نوفيلا رومانسية جديدة أرملة صديقي

تنشر حصريًا على مدونة رواية وحكاية قبل أي منصة أخرى

نوفيلا أرملة صديقي

 نوفيلا جديدة قيد النشر

من قصص و روايات 

الكاتبة أسماء عبد الهادي

الفصل الأول

تم النشر الإثنين

9/12/2024

تاج كانت واقفة بتحضر الغدا ف المطبخ ولما خلصت كل حاجعة وحطت الأكل على السفرة 

نادت على جوزها علي علشان يتغدى 

على الاكل جاهز يلا هيبرد وانت مش بتحبه بارد

سمعته بيقول 

حاضر دقايق يا تاج وجاي علطول 

فحطت هي الأكل ع السفرة وؤاحت ليه للأوضة 

لقته بيظبط ف شنطة السفر وبيرتب هدومه فيها 

فقالت بدهشة 

ايه دا انت مسافر يا علي؟؟ 

على شغل يا تاج ما انتي عارفة طبيعية شغلي 

تاج بس انت مقلتليش معقول يا علي  كنت هتسافر من غير ما تقولي 

على قرب منها وحاوطها بايده وقال 

لا طبعا انا كنت هقولك واحنا قاعدين على الغدا انا بس قولت بم انك بتعملي الغدا وانا قاعد مش ورايا حاجة فاستغل الوقت واظبط شنطة السفر 

انسلت تاج من بين ايديه وقال بصوت متحشرج وكأنها عايزة تعيط 

اا انا نسيت اطباق السلطة هروح اجيبها وانت حصلني 

عرف علي انها زعلانة فمشي وراها للمطبخ لقاها فعلا بتعيط 

فحاوط وسطها بدراعه وقال بهمس 

حبيبي بيعيط ليه بس ميهونش عليا زعله ابدا 

حاولت تمسح دموعها وهزت راسها بالنفي

لا انا مش زعلانة ااا دا البصل اللي دخل ف عيني 

ضحك علي 

هههه طب عيني ف عينك كدا.. حبيبتي انتي اساسا مش بتحبي البصل ع الساطة ومحرماه عليا يبقى بصل ايه اللي خلاكي تدمعي ... انا طلعت وحش اوي علشان مزعل الجميل دا حقك عليا يا روح قلبي طب اعاقب نفسي ازاي اختاري العقاب اللي يناسبك 

لفت وشها ليه وقالت 

متسبنيش يا علي انا بخاف... بخاف كل لما تسافر لمهمة وافضل حاطة ايدي ع قلبي لحد ما ترجع 

على  

على عيني يا تاج اني اسيبك لوحدك والله بس ظروف شغلي تحتم عليا كدا ودي اوامر عليا مينفعش ارفضها وعلى كلٍ اوعي تخافي اومال الحراسة اللي انا حاططها ع البيت من برا دول ايه.. متخافيش رجالة جوزك اسود يقرفشوا اي حد يحاول يهوب ناحية البيت وانا مش موجود

تاج 

يا علي مش خايفة علشان هكون لوحدي بقدر ما انا خايفة عليك انت ... انت مهماتك  صعبة وبتعرض نفسك للخطر بخاف عليك 

علي 

متخافيش يا حبيبتي جوزك زي القط بسبه ارواح افخري بجوزك انه بيقدم مهام جليلة للوطن وبيقدم روحه فداء ليه

حطت تاج بسرعة ايديها ع بوء علي وقالت 

اششش بعيد الشر عنك متقولش كدا ابدا ربنا يطول ف عمرك يا حبيبي وترجعلي بالسلامة 

على ميك ايد تاج وباسها بكل حنان ورقة 

ان شاء الله يا حبيبتي هرجعلك بالسلامة... يلا بقا ناكل لاني جعان اوي والأكل هيبرد وهضطر اكله علشان مزعلش القمر حبيبي مني اللي تعبان طول اليوم بيحضرلي كل ما لذ وطاب

