رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الرابع والعشرون

تم النشر الأحد

1/12/2024

مادونا بصتله بانزعاج 

نعم احنا هنهزر ولا ايه يا حضرة الظابط 

مالك ببرود 

والله انتي اللي بتزاحمي علشان تدخلي ولا كأنك في سبق رغم اني اللي جاي الأول ولسه هدخل لقيتك بتحاولي تتخطيني وتدخلي 

مادونا 

والله اللي اعرفه ان ليدز فيرست "Ladies first "،ولا انت مش بتفهم في الزوق يا قليل الزوق 

مالك 

اه دا اللي انتي حافظاه من الانجليزي يا جاهلة 

مادونا اتنرفزت اكتر 

انا جاهلة انت قد كلمتك دي وبتوجهها ليا انا ...اسحب كلامك فورا 

مالك

يا سلام يعني دي اللي ضايقتك اوي ما انتي لسه قايلة عليا قليل الزوق وانا سكت ومعلقتش يعني 

مادونا 

لا انت زودتها عن اللزوم وانا مش هسكت انا هعمل فيك بلاغ وهوديك في ستين داهية 

مالك 

تمام ان كان للسبب دا انا كمان هعمل بلاغ اشمعنى انتي هو انتي تهنيني وانا اسكت ولما اردهالك تزعلي اما عجيبة حقيقي 

اللوا كان سامع صوتهم العالي دا 

فقام اتحرك من مكانه 

وفتح الباب وبصلهم وهما واقفين ف الطرقة اللي بتؤدي لمكتبه 

وقال بحدة 

ايه اللي بيجرا هنا والله عال اعلى قيادات عندي بيتخانقوا مع بعض وقدام مكتبي كدا علنا كمان كويس اوي 

مالك ومادونا وقفوا انتباه 

مالك 

تمام يا فندم اسفين حضرتك 

ماندونا 

انت اللي تتأسف لوحدك انا معملتلوش حاجة يا فندم هو اللي اعترض طريقي وبدأ ف ازعاجي وانا مكانش ينفع اسكت 

اللوا

رجع مكانه وقال 

تعالوا ورايا ع مكتبي حالا 

مالك بص لمادونا بغيظ

عاجبك اهو قلب علينا متعرفيش تقفلي بوءك وتعتذري وخلاص 

مادونا 

انت اللي غلطان وانت اللي تعتذر مش انا 

مالك

 مفيش فايدة فيكي وشكلنا هناخد جزا احنا الاتنين يمكن دا يريحك 

تجاهلته مادونا ومشيت قدامه وراحت عند اللوا 

ولما وقفوا الاتنين قدام مكتبه ادوا التحية 

تمام يا فندم 

اللوا بصرامة 

انا كنت مستدعيكم النهاردة علشان اشوف رايكم ف اللي قولته وانكم تكونوا فريق واحد ... لكن بعد اللي شوفته وسمعته دلوقتي 

مالك اتنهد براحة وقال ف نفسه

الحمد لله مش هتكون في فريقي انا كنت عايز ارفض بس مكنتش عارف اجيبها للوا ازاي مكانش ينفع ارفض طلب يطلبه مني وكويس انها جت منه 

مادونا قالت في نفسها هي كمان 

ايه ييي طب انا كدا هقرب من الزفت دا ازاي علشان انتقم منه دا انا اللي سعيت اني اكون معاه في تيم واحد الظاهر انا لازم اشوف خطة تانية طالما دي فشلت 

لكن كل من مالك ومادونا اتفاجئوا باللوا بيقول 

علشان كدا قررت اني مش هاخد رايكم من اصله وهحطكم قدام الامر الواقع انتوا هتكونوا ف تيم واحد ودا امر مبقاش ليكم حرية الاختيار فيه 

اتصدم مالك واتنهدت مادونا براحة وابتسمت بخبث 

لكنها اتصدمت اكتر من مالك لما كمل اللوا كلامه 

ومش بس تيم واحد هتشتغلوا سوا وتأدوا المهمة سوا ... لا انتوا هتتجوزوا 

متلك ومادونا تنحوا والاتنين قالوا ف نفس واحد 

ايه!! نتجوز!! 

مالك 

انا اتجوز دي!! 

