نوفيلا رومانسية جديدة أرملة صديقي

تنشر حصريًا على مدونة رواية وحكاية قبل أي منصة أخرى

نوفيلا أرملة صديقي

 نوفيلا جديدة قيد النشر

من قصص و روايات 

الكاتبة أسماء عبد الهادي

الفصل الرابع

تم النشر الأحد

15/12/2024

وصل جاسم مع تاج لبلده ف الصعيد 

وكان طول الطريق ساكت مش بيتكلم صديقه اللي مات كان شاغل كل تفكيره 

قطع الصمت دا  لما وقف بالعربية وقال لتاج 

حمدا لله على السلامة وصلنا 

اتكلمت تاج وهي بتبص حواليها للبلد بإعجاب 

هي دي الصعيد انا اول مرة اشوفها 

جاسم بهدوء 

هبقى اخلي فاطمة اختي تاخدك جولة فيها تتعرفي عليها كلها بس بعدين... معلهش استني في العربية لحظة لما اقول لأهلي وأرجعلك 

تاج 

ايه دا يعني هما مش عارفين اني جاية معقول اطب عليهم كدا افرض مش مستعدين او جيت ف وقت مش مناسب 

جاسم 

يبقى انتي متعرفيش عوايدنا عاد احنا السرايا اهنه مفتوحة ٢٤ ساعة للغريب قبل القريب مهتقفلش ف وش حد واصل بنستقبل ضيوف في اي وقت متشليش هم الموضوع ديه الصعيد اهنه أهل الكرم والواجب اني بس هدخل اعطيهم علم واشوف لو حد غريب چوا وراچعلك 

تاج 

تمام ماشي مفيش مشكلة 

ودخل جاسم بيته فلقى ابوه اللي كان قاعد مع بعض الرجالة ف المندرة 

واول ما شافه قام وقف 

حمدا لله ع السلامة يا ولدي احنا جهزنا كل حاجة... وواقفين ع الدفن منتظرينك 

بلع جاسم غصة مريرة في حلقه واتكلم بصوت جاهد انه يخرج 

ماشي يا بوي انا چاي حالا بس اديني لحظة اعرفها على امي 

احمد 

مهتقولش ليها يا ولدي تحضر دفنة چوزها 

جاسم 

لاه مش هقولها دلوك 

احمد 

كيف ديه يا ابني ازاي چوزها ومتعرفش بموته 

جاسم علشان ينهي الجدال ف الموضوع دا 

هتعرف في الوقت المناسب يا بوي الله يرضى عنيك اني مش حمل جدال دلوك 

احمد 

ماشي يا ولدي اعمل اللي يلد عليك انت ادرى بموصلتها 

هنا اتكلم واحد من اللي قاعدين 

البقاء لله يا جاسم باشا ربنا يرحمه منچلكوش ف حاجة وحشة واصل 

جاسم البقاء والدوام لله شكر الله سعيكم يا حج صالح 

وبعد كدا استأذن ودخل جوا السرايا فكانت امه وفاطمة واقفين 

واول ما شافته حسنة 

انت بخير يا ضنايا حمدا لله ع السلامة 

جاسم 

الله يسلمك يا امي اني بخير 

فاطمة 

البقاء لله يا خوي ربنا يرحمه ويسكنه فسيح جناته 

جاسم اللهم امين ..مرته جوا ف العربية هروح أجيبها عايزكم تحطوها جوة عنيهم مبقاش ليها حد دلوك بعد ربنا غيرنا وطبعا مهتعرفش بخبر موت زوجها لسه فمحدش يجيب سيرة واصل ولا يبين شىء اتعاملوا معاها عادي 

حسنة 

واه كيف ديه لازمن تعرف يا ولدي ميصحش متعرفشي يعني جوزها مهتاخدش عزاه؟؟

جاسم 

ايوا ياما اني عارف اني بقول ايه وبعمل ايه كويس تاج مهتعرفش اي حاجة دلوقتي خالص 

حسنة اللي تشوفه يا ولدي حاضر 

بص جاسم لفاطمة 

وانتي يا فاطمة عايزك تصاحبيها وتحسسيها انها اختك هي يعني اكبر منك بكم سنة بس يعني اظن هتتفاهموا مع بعض 