ابتسمت وقالت 

طبعا هتاكله وذنبك ع جنبك اومال يعني هروح اسخنه تاني 

علي ضحك 

لا طبعا يا فندم هو انا اقدر اعارض كلام القمر بتاعي هاكله طبعا من سكات وهيكون زي العسل لانه من ايدين القمر بتاعي ربنا يخليكي ليا يا حبيبتي 

وحاوطها بٱيده ومشيوا سوا للسفرة 

واول ما شاف الاكل قال 

يا سلام بط ومحشي ايه دا بقا لا انا امي دعيالي بقا الله يرحمها يارب متحرمش منك يا روح قلب علي 

ونسيب تاج وعلي يتغدوا ف سعادة وهنا 

ونروح عند جاسم

في سرايا عيلة المنشاوي اكبر عائلات الصعيد 

اتجمع الكل على سفرة الأكل 

كبير العيلة الجد توفيق المنشاوي وابنه العمدة احمد المنشاوي 

وع يمينه قعدت مراته الست حسنة وجنبها بنتها فاطمة الأخت الصغرى لجاسم 

قالت حسنة 

كلوا بالهنا والشفا ع قلبكم... عملتلك يا حاج توفيق الوكل اللس عتحبه كلياته كله بالهنا والعافية 

توفيق تسلمي يا مرة ولدي الغالية تسلم يدك طول عمرك نفسك حلو جوي ف الوكل 

حسنة ابتسمت وفرحت بثناء توفيق عليها 

ان شالله يخليك يا حاچ ياللي دايما اكده رافع معنوياتي ومكبرني وسط الكل 

توفيق اومال دا انتي الكل في الكل ما تقول حاجة يا احمد 

اتنحنح احمد وبص لحسنة بحب 

انتي عنديكي شك في اكده يا حسنة يا ست الدار ؟؟ 

حسنة اتسعت ابتسامتها 

كفاية عليا الكلمتين الحلوين دولن منك يا رجلي وتاچ راسي 

هتا تنحنحت فاطمة وقالت 

ايه دا يا چماعة نحن هنا الا ما فيه حد فيكم جبر خاطري بكلمة واحدة دي امي بلا فخر مخرطة السلطة داي كلياتها 

ضربتها امها ع كتفها 

انتي تسكتي خالص يا بت انتي ... دا انتي عافلة ولا تعرفيش تعملي حاجة وربنا ما اني عارفة لما تتچوزي هتهببي تعملي ايه ... چوزك هيرچعك من تاني يوم 

فاطمة 

اني اصلا معيزاشي اتچوز اني هفضل چاركم اهنه بناقص من الچواز يعني اللي اتچوزوا خدوا ايه يعني 

حسنة زعقت 

واه تفي من بوءك يا بت انتي قال هتفضلي چارنا اهنه ديه اني منى عيني تتچوزي اليوم قبل بكرة 

فاطمة واه ياما عايزة تخلصي مني هيا حوصلت كاني قاعدة ع قلبك ياما 

حسنة قالت بنرفزة 

بت انتي انس منيش عايزة عكننة دلوك سيبي مزاجي رايق وقومي شوفي اخوكي جاسم اتأخر ليه لحد دلوك ف اوضته هو عارف مواعيد الوكل وعمره ما خلفها واصل 

فاطمة  قامت واتحركت ببرطمة 

حاضر ياما ما هو انا المرمطون اهنه ف الدار كل هبابة جوي چيبي وودي يارب توب عليا بقا 

سمعها جاسم اللي كان خارج من اوضته فابتسم وقال 

قردتي الصغيرة بتبرطم تقول ايه ها سمعيني اكده 

قالت فاطمة بضيق 

يوووه يا خوي متقولش عليا قردة اني خلاص كبرت وبقيت انسة كبيرة كد الدنيا 

انخرط جاسم ف الضحك وهو بيقول 

بيقيتي قردة كبيرة يعني حاضر يا قردة يا كبيرة 

فاطمة بنرفزة اكتر 

يووه يا خوي بطل بقا الكلمة دي 

ولما رفعت راسها لاخوها ادركت انه لابس البدلة العسكرية 

فقالت واه 

انت مهتتغداش امعانا ولا ايه... انت عنديك شغل دلوك... لااااه انت لسه توك راچع من يومين يا خوي معقول هتعاود تاني ملحقناش نشبع منيك 