مادونا 

انا اتجوز دا دا لو اخر راجل في العالم لا يمكن اتجوزه 

مالك 

قال يعني انا اللي طايقك اصلا مالك متنكة ع ايه 

مادونا 

استحالة اتجوز البني ادم دا 

اللوا 

ممكن تسكتوا انتوا الاتنين وتسمعوا كلامي 

الاتنين سكتوا وبصوا للوا 

فرفعت مادونا ايديها 

ممكن بس اعقب ع حاجة يا سيادة اللوا؟؟ .. انا مينفعش اتجوز الكائن دا مينفعش والله انا ليا اسبابي انا اسفة 

وهنا استغل مالك الفرصة وقال 

وانا يا سيادة اللوا مش عايز اتجوزها انا مش بفكر في الموضوع دا دلوقتي خالص ويمكن بعد النهاردة الغيه من قاموسي خالص 

اللوا 

قولت دا مش بمزاجكم وكمان موضوع الجواز دا علشان المهمة تنجح انا عارف يا مالك انك من عيلة محافظة ومش هينفع تفضل انت ومادونا ف مكان واحد ويمكن ف اوضة واحدة من غير جواز ولما احكيلكم ع تفاصيل المهمة هتفهموا اكتر انا قولت ليه كدا

مالك 

عيلة محافظة ايه يا فندم لا لا انا والدي كان نفسه يشتغل رقاصة قال محافظة قال.. الجوازة دي لا يمكن تتم 

اللوا 

خلص الكلام في الموضوع دا ومش مسموح فيه الرفض ولو واحد فيكم حب يرفض المهمة يبقى يقدم استقالته معاها ... اتفضلوا ع شغلكم 

ولما كل واحد فيهم بدأ يتحرك بأرجب متثاقلة مش عاجبهم الوضع اللي اتحطوا فيه 

اللوا نادى ع مالك 

استنى يا مالك عايزك 

مالك بصله ببصيص امل يمكن يغير رايه بينما مادونا تابعت ف طريقها وخرجت 

اللوا فهم اللي بيفكر فيه مالك وقال 

متفرحش كدا اما عايزك في شغل تاني غير المهمة دي 

كشر مالك وبص للوا بقلة حيلة 

تحت امرك يا فندم وتوقع انه هيسأله عن ادم لكنه ساله عن.....

❈-❈-❈

كان لابس عمامة فوق راسه ومغطي بيها وشه مش باين غير عينه الحادة اللي زي الصقر 

وواقف مع دهشان وحاطط ايده في ايد دهشان 

فقال دهشان بفرحة 

هو ديه الكلام الصوح انت اكده عين العقل بصحيح انت فكرت صوح واخترت طريقك صوح من بكرة يا حضرة الظابط ترجع شغلك وتنوره من تاني واحنا اكيد لينا لقاءات كتير مع بعض 

هزله ادم راسه من غير ما يتكلم  

فقال دهشان بس زي ما اني هعملك اللي انت رايده وهرجعك شغلك لازمن انت كمان تثبتلي حسن نيتك وتعمل اللي هقولك عليه 

بصله ادم باستفسار اكتر هو عايز منه ايه بالظبط 

فقال الدهشان 

المقاطيع وذئاب الجبل عايزك تخلصلي عليهم كلياتهم ميفضلش فيهم كلب معرفه الا ونخلص عليه ومتخافش هبعت معاك الرجالة اللي انت عايزها علشان تتم المهمة دي.. اما المقاطيع اللي محدش يعرف عنيهم حاجة وحاصة زعيمهم مسيرهم يقعوا تحت يدي ووقتها هيكون مسيرهم زي اللي سبقوهم 

هزله ادم راسه بالموافقة لانها بالنسبة ليه فرصة للانتقام من اللي عملوه فيه 

دهشان

 اكده عال العال حدد الوقت والمكان اللي عايز الرجال فيه الرجالة وهما هيكونوا عنديك بالثانية 

❈-❈-❈

جريت فداء وراه وتخطته ووقفت قدامه وقالت بإصرار وعينيها كلها دموع 

اياد انت مش هتخرج من هنا 

اياد بص لأمه بوش مكسور الخاطر 

مش هقعد هنا ثانية واحدة ولو حصل ايه فمتحاوليش معايا يا ماما 

فداء 

طالما انت مصر تمشي يبقى رجلي على رجلك مش هتخرج من هنا الا وانا معاك مكان متروح مش هسيبك 