فاطمة حاضر يا خوي في عنيا متقلقش والله صعبانة عليا جوي 

جاسم 

الأمر لله من قبل ومن بعض والله المستعان اني هروح اجيبها 

وبالفعل رجع جاسم للعربية وفتح الباب وقال

تعالي اتفضلي يا مدام تاج 

خرجت تاج من العربية 

فقال جاسم معلش اتأخرت عليكي كم حد وقفني كلمني متواخذنيش 

تاج 

لا عادي ولا يهمك 

جاسم يلا اتفضلي معاي 

واخدها عند والدته جوا السرايا 

اللي اول ما شافت تاج قالت 

بسم الله ماشاء الله ايه الجمال والحلاوة ديه كلياتها زي فلقة القمر يا بنتي حمدا لله على السلامه نورتي الدار والبلد كلياتها 

تاج

 الله يسلمك يا طنط اتمنى مكونش ضيفة تقيلة عليكم 

حسنة متقوليش كدا يا بنتي دا انتي نورتينا والله

جاسم 

مدام تاج دي امي الست حسنة ودي اختي الصغيرة فاطمة 

فاطمة اهلا بيكي يا تاج نورتينا 

تاج ازيك يا فاطمة مبسوطة اني شوفتك قمورة اوي 

فاطمة وربنا انتي اللي قمر ١٤ طلعتي حلوة اوي ربنا يحميكي 

حسنة همست لجاسم 

البنية جميلة زي البدر المنور وصغيرة ف السن.. صغيرة ع انها تبقى ارملة يا حبة عيني ربنا يصبر قلبها يا ضنايا يا بتي 

جاسم 

اما الله يرضى عنيكي انا بقولك هي لسه متعرفش حاجة 

حسنة ماشي يا ابني خلاص هسكت 

جاسم يلا يا مدام تاج اتفضلي مع فاطمة هتوريكي اوضتك ترتاحي وانا هروح مشوار كدا وراجع تاني عن اذنكم 

فاطمة تعالي اتفضلي معايا يا تاج اوريكي اوضتك 

وطلعت تاج مع فاطمة 

اما جاسم فراح بحضر دفنة صاحبه وياخد عزاه ف البلد 

ولما رجع بعد وقت 

لقا امه واخته قاعدين ومعاهم تاج اللي باين ع ملامحها أن فيها حاجة مضايقها 

السلام عليكم ورحمة الله وبركاته 

حسنة وعليكم السلام ورحمة الله وبركاته كويس انك جيت يا ولدي علشان تشوف تاج معيزاشي تقعد واصل 

جاسم بص لتاج وقال 

فيه ايه يا تاج فيه حد ضايقك او زعلك ولا حاجة مأظنش امي او اختي فاطمة زعلوكي دولن ينحطوا ع الجرح يطيب 

تاج 

فعلا طبيين اوي وانا حبيتهم لكن انا عايزة امشي من هنا

جاسم 

انتي لحقتي تقعدي علشان تمشي دا انتي يا دوب ساعتين اللي قضيتهم اهنه ايه الغربة لحقت كلتك 

تاج 

انا عايزة علي هو فين اشمعنا انت صاحبه رجعت وهو لا علي بيكون معاك دايما هو علطول  بيقولي كدا انه بيكون معاك في المهمات

اخد جاسم نفس عميق وقال 

يا ريتني كنت معاه بس المهمة داي اختاروه لوحده بس ...محدش بيده حاجة 

حست تاج بالقلق اكتر 

على كويس مش كدا ؟؟ 

جاسم 

جرى ايه بس لكل ديه ما انتي كنتي هادية ليه قلقتي وخوفتي اكده بس... قولتلك أنتي اهنه وسط اهلك وناسك ووسط عيلتك التانية متشيليش هم واصل

تاج 

مش عارفة فجأة كدا حسيت باحساس مش طبيعي حسيت اني عايزة اطمن ع علي ... عايزة ارجع بيتي استناه هناك 

جاسم 

لاه موضوع رجوع دلوك مفيش رجوع ديه اوامر علي ولا يمكن التراجع بيها انتي اهنه وسطينا هتروحي هناك تعملي ايه لوحديكي 

