت خلصت اللي فيها 

وليد 

لا لا مش حكاية فلوس خالص الموضوع بخصوص البنت اللي بحبها 

شبيب فهم بس بيستعبط 

اي بنت!! 

وليد 

وعد يا بابا حضرتك عارف اني بحبها مش ان الاوان بقا اني اتقدم ليها خلاص اتخرجت من الجامعة ومبقتش صغير 

شبيب 

ممم وانت حد مانعك انت لو عايز دا مكنتش ضيعت ثانية وطلبت مني نروح نتقدم لها 

وليد بارتباك 

ما هو اا ماهو اصلي حاسس انها مش موافقة وخايف اروح نترفض وانا مش حابب دا 

شبيب 

ترفضك انت ليه هي مش عارفة انت ابن مين 

وليد 

يا بابا مش حكاية ابن مين والكلام دا... انا كان نفسي تحبني زي ما بحبها انت قولت اسكت واصبر وانت هتساعدني انها تكون ليا في يوم من الايام 

شبيب  

يعني انت عرضت عليها وهي رفضت؟؟ 

وليد 

مش بالظبط كدا يا بابا بس هي مبتدنيش وش خالص 

شبيب 

البت دي تنكة طالعة لخالها ومش هيجي معاها غير حوار كدا لو انت وافقت عليه اعتبرها ليك من بكرة بس يعني اشمعنى البنت دي فيه بنات احلى منها مليون مرة ويتمنوا بس تبصلهم 

وليد 

مش عايز غير وعد يا بابا بحبها من اول ما عرفت يعني ايه حب قلبي مش شايف غيرها ولا هيشوف اتحملت السنين دي كلها ودخلت صيديلة زيها وذاكرتك واتفوقت علشان توافق عليا علشان اكون مناسب ليها 

شبيب بغضب 

لا انت واقع وحالتك حالة وانا مبحبش كدا .. البنت دي شكلها مش سهلة وعرفت نقطة ضعفك وبتحاول تمسكك منه 

وليد 

لا يا بابا خالص. وعد مش كدا .. دي اطيب ما يكون وبريئة  ورقيقة وحلوة اوي

شبيب بسخرية 

يا نن عين امك انشف يلا كدا بحرو تجيبهالك راكعة تحت رجليك وتتمناك انك تتجوزها وتفضل تتكنك عليها زي ما هي بتعمل 

وليد 

مش عايز كدا يا بابا ساعدني اقرب منها وبس 

شبيب بخبث 

وماله اصبر على ابوك وشوف هيعمل ايه

❈-❈-❈

مالك كان واقف هو ومادونا قدام اللوا فقال بصدمة 

ايه احنا لازم نسافر دلوقتي!!! طب اهلنا محدش فينا عمل استعداداته ولا سلم ع اهله 

اللوا بحزم 

مش مطلوب منك غير بطاقتك يا حضرة الرائد علشان كتب كتابك واختار حد من زمايلك علشان يكون شاهد ع عقد الجواز اتحرك حالا 

مالك 

اوبااا وكمان جواز كملت دي شكلها مهمة منيلة بنيلة

يتبع