اياد 

لا طبعا انتي هتفضلي هنا بنتك وجوزك محتاجينك انا مش محتاجني في حاجة و مش مرحب بوجودي اصلا وسطكم 

فداء 

بتقول ايه يا اياد انت فرد من العيلة يا حبيبي وان كنت شديت مع والدك شوية او زعلت منه مهياش نهاية العالم عارفة انه جه عليك جامد واني غلطانة اني مأخدتش موقف من زمان اوي يوقف خالد عن حدة بس لسه الفرصة قدامنا يا اياد نصلح كل حاجة 

اياد بقلب يائس اللي انكسر مش هيتصلح مهما حصل جوزك خالد بيه بيتهمني اني سرقت شركته اني سرقت شركة بابا تصوري!! 

اتصدمت فداء من اللي سمعته ومكانتش متوقعة خالد يعمل كدا 

ايه خالد يعمل كدا .... ليه كدا يا خالد بس 

اتنهد اياد بقلة حيلة واتحرك ف طريقه 

لكن فداء منعتخ وشدت ايده وقالت باصرار 

اصقولتلك مش هتخرج من هنا الا ورجلي ع رجلك يا اياد انا جاية معاك 

قالتها وشبكت ايديها في ايدين ابنها ومشيت معاه 

اياد 

يا ماما هتيجي معايا تعملي ايه كيان محتاجاكي اكتر مني وكمان انا مش عارف أنا رايح فين او هقعد فين  

فداء 

بيتي القديم لسه موجود ومعايا المفتاح استنى هروح اجيبه وهلبس ونمشي سوا 

اياد 

علشان خاطري انتي يا ماما خليكي هنا انا مش عايزك تهدي بيتك علشاني 

فداء 

انا اضحي بعمري كله علشانك يا حبيبي انا اسفة اني تجاهلت معاملة خالد ليك وسبت الموضوع لحد ما تفاخم كدا حقك عليا يا حبيبي 

قالتها واخدته في حضنها وعيطت 

اياد 

خلاص يا ماما ارجوكي متعيطيش 

فداء 

لا يا اياد انا غلط ف حقك انا منفعش اكون ام انا تجاهلتك وتجاهلت معاناتك لما لقيتك ساكت وفضلت انا اتفرج الغلطة غلطتي يا ابني وانا دلوقتي بدفع التمن بخروجك من البيت.. علشان كدا همشي معاك ومش هرجع الا لما خالد يحسن من معاملته ليك 

اتنهد اياد بانزعاج 

مبقاش فيه اي تعامل بينا بعد النهاردة خلاص ربنا يسهله يا ماما 

قلب فداء انفطر وهي شايفة ابنها منهار كدا وراحت لبست هدومها وجابت شنتطتها والمفتاح ورجعت لابنها 

شال اياد شنطته وشنطة امه وخرجوا من البيت لقوا يزن في طريقهم 

يزن قال بخضة 

اياد انت كويس قلقتني عليك يا غبي وانت هنا في البيت وقافل فونك ليه عمو عساف قالب عليك الدنيا هو فيه ايه 

ولما مردش اياد ويزن انتبه للشنط اللي ف ايدين اياد قال 

استنوا لحظة طنط فداء حضرتك كويسة؟؟؟ شايلين الشنط ليه هو فيه ايه انا مش فاهم حاجة وايه اللي بيحصل بالظبط 