تاج 

هستناه زي كل مرة بيروح مهمة ويسبني اشمعنا المرة دي طلب اني اقعد هنا هو ناوي يطول ولا ايه 

جاسم 

ايوا هيطول شوية علشان اكده طلب تبقي معانا اهنه ف امان يلا اتفضلي اطلعي ع اوضتك وارتاحي ... جبتلها الوكل ياما ولا لسه فين كرمك يا ست الدار اللي معروفة بأم كرمك يكفي النجع كلياته 

حسنة 

جبتلها الوكل لحد السرير يا ولدي لكنها مرضيتش تمد يدها يمته واصل وواقفة ع حيلها من وقتها وكأن حيية قرصتها 

جاسم 

ليه اكده يا مدام تاج هو ديه اللي اتفقنا عليه انتي عايزة تزعليني منك ولا ايه 

هنا اتكلمت تاج وبدات الدموع تنزل من عنيها لا اراديا 

انا حاسة بإحساس مش طبيعي حاسة بحاجة وحشة حصلت لعلي وانت مخبي عليا كلكم مخبيين عليا انا اول ما جيت هنا قلبي انقبض حاسة ان علي مش بخير مش بخير ابدا وانت ... انت مش ف حالتك الطبيعية الحزن مالي وشك وبتحاول تداريه... حتى طنط وفاطمة لابسين اسود وكأنهم زعلانين 

جاسم 

ديه لبس البلد اهنه عادي الاسود مش دليل ع الحزن 

تاج 

لا مش جوة البيت الكلام دا لو خارجين مثلا متحاولش تخبي عني فيه حاجة انا حاسة انا قلبي بيدلني علطول لما علي بينصاب ف مهمة انا بحس بيه بعرف علطول بيرجع وهو مخبي عليا ومش بيقولي لكني بعرف قلبي بيقولي من غير ما هو بيقول وقلبي دلوقتي مقبوض مقبوض جدا فيه نغزة مش طبيعية حسيتها من كم يوم ورجع الاحساس اتجدد دلوقتي اول ما انت مشيت ... متخبيش عليا طمني ع علي ارجوك 

حسنة وفاطمة بصوا لبعض 

همست حسنة لفاطمة 

يا ضنايا يا بتي حاسة بجوزها دي الظاهر كان روحها فيه دي لو عرفت ممكن تروح فيها

فاطمة

 بس هتعرف عاجل أو اجل هتعرف... انا مش موافقة جاسم اخوي ع انه ميقولهاشي لحد دلوك دي مرته من حقها تعرف

تاج لجاسم 

ارجوك متخبيش عليا عارفة انه ممكن يكون موصيك علشان متقوليش لان علي بيخاف على زعلي جدا وبيجي على نفسه كتير علشان ميقلقنيش بس ازاي مقلقش عليه وهو روحي وقلبي وكل حياتي مقدرش اعيش من غيره 

جاسم غمض عينه مكانش قادر يسمع كلام تاج بعد كلامها دا هيقولها ايه هي صعبت المهمة اوي عليه 

فهنا سمع صوت تاج بتصيح 

انا كدا اتأكدت ان علي مش بخير سكوتك دا اكدلي انا احساسي ميخيبش .. علي فين يا علي... علي 

قالتها وحاولت تجري لبرا السرايا 

فجري جاسم ناحيتها بسرعة وقال 

استني بس يا مدام تاج رايحة فين 

تاج

 ابعد كدا من وشي لو سمحت انا رايحة اطمن ع علي جوزي 

جاسم 

هتروحي فين بس انتي عارفة هو فين 

تاج 

لا مش عارفة بس هروحله شغله وهسأل وهعرف هو فين وهروحله ولو كان في اخر الدنيا مش هسيبه لوحده في شدته ابدا لازم اكون جنبه عن اذنكم 

جاسم عرف انه مش هيعرف يوقف تاج 

فقالها كلمة الجمتها خلت كل حواسها اتشلت ومبقتش تتحرك 

جاسم 

علي ربنا اختاره لينال الشهادة نحسبه عند الله من الشهداء