جاسم قرب منها وباس راسها 

يا حبيبتي مهمة مستعجلة هخلصها ان شاء الله واخد بعدها علطول اجازة علشان اقعد معاكم انا فعلا الفترة دي يعتبر مكنتش بشوفكم فعلا حقكم كلياتكم عليا 

فاطمة 

يا حبيبي يا خوي ربنا يخليك لينا ويرجعك لينا سالم 

❈-❈-❈

ونزلوا هما الاتنين انضموا بقيت العيلة 

جاسم السلام عليكم صباح الخير يا سيد الناس 

وقرب ع ايد جده وباسها 

توفيق اصباح الخير يا ولدي 

جاسم قرب من ابوه 

صباح الخير يا بوي 

احمد صباح الخير يا جاسم يا ولدي انت هتندلى ع شغلك ولا ايه 

رد جاسم وهو بيقرب من امه وبيبوس راسها 

ايوا يا بوي مهكة مستعجلة...

ولما باس راس امه 

قال صباح الخير يا اماي عاملة ايه يا غالية 

حسنة اصباح الخير يا ولدي كيفك يا غالي وكيفها صحتك 

جاسم اني بخير ياما طول ما انتم بخير 

حسنة مهمة ايه داي يا ولدي انت توك لساتك راجع من مهمة مبقالكشي يومين  

جاسم 

مانتي عارفة يا ماي طبيعة شغلي مهياش جديدة عليا يعني ادعيلي ياما ربنا يسلم طريقي المهمة المرة داي واعرة جوي 

حسنة بقلق ع ابنها 

عتوغوش قلبي عليك ليه يا ولدي 

ابتسم جاسم متقلقيش ياما الرب واحد والعمر واحد  واللي مكتوب على الجبين لازمن تشوفه العين 

حسنة ربنا معاك يا ولدي وترجعلي سالم غانم ديه انت الحيلة يا ولدي 

قرب جاسم من امه وقال متحرمش من دعواتك الطيبة داي يا ما يلا مش هتوكليني ولا ايه ولا همشي اكده ع لحم بطني

حسنة مسكت طبق ابنها وبدأت تغرف ليه 

واه وداي تاجي قال تمشي على لحم بطنك قال امسك يا ولدي كل واتغذى ورم عضمك يا ضنايا امسك 

❈-❈-❈

ولما على وتاج خلصوا اكل ساعدها على ف تنضيف السفرة وغسل الأطباق 

وراح بعدها علشان يلبس 

تاج مبطلتش بكا 

اخدها علي ف حضنه وفضل يسكت فيها 

خلاص بقا يا روحي همشي ازاي وانتي بتعيطي كدا طب اقعد وبلاها المهمة دي واتجازى فيها ولا ايه انا عندي استعداد اتجازى لمخالفتي الأوامر بس انتي متكونيش زعلانة 

هزت راسها بالنفي 

لا انا مش عايزاك تتجازى انا عايزاك تفضل معايا 

على باس راسها 

هخلص المهمة وهرجعلك علطول يا قلبي 

تاج وعد يا علي هترجعلي بسرعا 

علي وعد يا روح علي اني ارجعلك علطول... لا اله الا الله 

تاج محمد رسول الله 

وحضنها علي اخر حضن كان طويل اوي 

لدرجة ان تاج استغربته لكنها معلقتش لانها مكانتش عايزة تخرج من حضنه ابدا

❈-❈-❈

وفي المهمة 

كان جاسم وعلي اللي هما اصدقاء وزملا من سنين 

مشتركين سوا ف المهمة دي 

كانت كل حاجة ماشية كويس وزي الخطة بالظبط 

والنصر كان حليف علي وجاسم 

وقدروا يجمعوا كل المعلومات اللي مطلوبه منهم عن الموقع 

وخلاص ماشيين وبيرجعوا كم مكان ما جم اتفاجىء علي وجاسم برصاصة غاشمة 

اخترقت جسم واحد منهم وصابت القلب مباشرة فأصبح قاب قوسين أو أدنى من الموت المحتم لا محالة 

يتبع