اياد 

مش وقته كلام يا يزن شيل معايا الشنط دي على عربيتك وصلنا لان عربيتي مشطبة بنزين  

يزن 

طب انتوا رايحين فين طيب 

اياد

 ممكن تتحرك وانت ساكت 

يزن 

طيب يا عم منزوقش حاضر هتحرك والله ما فاهم حاجة خالص 

ولما استقروا كلهم في العربية 

قال يزن 

طيب افتح فونك طمن عمو عساف قلقان عليك 

اياد

 ابقا كلمه مليش مزاج اكلم حد دلوقتي 

فداء

 يزن تعرف بيتي القديم كنت جيت فيه قبل كدا فاكره ؟

يزن 

اه يا طنط فاكره طبعا... هو حضرتك اتخانقتي مع خالو خالد ولا ايه 

اياد بنرفزة 

يزن قولتلك سوق وانت ساكت لاما تنزلنا وتريحني 

يزن 

يا باي عليك طيب هسكت بس لينا كلام مع بعض وقت تاني لما تهدا 

في الوقت دا اتصل عساف 

اللي قال بعصبية 

يزن انت فين انت كمان مش قولتلك اتطمن على اياد وطمني يا زفت 

يزن 

فيه ايه كله بيزعق فيا ليه كدا انا معملتش حاجة يا ناس 

عساف زعق اكتر 

يزززن سمعت بقول ايه 

يزن بخوف 

خلاص خلاص اسف... انا مع اياد وطنط فداء اطمن هو كويس 

عساف 

هو فين دلوقتي انطق 

يزن 

احنا ف العربية رايحين لبيت طنط فداء القديم ومش فاهم فيه ايه هو فيه ايه بالظبط 

عساف 

طب اقفل اقفل دلوقتي 

ولما قفل مع يزن بدأ يكلم نفسه 

كنت متوقع حاجة زي دي اياد ساب البيت طبعا لو حق خالد زودها المرة دي اوي .. بس فداء رايحة معاه ليه غريبة!! 

❈-❈-❈

اول حاجة مالك عملها بعد ما خرج من شغله انه طار بعربيته لبيت شوق 

واول ما وصل فضل ينادي عليها 

ماما شوووق ماما شوووق الحقيني الحقي ابنك يا ماماااا 

جريت شوق عليه في خوف ولهفة 

فيه ايه يا حبيبي مالك يا ابني انت كويس فيك ايه يا قلب طمني حاسس بإيه بينا نروح على الدكتور 

مالك 

الحقيني يا ماما انا هتجوز 

شوق تنحت 

ايه تتجوز؟؟؟ طب وايه اللي يخوف في الجواز يا مالك انت راجل ملو هدومك ربي يحميك لشبابك قلقان من ايه 

مالك 

انتي مش عارفة حاجة يا ماما ومش عارفة مين دي اللي هتجوزها دي اخر واحدة كنت افكر اني اتجوزها من اصله 

شوق 

وماله يا ابني محدش عارف نصيبه فين ساعات النصيب بيجي مع حد عمرنا ما كنا نتوقعه ابدا او نفكر ف اننا نشوفه ف يوم من الآيام بس جواز ايه اللي جه في دماغك مرة واحدة ديه وانت عمرك ما لمحتلي يا واد 

بص مالك حواليه وقال 

اقعدي يا ماما انا هحكيلك كل حاجة بس دا هيفضل سر ما بينا محدش يعرف بيه وخاصة ماما والا هتقع من طولها لو عرفت بدا ....

❈-❈-❈

قعدت دنيا جنب امها بزهق 

اوف بقا انا زهقت يا مامي ومش عارفة اعمل ايه 

قسمت

 فيه ايه يا روحي مين زعلك بس روقي كدا علشان بشرتك متجعدش 

دنيا 

اللي اسمه يزن يا ماما مش معايا خالص ومش عارفة اعمل معاه ايه كل لما احس اني بدأت اقرب ليه الاقيه متجاهلني تماما الظاهر كدا ان البنت اللي اسمها لوجي اللي بيحبها دي اخده عقله خالص انا كلهم مش بياخدوا في ايدي غلوة اشمعنى دا 

قسمت 

ممم بقا دا اللي مزعلك... الولد طالع لابوه لما بيحب بيخلص بجد ودا اكتر شىء معلقني بمهند علشان كدا انا كنت قاعدة دلوقتي بفكر في حل للموضوع دا لحد ما لقيته

دنيا 

حل ايه دا يا مامي قوليلي عليه 

قسمت 

هقولك اسمعي 

ولسه هتقولها ع اللي هينفذوه سوا 

دخلت مادونا ورمت نفسها ع الكنبة باهمال 

هاي يا جماعة 

مردتش عليها قسمت ولا اهتمت ليها 

لكن مادونا قالت وهي مصدومة

انا هتجوز مالك 

قسمت مصدقتش اللي سمعته وقامت بسرعا ناحية بنتها ومسكت ايديها وقالت بسعادة 

بجد يا دودي دا احسن خبر سمعته في حياتي

يتبع